ᠡᠷᠡᠭᠡᠨ ᠂ ᠰᠠᠶᠢᠵᠢᠷᠠ    
1᠂ ᠨᠠᠷᠠᠨ ᠰᠠᠷᠠᠨ ᠤᠳᠤᠳ ᠢᠪᠡᠭᠡ   
    ᠨᠠᠪᠲᠠᠭ ᠰᠠᠪᠳᠠᠭ ᠯᠤᠤᠰ  ᠢᠪᠡᠭᠡ᠂    
    ᠠᠷᠰᠢ ᠪᠤᠭᠲᠠ ᠬᠤᠪᠢᠯᠭᠠᠨ ᠢᠪᠡᠭᠡ    
    ᠠᠮᠪᠠᠨ ᠤᠪᠤᠭᠠᠨ ‍ᠣ ᠡᠵᠡᠳ  ᠢᠪᠡᠭᠡ ᠢᠪᠡᠭᠡ᠃    
         ᠡᠷᠡᠭᠦᠯ ᠡᠩᠬᠡ  ᠶᠢᠨ ᠰᠢᠳᠢᠰ  ᠬᠤᠷᠤᠢ   
         ᠡᠷᠳᠡᠮ ᠤᠬᠠᠭᠠᠨ ‍ᠣ ᠤᠶᠤᠨ ᠬᠤᠷᠤᠢ ᠂    
         ᠦᠷ᠎ᠡ ᠶᠢᠨ ᠵᠠᠶᠠᠭᠠᠨ ‍ᠣ ᠪᠤᠶᠠᠨ  ᠬᠤᠷᠤᠢ   
         ᠦᠯᠵᠡᠢ ᠬᠤᠲᠤᠭ ᠤᠨ ᠬᠡᠰᠢᠭ ᠬᠤᠷᠤᠢ    
          ᠬᠤᠷᠤᠢ   ᠬᠤᠷᠤᠢ   ᠬᠤᠷᠤᠢ ᠬᠤᠷᠤᠢ    
2᠂ ᠲᠦᠮᠡᠨ ᠲᠡᠭᠷᠢ   ᠶᠢᠨ ᠲᠦᠯᠴᠢᠷ  ᠦᠷᠥᠰᠢᠶ᠎ᠡ   
    ᠲᠥᠪ ᠦᠯᠵᠡᠶᠢᠲᠥ ᠶᠢᠨ ᠰᠢᠲᠥᠭᠡᠨ  ᠦᠷᠥᠰᠢᠶ᠎ᠡ᠂    
    ᠪᠤᠮᠠᠨ ᠲᠡᠭᠷᠢ ᠶᠢᠨ ᠪᠤᠯᠴᠢᠷ ᠦᠷᠥᠰᠢᠶ᠎ᠡ    
    ᠪᠠᠭᠤᠮᠠᠯ ᠤᠩᠭᠤᠳ ᠰᠠᠬᠢᠭᠤᠯᠰᠤᠨ ᠦᠷᠥᠰᠢᠶ᠎ᠡ ᠦᠷᠡᠰᠢᠶ᠎ᠡ ᠃    
          ᠠᠷᠠᠳ ᠤᠯᠠᠨ ‍ᠣ ᠠᠮᠤᠭᠤᠯᠠᠩ ᠬᠤᠷᠤᠢ   
          ᠠᠵᠢᠯ ᠦᠢᠯᠡᠰ ᠦᠨ ᠠᠮᠵᠢᠯᠲᠠ ᠬᠤᠷᠤᠢ᠂    
          ᠠᠯᠲᠠ ᠮᠥᠩᠭᠥ ᠡᠷᠳᠡᠨᠢᠰ ᠬᠤᠷᠤᠢ   
          ᠠᠵᠠ ᠬᠡᠶ ᠮᠤᠷᠢ ᠵᠤᠯᠪᠤᠭ᠎ᠠ ᠬᠤᠷᠤᠢ    
          ᠬᠤᠷᠤᠢ   ᠬᠤᠷᠤᠢ    ᠬᠤᠷᠤᠢ  ᠬᠤᠷᠤᠢ   
3᠂ ᠶᠡᠬᠡ ᠬᠠᠭᠠᠨ ᠬᠤᠷᠮᠤᠰᠤᠨ ᠡᠨᠡᠷᠢ ᠡ    
     ᠶᠢᠷᠢ ᠶᠢᠰᠥᠨ ᠲᠡᠭᠷᠢ ᠡᠨᠡᠷᠢ ᠡ ᠂    
     ᠡᠴᠢᠭᠡ ᠮᠡᠩᠬᠡᠨ ᠲᠡᠭᠷᠢ ᠡᠨᠡᠷᠢ ᠡ   
     ᠶᠢᠷᠲᠢᠨᠴᠥ ᠶᠢᠨ ᠤᠯᠠᠨ ᠰᠢᠳᠢᠲᠡᠡ ᠡᠨᠡᠷᠢ ᠡ ᠡᠨᠡᠷᠢ ᠡ ᠃    
          ᠠᠷᠠᠰᠢᠶᠠᠨ ᠬᠤᠷ᠎ᠠ ᠲᠤᠨᠳᠠᠰᠤ ᠬᠤᠷᠤᠢ   
          ᠠᠮᠢ ᠠᠬᠤᠢ ᠶᠢᠨ ᠲᠡᠩᠴᠡᠯ ᠬᠤᠷᠤᠢ᠂    
           ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠬᠡᠰᠢᠭ ᠬᠤᠷᠤᠢ    
          ᠲᠠᠪᠤᠨ ᠲᠠᠷᠢᠶᠠᠨ ‍ᠣ ᠬᠤᠷᠢᠶᠠᠯᠲᠠ ᠬᠤᠷᠤᠢ    
           ᠬᠤᠷᠤᠢ  ᠬᠤᠷᠤᠢ  ᠬᠤᠷᠤᠢ  ᠬᠤᠷᠤᠢ   
4᠂ ᠬᠢᠯᠠᠭᠠᠨ ᠤᠪᠤᠭᠠᠨ ‍ᠣ ᠷᠢᠳᠢ ᠰᠠᠬᠢ ᠡ    
     ᠬᠠᠲᠤᠨ ᠳᠡᠯᠡᠬᠡᠢ ᠶᠢᠨ ᠡᠲᠦᠬᠡᠨ ᠰᠠᠬᠢ ᠡ ᠂    
     ᠬᠠᠷ᠎ᠠ ᠶᠢᠨ ᠰᠢᠲᠦᠭᠡᠨ ‍ᠣ ᠬᠠᠭᠠᠳ  ᠰᠠᠬᠢ ᠡ   
     ᠬᠠᠮᠤᠭ ᠤᠪᠢᠳᠠᠰᠲᠤ ᠤᠳᠢᠴᠢ ᠰᠠᠬᠢ ᠡ ᠰᠠᠬᠢ ᠡ ᠃    
           ᠡᠩᠬᠡ ᠲᠠᠶᠢᠪᠤᠩ ᠬᠤᠷᠸ᠎ᠠ ᠬᠤᠷᠤᠢ    
           ᠡᠪ ᠨᠠᠶᠢᠷᠲᠠᠢ ᠠᠮᠢᠳᠤᠷᠠᠯ ᠬᠤᠷᠤᠢ᠂    
           ᠡᠷ᠎ᠡ ᠬᠦᠮᠥᠨ ‍ᠣ ᠰᠦᠯᠳᠡ ᠬᠤᠷᠤᠢ    
          ᠡᠭᠦᠷᠢᠳᠡ  ᠮᠥᠩᠬᠡᠵᠢᠬᠥ  ᠵᠠᠶᠠᠭ᠎ᠠ ᠬᠤᠷᠤᠢ    
           ᠬᠤᠷᠤᠢ   ᠬᠤᠷᠤᠢ   ᠬᠤᠷᠤᠢ ᠬᠤᠷᠤᠢ ᠃    
    
              ᠡᠷᠡᠭᠡᠨ ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ ᠂    
              2018.8.25 ‍ᠣ ᠡᠳᠦᠷ ᠂    
               ᠬᠠᠶᠢᠯᠠᠷ ᠬᠤᠲᠠᠨ᠎ᠠ ᠪᠢᠴᠢᠪᠡᠢ ᠃