ᠲᠠᠶᠢᠯᠠᠨᠳ᠋ ᠤᠨ ᠡᠵᠡᠨ ᠬᠠᠭᠠᠨ ᠨᠡᠷᠡᠮᠵᠢᠲᠦ ᠬᠥᠨᠳᠥ ᠥᠷᠭᠦᠯᠲᠡ ᠶᠢᠨ︽ᠲᠡᠯᠡᠬᠡᠢ ᠶᠢᠨ ᠴᠣᠮᠣ︾ᠶᠢᠨ ᠲᠡᠮᠡᠴᠡᠭᠡᠨ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠨ᠎ᠠ᠃ ᠮᠣᠩᠭᠣᠯ ᠤᠯᠤᠰ ᠠᠴᠠ ᠡᠨᠡᠬᠦ ᠲᠡᠮᠡᠴᠡᠭᠡᠨ ᠳᠦ ᠮᠣᠩᠭᠣᠯ ᠤᠯᠤᠰ ᠤᠨ ᠬᠥᠨᠳᠥ ᠥᠷᠭᠦᠯᠲᠡ ᠶᠢᠨ ᠬᠣᠯᠪᠤᠭᠠᠨ ᠤ ᠰᠢᠭᠰᠢᠭᠡ ᠪᠠᠭ ᠤᠨ ᠳᠠᠰᠭᠠᠯᠵᠢᠭᠤᠯᠤᠭᠴᠢ ᠴ᠂ ᠪᠠᠲᠤᠵᠠᠶᠠᠭ᠎ᠠ ᠶᠢᠨ ᠳᠣᠣᠷ᠎ᠠ ᠬᠣᠶᠠᠷ ᠲᠠᠮᠢᠷᠴᠢᠨ ᠣᠷᠣᠯᠴᠠᠯ᠎ᠠ᠃
  ᠣᠯᠠᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠦ ᠮᠠᠰᠲᠸ᠋ᠷ ᠭ᠂ ᠠᠨᠤᠵᠢᠨ63 ᠺᠢᠯᠣᠭ᠍ᠷᠠᠮ ᠳᠤ ᠥᠷᠢᠰᠦᠯᠳᠡᠵᠦ ᠠᠯᠲᠠ ᠠᠪᠴᠤ ᠲᠠᠶᠢᠯᠠᠨᠳ᠋ ᠤᠨ ᠲᠡᠭᠷᠢ ᠳᠦ ᠠᠯᠲᠠᠨ ᠰᠣᠶᠣᠮᠪᠤᠲᠤ ᠳᠠᠯᠪᠠᠭ᠎ᠠ ᠪᠠᠨ ᠮᠠᠨᠳᠤᠭᠤᠯᠤᠯ᠎ᠠ᠃ ᠡᠨᠡᠬᠦ ᠨᠡᠷ᠎ᠡ ᠬᠥᠨᠳᠥ ᠲᠡᠢ ᠲᠡᠮᠡᠴᠡᠭᠡᠨ ᠡᠴᠡ ᠲᠠᠮᠢᠷᠴᠢᠳ ᠡᠮᠦᠨ᠎ᠡ ᠨᠢ ᠠᠯᠲᠠᠨ ᠮᠢᠲᠸ᠋ᠯ ᠬᠦᠷᠲᠡᠵᠦ ᠪᠠᠶᠢᠭ᠎ᠠ ᠦᠭᠡᠢ ᠲᠡᠦᠬᠡ ᠶᠢ ᠡᠴᠦᠰᠯᠡᠭᠦᠯᠵᠦ᠂ ᠤᠭᠴᠤᠮ ᠥᠷᠭᠦᠯᠲᠡ ᠪᠡᠷ87 ᠺᠢᠯᠣᠭ᠍ᠷᠠᠮ᠂ ᠲᠦᠯᠬᠢᠯᠲᠡ ᠲᠡᠢ ᠥᠷᠭᠦᠯᠲᠡ ᠪᠡᠷ108 ᠺᠢᠯᠣᠭ᠍ᠷᠠᠮ ᠢ ᠥᠷᠭᠦᠭᠰᠡᠨ ᠶᠤᠮ᠃