- (
87217
ᠪᠠᠷᠭᠤᠴᠤᠳ ᠤᠨ ᠬᠤᠨᠢ ᠭᠠᠷᠭᠠᠬᠤ ᠶᠤᠰᠤᠨ
2018-08-23 09:03
177
0
ᠪᠠᠷᠭᠤᠴᠤᠳ ᠤᠨ ᠬᠤᠨᠢ ᠭᠠᠷᠭᠠᠬᠤ ᠶᠤᠰᠤᠨ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄ 2017-11-01
ᠨᠢᠭᠡ᠂ ᠬᠤᠨᠢ ᠭᠠᠷᠭᠠᠬᠤ ᠠᠷᠭᠠ
ᠬᠤᠨᠢ ᠭᠠᠷᠭᠠᠬᠤ ᠳᠤ ᠬᠤᠶᠡᠷ ᠬᠦᠮᠤᠨ ᠪᠠᠶᠢᠬᠤ ᠭᠡᠷᠡᠭᠳᠡᠢ᠃ ᠨᠢᠭᠡ ᠨᠢ ᠭᠠᠷᠭᠠᠬᠤ ᠬᠤᠨᠢᠨ ᠤ ᠠᠷᠤ ᠶᠢᠨ ᠬᠤᠶᠡᠷ ᠬᠦᠯ ᠢ ᠠᠮᠢ ᠲᠠᠰᠤᠷᠠᠳᠠᠯᠠ ᠨᠢ ᠴᠢᠩᠭᠠ ᠲᠠᠳᠠᠬᠤ ᠭᠡᠷᠡᠭᠳᠡᠢ᠃ ᠤᠴᠢᠷ ᠨᠢ ᠬᠤᠶᠢᠳᠤ ᠬᠤᠶᠠᠷ ᠬᠦᠯ ᠢ ᠴᠢᠩᠭᠠ ᠲᠠᠳᠠᠵᠤ ᠪᠠᠶᠢᠬᠤ ᠨᠢ ᠬᠤᠨᠢᠨ ᠤ ᠠᠷᠠᠰᠤ ᠶᠢ ᠦᠪᠴᠢᠬᠦ ᠳᠤ ᠲᠠᠰᠤᠷᠠᠵᠤ ᠡᠪᠳᠡᠷᠬᠦ ᠶᠢ ᠰᠠᠷᠭᠡᠶᠢᠯᠡᠵᠤ ᠪᠠᠶᠢᠭᠠ ᠶᠤᠮ᠃ ᠨᠦᠬᠦᠭᠡ ᠨᠢ ᠭᠠᠷᠭᠠᠬᠤ ᠬᠤᠨᠢ ᠪᠠᠨ ᠦᠭᠡᠳᠡ ᠨᠢ ᠬᠠᠷᠠᠭᠤᠯᠵᠤ ᠭᠡᠪᠳᠡᠬᠦᠯᠦᠭᠰᠡᠨ ᠤ ᠲᠠᠷᠠᠭᠠ ᠵᠡᠬᠦᠨ ᠭᠠᠷ ᠢᠶᠠᠷ ᠢᠶᠠᠨ ᠤᠷᠢᠳᠤ ᠬᠤᠶᠡᠷ ᠬᠦᠯ ᠢ ᠨᠢ ᠴᠢᠩᠭᠠ ᠪᠠᠷᠢᠵᠤ ᠪᠠᠶᠢᠭᠠᠳ᠂ ᠪᠠᠷᠠᠭᠤᠨ ᠭᠠᠷ ᠵᠶ᠋ᠠᠷᠢᠶ᠋ᠠᠨ ᠬᠤᠨᠢᠨ ᠤ ᠠᠶᠤᠤᠯᠢᠬᠠᠢ ᠶᠢᠨ ᠡᠮᠤᠨᠡᠬᠢ ᠭᠡᠳᠡᠰᠤᠨ ᠤ ᠠᠷᠠᠰᠤ ᠶᠢ ᠴᠤᠭᠤᠯᠵᠤ᠂ ᠴᠤᠭᠤᠯᠬᠤ ᠳᠠᠭᠠᠨ ︽ᠦᠷᠤ ᠤᠭᠳᠤᠯᠤᠭᠠ ᠦᠭᠡᠢ᠂ ᠡᠪᠡᠰᠤ ᠤᠭᠳᠤᠯᠵᠤ ᠪᠠᠶᠢᠨᠠ︾ ᠭᠡᠳ ᠨᠢᠭᠡ ᠰᠢᠷᠭᠡᠭ ᠡᠪᠡᠰᠤ ᠲᠠᠯᠪᠢᠵᠤ ᠲᠤᠮᠨᠤᠳᠠᠬ ᠴᠤ ᠪᠤᠢ᠃ ᠴᠤᠭᠤᠯᠤᠭᠰᠠᠨ ᠨᠦᠭᠡ ᠪᠠᠷ ᠪᠠᠷᠠᠭᠤᠨ ᠭᠠᠷ ᠢᠶᠠᠨ ᠬᠦᠵᠡᠭᠡᠨ ᠤ ᠲᠡᠭᠡᠬᠦᠷ ᠦᠷᠥᠴᠡᠨ ᠤ ᠲᠤᠮᠳᠠᠭᠤᠷ ᠲᠤᠳᠤᠭᠰᠢ ᠶᠠᠪᠤᠭᠤᠯᠬᠤ ᠳᠤ ᠬᠦᠡᠳᠡᠯᠡᠨ ᠤᠯᠠᠭᠠᠨ ᠬᠤᠭᠤᠯᠠᠢ ᠭᠡᠵᠤ ᠪᠤᠢ᠂ ᠲᠡᠷᠡ ᠨᠢ ᠪᠢᠰᠢ᠃ ᠴᠠᠭᠠᠰᠢ ᠨᠢ ᠠᠷᠤ ᠨᠢᠷᠤᠭᠤᠨ ᠳᠤᠨᠢ ᠪᠠᠶᠢᠬᠤ ᠠᠮᠢᠨ ᠰᠤᠳᠠᠰᠤᠨ ᠳᠤ ᠭᠠᠷ ᠢᠶᠠᠨ ᠬᠦᠷᠭᠡᠵᠤ ᠭᠤᠤᠯ ᠢ ᠨᠢ ᠲᠠᠰᠤᠯᠤᠨᠠ᠃ ᠢᠡᠭᠬᠢᠪᠡᠯ ᠬᠤᠨᠢᠨ ᠤ ᠠᠮᠢ ᠲᠠᠰᠤᠷᠠᠬᠤ ᠪᠤᠯᠤᠨᠠ᠃ ᠭᠠᠷ ᠢᠶᠠᠨ ᠠᠪᠴᠤ ᠬᠤᠨᠢᠨ ᠤ ᠠᠮᠨ ᠬᠠᠮᠠᠷ ᠢ ᠪᠠᠷᠢᠪᠡᠯ ᠦᠬᠦᠬᠦ ᠨᠢ ᠠᠮᠠᠷᠬᠠᠨ ᠪᠠᠶᠢᠳᠠᠭ᠃
ᠬᠤᠶᠡᠷ᠂ ᠬᠤᠨᠢᠨ ᠤ ᠠᠷᠠᠰᠤ ᠶᠢ ᠬᠢᠷᠡᠬᠦ ᠪᠡ ᠦᠪᠴᠢᠬᠦ ᠠᠷᠭᠠ
1.ᠬᠤᠷᠴᠠ ᠬᠢᠳᠤᠭᠠ ᠪᠠᠷ ᠲᠦᠷᠪᠡᠨ ᠮᠥᠴᠢ ᠠᠴᠠ ᠨᠢ ᠡᠬᠢᠯᠡᠨ ᠠᠷᠠᠰᠤ ᠮᠢᠬᠠ ᠬᠤᠶᠡᠷ ᠤᠨ ᠵᠠᠪᠰᠠᠷ ᠢᠶᠠᠷ ᠬᠢᠷᠢᠵᠤ ᠬᠤᠭᠤᠯᠠᠢ ᠶᠢ ᠨᠢ ᠲᠠᠭᠠᠭᠤᠯᠤᠨ ︵ᠬᠦᠵᠤᠬᠦᠨ ᠳᠤ ᠬᠤᠶᠡᠷ ᠪᠦᠳᠦᠬᠦᠨ ᠰᠤᠳᠠᠯ ᠪᠤᠢ᠂ ᠲᠠᠬᠦᠨ ᠳᠤ ᠬᠦᠷᠴᠤ ᠪᠤᠯᠬᠤ ᠦᠭᠡᠢ᠂ ᠬᠦᠷᠡᠭᠡᠨ ᠤ ᠴᠢᠰᠤ ᠭᠤᠭᠤᠵᠢᠬᠤ ᠪᠤᠯᠤᠨᠠ︶ ᠡᠪᠴᠢᠬᠦᠨ ᠤ ᠬᠤᠶᠠᠷ ᠲᠠᠯᠠ ᠪᠠᠷ᠂ ᠭᠡᠳᠡᠰᠤᠨ ᠲᠤᠮᠳᠠᠭᠤᠷ ᠲᠠᠭᠠᠭᠤᠯᠤᠨ ᠠᠷᠤ ᠰᠠᠬᠦᠯ ᠬᠦᠷᠳᠡᠯᠠ ᠬᠢᠷᠢᠨᠠ᠃ ᠬᠤᠨᠢᠨ ᠤ ᠰᠠᠬᠦᠯ ᠤᠨ ᠠᠯᠭᠠᠨᠠᠭ ᠢ ᠲᠤᠭᠤᠷᠢᠭᠤᠯᠵᠤ ᠭᠢᠷᠢᠨᠡ᠃ ︽ᠠᠯᠠᠪᠡᠯ ᠠᠯᠠ᠂ ᠠᠯᠭᠠᠨᠠᠭ ᠢ ᠮᠢᠨᠢ ᠶᠡᠭᠡ ᠦᠯᠡᠳᠡᠭᠡ︾ ᠭᠡᠰᠡᠨ ᠦᠭᠡ ᠪᠤᠢ᠃ 2. ᠬᠢᠷᠢᠵᠤ ᠲᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ ᠦᠪᠴᠢᠬᠦ ᠪᠤᠯᠤᠨᠠ᠃ ᠬᠢᠳᠤᠭᠠ ᠲᠡᠮᠡᠢ ᠭᠡᠷᠡᠭᠯᠡᠵᠤ ᠪᠤᠯᠬᠤ ᠦᠭᠡᠢ᠃ ᠭᠤᠤᠯᠳᠠᠭᠤ ᠭᠠᠷ ᠤᠨ ᠬᠢᠮᠤᠰᠤ᠂ ᠨᠢᠳᠤᠷᠭᠠ ᠪᠠᠷ ᠱᠤᠲᠤᠷᠴᠤ ᠦᠪᠴᠢᠨᠠ᠃ ᠢᠡᠭᠬᠢᠪᠡᠯ ᠠᠷᠠᠰᠤ ᠮᠢᠬᠠ ᠬᠤᠶᠡᠷ ᠴᠡᠪᠡᠷᠭᠡᠨ ᠰᠠᠯᠬᠤ ᠪᠤᠯᠤᠨᠠ᠃ ᠮᠢᠬᠠᠨ ᠳᠤᠨᠢ ᠠᠷᠠᠰᠤᠨ ᠤ ᠬᠠᠯᠢᠰᠤ᠂ ᠠᠷᠠᠰᠤᠨ ᠳᠤᠨᠢ ᠮᠢᠬᠠ ᠦᠯᠡᠳᠡᠭᠡᠵᠤ ᠪᠤᠯᠬᠤ ᠦᠭᠡᠢ᠃
ᠭᠤᠷᠪᠡ᠂ ᠭᠡᠳᠡᠰᠤ ᠲᠤᠳᠤᠷ ᠢ ᠠᠪᠬᠤ ᠠᠷᠭᠠ
1.ᠤᠷᠢᠳᠤ ᠪᠠᠷ ᠡᠪᠴᠢᠬᠦᠨ ᠤ ᠬᠠᠵᠠᠭᠤ ᠲᠠᠯᠠ ᠶᠢᠨ ᠬᠠᠪᠢᠷᠭᠠ ᠶᠢ ᠬᠠᠳᠤᠵᠤ᠂ ᠭᠡᠳᠡᠰᠤ ᠬᠦᠵᠡᠭᠡ ᠶᠢ ᠲᠤᠭᠤᠷᠢᠭᠤᠯᠤᠨ ᠬᠠᠭᠠᠯᠵᠤ ᠲᠤᠳᠤᠷ ᠢ ᠨᠢ ᠭᠠᠷᠭᠠᠨᠠ᠃ ᠶᠠᠭᠤᠨ ᠤ ᠡᠮᠤᠨᠠ ᠬᠦᠵᠡᠭᠡᠨ ᠲᠡᠭᠡᠷᠠ ᠨᠠᠭᠠᠳᠤᠯᠵᠤ ᠪᠠᠶᠢᠭᠠ ᠲᠠᠯᠢᠬᠦᠤ ᠶᠢ ᠠᠪᠴᠤ ᠠᠷᠠᠰᠤᠨ ᠲᠡᠭᠡᠷᠠ ᠬᠦᠴᠦᠳᠡᠢ ᠰᠠᠪᠠᠨᠠ᠃ ᠲᠠᠯᠢᠬᠦᠤ ᠶᠢ ᠢᠳᠡᠳᠡᠭ ᠦᠭᠡᠢ ᠪᠦᠭᠡᠳ ᠬᠤᠨᠢᠨ ᠤ ᠠᠷᠭᠠ ᠬᠢᠬᠦ ᠪᠤᠶᠤ ᠤᠶᠤᠳᠠᠯ ᠤᠨ ᠴᠡᠷᠢᠬ ᠨᠠᠭᠠᠬᠤ ᠳᠤ ᠭᠡᠷᠡᠭᠯᠡᠳᠡᠭ᠃ ᠬᠤᠨᠢᠨ ᠤ ᠬᠦᠵᠡᠭᠡᠨ ᠳᠤ ᠤᠯᠠᠭᠠᠨ ᠬᠤᠭᠤᠯᠠᠢ ᠵᠠᠯᠭᠠᠵᠤ ᠪᠠᠶᠢᠭᠠ ᠲᠤᠯᠠ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢ ᠲᠠᠳᠠᠵᠤ ᠬᠦᠵᠡᠭᠡᠨ ᠳᠤᠨᠢ ᠭᠤᠷᠪᠡᠨ ᠬᠤᠷᠤᠭᠤ ᠦᠯᠡᠳᠡᠭᠡᠵᠤ ᠤᠭᠳᠤᠯᠤᠨᠠ᠃ ᠲᠠᠬᠢᠨ ᠬᠦᠵᠡᠭᠡᠨ ᠳᠤᠨᠢ ᠬᠤᠨᠢᠨ ᠤ ᠬᠤᠳᠤᠭᠤᠳᠤ ᠨᠢ ᠵᠠᠯᠭᠠᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠲᠠᠬᠦᠨ ᠢ ᠤᠭᠳᠤᠯᠵᠤ ᠬᠦᠵᠡᠭᠡ ᠪᠠᠨ ᠰᠠᠯᠭᠠᠵᠤ ᠭᠠᠷᠭᠠᠨᠠ᠃
2.2. ᠬᠤᠨᠢᠨ ᠤ ᠲᠤᠳᠤᠷ ᠭᠡᠳᠡᠰᠤ ᠶᠢ ᠪᠦᠬᠦᠳᠡ ᠶᠢ ᠨᠢ ᠭᠠᠷᠭᠠᠬᠤ ᠶᠢᠨ ᠬᠠᠮᠳᠤ᠂ ᠭᠡᠳᠡᠰᠤᠨ ᠳᠤ ᠵᠠᠯᠭᠠᠵᠤ ᠪᠠᠶᠢᠭᠠ ᠪᠦᠳᠦᠬᠦᠨ ᠭᠡᠳᠡᠰᠤ ︵ᠦᠭᠡᠷᠠ ᠪᠠᠷ ᠭᠡᠯᠡᠪᠡᠯ ᠴᠠᠭᠠᠨ ᠮᠢᠬᠠ ᠶᠢ ᠤᠷᠳᠤ ᠰᠢᠬ ᠤᠭᠳᠤᠯᠵᠤ ᠦᠯᠡᠳᠡᠭᠡᠨᠠ︶ ᠶᠢ ᠰᠠᠯᠭᠠᠨᠠ᠃ ᠡᠨᠡ ᠨᠢ ᠠᠭᠠᠷᠴᠠᠭ ᠤᠨ ᠬᠦᠡᠳᠡᠢ ᠲᠠᠢ ᠵᠠᠯᠭᠠᠵᠤ ᠪᠠᠶᠢᠳᠠᠭ ᠪᠥᠳᠥᠬᠦᠨ ᠭᠡᠳᠡᠰᠤ ᠪᠤᠯᠤᠨᠠ᠃ ᠴᠠᠭᠠᠨ ᠮᠢᠬᠠ ᠶᠢ ᠭᠡᠳᠤᠢ ᠤᠷᠳᠤ ᠦᠯᠡᠳᠡᠭᠡᠪᠡᠯ᠂ ᠭᠡᠤᠭᠡᠨ ᠢᠶᠠᠨ ᠲᠠᠳᠤᠢ ᠬᠤᠯᠠ ᠮᠤᠷᠳᠠᠭᠤᠯᠤᠨᠠ ᠭᠡᠯᠴᠡᠳᠡᠭ᠃
3. ᠡᠯᠢᠭᠡ ᠪᠥᠭᠡᠷᠠ ᠠᠪᠬᠤ ᠶᠢᠨ ᠡᠮᠤᠨᠠ᠂ ᠡᠯᠢᠭᠡ ᠪᠤᠯᠤᠨ ᠦᠷᠥᠴᠡ ᠶᠢ ᠲᠤᠭᠤᠷᠢᠭᠤᠯᠤᠨ ᠵᠦᠰᠥᠵᠤ ᠡᠯᠢᠭᠡ ᠪᠥᠭᠡᠷᠠ ᠪᠠᠨ ᠠᠪᠤᠨᠠ᠃ ᠡᠯᠢᠭᠡᠨ ᠤ ᠲᠡᠭᠡᠷᠠ ᠨᠠᠭᠠᠳᠤᠯᠵᠤ ᠪᠠᠶᠢᠬᠤ ᠰᠥᠰᠤ ᠶᠢ ᠬᠠᠭᠠᠯᠬᠤ ᠦᠭᠡᠢ ᠪᠠᠷ ᠠᠪᠴᠤ ᠬᠠᠶᠠᠨᠠ᠃
4.ᠠᠭᠤᠰᠬᠢ ᠵᠢᠷᠤᠭᠡ ᠠᠴᠠ ᠤᠯᠠᠭᠠᠨ ᠬᠤᠭᠤᠯᠠᠢ᠂ ᠮᠦᠭᠡᠷᠰᠤᠨ ᠬᠤᠭᠤᠯᠠᠢ ᠶᠢ ᠤᠭᠳᠤᠯᠵᠤ ᠠᠪᠤᠨᠠ᠃ ᠪᠢᠳᠡᠬᠦᠤ ᠵᠢᠷᠤᠭᠡ ᠶᠢ ᠨᠢ ᠬᠠᠭᠠᠯᠵᠤ ᠴᠢᠰᠤ ᠶᠢ ᠨᠢ ᠰᠢᠪᠬᠠᠨᠠ᠃
5.ᠬᠤᠨᠢᠨ ᠤ ᠴᠢᠰᠤ ᠦᠯᠡᠳᠡᠬᠦ ᠳᠤ ᠴᠢᠰᠤᠨ ᠲᠤᠳᠤᠷᠠ ᠨᠢ ᠭᠠᠷ ᠢᠶᠠᠷ ᠢᠶᠠᠨ ᠰᠠᠶᠢᠨ ᠪᠠᠵᠠᠯᠠᠵᠤ ᠰᠢᠩᠭᠡᠨ ᠪᠤᠯᠭᠠᠨ ᠰᠠᠪᠡᠨ ᠳᠤ ᠠᠭᠤᠳᠠᠯᠤᠨᠠ᠃ 6. ᠬᠠᠮᠤᠭ ᠤᠨ ᠰᠠᠬᠦᠯ ᠳᠤ ᠬᠤᠨᠢᠨ ᠤ ᠴᠠᠭᠠᠨ ᠮᠢᠬᠠ ᠶᠢ ᠮᠠᠯᠳᠠᠵᠤ ᠠᠪᠤᠨᠠ᠃ ᠡᠷᠠ ᠬᠤᠨᠢ ᠪᠤᠯ ᠴᠢᠪᠢ ᠶᠢ ᠨᠢ ᠠᠪᠴᠤ ᠬᠠᠶᠠᠨᠠ᠃ ᠲᠠᠪᠤᠰᠠᠩ ᠢ ᠬᠠᠭᠠᠯᠵᠤ ᠪᠤᠯᠬᠤ ᠦᠭᠡᠢ᠃ ᠲᠠᠪᠤᠰᠠᠩ ᠢ ᠨᠢ ᠬᠠᠭᠠᠯᠪᠡᠯ ᠮᠢᠬᠠᠨ ᠳᠤᠨᠢ ᠰᠢᠭᠡᠰᠤᠨ ᠤ ᠮᠠᠭᠤᠬᠠᠢ ᠠᠮᠳᠠ ᠤᠷᠤᠨᠠ᠃ ᠲᠦᠷᠪᠡ᠂ ᠬᠤᠨᠢᠨ ᠤ ᠮᠢᠬᠠ ᠡᠪᠳᠡᠬᠦ ᠠᠷᠭᠠ
ᠡᠪᠳᠡᠭᠰᠡᠨ ᠮᠢᠬᠠ ᠪᠠᠨ ᠱᠡᠭᠡᠵᠡᠭᠡᠢ ᠳᠤ ᠲᠠᠯᠪᠢᠬᠤ ᠪᠤᠶᠤ ᠰᠢᠩᠭᠡᠯᠢᠭ ᠤᠨ ᠬᠠᠵᠠᠭᠤ ᠬᠠᠪᠳᠠᠰᠤᠨ ᠲᠡᠭᠡᠷᠠ ᠲᠠᠯᠭᠡᠵᠤ ᠲᠠᠯᠪᠢᠬᠤ᠂ ᠮᠥᠨ ᠬᠠᠨᠠ ᠶᠢᠨ ᠲᠤᠯᠤᠭᠠᠢ ᠳᠤ ᠡᠯᠬᠦᠵᠤ ᠮᠢᠬᠠ ᠶᠢ ᠨᠢ ᠵᠠᠭᠰᠠᠭᠠᠨᠠ᠃
1.ᠬᠠᠮᠤᠭ ᠤᠨ ᠲᠡᠷᠢᠬᠦᠨ ᠳᠤ ᠬᠤᠶᠡᠷ ᠭᠤᠶᠠ ᠶᠢᠨ ᠬᠤᠶᠡᠷ ᠲᠠᠯᠠ ᠶᠢᠨ ᠮᠢᠬᠠ ᠶᠢ ᠰᠠᠶᠢᠯᠵᠤ᠂ ᠰᠡᠬᠦᠵᠢ ᠰᠢᠩᠬᠢᠨᠡᠬᠦᠷ ᠤᠨ ᠵᠠᠭᠠᠳᠠᠰᠤ ᠶᠢ ᠬᠢᠳᠤᠭᠠᠨ ᠤ ᠦᠵᠤᠬᠦᠷ ᠢᠶᠠᠷ ᠮᠠᠯᠳᠠᠨ ᠰᠠᠯᠭᠠᠵᠤ᠂ ᠲᠠᠬᠢᠨ ᠬᠤᠶᠡᠷ ᠭᠤᠶᠠ ᠶᠢᠨ ᠲᠤᠮᠳᠠᠬᠢ ᠰᠠᠯᠳᠠᠭᠠᠨ ᠤ ᠦᠶᠠ ᠶᠢ ᠰᠠᠯᠭᠠᠵᠤ᠂ ᠬᠤᠶᠡᠷ ᠭᠤᠶᠠ ᠪᠠᠨ ᠠᠪᠤᠨᠠ᠃
2. ᠡᠪᠴᠢᠬᠦᠤ ᠶᠢ ᠴᠤᠷᠤᠢ ᠲᠠᠢ ᠨᠢ ᠰᠠᠯᠭᠠᠵᠤ ᠠᠪᠤᠨᠠ᠃
3. ᠬᠤᠨᠢᠨ ᠤ ᠤᠭᠤᠴᠠ ᠰᠠᠯᠭᠠᠬᠤ ᠳᠠᠭᠠᠨ ᠤᠭᠤᠴᠠᠨ ᠤ ᠬᠤᠶᠡᠷ ᠲᠠᠯᠠ ᠶᠢᠨ ᠰᠥᠪᠡᠭᠡᠨ ᠤ ᠭᠤᠷᠪᠡᠨ ᠬᠠᠪᠢᠷᠭᠠ ᠶᠢ ᠲᠤᠰ ᠲᠤᠰ ᠬᠠᠳᠤᠵᠤ ᠤᠭᠤᠴᠠ ᠨᠢᠷᠤᠭᠤᠨ ᠤ ᠦᠶᠠᠪᠠᠷ ᠰᠠᠯᠭᠠᠨᠠ᠃ ᠤᠭᠤᠴᠠᠨ ᠤ ᠠᠷᠤ ᠰᠡᠬᠦᠯ ᠳᠠᠬᠢ ᠬᠤᠨᠢᠨ ᠤ ᠤᠷᠤᠭ ᠰᠠᠬᠦᠯ ᠤᠨ ᠠᠷᠡᠰᠤᠶᠢ ᠤᠭᠳᠤᠯᠵᠤ ᠤᠭᠤᠴᠠᠨ ᠳᠠᠭᠠᠨ ᠦᠯᠡᠳᠡᠭᠡᠨᠠ᠃
4. ᠴᠡᠭᠡᠵᠢᠨ ᠪᠡᠶᠠ ᠶᠢᠨ ᠬᠤᠶᠡᠷ ᠬᠠ ᠶᠢᠨ ᠬᠤᠶᠡᠷ ᠲᠠᠯᠠ ᠶᠢᠨ ᠬᠠᠪᠢᠷᠭᠠ ᠶᠢ ᠨᠢᠭᠡ ᠨᠢᠭᠡ ᠪᠠᠷ ᠬᠠᠳᠤᠵᠤ ᠠᠪᠤᠨᠠ᠃
5. ᠲᠤᠯᠤᠭᠠᠢ᠂ ᠠᠮᠠᠨ ᠬᠦᠵᠤᠬᠦᠤ ᠬᠤᠶᠡᠷ ᠢ ᠤᠭᠳᠤᠯᠵᠤ ᠠᠪᠤᠨᠠ᠃
6. ᠲᠤᠯᠤᠭᠠᠢ᠂ ᠡᠷᠡᠤ ᠬᠤᠶᠡᠷ ᠤᠨ ᠵᠠᠭᠠᠳᠠᠰᠤ ᠶᠢ ᠰᠠᠯᠭᠠᠨᠠ᠃ ᠡᠷᠡᠤ ᠶᠢᠨ ᠠᠯᠳᠠᠨ ᠰᠢᠨᠠ ᠶᠢ ᠬᠤᠭᠤᠯᠵᠤ ᠪᠤᠯᠬᠤ ᠦᠭᠡᠢ᠂ ᠡᠪᠳᠡᠢ ᠠᠶᠠᠳᠠᠢ ᠰᠠᠯᠭᠠᠨᠠ᠃
7. ᠬᠦᠵᠤᠬᠦᠤ ᠰᠡᠭᠡᠷ ᠬᠤᠶᠡᠷ ᠤᠨ ᠲᠤᠮᠳᠠᠭᠤᠷ ᠰᠠᠯᠭᠠᠨᠠ᠃
ᠬᠠᠮᠤᠭ ᠤᠨ ᠰᠠᠬᠦᠯ ᠳᠤ ᠬᠤᠨᠢᠨ ᠤ ᠠᠷᠠᠰᠤᠨ ᠲᠡᠭᠡᠷᠡᠬᠢ ᠴᠢᠰᠤ ᠶᠢ ᠭᠠᠷᠭᠠᠭᠰᠠᠨ ᠬᠢᠳᠤᠭᠠ ᠪᠠᠷ ᠢᠶᠠᠨ ᠬᠤᠰᠤᠭᠠᠳ᠂ ᠠᠷᠠᠰᠤ ᠪᠠᠨ ᠲᠠᠳᠠᠵᠤ ᠲᠡᠭᠰᠢ ᠭᠠᠵᠠᠷ ᠲᠤ ᠲᠠᠨᠢᠢᠯᠭᠡᠵᠤ ᠲᠠᠯᠪᠢᠨᠠ᠃
ᠲᠠᠪᠤ᠂ ᠲᠤᠷᠤᠭ ᠮᠢᠬᠠ
ᠬᠤᠶᠡᠷ ᠭᠤᠶᠠ ᠶᠢᠨ ᠮᠢᠬᠠ᠂ ᠬᠤᠶᠡᠷ ᠠᠳᠬᠤᠭᠠᠯ ᠤᠨ ᠮᠢᠬᠠ᠂ ᠤᠭᠤᠴᠠᠨ ᠤ ᠭᠤᠤᠯ ᠮᠢᠬᠠ᠂ ᠤᠭᠤᠴᠠ ᠨᠢᠷᠤᠭᠤᠨ ᠤ ᠬᠤᠶᠡᠷ ᠲᠠᠯᠠ ᠶᠢᠨ ᠬᠠᠶᠢᠳᠠᠰᠤ᠂ ᠬᠦᠵᠤᠬᠦᠤ ᠰᠡᠭᠡᠷ ᠤᠨ ᠮᠢᠬᠠ ᠵᠡᠷᠭᠡ ᠲᠠᠪᠤᠨ ᠵᠦᠢᠯ ᠤᠨ ᠶᠠᠰᠤ ᠦᠭᠡᠢ ᠮᠢᠬᠠ ᠪᠤᠢ᠃
ᠵᠢᠷᠭᠤᠭᠠ᠂ ᠦᠶᠠ ᠪᠠᠷ ᠰᠠᠯᠭᠠᠭᠰᠠᠨ ᠬᠤᠨᠢᠨ ᠤ ᠶᠠᠰᠤ
ᠡᠮᠤᠨᠠ ᠬᠤᠶᠡᠷ ᠬᠦᠯ — ᠬᠤᠶᠡᠷ ᠬᠠ᠂ ᠬᠤᠶᠡᠷ ᠲᠠᠯᠤ᠂ ᠬᠤᠶᠠᠷ ᠠᠳᠬᠤᠭᠠᠯ᠂ ᠬᠤᠶᠡᠷ ᠬᠠᠷᠢᠳᠤ ᠪᠤᠢ᠃
ᠬᠤᠶᠢᠳᠤ ᠬᠤᠶᠡᠷ ᠬᠦᠯ — ᠬᠤᠶᠡᠷ ᠭᠤᠶᠠ᠂ ᠱᠠᠭᠠᠡᠳᠤ ᠬᠤᠶᠡᠷ᠂ ᠭᠤᠶᠠ ᠬᠤᠶᠡᠷ᠂ ᠰᠠᠬᠦᠵᠢ ᠬᠤᠶᠡᠷ᠃ ᠡᠳᠡᠭᠡᠷ ᠨᠢ ᠬᠤᠨᠢᠨ ᠤ ᠠᠷᠪᠡᠨ ᠬᠤᠶᠡᠷ ᠮᠦᠴᠢ ᠪᠤᠯᠤᠨᠠ᠃
ᠬᠠᠪᠢᠷᠭᠠ ᠳᠤ ᠲᠦᠷᠪᠡᠨ ᠦᠡᠳᠤᠷ᠂ ᠵᠢᠷᠭᠤᠭᠠᠨ ᠪᠤᠭᠤᠨᠢ ᠬᠠᠪᠢᠷᠭᠠ ᠲᠠᠢ᠃ ᠬᠤᠶᠡᠷ ᠲᠠᠯᠠ ᠶᠢᠨ ᠬᠤᠷᠢᠨ ᠬᠠᠪᠢᠷᠭᠠ ᠲᠡᠭᠡᠷᠠ᠂ ᠰᠥᠪᠡᠭᠡᠨ ᠤ ᠬᠤᠶᠠᠷ ᠲᠠᠯᠠ ᠶᠢᠨ ᠵᠢᠷᠭᠤᠭᠠᠨ ᠬᠠᠪᠢᠷᠭᠠ ᠶᠢ ᠨᠡᠮᠡᠪᠡᠯ ᠪᠦᠬᠦᠳᠡ ᠬᠤᠷᠢᠨ ᠵᠢᠷᠭᠤᠭᠠᠨ ᠬᠠᠪᠢᠷᠭᠠ ᠪᠤᠯᠤᠨᠠ᠃
ᠰᠡᠭᠡᠷ ᠠᠷᠪᠡᠨ ᠭᠤᠷᠪᠡ᠂ ᠡᠬᠦᠨ ᠳᠤ ᠤᠷᠳᠤ ᠰᠡᠭᠡᠷ ᠵᠢᠷᠭᠤᠭᠠ ᠪᠤᠢ᠃
ᠬᠦᠵᠦᠬᠦᠤ ᠵᠢᠷᠭᠤᠭᠠ᠂ ᠡᠬᠦᠨ ᠳᠤ ᠲᠤᠯᠤᠭᠠᠢ ᠲᠠᠯᠠ ᠶᠢᠨ ᠠᠮᠠᠨ ᠬᠦᠵᠤᠬᠦᠤ ᠨᠢᠭᠡ ᠪᠤᠢ᠃
ᠡᠪᠴᠢᠬᠦᠤ ᠨᠢᠭᠡ᠂ ᠲᠠᠬᠦᠨ ᠤ ᠬᠤᠷᠤᠭᠤ ᠠᠷᠪᠡᠨ ᠬᠤᠶᠡᠷ᠂ ᠬᠤᠶᠡᠷ ᠲᠠᠯᠠ ᠶᠢ ᠨᠠᠶᠢᠯᠡᠬᠦᠯᠪᠡᠯ ᠬᠤᠷᠢᠨ ᠲᠦᠷᠪᠡ ᠪᠤᠯᠤᠨᠠ᠃
ᠲᠤᠯᠤᠭᠠᠢ ᠨᠢᠭᠡ᠂ ᠲᠤᠯᠤᠭᠠᠢ ᠶᠢᠨ ᠠᠷᠠᠭᠠ ᠰᠢᠳᠤ ᠠᠷᠪᠡᠨ ᠨᠠᠢᠮᠡ᠂ ᠡᠷᠡᠤ ᠬᠤᠶᠠᠷ᠂ ᠡᠷᠡᠤ ᠶᠢᠨ ᠠᠷᠠᠭᠠ ᠠᠷᠪᠡᠨ ᠨᠠᠢᠮᠠ᠂ ᠡᠷᠡᠤ ᠶᠢᠨ ᠡᠮᠤᠨᠠ ᠰᠢᠳᠤ ᠨᠠᠢᠮᠠ ᠪᠤᠢ᠃
ᠬᠤᠨᠢᠨ ᠤ ᠲᠤᠯᠤᠭᠠᠢ ᠳᠤ ᠬᠤᠶᠡᠷ ᠴᠢᠬᠢ ︵ᠰᠤᠨᠤᠰᠬᠤ ᠡᠷᠭᠡᠳᠡᠨ︶᠂ ᠬᠤᠶᠠᠷ ᠨᠢᠳᠤ ︵ᠬᠠᠷᠠᠬᠤ ᠡᠷᠭᠡᠳᠡᠨ︶᠂ ᠨᠢᠭᠡ ᠬᠠᠮᠠᠷ ︵ᠦᠨᠤᠷᠯᠡᠬᠦ ᠡᠷᠭᠡᠳᠡᠨ︶᠂ ᠨᠢᠭᠡ ᠭᠡᠯᠡ ︵ᠠᠮᠳᠠᠯᠠᠬᠤ ᠡᠷᠭᠡᠳᠡᠨ︶᠂ ᠤᠯᠠᠭᠠᠨ ᠬᠤᠭᠤᠯᠠᠢ ︵ᠢᠳᠡᠰᠢ ᠲᠠᠮᠵᠢᠭᠤᠯᠬᠤ ᠡᠷᠭᠡᠳᠡᠨ︶᠂ᠮᠦᠭᠡᠷᠰᠤᠨ ᠬᠤᠭᠤᠯᠠᠢ ᠪᠡ ᠠᠭᠤᠰᠬᠢ ︵ᠠᠮᠢᠰᠬᠤᠯᠯᠠᠬᠤ ᠡᠷᠬᠡᠲᠡᠨ︶᠂ ᠰᠢᠳᠤ ︵ ᠵᠠᠵᠢᠯᠵᠤ ᠲᠠᠰᠤᠯᠬᠤ ᠡᠷᠭᠡᠳᠡᠨ︶᠂ ᠲᠥᠪᠤᠩᠬᠢ ︵ᠲᠠᠭᠤᠨ ᠤ ᠡᠷᠭᠡᠳᠡᠨ︶᠂ ᠡᠯᠢᠭᠡ᠂ ᠪᠦᠭᠡᠷᠠ᠂ ᠵᠢᠷᠤᠭᠡ ᠪᠤᠢ᠃ ᠲᠦᠷᠪᠡᠨ ᠬᠦᠯ ᠳᠤ ᠰᠢᠯᠪᠢ ᠲᠦᠷᠪᠡ᠂ ᠱᠠᠭᠠ ᠬᠤᠶᠡᠷ᠂ ᠲᠦᠢᠨ ᠬᠤᠶᠡᠷ᠂ ᠪᠤᠷᠪᠢ ᠶᠢᠨ ᠦᠶᠠ ᠬᠤᠶᠡᠷ᠂ ᠪᠤᠷᠪᠢ ᠬᠤᠶᠡᠷ᠂ ᠲᠤᠭᠤᠷᠠᠢ ᠨᠠᠢᠮᠡ᠂ ᠲᠤᠭᠤᠷᠠᠢ ᠪᠤᠯᠤᠨ ᠰᠢᠯᠪᠢ ᠶᠢᠨ ᠬᠤᠭᠤᠷᠤᠡᠳᠤ ᠭᠤᠴᠢᠨ ᠬᠤᠶᠡᠷ ᠦᠶᠠ ᠶᠠᠰᠤ ᠪᠤᠢ᠃ ᠲᠠᠪᠤᠰᠠᠩ ︵ᠰᠢᠭᠡᠰᠤ ᠬᠤᠷᠠᠬᠤ ᠡᠷᠭᠡᠳᠡᠨ︶᠂ ᠭᠠᠳᠠᠷ ᠪᠦᠭᠡᠷᠠ ︵ᠬᠦᠡᠭᠭᠡᠯᠡᠳᠡᠰᠤ︶ ᠬᠤᠶᠡᠷ᠂ ᠲᠠᠯᠡᠩ ︵ ᠡᠮᠠ ᠬᠤᠨᠢᠨ ᠳᠤ︶᠂ ᠬᠦᠬᠦᠨ ᠤ ᠲᠤᠪᠴᠢ ᠲᠥᠷᠪᠡ᠂ ᠴᠠᠪᠢ ᠠᠯᠭᠠᠨᠠᠭ ︵ᠬᠤᠶᠡᠷ ᠭᠤᠶᠠ ᠶᠢᠨ ᠬᠤᠭᠤᠷᠤᠡᠳᠤ︶ ᠵᠡᠷᠭᠡ ᠪᠤᠢ᠃
ᠬᠤᠶᠠᠷ ᠴᠠᠪᠢ ᠶᠢᠨ ᠲᠤᠮᠳᠠ ᠡᠷᠠ ᠪᠡᠯᠭᠡ ︵ᠬᠤᠴᠠ ᠪᠦᠭᠡᠷᠠ ᠬᠦᠡᠭᠭᠡᠯᠡᠳᠡᠰᠤ ᠲᠠᠢ︶᠂ ᠬᠤᠰᠬᠢᠨᠠᠭ ᠤᠨ ᠨᠦᠭᠡ᠂ ᠲᠤᠤᠷᠠ ᠲᠠᠯᠠ ᠳᠤᠨᠢ ᠡᠮᠠ ᠪᠡᠯᠭᠡ ᠵᠠᠷᠭᠡ ᠪᠤᠢ᠃
ᠡᠬᠦᠨ ᠠᠴᠠ ᠭᠠᠳᠠᠨᠠ ᠤᠬᠢᠯᠠᠩᠬᠠᠢ᠂ ᠰᠢᠷᠪᠤᠰᠤ᠂ ᠨᠦᠢᠷ᠂ ᠪᠤᠯᠴᠢᠷᠬᠠᠢ ︵ᠭᠤᠶᠠ ᠶᠢᠨ ᠴᠢᠮᠦᠭᠡᠨ ᠤ ᠲᠤᠮᠳᠠᠬᠢ ᠮᠢᠬᠠᠨ ᠤ ᠪᠤᠯᠴᠢᠷᠬᠠᠢ᠂ ᠬᠠ ᠶᠢᠨ ᠪᠤᠯᠴᠢᠷᠬᠠᠢ᠂ ᠲᠦᠪᠤᠩᠬᠢ ᠶᠢᠨ ᠪᠤᠯᠴᠢᠷᠬᠠᠢ᠂ ᠡᠷᠡᠤ ᠶᠢᠨ ᠪᠤᠯᠴᠢᠷᠬᠠᠢ︶᠂ ᠮᠦᠭᠡᠷᠰᠤ᠂ ᠮᠦᠭᠡᠷᠰᠤᠨ ᠬᠤᠭᠤᠯᠠᠢ᠂ ᠲᠠᠯᠢᠬᠦᠤ ᠵᠡᠷᠭᠡ ᠪᠤᠢ᠃
ᠲᠤᠯᠤᠭᠠ ᠭᠡᠳᠡᠰᠤ ᠲᠤᠳᠤᠷ ᠠᠷᠴᠢᠬᠤ ᠠᠷᠭᠠ
ᠬᠦᠵᠡᠭᠡᠨ ᠤ ᠪᠠᠭᠠᠰᠤ ᠶᠢ ᠬᠠᠶᠠᠭᠠᠳ ᠬᠦᠵᠡᠭᠡ ᠪᠠᠨ ᠴᠡᠪᠡᠷᠭᠡᠨ ᠤᠬᠢᠶᠠᠵᠤ᠂ ᠲᠠᠷᠠᠭᠠ ᠨᠢ ᠬᠠᠯᠠᠭᠤᠨ ᠤᠰᠤᠨ ᠳᠤ ᠬᠢᠵᠤ ᠦᠰᠤ ᠶᠢ ᠨᠢ ᠵᠤᠮᠠᠯᠠᠨᠠ᠃ ᠭᠡᠷᠭᠡᠨᠭᠳᠡᠢ ᠶᠢᠨ ᠪᠠᠭᠠᠰᠤ ᠶᠢ ᠴᠡᠪᠡᠷᠯᠡᠵᠤ᠂ ᠨᠠᠷᠢᠨ ᠵᠦᠰᠦᠨᠠ᠃ ᠰᠠᠷᠬᠢᠨᠠᠭ ᠤᠨ ᠬᠤᠨᠢᠶᠠᠰᠤ ︵ᠵᠢᠷᠠᠨ ᠬᠤᠨᠢᠶᠠᠰᠤ︶ ᠪᠦᠬᠦᠨ ᠤ ᠪᠠᠭᠠᠰᠤ ᠶᠢ ᠴᠡᠪᠡᠷᠯᠡᠵᠤ ᠠᠪᠤᠨᠠ᠃ ᠨᠠᠷᠢᠨ ᠭᠡᠳᠡᠰᠤ ᠶᠢ ᠬᠦᠪᠤᠵᠤ ᠠᠪᠳᠠᠭ᠃ ᠲᠠᠪᠬᠤᠷ ᠭᠡᠳᠡᠰᠤᠨ ᠤ ᠪᠠᠭᠠᠰᠤ ᠶᠢ ᠤᠰᠤ ᠴᠢᠳᠬᠤᠵᠤ ᠴᠡᠪᠡᠷᠯᠡᠨᠠ᠃ ᠤᠯᠤᠭᠠᠢ ᠪᠤᠯᠤᠨ ᠬᠤᠳᠤᠭᠤᠳᠤᠨ ᠤ ᠪᠠᠭᠠᠰᠤ ᠶᠢ ᠠᠷᠢᠯᠭᠠᠵᠤ ᠴᠡᠪᠡᠷᠯᠡᠨᠠ᠃
ᠴᠠᠭᠠᠨ ᠮᠢᠬᠠ ᠬᠢᠬᠦ ᠳᠡᠭᠡᠨ ᠭᠡᠳᠡᠰᠤᠨ ᠳᠤ ᠲᠠᠪᠬᠤᠷ ᠭᠡᠳᠡᠰᠤ᠂ ᠦᠷᠦᠴᠡ᠂ ᠭᠡᠷᠭᠡᠨᠭᠳᠡᠢ ᠭᠤᠷᠪᠡ ᠶᠢ ᠨᠠᠷᠢᠨ ᠵᠦᠰᠦᠭᠡᠳ ᠴᠢᠬᠢᠨᠠ᠃ ᠢᠡᠭᠬᠢᠪᠡᠯ ᠲᠤᠳᠤᠷ ᠢ ᠴᠡᠪᠡᠷᠯᠡᠵᠤ ᠠᠷᠴᠢᠵᠤ ᠲᠠᠭᠤᠰᠬᠤ ᠪᠤᠯᠤᠨᠠ᠃ ᠬᠤᠨᠢ ᠭᠠᠷᠭᠠᠬᠤ ᠶᠠᠪᠤᠴᠠ ᠳᠤ ᠬᠤᠨᠢ ᠭᠠᠷᠭᠠᠭᠰᠠᠨ ᠪᠥᠰᠡᠳᠡᠢ ᠬᠦᠮᠤᠨ ᠪᠡ ᠭᠡᠳᠡᠰᠤ ᠠᠷᠴᠢᠭᠰᠠᠨ ᠠᠪᠠᠭᠠᠢᠬᠤᠶᠡᠷ ᠬᠤᠷᠳᠤᠨ ᠤᠳᠠᠭᠠᠨ ᠠᠵᠢᠯᠯᠠᠬᠤ ᠪᠠᠨ ᠤᠷᠤᠯᠳᠤᠳᠠᠭ ᠤᠳᠠᠭᠠ ᠴᠤ ᠪᠤᠢ᠃ ᠭᠡᠨ ᠨᠢ ᠲᠠᠷᠢᠬᠦᠯᠡᠪᠡᠯ ᠠᠷᠠᠰᠤ ᠪᠤᠶᠤ ᠬᠦᠵᠡᠭᠡ ᠪᠡ ᠨᠦᠬᠦᠭᠡ ᠪᠠᠨ ᠰᠢᠪᠬᠠᠳᠠᠨᠠ ᠭᠡᠳᠡᠭ ᠲᠤᠮᠤᠭ ᠪᠠᠶᠢᠳᠠᠭ᠃
ᠪᠦᠬᠦ ᠠᠵᠢᠯ ᠲᠠᠭᠤᠰᠪᠡᠯ ᠴᠢᠰᠤ ᠪᠠᠨ ᠬᠤᠳᠤᠭᠤᠳᠤ ᠪᠤᠶᠤ ᠤᠯᠤᠭᠠᠢ ᠳᠤ ᠴᠢᠳᠬᠤᠭᠠᠳ᠂ ᠬᠤᠨᠢᠨ ᠤ ᠲᠤᠳᠤᠷ ᠢ ᠴᠢᠨᠠᠳᠠᠭ᠃ ᠡᠵᠢ ᠮᠢᠨᠢ ᠪᠠᠭᠠ ᠳᠤ ᠮᠢᠨᠢ ᠲᠤᠤᠷᠠᠬᠢ ᠮᠡᠳᠤ ᠵᠦᠢᠯ ᠢ ᠵᠢᠭᠠᠵᠤ ᠦᠭᠳᠡᠭ ᠪᠠᠶᠢᠯᠠ᠄ ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ ᠶᠢ ᠪᠠᠷᠪᠠᠭᠠᠳᠢ ︵ᠡᠷᠭᠡᠢ︶᠂ ᠪᠠᠳᠤᠨ ᠲᠠᠤᠯᠠᠢ ︵ᠲᠤᠯᠤᠪᠤᠷ︶᠂ ᠲᠤᠯᠢᠪᠤᠭᠤᠳᠢ ᠪᠤᠶᠤ ᠲᠤᠯᠢ ᠮᠠᠷᠭᠡᠨ ︵ ᠲᠤᠮᠳᠠ ᠬᠤᠷᠤᠭᠤ︶᠂ ᠲᠠᠤᠬᠠᠨ ᠲᠤᠪᠴᠢ ︵ᠨᠡᠷᠡᠬᠦᠢ ᠬᠤᠷᠤᠭᠤ︶᠂ ᠵᠢᠭᠠᠬᠠᠨ ᠭᠡᠤᠭᠡᠳ ᠪᠡ ᠪᠤᠵᠢᠭᠤᠳᠠᠢ ᠪᠤᠶᠤ ᠵᠢᠭᠠᠭᠠᠨ ᠲᠠᠬᠦᠤᠳᠠᠢ ︵ᠰᠢᠭᠡᠵᠢ ᠬᠤᠷᠤᠭᠤ︶ ᠪᠦᠭᠡᠷᠠ ᠵᠢᠷᠤᠭᠡ ᠪᠠᠨ ᠢᠳᠡᠭᠡᠳ᠂ ᠪᠦᠭᠰᠡ ᠪᠠᠨ ᠤᠡᠭᠭᠤᠢᠢᠯᠭᠠᠭᠠᠳ᠂ ᠬᠤᠳ ᠭᠡᠳ ᠠᠮᠠᠷᠬᠠᠨ ᠰᠠᠶᠢᠬᠠᠨ ᠤᠡᠳᠠᠪᠡ ᠭᠡᠮᠡᠨ ᠬᠤᠷᠤᠭᠤ ᠲᠠᠷᠤᠨ ᠵᠢᠭᠠᠵᠤ ᠦᠭᠳᠡᠭ ᠶᠤᠮᠰᠠᠨ᠃
ᠨᠠᠢᠮᠡ᠂ ᠬᠤᠨᠢᠨ ᠤ ᠶᠠᠰᠤ ᠭᠡᠳᠤᠢ᠂ ᠶᠠᠭᠤ ᠶᠠᠭᠤ ᠪᠠᠶᠢᠳᠠᠭ ᠪᠤᠢ︖
ᠲᠤᠯᠤᠭᠠᠢ ︵ᠵᠠᠷᠢᠮ ᠬᠤᠨᠢᠨ ᠳᠤ ᠡᠪᠡᠷ ᠪᠠᠶᠢᠳᠠᠭ︶ ᠨᠢᠭᠡ᠂ ᠡᠷᠡᠤ ᠬᠤᠶᠡᠷ᠂ ᠰᠢᠨᠠ ᠬᠤᠶᠡᠷ᠂ ᠡᠷᠡᠤ ᠳᠤ ᠨᠠᠢᠮᠠᠨ ᠰᠢᠳᠤ᠂ ᠡᠷᠡᠤ ᠪᠡ ᠲᠤᠯᠤᠭᠠᠢ ᠶᠢᠨ ᠠᠷᠠᠭᠠ ᠬᠤᠷᠢᠨ ᠲᠦᠷᠪᠡ᠂ ᠬᠦᠵᠤᠬᠦᠤ ᠵᠢᠷᠭᠤᠭᠠ᠂ ᠰᠡᠭᠡᠷ ᠠᠷᠪᠡᠨ ᠬᠤᠶᠡᠷ᠂ ᠬᠠᠪᠢᠷᠭᠠ ᠬᠤᠷᠢᠨ ᠵᠢᠷᠭᠤᠭᠠ᠂ ᠡᠪᠴᠢᠬᠦᠤ ᠨᠢᠭᠡ᠂ ᠡᠪᠴᠢᠬᠦᠤ ᠶᠢᠨ ᠬᠤᠷᠤᠭᠤ ᠠᠷᠪᠡᠨ ᠬᠤᠶᠡᠷ ᠨᠠᠶᠢᠳᠠ ᠬᠤᠷᠢᠨ ᠲᠦᠷᠪᠡ᠂ ᠭᠤᠶᠠ ᠬᠤᠶᠡᠷ᠂ ᠰᠡᠬᠦᠵᠢ ᠬᠤᠶᠡᠷ᠂ ᠱᠠᠭᠠᠡᠳᠤ ᠬᠤᠶᠡᠷ᠂ ᠠᠳᠬᠤᠭᠠᠯ ᠬᠤᠶᠡᠷ᠂ ᠲᠠᠯᠤ ᠬᠤᠶᠡᠷ᠂ ᠬᠠᠷᠢᠳᠤ ᠬᠤᠶᠡᠷ᠂ ᠨᠢᠷᠤᠭᠤ ᠲᠠᠪᠤ᠂ ᠰᠢᠩᠬᠢᠨᠡᠬᠦᠷ ︵ᠰᠢᠩᠭᠡᠯᠵᠡᠬᠦᠷ︶ ᠨᠢᠭᠡ᠂ ᠲᠤᠳᠤᠭᠰᠢ ᠦᠶᠠ ᠠᠷᠪᠡᠨ ᠨᠠᠢᠮᠡ᠂ ᠱᠠᠭᠠ ᠬᠤᠶᠡᠷ᠂ ᠲᠤᠶᠢᠭ ︵ᠲᠦᠢᠨᠠ︶ ᠬᠤᠶᠠᠷ᠂ ᠪᠤᠷᠪᠢ ᠬᠤᠶᠡᠷ᠂ ᠰᠠᠬᠦᠯᠤᠨ ᠦᠶᠠ ᠵᠢᠷᠭᠤᠭᠠ᠂ ᠡᠪᠤᠳᠥᠭ ᠬᠤᠶᠡᠷ᠂ ᠬᠦᠯ ᠲᠥᠷᠪᠡ᠂ ᠦᠶᠠ ᠬᠤᠷᠢᠨ ᠨᠠᠢᠮᠡ᠂ ᠲᠤᠭᠤᠷᠠᠢ ᠨᠠᠢᠮᠠ ᠵᠡᠷᠭᠡ ᠪᠠᠶᠢᠳᠠᠭ᠃
ᠰᠤᠯᠠ ᠦᠭᠡᠬᠦᠨ ᠳᠤ ᠮᠢᠬᠠᠨ ᠤ ᠦᠭᠡᠬᠦ᠂ ᠰᠡᠮᠡᠵᠡᠨ ᠤ ᠦᠭᠡᠬᠦ᠂ ᠭᠡᠳᠡᠰᠤᠨ ᠤ ᠦᠭᠡᠬᠦ᠂ ᠪᠦᠭᠡᠷᠠ ᠶᠢᠨ ᠦᠭᠡᠬᠦ ᠵᠡᠷᠭᠡ ᠪᠤᠢ᠃ ᠪᠠᠷᠭᠤᠴᠤᠳ ᠤᠨ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠬᠤᠨᠢ ᠭᠠᠷᠭᠠᠬᠤ ᠠᠷᠭᠠ ᠪᠡ ᠪᠤᠳᠠᠳᠠᠢ ᠠᠯᠬᠤᠮ ᠲᠠᠷᠠᠭᠠ ᠪᠤᠶᠤ ᠶᠠᠪᠤᠴᠠ ᠶᠢ ᠡᠶᠢᠨ ᠬᠦ ᠲᠦᠬᠦᠮ ᠲᠠᠨᠢᠯᠴᠠᠭᠤᠯᠪᠡ᠃ ᠪᠠᠷᠭᠤᠴᠤᠳ ᠬᠤᠨᠢ ᠭᠠᠷᠭᠠᠬᠤ ᠦᠶᠠ ᠳᠡᠭᠡᠨ ᠵᠠᠪᠡᠯ ᠦᠷᠤᠴᠡᠯᠡᠳᠡᠭ᠂ ᠬᠤᠭᠤᠯᠠᠢ ᠤᠭᠳᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠵᠡᠷᠭᠡ ᠤᠯᠠᠮᠵᠢᠯᠠᠯᠳᠤ ᠲᠠᠳᠬᠠᠯ ᠲᠠᠢ᠃ ᠭᠠᠷᠭᠠᠭᠰᠠᠨ ᠬᠤᠨᠢ ᠪᠠᠨ ᠪᠢᠳᠡᠬᠦᠤ ᠦᠪᠴᠢᠬᠦ᠂ ᠬᠦᠯᠦᠪᠴᠢ ᠬᠢᠬᠦ᠂ ᠲᠤᠯᠤᠮᠯᠠᠵᠤ ᠠᠪᠬᠤ ᠵᠡᠷᠭᠡ ᠭᠡᠯᠪᠡᠷᠢ ᠴᠤ ᠪᠠᠶᠢᠳᠠᠭ᠃ ᠲᠤᠷᠤᠭ ᠮᠢᠬᠠ ᠪᠠᠨ ᠪᠤᠷᠴᠠᠯᠠᠵᠤ ᠠᠪᠬᠤ᠂ ᠨᠦᠳᠥᠵᠤ ᠨᠤᠡᠳᠠᠭᠯᠠᠬᠤ ᠮᠡᠳᠤ ᠪᠠᠷ ᠬᠠᠳᠠᠭᠠᠯᠠᠬᠤ᠂ ᠬᠤᠨᠢᠨ ᠤ ᠪᠥᠬᠦ ᠶᠠᠰᠤ ᠱᠥᠯᠤᠨ ᠳᠤ ᠤᠷᠤᠬᠤ ᠪᠡ ᠡᠯᠠ ᠡᠷᠭᠡᠳᠡᠨ ᠢᠶᠠᠷ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠨ ᠵᠠᠰᠠᠬᠤ ᠵᠡᠷᠭᠡ ᠤᠯᠠᠨ ᠵᠦᠢᠯ ᠳᠤ ᠠᠰᠢᠭᠯᠠᠨ ᠭᠡᠷᠡᠭᠯᠡᠳᠡᠭ ᠶᠤᠮ᠃ ᠠᠳᠡ ᠲᠡᠷᠡ ᠪᠦᠬᠦᠨ ᠢ ᠨᠠᠷᠠ ᠲᠠᠳᠤᠢ ᠲᠤᠷᠠᠳᠴᠤ ᠦᠡᠭᠭᠡᠷᠡᠪᠡ᠃ ᠪᠤᠷᠤᠭᠤ ᠵᠦᠢᠯ ᠢ ᠵᠠᠰᠠᠨ ᠵᠠᠯᠠᠷᠠᠭᠤᠯᠬᠤ ᠶᠢ ᠬᠦᠰᠡᠨᠠ᠃
ᠢᠷᠡᠯᠲᠡ᠄ ᠬᠦᠯᠦᠨ ᠪᠤᠶᠢᠷ ᠮᠤᠩᠭᠤᠯ ᠰᠦᠯᠵᠢᠶᠡ