-
44447
ᠬᠣᠵᠢᠭᠤᠳᠠᠵᠤ ᠳᠡᠯᠭᠡᠷᠡᠭᠰᠡᠨ ᠴᠡᠴᠡᠭᠡᠰ
2017-12-19 14:19
166
0
ᠬᠤᠷᠴᠠ ᠤᠯᠠᠭᠠᠨ ᠴᠡᠴᠡᠭ ᠳᠡᠯᠭᠡᠷᠡᠬᠦ ᠶᠢᠨ ᠴᠢᠮᠡᠭᠡ
ᠬᠤᠤᠯᠢᠨ ᠤ ᠡᠷᠭᠢ ᠶᠢ ᠲᠡᠯᠡᠵᠦ ᠶᠠᠪᠠᠭᠠᠨ ᠤᠷᠤᠰᠤᠨᠠ
ᠲᠡᠷᠡ ᠰᠠᠶᠢᠬᠠᠨ ᠴᠢᠮᠡᠭᠡ ᠪᠠᠷ ᠳᠠᠪᠬᠢᠭᠠᠳ ᠬᠦᠷᠬᠦ ᠪᠠᠷ
ᠳᠡᠯᠪᠢ ᠨᠢ ᠬᠠᠷᠢᠨ ᠢᠴᠢᠴᠢᠬᠡᠭᠡᠳ ᠴᠣᠮᠣᠷᠯᠢᠭ ᠲᠤ ᠪᠠᠨ ᠨᠢᠭᠤᠴᠢᠬᠠᠵᠠᠢ
ᠬᠥᠨᠳᠦᠯ ᠨᠤᠲᠤᠭ ᠤᠨ ᠰᠣᠶᠣᠯ ᠲᠡᠦᠬᠡ᠂ ᠥᠪ ᠪᠠᠶᠢᠭᠠᠯᠢ᠂ ᠬᠦᠮᠦᠨ ᠠᠷᠠᠳ
ᠬᠦᠮᠦᠰ ᠦᠨ ᠨᠢᠳᠦᠨ ᠳᠦ ᠬᠡᠯᠲᠡᠭᠡᠢ ᠳᠤᠰᠴᠤ ᠲᠦᠯᠢᠶᠡᠮᠣᠳᠣ ᠪᠠᠷ ᠤᠩᠰᠢᠭᠳᠠᠨᠠ
ᠬᠦᠭᠡᠷᠦᠬᠦᠢ ᠲᠡᠷᠡ ᠪᠤᠷᠤᠭᠤ ᠠᠷᠤ ᠶᠢᠨ ᠴᠡᠴᠡᠭᠡᠰ ᠬᠦᠷᠲᠡᠯᠡ
ᠴᠠᠭ ᠢ ᠠᠮᠵᠢᠨ ᠪᠥᠮᠪᠦᠭᠡᠯᠡᠬᠦ ᠬᠡᠮᠡᠭᠰᠡᠨ ᠢᠶᠡᠨ ᠳᠡᠯᠪᠢ ᠪᠡᠨ ᠳᠠᠬᠢᠨᠲᠠ ᠬᠤᠮᠪᠢᠪᠠᠢ
ᠤᠷᠭᠤᠬᠤ ᠨᠠᠷᠠᠨ ᠤ ᠤᠯᠠᠪᠤᠷ ᠲᠤᠶᠠᠭᠠᠨᠠ ᠭᠦᠢᠯᠡᠰᠦᠨ ᠴᠡᠴᠡᠭ ᠮᠦᠰᠢᠶᠡᠩᠭᠦᠢ
ᠠᠰᠬᠠ ᠶᠢᠨ ᠰᠡᠭᠦᠳᠡᠷ ᠬᠠᠷᠠᠪᠤᠷ ᠤᠨ ᠨᠠᠪᠴᠢᠰ ᠤᠨᠠᠬᠤ ᠨᠠᠷᠠᠨ ᠢ ᠬᠦᠰᠡᠩᠬᠡᠨ
ᠠᠰᠢᠭ ᠬᠣᠣᠷ᠂ ᠠᠯᠳᠠᠷ ᠨᠡᠷᠡ᠂ ᠰᠡᠳᠭᠢᠯ ᠤᠨ ᠡᠴᠢᠨᠡ ᠲᠡᠮᠡᠴᠡᠯᠳᠦᠬᠦᠢ
ᠠᠶᠠ ᠬᠥᠭᠡᠷᠦᠬᠦᠢ᠂ ᠵᠢᠷᠦᠬᠡ ᠲᠠᠮᠢᠷ ᠪᠣᠳᠣᠯ ᠤᠨ ᠴᠠᠭᠠᠨᠠ ᠴᠠᠷᠴᠠᠩᠬᠠᠢ
ᠬᠥᠨᠳᠥᠯ ᠭᠣᠣᠯ ᠤᠨ ᠠᠮᠢᠳᠤ ᠤᠰᠤᠨ ᠬᠠᠷᠭᠢᠶᠠᠯᠠᠨ ᠬᠠᠷᠭᠢᠶᠠᠲᠤᠭᠰᠠᠭᠠᠷ
ᠬᠠᠲᠠᠩᠬᠠᠢ ᠬᠤᠤᠯᠢᠨ ᠤ ᠬᠡᠪᠡᠯᠢ ᠶᠢ ᠳᠦᠭᠦᠷᠭᠡᠨ ᠠᠯᠤᠰ ᠲᠤ ᠲᠠᠮᠡᠦᠯᠡᠨᠡ
ᠬᠡᠦᠬᠡᠳ ᠨᠢ ᠬᠠᠷᠢᠨ ᠨᠢᠳᠡᠷ ᠢᠶᠡᠨ ᠬᠦᠷᠲᠡᠯᠡ ᠪᠣᠰᠣᠳ ᠲᠤ ᠲᠤᠰᠢᠶᠠᠴᠢᠬᠠᠭᠠᠳ
ᠠᠷᠢᠬᠢ ᠬᠢᠭᠡᠳ ᠮᠠᠵᠢᠶᠠᠩ ᠤᠨ ᠰᠢᠷᠡᠭᠡᠨ ᠡᠴᠡ ᠠᠮᠢᠳᠦᠷᠠᠯ ᠢᠶᠠᠨ ᠰᠢᠨᠡ ᠪᠠᠷ ᠡᠬᠢᠯᠡᠭᠦᠯᠦᠨᠡ ᠪᠢᠯᠡ
ᠨᠠᠷᠠᠨ ᠰᠠᠷᠠᠨ ᠵᠣᠷᠰᠢᠨ ᠣᠷᠴᠢᠭᠠᠳ ᠬᠡᠴᠦᠨᠡᠨ ᠭᠠᠯᠪᠠ ᠦᠩᠭᠡᠷᠡᠪᠡ
ᠨᠡᠶᠢᠭᠡᠮ ᠲᠥᠷᠥ ᠬᠠᠯᠠᠭᠳᠠᠨ ᠰᠤᠯᠢᠭᠳᠠᠨ ᠬᠡᠴᠦᠨᠡᠨ ᠵᠠᠭᠤᠨ ᠢ ᠲᠤᠭᠤᠯᠪᠠ
ᠠᠯᠲᠠᠨ ᠬᠠᠷᠠᠪᠤᠷ ︽ ᠭᠠᠬᠠᠢ ᠬᠣᠲᠠᠨᠠ︾ ᠢᠵᠠᠭᠤᠷ ᠠᠴᠠ ᠤᠷᠭᠤᠭᠰᠠᠭᠠᠷ ᠪᠦᠯᠦᠭᠡ
ᠠᠯᠳᠠᠷ ᠠᠰᠢᠭ ᠤᠨ ᠱᠠᠲᠤ ᠪᠣᠯᠵᠤ ᠣᠳᠣ ᠶᠢᠨ ︽ ᠬᠦᠮᠦᠰ︾ ᠲᠦ᠋ᠷ ᠡᠷᠬᠢᠮᠯᠡᠭᠳᠡᠵᠦᠬᠦᠢ
ᠰᠢᠭᠤᠷᠭᠠ ᠶᠡᠷᠦᠨᠢ ᠲᠠᠰᠤᠷᠠᠭᠠ ᠦᠭᠡᠢ ᠡᠴᠡ ᠳᠡᠯᠪᠢ ᠨᠢ ᠳᠠᠩᠴᠢ ᠭᠬᠢᠷᠲᠦᠩᠭᠦᠢ
ᠪᠤᠷᠤᠭᠠ ᠶᠡᠷᠦᠨᠢ ᠳᠤᠰᠤᠯᠠᠭᠠ ᠦᠭᠡᠢ ᠡᠴᠡ ᠬᠤᠷᠴᠠ ᠥᠩᠭᠡ ᠪᠡᠨ ᠠᠯᠳᠠᠵᠤᠬᠤᠢ
ᠰᠢᠨᠡ ᠤᠷᠤᠰᠬᠠᠯ ᠳᠤ ᠬᠣᠮᠪᠢᠭᠳᠠᠨ ᠲᠠᠭᠤᠭᠳᠠᠭᠰᠠᠭᠠᠷ ᠬᠠᠭᠤᠴᠢᠨ ᠢᠶᠠᠨ ᠨᠢᠭᠡᠨᠲᠡ ᠤᠷᠬᠢᠬᠤᠢ
ᠪᠤᠷᠤᠭᠤ ᠠᠶᠠᠨ ᠳᠤ ᠪᠠᠨ ᠵᠥᠪ ᠢ ᠦᠭᠭᠦᠭᠰᠡᠭᠡᠷ ᠨᠡᠷᠡ ᠪᠠᠨ ᠬᠦᠷᠲᠡᠯᠡ ᠪᠠᠯᠠᠶᠢᠷᠠᠭᠤᠯᠪᠠᠢ
ᠭᠦᠶᠦᠬᠡᠨ ᠤᠰᠤᠨᠠ ᠪᠦᠳᠦᠭᠦᠨ ᠵᠢᠭᠠᠰᠤ ᠲᠣᠭᠲᠠᠨᠢᠬᠤᠶᠠ ᠪᠡᠷᠬᠡ ᠡᠴᠡ ᠪᠡᠷᠬᠡ
ᠭᠦᠨ ᠣᠢ ᠳ᠋ᠦ᠋ᠷ ᠮᠣᠳᠣᠨ ᠴᠡᠴᠡᠭᠯᠡᠬᠦ ᠨᠢ ᠪᠠᠶᠢᠭᠠᠯᠢ ᠶᠢᠨ ᠪᠠᠰᠠ ᠨᠢᠭᠡᠨ ᠭᠠᠶᠢᠬᠠᠮᠰᠢᠭ
ᠰᠤᠷᠲᠠᠯ ᠤᠨ ᠢᠯᠭᠠᠯ ᠢᠶᠠᠷ ᠠᠭᠯᠠᠭ ᠣᠢ ᠳ᠋ᠦ᠋ᠷ ᠬᠣᠭ ᠨᠣᠪᠰᠢ ᠣᠪᠣᠭᠠᠷᠠᠨ
ᠰᠣᠭᠲᠤᠬᠤ ᠶᠢᠨ ᠦᠵᠦᠭᠦᠷ ᠴᠡᠭᠴᠡᠦᠬᠡᠢ ᠬᠦᠷᠲᠡᠯᠡ ᠨᠠᠭᠤᠷ ᠲᠦ᠋ᠷ ᠱᠤᠩᠪᠠᠬᠤ ᠨᠢ ᠬᠠᠴᠢᠷᠬᠠᠯᠲᠠᠢ
ᠬᠣᠯᠠᠬᠢ ᠠᠭᠤᠯᠠᠨᠠ ᠬᠠᠷᠠᠪᠤᠷ ᠳᠡᠯᠭᠡᠷᠡᠯᠡ ᠊᠊᠊᠊᠊ ᠪᠠᠰᠠ ᠨᠢᠭᠡᠨ ᠴᠢᠮᠡᠭᠡ
ᠬᠦᠨᠳᠦᠯ ᠨᠤᠲᠤᠭ ᠠᠴᠠ ᠵᠢᠭᠦᠷ ᠳᠡᠯᠭᠡᠨ ᠬᠡᠳᠦᠨ ᠵᠦᠭ ᠳ᠋ᠦ᠋ᠷ ᠨᠢᠰᠦᠯᠦᠭᠡ
ᠬᠥᠰᠬᠡ ᠤᠨᠤᠭᠠ᠂ ᠬᠦᠮᠦᠨ ᠵᠣᠨ᠂ ᠬᠡᠰᠡᠭ ᠬᠤᠭᠤᠴᠠᠭᠠ ᠳᠡᠪᠵᠢᠶᠡᠷᠡᠯᠡ
ᠬᠡᠦᠬᠡᠳ ᠢᠶᠡᠨ ᠳᠠᠭᠠᠭᠤᠯᠵᠤ ᠴᠡᠪᠡᠷᠯᠡᠭᠡ ᠬᠢᠭᠡᠳ ᠪᠢᠳᠡ ᠪᠠᠰᠠᠯᠠ ᠶᠠᠭᠠᠷᠠᠯᠲᠠᠢ
ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠪᠢᠲᠡ᠂ ᠡᠬᠡ ᠪᠠᠶᠢᠭᠠᠯᠢ ᠳᠤ ᠨᠢ ᠪᠤᠴᠠᠭᠠᠶᠠ ᠠᠷᠠᠳ ᠲᠦᠮᠡᠨ ᠮᠢᠨᠢ
ᠦᠵᠡᠮᠵᠢ ᠳᠦ ᠨᠢ ᠰᠣᠭᠲᠣᠭᠤᠷᠠᠭᠠᠳ ᠠᠯᠢᠪᠠ ᠪᠠᠨ ᠪᠢᠲᠡᠭᠡᠢ ᠲᠡᠨᠳᠡ ᠣᠷᠬᠢᠭᠠᠳ ᠪᠠᠢ
ᠬᠡᠦᠬᠡᠳ ᠢᠶᠡᠨ ᠪᠢᠳᠡ᠂ ᠡᠷᠡᠭᠦᠯ ᠰᠡᠳᠭᠢᠴᠡ ᠲᠠᠢ ᠬᠦᠮᠦᠵᠢᠭᠦᠯᠦᠶᠡ ᠲᠦᠮᠡᠨ ᠠᠷᠠᠳ ᠮᠢᠨᠢ
ᠬᠠᠮᠤᠭ ᠮᠠᠭᠤᠬᠠᠢ ᠪᠠᠨ ᠪᠢᠲᠡᠭᠡᠢ ᠲᠡᠳᠡᠨ ᠳᠦ ᠦᠵᠡᠭᠦᠯᠦᠭᠡᠳ ᠯᠡ ᠪᠠᠢ ᠳ᠋ᠠ᠁
