- ᠰᠠᠶᠢᠵᠢᠷᠠ
30414
ᠪᠠᠬᠠᠷᠬᠠᠯᠲᠠᠢ ᠬᠦᠯᠥᠨ ᠪᠤᠢᠷ ᠰᠡᠳᠬᠥᠯ
2020-08-20 19:13
70
0
ᠡᠷᠡᠭᠡᠨ᠂ ᠰᠠᠢᠵᠢᠷᠠ
ᠬᠦᠮᠥᠰ ᠤᠨ ᠰᠡᠳᠬᠢᠯ ᠦᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠥᠭᠰᠡᠨ
ᠬᠦᠯᠥᠨ ᠪᠤᠢᠷ ᠰᠡᠡᠳᠬᠥᠯ ᠤᠩᠰᠢᠪᠦᠷᠢᠲᠠᠢ ᠰᠠᠨ᠂
ᠬᠦᠭᠵᠢᠨ ᠴᠡᠴᠡᠭᠯᠡᠬᠥ ᠢᠷᠦᠭᠡᠳᠥᠢ ᠶᠢ ᠬᠤᠷᠤᠢᠯᠠᠭᠰᠠᠨ
ᠬᠦᠰᠡᠯ ᠲᠡᠮᠡᠤᠯᠡᠯ ᠤᠨ ᠪᠢᠯᠢᠭ ᠦᠨ ᠤᠨᠳᠤᠷᠤᠯ ᠰᠠᠨ᠃
ᠬᠦᠳᠡᠭᠡ ᠨᠤᠲᠤᠭ ᠬᠤᠲᠠ ᠲᠤᠰᠬᠤᠨ ᠤ
ᠬᠥᠭᠵᠢᠯ ᠰᠢᠨᠡᠴᠢᠯᠡᠯᠲᠡ ᠶᠢ ᠮᠠᠭᠲᠠᠨ ᠳᠠᠭᠤᠯᠠᠬᠤᠢ᠂
ᠬᠥᠮᠦᠨ ᠠᠷᠠᠳ ᠤᠨ ᠤᠷᠮᠠ ᠶᠢ ᠬᠦᠭᠵᠢᠭᠡᠮᠡ
ᠬᠥᠥᠷᠨᠢᠭᠦᠨ ᠤᠶᠠᠩᠭᠠᠯᠢᠭ ᠬᠥᠭ ᠲᠠᠢ ᠰᠡᠳᠬᠥᠯ ᠡ᠃
ᠤᠯᠠᠨ ᠵᠤᠬᠢᠶᠠᠯᠴᠢᠳ ᠤᠨ ᠤᠶᠤᠨ ᠤ ᠬᠦᠳᠡᠯᠮᠥᠷᠢ
ᠤᠷᠠᠨ ᠪᠦᠲᠥᠭᠡᠯ ᠦᠨ ᠴᠡᠭᠡᠭᠡᠨ ᠬᠦᠰᠢᠭᠡ᠂
ᠦᠭᠥᠯᠡᠯᠭᠡ ᠨᠠᠢᠷᠠᠭᠤᠯᠤᠯ ᠰᠢᠭᠥᠮᠵᠢ ᠶᠢᠨ
ᠦᠵᠡᠨ ᠰᠤᠨᠢᠷᠬᠠᠬᠤ ᠪᠠᠬᠠᠷᠠᠮᠠ ᠰᠡᠳᠬᠥᠯ ᠡ᠃
ᠪᠤᠰᠤᠭᠠ ᠮᠤᠩᠭᠤᠯ ᠦᠰᠥᠭ ᠢᠶᠡᠷ ᠴᠤᠭᠴᠠᠯᠠᠭᠰᠠᠨ
ᠪᠤᠳᠤᠯ ᠰᠡᠳᠬᠢᠯ ᠦᠨ ᠭᠡᠭᠡᠨ ᠦᠨᠳᠦᠷᠯᠢᠭ᠂
ᠪᠤᠳᠠᠲᠦ ᠤᠷᠤᠰᠢᠬᠤᠢ ᠶᠢᠨ ᠵᠢᠷᠤᠭᠯᠠᠯ ᠳᠦᠷᠰᠥᠯᠡᠯ ᠲᠠᠢ
ᠪᠤᠯᠲᠤ ᠶᠢᠨ ᠨᠢᠳᠦ ᠶᠢ ᠮᠢᠯᠢᠶᠠᠭᠰᠠᠨ ᠰᠠᠳᠬᠥᠯ ᠡ᠃
ᠨᠡᠢᠭᠡᠮ ᠳᠠᠶᠠᠭᠠᠷ ᠲᠤ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠭᠳᠡᠭᠰᠡᠨ
ᠨᠡᠢᠲᠡ ᠮᠤᠩᠭᠤᠯ ᠤᠨ ᠤᠢ ᠶᠢ ᠪᠠᠶᠠᠰᠬᠠᠭᠰᠠᠨ᠂
ᠨᠠᠢᠷᠠᠭᠯᠠᠯ ᠢᠷᠠᠭᠤ ᠨᠠᠢᠷᠠᠭ ᠨᠡᠢᠲᠡᠯᠡᠬᠦᠢ
ᠨᠠᠷᠭᠢᠶᠠ ᠴᠡᠩᠭᠡᠭᠥᠨ ᠳᠠᠭᠤᠯᠠᠮᠠ ᠰᠡᠳᠬᠥᠯ ᠰᠠᠨ᠃
ᠠᠷᠠᠳ ᠤᠨ ᠠᠮᠠᠨ ᠵᠤᠬᠢᠶᠠᠯ ᠢᠶᠠᠨ
ᠠᠪᠤᠷᠠᠨ ᠦᠯᠡᠳᠡᠭᠡᠬᠥ ᠰᠠᠨᠠᠭᠠ ᠠᠬᠤᠢ ᠲᠠᠢ᠂
ᠲᠡᠤᠬᠡ ᠰᠤᠶᠤᠯ ᠤᠨ ᠥᠪ ᠢᠶᠡᠨ
ᠲᠡᠮᠳᠡᠭᠯᠡᠨ ᠦᠭᠥᠯᠡᠬᠥᠢ ᠪᠤᠯᠤᠩ ᠲᠠᠢ ᠰᠡᠳᠬᠥᠯ ᠰᠠᠨ᠃
ᠠᠷᠪᠢᠨ ᠵᠤᠬᠢᠶᠠᠯᠴᠢᠳ ᠤᠨ ᠠᠪᠢᠶᠠᠰ ᠢ ᠰᠤᠷᠢᠭᠰᠠᠨ
ᠠᠯᠲᠠᠨ ᠪᠢᠷ ᠦᠨ ᠤᠷᠤᠯᠳᠤᠭᠠᠨ ᠲᠠᠢ᠂
ᠠᠯᠢ ᠴᠤ ᠵᠢᠯ ᠦᠨ ᠤᠷᠠᠨ ᠵᠤᠬᠢᠶᠠᠯ ᠠᠴᠠ
ᠠᠷᠪᠠᠨ ᠰᠤᠳᠤᠨ ᠢ ᠰᠢᠯᠭᠠᠷᠠᠭᠤᠯᠳᠠᠭ ᠰᠡᠳᠬᠦᠯ ᠰᠠᠨ᠃
ᠵᠤᠬᠢᠰᠲᠠᠢ ᠨᠥᠬᠦᠴᠡᠯ ᠢ ᠪᠦᠷᠢᠯᠳᠥᠭᠦᠯᠥᠨ
ᠵᠤᠬᠢᠶᠠᠯᠴᠢᠳ ᠤᠨ ᠪᠤᠯᠪᠠᠰᠤᠷᠤᠯ ᠢ ᠡᠷᠬᠢᠯᠡᠳᠡᠭ᠂
ᠵᠤᠬᠢᠶᠠᠯ ᠪᠦᠳᠥᠭᠡᠯ ᠢ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ
ᠵᠤᠭᠤᠭ ᠴᠤᠢᠷ ᠤᠨ ᠬᠤᠷᠠᠯᠳᠤᠭᠠᠨ ᠲᠠᠢ ᠰᠡᠳᠬᠥᠯ ᠰᠠ᠃
ᠪᠤᠢᠷ ᠬᠦᠯᠥᠨ ᠨᠡᠷᠡᠮᠵᠢᠲᠦ
ᠪᠤᠯᠵᠤᠭᠠ ᠡᠭᠡᠯᠵᠢᠲᠦ ᠤᠷᠤᠯᠳᠤᠭᠠᠨ ᠲᠠᠢ
ᠭᠤᠸᠠ ᠰᠠᠢᠬᠠᠨ ᠮᠤᠩᠭᠤᠯ ᠮᠤᠷᠢ ᠰᠡᠳᠡᠪᠲᠦ
ᠭᠤᠷᠪᠠᠨ ᠤᠯᠤᠰ ᠤᠨ ᠵᠤᠬᠢᠶᠠᠯ ᠤᠨ ᠤᠷᠤᠯᠳᠤᠭᠠᠨ ᠲᠠᠢ ᠰᠡᠳᠬᠥᠯ ᠰᠠᠨ᠃
ᠬᠠᠷᠠᠭᠰᠠᠨ ᠪᠦᠬᠥᠨ ᠦ ᠮᠡᠯᠮᠡᠢ ᠰᠡᠷᠭᠦᠭᠡᠨ
ᠬᠠᠢᠯᠠᠨ ᠲᠤᠭᠤᠯᠬᠤ ᠳᠤ ᠰᠠᠨᠠᠭᠠ ᠠᠷᠢᠭᠤᠰᠴᠥ᠂
ᠤᠩᠰᠢᠭᠰᠠᠨ ᠬᠦᠮᠥᠨ ᠳᠦ ᠤᠬᠠᠭᠠᠨ ᠤᠯᠭᠤᠬᠤ
ᠤᠳᠬᠠ ᠤᠴᠢᠷ ᠤᠨ ᠤᠢᠯᠭᠠᠮᠵᠢ ᠶᠢᠨ ᠰᠡᠳᠬᠥᠯ ᠰᠠᠨ᠃
ᠲᠦᠷᠥ ᠭᠦᠷᠥᠨ ᠳᠡᠭᠡᠨ ᠮᠡᠳᠡᠭᠡᠲᠡᠢ
ᠲᠦᠮᠡᠨ ᠤᠯᠠᠨ ᠳᠠᠭᠠᠨ ᠬᠦᠷᠢᠶᠡᠯᠡᠭᠳᠡᠭᠰᠡᠨ᠂
ᠨᠠᠢ᠌ᠮᠠᠨ ᠮᠤᠵᠢ ᠤᠷᠤᠨ ᠤ ᠤᠩᠰᠢᠭᠴᠢᠳ ᠲᠠᠢ
ᠨᠠᠢᠷᠠᠮᠳᠠᠯ ᠨᠦᠬᠥᠷᠯᠡᠯ ᠦᠨ ᠨᠠᠢ ᠲᠠᠢ ᠰᠡᠳᠬᠥᠯ ᠰᠠᠨ᠃
ᠲᠦᠴᠢᠨ ᠨᠠᠰᠤᠨ ᠤ ᠢᠳᠡᠷᠭᠦᠨ ᠦᠭᠰᠥᠬᠦᠢ
ᠳᠦᠭᠥᠷᠡᠩ ᠪᠢᠯᠢᠭᠥᠨ ᠬᠤᠷᠠᠭᠤᠯᠤᠨ ᠡᠭᠡᠰᠢᠭᠯᠡᠬᠦᠢ᠂
ᠳᠦᠷᠢᠮ ᠶᠤᠰᠤᠨ ᠤ ᠬᠠᠤᠯᠢ ᠶᠢ ᠵᠢᠷᠤᠮᠯᠠᠨ
ᠳᠦᠷᠥᠭᠡᠨ ᠳᠦ ᠦᠨᠳᠡᠢᠭᠰᠡᠨ ᠬᠡᠢᠮᠤᠷᠢᠯᠢᠭ ᠰᠡᠳᠬᠥᠯ ᠡ᠃
ᠦᠶᠡ ᠦᠶᠡ ᠶᠢᠨ ᠵᠤᠬᠢᠶᠠᠯᠴᠢᠳ ᠨᠠᠷ ᠤᠨ
ᠦᠢᠯᠡᠰ ᠥᠪ ᠦᠨ ᠬᠢᠨᠢ ᠬᠡᠰᠢᠭ᠂
ᠤᠷᠠᠯᠠᠯ ᠳᠠᠷᠬᠠᠯᠠᠯ ᠤᠨ ᠤᠨᠴᠤᠯᠢᠭᠲᠦ ᠦᠭᠥᠯᠡᠭᠦᠨ ᠲᠠᠢ
ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠤᠳᠤᠨ ᠰᠡᠳᠬᠥᠯ ᠰᠠᠨ ᠃
ᠡᠷᠡᠭᠡᠨ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ᠂
2020ᠤᠨ ᠤ5 ᠰᠠᠷᠠᠢᠨ26 ᠤ ᠡᠳᠦᠷ᠂
ᠬᠠᠢᠯᠠᠷ ᠬᠤᠲᠠᠨᠠ᠃
