-
6474312
ᠮᠠᠰᠢᠠ ᠳᠡᠷᠭᠡ ᠳᠡᠢ ᠬᠤᠯᠪᠤᠬᠳᠠᠬᠰᠠᠨ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ
2018-05-15 15:25
341
0
6 ᠰᠠᠷᠠ ᠶᠢᠨ 20 ᠤ ᠡᠳᠦᠷ ᠠᠴᠠ ᠡᠬᠢᠯᠡᠨ᠂ ᠦᠷᠬᠡᠨ ᠤᠯᠠᠨ ᠲᠡᠷᠬᠡᠨ ᠤ ᠡᠵᠡᠳ ᠲᠠᠢ ᠬᠤᠯᠪᠤᠬᠳᠠᠬᠰᠠᠨ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠪᠤᠯᠬᠤ ᠮᠠᠰᠢᠨ ᠲᠡᠷᠬᠡᠨ ᠤ ᠨᠣᠮᠧᠷ ᠤᠨ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠡᠬᠢᠯᠡᠨ ᠬᠡᠷᠡᠭᠵᠢᠬᠦᠯᠦᠭᠳᠡᠯᠡ᠃
ᠨᠣᠮᠧᠷ ᠰᠤᠩᠭᠤᠬᠤ ᠬᠡᠪᠴᠢᠶᠡ ᠶᠢ ᠨᠡᠩ ᠦᠷᠭᠡᠳᠭᠡᠪᠡ ᠃ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠨᠢ ᠢᠨᠲ᠋ᠧᠷ ᠰᠦᠯᠵᠢᠶᠠ ᠳᠡᠭᠡᠷᠡ ᠳᠡᠷᠭᠡᠨ ᠤ ᠨᠣᠮᠧᠷ ᠢ ᠤᠷᠢᠳᠴᠢᠯᠠᠨ ᠰᠤᠩᠭᠤᠬᠤ ᠶᠢ ᠪᠦᠬᠦ ᠲᠠᠯᠠ ᠪᠠᠷ ᠲᠡᠯᠬᠡᠷᠡᠬᠦᠯᠦᠨ᠂ ᠰᠦᠯᠵᠢᠶᠡᠨ ᠲᠡᠭᠡᠷᠡ ᠨᠣᠮᠧᠷ ᠰᠤᠩᠭᠤᠬᠤ ᠳᠤ ᠨᠡᠩ ᠲᠦᠬᠦᠮ ᠪᠤᠯᠵᠤ᠂ ᠲᠡᠷᠬᠡᠨ ᠤ ᠡᠵᠡᠳ ︽ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠠᠮᠤᠷ ᠲᠦᠪᠰᠢᠨ ᠤ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠦᠢᠯᠡᠴᠢᠯᠡᠬᠡᠨ ᠤ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠲᠠᠪᠴᠠᠩ︾ ︵WWW.122.gov.cn︶ ᠪᠣᠶᠣ ᠭᠠᠷ ᠤᠳᠠᠰᠤᠨ ᠤ APP ︽ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠬᠠᠮᠢᠶᠠᠷᠤᠯᠳᠠ 12123︾ ᠪᠠᠷ ᠲᠠᠮᠵᠢᠨ ᠳᠡᠷᠭᠡᠨ ᠤ ᠨᠣᠮᠧᠷ ᠢᠶᠠᠨ ᠰᠤᠩᠭᠤᠵᠤ ᠪᠤᠯᠤᠨᠠ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠨᠣᠮᠧᠷ ᠰᠤᠩᠭᠤᠬᠤ ᠬᠦᠷᠢᠶᠡ ᠬᠡᠪᠴᠢᠶᠡ ᠶᠢ ᠦᠷᠬᠡᠳᠬᠡᠨ᠂ ᠲᠠᠰᠢᠷᠠᠮ ᠢᠶᠠᠷ ᠨᠣᠮᠧᠷ ᠰᠤᠩᠭᠤᠬᠤ ᠪᠠ ᠦᠪᠡᠷᠳᠡᠬᠡᠨ ᠨᠠᠶᠢᠷᠠᠭᠤᠯᠤᠨ ᠦᠪᠡᠷᠳᠡᠬᠡᠨ ᠰᠤᠩᠭᠤᠬᠤ ᠬᠤᠶᠠᠷ ᠵᠦᠢᠯ ᠤᠨ ᠨᠣᠮᠧᠷ ᠰᠤᠩᠭᠤᠬᠤ ᠠᠷᠭᠠ ᠶᠢ ᠬᠡᠷᠡᠭᠵᠢᠭᠦᠯᠵᠦ᠂ ᠲᠡᠷᠬᠡᠨ ᠤ ᠡᠵᠡᠳ ᠦᠪᠡᠷ ᠤᠨ ᠲᠤᠷᠠ ᠰᠣᠨᠢᠷᠬᠠᠯ ᠢᠶᠠᠨ ᠦᠨᠳᠦᠰᠦᠯᠡᠨ ᠦᠪᠡᠰᠦᠪᠡᠨ ᠨᠣᠮᠧᠷ ᠰᠤᠩᠭᠤᠬᠤ ᠠᠷᠭᠠ ᠬᠡᠯᠪᠡᠷᠢ ᠪᠠᠨ ᠳᠣᠭᠳᠠᠭᠠᠵᠣ ᠪᠤᠯᠤᠨᠠ᠃ ᠲᠠᠰᠢᠷᠠᠮ ᠢᠶᠠᠷ ᠨᠣᠮᠧᠷ ᠰᠤᠩᠭᠤᠬᠤ ᠨᠢ ︽10 ᠠᠴᠠ 1 ᠶᠢ ᠰᠤᠩᠭᠤᠬᠤ︾ ᠠᠴᠠ ᠦᠷᠬᠡᠳᠭᠡᠬᠡᠳ ︽20 ᠠᠴᠠ 1 ᠶᠢ ᠰᠤᠩᠭᠤᠬᠤ︾ ᠪᠤᠯᠭᠠᠵᠤ᠂ ᠨᠣᠮᠧᠷ ᠡᠯᠪᠡᠭ ᠭᠠᠵᠠᠷ ᠤᠷᠤᠨ ︽30 ~ 50 ᠠᠴᠠ 1 ᠶᠢ ᠰᠤᠩᠭᠤᠬᠤ︾ ᠪᠤᠯᠳᠠᠯᠠ ᠦᠷᠬᠡᠳᠭᠡᠵᠦ᠂ ᠲᠡᠷᠬᠡᠨ ᠤ ᠡᠵᠡᠳ ᠤᠨ ᠰᠤᠩᠭᠤᠬᠤ ᠡᠷᠬᠡ ᠶᠢ ᠨᠡᠩ ᠰᠠᠶᠢᠨ ᠪᠠᠳᠤᠯᠠᠬᠤ ᠪᠤᠯᠤᠨᠠ᠃ ᠦᠬᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠬᠡᠷᠡᠭᠵᠢᠬᠦᠯᠦᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠨᠣᠮᠧᠷ ᠰᠤᠩᠭᠤᠬᠤ ᠳᠤ ᠨᠡᠩ ᠲᠦᠬᠦᠮ ᠪᠤᠯᠵᠤ᠂ ᠦᠪᠡᠷ ᠤᠨ ᠲᠤᠷᠠ ᠲᠠᠢ ᠲᠡᠷᠬᠡᠨ ᠤ ᠨᠣᠮᠧᠷ ᠢᠶᠠᠨ ᠰᠤᠩᠭᠤᠨ ᠤᠯᠬᠤ ᠪᠤᠯᠤᠮᠵᠢ ᠨᠡᠩ ᠶᠡᠭᠡ ᠪᠤᠯᠤᠨᠠ᠃
ᠨᠣᠮᠧᠷ ᠢᠶᠠᠨ ᠬᠡᠵᠢᠶᠡᠳᠡ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ ᠃ ᠶᠠᠷᠢᠶᠠᠨ ᠦᠬᠡᠢ᠂ ᠰᠢᠨᠡ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠬᠠᠮᠤᠬ ᠤᠨ ᠶᠡᠭᠡ ᠠᠰᠢᠬ ᠲᠠᠢ ᠲᠠᠯᠠ ᠨᠢ ᠲᠠᠷᠤᠢ ᠤᠳᠤ ᠪᠠᠷ ᠢᠶᠠᠨ ᠪᠠᠶᠢᠭᠠ ᠨᠣᠮᠧᠷ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠬᠦ᠂ ᠰᠢᠯᠵᠢᠬᠦᠯᠦᠨ ᠦᠭᠬᠦ ᠳᠠᠯᠠ ᠪᠠᠷ ᠭᠠᠷᠭᠠᠭᠰᠠᠨ ᠰᠢᠨᠡ ᠲᠤᠬᠳᠠᠭᠠᠯ ᠪᠤᠯᠤᠨᠠ᠃ 1. ᠬᠠᠭᠤᠴᠢᠨ ᠲᠡᠷᠬᠡ ᠬᠤᠳᠠᠯᠳᠤᠨ ᠠᠪᠬᠤ ᠳᠤ ᠤᠤᠯ ᠤᠨ ᠲᠡᠷᠬᠡᠨ ᠤ ᠨᠣᠮᠧᠷ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠂ ᠬᠠᠭᠤᠴᠢᠨ ᠲᠡᠷᠬᠡ ᠪᠠᠨ ᠰᠢᠯᠵᠢᠬᠦᠯᠦᠨ ᠦᠭᠬᠦ ᠡᠰᠡᠪᠡᠯ ᠬᠡᠷᠡᠭ ᠦᠬᠡᠢ ᠪᠤᠯᠭᠠᠬᠰᠠᠨ ᠤ ᠲᠠᠷᠠᠭᠠ᠂ ᠤᠤᠯ ᠤᠨ ᠲᠡᠷᠬᠡᠨ ᠤ ᠡᠵᠡᠨ ᠨᠢ ᠲᠠᠬᠢᠨ ᠰᠢᠨᠡ ᠲᠡᠷᠬᠡ ᠡᠰᠡᠪᠡᠯ ᠬᠠᠭᠤᠴᠢᠨ ᠲᠡᠷᠬᠡ ᠬᠤᠳᠠᠯᠳᠤᠨ ᠠᠪᠤᠪᠠᠯ ᠪᠦᠷ ᠤᠤᠯ ᠤᠨ ᠨᠣᠮᠧᠷ ᠢᠶᠠᠨ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠪᠦᠬᠡᠳ ᠶᠠᠷᠢᠶᠠᠨ ᠦᠬᠡᠢ ᠰᠢᠨᠡ ᠨᠣᠮᠧᠷ ᠬᠡᠷᠡᠭᠯᠡᠬᠦ ᠪᠠᠷ ᠴᠦ ᠡᠷᠡᠮᠡᠯᠵᠡᠯᠡᠵᠦ ᠪᠤᠯᠤᠨᠠ᠃ 2. ᠤᠤᠯ ᠤᠨ ᠲᠡᠷᠬᠡᠨ ᠤ ᠨᠣᠮᠧᠷ ᠢ ᠬᠡᠷᠡᠭᠯᠡᠬᠦ ᠬᠤᠭᠤᠴᠠᠭᠠᠨ ᠤ ᠬᠢᠵᠠᠭᠠᠷ ᠢ ᠠᠭᠤᠵᠢᠭᠤ ᠪᠣᠯᠭᠠᠵᠣ᠂ ᠮᠠᠰᠢᠨ ᠲᠡᠷᠬᠡ ᠪᠠᠨ ᠬᠡᠷᠡᠭᠯᠡᠬᠡᠳ ᠭᠤᠷᠪᠠᠨ ᠵᠢᠯ ᠠᠴᠠ ᠳᠠᠪᠠᠭᠰᠠᠨ ᠤ ᠲᠠᠷᠠᠭᠠ ᠲᠤᠰ ᠲᠡᠷᠬᠡᠨ ᠤ ᠨᠣᠮᠧᠷ ᠢᠶᠠᠨ ᠬᠡᠪ ᠢᠶᠠᠷ ᠨᠢ ᠪᠠᠶᠢᠯᠭᠠᠬᠤ ᠱᠠᠭᠠᠷᠳᠠᠯᠭᠠ ᠲᠤᠷᠠᠳᠴᠤ ᠪᠤᠯᠤᠨᠠ ᠬᠡᠰᠡᠨ ᠢ ᠬᠤᠪᠢᠷᠠᠭᠤᠯᠣᠭᠠᠳ ᠬᠡᠷᠡᠭᠯᠡᠬᠡᠳ ᠨᠢᠬᠡ ᠵᠢᠯ ᠪᠤᠯᠤᠬᠰᠠᠨ ᠤ ᠲᠠᠷᠠᠭᠠ ᠲᠠᠷᠤᠢ ᠬᠡᠪ ᠢᠶᠠᠷ ᠨᠢ ᠪᠠᠶᠢᠯᠭᠠᠬᠤ ᠪᠠᠷ ᠡᠷᠡᠮᠡᠯᠵᠡᠯᠡᠬᠦ ᠪᠤᠯᠭᠠᠪᠠ᠃ ᠡᠬᠦᠨ ᠤ ᠵᠡᠷᠬᠡᠪᠡᠷ᠂ ᠤᠤᠯ ᠤᠨ ᠨᠣᠮᠧᠷ ᠢᠶᠠᠨ ᠬᠡᠪ ᠢᠶᠠᠷ ᠨᠢ ᠪᠠᠶᠢᠯᠭᠠᠬᠤ ᠪᠠᠷ ᠡᠷᠡᠮᠡᠯᠵᠡᠯᠡᠬᠦ ᠬᠤᠭᠤᠴᠠᠭᠠᠨ ᠤ ᠬᠢᠵᠠᠭᠠᠷ ᠢ ᠤᠤᠯ ᠤᠨ ᠲᠡᠷᠬᠡ ᠪᠠᠨ ᠰᠢᠯᠵᠢᠬᠦᠯᠦᠨ ᠦᠭᠬᠦ ᠡᠰᠡᠪᠡᠯ ᠬᠡᠷᠡᠭ ᠦᠬᠡᠢ ᠪᠤᠯᠭᠠᠬᠰᠠᠨ ᠤ ᠲᠠᠷᠠᠭᠠ 6 ᠰᠠᠷᠠ ᠶᠢᠨ ᠲᠤᠳᠤᠷᠠ ᠲᠤᠷᠠᠳᠴᠤ ᠪᠤᠯᠤᠨᠠ ᠬᠡᠰᠡᠨ ᠢ ᠬᠤᠪᠢᠷᠠᠭᠤᠯᠣᠭᠠᠳ ᠨᠢᠬᠡ ᠵᠢᠯ ᠤᠨ ᠲᠤᠳᠤᠷᠠ ᠲᠤᠷᠠᠳᠬᠤ ᠪᠤᠯᠭᠠᠵᠠᠢ᠃ 3. ᠤᠤᠯ ᠤᠨ ᠲᠡᠷᠬᠡᠨ ᠤ ᠡᠵᠡᠨ ᠨᠢᠬᠡ ᠵᠢᠯ ᠤᠨ ᠲᠤᠳᠤᠷᠠ ᠬᠡᠷᠡᠭᠯᠡᠬᠦ ᠪᠠᠷ ᠡᠷᠡᠮᠡᠯᠵᠡᠯᠡᠭᠰᠡᠨ ᠦᠬᠡᠢ ᠪᠤᠯ ᠲᠤᠰ ᠨᠣᠮᠧᠷ ᠢ ᠲᠠᠬᠢᠨ ᠨᠣᠮᠧᠷ ᠰᠤᠩᠭᠤᠬᠤ ᠲᠠᠳᠠᠭᠠᠯ ᠳᠤ ᠤᠷᠤᠭᠤᠯᠤᠨ᠂ ᠨᠡᠶᠢᠬᠡᠮ ᠳᠤ ᠢᠯᠡ ᠪᠠᠷ ᠲᠠᠯᠪᠢᠵᠤ ᠦᠭᠬᠦ ᠪᠤᠯᠤᠨᠠ᠃ ᠡᠬᠦᠨ ᠠᠴᠠ ᠡᠮᠦᠨᠡ᠂ ᠤᠤᠯ ᠤᠨ ᠮᠠᠰᠢᠨ ᠲᠡᠷᠬᠡᠨ ᠤ ᠨᠣᠮᠧᠷ ᠢᠶᠠᠨ ᠬᠡᠷᠡᠭᠯᠡᠬᠡᠳ ᠭᠤᠷᠪᠠᠨ ᠵᠢᠯ ᠠᠴᠠ ᠳᠠᠪᠠᠭᠰᠠᠨ ᠦᠬᠡᠢ ᠪᠤᠯ ᠨᠣᠮᠧᠷ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠬᠦ ᠶᠢᠨ ᠠᠷᠭᠠ ᠦᠬᠡᠢ᠃ ᠪᠠᠰᠠ ᠬᠠᠭᠤᠴᠢᠨ ᠲᠡᠷᠬᠡ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ ᠴᠤ ᠤᠤᠯ ᠤᠨ ᠲᠡᠷᠬᠡᠨ ᠤ ᠨᠣᠮᠧᠷ ᠢ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠵᠦ ᠪᠤᠯᠳᠠᠬ ᠦᠬᠡᠢ᠃ ᠤᠳᠤ ᠲᠡᠷᠬᠡᠨ ᠤ ᠡᠵᠡᠳ ᠨᠡᠩ ᠬᠦᠢᠴᠡᠳ ᠴᠠᠬ ᠤᠨ ᠲᠤᠳᠤᠷᠠ ᠤᠤᠯ ᠤᠨ ᠲᠡᠷᠬᠡᠨ ᠤ ᠨᠣᠮᠧᠷ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠬᠦ ᠪᠠᠷ ᠡᠷᠡᠮᠡᠯᠵᠡᠯᠡᠨ᠂ ᠦᠪᠡᠷ ᠤᠨ ᠰᠢᠨᠡ ᠬᠤᠳᠠᠯᠳᠤᠨ ᠠᠪᠤᠬᠰᠠᠨ ᠰᠢᠨᠡ ᠲᠡᠷᠬᠡ ᠡᠰᠡᠪᠡᠯ ᠬᠠᠭᠤᠴᠢᠨ ᠲᠡᠷᠬᠡ ᠳᠡᠭᠡᠨ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠡᠨᠡ ᠨᠢ ᠲᠠ ᠦᠪᠡᠷ ᠤᠨ ᠲᠤᠷᠠ ᠲᠠᠢ ᠨᠣᠮᠧᠷ ᠢᠶᠠᠨ ᠨᠠᠰᠤᠨ ᠲᠤᠷᠰᠢᠳᠠ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ ᠬᠡᠳᠡᠭ ᠢ ᠬᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃
ᠲᠡᠷᠬᠡᠨ ᠤ ᠫᠠᠶᠢᠰᠠ ᠶᠢᠨ ᠦᠩᠬᠡ — ᠴᠠᠭᠠᠨ ᠦᠩᠬᠡ ᠨᠢ ᠴᠡᠷᠢᠭ ᠤᠨ ᠳᠡᠷᠭᠡᠨ ᠤ ᠫᠠᠶᠢᠰᠠ᠂ ᠴᠠᠬᠳᠠᠭᠠᠨ ᠳᠡᠷᠭᠡᠨ ᠤ ᠫᠠᠶᠢᠰᠠ᠃ ᠬᠦᠬᠡ ᠦᠩᠬᠡ ᠨᠢ ᠡᠩ ᠤᠨ ᠮᠠᠰᠢᠨ ᠲᠡᠷᠬᠡ ᠶᠢᠨ ᠫᠠᠶᠢᠰᠠ᠃ ᠰᠢᠷᠠ ᠦᠩᠬᠡ ᠨᠢ ᠡᠩ ᠤᠨ ᠲᠤᠮᠤ ᠬᠡᠯᠪᠡᠷᠢ ᠶᠢᠨ ᠲᠡᠷᠬᠡ ᠶᠢᠨ ᠫᠠᠶᠢᠰᠠ᠃ ᠬᠠᠷᠠ ᠦᠩᠬᠡ ᠨᠢ ᠲᠤᠮᠳᠠᠳᠤ ᠤᠯᠤᠰ ᠲᠤ ᠪᠡᠯᠡ ᠤᠷᠤᠭᠤᠯᠵᠤ ᠪᠠᠶᠢᠭᠠ ᠭᠠᠳᠠᠭᠠᠳᠤ ᠤᠯᠤᠰ ᠤᠨ ᠬᠦᠮᠦᠨ ᠡᠰᠡᠪᠡᠯ ᠴᠢᠬᠤᠯᠠ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠳᠡᠷᠭᠡ ᠶᠢᠨ ᠫᠠᠶᠢᠰᠠ᠃
ᠦᠪᠦᠷ ᠮᠤᠩᠭᠤᠯ ᠤᠨ ᠲᠡᠷᠬᠡᠨ ᠤ ᠫᠠᠶᠢᠰᠠ ᠶᠢᠨ ᠲᠦᠯᠦᠬᠡᠨ ᠤ ᠲᠡᠮᠳᠡᠭ — 蒙 A᠄ ᠬᠦᠬᠡᠬᠤᠳᠠ 蒙 B᠄ ᠪᠤᠭᠤᠳᠤ ᠬᠤᠳᠠ 蒙 C᠄ ᠦᠬᠠᠢ ᠬᠤᠳᠠ 蒙 D᠄ ᠤᠯᠠᠭᠠᠠᠬᠠᠳᠠ ᠬᠤᠳᠠ 蒙 E᠄ ᠬᠦᠯᠦᠨ ᠪᠤᠶᠢᠷ ᠬᠤᠳᠠ 蒙 F᠄ ᠬᠢᠩᠭᠠᠨ ᠠᠶᠢᠮᠠᠬ 蒙 G᠄ ᠲᠦᠩᠯᠢᠶᠤᠤ ᠬᠤᠳᠠ 蒙 H᠄ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠬ 蒙 J᠄ ᠤᠯᠠᠭᠠᠠᠴᠠᠪ ᠬᠤᠳᠠ 蒙 K᠄ ᠤᠷᠳᠤᠰ ᠬᠤᠳᠠ 蒙 L᠄ ᠪᠠᠶᠠᠠᠨᠠᠭᠤᠷ ᠬᠤᠳᠠ 蒙 M᠄ ᠠᠯᠠᠱᠠ ᠠᠶᠢᠮᠠᠬ ᠃ ( ᠰᠢᠨᠡᠪᠢᠯᠢᠭ )