- (
87232
ᠪᠦᠬᠡᠴᠤᠤᠯ ᠪᠤᠶᠤ ᠪᠠᠷᠭᠤ ᠪᠦᠬᠡᠴᠦᠦᠯ
2018-08-23 09:04
183
0
ᠪᠦᠬᠡᠴᠤᠤᠯ ᠪᠤᠶᠤ ᠪᠠᠷᠭᠤ ᠪᠦᠬᠡᠴᠦᠦᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄ 2018-03-16
— ᠬᠠ᠊ · ᠠᠮᠤᠷᠵᠢᠷᠭᠠᠯ ᠤᠨ ︽ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠦᠬᠡᠴᠤᠤᠯ ᠤᠨ ᠲᠡᠥᠬᠡ ᠲᠡᠮᠳᠡᠭᠯᠡᠯ︾ ᠢ ᠤᠡᠭᠰᠢᠭᠰᠡᠨ ᠲᠦᠷᠦᠭᠳᠡᠯ
ᠪᠦ᠋ᠬᠡᠴᠤᠤᠯ ᠪᠤᠶᠤ ᠪᠦᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠨᠠᠭᠠᠳᠤᠮ ᠭᠡᠪᠡᠯ ᠮᠤᠩᠭᠤᠯᠴᠤᠳ ᠤᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠲᠤᠳᠠᠭᠳᠠᠵᠦ ᠪᠤᠯᠤᠰᠢ ᠦᠭᠡᠢ ᠨᠢᠭᠡᠨ ᠲᠦᠷᠦᠯ ᠵᠦᠢᠯ ᠪᠤᠯᠬᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠵᠠᠭᠤᠷ ᠰᠤᠶᠤᠯ ᠪᠠᠶᠢᠵᠦ᠂ ᠡᠷᠲᠡ ᠳᠡᠭᠡᠷᠡ ᠦᠶᠡ ᠠᠴᠠ ᠤᠳᠤ ᠪᠤᠯᠲᠠᠯᠠ ᠦᠨᠳᠦᠰᠦ ᠤᠳᠤᠮ ᠵᠠᠯᠭᠠᠨ᠂ ᠦᠵᠡᠭᠴᠢᠳ ᠲᠦᠮᠡᠨ ᠤ ᠪᠠᠨ ᠨᠢᠳᠤᠨ ᠤ ᠴᠢᠮᠡᠭ ᠰᠡᠳᠬᠢᠯ ᠤᠨ ᠪᠠᠭ᠋ᠠᠷᠬᠠᠯ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠠᠳᠡ ᠪᠢ ᠬᠠ᠊ · ᠠᠮᠤᠷᠵᠢᠷᠭᠠᠯ ᠤᠨ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ︽ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠦᠬᠡᠴᠤᠤᠯ ᠤᠨ ᠲᠡᠤᠭᠡ ᠲᠡᠮᠳᠡᠭᠯᠡᠯ︾ ᠤᠡᠭᠰᠢᠭᠰᠡᠨ ᠲᠦᠷᠦᠭᠳᠡᠯ ᠢᠶᠠᠨ ᠲᠤᠤᠷᠠᠬᠢ ᠬᠡᠳᠦᠨ ᠲᠠᠯᠠ ᠪᠠᠷ ᠬᠤᠷᠢᠶᠠᠩᠭᠤᠢᠢᠯᠠᠨ ᠲᠡᠮᠳᠡᠭᠯᠡᠪᠡ᠃
ᠨᠢᠭᠡ᠂ ᠪᠠᠷᠭᠤ ᠪᠦᠬᠡ ᠶᠢᠨ ᠲᠦᠢᠮᠦ ᠪᠠᠶᠢᠳᠠᠯ ᠨᠤᠮ ᠳᠤ᠂ 18 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠶᠢᠨ ᠦᠶᠡ ᠠᠴᠠ ᠤᠳᠤ ᠪᠤᠯᠲᠠᠯᠠᠬᠢ ᠬᠤᠶᠠᠷ ᠵᠠᠭᠤᠭᠠᠳ ᠵᠢᠯ ᠤᠨ ᠲᠤᠷᠰᠢᠬᠢ ᠪᠠᠷᠭᠤ ᠪᠦᠬᠡᠴᠤᠤᠯ ᠤᠨ ᠲᠤᠬᠠᠢ ᠪᠢᠴᠢᠵᠡᠢ᠃ ᠲᠤᠬᠠᠢᠢᠯᠠᠪᠠᠯ ᠪᠠᠷᠭᠤ ᠪᠦᠬᠡ ᠶᠢᠨ ᠲᠡᠥᠬᠡᠨ ᠶᠠᠪᠤᠴᠠ᠂ ᠪᠠᠷᠢᠯᠳᠤᠭᠠᠨ ᠤ ᠤᠨᠴᠠᠯᠢᠭ᠂ ᠤᠷᠠ ᠮᠡᠷᠭᠡᠵᠢᠯ᠂ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ᠂ ᠲᠦᠷᠢᠮ ᠭᠤᠷᠢᠮ᠂ ᠡᠮᠦᠰᠭᠡᠯ ᠵᠠᠰᠠᠯ᠂ ᠰᠦᠷ ᠵᠢᠪᠬᠤᠭᠠ᠂ ᠰᠤᠶᠤᠯ ᠤᠨ ᠠᠭᠤᠯᠬᠤᠨ ᠵᠡᠷᠭᠡ ᠦᠨᠳᠦᠰᠦᠨ ᠡᠯᠧᠮᠧᠨ᠋ᠲ ᠤᠳ ᠢ ᠠᠩᠭᠢᠯᠠᠨ ᠪᠠᠭᠳᠠᠭᠠᠵᠦ᠂ 130 ᠭᠠᠷᠤᠢ ᠪᠦᠬᠡᠴᠤᠳ ᠤᠨ ᠨᠠᠮᠲᠠᠷ ᠢ ᠲᠠᠨᠢᠯᠴᠠᠭᠤᠯᠵᠦ᠂ ᠭᠡᠷᠡᠯ ᠵᠢᠷᠤᠭ ᠢ ᠨᠢ ᠬᠠᠪᠰᠤᠷᠭᠠᠵᠠᠢ᠃ ᠨᠡᠩ ᠴᠦ ᠲᠤᠮᠤᠭᠲᠦ ᠪᠦᠬᠡ ᠢᠰᠢᠭᠡᠨ ᠪᠦᠬᠡ ᠠᠴᠠ ᠡᠬᠢᠯᠡᠭᠡᠳ ᠲᠡᠭᠦᠨ ᠠᠴᠠ ᠨᠠᠰᠢᠬᠢ ᠦᠶᠡ ᠦᠶᠡ ᠶᠢᠨ ᠪᠦᠬᠡᠴᠤᠤᠯ ᠤᠨ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠵᠠᠢ᠃ ᠵᠤᠬᠢᠶᠠᠭᠴᠢ ᠠᠴᠠ ᠪᠦᠬᠡ ᠪᠤᠯ ᠬᠦᠴᠦ ᠲᠠᠮᠢᠷ ᠤᠨ ᠲᠡᠮᠡᠴᠡᠭᠡᠨ ᠪᠤᠯᠬᠤ ᠪᠦᠭᠡᠳ ᠪᠠᠰᠠ ᠴᠦ ᠤᠷᠠ ᠤᠬᠠᠭᠠᠨ᠂ ᠮᠡᠭᠡ ᠮᠡᠷᠭᠡᠵᠢᠯ ᠤᠨ ᠦᠷᠢᠰᠦᠯᠳᠦᠭᠡᠨ ᠪᠤᠯᠬᠤ ᠤᠴᠢᠷ ᠠᠴᠠ ᠪᠦᠬᠡ ᠪᠠᠷᠢᠯᠳᠤᠬᠤ ᠨᠢ ᠵᠦᠪᠬᠡᠨ ᠪᠦᠬᠡᠴᠤᠳ ᠤᠨ ᠲᠤᠷᠪᠢ ᠲᠡᠩᠭᠡᠬᠡᠨ ᠳᠤ ᠯᠡ ᠪᠠᠶᠢᠬᠤ ᠪᠢᠰᠢ᠂ ᠨᠡᠩ ᠴᠢᠬᠤᠯᠠ ᠨᠢ ᠳᠡᠳᠡ ᠨᠠᠷ ᠤᠨ ᠤᠢ ᠪᠢᠯᠢᠭ ᠲᠤᠨᠢ ᠪᠠᠶᠢᠳᠠᠭ ᠭᠡᠰᠡᠨ ᠢ ᠲᠤᠪᠤᠶᠢᠯᠭᠠᠵᠦ᠂ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠪᠤᠯ ᠡᠷᠡᠰ ᠰᠢᠭᠤᠳᠤᠮᠠᠭᠠᠢ ᠰᠦᠰᠦ ᠵᠤᠷᠢᠭ᠂ ᠬᠤᠷᠴᠠ ᠰᠡᠷᠭᠡᠭ ᠮᠡᠳᠡᠷᠡᠮᠵᠢ᠂ ᠬᠤᠷᠳᠤᠨ ᠭᠠᠪᠰᠢᠭᠠᠢ᠂ ᠠᠮᠢᠲᠦ ᠴᠤᠪᠤᠭᠤᠯᠢᠭ᠂ ᠤᠶᠠᠨ ᠬᠠᠳᠠᠨ ᠪᠠᠷᠢᠯᠳᠤᠬᠤ ᠠᠷᠭᠠ᠂ ᠲᠡᠰᠪᠦᠷᠢ ᠳᠠᠭᠠᠭᠠᠮᠠᠭᠠᠢ ᠰᠡᠳᠬᠢᠴᠡ ᠶᠢᠨ ᠲᠦᠪᠯᠡᠷᠡᠩᠭᠦᠢ ᠲᠤᠰᠬᠠᠯ ᠮᠦᠨ ᠭᠡᠳᠡᠭ ᠢ ᠬᠤᠷᠢᠶᠠᠩᠭᠤᠢᠢᠯᠠᠨ ᠦᠭᠦᠯᠡᠪᠡ᠃ ᠲᠤᠰ ᠨᠤᠮ ᠢ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠠᠶᠢᠯᠪᠤᠷᠢ ᠶᠢᠨ ᠰᠢᠨᠵᠢ᠂ ᠯᠠᠪᠯᠠᠯᠲᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠤᠨ ᠰᠤᠳᠤᠯᠭᠠᠨ ᠤ ᠰᠢᠨᠵᠢ᠂ ᠰᠤᠨᠢᠷᠬᠠᠯ ᠳᠠᠭᠠᠰᠢᠶᠠᠯ ᠤᠨ ᠰᠢᠨᠵᠢ ᠶᠢ ᠪᠠᠭᠳᠠᠭᠠᠭᠰᠠᠨ ᠪᠦᠲᠦᠭᠡᠯ ᠭᠡᠬᠦ ᠳᠤ ᠪᠤᠯᠤᠨᠠ᠃
ᠬᠤᠶᠠᠷ᠂ ᠪᠠᠷᠭᠤ ᠪᠦᠬᠡᠴᠤᠤᠯ ᠲᠤᠰ ᠨᠤᠮ ᠳᠤ ᠵᠦᠪᠬᠡᠨ ᠪᠠᠷᠭᠤ ᠪᠦᠬᠡᠴᠤᠤᠯ ᠤᠨ ᠨᠠᠮᠲᠠᠷ ᠲᠡᠥᠬᠡ ᠶᠢ ᠨᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠲᠡᠳᠦᠢ ᠪᠢᠰᠢ᠂ ᠬᠠᠷᠢᠨ ᠪᠦᠬᠡᠴᠤᠤᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠨᠡᠯᠢᠶᠡᠳ ᠦᠷᠭᠡᠨ ᠬᠡᠪᠴᠢᠶᠡᠨ ᠤ ᠤᠯᠠᠨ ᠠᠭᠤᠯᠭᠠ ᠶᠢ ᠪᠠᠭᠳᠠᠭᠠᠵᠦ ᠪᠤᠢ᠃ ᠵᠢᠱᠢᠶᠡᠯᠡᠪᠡᠯ ᠶᠠᠫᠤᠨ ᠤ ᠦᠶᠡ ᠶᠢᠨ ᠨᠠᠢᠮᠠᠨ ᠪᠦᠬᠡ᠂ ᠤᠤᠯ ᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠡᠷᠳᠡᠨᠢᠠᠠᠭᠤᠯᠠ ᠰᠤᠮᠤ ᠶᠢᠨ ᠨᠠᠢᠮᠠᠨ ᠴᠡᠩᠬᠡᠷ ᠦᠮᠦᠳᠦᠳᠦ᠂ ᠡᠴᠢᠬᠡ ᠶᠢᠨ ᠭᠤᠷᠪᠠᠨ ᠬᠦᠪᠡᠭᠦᠳ ᠨᠢᠭᠡᠯᠡ ᠡᠳᠦᠷ ᠲᠤ ᠭᠤᠷᠪᠠᠨ ᠦᠵᠦᠭᠦᠷ ᠠᠪᠤᠭᠰᠠᠨ᠂ ᠪᠦᠬᠡ ᠠᠳᠢᠶᠠ ᠶᠢᠰᠦᠨ ᠨᠠᠰᠤᠲᠠᠢ ᠪᠤᠷᠤᠯᠠᠭ ᠮᠤᠷᠢ ᠪᠠᠨ ᠦᠨᠳᠦᠷ ᠬᠡᠷᠡᠮ ᠳᠡᠭᠡᠭᠦᠷ ᠡᠷᠬᠦᠵᠦ ᠤᠷᠤᠭᠤᠯᠤᠭᠰᠠᠨ ᠵᠡᠷᠭᠡ ᠰᠤᠨᠢᠷᠬᠠᠯᠲᠠᠢ ᠤᠴᠢᠷ ᠤᠳ ᠢ ᠪᠢᠴᠢᠵᠡᠢ᠃ ᠡᠳᠡᠭᠡᠷ ᠢ ᠨᠢ ᠪᠢ ᠦᠡᠭᠭᠡᠷᠡᠭᠰᠡᠨ ᠳᠤ ᠵᠠᠬᠠ ᠵᠤᠭᠠ ᠠᠴᠠ ᠨᠢ ᠰᠤᠨᠤᠰᠤᠭᠰᠠᠨ ᠪᠤᠶᠤ ᠰᠡᠭᠦᠯᠤᠨ ᠦᠶᠡ ᠳᠤ ᠨᠢᠲᠦ ᠪᠠᠷ ᠢᠶᠠᠨ ᠦᠵᠡᠵᠦ ᠰᠤᠨᠢᠷᠬᠠᠭᠰᠠᠨ ᠴᠦ ᠪᠤᠢ᠃ ᠬᠠᠷᠢᠨ ᠤᠳᠤ ᠶᠢᠨ ᠬᠡᠥᠬᠡᠳ ᠪᠠᠭᠠᠴᠤᠳ ᠲᠤ ᠪᠤᠯ ᠦᠯᠢᠭᠡᠷ ᠲᠤᠮᠤᠭ ᠰᠢᠭ᠋ ᠰᠠᠨᠠᠭᠳᠠᠬᠤ ᠪᠠᠶᠢᠬᠠ᠃
ᠵᠤᠬᠢᠶᠠᠭᠴᠢ ᠠᠴᠠ ᠲᠤᠰ ᠨᠤᠮ ᠳᠤ ᠡᠮᠡᠭᠳᠡᠢ ᠪᠦᠬᠡ ᠶᠢᠨ ᠲᠤᠬᠠᠢ ᠪᠢᠴᠢᠬᠦ ᠪᠠᠨ ᠴᠤ ᠤᠮᠳᠤᠭᠠᠢᠢᠯᠠᠭᠰᠠᠨ ᠦᠭᠡᠢ᠃ ᠡᠭᠦᠨ ᠳᠤ ᠡᠮᠡᠭᠲᠡᠢ ᠪᠦᠬᠡ ᠶᠢ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠬᠠᠮᠲᠦ ᠡᠮᠡᠭᠳᠡᠢ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠡᠮᠤᠰᠭᠡᠯ ᠵᠡᠭᠦᠳᠡᠯ᠂ ᠡᠮᠡᠭᠳᠡᠢ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠳᠦᠷᠢᠮ ᠵᠡᠷᠭᠡ ᠨᠠᠷᠢᠨ ᠠᠭᠤᠯᠭᠠ ᠶᠢ ᠴᠦ ᠲᠠᠨᠢᠯᠴᠠᠭᠤᠯᠵᠠᠢ᠃ ᠡᠮᠡᠭᠳᠡᠢ ᠪᠦᠬᠡ ᠪᠤᠯ ᠡᠮᠦᠨᠠ ᠨᠢ ᠪᠠᠶᠢᠭᠠ ᠦᠭᠡᠢ᠃ ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠭᠡᠳᠠᠢ ᠶᠠᠪᠤᠯᠴᠠᠭᠰᠠᠨ ᠦᠶᠠ ᠠᠴᠠ ᠨᠠᠰᠢ ᠯᠡ ᠪᠤᠢ ᠪᠤᠯᠤᠭᠰᠠᠨ ︽ᠰᠢᠨᠠ ᠬᠡᠷᠡᠭ ᠪᠤᠳᠠᠰ︾ ᠪᠤᠯᠤᠨᠠ᠃ ᠡᠮᠡᠭᠳᠡᠢ ᠪᠦᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠠᠩᠬᠠ 1987 ᠤᠨ ᠤ 6 ᠰᠠᠷᠠ ᠶᠢᠨ 2 ᠤᠨ ᠡᠳᠦᠷ ᠬᠦᠯᠦᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ︽ ᠮᠠᠯᠵᠢᠬᠤ ᠳᠦᠷᠪᠡᠨ ᠬᠤᠰᠢᠭᠤᠨ ᠤ ᠡᠮᠡᠭᠲᠡᠢ ᠮᠤᠩᠭᠤᠯ ᠪᠦᠬᠡ ᠶᠢᠨ ᠠᠯᠳ᠋ᠬᠠᠮᠡᠭᠡᠯ ᠬᠤᠨᠳᠠᠭᠠᠲᠦ ᠤᠷᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ︾ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠤ ᠦᠪᠡᠳᠡᠭᠰᠢ ᠶᠡᠬᠡᠪᠡᠷ ᠶᠠᠪᠤᠭᠳᠠᠭᠰᠠᠨ ᠲᠤᠬᠠᠢ ᠠᠳᠡ ᠪᠠᠰᠠ ᠳᠤᠷᠠᠳᠤᠭᠰᠠᠨ ᠪᠠᠶᠢᠨᠠ᠃
ᠳᠠᠬᠢᠪᠡᠯ ᠪᠠᠰᠠ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠠᠷᠭᠤ ᠪᠦᠬᠡ ᠶᠢᠨ ᠨᠡᠶᠢᠭᠡᠮᠯᠢᠭ ᠤᠨ ᠳᠦᠷᠢᠮ᠂ ᠮᠤᠩᠭᠤᠯ ᠪᠦᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠳᠦᠷᠢᠮ᠂ ᠪᠦᠬᠡ ᠶᠢᠨ ᠤᠷᠢᠶᠠ᠂ ᠳᠠᠭᠤᠤ᠂ ᠳᠠᠭᠤᠳᠠᠯᠭᠠ ᠵᠢᠴᠢ ᠬᠡᠰᠡᠭ ᠪᠦᠬᠡᠴᠤᠳ ᠤᠨ ᠲᠤᠬᠠᠢ ᠳᠤᠷᠠᠳᠬᠠᠯ ᠵᠡᠷᠭᠡ ᠶᠢ ᠴᠤ ᠪᠠᠭᠳᠠᠭᠠᠨ ᠤᠷᠤᠭᠤᠯᠵᠦ᠂ ᠮᠤᠩᠭᠤᠯ ᠪᠦᠬᠡ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠢᠵᠠᠭᠤᠷ ᠰᠤᠶᠤᠯ ᠮᠦᠨ ᠭᠡᠳᠡᠭ ᠢ ᠤᠨᠴᠠᠯᠠᠨ ᠳᠤᠷᠠᠳᠴᠠᠢ᠃ ᠪᠦᠬᠡ ᠶᠢᠨ ᠲᠤᠬᠠᠢ ᠢᠷᠦᠭᠡᠯ ᠮᠠᠭᠲᠠᠭᠠᠯ᠂ ᠳᠠᠭᠤᠤ ᠶᠢᠨ ᠦᠭᠡ ᠴᠤ ᠴᠦᠬᠡᠨ ᠦᠭᠡᠢ ᠶᠤᠮ᠃ ᠡᠳᠡᠭᠡᠷ ᠨᠢ ᠪᠦᠬᠡ ᠶᠢᠨ ᠲᠤᠬᠠᠢ ᠨᠤᠮ ᠤᠨ ᠦᠭᠡᠷᠠ ᠪᠤᠰᠤᠳ ᠠᠴᠠ ᠢᠯᠠᠭᠠᠭᠳᠠᠬᠤ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠤᠯᠤᠨᠠ᠃ ᠠᠮᠤᠷᠵᠢᠷᠭᠠᠯ ᠵᠦᠪᠬᠡᠨ ᠲᠡᠤᠬᠡ ᠨᠠᠮᠲᠠᠷ ᠤᠷᠤᠯᠳᠤᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠤᠷᠠᠨ ᠪᠦᠲᠦᠭᠡᠯ ᠴᠤ ᠪᠢᠴᠢᠵᠦ ᠤᠷᠤᠯᠳᠤᠭᠰᠠᠨ ᠦᠡᠭᠭᠡᠷᠡᠯᠲᠡ ᠲᠠᠢ ᠪᠤᠯᠬᠤᠷ ᠡᠨᠡ ᠬᠦ ᠲᠡᠤᠬᠡ ᠲᠡᠮᠳᠡᠭᠯᠡᠯ ᠤᠨ ᠢᠶᠠᠨ ᠳᠤᠲᠤᠷᠠ ᠵᠠᠷᠢᠮ ᠠᠬᠠᠮᠠᠳ ᠦᠶᠠ ᠶᠢᠨ ᠪᠦᠬᠡᠴᠤᠤᠯᠤᠨ ᠨᠠᠮᠲᠠᠷ ᠲᠡᠤᠬᠡᠨ ᠳᠤ ᠵᠤᠷᠢᠭᠤᠯᠵᠦ ᠠᠷᠤ ᠳᠤᠨᠢ ᠰᠢᠯᠦᠭ ᠬᠠᠪᠰᠤᠷᠭᠠᠨ ᠳᠠᠭᠠᠯᠳᠤᠭᠤᠯᠤᠭᠰᠠᠨ ᠨᠢ ᠴᠤ ᠪᠤᠢ᠃ ᠡᠭᠦᠨ ᠳᠤ ᠵᠠᠷᠢᠮ ᠨᠢᠭᠡ ᠠᠴᠠ ᠨᠢ ᠵᠢᠱᠢᠶᠡᠯᠡᠪᠡᠯ᠄ ᠪᠦᠳᠦᠭᠦᠨ ᠬᠠᠨᠳᠠ ᠢᠰᠢᠭᠡᠨ ᠪᠦᠬᠡ ᠶᠢᠨ ᠨᠤᠲᠤᠭ ᠲᠤ ᠡᠯᠢᠭᠡᠨ ᠤ ᠬᠠᠨᠳᠠ ᠭᠡᠮᠡᠬᠦ ᠡᠨᠡ ᠨᠤᠲᠤᠭ ᠤᠨ ᠠᠯᠳᠠᠷ ᠢ ᠡᠷᠭᠦᠭᠰᠡᠨ ᠦᠯᠢᠭᠡᠷ ᠳᠤᠮᠤᠭᠲᠤ ᠪᠦᠬᠡ ᠪᠠᠶᠢᠭᠰᠠᠨ ᠬᠠᠨᠭ᠍ᠭᠠᠢ ᠲᠠᠯᠠ ᠰᠢᠭ᠋ ᠢᠶᠠᠨ ᠬᠠᠨᠠᠭᠠᠷ ᠦᠷᠭᠡᠨ ᠴᠡᠭᠡᠵᠢ ᠲᠠᠢ ᠬᠠᠳᠠᠨ ᠴᠢᠬᠢᠷᠠᠭ ᠪᠡᠶᠠ ᠳᠡᠭᠡᠨ ᠬᠠᠨ ᠭᠠᠷᠤᠳᠢ ᠶᠢᠨ ᠳᠤᠷᠪᠢ ᠲᠠᠢ ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠳᠤ ᠰᠡᠭᠦ᠋ᠢᠭᠰᠡᠨ ᠠᠪᠤᠷᠭᠤ ᠲᠤᠮᠤ ᠮᠠᠯᠴᠢᠨ ᠬᠦᠮᠦᠨ ᠡᠮᠨᠢᠭ ᠳᠤᠭᠰᠢᠨ ᠤ ᠲᠦᠢᠯᠠᠭᠠᠨ ᠳᠤ ᠡᠵᠡᠨ ᠨᠢ ᠪᠤᠯᠤᠭᠰᠠᠨ ᠠᠳᠤᠭᠤᠴᠢᠨ ᠬᠦᠮᠦᠨ ᠮ᠊ᠵᠨᠦ ᠠᠪᠤ ᠪᠦᠭᠡ ᠬᠦᠮᠦᠨ ᠵᠠᠩᠬᠢᠷᠠᠭᠰᠠᠨ ᠪᠤᠰᠤᠭᠠ ᠬᠦᠮᠦᠰᠭᠡᠨ ᠳᠡᠭᠡᠨ ᠵᠤᠯᠪᠤᠭᠠ ᠬᠡᠶᠢᠮᠦᠷᠢ ᠪᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ ᠵᠢᠷᠪᠢᠭᠰᠡᠨ ᠨᠢᠳᠦᠨ ᠤ ᠰᠢᠷᠦᠬᠦᠨ ᠬᠠᠷᠠᠴᠠ ᠳᠠᠭᠠᠨ ᠵᠠᠯᠠᠭᠤ ᠨᠠᠰᠤᠨ ᠤ ᠤᠮᠤᠭ ᠲᠦᠷᠡᠯᠵᠢᠬᠦᠯᠦᠭᠰᠡᠨ ᠮᠢᠨᠦ ᠠᠪᠤ ᠪᠦᠭᠡ ᠬᠦᠮᠦᠨ ᠪᠤᠯᠴᠢᠩ ᠵᠠᠩᠬᠢᠷᠠᠭᠰᠠᠨ ᠰᠢᠷᠡᠮᠦᠨ ᠮᠦᠷᠦᠨ ᠳᠡᠭᠡᠨ ᠪᠤᠯᠢᠭᠠᠷᠢᠨ ᠵᠤᠳᠤᠭ ᠢ ᠰᠢᠪ ᠬᠡᠳᠦᠷᠦᠭᠰᠡᠡ ᠪᠤᠰᠢᠭᠤ ᠬᠤᠷᠳᠤᠨ ᠰᠢᠷᠪᠤᠰᠦᠯᠢᠭ ᠬᠦᠯ ᠳᠡᠭᠡᠨ ᠪᠤᠭ ᠤᠨ ᠲᠠᠷᠤᠯᠭᠠ ᠲᠠᠢ ᠲᠤᠯᠢᠶᠠ ᠲᠠᠷᠤᠭᠰᠠᠨ ᠮᠢᠨᠦ ᠠᠪᠤ ᠪᠦᠭᠡ ᠬᠦᠮᠦᠨ ᠬᠠᠷᠠᠭᠠᠨ ᠤ ᠪᠠᠶᠢᠷᠢ ᠠᠴᠠ ᠬᠦᠮᠦᠭᠡᠢ ᠪᠠᠨ ᠵᠠᠭᠤᠵᠦ ᠭᠠᠵᠠᠷ ᠬᠤᠳᠤᠯᠵᠠᠭᠤᠯᠤᠨ ᠲᠡᠪᠢᠭᠰᠡᠭᠡᠷ ᠭᠠᠷ ᠲᠤ ᠬᠠᠷᠠᠭᠤᠭᠰᠠᠨ ᠪᠦᠬᠦᠨ ᠢᠶᠠᠨ ᠭᠠᠶᠢᠬᠠᠮᠠᠷ ᠨᠢᠭᠡ ᠯᠡ ᠲᠠᠭᠠᠷᠢᠭᠠᠳ ᠪᠠᠶᠢᠳᠠᠭ ᠮᠢᠨᠦ ᠠᠪᠤ ᠪᠦᠭᠡ ᠬᠦᠮᠦᠨ ᠪᠠᠳᠠᠢ ᠶᠢᠨ ᠨᠠᠮᠪᠤ ᠬᠦᠯᠦ ᠤᠯᠠᠭᠠᠨ ᠬᠤᠰᠢᠭᠤᠨ ᠤ ᠪᠤᠶᠢᠭᠠᠨ ᠳᠤ ᠭᠡᠨᠡᠨ ᠪᠤᠬᠠᠯᠭᠠᠳᠦ ᠪᠠᠳᠠᠢ ᠶᠢᠨ ᠨᠠᠮᠪᠤ ᠬᠡᠮᠡᠬᠦ ᠪᠠᠷᠭᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠲᠡᠤᠭᠡᠨ ᠳᠤ ᠬᠡᠷᠡᠯᠳᠦᠬᠦᠯᠵᠦ ᠶᠠᠪᠤᠭᠰᠠᠨ ᠪᠦᠭᠡ ᠬᠡᠨᠠ ᠬᠡᠷᠦᠯᠦᠨ ᠤ ᠲᠠᠨᠵᠢᠨ ᠳᠤ ᠲᠦᠷᠦᠭᠰᠡᠨ ᠬᠤᠨᠳᠤᠨ ᠬᠠᠯᠠ ᠶᠢᠨ ᠪᠦᠭᠡ ᠨᠠᠮᠪᠤ ᠬᠤᠷᠳᠤᠨ ᠲᠤᠭᠰᠢᠨ ᠪᠠᠷᠢᠯᠳᠤᠭᠠᠨ ᠢᠶᠠᠷ ᠢᠶᠠᠨ ᠬᠤᠯᠠ ᠤᠢᠢᠷᠠ ᠳᠠᠭᠠᠨ ᠠᠯᠳᠠᠷᠳᠠᠢ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠶᠢ ᠲᠤᠷᠬᠢᠭᠤᠯᠤᠨ ᠨᠠᠴᠢᠨ ᠱᠤᠩᠬᠤᠷ ᠰᠢᠬ ᠲᠤᠭᠯᠠᠨ ᠲᠡᠪᠢᠵᠦ ᠨᠠᠭᠠᠳᠤᠮᠴᠢᠨ ᠲᠦᠮᠡᠨ ᠢ ᠱᠠᠭᠠᠬᠢᠭᠤᠯᠤᠨ ᠨᠠᠶᠢᠷ ᠤᠨ ᠬᠦᠷᠢᠶᠠ ᠶᠢ ᠰᠡᠳᠡᠷᠡᠳᠡᠯᠠ ᠪᠤᠬᠠᠳᠠᠭ ᠭᠡᠰᠡᠨ᠃ ᠪᠦᠭᠡ ᠴᠦᠯᠳᠦᠮ ᠪᠡᠶᠠ ᠭᠠᠳᠠᠷ ᠲᠡᠩᠴᠡᠭᠰᠡᠨ ᠪᠢᠯᠢᠭ ᠤᠬᠠᠭᠠᠨ ᠬᠤᠤᠰᠯᠠᠭᠰᠠᠨ ᠪᠠᠷᠭᠤ ᠶᠢᠨ ᠪᠦᠭᠡ ᠴᠦᠯᠳᠦᠮ ᠳᠤ ᠪᠢᠰᠢᠷᠡᠯ ᠤᠨ ᠬᠠᠳᠠᠮ ᠡᠷᠬᠦᠨᠡᠮ ᠢᠳᠡᠷ ᠬᠠᠨᠭ᠍ᠭᠠᠢ ᠨᠠᠰᠤᠨ ᠳᠠᠭᠠᠨ ᠡᠷᠡᠮᠡᠭᠡᠢ ᠰᠠᠶᠢᠬᠠᠨ ᠪᠠᠷᠢᠯᠳᠤᠭᠠᠨ ᠢᠶᠠᠷ ᠢᠶᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠪᠦᠭᠡ ᠶᠢᠨ ᠲᠡᠪᠴᠡᠩ ᠳᠤ ᠦᠵᠦᠬᠦᠷᠯᠡᠵᠦ ᠶᠠᠪᠤᠭᠰᠠᠨ ᠲᠡᠤᠭᠡ ᠲᠠᠢ᠃ ᠭᠤᠷᠪᠠ᠂ ᠲᠤᠯᠢᠶᠠᠳᠦ ᠪᠦᠭᠡ ᠶᠢᠨ ᠲᠤᠬᠠᠢ ᠡᠬᠦᠨ ᠳᠤ ᠪᠠᠷᠭᠤ ᠪᠦᠭᠡ ᠶᠢᠨ ᠲᠤᠯᠢᠶᠠᠨ ᠤ ᠡᠬᠦᠰᠦᠯᠳᠡ ᠬᠦᠭᠵᠢᠯᠳᠡ ᠶᠢᠨ ᠲᠤᠬᠠᠢ ᠨᠡᠯᠢᠶᠡᠳ ᠨᠠᠷᠢᠯᠢᠭ ᠦᠬᠦᠯᠡᠵᠠᠢ᠃ ᠪᠠᠷᠭᠤ ᠶᠢᠨ ᠪᠦᠭᠡ ᠰᠤᠳᠤᠯᠤᠭᠴᠢᠳ ᠤᠨ ᠠᠬᠠᠮᠠᠳ ᠦᠶᠠ ᠶᠢᠨ ᠬᠢᠨ ᠤ ᠶᠠᠷᠢᠶᠠ ᠶᠢ ᠦᠨᠳᠦᠰᠦᠯᠡᠭᠡᠳ ᠪᠠᠷᠭᠤ ᠪᠦᠭᠡ ᠶᠢᠨ ᠲᠤᠯᠢᠶᠠ ᠨᠢ ᠬᠤᠶᠠᠷ ᠵᠠᠭᠤᠭᠠᠳ ᠵᠢᠯ ᠤᠨ ᠲᠡᠤᠭᠡ ᠲᠠᠢ ᠪᠤᠯᠪᠠ ᠬᠡᠳᠡᠭ ᠠᠩᠬᠠᠨ ᠤ ᠨᠤᠳᠠᠯᠠᠯᠳᠠ ᠶᠢ ᠭᠠᠷᠭᠠᠪᠠ᠃
ᠲᠤᠯᠢᠶᠠ ᠶᠢᠨ ᠨᠡᠷᠡᠶᠢᠳᠦᠯ ᠪᠤᠯᠤᠨ ᠪᠦᠳᠦᠴᠡ ᠶᠢᠨ ᠲᠤᠬᠠᠢ ᠲᠤᠳᠤᠷᠬᠠᠢᠢᠯᠠᠬᠤ ᠳᠠᠭᠠᠨ ︽ᠲᠤᠯᠢᠶᠠᠳᠦ ᠪᠦᠭᠡ ︾ ᠬᠡᠳᠡᠭ ᠨᠢ ᠭᠠᠭᠴᠠ ᠬᠦᠯᠦᠨ ᠪᠤᠶᠢᠷ ᠲᠤ ᠯᠡ ᠪᠠᠶᠢᠳᠠᠭ ᠤᠨᠴᠠᠭᠠᠢ ᠪᠦᠭᠡ ᠶᠢᠨ ᠨᠡᠷᠡᠶᠢᠳᠦᠯ ᠪᠤᠯᠤᠨᠠ᠃ ᠲᠡᠯᠡᠭᠡᠢ ᠲᠡᠭᠡᠷᠠ ᠦᠭᠡᠷᠠ ᠭᠠᠵᠠᠷ ᠤᠷᠤᠨ ᠳᠤ ᠪᠠᠶᠢᠳᠠᠭ ᠦᠭᠡᠢ᠃ ᠪᠦᠭᠡ ᠰᠤᠳᠤᠯᠤᠭᠴᠢᠳ ᠠᠴᠠ ᠲᠤᠯᠢᠶᠠ ᠭᠡᠳᠡᠭ ᠨᠢ ᠡᠷᠳᠡᠨ ᠤ ᠪᠠᠶᠢᠯᠳᠤᠭᠠᠨ ᠤ ᠪᠠᠭᠠᠳᠤᠷᠴᠤᠳ ᠤᠨ ᠴᠡᠭᠡᠵᠢᠨ ᠪᠡᠶᠠ ᠳᠡᠭᠡᠨ ᠵᠡᠬᠦᠳᠡᠭ ︽ᠲᠤᠯᠢ︾ ᠠᠴᠠ ᠢᠷᠡᠯᠳᠠᠢ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠲᠡᠷᠡ ᠨᠢ ᠨᠡᠬᠦᠳᠡᠯᠴᠢᠳ ᠦᠨᠳᠦᠰᠦᠳᠡᠨ ᠤ ᠠᠵᠦ ᠠᠮᠢᠳᠤᠷᠠᠯ ᠪᠡ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠤᠭᠰᠠᠨ ᠪᠦᠭᠡ ᠶᠢᠨ ᠡᠮᠦᠰᠭᠡᠯ ᠵᠡᠬᠦᠳᠡᠯ ᠪᠤᠯᠤᠨᠠ᠃ ᠲᠤᠯᠢᠶᠠ ᠪᠤᠯ ᠵᠢᠬᠢᠷᠢᠭ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠤᠳᠦ ᠵᠠᠷᠢᠮ ᠬᠦᠮᠦᠰ ᠵᠢᠬᠢᠷᠢᠭ ᠢ ᠲᠤᠯᠢᠶᠠ ᠭᠡᠵᠦ ᠪᠤᠷᠤᠭᠤ ᠪᠠᠷ ᠤᠢᠢᠯᠠᠭᠠᠨ ᠬᠤᠳᠬᠤᠯᠳᠤᠭᠤᠯᠤᠨ ᠶᠠᠷᠢᠵᠦ ᠪᠤᠢ᠃ ᠵᠢᠬᠢᠷᠢᠭ ᠨᠢ ᠬᠡᠷᠡᠭ ᠲᠡᠭᠡᠷᠠ ᠪᠠᠨ ᠲᠤᠯᠢᠶᠠᠨ ᠤ ᠲᠠᠭᠠᠯᠳᠠ ᠪᠠᠶᠢᠵᠦ᠂ ᠶᠠᠷᠦ ᠶᠢᠨ ᠪᠠᠶᠢᠳᠠᠯ ᠲᠤᠤᠷᠠ ᠲᠠᠷᠠᠰᠦ ᠪᠤᠶᠤ ᠨᠢᠮᠭᠡᠨ ᠬᠤᠯᠤᠰᠦ ᠪᠠᠷ ᠬᠢᠵᠦ ᠲᠤᠯᠢᠶᠠᠨ ᠤ ᠲᠤᠳᠤᠷᠠ ᠵᠡᠬᠦᠳᠡᠭ ᠶᠤᠮ᠃ ᠡᠬᠦᠨ ᠳᠤ ᠵᠢᠬᠢᠷᠢᠭ ᠵᠡᠬᠦᠵᠦ ᠪᠠᠶᠢᠭᠠᠶᠢᠨ ᠵᠤᠷᠢᠯᠭᠠ ᠨᠢ ᠭᠤᠳᠤᠯ ᠢᠶᠠᠨ ᠤᠯᠠᠮ ᠪᠠᠬᠢᠯᠢᠭ᠌ ᠴᠢᠩᠭᠠ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠪᠠᠶᠢᠳᠠᠭ᠃ ᠬᠠᠷᠢᠨ ᠲᠤᠯᠢᠶᠠ ᠪᠤᠯ ᠪᠡᠶᠠ ᠪᠠᠨ ᠲᠠᠭᠠᠭᠠᠭᠰᠠᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ᠂ ᠪᠦᠭᠡ ᠶᠢᠨ ᠮᠡᠭᠡ ᠮᠡᠷᠭᠡᠵᠢᠯ ᠢᠶᠠᠨ ᠬᠢᠬᠦ ᠶᠢᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠡᠬᠦᠰᠦᠭᠰᠡᠨ ᠡᠮᠦᠰᠭᠡᠯ ᠵᠡᠬᠦᠳᠡᠯ ᠪᠤᠯᠤᠨᠠ᠃ ᠲᠡᠭᠡᠷᠡᠬᠢ ᠪᠤᠯ ᠬᠠ᠊ · ᠠᠮᠤᠷᠵᠢᠷᠭᠠᠯ ᠤᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠦᠭᠡᠴᠤᠤᠯ ᠤᠨ ᠲᠡᠤᠭᠡ ᠲᠡᠮᠳᠡᠭᠯᠡᠯ︾ ᠤᠨ ᠲᠤᠬᠠᠢ ᠮᠢᠨᠦ ᠤᠡᠭᠰᠢᠬᠰᠠᠨ ᠲᠤᠪᠴᠢᠬᠠᠨ ᠲᠦᠷᠦᠭᠳᠡᠯ ᠪᠤᠯᠤᠨᠠ᠃ ᠤᠡᠭᠰᠢᠬᠰᠠᠨ ᠡᠨᠡ ᠬᠦ ᠲᠦᠷᠦᠭᠳᠡᠯ ᠢᠶᠠᠨ ᠪᠢ ᠮ᠊ · ᠤᠶᠤᠨ ᠤ ᠲᠤᠰ ᠨᠤᠮ ᠤᠨ ᠤᠷᠤᠰᠢᠯ ᠤᠨ ᠤᠷᠤᠨ ᠳᠤ ᠪᠢᠴᠢᠭᠰᠡᠨ ᠵᠠᠷᠢᠮ ᠦᠭᠡ ᠦᠬᠦᠯᠡᠪᠦᠷᠢ ᠪᠠᠷ ᠲᠡᠬᠦᠰᠭᠡᠯ ᠪᠤᠯᠭᠠᠶᠠ᠃ ᠵᠤᠬᠢᠶᠠᠭᠴᠢ ᠠᠴᠠ ᠪᠦᠭᠡ ᠶᠢᠨ ᠦᠢᠯᠡᠰ ᠢᠶᠠᠨ ᠬᠡᠷᠬᠢᠨ ᠵᠠᠬᠠ ᠲᠡᠯᠬᠡᠬᠦᠷ ᠤᠨ ᠠᠵᠦ ᠠᠬᠤᠢ ᠶᠢᠨ ᠪᠠᠶᠢᠳᠠᠯ ᠲᠠᠢ ᠵᠤᠬᠢᠴᠠᠭᠤᠯᠬᠤ᠂ ᠶᠠᠭᠠᠬᠢᠪᠠᠯ ᠰᠠᠶ᠋ᠢ ᠲᠤᠯᠢᠶᠠᠳᠦ ᠪᠦᠭᠡ ᠪᠠᠨ ᠲᠠᠯᠡᠭᠡᠢ ᠶᠢᠨ ᠬᠠᠷᠠᠭᠠ᠂ ᠲᠠᠶᠠᠭᠠᠷ ᠤᠨ ᠰᠤᠨᠤᠷ ᠲᠤ ᠬᠦᠷᠭᠡᠬᠦ ᠲᠤᠬᠠᠢ ᠲᠤᠩᠭᠠᠨ ᠪᠤᠳᠤᠯᠬᠢᠯᠠᠵᠦ᠂ ᠪᠦᠭᠡ ᠶᠢᠨ ᠦᠢᠯᠡᠰ ᠤᠨ ᠢᠷᠡᠭᠡᠳᠦᠢ ᠶᠢᠨ ᠬᠠᠨᠳᠤᠰᠢ ᠶᠢ ᠡᠷᠢᠯᠬᠢᠯᠡᠨ᠂ ᠤᠯᠠᠮᠵᠢᠯᠠᠯ ᠰᠢᠨᠡᠴᠢᠯᠡᠯ ᠢ ᠤᠷᠭᠠᠨᠢᠭ ᠢᠶᠠᠷ ᠤᠶᠠᠯᠳᠤᠭᠤᠯᠤᠨ᠂ ᠪᠦᠭᠡ ᠶᠢᠨ ᠤᠯᠠᠮᠵᠢᠯᠠᠯᠳᠦ ᠶᠤᠰᠦ ᠭᠤᠷᠢᠮ ᠢᠶᠠᠨ ᠬᠠᠳᠠᠭᠠᠯᠠᠬᠤ ᠶᠢᠨ ᠰᠠᠴᠠᠭᠤ ᠪᠦᠭᠡ ᠶᠢᠨ ᠨᠡᠶᠢᠭᠡᠮᠯᠢᠭ ᠵᠡᠷᠭᠡ ᠴᠠᠭ ᠡᠷᠡᠨ ᠤ ᠠᠶᠢᠵᠠᠮ ᠴᠤᠬᠢᠯᠭᠠ ᠲᠠᠢ ᠨᠡᠶᠢᠴᠡᠭᠰᠡᠨ ᠤᠳᠦ ᠦᠶᠠ ᠶᠢᠨ ᠲᠦᠷᠢᠮᠵᠢᠭᠰᠡᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠰᠢᠰᠲ᠋ᠧᠮ ᠢ ᠪᠠᠶᠢᠭᠤᠯᠤᠨ ᠲᠡᠬᠦᠯᠳᠡᠷᠵᠢᠬᠦᠯᠵᠦ ᠪᠦᠭᠡ ᠶᠢᠨ ᠡᠮᠦᠰᠭᠡᠯ ᠵᠠᠰᠠᠯ᠂ ᠲᠠᠭᠤᠳᠠᠯᠭᠠ ᠤᠷᠢᠶᠠ᠂ ᠲᠠᠭᠤᠤ ᠢᠷᠦᠭᠡᠯ᠂ ᠬᠦᠨᠳᠦᠳᠭᠡᠯ ᠶᠤᠰᠦ᠂ ᠪᠠᠷᠢᠯᠳᠤᠭᠠᠨ ᠤ ᠲᠦᠷᠢᠮ᠂ ᠬᠤᠷᠢᠭᠠ ᠴᠡᠭᠡᠷ ᠵᠡᠷᠭᠡ ᠶᠢ ᠲᠤᠳᠤᠷᠬᠠᠢ ᠲᠤᠭᠳᠠᠭᠠᠨ᠂ ᠱᠠᠭᠠᠷᠳᠠᠨ ᠬᠡᠷᠡᠭᠵᠢᠬᠦᠯᠵᠦ᠂ ᠲᠤᠭᠳᠠᠮᠠᠯ ᠬᠤᠭᠤᠴᠠᠭᠠᠳᠦ ᠨᠠᠶᠢᠷ ᠨᠠᠭᠠᠳᠤᠮ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ ᠡᠷᠬᠢᠯᠡᠵᠦ᠂ ᠠᠵᠦ ᠠᠬᠤᠢ ᠨᠡᠶᠢᠭᠡᠮ ᠤᠨ ᠦᠷᠠ ᠠᠰᠢᠭ ᠢ ᠤᠯᠬᠤ ᠲᠤᠬᠠᠢ ᠰᠦᠪᠡᠭᠴᠢᠯᠡᠯᠳᠡ ᠬᠢᠬᠦ ᠶᠢ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠶᠢᠨᠠ᠃ ᠵᠣᠬᠢᠶᠠᠭᠴᠢ᠄ ᠳ᠋ᠤ᠋ · ᠴᠢᠯᠠᠭᠤᠨ
ᠢᠷᠡᠯᠲᠡ᠄ ᠬᠦᠯᠦᠨ ᠪᠤᠶᠢᠷ ᠮᠤᠩᠭᠤᠯ ᠰᠦᠯᠵᠢᠶᠡ