-
6421
ᠵᠥᠪᠬᠡᠨ ᠠᠪᠤ ᠳᠤ ᠪᠠᠨ ᠣᠩᠰᠢᠬᠤ ᠰᠢᠯᠦᠭ
2020-09-08 21:07
135
0
ᠤᠬᠠᠭᠠᠨᠲᠤ ᠠᠪᠤ ᠶᠢᠨ ᠢᠶᠡᠨ ᠬᠠᠯᠠᠭᠤᠨ ᠴᠢᠰᠤ ᠶᠢ ᠬᠤᠪᠢᠶᠠᠵᠤ ᠮᠢᠬᠠᠨ ᠪᠡᠶᠡ ᠮᠢᠨᠢ ᠪᠦᠲᠦᠭᠰᠡᠨ ᠶᠤᠮ
ᠤᠷᠢᠶᠠᠩᠬᠠᠢ ᠣᠪᠤᠭ ᠢ ᠨᠢ ᠦᠪᠯᠡᠵᠦ ᠤᠳᠤᠮᠯᠠᠵᠤ ᠮᠠᠨᠳᠤᠯᠠ ᠨᠡᠷᠡ ᠲᠠᠢ ᠪᠣᠯᠤᠭᠰᠠᠨ ᠶᠤᠮ᠃
ᠪᠦᠭᠦᠳᠡ ᠶᠢᠨ ᠬᠢᠨᠢ ᠠᠪᠤ ᠶᠠᠮᠠᠷ ᠮᠢᠨᠦ ᠠᠪᠤ ᠰᠢᠭ᠋ ᠪᠢᠰᠢ ᠳ᠋ᠠ᠂
ᠪᠦᠪᠡᠢᠯᠡᠨ ᠥᠬᠦᠭᠡᠷᠳᠡᠵᠦ ᠬᠠᠢᠷᠠᠲᠠᠢ ᠨᠠᠢᠷᠠᠲᠠᠢ ᠭᠡᠵᠦ ᠢᠯᠡ ᠭᠠᠷᠭᠠᠳᠠᠭ ᠪᠢᠰᠢ ᠳ᠋ᠡ᠃
ᠠᠪᠤ ᠬᠦᠮᠦᠨ ᠨᠢᠯᠤᠭᠤᠨ ᠪᠠᠢᠳᠠᠭ ᠦᠭᠡᠢ ᠶᠤᠮ
ᠠᠪᠤ ᠭᠡᠳᠡᠭ ᠴᠢᠨᠢ
ᠠᠭᠤᠯᠠ ᠬᠣᠲᠤᠢᠲᠠᠯᠠ ᠪᠢᠲᠡᠭᠦᠦ ᠰᠠᠨᠠᠵᠤ᠂
ᠤᠰᠤ ᠰᠢᠷᠭᠢᠲᠡᠯᠡ ᠳᠣᠲᠤᠭᠰᠢ ᠤᠬᠢᠯᠠᠵᠤ ᠶᠠᠪᠤᠳᠠᠭ ᠶᠤᠮ᠃
ᠠᠯᠢ ᠨᠢᠯᠬᠠ ᠪᠠᠢᠬᠤ ᠳᠤ ᠮᠢᠨᠢ
ᠰᠢᠭᠡᠵᠡᠢ ᠬᠤᠷᠤᠭᠤᠨ ᠠᠴᠠ ᠪᠠᠨ ᠬᠦᠲᠦᠯᠦᠭᠦᠯᠵᠦ
ᠭᠡᠷ ᠪᠦᠯᠢ᠂ ᠡᠯᠢᠭᠡᠨ ᠨᠤᠲᠤᠭ᠂ ᠡᠬᠡ ᠣᠷᠤᠨ ᠭᠡᠵᠦ ᠵᠢᠭᠠᠨ
ᠨᠠᠮᠠ ᠶᠢ ᠠᠩᠬᠠ ᠬᠦᠯ ᠳᠦ ᠣᠷᠤᠭᠤᠯᠤᠭᠰᠠᠨ ᠶᠤᠮ᠃
ᠰᠤᠭᠤᠨ ᠠᠴᠠ ᠡᠷᠭᠦᠨ ᠠᠭᠠᠷ ᠲᠤ ᠬᠥᠭᠡᠷᠦᠭᠦᠯᠵᠦ
ᠰᠦᠰᠦ ᠵᠣᠷᠢᠭ᠂ ᠰᠢᠲᠦᠭᠡᠨ ᠪᠢᠰᠢᠷᠡᠯ᠂ ᠬᠦᠰᠡᠯ ᠬᠥᠭᠡᠭᠡᠴᠡᠯᠳᠦᠯ ᠭᠡᠵᠦ ᠰᠤᠷᠭᠠᠨ
ᠨᠠᠮᠠ ᠶᠢ ᠠᠩᠬᠠ︽ ᠲᠡᠭᠷᠢ ᠲᠡᠮᠲᠡᠷᠢᠭᠦᠯᠦᠭᠰᠡᠨ︾ ᠶᠤᠮ᠃
ᠤᠬᠠᠭᠠᠨ ᠪᠦᠷᠢᠳᠴᠦ ᠨᠠᠰᠦ ᠬᠦᠢᠴᠡᠬᠦ ᠶᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ
ᠡᠩ ᠦᠨ ᠴᠠᠭ ᠤᠨ ᠬᠦᠯᠦᠰᠦ ᠪᠡᠷ ᠳᠠᠢᠨ ᠤ ᠦᠶᠡ ᠶᠢᠨ ᠴᠢᠰᠤ ᠶᠢ ᠰᠣᠯᠢᠬᠤ
ᠴᠡᠷᠢᠭ ᠦᠨ ᠬᠠᠲᠠᠭᠤ ᠶᠣᠰᠣ ᠪᠠᠨ ᠠᠬᠢᠨ ᠳᠠᠬᠢᠨ ᠰᠡᠳᠭᠢᠯ ᠳᠦ ᠬᠠᠳᠠᠩᠰᠢᠭᠤᠯᠤᠭᠰᠠᠨ ᠶᠤᠮ᠃
ᠭᠤᠮᠤᠳᠠᠯ ᠭᠤᠲᠤᠷᠠᠯ ᠬᠣᠣᠰᠯᠠᠭᠰᠠᠨ ᠵᠣᠪᠠᠯ ᠢᠶᠠᠨ ᠨᠢᠯᠪᠤᠰᠤ ᠪᠠᠷ ᠵᠢᠭᠤᠷᠠᠨ ᠲᠣᠭᠠᠴᠢᠬᠤ ᠳᠤ
ᠬᠦᠮᠦᠨ ᠦ ᠠᠪᠤ ᠥᠪᠡᠷ ᠦᠨ ᠬᠡᠦᠬᠡᠳ ᠢᠶᠡᠨ ᠥᠮᠦᠭᠡᠷᠡᠵᠦ ᠡᠷᠬᠡᠯᠡᠭᠦᠯᠦᠨᠡ
ᠮᠢᠨᠦ ᠠᠪᠤ ᠯᠠ ᠪᠤᠷᠤᠭᠤ ᠶᠢ ᠵᠢᠮᠡᠯᠡᠨ ︽ᠬᠠᠲᠠᠭᠤᠵᠢ︕︾ ᠬᠡᠮᠡᠨ ᠵᠣᠷᠢᠭᠵᠢᠭᠤᠯᠤᠨᠠ᠃
ᠠᠮᠢᠳᠤᠷᠠᠯ ᠢᠶᠠᠨ ᠪᠠᠭᠠᠨᠠᠳᠠᠭᠰᠠᠨ ᠠᠪᠤ᠂ ᠬᠣᠢᠮᠤᠷ ᠢᠶᠠᠨ ᠳᠦᠭᠦᠷᠭᠡᠭᠰᠡᠨ ᠠᠪᠤ
ᠠᠭᠤᠤ ᠶᠡᠬᠡ ᠪᠣᠯᠪᠠᠴᠤ ᠠᠭᠤᠤ ᠶᠡᠬᠡ ᠪᠡᠨ ᠮᠡᠳᠡᠳᠡᠭ ᠦᠭᠡᠢ ᠠᠪᠤ︕
ᠠᠭᠠᠯᠢ ᠰᠠᠢᠲᠠᠢ ᠠᠪᠤ᠂ ᠠᠭᠰᠤᠮ ᠲᠠᠯᠪᠢᠳᠠᠭ ᠠᠪᠤ
ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠯᠭᠠᠵᠤ ᠬᠠᠲᠠᠭᠤ ᠰᠤᠷᠭᠠᠳᠠᠭ ᠠᠪᠤ᠂
︽ ᠮᠢᠨᠦ ᠬᠡᠦᠬᠡᠨ︾ ᠭᠡᠵᠦ ᠰᠡᠪᠡᠯᠭᠡ ᠶᠢ ᠦᠨᠦᠷᠯᠡᠨ ᠵᠥᠭᠡᠯᠡᠨ ᠥᠭᠦᠯᠡᠳᠡᠭ ᠠᠪᠤ
︽ ᠮᠥᠩᠬᠡ ᠲᠡᠭᠷᠢ ︕︾ ᠭᠡᠵᠦ ᠰᠦᠰᠦᠭᠯᠡᠨ ᠨᠠᠮᠠ ᠶᠢ ᠮᠣᠩᠭᠣᠯ ᠢᠶᠠᠷ ᠰᠤᠷᠭᠠᠭᠰᠠᠨ ᠠᠪᠤ︕
