-
25929
ᠬᠦᠦ ᠮᠢᠨᠢ ᠲᠤᠮᠤ ᠪᠤᠯᠵᠠᠢ
2020-03-31 10:03
143
0
ᠬᠦᠦ ᠮᠢᠨᠢ ᠲᠤᠮᠤ ᠪᠤᠯᠵᠠᠢ
ᠪᠤᠮᠪᠤᠯᠵᠠᠨ ᠲᠤᠭᠳᠤᠴᠢᠨ ᠬᠦᠶᠦᠳᠡᠭ
ᠪᠤᠨᠳᠤᠭᠤᠷ ᠬᠦᠭᠡᠷᠦᠬᠦᠨ ᠬᠦᠦ ᠪᠢᠰᠢ
ᠪᠤᠳᠤᠯ ᠲᠠᠢ ᠬᠦᠰᠡᠯ ᠲᠠᠢ
ᠪᠤᠷᠪᠢᠨ ᠳ᠋ᠦ ᠪᠠᠨ ᠲᠤᠭᠤᠰᠤ ᠦᠭᠡᠢ
ᠪᠤᠰᠤᠭᠠ ᠲᠤᠮᠤ ᠡᠷᠡ ᠪᠤᠯᠵᠠᠢ᠃
ᠡᠵᠢ ᠨᠢ ᠴᠢᠮᠠ ᠵᠢ -
ᠤᠯᠠᠨ ᠠᠴᠠ ᠬᠡᠳᠦᠢᠳᠦᠭᠰᠡᠨ
ᠡᠷᠳᠡᠮᠳᠡᠨ ᠪᠤᠯᠭᠠᠬᠤ ᠭᠡᠵᠦ ᠬᠦᠰᠡᠭᠡ ᠦᠭᠡᠢ
ᠤᠷᠠ ᠪᠦᠬᠦᠨ ᠳ᠋ᠦ ᠰᠢᠯᠭᠠᠷᠠᠭᠰᠠᠨ
ᠣᠨᠴᠠ ᠠᠪᠢᠶᠠᠰᠳᠠᠨ ᠪᠤᠯᠭᠠᠬᠤ ᠭᠡᠵᠦ ᠱᠠᠭᠠᠷᠳᠠᠭᠠ ᠦᠭᠡᠢ᠃
ᠬᠠᠷᠢᠨ ᠴᠢᠮᠠ ᠵᠢ -
ᠠᠴᠢᠯᠠᠯ ᠡᠯᠪᠡᠷᠢᠯ ᠢ ᠰᠠᠨᠠᠳᠠᠭ
ᠠᠪᠴᠤ ᠥᠭᠬᠦ ᠵᠢ ᠮᠡᠳᠡᠳᠡᠭ
ᠢᠳᠡᠭᠡᠯ ᠵᠢᠷᠤᠮ ᠢ ᠲᠡᠭᠡᠳᠦᠯᠡᠳᠡᠭ
ᠦᠷᠦᠪᠴᠢ ᠴᠠᠢᠯᠭᠠᠨ ᠢ ᠡᠷᠬᠢᠮᠯᠡᠳᠡᠭ
ᠬᠤᠢᠬᠤᠷ ᠬᠤᠯᠵᠢᠨ ᠢ
ᠬᠤᠪᠢᠳᠠᠭᠰᠠᠨ ᠵᠦᠢᠯ ᠳ᠋ᠦ ᠪᠠᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ
ᠬᠦᠮᠦᠨ ᠰᠢᠭ ᠯᠡ ᠬᠦᠮᠦᠨ ᠪᠤᠯᠭᠠᠬᠤ ᠭᠡᠵᠦ
ᠵᠢᠳᠬᠦᠨᠡᠮ᠂ ᠵᠠᠯᠪᠠᠷᠢᠨᠠᠮ᠂ ᠢᠳᠡᠭᠡᠨᠡᠮ
ᠬᠠᠢᠷᠠᠳᠤ ᠬᠦᠦ ᠵᠢᠨ ᠵᠢᠡᠨ ᠨᠠᠰᠤᠨ ᠤ
ᠲᠦᠷᠦᠭᠰᠡᠨ ᠡᠳᠦᠷ ᠤᠨ ᠤᠢ ᠳ᠋ᠦ
2020 3 31
