- ᠰᠠᠶᠢᠵᠢᠷᠠ
30377
ᠰᠢᠯᠥᠭ ᠦᠨ ᠰᠤᠷᠪᠤᠯᠵᠢ
2019-01-31 17:56
148
0
ᠡᠷᠡᠭᠡᠨ ᠂ ᠰᠠᠶᠢᠵᠢᠷᠠ
ᠡᠪᠥᠭᠡ ᠡᠮᠡᠭᠡ ᠳᠡᠭᠡᠳᠥᠰ ᠦᠨ ᠮᠠᠨᠢ
ᠦᠭᠡ ᠤᠭᠰᠠᠷᠠᠭᠠᠭᠤᠯᠳᠠᠭ ᠨᠢ ᠰᠢᠯᠥᠭᠯᠡᠯ ᠂
ᠡᠴᠢᠭᠡ ᠡᠬᠡ ᠶᠢᠨ ᠳᠠᠭᠤᠤ ᠡᠭᠡᠰᠢᠭᠯᠡᠭᠥᠨ
ᠡᠪᠡᠢ ᠪᠥᠤᠪᠠᠢ ᠨᠢ ᠤᠶᠠᠩᠭᠠ ᠨᠠᠶᠢᠷᠠᠭ ᠃
ᠦᠯᠢᠭᠡᠷ ᠲᠡᠤᠬᠡ ᠳᠤᠮᠤᠭ
ᠦᠢᠯᠡᠳᠥᠯᠭᠡ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠂
ᠬᠠᠭᠤᠴᠢᠯᠠᠯ ᠲᠤᠤᠯᠢ ᠬᠠᠶᠠᠯᠠᠯ
ᠬᠤᠰᠢᠷ ᠪᠠᠰᠢᠷ ᠶᠠᠷᠢᠶᠠᠨ ᠨᠢ ᠴᠤ ᠰᠢᠯᠥᠭ ᠃
ᠪᠥᠭᠡ ᠲᠦᠷᠭᠡᠨ ᠵᠠᠶᠢᠷᠠᠩ ᠤᠨ
ᠪᠥᠭᠡᠯᠡᠯᠭᠡ ᠶᠢᠨ ᠰᠤᠳᠤᠷ ᠴᠤ ᠰᠢᠯᠥᠭᠯᠡᠯ ᠂
ᠢᠳᠤᠭᠠᠨ ᠤᠯᠠᠭᠠᠴᠢᠳ ᠤᠨ ᠳᠠᠭᠤᠳᠠᠯᠭᠠ
ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠬᠢ ᠰᠤᠷᠪᠤᠯᠵᠢ ᠪᠢᠯᠨ ᠃
ᠤᠪᠤᠭᠠ ᠯᠤᠤᠰ ᠲᠠᠬᠢᠯᠭᠠ ᠶᠢᠨ ᠥᠴᠢᠯ
ᠤᠩᠭᠤᠳ ᠲᠡᠭᠷᠢ ᠶᠢᠨ ᠤᠷᠢᠯᠭᠠ ᠵᠠᠯᠠᠯᠭᠠ ᠂
ᠤᠩᠰᠢᠯᠭᠠ ᠳᠠᠯᠠᠯᠭᠠ ᠬᠤᠷᠤᠶᠢᠯᠠᠯ
ᠤᠯᠤᠰ ᠤᠯᠠᠨ ᠣ ᠳᠠᠭᠠᠳᠬᠠᠯ ᠴᠦ ᠰᠢᠯᠥᠭ ᠃
ᠠᠷᠠᠳ ᠤᠨ ᠳᠠᠭᠤᠤ ᠬᠤᠯᠪᠤᠭᠠ
ᠠᠮᠠᠨ ᠤᠯᠠᠮᠵᠢᠯᠠᠯ ᠢᠵᠢᠭᠤᠷ ᠰᠤᠶᠤᠯ ᠂
ᠮᠠᠭᠲᠠᠭᠠᠯ ᠢᠷᠥᠭᠡᠯ ᠵᠥᠩᠨᠡᠯ
ᠮᠠᠯᠴᠢᠳ ᠤᠨ ᠲᠤᠶᠢᠭ ᠤᠨ ᠳᠠᠭᠤᠤ ᠪᠥᠷ ᠰᠢᠯᠥᠭ ᠃
ᠵᠥᠢᠷ ᠰᠡᠴᠢᠨ ᠦᠭᠡᠰ
ᠵᠥᠴᠢᠭᠯᠡᠯ ᠨᠠᠶᠢᠷᠠᠭᠤᠯᠤᠯ
ᠶᠥᠮᠡᠷᠯᠢᠭ ᠬᠤᠱᠤᠩ ᠱᠤᠭ
ᠶᠥᠭᠡᠲᠡᠭᠡᠬᠥ ᠶᠤᠭᠲᠠᠯᠠᠯ ᠶᠤᠵᠤᠯᠠᠬᠤᠢ ᠴᠦ ᠰᠢᠯᠥᠭ ᠃
ᠤᠳᠬᠠ ᠤᠶ᠋ᠩᠭᠠ
ᠤᠷᠠᠨ ᠨᠠᠶᠢᠷᠠᠭᠯᠠᠯ ᠂
ᠢᠷᠠᠭᠤ ᠨᠠᠶᠢᠷᠠᠭ
ᠷᠤᠮᠠᠨ ᠲᠤᠭᠤᠵᠢ ᠵᠤᠬᠢᠶᠠᠯ ᠂ ᠰᠢᠯᠥᠭ ᠦᠨ ᠬᠤᠷᠢᠶᠠᠩᠭᠤᠢ ᠃
ᠤᠷᠠᠯᠢᠭ ᠬᠤᠯᠪᠤᠨ ᠦᠭᠥᠯᠡᠬᠥᠢ
ᠤᠬᠠᠭᠠᠯᠢᠭ ᠤᠷᠤᠰᠤᠮᠠ ᠴᠤᠢᠷ ᠬᠠᠶᠠᠯᠴᠠᠬᠤᠢ ᠂
ᠢᠷᠭᠤᠭᠤᠯᠠᠨ ᠢᠳᠬᠤᠭᠤᠯᠬᠤᠢ
ᠢᠯᠭᠤᠨ ᠬᠦᠦᠷᠨᠢᠯ ᠴᠦ ᠰᠢᠯᠥᠭ ᠶᠤᠮ ᠃
ᠰᠡᠷᠡᠯᠲᠡ ᠰᠡᠭᠡᠭᠡᠷᠡᠯᠲᠡ ᠰᠡᠴᠡᠷᠬᠡᠯᠡᠯ
ᠰᠡᠩᠬᠡᠷᠡᠯ ᠰᠡᠳᠬᠢᠯᠲᠡ ᠪᠤᠳᠤᠯᠲᠠ᠂
ᠰᠡᠳᠡᠯᠲᠡ ᠰᠡᠮᠡᠷᠡᠯᠲᠡ ᠤᠶᠢᠯᠠᠯ
ᠰᠡᠶᠢᠷᠡᠭᠥᠯᠥᠯ ᠤᠶᠠᠩᠭᠠᠯᠠᠯ ᠴᠦ ᠰᠢᠯᠥᠭ ᠃
ᠤᠷᠴᠠᠯᠠᠩ ᠬᠣᠷᠸᠠ ᠶᠢᠨ ᠭᠠᠶᠢᠬᠠᠮᠰᠢᠭ
ᠤᠩᠭᠤᠳ ᠪᠠᠭᠤᠭᠰᠠᠨ ᠰᠢᠯᠥᠭᠯᠡᠯ ᠂
ᠤᠶᠤᠨ ᠣ ᠤᠨᠳᠤᠷᠤᠯ ᠨᠠᠶᠢᠷᠠᠯ
ᠤᠬᠢ ᠰᠤᠳᠤᠨ ᠤᠢ ᠠᠴᠠ ᠨᠠᠶᠢᠷᠠᠭ ᠭᠠᠷᠤᠨᠠ ᠃
ᠪᠢᠯᠢᠭ ᠠᠪᠢᠶᠠᠰ ᠢᠶᠠᠷ ᠪᠢᠰᠢᠯᠭᠠᠭᠰᠠᠨ
ᠪᠢᠯᠬᠠᠮ ᠮᠡᠳᠡᠯᠭᠡ ᠶᠢᠨ ᠪᠢᠯᠢᠭᠥᠨ ᠤᠷᠤᠰᠬᠠᠯ ᠂
ᠪᠢᠲᠡᠭᠥᠬᠡᠨ ᠤᠳᠬᠠᠯᠠᠭᠰᠠᠨ ᠤᠴᠢᠯᠠᠯ
ᠪᠢᠴᠢᠭᠲᠡᠨ ᠮᠡᠷᠭᠡᠳ ᠦᠨ ᠨᠤᠮᠯᠠᠬᠤᠢ ᠠᠨᠤ ᠰᠢᠯᠥᠭ ᠃
ᠤᠬᠠᠭᠠᠨ ᠠᠴᠠ ᠤᠷᠭᠤᠬᠤᠢ ᠤᠷᠠᠯᠠᠯ
ᠤᠴᠢᠷᠯᠠᠨ ᠢᠯᠡᠳᠬᠡᠬᠥᠢ ᠦᠭᠥᠯᠡᠪᠦᠷᠢ ᠂
ᠪᠤᠳᠤᠯ ᠢᠶᠠᠷ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠬᠥᠭ
ᠪᠣᠳᠠᠲᠠᠢ ᠠᠮᠢᠳᠤᠷᠠᠯ ᠤᠨ ᠳᠠᠭᠤᠯᠠᠯ ᠪᠤᠯ ᠰᠢᠯᠥᠭ ᠃
ᠤᠭᠲᠤᠷᠭᠤᠢ ᠤᠳᠤᠳ ᠨᠠᠷᠠ ᠰᠠᠷᠠ
ᠤᠷᠢᠰᠢᠬᠤᠢ ᠠᠯᠢᠪᠠ ᠪᠦᠬᠥᠢ ᠪᠤᠳᠠᠰ ᠂
ᠤᠨ ᠵᠢᠯ ᠤᠯᠠᠷᠢᠯ ᠬᠤᠪᠢᠷᠠᠯ
ᠤᠨᠴᠤᠭᠤᠢ ᠬᠠᠴᠢᠨ ᠰᠤᠨᠢᠨ ᠦᠵᠡᠭᠳᠡᠯ ᠴᠦ ᠰᠢᠯᠥᠭ ᠃
ᠡᠭᠥᠯᠡ ᠮᠠᠨᠠᠨ ᠪᠤᠳᠠᠩ
ᠠᠶᠤᠩᠭᠠ ᠴᠠᠬᠢᠯᠭᠠᠨ ᠪᠤᠷᠤᠭᠠᠨ ᠰᠤᠯᠤᠩᠭᠠ ᠂
ᠠᠭᠤᠷ ᠠᠮᠢᠰᠬᠤᠯ ᠰᠠᠯᠬᠢ ᠮᠥᠨᠳᠥᠷ
ᠴᠠᠰᠤ ᠰᠢᠭᠤᠷᠭᠠ ᠬᠦᠢᠲᠡᠨ ᠬᠥᠯᠳᠡᠭᠦᠥ ᠴᠦ ᠰᠢᠯᠥᠭ ᠃
ᠠᠭᠤᠯᠠ ᠤᠰᠤ ᠦᠩᠭᠡ ᠦᠵᠡᠮᠵᠢ
ᠠᠭᠤᠳᠠᠮ ᠲᠠᠯᠠ ᠡᠯᠡᠰᠥ ᠨᠠᠮᠤᠭ ᠂
ᠠᠯᠠᠭ ᠴᠡᠴᠡᠭ ᠤᠷᠭᠤᠮᠠᠯ ᠪᠦᠬᠥᠳᠡ
ᠠᠮᠢ ᠠᠬᠤᠢ ᠴᠥᠮ ᠰᠢᠯᠥᠭ ᠃
ᠤᠯᠤᠰ ᠭᠥᠷᠥᠨ ᠣ ᠤᠷᠤᠰᠢᠯ ᠲᠤᠭᠲᠠᠨᠢᠯ
ᠤᠭᠰᠠᠭᠠᠲᠠᠨ ᠦᠨᠳᠥᠰᠥᠲᠡᠨ ᠣ ᠠᠵᠥ ᠤᠨᠳᠤᠷᠠᠯ ᠂
ᠬᠠᠮᠲᠤᠷᠠᠯ ᠪᠦᠯᠬᠥᠮᠳᠡᠯ ᠨᠠᠶᠢᠷᠠᠮᠳᠠᠯ ᠨᠦᠬᠥᠷᠯᠡᠯ
ᠬᠠᠶᠢᠷᠠ ᠬᠠᠯᠠᠮᠵᠢᠯᠠᠯ ᠬᠠᠯᠠᠭᠤᠨ ᠳᠡᠮᠵᠢᠯᠭᠡ ᠴᠦ ᠰᠢᠯᠥᠭ ᠃
ᠡᠩᠬᠡ ᠲᠠᠶᠢᠪᠤᠩ ᠡᠷᠡᠭᠥᠯ ᠮᠡᠨᠳᠥ
ᠡᠷᠲᠡᠨ ᠡᠳᠥᠭᠡ ᠡᠷᠳᠡᠮ ᠰᠤᠶᠤᠯ ᠂
ᠬᠤᠪᠢᠰᠬᠠᠯ ᠥᠭᠡᠷᠡᠴᠢᠯᠡᠯᠲᠡ ᠬᠤᠪᠢᠷᠠᠯᠲᠠ
ᠬᠤᠪᠢ ᠪᠡᠶᠡ ᠬᠤᠶᠢᠴᠢ ᠦᠶᠡ ᠴᠦᠮ ᠰᠢᠯᠥᠭ ᠃
ᠬᠦᠰᠡᠯ ᠡᠷᠡᠮᠡᠯᠵᠢᠯᠡᠯ ᠬᠥᠭᠡᠴᠡᠯᠳᠥᠯ
ᠬᠦᠷᠬᠥ ᠢᠷᠥᠭᠡᠳᠥᠢ ᠬᠠᠷᠠᠯᠲᠠ ᠂
ᠬᠦᠮᠥᠨ ᠣ ᠰᠠᠶᠢᠨ ᠰᠠᠶᠢᠬᠠᠨ ᠦᠢᠯᠡᠰ
ᠬᠦᠭᠵᠢᠯᠲᠡ ᠡᠭᠦᠳᠡᠯᠲᠡ ᠪᠦᠲᠥᠭᠡᠯ ᠮᠦᠨ ᠰᠢᠯᠥᠭ ᠃
ᠦᠴᠥᠬᠡᠨ ᠬᠦᠮᠥᠨ ᠣ ᠦᠭᠡ ᠦᠭᠥᠯᠡᠯ ᠴᠦ
ᠦᠨᠡᠬᠡᠷ ᠢᠷᠠᠭᠤ ᠨᠠᠶᠢᠷᠠᠭ ᠪᠠᠶᠢᠵᠥ ᠮᠡᠳᠡᠨᠡ ᠂
ᠶᠠᠳᠠᠷᠬᠠᠨ ᠬᠥᠭᠰᠢᠨ ᠦ ᠶᠠᠩᠰᠢᠶᠠ ᠴᠦ
ᠶᠠᠭ ᠦᠭᠡᠢ ᠰᠠᠶᠢᠬᠠᠨ ᠰᠢᠯᠥᠭ ᠪᠠᠶᠢᠵᠥ ᠪᠤᠯᠤᠨᠠ ᠃
ᠳᠡᠭᠡᠳᠥ ᠬᠡᠮᠵᠢᠶᠡᠨ ᠣ ᠲᠦᠪᠯᠡᠷᠡᠭᠥᠯᠥᠨ ᠬᠤᠷᠶᠶᠠᠩᠭᠤᠶᠢᠯᠠᠬᠤ
ᠳᠠᠩᠳ᠋ᠠ ᠤᠶᠠᠩᠭᠠᠯᠢᠭ ᠬᠦᠷᠨᠢᠬᠥᠢ ᠰᠡᠳᠬᠢᠯᠭᠡ ᠂
ᠠᠮᠢᠳᠤᠯᠢᠭ ᠳᠦᠷᠰᠥᠯᠢᠭ ᠵᠢᠷᠤᠭᠯᠠᠯ
ᠢᠷᠠᠭᠤ ᠰᠠᠶᠢᠬᠠᠨ ᠬᠡᠯᠡ ᠬᠡᠯᠡᠯᠭᠡ ᠪᠤᠯ ᠰᠢᠯᠥᠭ ᠃
ᠴᠢᠯᠥᠭᠡᠲᠥ ᠬᠡᠮᠵᠢᠶᠡᠲᠥ ᠵᠠᠳᠠᠭᠠᠢ
ᠬᠤᠷᠴᠠ ᠰᠤᠩᠭᠤᠳᠠᠭ ᠂
ᠬᠥᠭᠵᠢᠮᠯᠢᠭ ᠠᠶᠢᠵᠢᠮᠯᠢᠭ
ᠬᠤᠯᠪᠤᠴᠠ ᠴᠤᠬᠢᠯᠠᠭᠠ ᠡᠩ ᠵᠤᠬᠢᠴᠠᠪᠠᠯ ᠰᠢᠯᠥᠭ ᠃
ᠬᠦᠮᠥᠨ ᠣ ᠰᠡᠳᠬᠢᠯ ᠦᠨ ᠬᠦᠪᠴᠢ ᠶ᠋ᠢ ᠴᠢᠪᠬᠠᠳᠠᠬᠤᠢ
ᠬᠥᠭᠵᠢᠮ ᠳᠠᠭᠤᠤ ᠠᠶᠠᠯᠭᠤ ᠡᠭᠡᠰᠢᠭ ᠂
ᠶᠢᠷᠲᠢᠨᠴᠥ ᠳᠡᠯᠡᠬᠡᠢ ᠶᠢᠨ ᠶᠠᠭᠤ ᠪᠦᠬᠥᠨ
ᠶᠢᠷᠥᠨᠢ ᠰᠢᠯᠥᠭᠴᠢ ᠳ᠋ᠥ ᠰᠢᠯᠥᠭ ᠪᠡᠯᠡᠭᠯᠡᠳᠡᠭ ᠪᠠᠶᠢᠨᠠᠮ ᠃
ᠡᠷᠡᠭᠡᠨ ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ ᠂
2019ᠤᠨ ᠣ1 ᠰᠠᠷᠠᠶᠢᠨ31 ᠣ ᠡᠳᠦᠷ ᠂
ᠬᠠᠶᠢᠯᠠᠷ ᠲᠤᠭᠤᠷᠢᠭ ᠲᠣ ᠪᠢᠴᠢᠪᠡᠢ ᠃