- ᠰᠠᠶᠢᠵᠢᠷᠠ
30108
ᠬᠦᠮᠥᠨ ᠠᠷᠠᠳ ᠪᠠᠨ ᠳᠠᠭᠠᠳᠬᠠᠶᠠ
2020-10-11 17:43
52
0
ᠡᠷᠡᠭᠡᠨ᠂ ᠰᠠᠢᠵᠢᠷᠠ
ᠨᠠᠷᠠ ᠰᠠᠷᠠ ᠨᠠᠢ᠌ᠮᠠᠨ ᠭᠠᠷᠢᠭ
ᠨᠠᠷᠠᠨ ᠤ ᠠᠢᠮᠠᠭ ᠤᠨ ᠡᠷᠬᠡᠰ ᠳᠠᠭᠠᠭᠤᠯᠢ᠂
ᠬᠦᠬᠡ ᠮᠡᠩᠬᠡᠨ ᠲᠡᠭᠷᠢ
ᠬᠥᠷᠥᠰᠥᠲᠦ ᠠᠯᠲᠠᠨ ᠳᠡᠯᠡᠬᠡᠢ ᠶᠢᠨ ᠬᠡᠰᠢᠭ ᠬᠤᠷᠤᠢ᠃
ᠠᠷᠭᠠ ᠪᠢᠯᠢᠭ ᠦᠨ ᠰᠢᠳᠢᠰ
ᠠᠭᠠᠷ ᠠᠮᠢᠰᠬᠤᠯ ᠤᠨ ᠠᠳᠢᠰ᠂
ᠡᠨᠧᠷᠭᠢ ᠢᠯᠴᠢ ᠭᠡᠷᠡᠯ ᠦᠨ ᠷᠢᠳᠢᠰ
ᠡᠷᠴᠢᠮ ᠬᠦᠴᠥᠨ ᠦ ᠢᠳᠡ ᠬᠤᠷᠤᠢ᠃
ᠠᠯᠲᠠᠨ ᠭᠠᠳᠠᠰᠤ ᠤᠳᠤᠨ ᠤ ᠰᠠᠬᠢᠶᠠ
ᠠᠷᠠᠨ ᠬᠦᠮᠥᠨ ᠢ ᠭᠡᠢᠭᠦᠯᠥᠭᠡᠰᠡᠢ᠂
ᠠᠷᠭᠠᠮᠵᠢᠶᠠ ᠲᠠᠪᠤᠨ ᠤᠳᠤᠨ ᠤ ᠰᠠᠬᠢᠭᠤᠯ ᠨᠢ
ᠠᠮᠢ ᠨᠠᠰᠤᠨ ᠤ ᠬᠡᠰᠢᠭ ᠦᠭᠭᠦᠭᠡᠰᠡᠢ᠃
ᠳᠤᠬᠢᠭᠤᠷ ᠳᠤᠯᠤᠭᠠᠨ ᠤᠳᠤᠨ ᠤ ᠰᠠᠬᠢᠶᠠ ᠨᠢ
ᠳᠤᠮ ᠰᠢᠳᠢ ᠶᠢ ᠦᠭᠭᠦᠭᠡᠰᠡᠢ᠂
ᠲᠤᠭᠤᠷᠢᠨ ᠪᠤᠢ ᠤᠯᠠᠨ ᠤᠳᠤᠳ ᠤᠨ ᠰᠠᠬᠢᠭᠤᠯ ᠨᠢ
ᠲᠤᠲᠸᠮ ᠷᠢᠳᠢᠠ ᠢ ᠤᠯᠭᠤᠨ ᠬᠠᠢᠷᠠᠯᠠᠭᠠᠰᠠᠢ᠃
ᠲᠦᠪ ᠳᠡᠯᠡᠬᠡᠢ ᠶᠢᠨ ᠬᠦᠮᠥᠰ ᠲᠦ
ᠲᠦᠭᠰᠢᠭᠦᠷᠢᠲᠥ ᠠᠶᠤᠯ ᠲᠤᠯᠭᠠᠷᠠᠯᠠ᠂
ᠲᠦᠪᠡᠭᠳᠡᠵᠥ ᠲᠡᠪᠡᠳᠡᠭᠰᠡᠨ ᠠᠷᠠᠳ ᠢᠶᠠᠨ
ᠲᠥᠮᠡᠨ ᠤᠲᠠᠴᠢ ᠨᠢ ᠲᠤᠰᠠᠯᠠᠭᠠᠷᠠᠢ᠃
ᠲᠦᠷᠥ ᠭᠦᠷᠥᠨ ᠨᠤᠭᠥᠳ ᠨᠢ
ᠲᠦᠷᠭᠡᠨ ᠲᠡᠳᠬᠥᠨ ᠲᠡᠩᠬᠡᠷᠡᠭᠦᠯᠥᠭᠡᠰᠡᠢ᠂
ᠲᠦᠷᠥᠯᠬᠢᠲᠡᠨ ᠬᠦᠮᠥᠨ ᠤᠯᠠᠨ ᠢᠶᠠᠨ
ᠲᠦᠷᠥᠵᠥ ᠢᠷᠡᠭᠰᠡᠨ ᠵᠠᠶᠠᠬᠠᠢ ᠨᠢ ᠥᠮᠥᠭᠯᠡᠭᠡᠰᠡᠢ᠃
ᠭᠠᠵᠠᠷ ᠤᠰᠤ ᠠᠭᠠᠷ ᠪᠤᠬᠢᠷᠳᠠᠯᠠ
ᠭᠠᠮᠰᠢᠭ ᠬᠢᠵᠢᠭ ᠲᠡᠯᠭᠡᠷᠡᠯᠡ᠂
ᠭᠠᠷᠨᠢ ᠪᠠᠨ ᠪᠠᠷᠠᠭᠰᠠᠨ ᠡᠪᠡᠳᠴᠢᠲᠡᠳ ᠢ
ᠭᠠᠲᠤᠯᠠᠭᠤᠯᠵᠤ ᠠᠪᠤᠷᠠᠬᠤ ᠶᠢ ᠡᠮᠴᠢ ᠰᠤᠪᠢᠯᠠᠭᠴᠢ ᠮᠡᠳᠡᠭᠡᠷᠡᠢ᠃
ᠭᠠᠢ ᠲᠦᠢ ᠪᠦᠬᠥᠨ ᠢ ᠠᠷᠢᠯᠭᠠᠨ
ᠭᠠᠷᠤᠯ ᠤᠨ ᠦᠷᠡ ᠪᠡᠨ ᠰᠠᠬᠢᠬᠤ ᠶᠢ
ᠭᠠᠷᠴᠤ ᠢᠷᠡᠭᠰᠡᠨ ᠭᠠᠯᠪᠠᠷ ᠤᠨ ᠤᠩᠭᠤ
ᠭᠠᠯᠪᠠ ᠶᠢ ᠳᠠᠭᠠᠭᠠᠭᠰᠠᠨ ᠪᠠᠢᠭᠤᠯᠵᠢᠨ ᠳᠠᠭᠠᠨ ᠳᠠᠭᠠᠳᠬᠠᠶᠠ᠃
ᠳᠠᠭᠠᠷᠢᠨ ᠬᠠᠯᠳᠠᠪᠦᠷᠢᠯᠠᠬᠤ ᠬᠢᠵᠢᠭ ᠢ
ᠳᠠᠷᠤᠢᠬᠠᠨ ᠲᠤᠨᠢᠯᠭᠠᠨ ᠰᠦᠨᠥᠭᠡᠭᠡᠰᠡᠢ᠂
ᠳᠠᠭᠵᠢᠨ ᠬᠡᠯᠮᠡᠭᠳᠡᠭᠰᠡᠨ ᠲᠦᠮᠡᠨ ᠢᠶᠡᠨ
ᠳᠠᠢᠹᠥ ᠳᠤᠺᠤᠲᠤᠷ ᠳᠠᠭᠠᠨ ᠳᠠᠭᠠᠳᠬᠠᠶᠠ᠃
ᠳᠠᠯᠠᠨ ᠳᠤᠯᠤᠭᠠᠨ ᠡᠬᠡ ᠡᠳᠥᠬᠡᠨ ᠨᠢ
ᠳᠠᠶᠠᠭᠠᠷ ᠤᠯᠠᠨ ᠢᠶᠠᠨ ᠦᠷᠥᠰᠢᠶᠡᠭᠡᠷᠡᠢ᠂
ᠳᠠᠶᠠᠩ ᠤᠨ ᠵᠢᠮᠡ ᠶᠢ ᠨᠢ ᠴᠠᠭᠠᠳᠬᠠᠨ
ᠳᠡᠩᠳᠡ ᠢᠪᠡᠭᠡᠨ ᠡᠩᠬᠡᠵᠢᠭᠦᠯᠥᠭᠡᠰᠡᠢ᠃
ᠮᠠᠯᠠᠬᠠᠨ ᠴᠠᠭᠠᠨ ᠪᠠᠪᠠᠢ ᠳᠡᠭᠡᠳᠦᠭᠥᠯ ᠨᠢ
ᠮᠠᠨᠠᠢ ᠬᠤᠢᠴᠢᠰ ᠢᠶᠠᠨ ᠬᠠᠮᠠᠭᠠᠯᠠᠰᠠᠢ᠂
ᠪᠦᠬᠡ ᠪᠠᠪᠠᠢ ᠳᠡᠭᠡᠳᠦᠰ ᠨᠢ
ᠪᠦᠬᠥᠳᠡ ᠦᠷᠡᠰ ᠢᠶᠡᠨ ᠬᠠᠭᠠᠴᠠᠢᠯᠠᠭᠠᠷᠠᠢ᠃
ᠴᠠᠭᠠᠨ ᠡᠪᠦᠭᠡᠨ ᠠᠷᠰᠢ ᠨᠢ
ᠴᠠᠭ ᠲᠤᠷᠰᠢᠲᠠ ᠬᠠᠷᠠᠨ ᠰᠤᠶᠤᠷᠬᠠ᠂
ᠴᠠᠭᠠᠨ ᠮᠦᠷ ᠲᠠᠢ
ᠰᠠᠢᠨ ᠦᠢᠯᠡᠰ ᠲᠠᠢ ᠪᠤᠯᠭᠠᠭᠠᠰᠠᠢ᠃
ᠬᠤᠯᠤᠭᠤᠨᠠ ᠲᠠᠷᠪᠠᠭᠠ ᠶᠢᠨ ᠬᠢᠵᠢᠭ
ᠺᠤᠷᠤᠨᠠ ᠸᠢᠷᠦ᠋ᠰ ᠦᠨ ᠬᠢᠵᠢᠭ᠂
ᠬᠤᠢᠨᠠ ᠬᠤᠢᠨᠠ ᠠᠴᠠ ᠪᠠᠨ ᠳᠠᠭᠠᠷᠢᠨᠠ
ᠬᠣᠷᠸᠠ ᠶᠢᠨ ᠬᠦᠮᠥᠰ ᠢᠶᠡᠨ ᠠᠨᠠᠭᠠᠬᠤ ᠶᠢᠨ ᠬᠢᠨ ᠠᠪᠤᠷᠠᠭᠠᠰᠠᠢ᠃
ᠬᠤᠷᠳᠤᠨ ᠂ ᠰᠢᠨᠵᠢᠯᠡᠬᠥ ᠤᠬᠠᠭᠠᠨᠲᠠᠳ ᠰᠤᠳᠤᠯᠤᠨ
ᠬᠤᠪᠢᠯᠭᠠᠨ ᠡᠮ ᠵᠤᠷ ᠡᠭᠦᠳᠥᠭᠡᠷᠡᠢ᠂
ᠬᠤᠳᠠᠯᠠ ᠬᠦᠮᠥᠨ ᠪᠦᠬᠥᠨ ᠢᠶᠡᠨ
ᠬᠤᠷᠮᠤᠰᠲᠠ ᠲᠡᠭᠷᠢ ᠳᠦᠨᠢ ᠳᠠᠭᠠᠳᠬᠠᠶᠠ᠃
ᠪᠠᠭᠪᠠᠭᠠᠢ ᠤᠨ ᠪᠠᠺᠲ᠋ᠧᠷᠢ ᠦᠷᠪᠢᠰᠥᠨ
ᠪᠠᠯᠠᠳᠠᠭᠤᠯᠤᠨ ᠰᠦᠷᠳᠡᠭᠦᠯᠵᠥ ᠰᠦᠢᠳᠬᠡᠨᠡ᠂
ᠪᠠᠷᠢᠨ ᠲᠦᠷᠭᠡᠨ ᠠᠪᠤᠷᠠᠯᠲᠠ ᠬᠢᠵᠥ
ᠪᠠᠢᠩᠭᠤ ᠵᠠᠰᠠᠵᠥ ᠡᠳᠡᠭᠡᠷᠡᠭᠦᠯᠥᠭᠡᠰᠡᠢ᠃
ᠪᠠᠢᠭᠠᠯᠢ ᠤᠷᠴᠢᠨ ᠲᠠᠢ ᠪᠠᠨ ᠵᠤᠬᠢᠴᠠᠯᠳᠤᠨ
ᠪᠠᠢᠭᠤᠯᠤᠨ ᠪᠦᠲᠥᠭᠡᠬᠥ ᠶᠢ ᠡᠷᠬᠢᠮᠯᠡᠭᠡᠰᠡᠢ᠂
ᠪᠠᠭᠠᠴᠤᠳ ᠵᠠᠯᠠᠭᠤᠴᠤᠳ ᠤᠨ ᠢᠶᠠᠨ ᠡᠩᠬᠡ ᠮᠡᠨᠳᠥ ᠶᠢ
ᠪᠠᠷᠠᠭᠤᠨ ᠤ ᠲᠠᠪᠢᠨ ᠲᠠᠪᠤᠨ ᠲᠡᠭᠷᠢ ᠳᠥᠨᠢ ᠳᠠᠭᠠᠳᠬᠠᠶᠠ᠃
ᠲᠦᠮᠡᠨ ᠪᠥᠭᠡ ᠶᠢᠨ ᠲᠦᠷᠥᠭᠦᠥ
ᠲᠥᠩᠭᠡ ᠪᠥᠭᠡ ᠰᠠᠬᠢᠨ᠂
ᠲᠦᠷᠢᠵᠥ ᠢᠷᠡᠬᠥ ᠠᠶᠤᠯ ᠢ ᠵᠠᠢᠯᠠᠭᠤᠯᠤᠨ
ᠲᠦᠭ ᠲᠦᠮᠡᠨ ᠢᠶᠡᠨ ᠲᠦᠰᠢᠭᠡᠷᠡᠢ᠃
ᠳᠦᠴᠢᠨ ᠳᠦᠷᠪᠡᠨ ᠲᠡᠭᠷᠢ ᠶᠢᠨ ᠲᠦᠷᠥᠭᠥᠥ
ᠳᠦᠷᠡ ᠨᠤᠶᠠᠨ ᠭᠠᠯᠪᠠᠷ ᠨᠢ ᠠᠵᠢᠶᠠᠷᠠᠨ᠂
ᠳᠦᠭᠥᠷᠡᠩ ᠪᠡᠯᠭᠡ ᠪᠡᠷ ᠢᠷᠦᠭᠡᠨ
ᠲᠦᠪᠰᠢᠨ ᠵᠢᠷᠭᠠᠯ ᠢᠶᠠᠷ ᠢᠪᠡᠭᠡᠭᠡᠰᠡᠢ᠃
ᠵᠢᠩᠬᠢᠨᠢ ᠤᠲᠠᠴᠢ ᠨᠠᠷ ᠢᠯᠡᠷᠡᠨ
ᠵᠢᠪ ᠦᠨ ᠬᠢᠵᠢᠭ ᠢ ᠳᠠᠷᠤᠭᠠᠰᠠᠢ᠂
ᠵᠡᠭᠦᠨ ᠦ ᠳᠦᠴᠢᠨ ᠳᠦᠷᠪᠡᠨ ᠲᠡᠭᠷᠢ ᠲᠦᠨᠢ
ᠵᠡᠭᠡᠭᠡᠭᠰᠡᠨ ᠳᠠᠭᠠᠳᠬᠠᠨ ᠵᠠᠯᠪᠢᠷᠠᠶᠠ᠃
ᠵᠠᠨᠪᠤᠯᠢᠩ ᠤᠨ ᠭᠡᠮ ᠵᠤᠪᠠᠯᠠᠩ ᠠᠴᠠ
ᠵᠠᠪᠠᠯ ᠪᠢᠳᠡᠨ ᠢᠶᠡᠨ ᠬᠡᠯᠲᠡᠷᠡᠭᠦᠯᠥᠭᠡᠷᠡᠢ᠂
ᠵᠠᠢᠯᠠᠰᠢ ᠦᠭᠡᠢ ᠳᠦᠷᠪᠡᠨ ᠳᠠᠯᠠᠢ ᠶᠢ ᠨᠢ
ᠵᠠᠭᠤᠨ ᠬᠤᠲᠤᠭ ᠤᠨ ᠦᠯᠵᠡᠢ ᠪᠡᠷ ᠭᠡᠲᠦᠯᠭᠡᠭᠡᠰᠡᠢ᠃
ᠤᠯᠪᠤ ᠪᠠᠭᠪᠠᠭᠠᠢ ᠶᠢᠨ ᠬᠢᠵᠢᠭ ᠢ ᠤᠰᠠᠳᠬᠠᠵᠥ
ᠤᠯᠤᠰ ᠭᠦᠷᠥᠨ ᠪᠦᠬᠥᠨ ᠲᠠᠢᠪᠤᠩ ᠪᠤᠯᠤᠭᠠᠰᠠᠢ᠂
ᠤᠷᠴᠢᠯᠠᠩ ᠬᠣᠷᠸᠠ ᠳᠡᠯᠡᠬᠡᠢ ᠶᠢᠷᠲᠢᠨᠴᠥ ᠡᠨᠡᠭᠰᠢᠨ
ᠤᠯᠠᠨ ᠲᠦᠮᠡᠨ ᠠᠮᠤᠭᠤᠯᠠᠩ ᠵᠢᠷᠭᠠᠰᠠᠢ᠃
ᠤᠪᠤᠭᠠ ᠯᠤᠤᠰ ᠨᠠᠪᠲᠠᠭ ᠰᠠᠪᠳᠠᠭ
ᠤᠷᠤᠨ ᠭᠠᠵᠠᠷ ᠤᠨ ᠡᠵᠡᠳ ᠲᠠᠢᠳᠬᠤᠷᠠᠨ᠂
ᠤᠩᠭᠤᠳ ᠲᠡᠭᠷᠢ ᠠᠷᠰᠢ ᠰᠠᠬᠢᠭᠤᠯᠰᠤᠨ
ᠤᠳᠤᠨ ᠭᠠᠷᠢᠭ ᠰᠢᠲᠦᠭᠡᠨ ᠪᠦᠷ ᠪᠠᠶᠠᠰᠬᠤ ᠪᠤᠯᠲᠤᠭᠠᠢ᠃
ᠡᠷᠡᠭᠡᠨ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ᠃
ᠬᠠᠢᠯᠠᠷ ᠬᠤᠲᠠᠨᠠ
2020ᠤᠨ ᠤ4 ᠰᠠᠷᠠᠢᠨ
10 ᠤ ᠡᠳᠦᠷ ᠪᠢᠴᠢᠪᠡ᠃