-
9594
ᠬᠤᠷᠠ
2018-06-27 17:08
143
0
ᠬᠤᠷᠠ
ᠤᠶᠠᠨᠰᠣᠷᠭᠣᠭ
ᠬᠥᠮᠦᠨ ᠵᠤᠨ ᠢᠶᠡᠨ ᠢᠪᠡᠭᠡᠵᠦ
ᠬᠦᠷᠥᠰᠦᠳᠦ ᠲᠡᠯᠡᠬᠡᠢ ᠳ᠋ᠤ ᠪᠠᠭᠤᠭᠰᠠᠨ
ᠬᠦᠨᠡᠰᠦ ᠤᠮᠳᠠᠭᠠᠨ ᠪᠣᠯᠤᠭᠰᠠᠨ
ᠬᠥᠬᠡ ᠲᠡᠭᠷᠢ ᠶᠢᠨ ᠢᠪᠡᠭᠡᠯ ┃ ᠬᠤᠷᠠ
ᠠᠭᠤᠷ ᠠᠮᠢᠰᠬᠤᠯ ᠢᠶᠡᠨ ᠰᠢᠨᠡᠳᠭᠡᠵᠦ
ᠠᠩᠭᠠᠭᠰᠠᠨ ᠡᠬᠡ ᠶᠢ ᠤᠮᠳᠠᠯᠠᠵᠤ
ᠠᠯᠳᠠᠨ ᠲᠡᠯᠡᠬᠡᠢ ᠳ᠋ᠤ ᠰᠢᠮᠡᠳᠦᠨ ᠪᠠᠭᠤᠭᠰᠠᠨ
ᠠᠮᠢᠯᠠᠯ ᠤᠨ ᠰᠠᠬᠢᠭᠣᠯᠣᠰᠤᠨ ┃ ᠬᠤᠷᠠ
ᠪᠤᠮᠠᠨ ᠤᠷᠭᠤᠮᠠᠯ ᠢ ᠠᠮᠢᠯᠠᠭᠤᠯᠵᠤ
ᠪᠣᠯᠪᠠᠰᠤᠷᠠᠯ ᠪᠣᠯᠵᠤᠭᠠ ᠶᠢ ᠣᠯᠭᠤᠭᠰᠠᠨ
ᠪᠤᠷᠬᠠᠨ ᠲᠡᠭᠷᠢ ᠡᠴᠡ ᠢᠪᠡᠭᠡᠭᠰᠡᠨ
ᠪᠣᠳᠢᠰᠠᠳᠠᠸᠠ ᠡᠬᠡ ᠶᠢᠨ ᠨᠢᠯᠪᠤᠰᠤ ┃ ᠬᠤᠷᠠ
ᠨᠣᠲ ᠲᠡᠮᠳᠡᠭ ᠢᠯᠭᠠᠯ ᠦᠭᠡᠢ ᠴᠢᠪᠬᠠᠳᠠᠵᠤ
ᠨᠣᠶᠠᠷᠬᠠᠭ ᠶᠠᠮᠪᠠ ᠲᠠᠢ ᠵᠠᠯᠠᠷᠠᠵᠤ
ᠨᠣᠭᠤᠭᠠ ᠡᠪᠡᠰᠦ ᠶᠢ ᠨᠤᠯᠭᠤ ᠲᠠᠭᠠᠷᠢᠭᠰᠠᠨ
ᠨᠣᠮᠢᠨ ᠬᠥᠬᠡ ᠲᠦᠢᠮᠡᠷ ┃ ᠬᠤᠷᠠ
ᠤᠯᠠᠷᠢᠯ ᠴᠠᠭ ᠤᠨ ᠲᠣᠬᠢᠶᠠᠯ ᠢᠶᠡᠷ
ᠤᠰᠤᠨ ᠤ ᠠᠳᠠᠯᠢ ᠪᠤᠰᠤ ᠪᠡᠶᠡᠳᠦ ᠬᠤᠪᠢᠯᠪᠤᠷᠢ
ᠤᠭ ᠦᠨᠳᠦᠰᠦ ᠶᠢ ᠨᠢ ᠲᠥᠯᠵᠢᠭᠦᠯᠦᠭᠰᠡᠨ
ᠤᠭᠤᠷᠠᠭ ᠴᠠᠭᠠᠨ ᠰᠦ ┃ ᠬᠤᠷᠠ
ᠮᠤᠷᠢᠳᠣ ᠦᠨᠳᠦᠰᠦᠳᠡᠨ ᠤ ᠰᠦᠯᠳᠠ ᠪᠠᠨ ᠭᠠᠢᠬᠠᠭᠣᠯᠵᠦ
ᠮᠣᠷᠳᠠᠬᠤ ᠵᠠᠮ ᠢᠶᠡᠨ ᠨᠡᠬᠡᠬᠵᠤ ᠤᠷᠤᠭᠰᠢᠯᠠᠭᠰᠠᠨ
ᠮᠣᠯᠤᠷ ᠡᠷᠳᠡᠨᠢ ᠶᠢᠨ ᠴᠢᠨᠠᠷ ᠬᠠᠳᠠᠭᠠᠯᠠᠭᠰᠠᠨ
ᠮᠣᠩᠭᠤᠯ ᠡᠬᠡ ᠶᠢᠨ ᠴᠢᠰᠦ ┃ ᠬᠤᠷᠠ
