- ᠳᠠᠯᠠᠳ
56032
2017-01-30 09:54
1127
0
ᠶᠠᠭᠠᠷᠠᠤ ᠤᠤ ︖
ᠣᠳᠣ ᠶᠢᠨ ᠭᠦᠮᠦᠰ ᠬᠣᠲᠠ ᠶᠢᠨ ᠬᠢᠨ ᠭᠡᠰᠡᠨ ᠦᠭᠡᠢ ᠬᠦᠳᠡᠭᠡ ᠶᠢᠨ ᠬᠢᠨ ᠭᠡᠰᠡᠨ ᠦᠭᠡᠢ ᠬᠦᠭᠰᠢᠨ ᠵᠠᠯᠠᠭᠤ ᠭᠡᠰᠡᠨ ᠦᠭᠡᠢ ᠨᠢᠭᠡ ᠨᠢᠭᠡᠨ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠪᠤᠯᠠᠭᠠᠨ ᠯᠠ ᠪᠠᠷᠤᠭ︽ ᠵᠠ ᠶᠠᠭᠠᠷᠠᠣ ᠤᠤ︾ ᠭᠡᠵᠦ ᠠᠰᠠᠭᠤᠵᠦ ᠪᠠᠶᠢᠳᠠᠭ᠂ ᠵᠠᠷᠢᠮ ᠨᠢ ᠪᠦᠷ ᠰᠠᠶᠢᠨ ᠤᠤ ᠮᠡᠨᠳᠦ ᠤᠤ ᠴᠤ ᠦᠭᠡᠢ ᠰᠢᠭᠤᠳ ᠯᠠ ᠲᠡᠭᠡᠭᠡᠳ ᠠᠰᠠᠭᠤᠴᠢᠬᠠᠳᠠᠭ᠃ ᠬᠦᠳᠡᠭᠡ ᠶᠢᠨ ᠬᠢᠨᠢ ᠴᠤ ᠪᠠᠰᠠ ᠶᠠᠭᠠᠬᠢᠶᠠ ᠭᠡᠬᠦ ᠪᠤᠢ ᠨᠠᠳᠠ ᠮᠡᠲᠦ ᠶᠢᠨ ᠡᠳᠦᠷ ᠪᠤᠯᠭᠠᠨ ᠠᠯᠪᠠᠨ ᠰᠢᠷᠡᠭᠡ ᠲᠡᠪᠡᠷᠢᠨ ᠤᠰᠤ ᠪᠠᠨ ᠤᠤᠭᠤᠭᠠᠳ ᠺᠣᠮᠫᠢᠦ᠋ᠲ᠋ᠧᠷ ᠤᠨ ᠡᠮᠦᠨᠡ ᠰᠠᠭᠤᠵᠦ ᠪᠠᠶᠢᠭᠠ ᠤᠯᠤᠰ ᠤᠳ ᠲᠦ ᠪᠣᠯ ᠡᠨᠡ ᠠᠰᠠᠭᠣᠯᠲᠠ ᠵᠢᠭᠠᠬᠠᠨ ᠴᠤ ᠲᠤᠬᠢᠷᠠᠭᠰᠠᠨ ᠦᠭᠡᠢ ᠢᠯᠡᠭᠦᠴᠡ ᠠᠰᠠᠭᠤᠯᠲᠠ ᠭᠡᠵᠦ ᠪᠢ ᠪᠤᠳᠤᠳᠠᠭ ᠶᠤᠮ᠃ ᠲᠡᠭᠡᠭᠡᠳ ᠵᠤᠭᠰᠤᠬᠤ ᠦᠭᠡᠢ ᠵᠠᠷᠢᠮ ᠨᠢ ︽ᠲᠠᠨ ᠤ ᠪᠠᠭᠰᠢ ᠨᠠᠷ ᠴᠢᠨᠢ ᠰᠠᠶᠢᠬᠠᠨ ᠪᠠᠶᠢᠨᠠ ᠵᠢᠯ ᠳᠡᠬᠡᠨ ᠪᠠᠰᠠ ᠬᠤᠶᠠᠷ ᠴᠢᠯᠦᠭᠡ ᠲᠠᠢ︾ᠬᠡᠮᠡᠨ ᠪᠦᠷ ᠵᠠᠪ ᠦᠭᠡᠢ ᠶᠠᠭᠠᠷᠳᠠᠭ ᠰᠢᠭ ᠶᠠᠷᠢᠵᠦ ᠪᠠᠶᠢᠳᠠᠭ᠃ᠡᠨᠡ ᠠᠰᠠᠭᠤᠯᠲᠠ ᠶᠢ ᠴᠣᠬᠣᠮ ᠪᠢᠳᠡᠨ ᠰᠢᠭ ᠵᠢᠷᠠᠭᠠᠳ ᠳᠠᠯᠠᠭᠠᠳ ᠣᠨ ᠦ ᠦᠶᠡ ᠶᠢᠨ ᠭᠦᠮᠦᠰ ᠡᠮᠸ ᠦᠳ ᠡᠴᠡ ᠠᠰᠠᠭᠤᠪᠠᠯ ᠬᠠᠷᠢᠨ ᠬᠠᠮᠤᠭ ᠶᠢᠨ ᠤᠨᠤᠪᠴᠢᠲᠠᠢ ᠭᠡᠵᠦ ᠪᠢ ᠦᠷᠭᠦᠯᠵᠢ ᠪᠣᠳᠣᠳᠠᠭ ᠶᠤᠮ᠃ ᠪᠢᠳᠡ ᠦᠨᠦᠳᠦᠷ ᠡᠮᠧ ᠨᠠᠷ ᠤᠨ ᠢᠶᠠᠨ ᠪᠢᠳᠡᠨ ᠢ ᠪᠠᠭᠠ ᠪᠠᠶᠢᠬᠤ ᠳ᠋ᠦ ᠪᠦᠲᠦᠨ ᠵᠢᠯ ᠢᠶᠡᠷ ᠢᠶᠡᠨ ᠬᠡᠷᠬᠢᠨ ᠶᠠᠭᠠᠷᠠᠤ ᠵᠦᠳᠡᠷᠡᠯ ᠲᠠᠢ ᠪᠠᠷ ᠠᠵᠢᠯᠯᠠᠵᠦ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠢ ᠨᠢᠭᠡ ᠰᠠᠶᠢᠬᠠᠨ ᠡᠷᠭᠢᠴᠡᠭᠦᠯᠵᠦ ᠪᠤᠳᠤᠪᠠᠯ ᠳᠠᠬᠢᠨ ᠨᠢᠭᠡ ᠨᠢᠭᠡ ᠡᠴᠡ ᠪᠡᠨ︽ ᠶᠠᠭᠠᠷᠠᠤ ᠤᠤ︾ ᠭᠡᠵᠦ ᠠᠰᠠᠭᠤᠬᠤ ᠠᠴᠠ ᠪᠠᠨ ᠢᠴᠢᠩᠭᠦᠶᠢᠷᠡᠬᠦ ᠪᠠᠶᠢᠬᠠ ᠃
ᠮᠢᠨᠣ ᠡᠵᠢ ᠪᠣᠯ1937 ᠣᠨ ᠤ ᠭᠦᠮᠦᠨ ᠶᠤᠮ᠂ ᠭᠡᠷ ᠲᠡᠬᠡᠨ ᠠᠬᠠ ᠲᠡᠭᠦᠤ ᠣᠯᠠᠭᠤᠯᠠ ᠪᠠᠶᠢᠵᠦ ᠭᠡᠷ ᠦᠨ ᠠᠮᠢᠳᠤᠷᠠᠯ ᠨᠢ ᠵᠦᠳᠡᠭᠦᠬᠡᠨ ᠪᠠᠶᠢᠭᠰᠠᠨ ᠪᠤᠯᠬᠣᠷ ᠳᠣᠯᠣᠭᠠᠨ ᠨᠠᠰᠤᠨ ᠠᠴᠠ ᠪᠠᠨ ᠭᠡᠷ ᠡᠴᠡ ᠪᠠᠨ ᠭᠠᠷᠴᠦ ᠨᠠᠭᠠᠴᠤ ᠶᠢᠨ ᠳᠠᠭᠠᠨ ᠪᠦᠷ ᠰᠠᠭᠤᠵᠦ ᠠᠶᠢᠯ ᠭᠡᠷ ᠦᠨ ᠬᠢᠨᠢ ᠣᠯᠠᠨ ᠠᠵᠢᠯ ᠳ᠋ᠦ ᠬᠠᠮᠵᠢᠳᠠᠭ ᠪᠠᠶᠢᠵᠠᠢ᠃ ᠡᠮᠧ ᠶᠢᠨ ᠨᠠᠭᠠᠴᠦ ᠨᠢ ᠸᠠᠩᠷᠠᠭ ᠵᠠᠯᠠᠨ ᠭᠡᠵᠦ ᠨᠣᠶᠠᠨ ᠠᠶᠢᠯ ᠪᠠᠶᠢᠭᠰᠠᠨ ᠢᠶᠠᠷ ᠠᠵᠢᠯ ᠠᠯᠪᠠ ᠴᠤ ᠶᠡᠬᠡ ᠲᠠᠢ ᠭᠡᠷ ᠦᠨ ᠰᠤᠷᠲᠠᠯ ᠰᠤᠷᠭᠠᠯ ᠴᠦ ᠶᠡᠭᠡ ᠴᠢᠩᠭᠠ ᠠᠶᠢᠯ ᠪᠠᠶᠢᠯᠠ ᠭᠡᠳᠡᠭ᠂ ᠨᠠᠮᠠᠶᠢ ᠪᠠᠭᠠ ᠪᠠᠶᠢᠬᠤ ᠳ᠋ᠦ ᠡᠮᠧ ᠮᠢᠨᠢ ᠮᠠᠨ ᠤ ᠨᠠᠭᠠᠴᠦ ᠶᠢᠨ ᠭᠡᠵᠦ ᠶᠤᠰᠤᠲᠠᠢ ᠨᠢᠭᠡ ᠪᠠᠶᠠᠨ ᠲᠠᠷᠭᠤᠨ ᠠᠶᠢᠯ ᠪᠠᠶᠢᠭᠰᠠᠨ ᠰᠢᠦ ᠬᠡᠴᠢᠨᠡᠨ ᠬᠡᠴᠢᠨᠡᠨ ᠬᠣᠨᠢ ᠮᠠᠯ ᠲᠠᠢ ᠬᠡᠴᠢᠨᠡᠨ ᠠᠷᠪᠢᠨ ᠲᠠᠰᠤᠯᠭᠠ ᠪᠠᠶᠢᠰᠢᠩ ᠭᠦᠷᠢᠶᠡ ᠲᠠᠢ ᠭᠠᠭᠴᠠ ᠭᠤᠯᠢᠷ ᠤᠨ ᠠᠪᠳᠠᠷᠠ ᠨᠢ ᠬᠦᠷᠲᠡᠯᠡ ᠲᠤᠮᠤ ᠲᠣᠮᠣ ᠤᠯᠠᠭᠠᠨ ᠴᠤᠯᠤ ᠮᠤᠳᠤᠨ ᠬᠢᠴᠡ ᠲᠠᠢ ᠪᠠᠶᠢᠵᠦ ᠬᠡᠴᠢᠨᠡᠨ ᠣᠯᠠᠨ ᠢᠶᠠᠷ ᠨᠢ ᠲᠠᠯᠪᠢᠴᠢᠬᠠᠭᠰᠠᠨ ᠪᠠᠶᠢᠳᠠᠭ ᠭᠡᠵᠦ ᠶᠠᠷᠢᠵᠦ ᠦᠭᠭᠦᠳᠡᠭ ᠪᠠᠶᠢᠯᠠ᠃ ᠲᠡᠷᠡ ᠦᠶᠡ ᠡᠵᠢ ᠮᠢᠨᠢ ᠰᠠᠶ᠋ᠢ ᠳᠣᠯᠣᠭᠠ ᠨᠠᠢᠮᠠᠬᠠᠨ ᠨᠠᠰᠤ ᠲᠠᠢ ᠵᠢᠭᠠᠬᠠᠨ ᠬᠡᠤᠭᠡᠳ ᠪᠠᠶᠢᠭᠰᠠᠨ ᠲᠤᠯᠠ ᠭᠡᠷ ᠢᠶᠡᠨ ᠶᠡᠭᠡ ᠰᠠᠨᠠᠳᠠᠭ ᠶᠤᠮ ᠭᠡᠨᠡ᠂ ᠭᠡᠪᠡᠴᠦ ᠲᠡᠷᠡ ᠦᠶᠡ ᠶᠢᠨ ᠭᠡᠷ ᠦᠨ ᠰᠤᠷᠭᠠᠯ ᠢ ᠣᠳᠣ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠶᠢᠨ ᠠᠷᠭᠠ ᠦᠭᠡᠢ ᠴᠢᠩᠭᠠ ᠪᠠᠶᠢᠭᠰᠠᠨ ᠤᠴᠢᠷ ᠭᠡᠷ ᠢᠶᠡᠨ ᠶᠠᠭᠠᠬᠢᠵᠦ ᠰᠠᠨᠠᠪᠠᠴᠦ ᠠᠷᠭᠠ ᠦᠭᠡᠢ ᠰᠠᠭᠤᠳᠠᠭ ᠯᠠ ᠬᠡᠷᠡᠭ᠃ ᠭᠡᠶᠡ ᠮᠠᠨ ᠤ ᠮᠤᠩᠭᠤᠯᠴᠤᠳ ᠡᠷᠲᠡᠨ ᠲᠡᠭᠡᠳᠦᠰ ᠡᠴᠡ ᠪᠡᠨ ᠠᠮᠠ ᠴᠢᠩᠭᠠ ᠪᠠᠶᠢᠬᠤ ᠶᠢ ᠶᠡᠭᠡ ᠠᠩᠬᠠᠷᠴᠦ ᠪᠡᠯᠭᠡ ᠲᠡᠮᠪᠡᠷᠢᠯ ᠦᠭᠡᠢ ᠦᠭᠡ ᠶᠠᠷᠢᠬᠤ ᠪᠤᠰᠤᠳ ᠢ ᠮᠠᠭᠤᠯᠠᠵᠦ ᠶᠠᠷᠢᠬᠤ ᠦᠪᠡᠷ ᠦᠨ ᠵᠣᠪᠠᠯᠠᠩ ᠲᠤᠭᠠᠴᠢᠬᠤ ᠶᠡᠭᠡ ᠯᠡ ᠴᠡᠭᠡᠷᠯᠠᠳᠡᠭ ᠢᠶᠠᠷ ᠡᠮᠧ ᠮᠢᠨᠢ ᠴᠦ ᠦᠪᠡᠷ ᠦᠨ ᠦᠩᠭᠡᠷᠡᠭᠰᠡᠨ ᠤ ᠪᠠᠨ ᠦᠢᠯᠡ ᠤᠴᠠᠷᠠᠯ ᠢ ᠲᠡᠭᠡᠵᠦ ᠶᠡᠭᠡᠪᠡᠷ ᠲᠤᠭᠠᠴᠢᠳᠠᠭ ᠦᠭᠡᠢ ᠪᠢᠯᠡ᠃ ᠬᠡᠵᠢᠶᠡ ᠪᠢ ᠨᠠᠰᠤ ᠵᠢᠯ ᠲᠣᠮᠣᠷᠠᠵᠦ ᠤᠬᠠᠭᠠ ᠲᠦᠬᠦᠭᠡ ᠵᠢᠭᠠᠬᠠᠨ ᠡᠤᠷᠤᠭᠰᠠᠨ ᠲᠠᠷᠠᠭᠠ ᠰᠠᠶ᠋ᠢ ᠡᠵᠢ ᠶᠢᠨ ᠢᠶᠡᠨ ᠡᠷᠡ ᠨᠦᠬᠦᠷ ᠢ ᠢᠶᠠᠨ ᠭᠦᠮᠦᠨ ᠤ ᠡᠮᠦᠨᠡ ᠴᠡᠭᠡᠵᠢ ᠲᠡᠨᠢᠭᠦᠨ ᠨᠢᠷᠤᠭᠤ ᠭᠡᠳᠡᠭᠡᠷ ᠰᠦᠷ ᠵᠢᠪᠬᠤᠭᠠ ᠲᠠᠢ ᠠᠯᠬᠤᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠬᠤᠶᠢᠮᠤᠷ ᠲᠦ ᠰᠠᠭᠤᠭᠠ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠢᠶᠠᠨ ᠪᠡᠶᠡ ᠨᠢ ᠡᠷᠡᠭᠦᠯ ᠰᠠᠷᠠᠭᠤᠯ ᠰᠠᠨᠠᠭᠠ ᠰᠡᠳᠭᠢᠯ ᠨᠢ ᠪᠠᠶᠠᠷᠲᠠᠢ ᠬᠦᠷ ᠲᠠᠢ ᠪᠠᠶᠢᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠮᠦᠨ ᠲᠡᠷᠡ ᠬᠡᠳᠤᠨ ᠨᠢᠰᠤ ᠪᠠᠨ ᠭᠤᠭᠤᠵᠢᠭᠤᠯᠵᠦ ᠭᠡᠳᠡᠰᠤ ᠪᠠᠨ ᠭᠣᠷᠴᠢᠭᠢᠨᠠᠭᠤᠯᠤᠨ ᠢᠳᠡᠵᠦ ᠨᠠᠭᠠᠳᠤᠬᠤ ᠠᠴᠠ ᠦᠭᠡᠷᠡ ᠶᠠᠭᠤᠮᠠ ᠢ ᠮᠡᠳᠡᠭᠡ ᠦᠭᠡᠢ ᠭᠦᠶᠦᠵᠦ ᠪᠠᠶᠢᠭᠠ ᠬᠡᠳᠦᠨ ᠬᠡᠤᠬᠡᠳ ᠤᠨ ᠢᠶᠠᠨ ᠪᠦᠬᠡᠰᠦ ᠶᠢ ᠨᠢ ᠪᠦᠭᠯᠡᠵᠦ ᠭᠡᠳᠡᠰᠦ ᠶᠢ ᠨᠢ ᠴᠠᠳᠬᠠᠬᠤ ᠶᠢᠨ ᠲᠦᠯᠦᠭᠡ ᠵᠢᠯ ᠦᠨ ᠳᠦᠷᠪᠡᠨ ᠤᠯᠠᠷᠢᠯ ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ ᠲᠠᠪᠤᠨ ᠬᠤᠨᠤᠭ ᠢᠶᠠᠷ ᠦᠢᠯᠡ ᠪᠡᠨ ᠦᠵᠡᠵᠦ ᠦᠰᠦ ᠪᠡᠨ ᠲᠡᠭᠦᠨ ᠰᠢᠷᠪᠦᠰᠦ ᠪᠡᠨ ᠰᠤᠩᠲᠠᠯᠠ ᠭᠦᠶᠦᠳᠡᠭ ᠢ ᠨᠢᠳᠦ ᠢᠶᠠᠷ ᠢᠶᠠᠨ ᠦᠵᠡᠵᠦ ᠮᠡᠳᠡᠬᠦ ᠪᠤᠯᠵᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳ᠋ᠦ ᠬᠡᠷᠪᠡ ᠡᠨᠡ ᠦᠭᠡ ᠪᠠᠶᠢᠭᠰᠠᠨ ᠪᠣᠯ ᠪᠢ ᠬᠠᠷᠢᠨ ᠡᠮᠧ ᠡᠴᠡ ᠪᠡᠨ ᠡᠳᠦᠷ ᠪᠤᠯᠭᠠᠨ︽ ᠡᠵᠢ ᠮᠢᠨᠢ ᠶᠠᠭᠠᠷᠠᠣ ᠤᠤ︖︾ ᠭᠡᠵᠦ ᠠᠰᠠᠭᠤᠬᠤ ᠪᠠᠶᠢᠭᠰᠠᠨ︕
ᠵᠢᠷᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠳᠠᠯᠠᠭᠠᠳ ᠣᠨ ᠤ ᠡᠬᠢᠨ ᠬᠦᠷᠬᠦ ᠳ᠋ᠦ ᠪᠢ ᠴᠦ ᠨᠠᠢᠮᠠ ᠶᠢᠰᠦ ᠬᠦᠷᠴᠢᠬᠡᠭᠰᠡᠨ ᠪᠣᠯᠬᠣᠷ ᠶᠠᠭᠣᠮᠠ ᠶᠢ ᠨᠡᠯᠢᠶᠡᠳ ᠠᠩᠬᠠᠷᠬᠤ ᠬᠡᠮᠵᠢᠶᠡ ᠲᠠᠢ ᠪᠤᠯᠵᠢ᠂ ᠮᠢᠨᠣ ᠴᠢᠭᠡᠵᠢᠯᠡᠵᠦ ᠪᠠᠶᠢᠬᠤ ᠪᠠᠷ ᠡᠮᠧ ᠮᠢᠨᠢ ᠬᠡᠵᠢᠶᠡ ᠴᠦ ᠦᠷᠯᠦᠭᠡᠨ ᠦ ᠦᠦᠷ ᠦᠨ ᠬᠠᠷᠠᠩᠭᠤᠢ ᠪᠠᠷ ᠪᠤᠰᠳᠠᠭ᠂ ᠲᠡᠭᠡᠭᠡᠳ ᠬᠢᠳᠡᠭ ᠨᠢᠭᠡᠳᠦᠭᠡᠷ ᠠᠵᠢᠯ ᠨᠢ ᠵᠤᠤᠬᠠᠨ ᠤ ᠪᠠᠨ ᠦᠨᠡᠰᠦ ᠶᠢ ᠠᠪᠤᠨᠠ ᠲᠠᠷᠠᠭᠠ ᠨᠢ ᠭᠠᠯ ᠢᠶᠠᠨ ᠲᠦᠯᠡᠵᠦ ᠡᠷᠭᠢᠭᠡᠳ ᠴᠠᠢ ᠪᠠᠨ ᠴᠢᠨᠠᠨᠠ᠂ ᠲᠡᠷᠡ ᠦᠶᠡ ᠮᠠᠨ ᠤ ᠬᠦᠳᠡᠭᠡ ᠭᠠᠵᠠᠷ ᠡᠪᠦᠯ ᠨᠢ ᠲᠤᠩ ᠬᠦᠢᠲᠡᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠦᠷᠯᠦᠭᠡ ᠪᠣᠯᠬᠣ ᠳ᠋ᠦ ᠭᠡᠷ ᠪᠦᠷ ᠬᠦᠷᠦᠭᠡᠳ ᠬᠠᠮᠠᠷ ᠤᠨ ᠦᠵᠦᠭᠦᠷ ᠪᠦᠷ ᠤᠯᠠᠶᠢᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠂ ᠶᠠᠭ ᠡᠨᠡ ᠦᠶᠡ ᠡᠮᠧ ᠮᠢᠨᠢ ᠪᠤᠰᠤᠭᠠᠳ ᠭᠠᠯ ᠢᠶᠠᠨ ᠨᠣᠴᠣᠭᠠᠬᠤ ᠳ᠋ᠦ ᠯᠠ ᠠᠷᠭᠠᠯ ᠤᠨ ᠤᠲᠤᠭᠠᠨ ᠤ ᠰᠠᠶᠢᠬᠠᠨ ᠦᠨᠦᠷ ᠭᠠᠷᠴᠦ ᠵᠤᠤᠬᠠᠨ ᠲᠣᠲᠣᠷᠠ ᠭᠠᠯ ᠤᠨ ᠰᠦᠷᠴᠢᠭᠢᠨᠡᠨ ᠨᠣᠴᠣᠬᠤ ᠳᠠᠭᠤᠨ ᠰᠤᠨᠤᠰᠳᠠᠵᠦ ᠵᠤᠤᠬᠠᠨ ᠤ ᠲᠠᠯᠠ ᠶᠢᠨ ᠬᠡᠷᠡᠮ ᠳᠡᠭᠡᠷᠡ ᠰᠢᠷᠡᠮᠦᠨ ᠦ ᠵᠠᠪᠰᠠᠷ ᠠᠴᠠ ᠭᠠᠷᠤᠭᠰᠠᠨ ᠭᠠᠯ ᠤᠨ ᠭᠡᠷᠡᠯ ᠦᠶᠡ ᠦᠶᠡ ᠲᠤᠰᠴᠦ ᠪᠠᠶᠢᠳᠠᠭ᠂ ᠲᠠᠷᠠᠭᠠ ᠨᠢ ᠡᠮᠸ ᠴᠠᠢ ᠪᠠᠨ ᠴᠢᠨᠠᠨᠠ᠂ ᠡᠨᠡ ᠵᠠᠭᠤᠷᠠ ᠠᠵᠢ ᠴᠦ ᠪᠤᠰᠴᠢᠬᠠᠨᠠ ᠲᠡᠭᠡᠭᠡᠳ ᠬᠤᠶᠠᠭᠤᠯᠠ ᠲᠦᠷᠴᠢᠭᠢᠨᠡᠲᠡᠯᠡ ᠦᠭᠡ ᠪᠡᠨ ᠶᠠᠷᠢᠵᠦ ᠯᠡ ᠪᠠᠶᠢᠳᠠᠭ ᠴᠣᠬᠣᠮ ᠶᠠᠭᠤ ᠪᠠᠨ ᠶᠠᠷᠢᠳᠠᠭ ᠶᠤᠮ ᠪᠦᠦ ᠮᠡᠳᠡ ᠡ᠂ ᠡᠵᠢ ᠶᠢᠨ ᠴᠢᠨᠠᠭᠰᠠᠨ ᠲᠡᠷᠡ ᠰᠠᠶᠢᠬᠠᠨ ᠴᠠᠢ ᠶᠢᠨ ᠦᠨᠦᠷ ᠭᠡᠷ ᠳᠦᠭᠦᠷᠡᠩ ᠬᠠᠩᠬᠤᠯᠬᠤ ᠦᠶᠡ ᠴᠢ ᠨᠢᠭᠡᠨᠲᠡ ᠳᠠᠬᠢᠵᠦ ᠤᠨᠲᠠᠬᠤ ᠰᠠᠨᠠᠭᠠ ᠦᠭᠡᠢ ᠪᠣᠯᠴᠢᠬᠠᠨᠠ᠃ ᠶᠡᠷᠦᠨᠢ ᠪᠢᠳᠡᠨ ᠶᠢ ᠪᠠᠭᠠ ᠪᠠᠶᠢᠬᠤ ᠳ᠋ᠦ ᠬᠡᠤᠬᠡᠳ ᠶᠢ ᠡᠷᠲᠡ ᠳᠠᠭᠤᠳᠠᠨ ᠪᠣᠰᠬᠠᠵᠦ ᠤᠷᠣᠢ ᠪᠣᠯᠲᠠᠯᠠ ᠤᠨᠲᠠᠭᠤᠯᠳᠠᠭ ᠦᠭᠡᠢ︽ ᠦᠳᠡ ᠪᠣᠯᠲᠠᠯᠠ ᠤᠨᠲᠠᠵᠦ ᠦᠶᠡᠷ ᠪᠣᠯᠲᠠᠯᠠ ᠰᠢᠭᠡᠯᠡ︾ ᠭᠡᠳ ᠵᠠᠩᠨᠠᠳᠠᠭ᠂ ᠮᠢᠨᠤ ᠬᠤᠶᠠᠳᠤᠭᠠᠷ ᠠᠬᠠ ᠪᠣᠯ ᠪᠠᠭᠠ ᠳᠠᠭᠠᠨ ᠶᠡᠬᠡ ᠠᠯᠢᠶᠠ ᠳᠡᠭᠵᠢᠨ ᠪᠠᠶᠢᠭᠰᠠᠨ ᠲᠤᠯᠠ ᠡᠳᠦᠷ ᠦᠨ ᠨᠠᠭᠠᠳᠤᠭᠰᠠᠨ ᠨᠢ ᠬᠡᠲᠦᠷᠡᠭᠡᠳ ᠦᠷᠯᠦᠭᠡ ᠡᠷᠲᠡ ᠪᠣᠰᠬᠤ ᠳᠠᠭᠠᠨ ᠢᠳᠡ ᠣᠷᠣᠨᠠ᠂ ᠠᠵᠢ ᠡᠴᠡ ᠪᠢᠳᠡᠨ ᠶᠢ ᠨᠢᠭᠡᠳᠦᠭᠡᠷ ᠤᠳᠠᠭᠠ ᠳᠠᠭᠤᠳᠠᠬᠤ ᠳ᠋ᠦ ᠨᠢ ᠰᠠᠶᠢᠨ ᠡᠷᠡ ᠲᠤᠲᠠᠭᠤ ᠦᠨᠳᠡᠶᠢᠭᠡᠳ ᠰᠠᠭᠤᠭᠠ ᠪᠠᠷ ᠢᠶᠠᠨ ᠵᠢᠭᠠᠬᠠᠨ ᠤᠨᠲᠠᠵᠦ ᠦᠵᠡᠨᠡ᠂ ᠬᠣᠶᠠᠳᠤᠭᠠᠷ ᠤᠳᠠᠭᠠ ᠴᠢᠩᠭᠠ ᠵᠠᠩᠳᠤᠷᠬᠤ ᠦᠶᠡ ᠲᠡᠰᠭᠢᠯ ᠦᠭᠡᠢ ᠢᠷᠡᠳᠡᠭ ᠪᠢᠯᠡ ᠃ ᠢᠩᠭᠢᠭᠡᠳ ᠡᠪᠦᠭᠡ ᠠᠪᠤ ᠠᠵᠢ ᠪᠠ ᠮᠠᠨ ᠤ ᠬᠡᠳᠦ ᠶᠢᠨ ᠴᠠᠢ ᠶᠢ ᠤᠤᠭᠤᠯᠭᠠᠭᠰᠠᠨ ᠳᠠᠷᠠᠭᠠ ᠦᠪᠡᠷ ᠢᠶᠡᠨ ᠵᠢᠭᠠᠬᠠᠨ ᠤᠤᠭᠤᠭᠠᠳ ᠬᠤᠷᠳᠤᠬᠠᠨ ᠦᠨᠢᠶᠡ ᠪᠡᠨ ᠰᠠᠭᠠᠬᠤ ᠪᠠᠷ ᠭᠠᠷᠳᠠᠭ᠂ ᠡᠨᠡ ᠴᠢᠨᠢ ᠪᠢᠳᠡ ᠪᠠᠰᠠ ᠶᠡᠬᠡ ᠪᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠢᠳᠡ ᠪᠢᠳᠡᠨ ᠢ ᠨᠢᠯᠬᠠ ᠪᠠᠭᠠ ᠪᠠᠶᠢᠬᠤ ᠳ᠋ᠦ ᠪᠣᠯ ᠪᠠᠰᠠ ᠪᠢᠳᠡ ᠬᠡᠳᠦ ᠶᠢᠨ ᠨᠢᠭᠤᠷ ᠶᠢ ᠨᠢ ᠤᠬᠢᠶᠠᠵᠦ ᠬᠤᠪᠴᠠᠰᠤ ᠬᠤᠨᠤᠷ ᠢ ᠨᠢ ᠡᠮᠦᠰᠭᠡᠬᠦ ᠦᠭᠡᠢ ᠤᠤ᠂ ᠡᠳᠡᠭᠡᠷ ᠪᠦᠬᠦᠶᠢᠯᠡ ᠠᠵᠢᠯ ᠪᠣᠯ ᠲᠤᠬᠠᠢ ᠶᠢᠨ ᠦᠶᠡ ᠪᠦᠷ ᠯᠡ ᠠᠶᠢᠯ ᠭᠡᠷ ᠤᠨ ᠪᠦᠰᠡᠭᠦᠶᠢᠴᠦᠦᠯ ᠦᠨ ᠪᠡᠶᠡᠯᠡᠭᠦᠯᠳᠡᠭ ᠠᠵᠢᠯ ᠪᠠᠶᠢᠵᠦ ᠡᠷᠡᠴᠤᠳ ᠪᠣᠯ ᠦᠨᠳᠦᠰᠦᠨ ᠳᠡᠬᠡᠨ ᠣᠷᠣᠯᠴᠠᠳᠠᠭ ᠦᠭᠡᠢ ᠶᠤᠮ ᠂ ᠡᠨᠡ ᠲᠠᠯᠠ ᠪᠠᠷ ᠣᠳᠣᠬᠢ ᠲᠠᠢ ᠶᠡᠬᠡᠬᠡᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠃ ᠡᠮᠸ ᠮᠢᠨᠢ ᠦᠨᠢᠶᠡ ᠪᠡᠨ ᠰᠠᠭᠠᠬᠤ ᠪᠠᠷ ᠭᠠᠷᠬᠤ ᠳ᠋ᠦ ᠨᠢ ᠪᠢᠳᠡ ᠴᠦ ᠡᠮᠸ ᠳᠡᠬᠡᠨ ᠲᠤᠭᠤᠯ ᠲᠠᠲᠠᠵᠦ ᠦᠭᠭᠦ ᠪᠡᠷ ᠭᠠᠷᠳᠠᠭ᠂ ᠲᠡᠭᠡᠬᠦ ᠳ᠋ᠦ ᠲᠡᠳᠡᠭᠡᠷ ᠡᠬᠡ ᠶᠢᠨ ᠢᠶᠡᠨ ᠰᠦ ᠶᠢ ᠬᠦᠬᠦᠨᠡ ᠭᠡᠳ ᠦᠬᠦᠯ ᠠᠯᠳᠠᠭᠰᠠᠨ ᠲᠤᠭᠤᠯ ᠤᠳ ᠤᠨ ᠬᠦᠯ ᠳᠡᠭᠡᠷᠡ ᠬᠢᠰᠭᠢᠬᠦ ᠨᠢ
ᠯᠡ ᠪᠠᠶᠢᠳᠠᠭ ᠪᠢᠯᠡ᠂
