-
8124
ᠭᠠᠭᠴᠠ ᠮᠣᠳᠣᠨ ᠬᠦᠭᠦᠷᠭᠡ
2015-08-14 12:32
900
0
ᠭᠠᠭᠴᠠ ᠮᠣᠳᠣᠨ ᠬᠥᠭᠦᠷᠭᠡ
ᠴᠡᠯᠮᠡᠭ ᠲᠡᠭᠷᠢ ᠶᠢᠨ ᠴᠡᠯᠡᠭᠡᠷ ᠲᠠᠯᠠ ᠶᠢ ᠪᠠᠷᠠᠯᠠᠨ ᠰᠠᠯᠬᠢ ᠰᠥᠷᠦᠨ ᠶᠠᠪᠣᠨᠠ ᠃ ᠳᠡᠷᠡᠰᠦᠨ ᠦ ᠨᠠᠮᠠᠭᠠ ᠰᠠᠯᠠᠭᠠ ᠰᠠᠯᠬᠢᠨ ᠤ ᠨᠠᠶᠢᠭᠣᠯᠵᠠᠨ ᠭᠠᠩᠭᠣᠵᠦ ᠪᠠᠶᠢᠨᠠ ᠃ ᠲᠡᠷᠡ ᠬᠣᠯᠠ ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠨᠠᠯᠣᠶᠢᠨ ᠴᠡᠩᠬᠡᠷᠯᠡᠭᠡᠳ ᠂ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠳᠡᠷᠡᠰᠦᠲᠦ ᠲᠠᠯᠠ ᠨᠠᠯᠣᠶᠢᠨ ᠰᠢᠷᠠᠯᠠᠨ ᠂ ᠵᠦᠭᠡᠯᠡᠨ ᠰᠠᠯᠬᠢᠨ ᠣ ᠰᠡᠪᠢᠯᠭᠡᠨ ᠃ ᠲᠦᠷ ᠴᠠᠭ ᠴᠦ ᠭᠡᠰᠡᠨ ᠬᠠᠪᠣᠷᠠ ᠶᠢᠨ ᠣᠶᠢᠳᠬᠠᠷ ᠭᠤᠨᠢᠭ ᠂ ᠪᠣᠳᠣᠯ ᠂ ᠰᠠᠨᠠᠯ ᠂ ᠡᠷᠬᠢᠴᠡᠭᠦᠯᠦᠯ ᠢ ᠦᠯᠳᠡᠨ ᠠᠪᠠᠴᠢᠵᠦ ᠂ ᠰᠡᠳᠬᠢᠯ ᠰᠠᠨᠠᠭᠠ ᠶᠢ ᠨᠢ ᠪᠠᠶᠠᠰᠬᠠᠵᠦ ᠶᠠᠪᠣᠨᠠ ᠃ ᠡᠭᠦᠨ ᠣ ᠬᠠᠮᠲᠦ ᠬᠠᠪᠣᠷᠠ ᠦᠪᠡᠷ ᠢ ᠪᠡᠨ ᠪᠠᠭᠠ ᠬᠡᠦᠬᠡᠳ ᠪᠢᠰᠢ ᠭᠡᠳᠡᠭ ᠢ ᠮᠡᠳᠡᠷᠡᠬᠦ ᠪᠣᠯᠣᠭᠰᠠᠨ ᠲᠡᠭᠦᠨ ᠣ ᠪᠣᠳᠣᠯ ᠰᠡᠳᠬᠢᠯ ᠭᠡᠷᠡᠴᠢᠯᠡᠵᠦ ᠴᠢᠳᠠᠨᠠ ᠃
ᠶᠠᠪᠣᠭᠰᠠᠭᠠᠷ ᠂ ᠶᠠᠪᠣᠭᠰᠠᠭᠠᠷ ᠂ ᠨᠢᠭᠡ ᠮᠡᠳᠡᠬᠦ ᠳ᠋ᠦ ᠭᠠᠭᠴᠠ ᠮᠣᠳᠣᠨ ᠬᠥᠭᠦᠷᠭᠡ ᠲᠠᠢ ᠭᠣᠣᠯ ᠤᠨ ᠬᠦᠪᠡᠭᠡᠨ ᠳ᠋ᠦ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠪᠠ ᠃ ᠬᠠᠪᠣᠷᠠ ᠭᠣᠣᠯ ᠤᠨ ᠡᠷᠬᠢᠨ ᠳ᠋ᠦ ᠣᠴᠢᠨ ᠰᠠᠭᠣᠯᠠ ᠃ ᠭᠠᠭᠴᠠ ᠮᠣᠳᠣᠨ ᠬᠦᠭᠦᠷᠭᠡ ᠬᠠᠪᠣᠷᠠ ᠳ᠋ᠦ ᠲᠡᠭᠷᠢ ᠡᠴᠡ ᠡᠯᠭᠦᠭᠡᠰᠦᠲᠠᠢ ᠨᠠᠷᠢᠨ ᠣᠳᠠᠰᠦ ᠰᠢᠭ᠋ ᠠᠶᠣᠮᠰᠢᠭᠲᠠᠢ ᠬᠠᠷᠠᠭᠳᠠᠨᠠ ᠃
ᠭᠠᠭᠴᠠ ᠮᠣᠳᠣᠨ ᠬᠦᠭᠦᠷᠭᠡ — ᠪᠦᠷ ᠲᠠᠨ ᠠᠴᠠ ᠪᠣᠯᠣᠠᠭᠰᠠᠨ ᠂ ᠲᠠ ᠪᠠᠶᠢᠬᠣ ᠦᠭᠡᠢ ᠪᠣᠯ ᠡᠨ᠋ᠨ ᠡᠳᠦᠷ ᠦᠨ ᠪᠣᠳᠣᠯ ᠰᠡᠳᠬᠢᠯ ᠨᠠᠳᠠ ᠣᠷᠣᠰᠢᠬᠣ ᠦᠭᠡᠢ ᠭᠡᠵᠦ ᠬᠠᠪᠣᠷᠠ ᠪᠣᠳᠣᠨᠠ ᠃
ᠨᠠᠮᠣᠷ ᠤᠨ ᠦᠷᠯᠥᠭᠡ ᠂ ᠰᠠᠨᠳᠣᠣ ᠮᠦᠷᠦᠯᠡᠭᠰᠡᠨ ᠂ ᠳᠣᠭᠣᠢ ᠵᠢᠳᠬᠦᠭᠰᠡᠨ ᠂ ᠪᠣᠭᠴᠣ ᠲᠠᠢ ᠂ ᠪᠣᠭᠴᠣ ᠦᠭᠡᠢ ᠶᠠᠪᠠᠭᠠᠨ ᠬᠦᠮᠦᠰ ᠭᠠᠭᠴᠠ ᠮᠣᠳᠣᠨ ᠬᠦᠭᠦᠷᠭᠡᠨ ᠳᠡᠷᠭᠡᠲᠡ ᠠᠪᠠᠭᠠᠷᠠᠯᠳᠣᠨᠠ ᠃ ᠡᠨ᠋ᠨ ᠭᠠᠵᠠᠷ ᠤᠨ ᠬᠠᠰᠢᠯᠭᠠᠲᠦ ᠬᠦᠭᠦᠷᠭᠡ ᠨᠢ ᠦᠶᠡᠷ ᠲᠦ ᠠᠪᠠᠲᠠᠭᠰᠠᠨ ᠠᠴᠠ ᠬᠣᠶᠢᠰᠢ ᠭᠠᠭᠴᠠ ᠮᠣᠳᠣᠨ ᠬᠦᠭᠦᠷᠭᠡ ᠲᠠᠯᠪᠢᠨ ᠶᠠᠪᠠᠭᠠᠨ ᠬᠦᠮᠦᠰ ᠵᠦᠷᠢᠯᠳᠦᠳᠡᠭ ᠪᠣᠯᠵᠠᠢ ᠃ ᠬᠡᠳᠦᠶᠢᠪᠡᠷ ᠬᠣᠶᠠᠷ ᠬᠦᠮᠦᠨ ᠵᠡᠷᠭᠡᠴᠡᠵᠦ ᠶᠠᠪᠣᠮᠠᠷ ᠦᠷᠭᠡᠨ ᠪᠠᠶᠢᠳᠠᠭ ᠴᠦ ᠵᠢᠷᠦᠭᠡ ᠪᠠᠭ ᠲᠠᠢ ᠡᠮᠡᠭᠲᠠᠶᠢᠴᠣᠣᠳ ᠬᠡᠦᠬᠡᠨᠴᠦᠳ ᠡᠭᠦᠨ ᠢᠶᠡᠷ ᠦᠩᠭᠡᠷᠡᠬᠦ ᠳᠡᠬᠡᠨ ᠵᠢᠷᠦᠬᠡ ᠪᠠᠨ ᠭᠠᠷ ᠳᠠᠭᠠᠨ ᠪᠠᠷᠢᠳᠠᠭ ᠪᠠᠶᠢᠵᠠᠢ ᠃
ᠬᠦᠮᠦᠰ ᠬᠣᠶᠢᠨᠠ ᠬᠣᠶᠢᠨᠠ ᠠᠴᠠ ᠴᠣᠪᠣᠷᠠᠯᠳᠦᠨ ᠶᠠᠪᠣᠭᠰᠠᠭᠠᠷ ᠬᠠᠪᠣᠷᠠ ᠶᠢᠨ ᠳᠡᠭᠡᠷᠡ ᠬᠦᠷᠴᠦ ᠢᠷᠠᠵᠠᠢ ᠃ ᠭᠣᠣᠯ ᠤᠨ ᠣᠰᠦ ᠶᠢ ᠬᠠᠷᠠᠬᠤ ᠠᠴᠠ ᠬᠠᠪᠣᠷᠠ ᠶᠢᠨ ᠲᠣᠯᠣᠭᠠᠢ ᠡᠷᠬᠢᠬᠦ ᠰᠢᠭ ᠪᠣᠯᠵᠦ ᠬᠠᠵᠠᠭᠣᠳᠠᠬᠢ ᠬᠦᠮᠦᠰ ᠲᠦ ᠄ ︽ ᠪᠢ ᠶᠠᠪᠣᠬᠣ ᠦᠭᠡᠢ ᠯᠠ ︾ ᠭᠡᠵᠦ ᠬᠡᠯᠡᠬᠦᠯᠡᠷ ᠠᠶᠢᠯ ᠤᠨ ᠠᠬᠠᠰ ᠵᠠᠬᠠᠰ ᠨᠢ ᠄ ︽ ᠬᠠᠮᠢᠭᠠ ᠦᠭᠡᠢ ᠶᠤᠮ ᠂ ᠬᠦᠮᠦᠨ ᠭᠠᠷᠴᠦ ᠯᠠ ᠪᠠᠶᠢᠬᠣ ᠦᠭᠡᠢ ᠦᠦ ︖ ᠨᠠᠮᠣᠷ ᠤᠨ ᠡᠪᠡᠰᠦ ᠣᠷᠣᠶᠢᠲᠠᠯᠠ ᠭᠡᠭᠰᠡᠭᠡᠷ ᠬᠠᠷᠠ ᠶᠠᠷᠰᠢᠭ ᠰᠢᠦ ︕ ︾ ᠭᠡᠨᠡ ᠃
ᠦᠨᠡᠬᠡᠷ ᠡ ︕ ᠡᠪᠡᠰᠦ ᠣᠷᠣᠶᠢᠲᠠᠯᠠ ᠭᠡᠭᠰᠡᠭᠡᠷ ᠨᠠᠮᠣᠷ ᠤᠨ ᠠᠵᠢᠯ ᠣᠷᠣᠶᠢᠲᠠᠯᠠ ᠭᠡᠰᠡᠨ ᠦᠭᠡ ᠃
ᠬᠠᠪᠣᠷᠠ ᠵᠣᠷᠢᠭᠯᠠᠨ ᠳᠣᠭᠣᠢ ᠪᠠᠨ ᠲᠦᠯᠬᠢᠨ ᠬᠦᠭᠦᠷᠭᠡᠨ ᠳᠡᠭᠡᠷᠡ ᠭᠠᠷᠪᠠ ᠃ ᠵᠢᠷᠦᠬᠡᠨ ᠴᠣᠬᠢᠯᠭᠠ ᠨᠢ ᠬᠦᠴᠦᠲᠠᠶᠢᠬᠡᠨ ᠰᠣᠨᠣᠰᠳᠠᠨᠠ ᠃ ᠬᠡᠳᠦᠬᠡᠨ ᠠᠯᠬᠣᠮ ᠶᠠᠪᠣᠭᠰᠠᠨ ᠦᠭᠡᠢ ᠬᠦᠭᠦᠷᠭᠡ ᠪᠦᠷ ᠳᠠᠶᠢᠪᠠᠯᠵᠠᠬᠣ ᠰᠢᠭ᠋ ᠪᠣᠯᠪᠠ ᠃ ᠬᠡᠳᠦᠨ ᠠᠯᠢᠶᠠ ᠵᠠᠯᠠᠭᠣ: ︽ ᠬᠦᠢ ᠂ ᠣᠶᠢᠴᠢᠯᠠ ᠂ ᠣᠶᠢᠴᠢᠯᠠ ︾ ᠭᠡᠵᠦ ᠢᠨᠢᠶᠡᠯᠳᠦᠬᠦ ᠶᠤᠮ ᠃ ᠬᠠᠪᠣᠷᠠ ᠪᠦᠷ ᠨᠢᠭᠡ ᠠᠯᠬᠣᠮ ᠴᠦ ᠣᠷᠣᠭᠰᠢᠯᠠᠵᠦ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠵᠦ ᠳᠣᠭᠣᠢ ᠪᠠᠨ ᠲᠦᠰᠢᠨ ᠵᠣᠭᠰᠣᠯᠠ ᠃ ᠬᠠᠪᠣᠷᠠ ᠳ᠋ᠦ ᠶᠠᠭ ᠯᠠ ᠠᠰᠬᠠ ᠬᠠᠳᠠ ᠠᠴᠠ ᠳᠡᠭᠦᠵᠢᠯᠡᠭᠳᠡᠭᠰᠡᠨ ᠰᠢᠭ ᠲᠦᠭᠰᠢᠭᠦᠷᠢᠲᠠᠢ ᠰᠠᠨᠠᠭᠳᠠᠪᠠ ᠃
ᠡᠮᠦᠨᠡ ᠶᠠᠪᠣᠵᠦ ᠪᠠᠶᠢᠭᠰᠠᠨ ᠰᠦᠮᠪᠦᠷ ᠢ ᠳᠠᠭᠣᠳᠠᠭᠰᠠᠨ ᠴᠦ ᠲᠡᠷᠡ ᠰᠣᠨᠣᠰᠣᠭᠰᠠᠨ ᠦᠭᠡᠢ ᠰᠢᠭ᠋ ᠬᠡᠭᠡᠷᠡ ᠲᠠᠯᠠ ᠶᠠᠪᠣᠭᠠ ᠰᠢᠭ ᠲᠡᠨᠢᠭᠦᠨ ᠠᠯᠬᠣᠨ ᠶᠠᠪᠤᠵᠦ ᠣᠳᠴᠠᠢ ᠃ ︽ᠰᠦᠮᠪᠦᠷ ᠡ ᠂ ᠴᠢ ᠶᠠᠮᠠᠷ ᠬᠦᠮᠦᠨ ᠪᠣᠢ ᠂ ᠪᠢ ᠪᠣᠯ ᠴᠢᠨᠣ ᠢᠷᠡᠭᠡᠳᠦᠢ ᠶᠢᠨ ᠡᠬᠡᠨᠠᠷ ᠴᠢᠨᠢ ᠰᠢᠦ ᠃ ᠬᠠᠷᠠᠵᠦ ᠪᠠᠶᠢᠭᠠᠳ ᠬᠠᠶᠠᠴᠢᠬᠠᠬᠤ ᠴᠢᠨᠢ ᠴᠢᠨᠣ ᠬᠡᠯᠡᠳᠡᠭ ᠬᠠᠶᠢᠷᠠ ᠦᠦ ︖ ︾ ᠭᠡᠵᠦ ᠬᠠᠪᠣᠷᠠ ᠪᠣᠳᠣᠨᠠ ᠃
ᠳᠡᠷᠭᠡᠲᠡ ᠡᠷᠭᠢᠨ ᠳ᠋ᠦ ᠭᠠᠷᠣᠠᠭᠰᠠᠨ ᠬᠠᠩᠭᠠᠢ ᠭᠡᠨᠡᠳᠲᠡ ᠪᠣᠴᠠᠭᠠᠳ ᠢᠷᠡᠯᠡ ᠃ ︽ ᠬᠠᠪᠣᠷᠠ ᠡ ᠂ ᠳᠣᠭᠣᠢ ᠪᠠᠨ ᠨᠠᠰᠢ ᠪᠠᠨ ︾ ᠭᠡᠵᠦ ᠠᠬᠠ ᠬᠦᠮᠦᠨ ᠣ ᠣᠪᠣᠷ ᠢᠶᠠᠷ ᠳᠣᠭᠣᠢ ᠶᠢᠨ ᠲᠦᠰᠢᠨ ᠠᠪᠣᠯᠠ ᠃ ᠬᠠᠪᠣᠷᠠ ᠶᠢᠨ ᠨᠢᠯᠪᠣᠰᠣ ᠳᠣᠰᠣᠯᠠᠮᠠᠷ ᠪᠣᠯᠪᠠ ᠃ ︽ᠬᠠᠰᠢᠯᠠ ᠬᠠᠩᠭᠠᠢ ᠠᠬᠠ ᠡ ︕ ︾ ᠭᠡᠵᠦ ᠪᠣᠳᠣᠬᠣ ᠳ᠋ᠦ ᠬᠠᠮᠣᠭ ᠪᠡᠶᠡ ᠨᠢ ᠳᠣᠯᠠᠭᠠᠴᠠᠭᠠᠳ ᠶᠠᠪᠣᠴᠢᠬᠠᠯᠠ ᠃
ᠬᠠᠩᠭᠠᠢ ᠳᠣᠭᠣᠢ ᠶᠢ ᠲᠦᠰᠢᠨ ᠬᠡᠨᠡᠭ ᠴᠦ ᠦᠭᠡᠢ ᠠᠯᠬᠣᠯᠠᠷ ᠬᠠᠪᠣᠷᠠ ᠬᠤᠶᠢᠨᠠ ᠠᠴᠠ ᠨᠢ ᠵᠣᠷᠢᠭᠯᠠᠨ ᠠᠯᠬᠣᠵᠠᠢ ᠃ ᠳᠣᠭᠣᠢ ᠨᠢ ᠲᠦᠰᠢᠭ ᠪᠣᠯᠵᠦ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ ᠃ ᠭᠠᠭᠴᠠᠭᠠᠷ ᠨᠡᠩ ᠴᠦ ᠨᠢᠭᠡ ᠠᠯᠬᠣᠮ ᠠᠯᠬᠣᠬᠣ ᠳ᠋ᠦ ᠬᠦᠴᠢᠷ ᠡ ︕ ᠬᠠᠪᠣᠷᠠ ᠳᠣᠰᠣᠯᠠᠮᠠᠷ ᠪᠣᠯᠣᠭᠰᠠᠨ ᠨᠢᠯᠪᠣᠰᠣ ᠪᠠᠨ ᠠᠷᠠᠶᠢᠬᠠᠨ ᠬᠣᠷᠢᠭᠯᠠᠵᠦ ︽ ᠬᠠᠩᠭᠠᠢ ᠠᠬᠠ ᠡ︕ ᠲᠠ ᠠᠷᠠᠢ ᠳᠣᠭᠣᠢ ᠶᠢ ᠬᠦᠭᠦᠷᠭᠡ ᠭᠠᠷᠭᠠᠬᠣ ᠪᠠᠷ ᠢᠷᠡᠭᠰᠡᠨ ᠦᠭᠡᠢ ᠪᠠ ︖ ︾ ᠭᠡᠵᠦ ᠢᠨᠢᠶᠡᠵᠠᠢ ᠃ ᠬᠠᠩᠭᠠᠢ ᠠᠷᠭᠠ ᠪᠠᠷᠠᠭᠳᠠᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠢᠨᠢᠶᠡᠭᠡᠳ ︽ ᠳᠣᠭᠣᠢ ᠶᠢᠨ ᠠᠷᠣ ᠳᠡᠭᠡᠷᠡ ᠰᠠᠭᠣᠴᠢᠬᠠ ︕ ︾ ᠭᠡᠪᠠ ᠃
︽ ᠲᠠᠯᠠ ᠰᠢᠭ᠋ ᠲᠡᠨᠢᠭᠦᠨ ᠰᠡᠳᠬᠢᠯ ᠳ᠋ᠦ ᠴᠢᠨᠢ ᠭᠡᠰᠡᠨ ᠪᠢ ᠭᠠᠷᠴᠦ ᠳᠡᠶᠢᠯᠦᠨᠡ ︾ ᠭᠡᠳ ᠬᠠᠪᠣᠷᠠ ᠬᠠᠩᠭᠠᠢ ᠶᠢᠨ ᠵᠢᠳᠬᠦᠵᠦ ᠶᠠᠪᠣᠭᠠ ᠳᠣᠭᠣᠢ ᠶᠢᠨ ᠵᠢᠶᠠᠰᠠ ᠠᠴᠠ ᠪᠠᠷᠢᠨ ᠬᠦᠭᠦᠷᠭᠡ ᠶᠢ ᠭᠠᠷᠴᠠᠢ ᠃
ᠨᠠᠷᠠ ᠪᠠᠷᠠᠭᠣᠨᠰᠢ ᠬᠡᠯᠪᠡᠶᠢᠮᠡᠭᠴᠡ ᠰᠦᠮᠪᠦᠷ ᠳᠡᠷᠭᠡᠲᠡ ᠨᠢ ᠢᠷᠡᠭᠡᠳ ︽ ᠬᠠᠪᠣᠷᠠ ᠡ ᠂ ᠶᠠᠪᠣᠬᠣ ᠦᠭᠡᠢ ᠦᠦ ︖ ︾ ᠭᠡᠯᠡ ᠃ ᠬᠠᠪᠣᠷᠠ ᠦᠷᠯᠦᠭᠡ ᠶᠢᠨ ᠤᠴᠠᠭᠠᠷ ᠳᠠᠭᠠᠨ ᠳᠣᠣᠭᠠᠷᠣᠭᠰᠠᠨ ᠦᠭᠡᠢ ᠂ ᠳᠡᠶᠢᠮᠦ ᠡᠷᠲᠡ ᠬᠠᠷᠢᠬᠣ ᠶᠢᠨ ᠣᠷᠣᠨ ᠳ᠋ᠦ ᠡᠪᠡᠰᠦ ᠪᠡᠨ ᠬᠠᠳᠣᠪᠠᠯ ᠳᠡᠭᠡᠷᠡ ᠭᠡᠵᠦ ᠳᠣᠭᠣᠶᠢᠬᠠᠨ ᠬᠠᠷᠢᠭᠣᠯᠵᠠᠢ ᠃
ᠰᠦᠮᠪᠦᠷ ︽ ᠬᠦᠮᠦᠨ ᠣᠯᠣᠭᠠᠳ ᠬᠠᠳᠣᠭᠣᠯᠴᠢᠭᠠ ︕ ᠬᠦᠴᠦᠨ ᠵᠣᠭᠣᠰ ᠢ ᠨᠢ ᠪᠢ ᠭᠠᠷᠭᠠᠶᠠ ︕ ︾ ᠭᠡᠵᠦ ᠰᠠᠶᠢᠮᠰᠣᠷᠬᠠᠵᠠᠢ ᠃ ᠬᠠᠪᠣᠷᠠ ᠳᠣᠣᠭᠠᠷᠣᠭᠰᠠᠨ ᠦᠭᠡᠢ ︾
︽ᠵᠣᠭᠣᠰ ᠲᠠᠢ ᠪᠣᠯ ᠴᠢᠳᠬᠦᠷ ᠢ ᠴᠦ ᠵᠠᠷᠣᠴᠢᠬᠠᠬᠣ ︖ ᠡᠨ᠋ᠨ ᠨᠠᠶᠢᠭᠡᠮ ᠳ᠋ᠦ ᠲᠡᠭᠦᠨ ᠣ ᠦᠭᠡ ᠪᠣᠷᠣᠭᠣ ᠪᠢᠰᠢ ᠃ ᠭᠡᠪᠡᠴᠦ ᠦᠨᠦᠭᠡᠳᠦᠷ ᠬᠠᠪᠣᠷᠠ ᠳ᠋ᠦ ᠶᠠᠭ ᠯᠠ ᠲᠡᠭᠦᠨ ᠣ ᠦᠭᠡ ᠨᠢᠭᠡᠪᠦᠷᠢ ᠬᠢᠲᠣᠭᠠ ᠰᠢᠪᠦᠭᠡ ᠪᠣᠯᠴᠢᠬᠠᠭᠰᠠᠨ ᠰᠠᠨᠠᠭᠳᠠᠪᠠ ᠃
ᠰᠦᠮᠪᠦᠷ ᠵᠣᠭᠣᠰ ᠲᠠᠢ ᠪᠠᠨ ᠶᠠᠷᠢᠵᠦ ᠶᠠᠷᠢᠭᠠᠳ ᠬᠠᠪᠣᠷᠠ ᠦᠭᠡ ᠦᠭᠡᠢ ᠪᠣᠯᠬᠣᠷ ︽ ᠱᠠᠨ ᠳ᠋ᠢ ︾ ᠪᠡᠨ ᠢᠰᠭᠦᠯᠦᠨ ᠶᠠᠪᠣᠵᠦ ᠣᠳᠣᠯᠠ ᠃ ︽ᠵᠣᠭᠣᠰ ᠲᠠᠢ ᠬᠦᠮᠦᠰ ᠢᠩᠬᠢᠵᠦ ᠠᠮᠢᠳᠣᠷᠠᠳᠠᠭ ᠡ ︕ ︾ ᠭᠡᠵᠦ ᠬᠠᠪᠣᠷᠠ ᠨᠢᠭᠡ ᠶᠠᠭᠣᠮᠠ ᠰᠡᠭᠡᠭᠡᠷᠡᠭᠰᠡᠨ ᠰᠢᠭ ᠪᠣᠯᠪᠠ ᠃
ᠨᠠᠷᠠ ᠵᠢᠷᠭᠠᠬᠤ ᠶᠢᠨ ᠠᠯᠲᠠ ᠪᠠᠷ ᠬᠦᠮᠦᠰ ᠣᠪᠣᠨ ᠴᠣᠪᠤᠨ ᠭᠡᠷ ᠵᠦᠭ ᠢᠶᠡᠨ ᠪᠣᠴᠠᠵᠠᠭᠠᠪᠠ ᠃ ᠬᠠᠪᠣᠷᠠ ᠬᠠᠮᠣᠭ ᠰᠡᠭᠦᠯ ᠳ᠋ᠦ ᠭᠠᠷᠬᠣ ᠶᠢ ᠪᠣᠳᠣᠨ ᠂ ᠡᠪᠡᠰᠦ ᠪᠡᠨ ᠬᠠᠳᠣᠵᠦ ᠪᠠᠶᠢᠪᠠ ᠃ ︽ ᠬᠠᠪᠣᠷᠠ ᠬᠠᠷᠢᠬᠣ ᠦᠭᠡᠢ ᠦᠦ ︖ ︾ ᠭᠡᠬᠦᠯᠡᠷ ᠬᠠᠷᠠᠵᠦ ᠦᠵᠡᠬᠦ ᠳ᠋ᠦ ᠬᠠᠩᠭᠠᠢ ᠠᠬᠠ ᠨᠢ ᠢᠷᠡᠴᠢᠬᠡᠭᠡᠳ ᠵᠣᠭᠰᠣᠵᠦ ᠪᠠᠶᠢᠪᠠ ᠃
︽ᠲᠠ ᠳᠣᠭᠣᠢ ᠣᠨᠣᠭᠰᠠᠨ ᠦᠭᠡᠢ ᠦᠦ ︖ ︾ᠭᠡᠬᠦᠯᠡᠷ
︽ᠦᠭᠡᠢ ᠂ ᠦᠷᠯᠦᠭᠡ ᠠᠶᠢᠯ ᠤᠨ ᠲᠡᠷᠭᠡᠨ ᠳᠡᠭᠡᠷᠡ ᠭᠠᠷᠴᠦ ᠢᠷᠡᠭᠰᠡᠨ ᠶᠤᠮ ︾ ᠭᠡᠪᠡ ᠃
ᠬᠠᠪᠣᠷᠠ ᠬᠦᠭᠦᠷᠭᠡ ᠭᠠᠷᠬᠤ ᠬᠠᠨᠢ ᠣᠯᠣᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠨ ᠂ ᠰᠠᠨᠳᠣᠣ ᠪᠠᠨ ᠡᠪᠡᠰᠦᠨ ᠳᠣᠮᠳᠠ ᠪᠠᠨ ᠨᠢᠭᠣᠵᠦ ᠲᠠᠯᠪᠢᠭᠠᠳ ᠬᠦᠨᠡᠰᠦᠨ ᠪᠣᠭᠴᠣ ᠪᠠᠨ ᠠᠪᠣᠨ ᠂ ᠳᠣᠭᠣᠢ ᠪᠠᠨ ᠲᠦᠯᠬᠢᠨ ᠬᠠᠩᠭᠠᠢ ᠲᠠᠢ ᠬᠠᠮᠲᠦ ᠠᠯᠬᠣᠵᠠᠢ ᠃
︽ᠡᠶᠢᠮᠦ ᠣᠷᠣᠢ ᠪᠣᠯᠴᠢᠬᠠᠭᠠᠳ ᠲᠡᠷᠭᠡᠯ ᠣᠬᠢᠯᠠᠬᠣ ᠦᠭᠡᠢ ᠦᠦ ︖ ︾ᠬᠠᠪᠣᠷᠠ ᠭᠡᠨᠡᠳᠲᠡ ᠬᠠᠩᠭᠠᠢ ᠶᠢᠨ ᠬᠡᠦᠬᠡᠨ ᠦ ᠰᠠᠨᠠᠵᠦ ᠣᠯᠣᠭᠠᠳ ᠢᠩᠬᠢᠵᠦ ᠠᠰᠠᠭᠣᠪᠠ ᠃
︽ᠲᠡᠷᠭᠡᠯ ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠳᠡᠬᠡᠨ ᠪᠠᠶᠢᠨᠠ ︾ᠭᠡᠬᠦᠯᠡᠷ ᠬᠠᠪᠣᠷᠠ ᠰᠠᠨᠠᠭᠠ ᠠᠮᠣᠷᠠᠯᠠ ᠃
ᠭᠤᠴᠢ ᠶᠢᠨ ᠳᠠᠪᠠᠭᠠ ᠶᠢ ᠴᠦ ᠳᠠᠪᠠᠭᠠᠳᠣᠢ ᠂ ᠭᠣᠣᠨᠢ ᠡᠷᠡ ᠶᠢᠨ ᠭᠤᠨᠢᠭ ᠪᠦᠷᠬᠦᠭᠰᠡᠨ ᠴᠢᠷᠠᠢ ᠵᠢ ᠬᠠᠷᠠᠭᠠᠳ ᠬᠠᠪᠣᠷᠠ ᠰᠡᠳᠬᠢᠯ ᠣᠶᠠᠷᠠᠵᠦ ᠡᠬᠢᠯᠡᠵᠠᠢ ᠃
ᠬᠦᠭᠡᠷᠦᠬᠦᠢ ︕ᠴᠢᠮᠡᠭ ᠪᠡᠷᠭᠡᠨ ᠬᠠᠩᠭᠠᠢ ᠠᠬᠠ ᠲᠠᠢ ᠯᠠ ᠲᠣᠬᠢᠷᠠᠬᠣ ᠬᠥᠩᠭᠡᠨ ᠱᠠᠯᠠᠮᠠᠭᠠᠢ ᠂ ᠣᠬᠠᠭᠠᠨ ᠲᠠᠢ ᠪᠦᠰᠡᠭᠦᠢ ᠂ ᠬᠦᠨᠳᠦ ᠡᠪᠡᠳᠴᠢᠨ ᠳ᠋ᠦ ᠨᠡᠷᠪᠡᠭᠳᠡᠨ ᠬᠣᠶᠠᠷ ᠨᠠᠰᠤ ᠬᠦᠷᠦᠭᠡ ᠦᠭᠡᠢ ᠬᠡᠦᠬᠡᠨ ᠢᠶᠡᠨ ᠣᠷᠬᠢᠭᠠᠳ ᠶᠠᠪᠣᠴᠢᠬᠠᠯᠠ ᠃
︽ᠬᠡᠦᠬᠡᠨ ᠢᠶᠡᠨ ᠬᠦᠮᠦᠨ ᠳ᠋ᠦ ᠡᠷᠭᠦᠯᠴᠢᠭᠡ ᠃ ᠵᠠᠯᠠᠭᠣ ᠬᠦᠮᠦᠨ ᠳᠠᠬᠢᠭᠠᠳ ᠨᠢᠭᠡ ᠶᠢ ᠡᠷᠢᠬᠦ ᠦᠭᠡᠢ ᠦᠦ ︖ ︾ᠭᠡᠬᠦ ᠠᠶᠢᠯ ᠤᠨ ᠣᠯᠠᠨ ᠣ ᠢᠳᠬᠠᠯ ᠪᠠ ︽ ᠬᠦᠦ ᠮᠢᠨᠢ ᠂ ᠲᠡᠷᠭᠡᠯ ᠢᠶᠡᠨ ᠨᠠᠳᠠ ᠲᠣᠰᠢᠶᠠᠴᠢᠬᠠ ︕ ᠴᠢ ᠪᠠᠰᠠ ᠵᠠᠯᠠᠭᠣ ᠪᠠᠶᠢᠭᠰᠠᠭᠠᠷ ᠂ ᠬᠣᠵᠢᠮ ᠢᠶᠠᠨ ᠪᠣᠳᠣ ︾ ᠭᠡᠬᠦ ᠬᠠᠳᠠᠮ ᠡᠵᠢ ᠶᠢᠨ ᠢᠶᠡᠨ ᠦᠭᠡ ᠶᠢ ᠴᠦ ᠰᠣᠨᠣᠰᠣᠯ ᠦᠭᠡᠢ ᠬᠡᠦᠬᠡᠨ ᠲᠠᠢ ᠪᠠᠨ ᠦᠨᠦᠴᠢᠨ ᠪᠣᠷᠣ ᠡᠳᠦᠷ ᠬᠣᠨᠣᠭ ᠢ ᠦᠩᠭᠡᠷᠡᠭᠦᠯᠵᠠᠢ ᠃
︽ᠳᠣᠭᠣᠢ ᠪᠠᠨ ᠠᠯᠢ ︾ᠭᠡᠬᠦ ᠳ᠋ᠤᠨᠢ ᠬᠦᠭᠦᠷᠭᠡ ᠬᠦᠷᠴᠦ ᠢᠷᠡᠭᠰᠡᠨ ᠢ ᠮᠡᠳᠡᠨ ᠂ ᠪᠣᠳᠣᠯ ᠠᠯᠳᠠᠭᠰᠠᠨ ᠳᠠᠭᠠᠨ ᠬᠠᠪᠣᠷᠠ ᠡᠪ ᠦᠭᠡᠶᠢᠷᠬᠡᠵᠠᠢ ᠃ ᠲᠡᠳᠡ ᠦᠷᠯᠦᠭᠡ ᠶᠢᠨ ᠭᠠᠷᠣᠠᠭᠰᠠᠨ ᠰᠢᠭ᠋ ᠢᠶᠡᠨ ᠭᠠᠷᠴᠦ ᠂ ᠬᠠᠩᠭᠠᠢ ᠳ᠋ᠦ ᠰᠣᠨᠳᠣᠯᠠᠭᠳᠠᠨ ᠶᠠᠪᠣᠬᠣ ᠳᠠᠭᠠᠨ ︽ᠴᠢᠨᠤ ᠳᠣᠭᠣᠢ ᠴᠢᠨᠢ ᠡᠪᠳᠡᠷᠡᠭᠰᠡᠨ ᠶᠤᠮ ᠴᠢᠨᠢ ᠮᠠᠷᠭᠠᠰᠢ ᠬᠠᠮᠲᠦ ᠶᠠᠪᠣᠶᠠ ᠂ ᠲᠡᠭᠡᠪᠡᠯ ᠴᠢ ᠠᠯᠬᠣᠬᠣ ᠴᠢᠬᠤᠯᠠ ᠦᠭᠡᠢ ᠮᠦᠷᠲᠡᠭᠡᠨ ᠪᠢ ᠴᠦ ᠠᠶᠣᠬᠣ ᠦᠭᠡᠢ ︾ᠭᠡᠬᠦ ᠰᠠᠶᠢᠬᠠᠨ ᠠᠷᠭᠠ ᠪᠣᠳᠣᠭᠰᠠᠨ ᠢᠶᠠᠨ ᠬᠠᠪᠣᠷᠠ ᠪᠠᠶᠠᠷᠯᠠᠨ ᠬᠡᠯᠡᠵᠠᠢ ᠃
ᠬᠠᠪᠣᠷᠠ ᠬᠠᠩᠭᠠᠢ ᠲᠠᠢ ᠬᠣᠶᠠᠷ ᠡᠳᠦᠷ ᠬᠠᠮᠲᠦ ᠶᠠᠪᠣᠪᠠ ᠃ ᠰᠦᠮᠪᠦᠷ ᠢ ᠣᠶᠢᠰᠢᠶᠠᠭᠰᠠᠨ ᠦᠭᠡ ᠬᠣᠶᠠᠷ ᠡᠳᠦᠷ ᠪᠣᠯᠵᠠᠢ ᠃
ᠭᠣᠷᠪᠠᠳᠣᠭᠠᠷ ᠡᠳᠦᠷ ᠬᠠᠪᠣᠷᠠ ᠡᠪᠡᠰᠦ ᠬᠠᠳᠣᠵᠦ ᠪᠠᠶᠢᠲᠠᠯᠠ ᠰᠦᠮᠪᠦᠷ ᠴᠢᠷᠠᠢ ᠮᠠᠭᠣᠲᠠᠶᠢᠬᠠᠨ ᠢᠷᠡᠭᠡᠳ ︽ᠬᠠᠪᠣᠷᠠ ᠡ ︕ ᠴᠢ ᠴᠣᠬᠣᠮ ᠶᠠᠮᠠᠷ ᠰᠠᠨᠠᠭᠠ ᠲᠠᠢ ᠶᠤᠮ ⁉ ᠴᠢ ᠨᠠᠳᠠ ᠳ᠋ᠦ ᠭᠣᠮᠣᠳᠠᠪᠠᠴᠦ ᠢᠩᠬᠢᠵᠦ ᠬᠠᠩᠭᠠᠢ ᠪᠠᠷ ᠦᠰᠢᠶᠡ ᠠᠪᠴᠦ ᠪᠣᠯᠬᠣ ᠦᠭᠡᠢ ᠯᠠ ᠳ᠋ᠠ ︕ ᠴᠢ ᠲᠡᠶᠢᠮᠦ ᠠᠶᠣᠮᠠᠲᠠᠬᠠᠢ ᠂ ᠪᠢ ᠴᠢᠮᠠᠶᠢ ᠶᠠᠭᠠᠬᠢᠵᠦ ᠭᠠᠷᠭᠠᠬᠣ ᠪᠣᠢ ︕ ︾ ᠭᠡᠪᠡ ᠃ ᠂
︽ᠪᠣᠯᠵᠠᠢ ︕ ᠰᠦᠮᠪᠦᠷ ᠂ ᠪᠢ ᠠᠶᠣᠮᠠᠲᠠᠬᠠᠢ ᠨᠢ ᠦᠨᠡᠨ ᠂ ᠭᠡᠪᠡᠴᠦ ᠪᠢ ᠪᠣᠯ ᠴᠢᠨᠣ ᠣᠷᠣᠭ ᠲᠣᠭᠲᠠᠭᠰᠠᠨ ᠪᠡᠷᠢ ᠴᠢᠨᠢ ᠰᠢᠦ ᠂ ᠬᠡᠷᠪᠡ ᠪᠢ ᠴᠢᠨᠣ ᠡᠬᠡᠨᠠᠷ ᠪᠠᠶᠢᠭᠰᠠᠨ ᠪᠣᠯ ᠴᠢ ᠪᠠᠰᠠ ᠬᠠᠶᠠᠭᠠᠳ ᠶᠠᠪᠣᠴᠢᠬᠠᠬᠣ ᠨᠢ ᠦᠦ ︖ ᠨᠠᠮᠠᠶᠢ ᠴᠢ ᠭᠠᠷᠭᠠᠭᠰᠠᠨ ᠦᠭᠡᠢ ᠳ᠋ᠦ ᠪᠠᠰᠠ ᠭᠠᠷᠭᠠᠬᠣ ᠬᠦᠮᠦᠨ ᠪᠠᠶᠢᠨᠠ ᠂ ᠪᠢ ᠬᠠᠩᠭᠠᠢ ᠲᠠᠢ ᠬᠠᠮᠲᠦ ᠶᠠᠮᠠᠷ ᠪᠣᠷᠣᠭᠣ ᠶᠤᠮ ︖ ᠪᠤᠷᠤᠭᠤᠳᠠᠭᠰᠠᠨ ᠨᠢ ᠬᠠᠷᠢᠨ ᠴᠢ ᠳ᠋ᠠ ︾ᠭᠡᠵᠦ ᠬᠠᠪᠣᠷᠠ ᠠᠭᠣᠷᠯᠠᠨ ᠬᠡᠯᠡᠵᠠᠢ ᠃
︽ᠬᠠᠮᠲᠦ ᠶᠠᠪᠤ ᠡ ᠂ ᠬᠠᠩᠭᠠᠢ ᠶᠢ ᠨᠠᠰᠤ ᠪᠠᠷ ᠢᠶᠠᠨ ᠳᠠᠭᠠᠭᠰᠠᠨ ᠴᠦ ᠪᠣᠯᠣᠨᠠ ᠂ ᠪᠢ ᠬᠠᠮᠢᠶᠠᠷᠠᠬᠣ ᠦᠭᠡᠢ ︾ᠭᠡᠵᠦ ᠰᠦᠮᠪᠦᠷ ᠳᠡᠭᠳᠡᠭᠡᠨᠡᠨ ᠶᠠᠪᠣᠪᠠ ᠃
ᠬᠠᠪᠣᠷᠠ ᠠᠷᠦ ᠠᠴᠠ ᠨᠢ ︽ᠳᠡᠭᠡᠪᠡᠯ ᠪᠣᠯᠵᠠᠢ ︕ ᠬᠡᠯᠡᠭᠰᠡᠨ ᠦᠭᠡ ᠪᠡᠨ ᠪᠢᠳᠡᠬᠡᠢ ᠮᠠᠷᠲᠠ ︕ ︾ᠭᠡᠵᠦ ᠬᠠᠰᠭᠢᠷᠦᠮᠠ ᠭᠡᠯᠡᠵᠠᠢ ᠃
ᠲᠡᠷᠡ ᠣᠷᠣᠢ ᠨᠢ ᠬᠠᠪᠣᠷᠠ ᠨᠠᠷᠠ ᠰᠢᠩᠭᠢᠲᠡᠯᠡ ᠬᠠᠳᠣᠭᠰᠠᠨ ᠪᠣᠯᠪᠠᠴᠦ ᠬᠠᠩᠭᠠᠢ ᠢᠷᠡᠭᠰᠡᠨ ᠦᠭᠡᠢ᠂ᠰᠠᠨᠳᠣᠷᠠᠬᠣ ᠳᠠᠭᠠᠨ ᠬᠠᠩᠭᠠᠢ ᠶᠢᠨ ᠬᠠᠳᠣᠯᠩ ᠵᠦᠭ ᠬᠠᠷᠠᠪᠠᠯ ᠬᠦᠮᠦᠨ ᠣ ᠪᠠᠷᠠ ᠪᠠᠶᠢᠳᠠᠭ ᠦᠭᠡᠢ ᠲᠤᠯᠠ ᠳᠣᠭᠣᠢ ᠪᠠᠨ ᠲᠦᠯᠬᠢᠨ ᠭᠠᠭᠴᠠᠭᠠᠷ ᠶᠠᠪᠣᠪᠠ ᠃ ᠬᠦᠭᠦᠷᠭᠡᠨ ᠳᠡᠭᠡᠷᠡ ᠬᠡᠳᠦᠢ ᠣᠳᠠᠭᠰᠠᠨ ᠢ ᠪᠦᠦ ᠮᠡᠳᠡ ︕ ᠬᠦᠮᠦᠨ ᠬᠠᠷᠠ ᠶᠢᠨ ᠪᠠᠷᠠ ᠦᠭᠡᠢ ᠶᠢᠨ ᠳᠡᠭᠡᠷᠡ ᠪᠦᠷᠦᠭ ᠪᠠᠷᠣᠭ ᠪᠣᠯᠴᠢᠬᠠᠭᠰᠠᠨ ᠪᠣᠯᠬᠣᠷ ᠬᠦᠭᠦᠷᠭᠡᠨ ᠳᠣᠮᠳᠠ ᠬᠦᠷᠦᠭᠡᠳ ᠬᠠᠪᠣᠷᠠ ᠪᠣᠴᠠᠵᠦ ᠳᠡᠶᠢᠯᠬᠦ ᠦᠭᠡᠢ ᠂ ᠶᠠᠪᠣᠵᠦ ᠴᠦ ᠳᠡᠶᠢᠯᠬᠦ ᠦᠭᠡᠢ ᠣᠷᠣᠰᠣᠮᠡᠷ ᠪᠣᠯᠣᠭᠰᠡᠨ ᠨᠢᠯᠪᠦᠰᠦ ᠪᠡᠨ ᠠᠷᠠᠶᠢᠬᠠᠨ ᠬᠣᠷᠢᠭᠯᠠᠨ ᠮᠡᠨᠡᠩᠷᠡᠨ ᠵᠣᠭᠰᠣᠪᠠ ᠃ ᠡᠨ᠋ᠨ ᠦᠶᠡ ᠳ᠋ᠦ ᠬᠠᠪᠣᠷᠠ ᠶᠢᠨ ᠡᠮᠦᠨᠡ ᠡᠴᠡ ᠨᠢᠭᠡ ᠬᠦᠮᠦᠨ ᠠᠯᠬᠣᠭᠠᠳ ᠢᠷᠡᠪᠡ ᠃ ᠬᠠᠪᠣᠷᠠ ᠪᠦᠷ ᠠᠶᠣᠭᠠᠳ ᠰᠠᠪᠠᠵᠦ ᠣᠨᠠᠮᠠᠷ ᠪᠣᠯᠣᠭᠰᠠᠨ ᠴᠦ ︽ᠬᠠᠪᠣᠷᠠ ︾ᠭᠡᠬᠦ ᠳᠠᠭᠣᠨ ᠳ᠋ᠤᠨᠢ ︽ᠬᠠᠩᠭᠠᠢ ᠠᠬᠠ ︾ᠭᠡᠳ ᠬᠠᠬᠠᠴᠢᠬᠠᠯᠠ ᠃
ᠬᠠᠩᠭᠠᠢ ᠶᠠᠭᠤ ᠴᠦ ᠳᠣᠣᠭᠠᠷᠣᠭᠰᠠᠨ ᠦᠭᠡᠢ ︽ᠬᠠᠪᠣᠷᠠ ᠡ ︕ ᠪᠢᠳᠡᠬᠡᠢ ᠠᠶᠤ ︕ ︾ ᠭᠡᠬᠦ ᠶᠤᠮ ᠃ ︽ ᠲᠠ ᠶᠠᠭᠠᠬᠢᠭᠠᠳ ᠨᠠᠮᠠᠶᠢ ᠬᠠᠶᠠᠭᠠᠳ ᠶᠠᠪᠣᠴᠢᠬᠠᠭᠰᠠᠨ ᠪᠣᠢ ︖ ︾ᠭᠡᠬᠦᠯᠡᠷ ︽ ᠪᠢ ᠲᠠᠨ ᠢ ᠦᠪᠡᠷ ᠢᠶᠡᠨ ᠬᠠᠷᠢᠴᠢᠬᠠᠬᠤ ᠮᠠᠭᠠᠳ ︕ ᠭᠡᠵᠦ ᠪᠣᠳᠣᠯᠠ ︾ ᠭᠡᠪᠡ ᠃
ᠲᠡᠷᠡ ᠣᠷᠣᠢ ᠰᠦᠮᠪᠦᠷ ᠬᠠᠪᠣᠷᠠ ᠶᠢᠨ ᠳ᠋ᠦ ᠣᠴᠢᠭᠰᠠᠨ ᠨᠢ ᠢᠯᠡᠷᠡᠬᠡᠢ ᠂ ᠬᠦᠭᠦᠷᠭᠡᠨ ᠳᠡᠭᠡᠷᠡ ᠪᠣᠯᠣᠭᠰᠠᠨ ᠣᠴᠢᠷ ᠠᠴᠠ ᠬᠣᠶᠢᠰᠢ ᠬᠠᠪᠣᠷᠠ ᠲᠡᠭᠦᠨ ᠢ ᠣᠶᠢᠰᠢᠶᠠᠬᠣ ᠪᠠᠨ ᠪᠣᠯᠢᠭᠰᠠᠨ ᠃ ᠲᠡᠷᠡ ᠠᠪᠤ ᠡᠵᠢ ᠳ᠋ᠤᠨᠢ ᠬᠠᠩᠭᠠᠢ ᠲᠠᠢ ᠰᠠᠶᠢᠨ ᠪᠣᠯᠣᠯᠠ ᠭᠡᠵᠦ ᠳᠠᠯᠳᠠᠭᠣᠷ ᠵᠠᠭᠠᠯᠳᠣᠴᠢᠬᠠᠭᠰᠠᠨ ᠪᠠᠶᠢᠵᠠᠢ ᠃
ᠬᠠᠪᠣᠷᠠ ᠡᠭᠦᠳᠡ ᠲᠦᠯᠬᠢᠨ ᠣᠷᠣᠮᠠᠭᠴᠠ︽ᠰᠦᠮᠪᠦᠷ ᠶᠠᠭᠤ ᠨᠢ ᠮᠠᠭᠤ ᠶᠤᠮ ᠃ ᠣᠬᠠᠭᠠᠨᠲᠠᠢ ᠪᠦᠭᠡᠳ ᠠᠷᠭᠠ ᠲᠠᠢ ᠂ ᠬᠦᠮᠦᠨ ᠠᠮᠢᠳᠣᠷᠠᠵᠦ ᠴᠢᠳᠠᠨᠠ ︾ᠭᠡᠬᠦ ᠮᠡᠲᠦ ᠪᠠᠷ ᠨᠡᠯᠢᠶᠡᠳ ᠵᠠᠩᠨᠠᠵᠠᠢ ᠃
ᠬᠠᠪᠣᠷᠠ ᠮᠡᠳᠡᠨᠡ ᠂ ᠰᠦᠪᠦᠷ ᠣᠬᠠᠭᠠᠨ ᠲᠠᠢ ᠂ ᠬᠦᠮᠦᠨ ᠳ᠋ᠦ ᠰᠠᠶᠢᠬᠠᠨ ᠬᠠᠨᠳᠣᠵᠦ ᠴᠢᠳᠠᠨᠠ ᠂ ᠠᠷᠭᠠ ᠨᠡᠩ ᠪᠠᠶᠢᠨᠠ ᠂ ᠦᠪᠡᠷ ᠢ ᠪᠡᠨ ᠲᠦᠯᠦᠭᠡ ᠶᠠᠮᠠᠷ ᠴᠦ ᠭᠡᠰᠡᠨ ᠶᠠᠪᠣᠳᠠᠯ ᠢ ᠬᠢᠬᠦ ᠡᠴᠡ ᠪᠣᠴᠠᠳᠠᠭ ᠦᠭᠡᠢ ᠃
ᠡᠳᠡᠭᠡᠷ ᠡᠳᠦᠷ ᠦᠳ ᠲᠦ ᠬᠠᠪᠣᠷᠠ ᠪᠣᠳᠣᠯ ᠠᠯᠳᠠᠬᠤ ᠪᠣᠯᠴᠢᠬᠠᠯᠠ᠃ ᠰᠦᠮᠪᠦᠷ ᠭᠡᠵᠦ ᠪᠣᠳᠣᠬᠣ ᠠᠴᠠ ᠶᠡᠷᠦ ᠵᠠᠯᠬᠠᠭᠤᠷᠠᠬᠣ ᠰᠢᠭ᠋ ᠪᠣᠯᠣᠯᠠ᠃ ᠲᠡᠭᠦᠨ ᠣ ᠲᠡᠷᠡ ᠭᠣᠵᠤᠭᠤᠷ ᠴᠠᠭᠠᠨ ᠴᠢᠷᠠᠢ ᠬᠦᠷᠲᠡᠯᠡ ᠬᠠᠪᠣᠷᠠ ᠶᠢᠨ ᠡᠭᠳᠡᠭᠦᠦ ᠶᠢ ᠬᠦᠷᠭᠡᠳᠡᠭ ᠪᠣᠯᠵᠠᠢ ᠃ ᠲᠡᠭᠡᠬᠦ ᠳ᠋ᠦ ᠯᠠ ᠪᠣᠳᠣᠯ ᠰᠡᠳᠬᠢᠯ ᠳ᠋ᠤᠨᠢ ᠨᠢᠭᠡ ᠬᠦᠮᠦᠨ ᠣ ᠳᠦᠷᠢ ᠪᠠᠶᠢᠨ ᠳᠠᠬᠢᠨ ᠣᠷᠣᠵᠦ ᠢᠷᠡᠳᠡᠭ ᠨᠢ ᠬᠠᠩᠭᠠᠢ ᠠᠬᠠ ᠶᠢᠨ ᠬᠢᠨᠢ ᠬᠠᠯᠠᠭᠤᠮᠰᠠᠭ ᠴᠢᠷᠠᠢ ᠪᠠᠶᠢᠯᠠ ᠃ ᠬᠠᠪᠣᠷᠠ ᠶᠡᠷᠦ ᠨᠢ ᠡᠨ᠋ᠨ ᠲᠣᠬᠠᠢ ᠪᠣᠳᠣᠬᠣ ᠠᠴᠠ ᠪᠠᠨ ᠠᠶᠣᠬᠣ ᠶᠤᠮ ᠡ ᠃
ᠲᠡᠷᠡ ᠡᠳᠦᠷ ᠰᠦᠮᠪᠦᠷ ᠬᠠᠩᠭᠠᠢ ᠶᠢ ︽ᠬᠠᠪᠣᠷᠠ ᠲᠠᠢ ᠶᠠᠪᠣᠵᠦ ᠪᠣᠯᠬᠣ ᠦᠭᠡᠢ ᠂ ᠲᠡᠷᠡ ᠪᠣᠯ ᠮᠢᠨᠤ ᠬᠦᠮᠦᠨ ᠂ ᠴᠢ ᠲᠡᠭᠦᠨ ᠬᠠᠮᠲᠦ ᠶᠠᠪᠣᠬᠣ ᠦᠭᠡᠢ ᠯᠠ ᠶᠠᠮᠠᠷ ᠨᠦᠬᠦᠴᠡᠯ ᠳᠣᠷᠠᠳᠣᠭᠰᠠᠨ ᠴᠦ ᠪᠦᠷ ᠪᠣᠯᠣᠨᠠ ︾ᠭᠡᠵᠠᠢ ᠃
ᠬᠠᠩᠭᠠᠢ ᠶᠠᠭᠣᠮᠠ ᠬᠡᠯᠡᠭᠰᠡᠨ ᠦᠭᠡᠢ ︽ᠬᠠᠪᠣᠷᠠ ᠪᠠᠶᠠᠷ ᠲᠠᠢ ᠯᠠ ᠪᠣᠯ ᠁ ︾ ᠭᠡᠵᠦ ᠪᠣᠳᠣᠬᠤ ᠠᠴᠠ ︽ ᠬᠠᠮᠲᠦ ᠶᠠᠪᠣᠨᠠ ︾ ᠭᠡᠰᠡᠨ ᠪᠣᠯᠵᠣᠭᠠ ᠪᠠᠨ ᠣᠷᠬᠢᠨ ᠬᠠᠮᠣᠭ ᠲᠦᠷᠦᠭᠦᠦ ᠬᠠᠷᠢᠵᠦ ᠢᠷᠡᠵᠦ ᠪᠢᠯᠡ ᠃ ᠬᠡᠳᠦᠶᠢᠪᠡᠷ ᠪᠡᠶᠡ ᠨᠢ ᠭᠡᠷᠲᠡᠭᠡᠨ ᠴᠦ ᠰᠡᠳᠬᠢᠯ ᠨᠢ ᠡᠪᠡᠰᠦ ᠬᠠᠳᠣᠭᠠ ᠬᠠᠪᠣᠷᠠ ᠳᠡᠭᠡᠷᠡ ᠪᠠᠶᠢᠵᠦ ᠬᠦᠭᠦᠷᠭᠡ ᠬᠡᠷᠬᠢᠨ ᠭᠠᠷᠳᠠᠭ ᠪᠣᠯ ᠭᠡᠵᠦ ᠪᠣᠳᠣᠭᠰᠠᠭᠠᠷ ᠨᠠᠷᠠ ᠰᠢᠩᠭᠢᠲᠡᠯᠡ ᠪᠠᠷᠠ ᠦᠭᠡᠢ ᠳ᠋ᠤᠨᠢ ᠬᠠᠳᠣᠯᠠᠩ ᠵᠦᠭ ᠮᠣᠷᠢ ᠣᠨᠣᠨ ᠳᠠᠪᠬᠢᠭᠣᠯᠵᠠᠢ ᠃
ᠬᠦᠭᠦᠷᠭᠡᠨ ᠳᠡᠷᠭᠡᠲᠡ ᠰᠠᠭᠣᠵᠦ ᠪᠠᠶᠢᠲᠠᠯᠠ ᠬᠠᠪᠣᠷᠠ ᠮᠦᠯᠬᠦᠵᠦ ᠮᠠᠭᠠᠵᠢᠮᠠ ᠶᠠᠪᠣᠬᠣ ᠳ᠋ᠤᠨᠢ ᠣᠭᠲᠣᠨ ᠣᠴᠢᠵᠠᠢ ᠃
ᠬᠠᠪᠣᠷᠠ ᠪᠣᠳᠣᠯ ᠳᠠᠭᠠᠨ ᠲᠦᠭᠡᠷᠢᠵᠠᠢ ᠃ ᠰᠦᠮᠪᠦᠷ ᠦᠨ ᠨᠠᠭᠠᠯᠢᠩᠬᠠᠢ ᠡᠶᠡᠯᠳᠡᠭ ᠵᠠᠩ ᠳ᠋ᠤᠨᠢ ᠣᠶᠠᠰᠴᠦ ᠶᠠᠪᠣᠬᠣ ᠳᠠᠭᠠᠨ ᠦᠪᠡᠷ ᠢ ᠪᠡᠨ ᠬᠠᠮᠣᠭ ᠤᠨ ᠵᠢᠷᠭᠠᠯ ᠲᠠᠢ ᠬᠦᠮᠦᠨ ᠭᠡᠵᠦ ᠪᠣᠳᠣᠵᠦ ᠪᠠᠶᠢᠭᠰᠠᠨ ᠪᠣᠯ ᠣᠳᠣ ᠬᠠᠷᠢᠨ ᠬᠠᠩᠭᠠᠢ ᠠᠬᠠ ᠰᠠᠶ᠋ᠢ ᠴᠣᠬᠣᠮ ︽ ᠡᠷᠡ ᠬᠦᠮᠦᠨ ︾ ᠭᠡᠵᠦ ᠪᠣᠳᠣᠬᠣ ᠪᠣᠯᠵᠠᠢ ᠃
ᠨᠠᠮᠣᠷ ᠤᠨ ᠵᠢᠷᠭᠢᠶᠡ ᠵᠢᠷᠵᠢᠭᠢᠨᠡᠨ ᠵᠢᠷᠵᠢᠭᠡᠨᠡᠭᠰᠡᠭᠡᠷ ᠲᠡᠳᠡᠨ ᠠᠮᠢ ᠨᠠᠰᠣᠨ ᠣ ᠡᠴᠦᠰ ᠳᠣᠬᠢᠶᠠ ᠪᠠᠷ ᠳᠡᠯᠡᠬᠡᠢ ᠶᠡᠷᠲᠢᠨᠴᠦ ᠶᠢ ᠴᠢᠮᠡᠭᠯᠡᠵᠦ ᠪᠠᠶᠢᠨᠠ ᠃
ᠬᠠᠪᠣᠷᠠ ᠡᠨᠳᠡ ᠬᠡᠳᠦᠢ ᠰᠠᠭᠣᠭᠰᠠᠨ ᠢᠶᠠᠨ ᠦᠪᠡᠷ ᠢᠶᠡᠨ ᠴᠦ ᠮᠡᠳᠡᠭᠰᠡᠨ ᠦᠭᠡᠢ ᠂ ᠳᠠᠭᠠᠷᠳᠠᠰᠣ ᠬᠦᠷᠬᠦ ᠰᠢᠭ ᠪᠣᠯᠬᠣ ᠳ᠋ᠤᠨᠢ ᠪᠣᠴᠠᠨ ᠠᠯᠬᠣᠵᠠᠢ ᠃
ᠰᠠᠷᠠᠨ ᠣ ᠭᠡᠷᠡᠯ ᠳ᠋ᠦ ᠥᠭᠡᠳᠡ ᠡᠴᠡ ᠨᠢ ᠨᠢᠭᠡ ᠬᠦᠮᠦᠨ ᠠᠯᠬᠣᠭᠠᠳ ᠢᠷᠡᠯᠠ ᠃ ᠲᠡᠷᠡ ᠰᠦᠷᠯᠢᠭ ᠦᠨᠳᠦᠷ ᠪᠡᠶᠡ ᠶᠠᠭᠠᠬᠢᠭᠰᠠᠨ ᠲᠠᠨᠢᠯ ᠬᠠᠷᠠᠭᠳᠠᠬᠣ ᠪᠣᠢ ︕ ︽ ᠬᠠᠩᠭᠠᠢ ︾ ᠭᠡᠵᠦ ᠪᠣᠳᠣᠬᠣ ᠠᠴᠠ ᠬᠠᠮᠠᠷ ᠨᠢ ᠪᠣᠷᠭᠢᠷᠠᠬᠤ ᠰᠢᠭ᠋ ᠪᠣᠯᠵᠦ ᠂ ᠣᠷᠣᠨ ᠠᠴᠠ ᠪᠠᠨ ᠬᠦᠳᠦᠯᠥᠭᠰᠡᠨ ᠦᠭᠡᠢ ᠬᠠᠩᠭᠠᠢ ᠶᠢᠨ ᠬᠦᠷᠴᠦ ᠢᠷᠡᠭᠡᠳ ᠬᠠᠯᠠᠭᠣᠨ ᠭᠠᠷ ᠢ ᠨᠢ ᠴᠢᠩᠭᠠ ᠠᠳᠬᠤᠬᠤ ᠶᠢ ᠬᠦᠯᠢᠶᠡᠨ ᠵᠣᠭᠰᠣᠵᠠᠢ ᠃
ᠬᠠᠩᠭᠠᠢ ᠬᠦᠷᠦᠭᠡᠳ ᠢᠷᠡᠯᠡ ᠃ ᠲᠡᠷᠡ ᠬᠠᠪᠣᠷᠠ ᠶᠢᠨ ᠭᠠᠷ ᠢ ᠠᠳᠬᠣᠭᠰᠠᠨ ᠪᠢᠰᠢ ᠂ ᠬᠠᠷᠢᠨ ᠠᠬᠠ ᠬᠦᠮᠦᠨ ᠣ ᠵᠢᠮᠡᠯᠡᠩᠭᠦᠢ ᠳᠠᠭᠣᠨ ᠢᠶᠠᠷ ︽ ᠬᠠᠪᠣᠷᠠ ᠂ ᠰᠦᠨᠢ ᠶᠢᠨ ᠬᠥᠯ ᠪᠣᠯᠴᠢᠬᠠᠯᠠ ᠰᠢᠦ ᠂ ᠬᠠᠷᠢᠬᠣ ᠦᠭᠡᠢ ᠦᠦ ᠂ ᠠᠪᠤ ᠡᠵᠢ ᠴᠢᠨᠢ ᠡᠷᠢᠭᠡᠳ ᠰᠦᠢᠳ ᠪᠣᠯᠵᠦ ᠪᠠᠶᠢᠨᠠ ︾ ᠭᠡᠪᠡ ᠃
ᠬᠠᠪᠣᠷᠠ ᠲᠡᠰᠦᠭᠰᠡᠨ ᠦᠭᠡᠢ ︽ ᠬᠠᠩᠭᠠᠢ ᠠᠬᠠ ᠡ ︾ ᠭᠡᠳ ᠮᠡᠭᠰᠢᠨ ᠱᠣᠭᠰᠢᠨ ᠣᠬᠢᠯᠠᠪᠠ ᠃
ᠬᠡᠵᠢᠶᠡ ᠬᠣᠶᠢᠨᠠ ᠨᠢ ︽ ᠡᠨ᠋ᠨ ᠬᠣᠷᠸᠠ ᠳ᠋ᠦ ᠪᠢ ᠭᠠᠭᠴᠠ ᠬᠦᠮᠦᠨ ᠢ ᠬᠠᠶᠢᠷᠠᠯᠠᠭᠰᠠᠨ ᠂ ᠲᠡᠷᠡ ᠬᠦᠮᠦᠨ ᠪᠣᠯ ᠲᠠ ᠪᠠᠶᠢᠬᠣ ᠶᠣᠰᠣᠲᠠᠢ ︾ ᠭᠡᠵᠦ ᠰᠢᠪᠡᠨᠡᠵᠠᠢ ᠃
1995 ᠣᠨ ᠳ᠋ᠦ ᠪᠢᠴᠢᠪᠡ᠃
