-
160122
ᠲᠤᠤᠯᠢ ᠶᠢᠨ ᠵᠠᠩᠭᠠᠷ ᠲᠦᠮᠡᠨ ᠤᠯᠠᠨ ᠢ ᠴᠤᠴᠢᠶᠠᠵᠤ ᠮᠡᠨᠳᠦᠯᠡᠪᠡ ᠬᠡᠨᠡ᠃
2019-04-10 12:51
155
0
ᠲᠤᠤᠯᠢ ᠵᠠᠩᠭᠠᠷ ᠲᠦᠮᠡᠨ ᠤᠯᠠᠨ ᠢ ᠴᠤᠴᠢᠶᠠᠵᠤ ᠮᠡᠨᠳᠦᠯᠡᠪᠡ ᠬᠡᠨᠡ᠃
︽ᠵᠠᠩᠭᠠᠷ︾ ᠲᠤᠤᠯᠢ ᠳᠤ ᠲᠤᠤᠯᠢ ᠶᠢᠨ ᠪᠠᠭᠠᠲᠤᠷ ᠵᠠᠩᠭᠠᠷ ᠤᠨ ᠮᠡᠨᠳᠦᠯᠡᠭᠰᠡᠨ ᠦᠯᠢᠭᠡᠷ ᠨᠢ ᠶᠡᠬᠡ ᠰᠤᠨᠢᠷᠬᠠᠯᠲᠠᠢ ᠪᠠᠢᠳᠠᠭ᠂ ᠵᠠᠩᠭᠠᠷ ᠤᠨ ᠡᠬᠡ ᠲᠦᠷᠦᠬᠦ ᠬᠡᠮᠡᠨ ᠬᠡᠳᠦ ᠬᠡᠳᠦᠨ ᠡᠳᠦᠷ ᠰᠦᠨᠢ ᠵᠤᠪᠠᠭᠠᠳ ᠬᠦᠯ ᠬᠦᠩᠬᠡᠷᠡᠨᠡ᠂ ᠡᠬᠡ ᠪᠠᠷᠢᠭᠴᠢ ᠨᠠᠷ᠂ ᠮᠢᠬᠠᠨ ᠪᠦᠮᠪᠦᠬᠡ ᠰᠢᠭ ᠶᠠᠭᠤᠮᠠ ᠶᠢ ᠬᠠᠷᠠᠭᠠᠳ ᠪᠦᠬᠦᠳᠡᠭᠡᠷ ᠤᠬᠠᠭᠠ ᠶᠢ ᠨᠢ ᠤᠯᠬᠤ ᠦᠬᠡᠢ᠂ ᠪᠠᠷᠢᠵᠤ ᠲᠠᠯᠪᠢᠬᠤ ᠪᠠᠨ ᠮᠠᠷᠲᠠᠨ ᠰᠠᠨᠳᠤᠷᠠᠨᠠ᠂ ᠵᠠᠩᠭᠠᠷ ᠤᠨ ᠡᠴᠢᠭᠡ ᠦᠽᠦᠩ ᠠᠯᠳᠠᠷ ᠬᠠᠭᠠᠨ ᠭᠡᠵᠤ ᠮᠦᠨ ᠤᠬᠠᠭᠠᠨ ᠦᠬᠡᠢ᠂ ᠴᠢᠳᠬᠦᠷ ᠴᠤ ᠪᠢᠯᠦᠦ ᠭᠡᠳ᠂ ᠬᠢᠲᠦᠭᠠ ᠰᠢᠪᠦᠬᠡ ᠪᠠᠷᠢᠴᠢᠬᠠᠭᠰᠠᠨ ᠲᠡᠨᠡᠭᠯᠡᠨᠡ᠃ ᠰᠡᠬᠦᠯᠡᠷ ᠨᠢ ᠲᠩᠷᠢ ᠶᠢᠨ ᠰᠢᠳᠢᠲᠦ ᠴᠢᠯᠠᠭᠤ ᠪᠠᠷ ᠵᠦᠰᠦᠵᠦ ᠬᠠᠭᠠᠯᠬᠤ ᠳᠤ᠂ ᠳᠤᠲᠤᠷᠠ ᠠᠴᠠ ᠨᠢ ᠨᠢᠯᠬᠠ ᠬᠡᠥᠬᠡᠳ︽ᠲᠠᠨᠤᠰ ᠶᠠᠭᠠᠬᠢᠭᠰᠠᠨ ᠤᠳᠠᠪᠠ᠂ ᠠᠮᠢᠰᠬᠤᠯ ᠪᠦᠲᠦᠵᠦ ᠦᠬᠦᠬᠦ ᠰᠢᠬᠠᠯᠠ︾ᠬᠡᠮᠡᠨ᠂ ᠬᠡᠯᠨ ᠠᠮᠨ ᠤᠷᠤᠴᠢᠭᠰᠠᠨ ᠶᠠᠷᠢᠵᠤ ᠪᠠᠢᠨᠠ᠃ ᠡᠨᠡ ᠪᠤᠯ ᠵᠠᠩᠭᠠᠷ ᠤᠨ ᠮᠡᠨᠳᠦᠯᠡᠭᠰᠡᠨ ᠦᠯᠢᠭᠡᠷ᠃
ᠠᠩᠬᠠ ᠪᠢ ᠡᠨᠡ ᠬᠡᠰᠡᠭ ᠢ ᠤᠩᠰᠢᠭᠠᠳ ᠦᠯᠢᠭᠡᠷ ᠳᠤᠮᠤᠭ ᠤᠨ ᠠᠬᠠᠳᠠᠭᠤᠯᠵᠤ ᠳᠠᠪᠠᠭᠤᠯᠠᠭᠰᠠᠨ ᠵᠦᠢᠯ ᠬᠡᠮᠡᠨ ᠪᠤᠳᠤᠵᠤ ᠪᠠᠢᠯᠠ᠂ ᠢᠨᠲᠸ᠋ᠷᠨᠸ᠋ᠲ ᠡᠴᠡ ᠬᠠᠢᠵᠤ ᠦᠵᠡᠭᠰᠡᠨ ᠴᠢᠨᠢ ᠬᠦᠪᠦᠷᠢᠯ ᠦᠨ ᠬᠠᠯᠢᠰᠦ ᠲᠠᠢ ᠲᠦᠷᠦᠳᠡᠭ ᠨᠢ ᠠᠮᠢᠳᠤᠷᠠᠯ ᠳᠤ ᠪᠠᠢᠬᠤ ᠵᠦᠢᠯ ᠪᠠᠢᠪᠠ᠃ ᠡᠢᠮᠦ ᠲᠤᠬᠢᠶᠠᠯᠳᠤᠯ᠂ ᠨᠠᠢ᠌ᠮᠠᠨ ᠲᠦᠮᠡᠨ ᠣ ᠨᠢᠬᠡ ᠬᠤᠪᠢ ᠲᠠᠢ ᠪᠠᠢᠳᠠᠭ ᠠᠵᠠᠢ᠃
ᠪᠤᠰᠤᠳ ᠦᠨᠳᠦᠰᠦᠲᠡᠨ ᠣ ᠡᠢᠮᠦᠷᠬᠦ ᠤᠢᠯᠨ ᠢ ᠬᠠᠷᠠᠪᠠᠰᠤ᠂ ᠮᠦᠨ ᠴᠤ ᠰᠤᠨᠢᠷᠬᠠᠯᠲᠠᠢ ᠪᠠᠢᠨᠠᠮ᠃
ᠨᠢᠬᠡ᠂ ᠡᠷᠲᠡᠨ ᠣ ᠬᠢᠲᠠᠳ ᠳᠤ ᠦᠨᠳᠡᠭᠡᠨ ᠡᠴᠡ ᠲᠦᠷᠦᠬᠦ ᠭᠡᠵᠤ ᠳᠤᠮᠤᠭᠯᠠᠳᠠᠭ ᠪᠦᠭᠡᠳ ᠶᠡᠷᠦ ᠨᠢ ᠬᠤᠢᠨᠠ ᠪᠠᠨ ᠶᠡᠬᠡ ᠤᠢᠯᠨ ᠢ ᠪᠦᠲᠦᠭᠡᠭᠰᠡᠨ ᠠᠯᠳᠠᠷᠲᠠᠢ ᠬᠦᠮᠦᠰ ᠤᠨ ᠦᠯᠢᠬᠡᠷ ᠲᠠᠢ ᠬᠤᠯᠪᠤᠭᠠ ᠲᠠᠢ ᠪᠠᠢᠨᠠ᠃
ᠬᠤᠶᠠᠷ᠂ ᠪᠠᠷᠠᠭᠤᠨ ᠡᠧᠦᠢᠷᠦ ᠳᠦ ᠡᠢᠮᠦᠷᠬᠦ ᠪᠢᠲᠡᠬᠦᠦ ᠲᠦᠷᠦᠭᠰᠡᠨ ᠬᠡᠥᠬᠡᠳ᠂ ᠢᠷᠦᠬᠡᠳᠦᠢ ᠳᠦ ᠠᠭᠤᠤ ᠤᠢᠯᠡᠰ ᠢ ᠪᠦᠲᠦᠬᠡᠨᠡ ᠬᠡᠮᠡᠨ ᠳᠤᠮᠤᠭᠯᠠᠳᠠᠭ ᠪᠠᠢᠨᠠ᠃
ᠭᠤᠷᠪᠠ᠂ ᠤᠷᠤᠰ ᠤᠳ᠂ ︽ᠪᠢᠲᠡᠬᠦᠦ ᠲᠦᠷᠦᠬᠦ︾ᠭᠡᠵᠤ ᠬᠡᠯᠡᠳᠡᠭ ᠨᠢ ᠠᠵᠠ ᠵᠢᠷᠭᠠᠯ ᠢ ᠪᠡᠯᠭᠡᠳᠡᠭᠰᠡᠨ ᠦᠬᠡ ᠬᠡᠨᠡ᠂ ᠪᠠᠰᠨ ᠢᠩᠬᠢᠵᠤ ᠲᠦᠷᠦᠭᠰᠡᠨ ᠬᠡᠥᠬᠡᠳ ᠢᠷᠦᠬᠡᠳᠦᠢ ᠳᠤ ᠶᠡᠬᠡ ᠤᠢᠯᠨ ᠪᠦᠲᠦᠬᠡᠨᠡ ᠬᠡᠮᠡᠨ ᠦᠵᠡᠳᠡᠭ ᠪᠠᠢᠨᠠ᠃
ᠶᠠᠭ ᠠᠨᠠᠭᠠᠬᠤ ᠤᠬᠠᠭᠠᠨ ᠣ ᠡᠬᠦᠳᠡᠨ ᠡᠴᠡ ᠬᠡᠯᠡᠪᠡᠯ᠂ ᠬᠦᠪᠦᠷᠢᠯ ᠦᠨ ᠬᠠᠯᠢᠰᠦ ᠲᠠᠢ ᠲᠦᠷᠦᠬᠦ︵ᠪᠢᠲᠡᠬᠦᠦ ᠲᠦᠷᠦᠳᠡᠭ︶ᠨᠢ ᠡᠷᠲᠡ ᠲᠦᠷᠦᠯᠳ᠋ᠨ ᠲᠠᠢ ᠶᠡᠬᠡᠩᠬᠢ ᠳᠡᠬᠡᠨ ᠬᠤᠯᠪᠤᠭᠠ ᠲᠠᠢ ᠪᠠᠢᠳᠠᠭ ᠦᠵᠡᠭᠳᠡᠯ ᠭᠡᠵᠤ ᠲᠠᠢᠯᠪᠤᠷᠢᠯᠠᠳᠠᠭ ᠪᠠᠢᠨᠠ᠂ ᠲᠡᠭᠡᠬᠦ ᠳᠡᠬᠡᠨ ᠵᠠᠩᠭᠠᠷ ᠤᠨ ᠡᠢᠮᠦ ᠪᠠᠢᠳᠠᠯ ᠲᠠᠢ ᠲᠦᠷᠦᠭᠰᠡᠨ ᠬᠡᠳᠡᠭ ᠢ ᠦᠵᠡᠬᠦᠯᠵᠤ ᠪᠠᠢᠳᠠᠭ ᠨᠢ ᠲᠡᠬᠦᠨ ᠣ ᠪᠤᠰᠤᠳ ᠲᠠᠢ ᠳᠠᠪᠲᠠᠭᠳᠠᠬᠤ ᠦᠬᠡᠢ᠂ ᠶᠡᠷᠦ ᠪᠤᠰᠤ ᠬᠦᠮᠦᠨ ᠣ ᠦᠯᠢᠭᠡᠷ ᠦᠨ ᠡᠬᠢᠯᠡᠯᠲᠡ ᠪᠠᠢᠵᠠᠢ᠃ ᠳᠤᠮᠤᠭ ᠵᠦᠢ ᠶᠢᠨ ᠡᠬᠦᠳᠡᠨ ᠡᠴᠡ ᠬᠠᠷᠠᠬᠤ ᠳᠤ᠂ ᠵᠠᠩᠭᠠᠷ ᠤᠨ ᠢᠩᠬᠢᠵᠤ ᠮᠡᠨᠳᠤᠯᠡᠳᠡᠭ ᠨᠢ ᠮᠤᠩᠭᠤᠯ ᠤᠨ ᠪᠤᠰᠤᠳ ᠲᠤᠤᠯᠢ ᠠᠴᠠ ᠢᠯᠭᠠᠭᠠ ᠲᠠᠢ᠂ ᠲᠤᠤᠯᠢ ᠶᠢᠨ ᠪᠠᠭᠠᠲᠤᠷ ᠤᠨ ᠶᠡᠷᠦ ᠪᠤᠰᠤ ᠶᠢᠨ ᠬᠡᠳᠡᠭ ᠲᠤᠪᠤᠢᠯᠭᠠᠬᠤ ᠳᠦ ᠵᠤᠷᠢᠭᠤᠯᠤᠭᠳᠠᠭᠰᠠᠨ ᠪᠠᠢᠨᠠ᠃ ᠵᠠᠩᠭᠠᠷ ᠰᠤᠳᠤᠯᠠᠭᠠᠴᠢᠳ ᠮᠠᠨᠢ᠂ ᠡᠢᠮᠦ ᠦᠬᠦᠯᠡᠮᠵᠢ ᠶᠢ ᠶᠠᠭᠤ ᠭᠡᠵᠤ ᠬᠠᠷᠠᠳᠠᠭ ᠪᠤᠯ︖ ᠵᠠᠷᠢᠮ ᠨᠦᠬᠦᠳ ᠦᠨ ᠬᠡᠯᠡᠳᠡᠭ ᠰᠢᠭ ᠵᠠᠩᠭᠠᠷ ᠲᠤᠤᠯᠢ ᠮᠠᠨᠢ︽ᠤᠷᠤ ᠦᠬᠡᠢ ᠭᠠᠵᠠᠷ ᠤᠪᠤᠭᠠ ᠪᠤᠰᠬᠠᠵᠤ︾ᠬᠡᠢ ᠬᠤᠭᠤᠰᠤᠨ ᠶᠠᠭᠤᠮᠠ ᠵᠤᠬᠢᠶᠠᠵᠤ ᠪᠠᠢᠨᠠ ᠭᠡᠳ ᠦᠵᠡᠳᠡᠭ ᠪᠤᠯᠪᠠ ᠦᠦ︖ ᠪᠦᠦ ᠮᠡᠳ᠋ᠨ᠃