ᠪᠤᠷᠬᠠᠨ ᠡᠮᠡᠭᠲᠡᠢ ᠬᠦᠮᠦᠨ ᠢ ᠤᠷᠠᠯᠠᠵᠤ ᠪᠠᠶᠢᠪᠠ᠃ 6ᠳ᠋ᠠᠬᠢ ᠡᠳᠦᠷ ᠦᠨ ᠣᠷᠣᠢ ᠪᠣᠯᠵᠤ ᠪᠠᠶᠢᠯᠠ ᠃
ᠪᠤᠷᠬᠠᠨ ᠳᠡᠭᠡᠷᠡ ᠰᠠᠬᠢᠭᠤᠰᠤᠨ ᠲᠩᠷᠢ ᠢᠷᠡᠭᠡᠳ ᠠᠰᠠᠭᠤᠪᠠ᠄《ᠲᠠ ᠶᠠᠭᠠᠬᠢᠭᠠᠳ ᠡᠶᠢᠮᠦ ᠶᠡᠬᠡ ᠬᠤᠭᠤᠴᠠᠭᠠ ᠶᠢ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ ᠪᠤᠢ︖》᠃
ᠪᠤᠷᠬᠠᠨ ᠡᠭᠦᠨ ᠳᠦ᠄ 《ᠲᠡᠭᠦᠨ ᠢ ᠶᠠᠭᠠᠬᠢᠵᠤ ᠬᠢᠬᠦ ᠶᠣᠰᠣᠲᠠᠢ ᠶᠢ ᠴᠢ ᠮᠡᠳᠡᠬᠦ ᠦᠦ︖ᠲᠡᠷᠡ 200 ᠍ ᠠᠴᠠ ᠳᠡᠭᠡᠭᠰᠢ ᠬᠥᠳᠡᠯᠳᠡᠭ ᠬᠡᠰᠡᠭ ᠲᠡᠢ ᠮᠥᠷᠲᠡᠯᠡ ᠭᠠᠶᠢᠬᠠᠯᠲᠠᠢ ᠤᠶᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠲᠡᠷᠡ ᠥᠪᠡᠷ ᠢᠶᠡᠨ ᠥᠪᠡᠷ ᠢ ᠪᠡᠨ ᠡᠳᠡᠭᠡᠭᠡᠵᠦ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠬᠣᠶᠠᠷᠬᠠᠨ ᠭᠠᠷ ᠲᠠᠢ ᠮᠥᠷᠲᠡᠯᠡ ᠬᠡᠳᠦᠨ ᠴᠤ ᠬᠡᠦᠬᠡᠳ ᠢ ᠲᠡᠪᠡᠷᠢᠵᠦ ᠴᠢᠳᠠᠬᠤ ᠶᠣᠰᠣᠲᠠᠢ ᠪᠠ ᠲᠡᠪᠡᠷᠢᠭᠰᠡᠨ ᠪᠣᠯᠭᠠᠨ ᠤ ᠪᠠᠨ ᠡᠪᠡᠳᠦᠯᠲᠡ ᠶᠢ ᠡᠳᠡᠭᠡᠭᠡᠵᠦ ᠴᠢᠳᠠᠳᠠᠭ ᠪᠠᠶᠢᠬᠤ ᠬᠡᠷᠡᠭᠲᠡᠢ》᠃
ᠰᠠᠬᠢᠭᠤᠰᠤᠨ ᠲᠩᠷᠢ᠄《ᠡᠨᠡ ᠴᠢᠨᠢ ᠡᠩ ᠦᠨ ᠵᠠᠭᠪᠤᠷ ᠪᠢᠵᠡ ᠳ᠋ᠡ︖ᠨᠢᠭᠡ ᠡᠳᠦᠷ ᠦᠨ ᠳᠣᠲᠣᠷᠠ ᠡᠶᠢᠮᠦ ᠶᠡᠬᠡ ᠵᠦᠢᠯ ᠬᠢᠵᠦ ᠠᠮᠵᠢᠬᠤ ᠦᠭᠡᠢ᠃ ᠮᠠᠷᠭᠠᠰᠢ ᠳᠠᠭᠤᠰᠬᠠ.》ᠭᠡᠪᠡ᠃
ᠪᠤᠷᠬᠠᠨ᠄《ᠦᠭᠡᠢ ᠡ ᠂ ᠥᠨᠥᠳᠥᠷ ᠯᠠ ᠳᠠᠭᠤᠰᠬᠠᠨᠠ ᠃ ᠲᠡᠷᠡ ᠮᠢᠨᠦ ᠬᠠᠶᠢᠷᠠᠲᠠᠢ ᠪᠦᠲᠦᠭᠡᠯ ᠪᠠᠶᠢᠬᠤ ᠪᠣᠯᠤᠨᠠ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠣᠶᠢᠷᠠᠳᠠᠵᠤ ᠣᠴᠢᠭᠠᠳ ᠡᠮᠡᠭᠲᠡᠢ ᠳᠦ ᠬᠦᠷᠴᠦ ᠦᠵᠡᠭᠡᠳ᠄ 《ᠪᠤᠷᠬᠠᠨ ᠮᠢᠨᠢ ᠶᠠᠮᠠᠷ ᠵᠥᠭᠡᠯᠡᠬᠡᠨ ᠶᠤᠮ ᠪᠤᠢ︖》ᠭᠡᠪᠡ᠃
ᠪᠤᠷᠬᠠᠨ᠄ 《ᠲᠡᠶᠢᠮᠦ ᠰᠢᠦ᠃ ᠲᠡᠷᠡ ᠵᠥᠭᠡᠯᠡᠬᠡᠨ ᠴᠤ ᠭᠡᠰᠡᠨ ᠮᠠᠰᠢ ᠶᠡᠬᠡ ᠬᠦᠴᠢᠲᠡᠢ ᠃ ᠴᠢ ᠲᠡᠭᠦᠨ ᠢ ᠤᠤ ᠲᠡᠰᠴᠦ ᠴᠢᠳᠠᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠯᠠ ᠪᠠᠶᠢᠨᠠ ᠳ᠋ᠠ᠃ ᠡᠮᠵᠡᠭᠬᠡᠨ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠴᠤ ᠭᠡᠰᠡᠨ ᠲᠡᠭᠦᠨ ᠳᠦ ᠠᠭᠤᠤ ᠶᠡᠬᠡ ᠬᠦᠴᠦ ᠪᠤᠢ》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠄ 《ᠲᠡᠷᠡ ᠪᠣᠳᠣᠵᠤ ᠴᠢᠳᠠᠬᠤ ᠤᠤ︖》ᠭᠡᠪᠡ᠃
ᠪᠤᠷᠬᠠᠨ ᠄ 《ᠲᠡᠷᠡ ᠪᠣᠳᠣᠬᠤ ᠠᠴᠠ ᠭᠠᠳᠠᠨᠠ ᠬᠡᠨ ᠦ ᠴᠤ ᠪᠣᠳᠣᠯ ᠢ ᠥᠭᠡᠷᠡᠴᠢᠯᠡᠵᠦ ᠴᠢᠳᠠᠨᠠ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠬᠠᠴᠠᠷ ᠲᠤ ᠨᠢ ᠬᠦᠷᠴᠦ ᠦᠵᠡᠭᠡᠳ ᠄《ᠪᠤᠷᠬᠠᠨ ᠮᠢᠨᠢ ᠡᠨᠳᠡ ᠡᠴᠡ ᠨᠢ ᠤᠰᠤ ᠭᠣᠣᠵᠢᠭᠠᠳ ᠪᠠᠶᠢᠨᠠ.》ᠭᠡᠪᠡ᠃
ᠪᠤᠷᠬᠠᠨ᠄《ᠨᠠᠭᠠᠳᠤᠬᠢ ᠴᠢᠨᠢ ᠪᠣᠯ ᠨᠢᠯᠪᠤᠰᠤ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠄ 《 ᠶᠠᠭᠤ ᠶᠤᠮ ᠪᠤᠢ︖》ᠭᠡᠪᠡ᠃
ᠪᠤᠷᠬᠠᠨ ᠄《ᠨᠢᠯᠪᠤᠰᠤ ᠪᠣᠯ ᠲᠡᠭᠦᠨ ᠦ ᠤᠶᠢᠳᠬᠠᠷ ᠭᠤᠨᠢᠭ ᠂ ᠪᠠᠶᠠᠷ ᠬᠥᠥᠷ ᠂ ᠭᠠᠭᠴᠠᠭᠠᠷᠳᠠᠯ ᠂ ᠵᠣᠪᠠᠯᠠᠩ ᠪᠠ ᠪᠠᠷᠳᠠᠮ ᠵᠠᠩ ᠢ ᠢᠯᠡᠷᠬᠡᠶᠢᠯᠡᠨᠡ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠄《ᠡᠨᠡ ᠪᠣᠯ ᠲᠠᠨ ᠤ ᠲᠡᠭᠦᠰ ᠪᠦᠲᠦᠭᠡᠯ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠦᠨᠡᠬᠡᠷ ᠭᠠᠶᠢᠬᠠᠯᠲᠠᠢ》 ᠭᠡᠪᠡ᠃
ᠪᠤᠷᠬᠠᠨ ᠄《ᠲᠡᠶᠢᠮᠦ ᠰᠢᠦ ᠃ ᠲᠡᠷᠡ ᠡᠷᠡᠭᠲᠡᠢ ᠬᠦᠮᠦᠨ ᠢ ᠭᠠᠶᠢᠬᠠᠰᠢᠷᠠᠭᠤᠯᠵᠤ ᠴᠢᠳᠠᠨᠠ ᠃ ᠤᠬᠢᠯᠠᠮᠠᠷ ᠪᠠᠶᠢᠭᠰᠠᠨ ᠴᠤ ᠢᠨᠢᠶᠡᠵᠦ ᠴᠢᠳᠠᠨᠠ ᠃ ᠠᠶᠤᠭᠰᠠᠨ ᠦᠶᠡ ᠳᠦ ᠪᠡᠨ ᠢᠨᠢᠶᠡᠮᠰᠦᠭᠯᠡᠵᠦ ᠴᠢᠳᠠᠨᠠ᠃ ᠥᠪᠡᠷ ᠲᠦ ᠨᠢ ᠲᠤᠰᠠᠯᠠᠮᠵᠢ ᠬᠡᠷᠡᠭ ᠲᠡᠢ ᠪᠠᠶᠢᠭᠰᠠᠨ ᠴᠤ ᠪᠤᠰᠤᠳ ᠲᠤ ᠲᠤᠰᠠᠯᠠᠵᠤ ᠴᠢᠳᠠᠨᠠ ᠃ ᠡᠷᠡᠭᠲᠡᠢ ᠬᠦᠮᠦᠨ ᠦ ᠬᠢᠵᠦ ᠴᠢᠳᠠᠭᠠ ᠦᠭᠡᠢ ᠶᠢ ᠵᠥᠪᠬᠡᠨ ᠬᠠᠷᠠᠴᠠ ᠪᠠᠷ ᠢᠶᠠᠨ ᠯᠠ ᠬᠢᠵᠦ ᠴᠢᠳᠠᠨᠠ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠡᠮᠡᠭᠲᠡᠢ ᠬᠦᠮᠦᠨ ᠢ ᠪᠢᠰᠢᠷᠡᠨ ᠰᠢᠲᠦᠵᠦ ᠠᠯᠮᠠᠶᠢᠷᠠᠪᠠ᠃
ᠪᠤᠷᠬᠠᠨ ᠰᠠᠨᠠᠭᠠ ᠠᠯᠠᠳᠠᠨ ᠄ 《ᠲᠡᠭᠦᠨ ᠳᠦ ᠭᠠᠭᠴᠠ ᠯᠠ ᠪᠣᠯᠬᠤ ᠦᠭᠡᠢ ᠵᠦᠢᠯ ᠪᠤᠢ ᠃ ᠲᠡᠷᠡ ᠳᠤᠲᠠᠭᠳᠠᠯ ᠢᠶᠠᠨ ᠥᠪᠡᠷ ᠢᠶᠡᠨ ᠵᠠᠰᠠᠵᠤ ᠴᠢᠳᠠᠬᠤ ᠶᠤᠮ ᠪᠣᠯ ᠲᠡᠷᠡ ᠲᠡᠭᠦᠰ ᠪᠣᠯᠬᠤ ᠪᠣᠯᠤᠨᠠ ᠃ ᠵᠠᠰᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠲᠡᠷᠡ ᠠᠮᠢᠳᠤᠷᠠᠯ ᠢᠶᠠᠨ ᠠᠯᠠᠨᠠ.》ᠭᠡᠪᠡ᠃
ᠰᠠᠬᠢᠭᠤᠰᠤᠨ ᠲᠩᠷᠢ ᠄ 《 ᠶᠠᠭᠣᠤ ᠶᠤᠮ ᠪᠤᠢ︖》ᠭᠡᠵᠦ ᠠᠰᠠᠭᠤᠪᠠ᠃
ᠪᠤᠷᠬᠠᠨ ᠄《ᠲᠡᠷᠡ ᠥᠪᠡᠷ ᠦᠨ ᠢᠶᠡᠨ ᠦᠨᠡ ᠴᠠᠨᠠ ᠶᠢ ᠮᠡᠳᠡᠬᠦ ᠦᠭᠡᠢ…》ᠭᠡᠪᠡ ᠃
ᠡᠬᠡ ᠰᠤᠷᠪᠤᠯᠵᠢ᠄Breakingnews.mn ᠡᠴᠡ
2017.8.14ᠬᠦᠬᠡᠬᠣᠲᠠᠨᠠ