-
235
ᠪᠤᠶᠠᠨ ᠣ ᠴᠠᠭᠠᠨ ᠲᠡᠭᠷᠢ
2025-02-06 16:42
26
0
ᠴᠧ · ᠰᠠᠢᠨᠪᠠᠲᠤ
ᠪᠤᠶᠠᠨ ᠤ ᠴᠠᠭᠠᠨ ᠲᠡᠭᠷᠢ
ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠦ ᠠᠯᠬᠤᠵᠦ ᠪᠣᠰᠣᠬᠤ ᠳᠤ
ᠠᠯᠠᠭᠠ ᠪᠠᠨ ᠳᠡᠯᠭᠡᠵᠦ ᠳᠥᠩᠨᠡᠵᠦ ᠦᠰᠥᠬᠡᠭᠰᠡᠨ
ᠠᠮᠢᠳᠣᠷᠠᠯ ᠤᠨ ᠠᠶᠠᠨ ᠳᠤ ᠪᠦᠳᠦᠷᠡᠵᠦ ᠶᠠᠪᠤᠬᠤ ᠳᠤ
ᠠᠷᠤ ᠶᠢᠨ ᠠᠭᠤᠯᠠ ᠰᠢᠭ᠋ ᠨᠦᠮᠦᠷᠢ ᠪᠡᠨ ᠬᠠᠢᠷᠢᠯᠠᠭᠰᠠᠨ
ᠠᠯᠢ ᠣᠯᠠᠨ ᠢᠶᠠᠨ ᠥᠷᠡ ᠳᠡᠬᠡᠨ ᠵᠦᠷᠢᠭᠣᠯᠠᠭᠰᠠᠨ
ᠠᠪᠤ ᠶᠢᠨ ᠮᠢᠨᠢ ᠠᠴᠢ ᠠᠭᠤᠯᠠᠨ ᠠᠴᠠ ᠦᠨᠳᠦᠷ ᠠ᠋
ᠪᠤᠯᠭᠢᠯᠠᠬᠤ ᠵᠢᠷᠦᠬᠡᠨ ᠳᠤ ᠳᠦᠭᠦᠷᠡᠩ ᠬᠤᠨᠤᠭᠰᠢᠭᠰᠠᠨ
ᠪᠣᠶᠠᠨ ᠤ ᠴᠠᠭᠠᠨ ᠲᠡᠭᠷᠢ ᠮᠢᠨᠢ ᠠᠪᠤ ᠠ᠋᠃
ᠠᠮᠢᠨᠴᠢᠷ ᠠᠪᠤ ᠶᠢᠨ ᠢᠶᠡᠨ ᠳᠡᠷᠭᠡᠳᠡ ᠰᠠᠭᠤᠬᠤ ᠳᠤ
ᠠᠯᠢᠪᠠ ᠪᠦᠬᠦᠨ ᠢᠲᠡᠭᠡᠯ ᠦᠨ ᠮᠣᠰᠢᠶᠠᠯ ᠢᠶᠠᠷ ᠪᠢᠯᠬᠠᠳᠠᠭ
ᠠᠴᠢᠯᠠᠯ ᠪᠤᠶᠠᠨ ᠵᠢᠶᠠᠭᠠᠨ ᠤ ᠲᠦᠰᠢᠭ ᠢᠶᠡᠷ ᠢᠶᠡᠨ
ᠭᠤᠯᠤᠮᠲᠠ ᠪᠠᠳᠠᠷᠠᠭᠠᠭᠰᠠᠨ ᠢᠪᠡᠭᠡᠯ ᠤᠨ ᠲᠡᠭᠷᠢ ᠮᠢᠨᠢ
ᠠᠯᠢ ᠣᠯᠠᠨ ᠢᠶᠠᠨ ᠥᠷᠡ ᠳᠡᠬᠡᠨ ᠵᠦᠷᠢᠭᠣᠯᠠᠭᠰᠠᠨ
ᠠᠪᠤ ᠶᠢᠨ ᠮᠢᠨᠢ ᠠᠴᠢ ᠠᠭᠤᠯᠠᠨ ᠠᠴᠠ ᠦᠨᠳᠦᠷ ᠠ᠋
ᠪᠤᠯᠭᠢᠯᠠᠬᠤ ᠵᠢᠷᠦᠬᠡᠨ ᠳᠤ ᠳᠦᠭᠦᠷᠡᠩ ᠬᠤᠨᠤᠭᠰᠢᠭᠰᠠᠨ
ᠪᠣᠶᠠᠨ ᠤ ᠴᠠᠭᠠᠨ ᠲᠡᠭᠷᠢ ᠮᠢᠨᠢ ᠠᠪᠤ ᠠ᠋᠃
ᠪᠤᠷᠦ ᠭᠡᠷ ᠦᠨ ᠢᠶᠡᠨ ᠬᠤᠢᠮᠦᠷ ᠳᠦᠭᠦᠷᠭᠡᠵᠦ ᠰᠠᠭᠤᠭᠠᠳ
ᠪᠤᠷᠤᠭᠤ ᠵᠦᠪ ᠶᠢ ᠦᠢᠯᠭᠠᠭᠤᠯᠵᠦ ᠰᠤᠷᠭᠠᠭᠰᠠᠨ
ᠤᠬᠠᠭᠠᠨ ᠪᠤᠳᠤᠯ ᠢ ᠤᠶᠤᠨ ᠢᠶᠠᠷ ᠤᠷᠠᠯᠠᠨ ᠵᠠᠰᠠᠳᠠᠭ
ᠨᠠᠳᠠ ᠳᠠᠭᠠᠨ ᠵᠢᠶᠠᠭᠠᠭᠰᠠᠨ ᠠᠮᠢᠳᠤ ᠪᠤᠷᠬᠠᠨ ᠮᠢᠨᠢ
ᠠᠯᠢ ᠣᠯᠠᠨ ᠢᠶᠠᠨ ᠥᠷᠡ ᠳᠡᠬᠡᠨ ᠵᠦᠷᠢᠭᠣᠯᠠᠭᠰᠠᠨ
ᠠᠪᠤ ᠶᠢᠨ ᠮᠢᠨᠢ ᠠᠴᠢ ᠠᠭᠤᠯᠠᠨ ᠠᠴᠠ ᠦᠨᠳᠦᠷ ᠠ᠋
ᠪᠤᠯᠭᠢᠯᠠᠬᠤ ᠵᠢᠷᠦᠬᠡᠨ ᠳᠤ ᠳᠦᠭᠦᠷᠡᠩ ᠬᠤᠨᠤᠭᠰᠢᠭᠰᠠᠨ
ᠪᠣᠶᠠᠨ ᠤ ᠴᠠᠭᠠᠨ ᠲᠡᠭᠷᠢ ᠮᠢᠨᠢ ᠠᠪᠤ ᠠ᠋᠃
2025.1.6
