ᠬᠠᠲᠤᠨ ᠢ ᠱᠤᠤᠯᠠᠵᠤ ᠢᠴᠢᠭᠡᠭᠰᠡᠨ ᠨᠢ 
    ᠬᠠᠯᠴᠠᠭᠠᠢ ᠳ᠋ᠥ ᠬᠠᠲᠤᠬᠠᠨ ᠰᠤᠤᠯᠠᠭᠳᠠᠭᠰᠠᠨ ᠵᠠᠯᠠᠭᠤ ᠬᠠᠲᠤᠨ ᠬᠡᠳᠦᠶᠢᠪᠡᠷ ᠶᠡᠬᠡ ᠢᠴᠢᠭᠰᠡᠨ ᠪᠤᠯᠪᠠᠴᠤ ᠬᠠᠷᠢ ᠬᠤᠰᠢᠭᠤᠨ ᠤ ᠵᠤᠴᠢᠨ ᠲᠠᠢ ᠦᠭᠡ ᠰᠤᠯᠢᠯ ᠦᠭᠡᠢ ᠵᠦᠯᠴᠦᠶᠢᠨ ᠰᠠᠭᠤᠵᠤ ᠦᠯᠦ  
ᠪᠤᠯᠠᠬᠤ ᠲᠤᠯᠠ ᠲᠡᠭᠦᠨ ᠦ ᠳᠤᠤᠷ᠎ᠠ ᠲᠠᠯ᠎ᠠ ᠳ᠋ᠥ ᠰᠠᠭᠤᠭ᠎ᠠ ᠳᠦᠰᠢᠮᠡᠯ ᠦᠨ ᠨᠡᠷ᠎ᠡ ᠶᠢ ᠠᠰᠠᠭᠤᠬᠤ ᠭᠡᠳ ᠢᠴᠢᠭᠰᠡᠨ ᠳᠡᠬᠡᠨ ᠴᠠᠯᠭᠠᠶᠢᠷᠠᠭᠤᠯᠤᠨ ︽ ᠲᠠᠨ ᠤ ᠳᠤᠤᠷᠠᠬᠢ ᠶᠢᠨ ᠴᠢᠨᠢ ᠨᠡᠷ᠎ᠡ ᠨᠢ ᠬᠡᠨ ᠭᠡᠳᠡᠭ  
ᠪᠤᠯᠠᠪᠠ ︾ ᠬᠡᠮᠡᠨ ᠠᠰᠠᠭᠤᠲᠠᠯ᠎ᠠ ︽ ᠫᠡᠢ ᠂ ᠬᠠᠲᠤᠨ ᠴᠦ ᠭᠡᠵᠤ ᠳ᠋ᠠ ᠬᠠᠴᠢᠨ ᠶᠠᠭᠤᠮ᠎ᠠ ᠰᠤᠨᠢᠷᠬᠠᠬᠤ ᠶᠤᠮ ᠃ ︾ ᠭᠡᠳ ︽ ᠬᠠᠲᠤᠨ ᠠᠰᠠᠭᠤᠬᠤ ᠪᠠᠷ ᠬᠠᠷᠢᠭᠤᠯᠬᠤ ᠦᠭᠡᠢ ᠪᠤᠯᠠᠬᠤ ᠦᠭᠡᠢ ︾  
ᠭᠡᠰᠡᠨ ᠢᠶᠡᠨ ᠄  
    ᠮᠦᠯᠬᠦᠵᠦ ᠪᠠᠶᠢᠬᠤ ᠶᠢᠨ ᠠᠯᠳᠠ  
    ᠮᠦᠮᠦᠭ ᠭᠡᠳᠡᠭ ᠃  
    ᠭᠤᠯᠭᠤᠵᠤ ᠪᠠᠶᠢᠬᠤ ᠠᠯᠳᠠ  
    ᠭᠤᠤᠷ ᠭᠡᠳᠡᠭ ᠃  
    ᠠᠪᠤ ᠶᠢᠨ ᠦᠭᠭᠦᠭᠰᠡᠨ ᠨᠡᠷ᠎ᠡ ᠨᠢ  
    ᠠᠯᠢᠶ᠎ᠠ ᠪᠦᠭᠡᠷ᠎ᠡ ᠃  
    ᠡᠵᠢ ᠶᠢᠨ ᠦᠭᠭᠦᠭᠰᠡᠨ ᠨᠡᠷ᠎ᠡ ᠨᠢ  
    ᠡᠷᠬᠡ ᠪᠦᠭᠡᠷ᠎ᠡ ᠃  
    ᠡᠨᠡ ᠪᠡᠶ᠎ᠡ ᠡᠷᠴᠢᠯᠡᠭᠡᠳ  
    ᠡᠷ᠎ᠡ ᠶᠢᠨ ᠴᠡᠭᠡᠯ ᠳ᠋ᠤᠷ ᠬᠦᠷᠬᠦᠯᠡᠷ  
    ᠡᠷᠬᠢᠮ ᠨᠡᠷ᠎ᠡ ᠶᠡᠬᠡᠰᠴᠤ  
    ᠡᠯᠳᠡᠪ ᠲᠠᠪᠤ ᠪᠠᠷ ᠳᠠᠭᠤᠳᠠᠯᠴᠠᠳᠠᠭ ᠃ 
     ᠨᠢᠭᠤᠷ ᠦᠭᠡᠢ ᠪᠠᠶᠢᠳᠠᠯ᠎ᠠ ᠢᠴᠢᠮᠡᠳᠡᠬᠡᠢ 
     ᠨᠢᠳᠦ ᠦᠭᠡᠢ ᠪᠠᠶᠢᠳᠠᠯ᠎ᠠ ᠤᠬᠢᠯᠠᠮᠠᠭ᠍ᠬᠠᠢ 
     ᠬᠠᠮᠠᠷ ᠦᠭᠡᠢ ᠪᠠᠶᠢᠲᠠᠯ᠎ᠠ ᠨᠢᠰᠤᠠᠭ᠍ᠬᠠᠢ 
     ᠬᠠᠨᠴᠤᠢ ᠦᠭᠡᠢ ᠪᠠᠶᠢᠲᠠᠯ᠎ᠠ ᠰᠢᠮᠠᠷᠬᠠᠢ 
     ᠬᠤᠯᠤ ᠭᠡᠲᠡᠯ᠎ᠡ ᠪᠠᠷᠢᠭᠤᠯ ᠦᠭᠡᠢ 
     ᠬᠤᠯᠤᠭᠠᠨ᠎ᠠ ᠭᠡᠲᠡᠯ᠎ᠡ ᠴᠢᠬᠢ ᠦᠭᠡᠢ 
     ᠬᠤᠪᠤᠭᠤ ᠭᠡᠲᠡᠯ᠎ᠡ ᠡᠰᠢ ᠦᠭᠡᠢ 
     ᠡᠬᠡᠨᠡᠷ ᠬᠦᠮᠦᠨ ᠳ᠋ᠥ ᠡᠷᠬᠢᠮᠯᠡᠭᠳᠡᠵᠦ
     ᠡᠲᠦᠭᠡᠳ ᠠᠪᠤᠪᠠᠯ ᠡᠷᠴᠢᠯᠡᠳᠡᠭ 
     ᠬᠠᠲᠤᠨ ᠬᠦᠮᠦᠨ ᠳ᠋ᠥ ᠬᠠᠶᠢᠷᠠᠯᠠᠭᠳᠠᠵᠤ 
     ᠬᠠᠪᠢᠳᠤᠭᠠᠳ ᠢᠷᠡᠪᠡᠯ ᠬᠠᠲᠠᠭᠤᠷᠠᠲᠠᠭ ᠃ 
     ᠬᠠᠴᠢᠨ ᠡᠨᠡ ᠡᠳ᠋ ᠦᠨ 
     ᠪᠦᠬᠦᠯᠢ ᠨᠡᠷ᠎ᠡ ᠶᠢ ᠳᠤᠷᠠᠳᠴᠤ 
     ᠪᠦᠳᠦᠭᠦᠨ ᠨᠡᠷ᠎ᠡ ᠳᠡᠬᠡᠨ ᠳ᠋ᠤᠨᠢ ᠬᠦᠷᠭᠡᠪᠡᠰᠤ 
     ᠪᠦᠯᠢᠳᠡᠭ ᠬᠡᠮᠡᠮᠤᠢ ᠃ ᠭᠡᠵᠤ ᠰᠢᠯᠦᠭᠯᠡᠨ ᠬᠠᠷᠢᠭᠤᠯᠤᠭᠠᠳ ᠲᠡᠷᠡ ᠬᠠᠲᠤᠨ ᠢ ᠰᠦᠷᠡᠬᠡᠢ ᠢᠴᠢᠭᠡᠭᠰᠡᠨ ᠭᠡᠨ᠎ᠡ ᠃