- ᠣᠷᠢᠶᠠᠩᠬᠠᠢ ᠵᠣᠯᠠᠨ
8637
ᠨᠠᠮᠣᠷ ᠲᠤᠷ ᠭᠤᠨᠢᠶᠠᠬᠣᠢ
2017-09-18 15:39
121
1
ᠣᠰᠣᠨ ᠢ ᠲᠠᠭᠠᠵᠣ ᠠᠮᠢ ᠡᠰᠡᠨᠢᠨ
ᠭᠣᠪᠠᠢ ᠪᠡᠶᠡ ᠵᠢ ᠪᠦᠳᠦᠭᠡᠭᠰᠡᠨ
ᠣᠯᠠᠷᠢᠯ ᠢ ᠵᠠᠪᠳᠣᠨ ᠲᠡᠯᠭᠡᠭᠰᠡᠨ ᠨᠠᠪᠴᠢᠰ
ᠭᠣᠸᠠ ᠦᠵᠡᠰᠭᠦᠯᠡᠩ ᠢ ᠮᠦᠴᠡᠷᠬᠡᠭᠰᠡᠨ
ᠣᠷᠭᠣᠬᠣ ᠶᠢᠨ ᠰᠠᠶᠢᠬᠠᠨ ᠳᠤ ᠰᠡᠷᠪᠡᠯᠵᠡᠭᠰᠡᠨ
ᠡᠷᠬᠡ ᠴᠢᠯᠦᠭᠡᠨ ᠦ ᠴᠡᠴᠡᠭ ᠡ
ᠦᠰᠬᠦ ᠶᠢᠨ ᠵᠢᠮᠡ ᠳᠦ ᠰᠣᠭᠣᠷᠠᠭᠰᠠᠨ
ᠡᠷᠡᠮᠡᠬᠡᠢ ᠪᠦᠳᠦᠭᠦᠨ ᠮᠣᠳᠣᠳ ᠡ
ᠣᠬᠠᠭᠠᠨ ᠪᠣᠳᠣᠯ ᠤᠨ ᠠᠬᠣᠢ ᠳᠤ
ᠣᠶᠢᠳᠬᠠᠷ ᠢ ᠦᠯᠳᠡᠵᠣ ᠮᠣᠷᠢᠯᠠᠬᠣᠢ ------
ᠬᠣᠷᠪᠣᠶᠢᠬᠣ ᠴᠡᠴᠡᠭ ᠦᠨ ᠨᠣᠭᠣᠷᠠᠭᠠ ᠳᠤ
ᠬᠣᠬᠤᠷᠠᠬᠣ ᠭᠣᠨᠢᠭ ᠨᠢᠭᠣᠭᠳᠠᠭᠰᠠᠨ
ᠬᠣᠯᠠ ᠶᠢ ᠵᠣᠷᠢᠬᠣ ᠭᠠᠯᠠᠭᠣᠳ ᠤᠨ ᠲᠠᠭᠣᠨ ᠳᠤ
ᠬᠣᠷᠭᠣᠳᠠᠬᠣ ᠠᠶᠠᠯᠭᠣ ᠰᠣᠨᠣᠰᠳᠠᠭᠰᠠᠨ
ᠣᠯᠠᠶᠢᠬᠣ ᠵᠢᠮᠢᠰ ᠦᠨ ᠲᠡᠭᠦᠵᠢᠯᠡᠭᠡ
ᠣᠴᠠᠷᠠᠯ ᠲᠣᠬᠢᠶᠠᠯ ᠢ ᠪᠡᠯᠭᠡᠳᠡᠭᠰᠡᠨ
ᠣᠨᠠᠬᠣ ᠨᠠᠪᠴᠢᠰ ᠤᠨ ᠱᠠᠷᠴᠢᠭᠢᠨᠠᠨ ᠳᠤ
ᠣᠬᠢᠯᠠᠬᠣ ᠴᠢᠮᠡᠭᠡ ᠲᠣᠭᠣᠯᠳᠠᠭᠰᠠᠨ
ᠠᠷᠭᠠᠳᠠᠬᠣ ᠠᠶᠠᠯᠭᠣ ᠲᠠᠢ ᠪᠠᠶᠢᠭᠠᠯᠢ
ᠠᠶᠠᠷᠯᠠᠬᠣ ᠡᠷᠭᠢᠯᠲᠡ ᠲᠠᠢ ᠣᠯᠠᠷᠢᠯ ᠡ -----
ᠪᠠᠳᠠᠷᠠᠵᠣ ᠪᠠᠭᠣᠷᠠᠬᠣ ᠬᠣᠭᠣᠴᠠᠭᠠᠨ ᠳᠤ
ᠪᠦᠳᠦᠵᠣ ᠡᠪᠳᠡᠷᠡᠬᠦ ᠶᠢᠨ ᠲᠣᠬᠢᠶᠠᠯ ᠲᠠᠢ
ᠪᠠᠶᠠᠷᠯᠠᠵᠣ ᠭᠣᠨᠢᠬᠣ ᠨᠠᠷᠠᠲᠦ ᠶᠢᠨ ᠵᠢᠮᠡ ᠳᠤ
ᠪᠠᠶᠠᠨ ᠶᠠᠳᠠᠭᠣ ᠶᠢᠨ ᠲᠠᠪᠠᠭᠠ ᠲᠠᠢ
ᠨᠡᠶᠢᠯᠡᠵᠣ ᠰᠠᠯᠬᠣ ᠴᠠᠭ ᠤᠨ ᠵᠠᠪᠰᠠᠷ ᠲᠤ
ᠨᠢᠯᠪᠣᠰᠣ ᠣᠷᠣᠰᠬᠣ ᠮᠦᠴᠡ ᠲᠠᠢ
ᠨᠢᠷᠭᠡᠬᠦ ᠶᠡᠭᠦᠷᠡᠬᠦ ᠣᠷᠴᠢᠯᠠᠩ ᠤᠨ ᠵᠦᠢ ᠳᠦ
ᠨᠢᠭᠦᠯ ᠪᠣᠶᠠᠨ ᠤ ᠰᠢᠯᠲᠠᠭᠠᠨ ᠲᠠᠢ
ᠡᠷᠭᠢᠬᠦ ᠣᠯᠠᠷᠢᠯ ᠤᠨ ᠦᠨᠳᠦᠷ ᠴᠡᠭ ᠲᠦ
ᠡᠷᠢᠯ ᠦᠨ ᠮᠦᠷ ᠲᠠᠢ ᠬᠣᠴᠣᠷᠠᠬᠣᠢ -------