- ᠪᠣᠷᠵᠢᠭᠢᠨ ᠬᠠᠰ
192
ᠴᠠᠰᠤ ᠦᠭᠡᠢ ᠡᠪᠦᠯ
2019-01-18 20:10
51
0
ᠴᠠᠰᠦ ᠦᠭᠡᠢ ᠡᠪᠦᠯ
ᠰᠠᠷᠠᠭᠤᠯ ᠨᠤᠲᠤᠭ ᠤᠨ ᠪᠠᠶᠠᠨ ᠲᠠᠯᠠ
ᠰᠠᠷᠠ ᠲᠠᠢ ᠰᠦᠨᠢ ᠶᠢᠨ ᠭᠠᠭᠴᠠ ᠮᠣᠳᠣ
ᠰᠦᠮᠢᠢᠨ ᠬᠠᠷᠠᠭᠳᠠᠬᠤ ᠠᠯᠤᠰ ᠤᠨ ᠠᠭᠤᠯᠠ
ᠰᠡᠮᠬᠡᠨ ᠳᠤᠷᠠᠳᠬᠠᠯ ᠲᠠᠢ ᠴᠢᠨᠦ ᠪᠠᠷᠠ᠃
ᠠᠨᠠᠪᠠᠳ ᠳᠠᠯᠠᠢ ᠠᠴᠠ ᠭᠦᠨ ᠬᠠᠢᠷᠠ ᠶᠢ
ᠠᠪᠤ ᠡᠵᠢ ᠡᠴᠡ ᠢᠪᠡᠭᠡᠭᠰᠡᠨ ᠶᠤᠮ
ᠠᠯᠢᠶᠠ ᠬᠣᠩᠭᠣᠷ ᠤᠨ ᠳᠤᠷᠠᠯᠠᠯ ᠢ
ᠠᠬᠠ ᠲᠠᠨ ᠠᠴᠠ ᠰᠡᠷᠡᠭᠰᠡᠨ ᠶᠤᠮ᠃
ᠴᠢᠷᠭᠠ ᠬᠤᠷᠢᠶᠠᠭᠠᠳ ᠤᠳᠠᠯᠠ
ᠴᠢᠮᠦᠭᠡ ᠰᠤᠩᠭᠠᠬᠤ ᠬᠢᠳᠡᠯ ᠴᠦ
ᠴᠢᠬᠢᠭ ᠨᠥᠢᠲᠠᠨ ᠲᠠᠢ ᠬᠠᠮᠲᠤ
ᠴᠢᠮᠡᠭᠡ ᠦᠭᠡᠢ ᠣᠳᠣᠯᠠ᠃
ᠴᠠᠰᠦ ᠦᠭᠡᠢ ᠡᠪᠦᠯ ᠤᠨ
ᠴᠠᠩᠭᠠᠭᠠ ᠶᠢ ᠲᠠᠢᠯᠬᠤ
ᠴᠣᠷ ᠤᠨ ᠭᠠᠭᠴᠠ ᠬᠦᠰᠡᠯ ᠪᠣᠯ
ᠴᠢᠨᠦ ᠨᠢᠳᠦᠨ ᠤ ᠨᠢᠯᠪᠦᠰᠦ ᠃
ᠭᠠᠳᠠᠨᠠ ᠨᠢᠭᠡ ᠪᠠᠳᠠᠭ
ᠥᠴᠥᠭᠡᠳᠦᠷ᠂ ᠮᠠᠨᠠᠨ ᠲᠠᠢ᠂
ᠭᠡᠷᠡᠯ ᠭᠡᠭᠡ ᠡᠴᠡ ᠬᠣᠯᠠ
ᠥᠨᠥᠳᠥᠷ᠂ ᠨᠠᠷᠠ ᠲᠠᠢ᠂
ᠤᠨᠢᠶᠠᠷ ᠪᠤᠲᠠᠩ ᠠᠴᠠ ᠬᠣᠯᠠ᠃
ᠠᠯᠲᠠᠨ ᠪᠡᠶᠡ ᠪᠠ ᠠᠮᠢ ᠨᠠᠰᠦ
ᠠᠬᠢᠭᠠᠳ ᠢᠷᠡᠳᠡᠭ ᠦᠭᠡᠢ ᠴᠦ
ᠡᠵᠡᠨ ᠰᠢᠭ ᠠᠮᠢᠳᠤᠷᠠᠯ ᠢ
ᠦᠪᠡᠷ ᠢᠶᠡᠨ ᠲᠡᠮᠡᠴᠡᠵᠦ ᠣᠯᠳᠠᠭ᠃