-
6487024
ᠯᠢᠶᠤᠤ ᠤᠯᠤᠰ ᠤᠨ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠳᠤᠷᠠᠰᠬᠠᠯᠳᠤ ᠵᠥᠢᠯ ᠢ ᠪᠥᠷᠢᠨ ᠪᠥᠲᠥᠨ
2017-08-27 12:31
209
1
ᠡᠮᠥᠨᠡᠬᠡᠨ᠂ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠴᠢᠩ ᠯᠥᠩ ᠱᠠᠨ ᠪᠠᠯᠭᠠᠰᠤ ᠳᠤ ᠤᠨᠴᠠ ᠶᠡᠭᠡ ᠳᠤᠬᠰᠢᠨ ᠪᠤᠷᠤᠭᠠᠨ ᠤᠷᠤᠵᠤ᠂ ᠬᠤᠷᠠ ᠲᠤᠨᠤᠳᠠᠰᠤᠨ ᠤ ᠬᠡᠮᠵᠢᠶᠡ ᠲᠡᠤᠬᠡᠨ ᠬᠠᠮᠤᠬ ᠥᠨᠳᠥᠷ ᠳᠡᠮᠳᠡᠭᠯᠡᠯ ᠢ ᠡᠭᠦᠳᠴᠠᠢ᠂ ᠡᠶᠢᠨᠬᠦ ᠬᠥᠷᠥᠰᠥᠨ ᠤ ᠴᠢᠬᠢᠭ ᠤᠨ ᠬᠡᠮᠵᠢᠶᠡ ᠬᠠᠨᠤᠮᠠᠯ ᠪᠠᠶᠢᠳᠠᠯ ᠳᠤ ᠤᠷᠤᠵᠤ᠂ ᠭᠠᠵᠠᠷ ᠲᠤᠤᠷᠠᠬᠢ ᠤᠰᠤᠨ ᠲᠥᠪᠰᠢᠨ ᠳᠡᠭᠡᠭᠰᠢᠯᠡᠨ᠂ ᠲᠤᠰ ᠪᠠᠯᠭᠠᠰᠤᠨ ᠤ ᠰᠡᠪᠡᠭᠳᠤ ᠲᠤᠰᠬᠤᠨ ᠤ ᠠᠷᠤ ᠳᠤ ᠪᠠᠶᠢᠷᠢᠯᠠᠭᠠ ᠯᠢᠶᠤᠤ ᠤᠯᠤᠰ ᠤᠨ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠪᠠᠭᠤᠷᠢ ᠶᠢᠨ ᠴᠧᠨ ᠭᠥᠸᠧ ᠭᠥᠩᠵᠤ ᠬᠢᠭᠡᠳ ᠡᠹᠥ᠋ ᠶᠢ ᠬᠠᠮᠳᠤ ᠤᠷᠤᠰᠢᠭᠤᠯᠤᠬᠰᠠᠨ ᠤᠩᠭᠤᠨ ᠤ ᠥᠷᠥᠭᠡ ᠳᠤ ᠤᠰᠤ ᠨᠡᠪᠴᠢᠨ ᠤᠷᠤᠪᠠ᠃ ᠯᠢᠶᠤᠤ ᠤᠯᠤᠰ ᠤᠨ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠪᠠᠭᠤᠷᠢ ᠨᠢ ᠳᠤᠯᠤᠳᠤᠭᠠᠷ ᠲᠠᠪᠤ ᠶᠢᠨ ᠲᠥᠯᠥᠪᠵᠢᠭᠦᠯᠭᠡ ᠶᠢᠨ ᠬᠤᠭᠤᠴᠠᠭᠠᠨ ᠤ ᠪᠥᠬᠦ ᠤᠯᠤᠰ ᠤᠨ ᠴᠢᠬᠤᠯᠠ ᠶᠡᠭᠡ ᠬᠠᠭᠤᠴᠢᠨ ᠤ ᠰᠤᠳᠤᠯᠤᠯ ᠤᠨ ᠰᠢᠨᠡ ᠢᠯᠡᠷᠡᠭᠦᠯᠥᠯᠲᠠ ᠪᠠᠷ ᠥᠨᠡᠯᠡᠭᠳᠡᠵᠤ᠂ 2006 ᠤᠨ ᠳᠤ ᠵᠢᠷᠭᠤᠳᠤᠭᠠᠷ ᠪᠥᠯᠥᠭ ᠪᠥᠬᠦ ᠤᠯᠤᠰ ᠤᠨ ᠭᠤᠤᠯᠳᠠᠯᠭᠠ ᠪᠥᠬᠦᠢ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠥᠢᠯ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠢᠭᠡᠴᠡ ᠪᠠᠷ ᠵᠢᠬᠰᠠᠭᠠᠬᠳᠠᠵᠠᠢ᠃ ᠤᠩᠭᠤᠨ ᠤ ᠥᠷᠥᠭᠡ ᠳᠤ ᠤᠰᠤ ᠨᠡᠪᠴᠢᠵᠤ ᠤᠷᠤᠬᠰᠠᠨ ᠤ ᠬᠤᠶᠢᠨᠠ᠂ ᠨᠠᠢᠮᠠᠨ ᠬᠤᠰᠢᠭᠤ ᠲᠡᠷᠡ ᠳᠠᠷᠤᠢ ᠤᠳᠤᠷᠢᠳᠬᠤ ᠵᠢᠵᠢᠭ ᠳᠤᠭᠤᠶᠢᠯᠠᠩ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠥᠷᠥᠭᠡ ᠳᠤ ᠬᠤᠷᠠᠬᠰᠠᠨ ᠤᠰᠤ ᠶᠢ ᠭᠠᠳᠠᠬᠰᠢ ᠵᠠᠯᠠᠬᠤ ᠶᠢᠨ ᠬᠠᠮᠳᠤ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠥᠶᠡᠷ ᠤᠰᠤᠳᠤᠯ ᠢ ᠰᠡᠷᠭᠡᠶᠢᠯᠡᠬᠦ ᠪᠠᠴᠢᠮ ᠠᠪᠤᠷᠠᠨ ᠵᠠᠰᠠᠬᠤ ᠲᠥᠰᠥᠯ ᠢ ᠲᠤᠬᠳᠠᠭᠠᠵᠤ ᠬᠡᠷᠡᠭᠵᠢᠭᠦᠯᠪᠠ᠃ ᠳᠠᠷᠤᠢ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠪᠠᠭᠤᠷᠢ ᠶᠢ ᠬᠥᠷᠢᠶᠡᠯᠡᠨ ᠪᠢᠳᠡᠭᠦᠮᠵᠢᠯᠡᠬᠦ ᠵᠢᠴᠢ ᠤᠷᠴᠢᠨ ᠲᠤᠭᠤᠷᠢᠨ ᠢ ᠵᠠᠰᠠᠵᠤ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠥᠷᠨᠢᠭᠦᠯᠥᠨ᠂ ᠲᠤᠰᠬᠠᠢ ᠠᠵᠢᠯ ᠤᠨ ᠪᠠᠶᠢᠭᠤᠯᠤᠮᠵᠢ ᠶᠢ ᠤᠷᠢᠵᠤ ᠪᠠᠶᠢᠭᠠᠳ ᠰᠢᠶᠤᠤ ᠤᠪᠤᠬᠳᠤ ᠶᠢᠨ ᠲᠥᠷᠥᠯ ᠤᠬᠰᠠᠭᠠ ᠶᠢᠨ ᠤᠩᠭᠤᠳ ᠤᠨ ᠠᠮᠤᠷ ᠲᠥᠪᠰᠢᠨ ᠤ ᠪᠠᠷᠢᠯᠭᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠲᠥᠰᠥᠯ ᠪᠤᠯᠤᠨ ᠭᠠᠮᠰᠢᠬ ᠠᠴᠠ ᠠᠪᠤᠷᠠᠵᠤ ᠪᠠᠬᠢᠵᠢᠭᠦᠯᠬᠦ ᠲᠥᠰᠥᠯ ᠢ ᠲᠤᠬᠳᠠᠭᠠᠵᠤ ᠬᠡᠷᠡᠭᠵᠢᠭᠦᠯᠵᠠᠢ᠃ ᠤᠤᠯ ᠤᠨ ᠥᠶᠡᠷ ᠢ ᠵᠠᠯᠠᠬᠤ ᠲᠥᠬᠦᠭᠡᠷᠥᠮᠵᠢ ᠨᠡᠯᠢᠶᠠᠳ ᠳᠡᠭᠦᠯᠳᠡᠷᠵᠢᠭᠰᠡᠨ ᠢᠶᠠᠷ᠂ ᠡᠨᠡ ᠤᠳᠠᠭᠠ ᠶᠢᠨ ᠤᠨᠴᠠ ᠶᠡᠭᠡ ᠥᠶᠡᠷ ᠤᠨ ᠳᠠᠭᠠᠷᠢᠯᠲᠠ ᠶᠢ ᠪᠥᠳᠥᠮᠵᠢᠲᠠᠢ ᠠᠷᠭᠠᠴᠠᠬᠰᠠᠨ ᠤ ᠳᠡᠭᠡᠷᠡ᠂ ᠲᠡᠷᠡ ᠳᠠᠷᠤᠢ ᠪᠠᠴᠢᠮ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠬᠰᠠᠨ ᠪᠤᠯᠬᠤᠷ᠂ ᠥᠨᠥ ᠴᠧᠨ ᠭᠥᠸᠧ ᠭᠥᠩᠵᠤ ᠶᠢᠨ ᠤᠩᠭᠤᠨ ᠤ ᠬᠠᠭᠤᠴᠢ ᠰᠤᠳᠤᠯᠤᠯ ᠤᠨ ᠪᠠᠭᠤᠷᠢ ᠳᠤ ᠨᠢᠭᠡᠨᠳᠡ ᠴᠠᠬᠢᠯᠭᠠᠨ ᠤ ᠬᠠᠩᠭᠠᠯᠭᠠ ᠰᠡᠷᠭᠦᠵᠤ᠂ ᠤᠩᠭᠤᠨ ᠤ ᠥᠷᠥᠭᠡ ᠳᠤ ᠨᠡᠪᠴᠢᠵᠤ ᠤᠷᠤᠬᠰᠠᠨ ᠤᠰᠤ ᠶᠢ ᠨᠢᠭᠡᠨᠳᠡ ᠪᠥᠬᠦᠨ ᠢ ᠭᠠᠳᠠᠬᠰᠢ ᠵᠠᠯᠠᠵᠤ ᠭᠠᠷᠭᠠᠨ᠂ ᠴᠧᠨ ᠭᠥᠸᠧ ᠭᠥᠩᠵᠤ ᠬᠢᠭᠡᠳ ᠡᠹᠥ᠋ ᠶᠢ ᠬᠠᠮᠳᠤ ᠤᠷᠤᠰᠢᠭᠤᠯᠤᠬᠰᠠᠨ ᠤᠩᠭᠤᠨ ᠤ ᠳᠡᠤᠬᠡᠨ ᠳᠤᠷᠠᠰᠬᠠᠯᠳᠤ ᠵᠥᠢᠯ ᠢ ᠪᠥᠷᠢᠨ ᠪᠥᠲᠥᠨ ᠬᠠᠮᠠᠭᠠᠯᠠᠵᠤ ᠠᠪᠤᠬᠰᠠᠨ ᠪᠠᠶᠢᠨᠠ᠃