ᠦᠪᠦᠷ ᠮᠤᠩᠭᠤᠯ ᠤᠨ ᠲᠡᠯᠭᠡᠷᠡᠬᠦ ᠤᠯᠠᠷᠢᠯ ᠤᠨ ᠵᠤᠭᠠᠴᠠᠯ ᠤᠨ ᠠᠯᠳᠠᠩᠬᠸᠠ ᠴᠡᠴᠡᠭ ᠤᠨ ᠨᠠᠶᠢᠷ ᠵᠢᠴᠢ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠦᠷᠳᠡᠭᠡ ᠰᠡᠯᠭᠦᠨ ᠮᠤᠷᠢᠳᠠᠢ ᠵᠤᠭᠠᠴᠠᠬᠤ ᠨᠠᠭᠠᠳᠤᠮ 7 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠱᠠᠩᠳᠤ ᠶᠢᠨ ᠰᠢᠷᠠ ᠲᠠᠯᠠ ᠳᠤ ᠪᠤᠯᠵᠤᠭᠠ ᠶᠤᠰᠤᠭᠠᠷ ᠡᠬᠢᠯᠡᠵᠦ᠂ ᠬᠤᠯᠠ ᠤᠢᠢᠷᠠ ᠶᠢᠨ ᠨᠠᠭᠠᠳᠤᠮᠴᠢᠳ᠂ ᠵᠤᠭᠠᠴᠠᠭᠰᠠᠳ ᠬᠢᠷᠢ ᠳᠡᠭᠡᠨ ᠤᠯᠠᠨ ᠴᠤᠭᠯᠠᠷᠠᠵᠠᠢ᠃ ᠡᠨᠡ ᠤᠯᠠᠨ ᠤ ᠲᠤᠮᠳᠠ ᠦᠩᠭᠡ ᠢᠯᠭᠠᠷᠠᠮᠠ ᠲᠡᠷᠯᠢᠭ ᠵᠠᠰᠠᠯ ᠢᠶᠠᠷ ᠭᠤᠶᠤᠯᠠᠭᠰᠠᠳ ᠯᠡ ᠨᠤᠭᠤᠭᠠᠨ ᠲᠤᠶᠠᠭᠠ ᠲᠠᠳᠠᠭᠰᠠᠨ ᠠᠭᠤᠳᠠᠮ ᠲᠠᠯᠠ ᠶᠢᠨ ᠢᠶᠠᠨ ᠴᠢᠮᠡᠭ ᠨᠢ ᠪᠤᠯᠵᠤ᠂ ᠮᠤᠩᠭᠤᠯ ᠨᠤᠳᠤᠭ᠂ ᠮᠤᠩᠭᠤᠯ ᠬᠦᠮᠦᠨ᠂ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠡᠷᠬᠢᠮᠰᠦᠭ ᠭᠤᠪᠠᠢ ᠶᠢ ᠡᠷᠭᠡ ᠦᠭᠡᠢ ᠭᠠᠶᠢᠬᠠᠭᠤᠯᠤᠨᠠ᠃ ︽ᠮᠤᠩᠭᠤᠯ ᠲᠡᠷᠯᠢᠭ ᠢᠶᠠᠨ ᠠᠪᠴᠢᠷᠠᠭᠰᠠᠨ ᠪᠤᠯ ᠡ︾ ᠭᠡᠵᠦ ᠬᠠᠷᠠᠮᠰᠠᠭᠰᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠠᠯᠬᠤᠯᠠᠵᠤ᠂ ᠤᠭ᠍ᠶᠤ ᠨᠤᠭᠤᠭᠠᠨ ᠲᠠᠯᠠ ᠶᠢᠨ ᠢᠶᠠᠨ ᠠᠯᠳᠠᠨ ᠰᠢᠬᠢᠳᠭᠡᠷᠢ ᠪᠤᠯᠤᠭᠰᠠᠨ ᠠᠯᠳᠠᠩᠬᠸᠠ ᠴᠡᠴᠡᠭ ᠢ ᠰᠤᠨᠢᠷᠬᠠᠬᠤ ᠰᠠᠨ ᠭᠡᠵᠦ ᠶᠠᠪᠤᠬᠤ ᠵᠠᠮ ᠵᠠᠭᠤᠷᠠ ᠪᠦᠭᠡᠮ ᠬᠦᠮᠦᠰ ᠤᠨ ᠴᠤᠭᠯᠠᠭᠠᠨ ᠲᠠᠢ ᠬᠠᠷᠭᠤᠯᠠ᠃ ᠤᠢᠢᠷᠠᠳᠤᠨ ᠬᠦᠷᠴᠦ ᠠᠵᠢᠭᠯᠠᠪᠠᠯ᠂ ᠤᠤᠯ ᠨᠢ ᠠᠳᠡ ᠨᠠᠶᠢᠷ ᠤᠨ ᠬᠤᠶᠢᠮᠤᠷ ᠲᠤ ᠨᠠᠯᠠᠶᠢᠨ ᠰᠠᠭᠠᠳᠠᠭᠰᠠᠨ ᠲᠡᠷᠯᠢᠭ ᠵᠠᠰᠠᠯ ᠲᠠᠢ ᠬᠤᠶᠠᠷ ᠪᠤᠭᠤᠷᠤᠯ ᠬᠤᠯᠠ ᠤᠢᠢᠷᠠ ᠶᠢᠨ ᠵᠤᠭᠠᠴᠠᠭᠴᠢ ᠶᠢᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ᠂ ᠲᠡᠳᠡ ᠬᠠᠮᠳᠤ ᠶᠢᠨ ᠰᠡᠭᠦᠳᠡᠷ ᠲᠠᠳᠠᠭᠤᠯᠵᠤ ᠲᠤᠷᠠᠰᠬᠠᠯ ᠦᠯᠡᠳᠡᠭᠡᠶᠠ ᠬᠡᠮᠡᠨ ᠬᠤᠶᠠᠷ ᠨᠠᠰᠤᠳᠠᠨ ᠢ ᠬᠦᠷᠢᠶᠡᠯᠡᠴᠢᠭᠡᠭᠰᠡᠨ ᠨᠢ ᠡᠨᠡ ᠠᠵᠢ᠃
ᠠᠰᠠᠭᠤᠨ ᠯᠠᠪᠯᠠᠬᠤ ᠪᠠᠷ ᠲᠠᠮᠵᠢᠨ᠂ ᠴᠡᠩᠭᠡᠷ ᠬᠦᠭᠡ ᠲᠡᠷᠯᠢᠭ ᠲᠡᠭᠡᠨ ᠶᠠᠭᠠᠨ ᠦᠩᠭᠡ ᠶᠢᠨ ᠡᠮᠵᠢᠶᠡᠷᠢ ᠲᠠᠷᠤᠭᠤᠯᠵᠤ᠂ ᠮᠦᠩᠭᠦ ᠪᠠᠷ ᠪᠤᠭᠤᠭᠰᠠᠨ ᠱᠢᠷᠦᠨ ᠲᠠᠷᠤᠭᠤᠯᠭᠠ ᠶᠢᠨ ᠢᠶᠠᠨ ᠲᠡᠭᠡᠷᠠ ᠶᠠᠭᠠᠨ ᠲᠤᠷᠭᠠᠨ ᠠᠯᠴᠢᠭᠤᠷ ᠤᠷᠢᠶᠠᠭᠰᠠᠨ ᠨᠠᠷᠠᠩᠭᠤᠸᠠ ᠨᠠᠰᠤᠳᠠᠨ ᠪᠤᠯᠤᠨ ᠬᠦᠨ ᠬᠦᠭᠡ ᠦᠩᠭᠡ ᠶᠢᠨ ᠲᠡᠷᠯᠢᠭ ᠲᠡᠭᠡᠨ ᠵᠦᠷᠵᠢ ᠶᠢᠨ ᠰᠢᠷᠭᠠᠯ ᠦᠩᠭᠡ ᠶᠢᠨ ᠡᠮᠵᠢᠶᠡᠷᠢ ᠲᠠᠷᠤᠭᠤᠯᠵᠤ᠂ ᠪᠦᠰᠡᠨ ᠳᠡᠭᠡᠨ ᠬᠠᠳᠬᠤᠮᠠᠯ ᠬᠤᠸᠠᠷ ᠲᠠᠢ ᠲᠠᠮᠠᠬᠢᠨ ᠤᠭᠤᠳᠠ ᠬᠠᠪᠴᠢᠭᠤᠯᠤᠭᠰᠠᠨ ᠲᠡᠮᠦᠷᠪᠡᠭᠠᠳᠤᠷ ᠨᠠᠰᠤᠳᠠᠨ ᠪᠤᠯ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠬᠦᠪᠡᠭᠡᠳᠤ ᠰᠢᠷᠠ ᠬᠤᠰᠢᠭᠤᠨ ᠤ ᠪᠠᠶᠠᠨᠳᠠᠯᠠ ᠰᠤᠮᠤ ᠪᠠᠷ ᠨᠤᠳᠤᠭ ᠲᠠᠢ᠂ ᠬᠡᠦᠭᠡᠨ ᠢᠶᠠᠨ ᠲᠠᠭᠠᠵᠤ ᠨᠠᠶᠢᠷ ᠦᠵᠡᠬᠦ ᠪᠠᠷ ᠢᠷᠡᠭᠰᠡᠨ ᠢ ᠤᠢᠢᠯᠠᠭᠠᠵᠠᠢ᠃ ᠬᠤᠶᠠᠷ ᠨᠠᠰᠤᠳᠠᠨ ᠲᠠᠯᠠ ᠶᠢ ᠲᠦᠭᠦᠵᠦ ᠪᠠᠶᠢᠭᠠ ᠴᠦ ᠬᠤᠤᠰ ᠨᠢᠳᠤ ᠨᠢ ᠴᠤᠭ ᠲᠠᠢ ᠬᠢᠯᠠᠯᠵᠠᠵᠤ᠂ ᠴᠢᠷᠠᠢ ᠳᠤᠨᠢ ᠲᠤᠶᠠᠭᠠ ᠬᠢᠯᠠᠯᠵᠠᠨᠠ᠃ ᠨᠠᠰᠤᠳᠠᠨ ᠤ ᠬᠡᠦᠭᠡᠨ ᠨᠢ ᠲᠤᠰ ᠤᠳᠠᠭᠠ ᠶᠢᠨ ᠨᠠᠶᠢᠷ ᠤᠨ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠪᠠᠷ ᠬᠦᠪᠡᠭᠡᠳᠤ ᠰᠢᠷᠠ ᠬᠤᠰᠢᠭᠤ ᠶᠢᠨ 20 ᠲᠦᠯᠦᠭᠡᠯᠡᠭᠴᠢ ᠶᠢᠨ ᠨᠢᠭᠡ ᠪᠠᠷ ᠰᠤᠩᠭᠤᠭᠳᠠᠭᠰᠠᠨ ᠶᠤᠮ᠃ ᠬᠤᠰᠢᠭᠤᠨ ᠲᠡᠭᠡᠷᠠ ᠪᠠᠨ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠺᠤᠮᠫᠠᠨᠢ ᠡᠷᠬᠢᠯᠡᠵᠦ ᠠᠷᠪᠠᠭᠠᠳ ᠵᠢᠯ ᠪᠤᠯᠵᠤ ᠪᠤᠢ ᠬᠡᠦᠭᠡᠨ ᠨᠢ ᠠᠯᠢ ᠴᠦ ᠵᠢᠯ ᠭᠡᠳ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠨᠠᠶᠢᠷ ᠢᠶᠠᠷ ᠶᠠᠪᠤᠵᠤ᠂ ᠶᠠᠪᠤᠬᠤ ᠪᠤᠯᠭᠠᠨ ᠨᠠᠰᠤᠳᠠᠨ ᠪᠤᠭᠤᠷᠤᠯ ᠠᠪᠤ ᠡᠵᠢ ᠪᠠᠨ ᠬᠠᠵᠠᠭᠤ ᠠᠴᠠ ᠪᠠᠨ ᠰᠠᠯᠭᠠᠳᠠᠭ ᠦᠭᠡᠢ ᠠᠵᠢ ᠃ ︽ᠦᠨᠦᠳᠦᠷ ᠤᠨ ᠨᠠᠶᠢᠷ ᠶᠤᠰᠤᠳᠠᠢ ᠰᠠᠶᠢᠬᠠᠨ ᠪᠠᠶᠢᠨᠠ᠂ ᠪᠡᠯᠴᠢᠭᠡᠷ ᠤᠰᠤ ᠪᠠᠨ ᠬᠠᠷᠠᠭᠠᠳ ᠴᠦ ᠰᠡᠳᠭᠢᠯ ᠰᠡᠷᠭᠦᠴᠢᠭᠡᠨᠠ ᠰᠢᠦ︾ ᠭᠡᠵᠦ ᠲᠡᠮᠦᠷᠪᠠᠭᠠᠳᠤᠷ ᠨᠠᠰᠤᠳᠠᠨ ᠰᠡᠳᠭᠢᠯ ᠬᠠᠩᠬᠤᠯᠤᠭᠤᠨ ᠶᠠᠷᠢᠬᠤ ᠪᠠᠷ ︽ᠬᠡᠦᠭᠡᠨ ᠤ ᠬᠢ ᠪᠠᠨ ᠤᠶᠤᠭᠰᠠᠨ ᠲᠡᠷᠯᠢᠭ ᠢ ᠡᠮᠦᠰᠦᠭᠡᠳ ᠢᠷᠡᠭᠰᠡᠨ ᠴᠢᠨᠢ ᠤᠯᠠᠨ ᠤ ᠠᠩᠬᠠᠷᠤᠯ ᠤᠨ ᠴᠡᠭ ᠪᠤᠯᠴᠢᠬᠠᠯᠠ᠂ ᠦᠨᠡᠨᠳᠡᠭᠡᠨ ᠬᠤᠷᠢᠮ ᠨᠠᠶᠢᠷ᠂ ᠴᠠᠭᠠᠨ ᠰᠠᠷᠠ ᠳᠠᠭᠠᠨ ᠪᠢᠳᠡ ᠴᠢᠨᠢ ᠪᠦᠷ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠭᠤᠶᠤᠯᠠᠳᠠᠭ ᠰᠢᠦ︾ ᠭᠡᠵᠦ ᠨᠠᠷᠠᠩᠭᠤᠸᠠ ᠨᠠᠰᠤᠳᠠᠨ ᠲᠠᠶᠢᠪᠤᠭᠤᠬᠠᠨ ᠶᠠᠷᠢᠨᠠ᠃ ᠮᠤᠩᠭᠤᠯ ᠨᠤᠳᠤᠭ ᠤᠨ ᠢᠶᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠭᠤᠶᠤᠯᠠᠬᠤ ᠰᠠᠶᠢᠬᠠᠨ ᠡ
