- ᠰᠠᠶᠢᠵᠢᠷᠠ
30411
ᠨᠤᠮ ᠤᠩᠰᠢᠬᠤ ᠲᠤᠬᠠᠢ
2020-08-16 14:41
87
0
ᠳᠡᠯᠡᠬᠡᠢ ᠶᠢᠨ ᠨᠤᠮ ᠤᠩᠰᠢᠬᠤ ᠡᠳᠦᠷ ᠲᠦ ᠵᠤᠷᠢᠭᠤᠯᠪᠠ
ᠡᠷᠡᠭᠡᠨ᠂ ᠰᠠᠢᠵᠢᠷᠠ
ᠳᠡᠯᠡᠬᠡᠢ ᠶᠢᠨ ᠨᠤᠮ ᠤᠩᠰᠢᠬᠤ ᠡᠳᠦᠷ
ᠳᠡᠪᠲᠡᠷ ᠨᠤᠮ ᠤᠷᠪᠠᠭᠤᠯᠠᠨ᠂
ᠳᠡᠮᠡᠢ ᠯᠠ ᠤᠨᠬᠰᠢᠬᠤ ᠲᠡᠳᠦᠢ
ᠳᠡᠷᠪᠡᠬᠥ ᠶᠠᠩᠵᠤ ᠪᠠᠷ ᠦᠩᠭᠡᠷᠡᠭᠦᠯᠬᠥ ᠦᠭᠡᠢ᠃
ᠳᠤᠷᠠ ᠲᠠᠢ ᠰᠤᠨᠢᠷᠬᠠᠯᠲᠠᠢ ᠵᠦᠢᠯ ᠢᠶᠡᠨ
ᠳᠤᠲᠤᠷᠠ ᠠᠴᠠ ᠨᠢ ᠤᠯᠵᠥ ᠭᠥᠥᠷᠡᠶᠡ᠂
ᠳᠤᠲᠠᠭᠤ ᠳᠤᠷᠭᠤᠠ ᠵᠦᠢᠯᠡᠰ ᠢᠶᠡᠨ ᠨᠦᠬᠥᠶᠡ
ᠳᠤᠮᠳᠠᠭᠤᠷ ᠮᠡᠳᠡᠯᠭᠡ ᠪᠡᠨ ᠳᠡᠭᠡᠭᠰᠢᠯᠡᠭᠥᠯᠬᠥ ᠪᠡᠷ ᠨᠤᠮ ᠤᠩᠰᠢᠶᠠ᠃
ᠨᠤᠮ ᠤᠩᠰᠢᠬᠤ ᠳᠤ ᠵᠠᠪᠠᠯ
ᠨᠤᠮ ᠢᠶᠠᠨ ᠵᠦᠪ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ᠂
ᠤᠷᠮᠠ ᠪᠠᠬᠠ ᠲᠠᠢ ᠨᠤᠮ ᠢᠶᠠᠨ ᠤᠯᠵᠥ
ᠤᠩᠰᠢᠬᠤ ᠨᠢ ᠮᠠᠰᠢ ᠴᠢᠬᠤᠯᠠᠲᠠᠢ᠃
ᠨᠤᠮ ᠠᠴᠠ ᠰᠡᠩᠬᠡᠷᠡᠭᠦᠯᠥᠯ ᠠᠪᠴᠥ
ᠨᠤᠮ ᠠᠴᠠ ᠲᠦᠷᠥᠭᠳᠡᠯ ᠤᠯᠵᠥ᠂
ᠨᠤᠮ ᠠᠴᠠ ᠤᠯᠠᠨ ᠶᠠᠭᠤᠮᠠ ᠰᠡᠷᠡᠵᠥ
ᠨᠤᠮ ᠠᠴᠠ ᠠᠷᠪᠢᠨ ᠶᠠᠭᠤᠮᠠ ᠮᠡᠳᠡᠵᠥ ᠪᠤᠯᠤᠨᠠ᠃
ᠶᠠᠮᠠᠷ ᠨᠤᠮ ᠤᠩᠰᠢᠬᠤ ᠳᠤᠷᠠ ᠲᠠᠢ
ᠶᠠᠭᠤ ᠤᠢᠯᠭᠠᠬᠤ ᠰᠠᠨᠠᠭᠠᠲᠠᠢ᠂
ᠶᠠᠮᠠᠷ ᠶᠠᠭᠤᠮᠠ ᠰᠤᠷᠬᠤ ᠭᠡᠬᠥᠴᠢᠯᠡᠨ
ᠶᠠᠭᠠᠬᠢᠭ᠍ᠰᠡᠨ ᠴᠤ ᠵᠤᠷᠢᠯᠭᠠ ᠲᠠᠢ ᠦᠵᠡᠭᠡᠷᠡᠢ᠃
ᠰᠢᠨᠡ ᠰᠤᠨᠢᠨ ᠰᠤᠷᠤᠭ ᠵᠠᠩᠭᠢ
ᠰᠢᠨᠡ ᠴᠢᠮᠡᠭᠡ ᠮᠡᠳᠡᠭᠡᠯᠡᠯ᠂
ᠰᠢᠨᠡᠳᠴᠥ ᠥᠭᠡᠷᠡᠴᠢᠯᠡᠭᠳᠡᠵᠥ ᠪᠠᠢᠭᠠ ᠬᠤᠪᠢᠷᠠᠯ
ᠰᠢᠨᠡ ᠶᠢ ᠰᠤᠷᠴᠥ ᠰᠤᠷᠤᠯᠴᠠᠬᠤ ᠨᠢ ᠰᠠᠢᠬᠠᠨ᠃
ᠰᠢᠨᠵᠢᠯᠡᠬᠥ ᠤᠬᠠᠭᠠᠨ ᠤ ᠨᠤᠮ ᠢ ᠤᠩᠰᠢᠨ
ᠰᠢᠨᠡ ᠶᠢ ᠡᠭᠦᠳᠬᠥ ᠶᠢ ᠰᠤᠷᠬᠤ᠂
ᠰᠢᠨᠡ ᠡᠭᠦᠳᠥᠯᠲᠡ ᠪᠦᠲᠥᠭᠡᠯ ᠦᠨ ᠨᠤᠮ ᠢ ᠤᠩᠰᠢᠨ
ᠰᠢᠷᠭᠠᠭᠤ ᠬᠠᠲᠠᠭᠤᠵᠢᠯᠲᠠᠢ ᠰᠤᠳᠤᠯᠬᠤ ᠶᠢ ᠰᠤᠷᠴᠥ ᠪᠤᠯᠤᠨᠠ᠃
ᠬᠡᠷᠡᠭᠴᠡᠭᠡ ᠲᠠᠢ ᠨᠤᠮ ᠢ ᠤᠩᠰᠢᠪᠠᠯ
ᠬᠡᠷᠡᠭᠯᠡᠵᠥ ᠠᠰᠢᠭᠯᠠᠬᠤ ᠳᠤ ᠲᠤᠰᠠ ᠪᠤᠯᠤᠨᠠ᠂
ᠬᠡᠷᠡᠭ ᠦᠭᠡᠢ ᠨᠤᠮ ᠢ ᠤᠩᠰᠢᠪᠠᠯ
ᠬᠡᠢ ᠬᠤᠭᠤᠰᠤᠨ ᠬᠡᠢᠰᠪᠦᠷᠢ ᠪᠤᠯᠤᠨᠠ᠃
ᠪᠤᠷᠤᠭᠤ ᠨᠤᠮ ᠢ ᠤᠩᠰᠢᠪᠠᠯ
ᠪᠤᠷᠤᠭᠤᠳᠠᠵᠥ ᠬᠠᠵᠠᠢᠬᠤ ᠠᠶᠤᠯ ᠲᠠᠢ᠂
ᠭᠠᠵᠢᠭᠤ ᠨᠤᠮᠤᠯᠠᠯ ᠢ ᠢᠲᠡᠭᠡᠪᠡᠯ
ᠭᠠᠵᠢᠭᠤᠳᠠᠵᠥ ᠭᠠᠢ ᠪᠤᠯᠵᠥ ᠮᠡᠳᠡᠨᠡ᠃
ᠶᠠᠮᠠᠷ ᠨᠤᠮᠲᠠᠳ ᠪᠤᠯ ᠲᠡᠭᠡᠭᠡᠳ
ᠶᠠᠮᠠᠷ ᠨᠤᠮ ᠢᠶᠠᠨ ᠵᠥᠪᠲᠡᠭᠡᠬᠥ ᠪᠠᠢᠬᠠ᠂
ᠶᠠᠯᠠ ᠨᠢᠭᠦᠯ ᠢ ᠨᠢ ᠢᠯᠭᠠᠨ ᠲᠠᠨᠢᠵᠤ
ᠶᠠᠮᠠᠷ ᠨᠤᠮ ᠤᠩᠰᠢᠬᠤ ᠪᠠᠨ ᠥᠪᠡᠷᠲᠡᠭᠡᠨ ᠮᠡᠳᠡᠬᠥᠲᠥᠨ᠃
ᠡᠷᠡᠭᠡᠨ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ᠂
2020ᠤᠨ ᠤ4 ᠰᠠᠷᠠᠢᠨ23 ᠤ ᠡᠳᠦᠷ
ᠬᠠᠢᠯᠠᠷ ᠬᠤᠲᠠᠨᠠ᠃