-
2111657
ᠵᠦᠪᠬᠡᠨ ᠵᠦᠪ ᠪᠢᠴᠢᠯᠬᠡ ᠶᠢᠨ ᠲᠦᠯᠦᠬᠡ ᠯᠡ ᠪᠢᠰᠢ
2019-11-20 20:54
152
1
ᠤᠢᠢᠷᠠ ᠳᠤ ᠵᠠᠷᠢᠮ ᠠᠶᠢᠮᠠᠬ ᠬᠤᠳᠠ ᠶᠢᠨ ᠬᠢᠨ ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠬᠴᠢᠳ ᠤᠨ ᠮᠤᠩᠭᠤᠯ ᠦᠰᠦᠭ ᠤᠨ ᠵᠦᠪ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠶᠠᠪᠤᠭᠤᠯᠵᠤ᠂ ᠤᠷᠦ᠋ᠢᠯᠠᠵᠤ ᠮᠠᠩᠯᠠᠶᠢᠯᠠᠬᠰᠠᠳ ᠢ ᠬᠦᠬᠢᠬᠦᠯᠦᠨ ᠱᠠᠩᠨᠠᠬᠰᠠᠨ ᠲᠤᠬᠠᠢ ᠮᠡᠳᠡᠬᠡᠯᠠᠯ ᠨᠡᠶᠢᠳᠡᠮ ᠰᠤᠨᠤᠰᠳᠠᠵᠤ᠂ ᠨᠡᠶᠢᠬᠡᠮ ᠨᠡᠶᠢᠳᠡ ᠳᠤ ᠬᠠᠯᠠᠭᠤᠨ ᠲᠤᠰᠬᠠᠯ ᠭᠠᠷᠴᠤ᠂ ᠤᠷᠤᠯᠴᠠᠬᠰᠠᠨ ᠬᠦᠮᠦᠨ ᠤᠯᠠᠨ᠂ ᠨᠦᠯᠦᠬᠡ ᠲᠤᠰᠬᠠᠯ ᠦᠷᠬᠡᠨ᠂ ᠠᠴᠢ ᠬᠤᠯᠪᠤᠬᠳᠠᠯ ᠶᠡᠭᠡ ᠪᠠᠶᠢᠵᠤ᠂ ᠮᠤᠩᠭᠤᠯ ᠦᠬᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢᠶᠠᠨ ᠵᠦᠪ ᠪᠢᠴᠢᠵᠤ᠂ ᠵᠦᠪ ᠤᠡᠭᠰᠢᠵᠤ᠂ ᠵᠦᠪ ᠬᠡᠷᠡᠭᠯᠡᠬᠦ ᠳᠤ ᠢᠳᠡᠪᠬᠢᠳᠡᠢ ᠲᠦᠯᠬᠢᠴᠡ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ᠂ ᠦᠨᠳᠤᠰᠤᠳᠠᠨ ᠤ ᠬᠡᠯᠡ ᠰᠤᠶᠤᠯ ᠢᠶᠠᠨ ᠡᠷᠬᠢᠮᠨᠡᠨ ᠲᠡᠬᠡᠳᠦᠯᠡᠵᠤ ᠮᠠᠨᠳᠤᠭᠤᠯᠤᠨ ᠬᠦᠭᠵᠢᠬᠦᠯᠬᠦ ᠳᠤ ᠲᠤᠩ ᠶᠡᠭᠡ ᠠᠴᠢ ᠬᠤᠯᠪᠤᠬᠳᠠᠯ ᠲᠠᠢ ᠠᠵᠢᠯᠯᠠᠭᠠ ᠬᠡᠰᠡᠨ ᠦᠨᠡᠯᠡᠯᠳᠡ ᠶᠢ ᠤᠯᠵᠤ ᠪᠠᠶᠢᠨᠠ᠃
ᠡᠬᠦᠨ ᠯᠦᠭᠡ ᠬᠤᠯᠪᠤᠵᠤ ᠦᠪᠡᠷ ᠤᠨ ᠪᠠᠭᠠ ᠨᠠᠰᠤ ᠪᠠᠨ ᠡᠷᠬᠢᠴᠡᠬᠦᠯᠵᠤ ᠦᠵᠡᠪᠡ᠃ ᠲᠡᠷᠡ ᠦᠶᠡᠰ᠂ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠠᠯ ᠰᠤᠷᠬᠤ ᠳᠠᠭᠠᠨ ᠴᠠᠭᠠᠨ ᠲᠤᠯᠤᠭᠠᠢ ᠶᠢᠨ ᠭᠤᠷᠪᠠᠨ ᠬᠤᠪᠢᠷᠠᠯ᠂ ᠡᠭᠡᠰᠢᠭ᠂ ᠬᠡᠶᠢᠬᠦᠯᠦᠭᠴᠢ᠂ ᠲᠠᠭᠠᠪᠤᠷᠢ᠂ ᠦᠶᠠ ᠵᠠᠯᠭᠠᠬᠤ᠂ ᠦᠬᠡ ᠪᠦᠲᠦᠬᠡᠬᠦ᠂ ᠦᠬᠦᠯᠡᠪᠦᠷᠢ ᠵᠤᠬᠢᠶᠠᠬᠤ᠂ ᠬᠠᠳᠠᠭᠤ ᠵᠦᠬᠡᠯᠡᠨ ᠲᠡᠪᠢᠰᠬᠡᠷ᠂ ᠬᠡᠵᠢᠬᠡ᠂ ᠰᠢᠳᠦ᠂ ᠮᠠᠯᠠᠭᠠᠢ᠂ ᠲᠤᠰᠤᠯ᠂ ᠴᠠᠴᠤᠯᠭᠠ᠂ ᠴᠡᠭ ᠲᠡᠮᠳᠡᠭ᠂ ᠲᠠᠩ ᠲᠠᠪᠬᠤᠷ ᠬᠠᠭᠠᠯᠳᠠ ᠬᠡᠵᠤ ᠡᠬᠢ ᠵᠠᠬᠠ ᠲᠠᠢ ᠡᠮᠬᠢ ᠵᠢᠷᠤᠮ ᠲᠠᠢ ᠰᠤᠷᠴᠤ᠂ ᠲᠠᠬᠢᠭᠠᠳ ᠴᠢᠨᠠᠬᠰᠢ ᠨᠢ ᠪᠢᠴᠢᠯᠬᠡ ᠪᠠᠨ ᠲᠦᠷᠢᠮᠵᠢᠬᠦᠯᠬᠦ ᠪᠤᠶᠤ ᠭᠠᠷ ᠤᠨ ᠲᠢᠭ ᠢᠶᠠᠨ ᠪᠤᠯᠪᠠᠰᠤᠷᠠᠭᠤᠯᠤᠨ᠂ ᠦᠰᠦᠭ ᠤᠨ ᠭᠤᠶᠤ ᠪᠠᠨ ᠠᠳᠠᠯᠢᠳᠬᠠᠨ᠂ ᠰᠤᠷᠭᠠᠭᠤᠯᠢ ᠶᠢᠨ ᠪᠤᠱᠤᠭᠠ ᠶᠢ ᠠᠯᠬᠤᠨ ᠤᠷᠤᠩᠭᠤᠳᠠ ᠯᠡ ᠲᠠᠰᠢᠶᠠ ᠪᠤᠷᠤᠭᠤ ᠦᠰᠦᠭ ᠪᠢᠴᠢᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠶᠢᠵᠠᠢ᠃ ︽ᠵᠦᠪ ᠪᠢᠴᠢᠬᠡᠳ ᠯᠡ ᠵᠤᠬᠰᠤᠨᠠ ᠤᠤ ᠳ᠋ᠠ᠂ ᠵᠠᠪᠠᠯ ᠪᠠᠰᠠ ᠭᠠᠷ ᠤᠨ ᠲᠢᠭ ᠢᠶᠠᠨ ᠭᠤᠶᠤ ᠪᠠᠶᠢᠯᠭᠠᠵᠤ᠂ ᠦᠰᠦᠭ ᠤᠨ ᠰᠠᠶᠢᠬᠠᠨ ᠢᠶᠠᠨ ᠠᠳᠠᠯᠢᠳᠬᠠᠵᠤ ᠮᠦᠷᠦ᠋ᠢᠴᠡᠳᠡᠭ ᠪᠠᠶᠢᠬᠰᠠᠨ︾ ᠬᠡᠵᠤ ᠦᠶᠠ ᠬᠤᠷᠠᠬᠴᠤᠤᠯ ᠲᠠᠢ ᠪᠠᠨ ᠪᠢᠳᠡ ᠤᠴᠠᠷᠠᠵᠤ ᠶᠠᠷᠢᠯᠴᠠᠬᠤ ᠳᠠᠭᠠᠨ ᠡᠷᠬᠢᠴᠡᠬᠦᠯᠦᠨᠠ᠃ ᠬᠡᠵᠢᠶᠠ ᠬᠠᠮᠢᠭᠠ ᠴᠤ ᠬᠡᠰᠡᠨ ︽ᠭᠠᠷ ᠤᠨ ᠲᠢᠭ ᠨᠢ ᠰᠠᠶᠢᠬᠠᠨ︾ ᠬᠡᠰᠡᠨ ᠭᠠᠶᠢᠭᠤᠢ ᠲᠡᠬᠡᠬᠦᠷ ᠦᠨᠡᠯᠠᠯᠳᠡ ᠪᠠᠷ ᠤᠮᠤᠬᠰᠢᠵᠤ ᠵᠤᠷᠢᠬᠵᠢᠵᠤ ᠶᠠᠪᠤᠬᠰᠠᠨ ᠪᠢᠯᠡ᠃
ᠦᠨᠦᠳᠦᠷ ᠮᠡᠷᠬᠡᠵᠢᠯ ᠲᠧᠭᠨᠢᠭ ᠬᠦᠭᠵᠢᠬᠡᠳ ᠮᠠᠰᠢᠨ ᠺᠤᠮᠫᠢᠦ᠋ᠲᠧᠷ ᠢᠶᠠᠷ ᠦᠰᠦᠭ ᠦᠷᠤᠬᠦ ᠪᠤᠯᠤᠬᠰᠠᠨ ᠨᠢ ᠬᠦᠮᠦᠰ ᠤᠨ ᠲᠦᠪᠡᠭ ᠪᠤᠳᠤᠯᠢᠶᠠᠨᠳᠠᠢ ᠠᠵᠢᠯ ᠢ ᠲᠦᠳᠡᠬᠡᠨ ᠵᠠᠭᠤᠷᠠ ᠬᠦᠢᠴᠡᠳᠬᠡᠬᠦ ᠪᠤᠯᠵᠤ᠂ ᠦᠵᠦᠭ ᠪᠢᠷ ᠢᠶᠠᠷ ᠪᠢᠴᠢᠬᠦ ᠨᠢ ᠬᠠᠷᠢᠨ ᠡᠳᠦᠷ ᠤᠨ ᠤᠳᠤ ᠰᠢᠬ ᠴᠦᠬᠡᠨ ᠪᠤᠯᠪᠠ᠃ ᠲᠡᠭᠡᠬᠦ ᠳᠤ ᠯᠡ ᠪᠢᠴᠢᠯᠬᠡ ᠶᠢᠨ ᠲᠢᠭ ᠤᠨ ᠭᠤᠶᠤ ᠰᠠᠶᠢᠬᠠᠨ ᠢ ᠱᠠᠭᠠᠷᠳᠠᠬᠤ ᠪᠠᠶᠢᠳᠤᠭᠠᠢ ᠦᠰᠦᠭ ᠢᠶᠠᠨ ᠵᠦᠪ ᠪᠢᠴᠢᠬᠦ ᠨᠢ ᠨᠠᠭᠠᠳᠤ ᠵᠠᠬᠠ ᠶᠢᠨ ᠴᠢᠳᠠᠪᠤᠷᠢ ᠪᠤᠯᠴᠢᠬᠠᠭᠠᠳ᠂ ᠦᠰᠪᠦᠷᠢ ᠶᠢᠨ ᠰᠤᠷᠤᠬᠴᠢ ᠪᠠᠭᠠᠴᠤᠳ ᠦᠰᠦᠭ ᠨᠢᠳᠦᠯᠠᠵᠤ ᠡᠬᠢᠯᠡᠬᠦ ᠳᠤ ᠯᠡ ᠵᠠᠪᠠᠯ ᠡᠵᠡᠮᠰᠢᠵᠤ ᠴᠢᠳᠠᠮᠠᠭᠠᠢ ᠬᠡᠷᠡᠭᠯᠡᠬᠦ ᠴᠢᠬᠤᠯᠠᠳᠠᠢ ᠵᠦᠪ ᠦᠰᠦᠭ ᠤᠨ ᠱᠠᠭᠠᠷᠳᠠᠯᠭᠠ ᠨᠢ ᠦᠨᠦ ᠴᠢᠨᠢ ᠦᠨᠳᠤᠷ ᠲᠡᠭᠳᠡᠷ ᠲᠤ ᠰᠠᠭᠠᠳᠠᠵᠤ᠂ ᠲᠡᠰ ᠳ᠋ᠤᠭᠠᠷ ᠬᠤᠪᠢᠶᠠᠨ᠂ ᠮᠦᠡᠭᠬᠦ ᠲᠦᠬᠦᠷᠢᠭ ᠢᠶᠠᠷ ᠱᠠᠩᠨᠠᠵᠤ ᠪᠠᠶᠢᠮᠠᠨ ᠡᠵᠡᠮᠰᠢᠵᠤ ᠬᠡᠷᠡᠭᠯᠡᠬᠦ ᠶᠢ ᠨᠢ ᠤᠷᠮᠠᠰᠢᠭᠤᠯᠳᠠᠬ ᠪᠤᠯᠤᠬᠰᠠᠨ ᠨᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠦᠬᠡᠳᠡᠯᠡᠵᠤ ᠲᠠᠪᠰᠢᠬᠤ ︽ᠡᠬᠦᠳᠡᠨ ᠪᠤᠱᠤᠭᠠ︾ ᠶᠢ ᠲᠡᠩᠳᠡᠬᠦᠦ ᠲᠤᠤᠷᠠ ᠲᠠᠯᠪᠢᠵᠤ ᠪᠠᠶᠢᠭᠠ ᠴᠤ ᠶᠤᠮ ᠤᠤ ᠬᠡᠵᠤ ᠨᠠᠳᠠᠳᠤ ᠪᠤᠳᠤᠬᠳᠠᠪᠠ᠃
ᠬᠤᠷᠸᠠ ᠳᠤ ᠬᠤᠤᠰ ᠦᠬᠡᠢ ᠪᠤᠰᠤᠭᠠ ᠮᠤᠩᠭᠤᠯ ᠦᠰᠦᠭ ᠪᠤᠯ ᠶᠢᠷᠳᠢᠨᠴᠤ ᠲᠡᠯᠡᠬᠡᠢ ᠶᠢᠨ ᠦᠡᠭᠭᠡ ᠢᠯᠭᠠᠷᠠᠮᠠ ᠰᠤᠶᠤᠯ ᠤᠷᠠᠯᠢᠬ ᠤᠨ ᠰᠠᠩ ᠳᠠᠬᠢ ᠦᠷᠦᠬᠡᠯ ᠪᠤᠰᠤᠳ ᠢᠶᠠᠷ ᠤᠷᠤᠯᠠᠭᠤᠯᠵᠤ ᠪᠤᠯᠤᠰᠢ ᠦᠬᠡᠢ ᠦᠪ ᠡᠷᠳᠡᠨᠢ ᠪᠤᠯᠬᠤ ᠪᠦᠬᠡᠳ ᠪᠢᠳᠡ ᠪᠦᠬᠦᠨ ᠤ ᠪᠤᠰᠤᠳ ᠲᠠᠢ ᠮᠦᠷᠦ ᠵᠡᠷᠭᠡᠴᠡᠨ ᠤᠮᠤᠬᠳᠠᠢ ᠤᠷᠤᠬᠰᠢᠯᠠᠬᠤ ᠶᠢᠨ ᠪᠠᠳᠤ ᠰᠠᠭᠤᠷᠢ ᠪᠠ ᠰᠦᠭ ᠰᠦᠨᠡᠰᠦ ᠮᠦᠨ ᠪᠢᠯᠡ᠃ ᠢᠡᠭᠬᠢᠬᠦ ᠳᠤ ᠬᠦᠮᠦᠨ ᠪᠦᠬᠦᠨ ᠵᠠᠪᠠᠯ ᠭᠤᠷ ᠲᠢᠭ᠂ ᠲᠠᠳᠠᠯᠭᠠᠨ ᠲᠢᠭ᠂ ᠬᠢᠴᠢᠶᠠᠩᠬᠦᠢ ᠲᠢᠭ ᠢ ᠬᠦᠢᠴᠡᠳ ᠡᠵᠡᠮᠰᠢᠭᠰᠡᠨ ᠤᠷᠠᠨ ᠪᠢᠴᠢᠯᠬᠡᠳᠡᠨ ᠪᠤᠯᠬᠤ ᠬᠡᠰᠡᠨ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠦᠪᠡᠷ ᠤᠨ ᠤᠷᠤᠰᠢᠨ ᠠᠮᠢᠳᠤᠷᠠᠬᠤ ᠶᠢᠨ ᠰᠤᠶᠤᠯ ᠰᠦᠨᠡᠰᠦ ᠪᠤᠯᠬᠤ ᠦᠰᠦᠭ ᠪᠢᠴᠢᠭ ᠢᠶᠠᠨ ᠵᠦᠪ ᠪᠢᠴᠢᠬᠦ ᠪᠦᠬᠡᠳ ᠭᠤᠶᠤ ᠪᠢᠴᠢᠬᠦ ᠶᠢ ᠵᠠᠪᠠᠯ ᠰᠤᠷᠴᠤ ᠡᠵᠡᠮᠰᠢᠬᠦ ᠴᠢᠬᠤᠯᠠᠳᠠᠢ ᠠᠶᠠᠨᠳᠠᠭᠠᠨ ᠤ ᠨᠦᠬᠦᠴᠡᠯ ᠪᠠ ᠱᠠᠭᠠᠷᠳᠠᠯᠭᠠ ᠪᠠᠨ ᠪᠤᠯᠭᠠᠵᠤ᠂ ᠲᠡᠬᠦᠨ ᠤ ᠠᠷᠤ ᠳᠤᠨᠢ ᠲᠤᠯᠭᠠᠭᠤᠷᠢᠯᠠᠵᠤ ᠪᠠᠶᠢᠭᠠ ᠤᠳᠬᠠ ᠰᠠᠨᠠᠭᠠ᠂ ᠢᠳᠡᠬᠡᠯ ᠵᠤᠷᠢᠯᠳᠠ᠂ ᠤᠯᠠᠮᠵᠢᠯᠠᠯ ᠪᠠᠳᠠᠷᠠᠭᠠᠯ᠂ ᠠᠴᠢ ᠬᠤᠯᠪᠤᠬᠳᠠᠯ᠂ ᠠᠯᠤᠰ ᠢᠷᠡᠬᠡᠳᠦᠢ ᠶᠢ ᠨᠢ ᠤᠬᠠᠵᠤ ᠪᠤᠳᠤᠯᠬᠢᠯᠠᠬᠤ ᠴᠢᠬᠤᠯᠠᠳᠠᠢ ᠶᠤᠮ᠃ ᠲᠡᠬᠡᠬᠦ ᠪᠠᠷ ᠢᠶᠠᠨ ᠲᠠᠷᠠᠭᠠᠴᠢ ᠪᠠᠷ ᠪᠢᠳᠡ ᠵᠦᠪ ᠪᠢᠴᠢᠯᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠤ ᠲᠤᠬᠠᠢ ᠰᠤᠷᠠᠬ ᠠᠴᠠ ᠭᠠᠳᠠᠨᠠ ᠨᠡᠩ ᠦᠯᠡᠮᠵᠢ ᠤᠯᠠᠨ ᠦᠨᠳᠤᠷ ᠲᠦᠪᠰᠢᠨ ᠪᠦ᠋ᠬᠦᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠤᠨ ᠤᠤᠭᠠᠯ ᠮᠤᠩᠭᠤᠯ ᠬᠡᠯᠡᠨ ᠤ ᠵᠤᠬᠢᠶᠠᠯ ᠪᠦᠲᠦᠬᠡᠯ᠂ ᠶᠠᠷᠢᠶᠠ ᠢᠯᠡᠳᠬᠡᠯ᠂ ᠤᠶᠠᠩᠭᠠ ᠨᠠᠶᠢᠷᠠᠬ᠂ ᠡᠬᠦᠳᠦᠨ ᠪᠦᠲᠦᠬᠡᠯᠳᠡ ᠮᠡᠳᠦ ᠶᠢᠨ ᠤᠷᠤᠯᠳᠤᠭᠠᠨ ᠮᠦᠷᠦ᠋ᠢᠴᠡᠬᠡᠨ ᠤ ᠰᠠᠶᠢᠬᠠᠨ ᠴᠢᠮᠡᠭᠡ ᠶᠢ ᠢᠳᠡᠬᠡᠨ ᠬᠦᠯᠢᠶᠠᠶᠠ᠃ ᠵᠣᠬᠢᠶᠠᠭᠴᠢ᠄ ᠢᠦᠢ ᠯᠠᠨ