-
6482703
ᠪᠦᠵᠢᠭᠲᠦ ᠵᠦᠴᠦᠭᠡ ︽ᠬᠦᠪᠴᠢ︾
2017-09-01 15:35
464
0
ᠰᠠᠷᠠᠨ ᠮᠡᠯᠳᠡᠶᠢᠵᠤ᠂ ᠰᠠᠯᠬᠢᠨ ᠢᠯᠪᠢᠭᠰᠡᠨ ᠨᠠᠮᠤᠷ ᠤᠨ ᠡᠬᠢᠨ ᠤ ᠰᠦᠨᠢ ᠢᠶᠠᠷ 8 ᠰᠠᠷᠠ ᠶᠢᠨ 31 ᠤ ᠤᠷᠤᠢ ᠦᠨᠳᠦᠰᠦᠳᠡᠨ ᠤ ᠪᠦᠵᠢᠭᠳᠦ ᠵᠦᠴᠦᠭᠡ ︽ᠬᠦᠪᠴᠢ︾ ᠶᠢᠨ ᠲᠤᠬᠯᠠᠯᠳᠠ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ ᠤ ᠤᠷᠠᠯᠢᠭ ᠵᠦᠴᠦᠭᠡ ᠶᠢᠨ ᠲᠤᠬᠯᠠᠯᠳᠠ ᠶᠢᠨ ᠭᠠᠵᠠᠷ ᠬᠦᠰᠢᠭᠡ ᠪᠠᠨ ᠢᠷᠠᠪᠠ᠃ ᠡᠳᠦᠷᠵᠢᠨ ᠮᠤᠩᠬᠢᠨᠠᠨ ᠠᠵᠢᠯᠯᠠᠭᠠᠳ ᠤᠷᠤᠢ ᠪᠤᠯᠬᠤ ᠪᠠᠷ ᠨᠢ ᠵᠦᠴᠦᠭᠡ ᠦᠵᠠᠵᠤ᠂ ᠰᠠᠨᠠᠭᠠ ᠰᠡᠳᠬᠢᠯ ᠤᠨ ᠴᠢᠯᠡᠭᠡ ᠪᠠᠨ ᠳᠠᠶᠢᠯᠵᠤ᠂ ᠤᠷᠠᠯᠢᠭ ᠤᠨ ᠬᠦᠴᠦᠨ ᠳᠤ ᠬᠦᠳᠦᠯᠦᠭᠳᠡᠬᠦ ᠭᠡᠵᠤ ᠪᠠᠰᠠ ᠨᠢᠭᠡ ᠵᠢᠷᠭᠠᠯ ᠪᠠᠶᠢᠵᠤ ᠳᠠᠭᠠᠷᠠᠨᠠ᠃ ᠡᠳᠡᠭᠡᠷ ᠵᠢᠷᠭᠠᠯᠳᠠᠢ ᠬᠦᠮᠦᠰ ᠤᠨ ᠨᠢᠭᠡ ᠪᠤᠯ ᠳᠠᠷᠤᠢ ᠰᠦᠯᠳᠡ ᠪᠤᠯᠤᠨᠠ᠃ ᠲᠤᠬᠯᠠᠯᠳᠠ ᠶᠢᠨ ᠭᠤᠶᠤ ᠬᠡᠰᠡᠭ ᠲᠤ ᠦᠶᠡ ᠦᠶᠡ ᠲᠤᠬᠳᠤᠯᠤᠨ ᠠᠯᠠᠭᠠ ᠳᠠᠰᠢᠵᠤ ᠪᠠᠶᠢᠬᠰᠠᠨ ᠰᠦᠯᠳᠡ᠄ ︽ ᠪᠢ ᠦᠪᠡᠷ ᠢᠶᠠᠨ ᠪᠤᠯ ᠵᠢᠷᠤᠬᠴᠢᠨ ᠬᠦᠮᠦᠨ ᠶᠤᠮ᠃ ᠮᠤᠩᠭᠤᠯ ᠪᠦᠵᠢᠭ ᠤᠨ ᠲᠤᠬᠠᠢ ᠵᠢᠷᠤᠭ ᠵᠢᠷᠤᠬᠤ ᠳᠤᠷᠠᠳᠠᠢ᠃ ᠡᠨᠡ ᠤᠷᠤᠢ ᠲᠤᠰᠬᠠᠢᠢᠯᠠᠨ ᠪᠦᠵᠢᠭ ᠤᠨ ᠲᠤᠬᠠᠯᠠᠯᠳᠠ ᠦᠵᠡᠬᠦ ᠪᠠᠷ ᠢᠷᠡᠵᠠᠢ᠃ ᠭᠡᠪᠡᠴᠦ ᠨᠠᠳᠠᠳᠤ ᠭᠠᠭᠴᠠᠬᠦ ᠪᠦᠵᠢᠭ ᠬᠠᠷᠠᠬᠳᠠᠭᠠ ᠦᠭᠡᠢ᠂ ᠪᠦᠵᠢᠭ ᠠᠴᠠ ᠤᠯᠠᠨ ᠵᠦᠢᠯᠡᠰ ᠢ ᠪᠤᠳᠤᠬᠳᠠᠭᠤᠯᠪᠠ᠃ ᠮᠠᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠪᠤᠯ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠵᠤ᠂ ᠬᠦᠨᠳᠦᠳᠭᠡᠵᠤ᠂ ᠰᠢᠳᠦᠵᠤ ᠶᠠᠪᠤᠳᠠᠭ ᠦᠨᠳᠦᠰᠦᠳᠡᠨ᠃ ᠰᠢᠳᠢᠳᠦ ᠦᠯᠢᠭᠡᠷ ᠤᠨ ᠠᠷᠭᠠ ᠪᠠᠷᠢᠯ ᠢᠶᠠᠷ ᠤᠷᠴᠢᠨ ᠲᠤᠭᠤᠷᠢᠨ᠂ ᠠᠮᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢ ᠬᠦᠨᠳᠦᠳᠭᠡᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠤᠷᠢᠶᠠᠯᠠᠬᠰᠠᠨ ᠪᠠᠶᠢᠨᠠ᠃ ᠲᠡᠭᠡᠬᠦ ᠳᠡᠭᠡᠨ ᠡᠨᠡᠬᠦ ᠪᠦᠵᠢᠭᠳᠦ ᠵᠦᠴᠦᠭᠡ ᠨᠢ ᠶᠠᠷᠢᠶᠠ ᠢᠯᠡᠳᠭᠡᠯ ᠪᠤᠶᠤ ᠦᠭᠡᠷᠡ ᠲᠤᠬᠯᠠᠯᠳᠠ ᠰᠢᠭ᠋ ᠨᠢᠭᠡ ᠬᠡᠪ ᠢᠶᠠᠷ ᠶᠡᠭᠡ ᠶᠤᠰᠤ ᠶᠢ ᠦᠵᠡᠭᠴᠢᠳ ᠲᠤ ᠠᠯᠪᠠ ᠪᠠᠷ ᠶᠡᠭᠦᠯᠡᠵᠤ ᠦᠭᠬᠦᠭᠡ ᠦᠭᠡᠢ᠃ ᠪᠦᠵᠢᠭᠲᠦ ᠵᠦᠴᠦᠭᠡ ᠶᠢᠨ ᠤᠨᠴᠠ ᠪᠠᠶᠢᠳᠠᠭ ᠤᠷᠠᠯᠢᠭ ᠤᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠷ ᠢᠯᠡᠷᠡᠭᠦᠯᠦᠨ ᠭᠠᠷᠭᠠᠵᠠᠢ᠃ ᠪᠦᠵᠢᠭ ᠤᠨ ᠤᠷᠠᠯᠢᠭ᠂ ᠮᠤᠩᠭᠤᠯ ᠪᠦᠵᠢᠭ ᠤᠨ ᠭᠠᠶᠢᠬᠠᠮᠰᠢᠭ ᠵᠡᠷᠭᠡ ᠨᠢ ᠮᠢᠨᠤ ᠬᠤᠵᠢᠮ ᠤᠨ ᠵᠢᠷᠤᠭ ᠤᠨ ᠪᠦᠲᠦᠭᠡᠯ ᠳᠤ ᠮᠠᠨᠢ ᠤᠯᠠᠨ ᠡᠬᠢ ᠰᠤᠷᠪᠤᠯᠵᠢ ᠬᠠᠩᠭᠠᠵᠠᠢ᠃ ᠡᠨᠡ ᠤᠷᠤᠢ ᠪᠢ ᠤᠯᠤᠯᠳᠠ ᠶᠡᠭᠡ︾ ᠭᠡᠵᠤ ᠤᠯᠵᠠᠭᠤᠷᠬᠠᠨ ᠶᠠᠷᠢᠪᠠ᠃
