ᠤᠢᠢᠷ᠎ᠠ ᠳᠤ᠂ ᠠᠬᠠᠮᠠᠳ ᠵᠤᠬᠢᠶᠠᠯᠴᠢ ᠲᠤᠷᠵᠢᠰᠠᠩᠪᠤ ᠶᠢᠨ ᠪᠠᠰᠠ ᠨᠢᠬᠡᠨ ᠲᠡᠦᠬᠡ ᠰᠤᠶᠤᠯ ᠤᠨ ᠲᠤᠷᠪᠢᠳᠡᠢ ᠪᠦᠳᠦᠬᠡᠯ ︽ᠪᠠᠭᠠᠷᠢᠨ ᠲᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾ ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠶᠤᠯ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶ᠎ᠠ ᠠᠴᠠ ᠬᠡᠪᠯᠡᠭᠳᠡᠨ ᠲᠠᠷᠬᠠᠭᠠᠭᠳᠠᠪᠠ᠃
      ᠲᠦᠴᠢᠨ ᠲᠦᠮᠡ ᠰᠢᠬᠠᠮ ᠦᠰᠦᠭ ᠪᠦᠬᠦᠢ ︽ᠪᠠᠭᠠᠷᠢᠨ ᠲᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾ ᠨᠤᠮ ᠨᠢ ︽ᠴᠢᠩ ᠤᠯᠤᠰ ᠤᠨ ᠦᠶ᠎ᠠ ᠶᠢᠨ ᠪᠠᠭᠠᠷᠢᠨ ᠤ ᠲᠡᠦᠬᠡᠨ ᠬᠦᠮᠦᠰ︾᠂ ︽ᠪᠠᠭᠠᠷᠢᠨ ᠳᠤ ᠮᠤᠷᠳᠠᠵᠦ ᠢᠷᠡᠭᠰᠡᠨ ᠴᠢᠩ ᠤᠯᠤᠰ ᠤᠨ ᠬᠦᠩᠵᠦ ᠬᠡᠬᠡ ᠨᠠᠷ︾᠂ ︽ ᠦᠩᠬᠡᠷᠡᠭᠰᠡᠨ ᠲᠡᠦᠬᠡ ᠶᠢᠨ ᠤᠴᠢᠭ ᠰᠦᠪᠡᠭᠴᠢ︾᠂ ︽ᠬᠠᠭᠤᠴᠢᠨ ᠴᠠᠭ ᠤᠨ ᠲᠤᠮᠤ ᠪᠠᠶᠠᠴᠤᠳ︾᠂ ︽ᠴᠢᠬᠤᠯᠠ ᠬᠡᠷᠡᠭ ᠤᠨ ᠲᠡᠮᠳᠡᠭᠯᠡᠯ︾᠂ ︽ᠨᠤᠳᠤᠭ ᠤᠨ ᠴᠤᠤᠳᠤ ᠬᠦᠮᠦᠰ︾᠂ ︽ᠦᠪ ᠰᠤᠶᠤᠯ︾᠂ ︽ᠡᠷᠳᠡᠨ ᠤ ᠪᠠᠭᠤᠷᠢ︾᠂︽ᠮᠦᠷᠳᠡᠯᠬᠡ ᠰᠦᠪᠡᠭᠴᠢᠯᠡᠯ︾ ᠬᠡᠬᠦ ᠠᠩᠬᠢ ᠪᠦᠯᠦᠭ ᠬᠤᠪᠢᠶᠠᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠮᠵᠢᠯᠡᠵᠦ᠂ ᠤᠩᠰᠢᠨ ᠠᠰᠢᠬᠯᠠᠭᠴᠢᠳ ᠤᠨ ᠤᠢᠢᠷ᠎ᠠ ᠦᠶ᠎ᠠ ᠶᠢᠨ ᠪᠠᠭᠠᠷᠢᠨ ᠤ ᠲᠡᠦᠬᠡ ᠰᠤᠶᠤᠯ᠂ ᠲᠡᠦᠬᠡᠨ ᠬᠦᠮᠦᠰ᠂ ᠲᠤᠮᠤ ᠲᠤᠮᠤ ᠬᠡᠷᠡᠭ ᠤᠴᠢᠷ ᠢ ᠤᠢᠢᠯᠠᠭᠠᠨ ᠰᠤᠳᠤᠯᠬᠤ ᠳᠤ ᠮᠠᠰᠢ ᠦᠨ᠎ᠡ ᠴᠠᠨ᠎ᠠ ᠲᠠᠢ ᠭᠠᠷ ᠠᠪᠤᠯᠭ᠎ᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠵᠠᠢ᠃
      ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠺᠠᠳ᠋ᠷ᠂ ᠲᠠᠯᠠ ᠶᠢ ᠲᠠᠪᠠᠭᠰᠠᠨ ᠠᠬᠠᠮᠠᠳ ᠵᠤᠬᠢᠶᠠᠯᠴᠢ ᠲᠤᠷᠵᠢᠰᠠᠩᠪᠤ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠠᠷ ᠨᠤᠳᠤᠬᠳᠠᠢ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠬᠦᠨ ᠶᠤᠮ᠃ ᠲᠡᠷᠡ  ᠪᠠᠷ᠂ ᠤᠷᠢᠳ ᠬᠤᠵᠢᠳ ︽ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠠᠮᠢᠳᠡᠨ ᠤ ᠦᠯᠢᠬᠡᠷ︾᠂ ︽ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠰᠢᠷᠤᠢ ᠶᠢᠨ ᠦᠬᠡᠷᠡᠴᠢᠯᠡᠯᠳᠡ ᠶᠢᠨ ᠬᠦᠳᠡᠯᠬᠡᠬᠡᠨ︾᠂ ︽ᠪᠠᠷᠠᠭᠤᠨ ᠪᠠᠭᠠᠷᠢᠨ ᠤ ᠰᠦᠮ᠎ᠠ ᠬᠡᠶᠢᠳ︾᠂ ︽ᠪᠠᠷᠠᠭᠤᠨ ᠪᠠᠭᠠᠷᠢᠨ ᠤ ᠰᠤᠶᠤᠯ ᠲᠡᠦᠬᠡ ᠶᠢᠨ ᠱᠦᠬᠦᠮᠡᠭ︾᠂ ︽ᠪᠠᠭᠠᠷᠢᠨ ᠤ ᠪᠤᠭᠤᠷᠤᠯ ᠲᠡᠦᠬᠡ ᠶᠢᠨ ᠱᠦᠬᠦᠮᠡᠭ︾᠂ ︽ᠴᠠᠭᠠᠨᠮᠦ᠋ᠷᠡᠨ ᠤ ᠰᠤᠶᠤᠯ ᠲᠡᠦᠬᠡ︾ ᠵᠡᠷᠬᠡ ᠨᠤᠮ ᠤᠳ ᠢ ᠭᠤᠤᠯᠯᠠᠨ ᠨᠠᠶᠢᠷᠠᠭᠤᠯᠵᠦ ᠬᠡᠪᠯᠡᠬᠦᠯᠪᠡ᠃ ︽ᠪᠠᠭᠠᠷᠢᠨ ᠲᠡᠦᠬᠡ ᠶᠢᠨ ᠡᠷᠢᠬᠡᠨ ᠮᠦᠬᠦᠯᠢᠭ︾᠎ ᠨᠢ ᠲᠡᠬᠦᠨ ᠤ ᠠᠷᠪᠠᠳᠡᠬᠢ ᠰᠤᠶᠤᠯ ᠲᠡᠦᠬᠡ ᠶᠢᠨ ᠰᠡᠳᠤᠪᠯᠡᠬᠦᠨ ᠤ ᠰᠤᠷᠪᠤᠯᠵᠢᠯᠠᠵᠦ ᠰᠢᠨᠵᠢᠯᠡᠨ ᠲᠤᠭᠤᠷᠪᠢᠭᠰᠠᠨ ᠵᠤᠬᠢᠶᠠᠯ ᠪᠦᠳᠦᠬᠡᠯ ᠤᠨ ᠲᠡᠬᠦᠪᠤᠷᠢ ᠪᠤᠯᠤᠨ᠎ᠠ᠃  ᠬᠦᠬᠡᠳᠠᠪᠠᠯᠭᠠᠨ 