-
159756
ᠲᠤᠤᠯᠢ ᠵᠠᠩᠭᠠᠷ ᠤᠨ ᠨᠢᠭᠤᠴᠨ
2019-10-31 16:01
295
0
ᠲᠤᠤᠯᠢ ᠵᠠᠩᠭᠠᠷ ᠤᠨ ᠨᠢᠭᠤᠴᠨ
ᠲᠤᠤᠯᠢ ᠵᠠᠩᠭᠠᠷ ᠲᠤ ᠵᠠᠩᠭᠠᠷ᠂ ᠬᠤᠩᠭᠤᠷ ᠭᠡᠬᠦ ᠬᠤᠶᠠᠷ ᠲᠤᠮᠤ ᠳᠦᠷᠢ ᠪᠤᠢ᠂ ᠵᠠᠩᠭᠠᠷ ᠪᠠᠢᠬᠤ ᠦᠬᠡᠢ ᠪᠤᠯ ᠠᠷᠤ ᠪᠤᠮᠪᠠ ᠶᠢᠨ ᠤᠷᠤᠨ ᠪᠠᠢᠬᠤ ᠦᠬᠡᠢ ᠭᠡᠴᠢᠬᠡᠳ᠂ ᠬᠤᠩᠭᠤᠷ ᠡᠰᠨ ᠪᠦᠭᠡᠰᠦ ᠠᠷᠤ ᠪᠤᠮᠪᠠ ᠶᠢᠨ ᠤᠷᠤᠨ ᠪᠠᠰᠨ ᠪᠠᠢᠬᠤ ᠦᠬᠡᠢ ᠭᠡᠰᠡᠨ ᠰᠠᠨᠠᠭᠠ ᠶᠢ ᠳᠠᠪᠬᠤᠷ ᠭᠠᠷᠭᠠᠨᠠ᠂ ᠲᠤᠤᠯᠢ ᠶᠢᠨ ᠤᠢᠯᠨ ᠶᠠᠪᠤᠳᠠᠯ ᠭᠡᠳ ᠡᠨᠡ ᠬᠤᠶᠠᠷ ᠬᠦᠮᠦᠨ ᠣ ᠳᠦᠷᠢ ᠳᠡᠭᠡᠷᠠ ᠢᠷᠠᠭᠤ ᠲᠤᠳᠤ ᠪᠤᠯᠳᠠᠭ᠃
ᠪᠢᠳᠡᠨ ᠣ ᠠᠵᠢᠭᠯᠠᠭᠰᠠᠨ ᠢᠶᠠᠷ᠂ ᠲᠤᠤᠯᠢ ᠵᠠᠩᠭᠠᠷ ᠨᠢ ᠰᠡᠳᠤᠪ ᠤᠨ ᠬᠤᠪᠢ ᠳᠤ ᠾᠦᠩᠨᠦ ᠶᠢᠨ ᠲᠡᠥᠬᠡ ᠡᠴᠡ ᠰᠡᠳᠤᠪᠯᠡᠭᠰᠡᠨ ᠪᠠᠢᠬᠤ ᠪᠦᠭᠡᠳ ᠨᠢᠬᠡᠨ ᠳᠦ ᠾᠦᠩᠨᠦ ᠭᠦᠷᠦᠨ ᠢ ᠪᠠᠢᠭᠤᠯᠤᠭᠴᠢ ᠮᠤᠳᠤᠭᠤ ᠴᠠᠨ ᠢᠥᠢ ᠪᠤᠯᠤᠨ ᠲᠡᠬᠦᠨ ᠣ ᠤᠢᠯᠨ ᠬᠡᠷᠡᠭ ᠢ᠂ ᠬᠤᠶᠠᠷ ᠲᠤ ᠮᠤᠳᠤᠭᠤ ᠴᠠᠨ ᠢᠥᠢ ᠡᠴᠡ ᠬᠡᠳᠦᠨ ᠵᠠᠭᠤᠨ ᠵᠢᠯ ᠦᠨ ᠳᠠᠷᠠᠭᠠᠬᠢ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠦᠵᠤᠯᠤ ᠴᠠᠨ ᠢᠥᠢ ᠪᠤᠯᠤᠨ ᠲᠡᠬᠦᠨ ᠣ ᠵᠠᠯᠭᠠᠮᠵᠢᠯᠠᠭᠴᠢᠳ ᠤᠨ ᠤᠢᠯᠨ ᠬᠡᠷᠡᠭ ᠢ ᠲᠤᠰᠬᠠᠭᠰᠠᠨ ᠪᠠᠢᠨᠠ᠂ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠲᠤᠤᠯᠢ ᠵᠠᠩᠭᠠᠷ ᠨᠢ ᠾᠦᠩᠨᠦ ᠭᠦᠷᠦᠨ ᠣ ᠬᠦᠴᠦᠲᠠᠢ ᠴᠢᠬᠢᠷᠠᠭ ᠪᠠᠢᠭᠰᠠᠨ ᠬᠤᠶᠠᠷ ᠴᠠᠭ ᠦᠶᠡ ᠶᠢ ᠬᠠᠮᠤᠷᠠᠭᠰᠠᠨ ᠪᠦᠭᠡᠳ ᠡᠨᠡ ᠨᠢ ᠲᠤᠤᠯᠢ ᠵᠠᠩᠭᠠᠷ ᠤᠨ ᠠᠭᠤᠯᠭᠠ ᠶᠢᠨ ᠭᠤᠤᠯ ᠴᠢᠮᠦᠬᠡ ᠪᠤᠯᠤᠨᠠ᠃
ᠮᠤᠳᠤᠭᠤ ᠴᠠᠨ ᠢᠥᠢ ᠭᠡᠪᠡᠯ᠂ ᠭᠠᠭᠴᠠᠬᠠᠨ ᠵᠢᠱᠢᠶᠡ ᠲᠠᠲᠠᠶᠠ ᠭᠡᠵᠤ ᠪᠤᠳᠤᠵᠤ ᠪᠠᠢᠨᠠ᠂ ᠬᠢᠲᠠᠳ ᠤᠨ ᠡᠷᠲᠡᠨ ᠣ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠳᠤ᠂ ᠮᠤᠳᠤᠭᠤ ᠴᠠᠨ ᠢᠥᠢ ᠶᠢᠨ ᠲᠤᠬᠠᠢ ᠨᠢᠬᠡᠨ ᠭᠠᠢᠬᠠᠮᠰᠢᠭᠲᠤ ᠲᠡᠮᠳᠡᠭᠯᠡᠯ ᠪᠤᠢ᠂ ᠲᠡᠷᠨ ᠨᠢ ᠬᠢᠲᠠᠳ ᠤᠨ ᠠᠩᠬᠠᠨ ᠣ ᠪᠠᠷᠢᠮᠲᠠᠲᠠᠢ ᠲᠡᠥᠬᠡ ᠬᠡᠮᠡᠨ ᠦᠨᠡᠯᠡᠭᠳᠡᠭᠰᠡᠨ ᠰᠧ ᠮᠠ ᠴᠢᠶᠠᠨ ᠣ︽ᠲᠡᠥᠬᠡᠨ ᠲᠡᠮᠳᠡᠭᠯᠡᠯ︾ᠪᠦᠭᠡᠳ︽ᠾᠦᠩᠨᠦ ᠶᠢᠨ ᠱᠠᠰᠲᠢᠷ︾ᠬᠡᠮᠡᠬᠦ ᠲᠤᠰᠬᠠᠢᠯᠠᠨ ᠾᠦᠩᠨᠦ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠦᠯᠦᠭ ᠪᠤᠢ ᠠᠵᠠᠢ᠂ ᠲᠡᠬᠦᠨ ᠳᠦ᠄ ᠮᠤᠳᠤᠭᠤ ᠴᠠᠨ ᠢᠥᠢ ᠪᠤᠯᠤᠭᠰᠠᠨ ᠣ ᠳᠠᠷᠠᠭᠠ᠂ ᠵᠡᠬᠦᠨ ᠵᠦᠭ ᠲᠦ ᠪᠤᠢ ᠳ᠋ᠦᠩᠬᠤ ᠠᠢᠮᠠᠭ ᠡᠯᠴᠢ ᠶᠠᠪᠤᠭᠤᠯᠤᠨ᠂ ᠮᠤᠳᠤᠭᠤ ᠠᠴᠠ ᠡᠴᠢᠬᠡ ᠶᠢᠨ ᠬᠢᠨᠢ ᠤᠨᠤᠵᠤ ᠪᠠᠢᠭᠰᠠᠨ ᠠᠷᠭᠤᠮᠠᠭ ᠬᠦᠯᠦᠭ ᠢ ᠪᠡᠨ ᠦᠭ ᠭᠡᠪᠡ᠂ ᠮᠤᠳᠤᠭᠤ᠂ ᠰᠠᠢᠳ ᠲᠦᠰᠢᠮᠡᠳ ᠡᠴᠡ ᠪᠠᠨ ᠠᠰᠠᠭᠤᠨᠠ᠂ ᠰᠠᠢᠳ ᠲᠦᠰᠢᠮᠡᠳ ᠨᠢ᠄ ᠠᠷᠭᠤᠮᠠᠭ ᠬᠦᠯᠦᠭ ᠭᠡᠵᠤ ᠠᠳᠤᠭᠤᠨ ᠣ ᠮᠠᠨᠢ ᠮᠠᠩᠯᠠᠢ ᠪᠤᠶᠤ᠂ ᠠᠯᠢ ᠾᠦᠩᠨᠦ ᠪᠢᠳᠡᠨ ᠣ ᠠᠯᠳᠠᠵᠤ ᠪᠤᠯᠤᠰᠢ ᠦᠬᠡᠢ ᠡᠷᠳᠡᠨᠢ ᠪᠤᠶᠤ᠂ ᠦᠭᠴᠦ ᠪᠤᠯᠬᠤ ᠦᠬᠡᠢ ᠬᠡᠴᠡᠭᠡᠳᠡᠭ ᠪᠠᠢᠨᠠ᠃ ᠮᠤᠳᠤᠭᠤ᠄ ᠢᠷᠬᠢ ᠳᠠᠷᠤᠨ ᠠᠮᠢᠳᠤᠷᠠᠭᠰᠠᠨ ᠠᠢᠯ ᠠᠴᠠ ᠪᠠᠨ᠂ ᠶᠡᠷᠦ ᠨᠢ ᠭᠠᠭᠴᠨ ᠮᠤᠷᠢ ᠬᠠᠷᠠᠮᠠᠯᠠᠭᠠᠳ ᠶᠠᠭᠠᠬᠢᠨᠠ ᠭᠡᠳ ᠦᠭᠬᠦᠨᠡ᠃ ᠠᠶᠤᠨ ᠰᠦᠷᠳᠡᠪᠡ ᠬᠡᠮᠡᠨ ᠳ᠋ᠦᠩᠬᠤ ᠨᠠᠷ ᠠᠬᠢᠭᠠᠳ ᠡᠯᠴᠢ ᠬᠦᠶᠦᠯᠬᠡᠨ᠂ ᠬᠠᠲᠤᠨ ᠠᠴᠠ ᠪᠠᠨ ᠦᠭ ᠬᠡᠨᠡ᠂ ᠮᠤᠳᠤᠭᠤ᠂ ᠠᠬᠢᠭᠠᠳ ᠲᠦᠰᠢᠮᠡᠳ ᠡᠴᠡ ᠪᠡᠨ ᠠᠰᠠᠭᠤᠨᠠ᠂ ᠲᠦᠰᠢᠮᠡᠳ ᠨᠢ ᠠᠭᠤᠷᠯᠠᠨ ᠬᠢᠯᠢᠩᠨᠠᠵᠤ᠄ ᠬᠠᠷᠠ ᠡᠯᠢᠬᠡᠲᠤ ᠳ᠋ᠦᠩᠬᠤ ᠨᠠᠷ᠂ ᠬᠠᠲᠤᠨ ᠡᠵᠢ ᠳᠦ ᠮᠢᠨᠢ ᠰᠠᠨᠠᠭᠠᠰᠢᠷᠬᠠᠵᠤ ᠪᠠᠢᠨᠠ᠂ ᠬᠠᠳᠬᠤᠯᠠᠳᠤᠶᠠ᠂ ᠪᠠᠢᠯᠳᠤᠶᠠ ᠬᠡᠴᠡᠬᠡᠪᠠ᠃ ᠮᠤᠳᠤᠭᠤ ᠠᠴᠠ᠄ ᠵᠠ᠂ ᠶᠠᠭᠠᠬᠢᠬᠤᠪ᠂ ᠢᠷᠬᠢ ᠳᠠᠷᠤᠨ ᠠᠮᠢᠳᠤᠷᠠᠭᠰᠠᠨ ᠠᠢᠯ ᠠᠴᠠ ᠪᠠᠨ᠂ ᠶᠡᠷᠦ ᠨᠢ ᠭᠠᠭᠴᠨ ᠡᠮᠠ ᠬᠠᠷᠠᠮᠠᠯᠠᠭᠠᠳ ᠶᠠᠭᠠᠬᠢᠨᠠ ᠭᠡᠳ᠂ ᠬᠠᠲᠤᠨ ᠠᠴᠠ ᠪᠠᠨ ᠦᠭᠬᠦᠨᠡ᠂ ᠳ᠋ᠦᠩᠬᠤ ᠤᠯᠠᠮ ᠤᠮᠤᠷᠬᠠᠵᠤ᠂ ᠪᠠᠷᠠᠭᠤᠨᠰᠢ ᠪᠠᠨ ᠲᠦᠷᠢᠪᠠ᠃ ᠾᠦᠩᠨᠦ ᠳ᠋ᠦᠩᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠨᠢᠬᠡᠨ ᠭᠠᠵᠠᠷ ᠪᠤᠢ᠂ ᠬᠦᠮᠦᠨ ᠦᠬᠡᠢ ᠡᠵᠡᠬᠦᠢ᠂ ᠮᠢᠩᠭᠠ ᠢᠯᠡᠬᠦᠦ ᠭᠠᠵᠠᠷ ᠬᠡᠨᠡ᠂ ᠵᠠᠬᠠ ᠬᠢᠵᠠᠭᠠᠷ ᠢᠶᠠᠷ ᠨᠢ ᠰᠠᠭᠤᠵᠤ ᠤᠲᠤᠷᠯᠠᠳᠠᠭ ᠪᠠᠢᠪᠠ᠂ ᠳ᠋ᠦᠩᠬᠤ ᠡᠯᠴᠢ ᠶᠠᠪᠤᠭᠤᠯᠤᠨ᠂ ᠮᠤᠳᠤᠭᠤ ᠠᠴᠠ᠄ ᠲᠠᠨ ᠣ ᠪᠤᠯᠤᠨ ᠮᠠᠨ ᠣ ᠤᠲᠤᠷ ᠤᠨ ᠵᠠᠬᠠ ᠬᠢᠵᠠᠭᠠᠷ ᠢᠶᠠᠷ ᠨᠢᠭᠡᠨ ᠡᠵᠡᠬᠦᠢ ᠭᠠᠵᠠᠷ ᠪᠤᠢ᠂ ᠲᠠᠨᠠᠷ ᠤᠨ ᠬᠦᠴᠦ ᠬᠦᠷᠬᠦ ᠦᠬᠡᠢ᠂ ᠪᠢᠳᠡᠨ ᠳᠦ ᠦᠭ ᠬᠡᠵᠠᠢ᠃ ᠮᠤᠳᠤᠭᠤ ᠳᠠᠬᠢᠭᠠᠳ ᠲᠦᠰᠢᠮᠡᠯ ᠦᠳ ᠡᠴᠡ ᠪᠡᠨ ᠠᠰᠠᠭᠤᠨᠠ᠃ ᠲᠦᠰᠢᠮᠡᠳ ᠨᠢ ᠵᠢᠷᠦᠭᠡᠰᠢᠶᠡᠵᠤ᠂ ᠄ ᠡᠨᠡ ᠭᠠᠵᠠᠷ ᠪᠤᠯᠪᠠᠰᠤ ᠡᠵᠡᠬᠦᠢ ᠭᠠᠵᠠᠷ ᠪᠤᠯᠠᠢ᠂ ᠦᠭᠬᠦᠭᠰᠡᠨ ᠴᠤ ᠪᠤᠯᠤᠨᠠ᠂ ᠡᠰᠨ ᠦᠭᠬᠦᠭᠰᠡᠨ ᠴᠤ ᠪᠤᠯᠤᠨᠠ ᠬᠡᠴᠡᠬᠡᠪᠡ ᠬᠡᠨᠡ᠃ ᠮᠤᠳᠤᠭᠤ ᠬᠢᠯᠢᠩᠨᠠᠵᠤ᠂ ᠭᠠᠵᠠᠷ ᠨᠤᠲᠤᠭ ᠤᠰᠤ ᠪᠤᠯ ᠲᠦᠷᠦ ᠶᠢᠨ ᠦᠨᠳᠦᠰᠦ᠂ ᠠᠯᠳᠠᠵᠤ ᠶᠠᠭᠠᠬᠢᠨ ᠪᠤᠯᠬᠤ ᠪᠤᠢ ᠭᠡᠳ᠂ ᠦᠭᠬᠦᠨᠡ ᠭᠡᠰᠡᠨ ᠢ ᠨᠢ ᠦᠬᠦᠯ ᠦᠨ ᠬᠠᠭᠠᠯᠭᠠ ᠤᠷᠤᠭᠤ ᠲᠠᠭᠤᠪᠠ᠂ ᠳᠠᠷᠤᠢᠬᠠᠨ ᠠᠭᠲᠠᠨ ᠳᠠᠭᠠᠨ ᠮᠤᠷᠳᠠᠵᠤ᠂ ᠳᠠᠢᠨ ᠠᠴᠠ ᠬᠤᠴᠤᠷᠤᠭᠰᠠᠳ ᠪᠠᠢᠪᠠᠰᠤ᠂ ᠳᠠᠯᠳ᠋ᠨ ᠪᠤᠯᠭᠠ ᠬᠡᠮᠡᠨ ᠬᠠᠲᠠᠭᠤ ᠵᠠᠷᠯᠢᠭᠳᠠᠨ᠂ ᠳ᠋ᠦᠩᠬᠤ ᠢ ᠳᠠᠢᠯᠠᠪᠠ᠃ ᠳ᠋ᠦᠩᠬᠤ ᠭᠡᠵᠤ ᠠᠩᠬᠠ ᠮᠤᠳᠤᠭᠤ ᠶᠢ ᠳᠤᠤᠷᠠ ᠦᠵᠡᠵᠦ ᠪᠠᠢᠭᠰᠠᠨ᠂ ᠳᠡᠭᠡᠷᠠ ᠨᠢ ᠪᠡᠯᠡᠳᠬᠡᠯ ᠦᠬᠡᠢ ᠪᠠᠢᠭᠰᠠᠨ᠂ ᠾᠦᠩᠨᠦ ᠪᠡᠯᠡᠳᠬᠡᠯ ᠲᠠᠢ ᠤᠴᠢᠷ᠂ ᠳ᠋ᠦᠩᠬᠤ ᠢ ᠶᠡᠬᠡᠪᠡᠷ ᠢᠯᠠᠵᠤ᠂ ᠳ᠋ᠦᠩᠬᠤ ᠶᠢᠨ ᠸᠠᠩ ᠢ ᠠᠯᠠᠵᠤ᠂ ᠤᠯᠤᠰ ᠢ ᠨᠢ ᠮᠦᠬᠦᠬᠡᠨᠡ᠂ ᠬᠦᠮᠦᠨ ᠠᠷᠠᠳ ᠪᠤᠯᠤᠨ ᠮᠠᠯ ᠠᠭᠤᠷᠠᠰᠤ ᠶᠢ ᠨᠢ ᠤᠯᠵᠠᠯᠠᠪᠠ︾ᠭᠡᠵᠤ ᠲᠡᠮᠳᠡᠭᠯᠡᠵᠡᠢ᠃
ᠡᠨᠡ ᠪᠤᠯᠪᠠᠰᠤ ᠮᠤᠳᠤᠭᠤ᠂ ᠰᠢᠨᠡᠬᠡᠨ ᠡᠴᠢᠬᠡ ᠶᠢᠨ ᠬᠢ ᠪᠡᠨ ᠴᠠᠨ ᠢᠥᠢ ᠶᠢᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠭᠰᠠᠨ ᠦᠶᠡ ᠪᠠᠢᠭᠰᠠᠨ ᠪᠦᠬᠡᠳ ᠬᠠᠲᠠᠭᠤ ᠱᠠᠭᠠᠷᠳᠠᠯᠭᠠ ᠲᠤᠯᠭᠠᠭᠰᠠᠨ ᠬᠠᠷᠢ ᠶᠢᠨ ᠡᠯᠴᠢᠨ ᠳᠦ ᠮᠤᠳᠤᠭᠤ ᠬᠠᠷᠢᠭᠤ ᠪᠠᠷᠢᠭᠰᠠᠨ ᠦᠯᠢᠭᠡᠷ ᠪᠤᠯᠤᠨᠠ᠂ ᠮᠤᠳᠤᠭᠤ ᠴᠠᠨ ᠢᠥᠢ ᠤᠬᠠᠭᠠᠨ ᠪᠢᠯᠢᠭ ᠲᠠᠢ᠂ ᠪᠠᠭᠠᠲᠤᠷ ᠳᠠᠢᠴᠢᠨ ᠠᠭᠤᠤ ᠬᠦᠮᠦᠨ ᠪᠠᠢᠭᠰᠠᠨ ᠬᠡᠳᠡᠭ ᠢ ᠬᠢᠲᠠᠳ ᠤᠨ ᠠᠯᠪᠠᠨ ᠲᠡᠥᠬᠡ ᠶᠢ ᠠᠩᠬᠠᠯᠠᠨ ᠪᠢᠴᠢᠭᠰᠡᠨ ᠰᠧ ᠮᠠ ᠴᠢᠶᠠᠨ ᠢᠩᠬᠢᠵᠤ ᠦᠨᠡᠨ ᠢᠶᠡᠷ ᠨᠢ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ ᠢ ᠪᠢᠳ᠋ᠨ ᠤᠩᠰᠢᠳᠠᠭ᠂ ᠠᠷᠭᠤᠮᠠᠭ ᠬᠦᠯᠦᠭ ᠦᠨ ᠲᠤᠬᠠᠢ᠂ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠪᠦᠰᠡᠭᠦᠢ ᠶᠢᠨ ᠲᠤᠬᠠᠢ᠂ ᠮᠦᠨ ᠡᠨᠡ ᠰᠠᠢᠨ ᠰᠠᠢᠬᠠᠨ ᠢ ᠲᠡᠭᠡᠭᠡᠵᠤ ᠶᠠᠪᠤᠳᠠᠭ ᠭᠠᠵᠠᠷ ᠨᠤᠲᠤᠭ ᠤᠨ ᠲᠤᠬᠠᠢ᠂ ᠮᠤᠳᠤᠭᠤ ᠴᠠᠨ ᠢᠥᠢ ᠢᠩᠬᠢᠵᠤ ᠲᠤᠪ ᠲᠤᠳᠤᠷᠬᠠᠢ ᠲᠠᠢᠯᠪᠤᠷᠢ ᠬᠢᠭᠰᠡᠨ ᠨᠢ ᠬᠡᠳᠦᠨ ᠮᠢᠩᠭᠠᠨ ᠵᠢᠯ᠂ ᠮᠠᠯ ᠠᠬᠤᠢ ᠡᠷᠬᠢᠯᠡᠳᠡᠭ ᠠᠷᠠᠳ ᠲᠦᠮᠡᠨ ᠣ ᠰᠡᠳᠬᠢᠯ ᠦᠨ ᠳᠠᠭᠤᠯᠠᠯ ᠪᠤᠯᠵᠤ ᠪᠠᠢᠨᠠ᠃
ᠲᠤᠤᠯᠢ ᠵᠠᠩᠭᠠᠷ ᠲᠤ ᠬᠠᠷᠢ ᠶᠢᠨ ᠡᠯᠴᠢ ᠢᠷᠡᠭᠡᠳ᠂ ᠵᠠᠩᠭᠠᠷ ᠡᠴᠡ ᠭᠤᠷᠪᠠᠨ ᠶᠠᠭᠤᠮᠠ ᠦᠭ ᠬᠡᠮᠡᠨ ᠲᠤᠯᠭᠠᠨᠠ᠂ ᠲᠤᠬᠠᠢᠯᠠᠪᠠᠯ᠄ ᠠᠷᠪᠠᠨ ᠭᠤᠷᠪᠠᠨ ᠪᠦᠯᠦᠭᠲᠦ ᠵᠠᠩᠭᠠᠷ ᠤᠨ ᠮᠠᠯᠠᠢ ᠬᠠᠪᠬᠠ ᠶᠢᠨ ᠪᠦᠯᠦᠭ ᠲᠦ᠄ ᠮᠠᠯᠠᠢ ᠬᠠᠪᠬᠠ ᠬᠠᠭᠠᠨ ᠣ ᠡᠯᠴᠢ᠂ ᠵᠠᠩᠭᠠᠷ ᠤᠨ ᠳᠤ ᠢᠷᠡᠭᠡᠳ ᠬᠠᠰᠬᠢᠷᠤᠨ᠂ ᠠᠪᠠᠢ ᠭᠡᠷᠡᠯ ᠬᠠᠲᠤᠨ ᠠᠭᠠᠢ ᠱᠠᠪᠳᠠᠯ ᠬᠠᠲᠤᠨ ᠠᠷᠠᠨᠵᠠᠭᠠᠨ ᠵᠡᠬᠡᠷᠳ᠋ᠨ ᠮᠤᠷᠢ ᠶᠢ ᠪᠡᠨ ᠦᠭ ᠭᠡᠵᠤ ᠪᠠᠢᠨᠠ᠃ ᠬᠠᠲᠠᠭᠤ ᠬᠠᠷᠠ ᠰᠠᠩᠰᠠᠷ ᠬᠠᠭᠠᠨ ᠣ ᠵᠠᠷᠯᠢᠭ ᠤᠨ ᠳᠠᠭᠠᠤ᠂ ᠡᠯᠴᠢ ᠨᠢ ᠢᠷᠡᠵᠤ᠂ ᠠᠭᠠᠢ ᠱᠠᠪᠳᠠᠯ ᠬᠠᠲᠤᠨ᠂ ᠠᠷᠠᠨᠵᠠᠭᠠᠨ ᠵᠡᠭᠡᠷᠳ᠋ᠨ ᠮᠤᠷᠢ᠂ ᠤᠷᠴᠢᠯᠠᠩ ᠤᠨ ᠰᠠᠢᠬᠠᠨ ᠮᠢᠩᠶᠠᠨ ᠢᠶᠠᠨ ᠬᠡᠨᠡ᠃ 60 ᠪᠦᠯᠦᠭᠲᠦ ᠵᠠᠩᠭᠠᠷ ᠤᠨ ︽ᠠᠷᠠᠭ ᠤᠯᠠᠭᠠᠨ ᠬᠤᠩᠭᠤᠷ ᠠᠶᠤᠬᠤ ᠳᠤᠭᠰᠢᠨ ᠮᠠᠩᠯᠠᠢ ᠬᠠᠭᠠᠨ ᠢ ᠲᠤᠷᠤᠢᠴᠠᠭᠤᠯᠤᠭᠰᠠᠨ ᠪᠦᠯᠦᠭ︾ᠲᠤ᠂ ᠨᠠᠷᠢᠨ ᠤᠯᠠᠭᠠᠨ ᠬᠡᠳᠡᠭ ᠪᠠᠭᠠᠲᠤᠷ ᠨᠢ ᠢᠷᠡᠵᠤ᠄︽᠁ ᠠᠶᠤᠬᠤ ᠳᠤᠭᠰᠢᠨ ᠮᠠᠩᠯᠠᠢ ᠬᠠᠭᠠᠨ ᠨᠠᠮᠠ ᠶᠢ ᠶᠠᠪᠤᠭᠤᠯᠵᠤ᠂ ᠬᠡᠯᠨ ᠬᠦᠷᠭᠡᠲᠦᠬᠡᠢ ᠭᠡᠰᠡᠨ ᠪᠢᠯᠨ᠂ ᠠᠶᠤᠬᠤ ᠳᠤᠭᠰᠢᠨ ᠮᠠᠩᠯᠠᠢ ᠪᠠᠭᠠᠲᠤᠷ ᠬᠡᠯᠡᠵᠤ ᠪᠠᠢᠨᠠ᠂ ᠠᠷᠠᠨᠵᠠᠭᠠᠨ ᠵᠡᠭᠡᠷᠳ᠋ᠨ ᠮᠤᠷᠢ ᠪᠠᠨ᠂ ᠠᠭᠠᠢ ᠱᠠᠪᠳᠠᠯ ᠬᠠᠲᠤᠨ ᠢᠶᠡᠨ᠂ ᠶᠢᠷᠳᠢᠨᠴᠤ ᠶᠢᠨ ᠰᠠᠢᠬᠠᠨ ᠮᠢᠩᠶᠠᠨ ᠢᠶᠠᠨ ᠦᠭ ᠭᠡᠵᠤ ᠪᠠᠢᠨᠠ ᠁︾ᠬᠡᠳᠡᠭ᠃ ᠳᠤᠭᠰᠢᠨ ᠬᠢᠯᠠᠭᠠᠨᠠ ᠬᠠᠭᠠᠨ ᠣ ᠲᠦᠰᠢᠮᠡᠯ ᠪᠤᠳ᠋ᠨ ᠶᠢᠨ ᠤᠯᠠᠭᠠᠨ ᠬᠡᠮᠡᠭᠴᠢ ᠢᠷᠡᠵᠤ᠂ ᠬᠠᠭᠠᠨ ᠣ ᠵᠠᠷᠯᠢᠭ ᠬᠡᠮᠡᠨ᠂ ᠵᠠᠩᠭᠠᠷ ᠡᠴᠡ ᠠᠭᠠᠢ ᠱᠠᠪᠳᠠᠯ ᠬᠠᠲᠤᠨ ᠢ᠂ ᠠᠷᠠᠨᠵᠠᠭᠠᠨ ᠵᠡᠬᠡᠷᠳ᠋ᠨ ᠮᠤᠷᠢ ᠶᠢ᠂ ᠤᠷᠴᠢᠯᠠᠩ ᠤᠨ ᠰᠠᠢᠬᠠᠨ ᠮᠢᠩᠶᠠᠨ ᠢ᠂ ᠠᠪᠤᠨᠠ ᠬᠡᠳᠡᠭ᠃ ᠡᠬᠦᠨ ᠠᠴᠠ ᠰᠢᠯᠲᠠᠭᠠᠢᠯᠠᠨ ᠡᠬᠦᠰᠦᠨᠡ᠃ ᠲᠤᠤᠯᠢ ᠵᠠᠩᠭᠠᠷ ᠲ ᠭᠤᠷᠪᠠᠨ ᠱᠠᠭᠠᠷᠳᠠᠯᠭᠠ ᠪᠠᠢᠭᠠ ᠠᠴᠠ ᠪᠠᠨ ᠵᠠᠷᠢᠮ ᠪᠦᠯᠦᠭ ᠲᠤ ᠳᠦᠷᠪᠠ᠂ ᠡᠰᠡᠬᠦᠯᠠ ᠲᠠᠪᠤ ᠴᠤ ᠪᠤᠯᠳᠠᠭ᠂ ᠲᠡᠭᠡᠬᠦ ᠳᠡᠬᠡᠨ ᠭᠤᠷᠪᠠᠨ ᠱᠠᠭᠠᠷᠳᠠᠯᠭᠠ ᠪᠤᠯᠬᠤ ᠦᠬᠦᠯᠡᠭᠳᠡᠬᠦ ᠨᠢ ᠤᠯᠠᠨᠳ᠋ᠨ᠃
ᠲᠤᠤᠯᠢ ᠵᠠᠩᠭᠠᠷ ᠲᠤ ᠭᠠᠷᠴᠤ ᠪᠤᠢ ᠬᠠᠷᠢ ᠶᠢᠨ ᠬᠠᠲᠠᠭᠤ ᠱᠠᠭᠠᠷᠳᠠᠯᠭᠠ ᠭᠡᠬᠦ ᠦᠬᠦᠯᠡᠮᠵᠢ ᠨᠢ ᠾᠦᠩᠨᠦ ᠶᠢᠨ ᠮᠤᠳᠤᠭᠤ ᠱᠠᠨ ᠢᠥᠢ ᠳᠦ ᠲᠤᠯᠭᠠᠭᠰᠠᠨ ᠳ᠋ᠦᠩᠬᠤ ᠶᠢᠨ ᠭᠤᠷᠪᠠᠨ ᠱᠠᠭᠠᠷᠳᠠᠯᠭᠠ ᠭᠡᠵᠤ ᠨᠢᠬᠡ ᠯᠠ ᠶᠠᠭᠤᠮᠠ ᠪᠤᠯᠵᠤ ᠠᠵᠢᠭᠯᠠᠭᠳᠠᠨᠠ᠂ ᠲᠤᠤᠯᠢ ᠵᠠᠩᠭᠠᠷ ᠡᠴᠡ ᠪᠤᠰᠤᠳ ᠦᠬᠡᠷᠠ ᠲᠤᠤᠯᠢ ᠳᠤ ᠡᠢᠮᠦᠷᠬᠦ ᠦᠬᠦᠯᠡᠮᠵᠢ ᠪᠠᠢᠳᠠᠭ ᠦᠬᠡᠢ᠃ ᠬᠠᠷᠢ ᠶᠢᠨ ᠡᠯᠴᠢ ᠶᠢᠨ ᠠᠪᠤᠨᠠ ᠭᠡᠰᠡᠨ ᠶᠠᠭᠤᠮᠠ ᠨᠢ ᠠᠷᠤ ᠪᠤᠮᠪᠠ ᠶᠢᠨ ᠤᠷᠤᠨ ᠣ ᠬᠠᠮᠤᠭ ᠠᠴᠠ ᠳᠡᠭᠡᠳᠦᠯᠡᠭᠰᠡᠨ ᠵᠦᠢᠯ ᠠᠵᠠᠢ᠂ ᠡᠬᠦᠨ ᠳᠦ ᠭᠤᠷᠳᠤᠨ ᠵᠢᠷᠤᠭᠠ ᠪᠠᠷ ᠢᠶᠠᠨ ᠠᠷᠤ ᠪᠤᠮᠪᠠ ᠶᠢᠨ ᠤᠷᠤᠨ ᠳᠤ ᠠᠯᠳᠠᠷᠰᠢᠭᠰᠠᠨ ᠠᠷᠠᠨᠵᠠᠭᠠᠨ ᠵᠡᠬᠡᠷᠳ᠋ᠨ ᠮᠤᠷᠢ᠂ ᠦᠵᠡᠰᠬᠦᠯᠡᠩ ᠰᠠᠢᠬᠠᠨ ᠢ ᠦᠨᠡᠨ ᠬᠠᠷᠠᠭᠤᠯᠵᠤ ᠬᠡᠷᠡᠯᠲᠦᠬᠦᠯᠡᠭᠰᠡᠨ ᠠᠭᠠᠢ ᠱᠠᠪᠳᠠᠯ ᠬᠠᠲᠤᠨ᠂ ᠪᠠᠭᠠᠲᠤᠷ ᠵᠤᠷᠢᠭ ᠤᠨ ᠪᠠᠬᠠᠷᠬᠠᠯ ᠪᠤᠯᠤᠭᠰᠠᠨ ᠠᠷᠠᠭ ᠤᠯᠠᠭᠠᠨ ᠬᠤᠩᠭᠤᠷ᠂ ᠤᠷᠠᠨ ᠴᠡᠴᠡᠨ ᠢ ᠭᠠᠢᠬᠠᠭᠤᠯᠤᠭᠰᠠᠨ ᠬᠡᠯᠮᠤᠷᠴᠢ ᠬᠡ ᠵᠢᠯᠠᠭᠠᠨ ᠪᠤᠢ᠂ ᠠᠷᠤ ᠪᠤᠮᠪᠠ ᠶᠢᠨ ᠤᠷᠤᠨ ᠣ ᠬᠠᠮᠤᠭ ᠤᠨ ᠦᠨᠡᠲᠤ ᠵᠦᠢᠯ ᠪᠤᠯᠤᠭᠰᠠᠨ ᠣ ᠬᠤᠪᠢ ᠳᠤ ᠬᠠᠷᠢ ᠶᠢᠨ ᠳᠠᠢᠰᠦᠨ ᠣ ᠠᠪᠤᠶᠠ᠂ ᠭᠠᠷ ᠲᠠᠭᠠᠨ ᠤᠷᠤᠭᠤᠯᠤᠶᠠ ᠬᠡᠮᠡᠨ ᠰᠠᠨᠠᠭᠠᠰᠢᠷᠬᠠᠳᠠᠭ᠂ ᠡᠰᠡᠬᠦᠯᠠ ᠦᠬᠡᠢ ᠪᠤᠯᠭᠠᠬᠤ ᠶᠢ ᠰᠠᠨᠠᠳᠠᠭ ᠵᠦᠢᠯ ᠪᠤᠯᠵᠤ ᠪᠠᠢᠨᠠ᠂ ᠲᠤᠤᠯᠢ ᠵᠠᠩᠭᠠᠷ ᠲᠤ ᠦᠬᠦᠯᠡᠨ ᠪᠠᠢᠭᠠ ᠬᠠᠷᠢ ᠶᠢᠨ ᠬᠠᠲᠠᠭᠤ ᠡᠯᠴᠢ ᠶᠢᠨ ᠲᠤᠯᠭᠠᠭᠰᠠᠨ ᠬᠠᠲᠠᠭᠤ ᠱᠠᠭᠠᠷᠳᠠᠯᠭᠠ ᠶᠢᠨ ᠤᠳᠬᠠ᠂ ᠰᠢᠯᠲᠠᠭᠠᠨ᠂ ᠦᠨᠳᠦᠰᠦᠨ ᠵᠦᠢᠯ᠂ ᠤᠨᠴᠠᠯᠢᠭ ᠵᠡᠷᠭᠡ ᠨᠢ ᠮᠤᠳᠤᠭᠤ ᠴᠠᠨ ᠢᠥᠢ ᠳᠤ ᠲᠤᠬᠢᠶᠠᠯᠳᠤᠭᠰᠠᠨ ᠲᠡᠥᠬᠡᠨ ᠤᠢᠯᠨ ᠶᠠᠪᠤᠳᠠᠯ ᠤᠨ ᠲᠤᠰᠬᠠᠯ ᠮᠦᠨ ᠭᠡᠵᠤ ᠤᠢᠯᠠᠭᠠᠬᠤ ᠳᠤ ᠪᠤᠷᠤᠭᠤᠳᠬᠤ ᠵᠦᠢᠯ ᠠᠯᠠᠭᠠ᠃
ᠲᠤᠤᠯᠢ ᠵᠠᠩᠭᠠᠷ ᠲᠤ ᠢᠢ᠌ᠮᠦ ᠵᠢᠱᠢᠶᠡ ᠮᠠᠰᠢ ᠤᠯᠠᠨ ᠪᠤᠢ᠂ ᠡᠨᠳ᠋ᠨ ᠨᠢᠬᠡ ᠨᠢᠬᠡ ᠪᠡᠷ ᠳᠤᠷᠠᠳᠴᠤ ᠰᠠᠭᠤᠬᠤ ᠦᠬᠡᠢ᠂ ᠵᠠᠯᠭᠠᠭᠠᠳ ᠪᠢᠳᠡᠨ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠦᠵᠤᠯᠤ ᠴᠠᠨ ᠢᠥᠢ ᠪᠤᠯᠤᠨ ᠲᠡᠬᠦᠨ ᠣ ᠵᠠᠯᠭᠠᠮᠵᠢᠯᠠᠭᠴᠢᠳ᠂ ᠢᠯᠠᠩᠭᠤᠶᠠ ᠲᠡᠬᠦᠨ ᠣ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠭᠴᠢ ᠶᠢᠨ ᠴᠤᠯᠨ ᠪᠤᠯᠬᠤ ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠭᠡᠳᠡᠭ ᠢ ᠢᠥᠢ ᠬᠡᠮᠡᠨ ᠰᠤᠯᠢᠭᠰᠠᠨ᠂ ᠲᠡᠬᠦᠨ ᠡᠴᠡ ᠤᠯᠪᠠᠭᠠᠯᠠᠭᠰᠠᠨ ᠲᠡᠥᠬᠡᠨ ᠬᠡᠷᠡᠭ ᠤᠴᠢᠷ ᠤᠨ ᠲᠤᠬᠠᠢ ᠪᠠᠬᠠᠨ ᠶᠠᠷᠢᠶᠠ᠃
ᠲᠡᠥᠬᠡᠨ ᠰᠤᠷᠪᠤᠯᠵᠢ ᠠᠴᠠ ᠦᠵᠡᠪᠡᠯ᠄᠄︽ᠦᠵᠦᠯᠦ ᠴᠠᠨ ᠢᠥᠢ᠂ ᠴᠠᠨ ᠢᠥᠢ ᠶᠢᠨ ᠡᠵᠡᠨ ᠰᠠᠭᠤᠳᠠᠯ ᠳᠤ ᠪᠠᠢᠬᠤ ᠦᠶᠡ᠂ ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠠᠴᠠ ᠬᠡᠳᠦ ᠬᠡᠳᠦ ᠨᠢ ᠦᠬᠦᠵᠡᠢ᠃ ᠲᠡᠬᠦᠨ ᠡᠴᠡ ᠰᠢᠯᠲᠠᠭᠠᠢᠯᠠᠨ᠂ ᠴᠤᠯᠨ ᠬᠡᠷᠬᠡᠮ ᠨᠢ ᠦᠯᠵᠡᠢ ᠦᠬᠡᠢ ᠪᠤᠯᠪᠠ ᠬᠡᠮᠡᠨ᠂ ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠬᠡᠮᠡᠭᠰᠡᠨ ᠢ ᠬᠠᠯᠠᠵᠤ᠂ ᠢᠥᠢ ᠪᠤᠯᠭᠠᠪᠠ᠂ ᠦᠵᠦᠯᠦ ᠴᠠᠨ ᠢᠥᠢ ᠡᠴᠡ ᠬᠦᠪᠡᠬᠦᠨ ᠢ ᠪᠡᠨ ᠢᠥᠢ ᠬᠡᠮᠡᠨ ᠴᠤᠯᠠᠯᠵᠤ᠂ ᠴᠠᠨ ᠢᠥᠢ ᠶᠢᠨ ᠡᠵᠡᠨ ᠰᠠᠭᠤᠳᠠᠯ ᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠬᠡᠪᠡ᠃︾ ᠭᠡᠵᠡᠢ᠃ ᠳᠡᠭᠡᠷᠡᠬᠢ ᠲᠡᠮᠳᠡᠭᠯᠡᠯ ᠡᠴᠡ ᠦᠵᠡᠬᠦ ᠳᠦ᠂ ᠦᠵᠦᠯᠦ ᠴᠠᠨ ᠢᠥᠢ ᠶᠢᠨ ᠦᠶᠡ ᠳᠦ᠂ ᠴᠠᠨ ᠢᠥᠢ ᠶᠢᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠬᠡᠳᠦ ᠬᠡᠳᠦᠨ ᠬᠦᠪᠡᠬᠦᠨ ᠨᠢ ᠵᠠᠭᠤᠷᠲᠤ ᠪᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠪᠤᠯᠤᠯᠲᠠᠢ ᠪᠦᠭᠡᠳ ᠴᠤᠯᠨ ᠨᠢ ᠬᠦᠨᠳᠦᠳᠡᠭᠰᠡᠨ ᠭᠡᠵᠤ ᠦᠵᠡᠭᠡᠳ᠂ ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠬᠡᠳᠡᠭ ᠴᠤᠯᠨ ᠢ ᠢᠥᠢ ᠬᠡᠮᠡᠭᠰᠡᠨ ᠾᠦᠩᠨᠦ ᠦᠬᠡ ᠪᠡᠷ ᠰᠤᠯᠢᠭᠰᠠᠨ ᠬᠡᠳᠡᠭ ᠢ ᠲᠤᠳᠤᠷᠬᠠᠢᠯᠠᠵᠠᠢ᠃
ᠡᠨᠡᠬᠦ ᠡᠮᠦᠨᠠᠳᠤ ᠾᠦᠩᠨᠦ ᠶᠢᠨ乌珠留单于 ᠬᠡᠳᠡᠭ ᠬᠦᠮᠦᠨ ᠢ ᠪᠢᠳᠡᠨ ᠲᠤᠤᠯᠢ ᠵᠠᠩᠭᠠᠷ ᠲᠤ ᠭᠠᠷᠬᠤ ᠵᠠᠩᠭᠠᠷ ᠤᠨ ᠡᠴᠢᠬᠡ ᠦᠽᠦᠩ ᠠᠯᠳᠠᠷ ᠬᠠᠭᠠᠨ ᠪᠤᠯᠪᠠ ᠦᠦ ᠭᠡᠳ ᠪᠤᠳᠤᠵᠤ ᠪᠠᠢᠨᠠ᠂ 乌珠留单于 ᠤᠷᠤ ᠵᠠᠯᠭᠠᠮᠵᠢᠯᠠᠭᠴᠢ ᠬᠦᠪᠡᠬᠦᠨ ᠣ ᠴᠤᠯᠨ ᠪᠤᠯᠬᠤ ᠲᠦ᠋ ᠴᠢ ᠾᠦᠩᠨᠦ ᠦᠬᠡ ᠶᠢ ᠨᠢ ᠬᠢᠲᠠᠳ ᠬᠡᠯᠡᠨ ᠳᠦ ᠤᠳᠬᠠᠴᠢᠯᠠᠨ ᠤᠷᠴᠢᠭᠤᠯᠠᠭᠠᠳ ᠵᠡᠬᠦᠨ ᠮᠡᠷᠭᠡᠨ ᠸᠠᠩ左贤王ᠭᠡᠵᠡᠢ᠂ ᠤᠤᠯ ᠾᠦᠩᠨᠦ ᠬᠡᠯᠡᠨ ᠳᠡᠬᠢ ᠲᠠᠭᠤᠳᠠᠯᠭᠠ ᠨᠢ屠耆tuqi᠂ ᠲᠦᠷᠦᠴᠢ ᠬᠡᠮᠡᠨ ᠪᠢᠳ᠋ᠨ ᠰᠡᠷᠬᠦᠭᠡᠨ ᠤᠩᠰᠢᠭᠰᠠᠨ ᠭᠡᠳᠡᠭ ᠪᠠᠢᠭᠰᠠᠨ ᠠᠴᠠ ᠪᠠᠨ 护于 ᠢᠥᠢ᠂ ᠡᠨᠡ ᠦᠬᠡ ᠶᠢ ᠬᠤᠩᠭᠤᠷ ᠬᠡᠮᠡᠨ ᠪᠢᠳ᠋ᠨ ᠰᠡᠷᠬᠦᠭᠡᠨ ᠤᠩᠰᠢᠭᠰᠠᠨ ᠭᠡᠵᠤ ᠦᠬᠡᠷᠴᠢᠯᠡᠵᠡᠢ᠂ ᠡᠬᠦᠨ ᠢ ᠲᠤᠤᠯᠢ ᠵᠠᠩᠭᠠᠷ ᠲᠤ ᠭᠠᠷᠬᠤ ᠬᠤᠩᠭᠤᠷ ᠭᠡᠰᠡᠨ ᠨᠡᠷᠡ ᠪᠠᠢᠵᠤ ᠮᠠᠭᠠᠳ ᠦᠬᠡᠢ ᠬᠡᠮᠡᠨ ᠪᠤᠳᠤᠵᠤ ᠪᠠᠢᠨᠠ᠃︽ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠠᠴᠠ ᠬᠡᠳᠦ ᠬᠡᠳᠦᠨ ᠨᠢ ᠦᠬᠦᠵᠡᠢ︾ᠭᠡᠰᠡᠨ ᠦᠬᠡ ᠶᠢ ᠰᠡᠭᠰᠦᠷᠴᠦ ᠦᠵᠡᠪᠠᠰᠤ᠂ ᠲᠤᠤᠯᠢ ᠵᠠᠩᠭᠠᠷ ᠲᠤ ᠵᠠᠩᠭᠠᠷ ᠲᠤ ᠬᠦᠪᠡᠬᠦᠨ ᠪᠠᠢᠬᠤ ᠦᠬᠡᠢ᠂ ᠠᠭᠤᠷᠯᠠᠵᠦ ᠪᠤᠬᠢᠮᠳᠠᠬᠤ ᠪᠠᠷ ᠨᠢ ᠳᠡᠭᠡᠳᠦ ᠲᠩᠷᠢ ᠡᠴᠡ ᠨᠢᠬᠡᠨ ᠬᠦᠪᠡᠬᠦᠨ ᠵᠠᠶᠠᠭᠠᠵᠤ ᠲᠦᠷᠦᠬᠦᠯᠡᠳᠡᠭ᠂ ᠲᠤᠮᠤ ᠪᠤᠯᠤᠭᠠᠳ ᠢᠷᠡᠬᠦ ᠪᠡᠷ ᠨᠢ ᠳᠡᠭᠡᠳᠦ ᠲᠩᠷᠢ ᠠᠶᠤᠩᠭᠠ ᠪᠠᠭᠤᠯᠭᠠᠵᠤ ᠦᠬᠡᠢ ᠪᠤᠯᠭᠠᠳᠠᠭ ᠤᠢᠯᠨ ᠪᠠᠢᠳᠠᠭ᠂ ᠡᠨᠡ ᠨᠢ ᠳᠡᠭᠡᠷᠡᠬᠢ ᠲᠡᠥᠬᠡᠨ ᠤᠢᠯᠨ ᠶᠠᠪᠤᠳᠠᠯ ᠤᠨ ᠲᠤᠤᠯᠢ ᠵᠠᠩᠭᠠᠷ ᠳᠠᠬᠢ ᠤᠷᠠᠯᠢᠭᠵᠢᠭᠤᠯᠤᠭᠰᠠᠨ ᠲᠤᠰᠬᠠᠯ ᠬᠡᠮᠡᠨ ᠦᠵᠡᠵᠦ ᠪᠠᠢᠨᠠ᠂ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠲᠡᠥᠬᠡᠨ ᠳᠡᠭᠡᠷᠠ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠵᠢᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠢᠭᠰᠠᠨ ᠬᠡᠳᠦ ᠬᠡᠳᠦᠨ ᠬᠦᠪᠡᠬᠦᠨ ᠨᠠᠰᠤ ᠪᠠᠷᠠᠳᠠᠭ᠂ ᠴᠤᠯᠨ ᠨᠢ ᠬᠦᠨᠳᠦᠳᠡᠪᠠ ᠬᠡᠮᠡᠨ ᠦᠬᠡᠷᠴᠢᠯᠡᠵᠦ᠂护于 ᠢᠥᠢ ᠪᠤᠯᠭᠠᠭᠰᠠᠨ᠂ ᠮᠦᠨ ᠡᠨᠡᠬᠦ护于 ᠢᠥᠢ ᠴᠤᠯᠨ ᠲᠠᠢ ᠤᠷᠤ ᠵᠠᠯᠭᠠᠮᠵᠢᠯᠠᠭᠴᠢ ᠨᠢ ᠦᠵᠤᠯᠤ ᠴᠠᠨ ᠢᠥᠢ ᠶᠢ ᠨᠠᠰᠤ ᠪᠠᠷᠠᠭᠰᠠᠨ ᠣ ᠳᠠᠷᠠᠭᠠ᠂ ᠲᠡᠬᠦᠨ ᠣ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠵᠤ ᠴᠢᠳᠠᠳᠠᠭ ᠦᠬᠡᠢ᠂ ᠡᠨᠡᠬᠦ ᠲᠡᠥᠬᠡᠨ ᠤᠢᠯᠨ ᠶᠠᠪᠤᠳᠠᠯ ᠨᠢ ᠲᠤᠤᠯᠢ ᠵᠠᠩᠭᠠᠷ ᠲᠤ ᠵᠠᠩᠭᠠᠷ ᠨᠠᠰᠤ ᠪᠠᠷᠠᠬᠤ ᠠᠴᠠ ᠪᠠᠨ ᠡᠮᠦᠨᠠ᠂ ᠬᠦᠪᠡᠬᠦᠨ ᠦᠬᠡᠢ ᠪᠤᠯᠬᠤᠷ᠂ ᠬᠠᠭᠠᠨ ᠤᠷᠤ ᠶᠢ ᠪᠡᠨ ᠬᠤᠩᠭᠤᠷ ᠢᠶᠠᠷ ᠦᠭᠬᠦᠨᠡ ᠬᠡᠬᠦᠯᠡᠷ ᠬᠦᠮᠦᠰ ᠵᠦᠪᠰᠢᠶᠡᠷᠡᠳᠡᠭ ᠦᠬᠡᠢ᠂ ᠠᠷᠭᠠ ᠪᠤᠰᠤ ᠬᠤᠩᠭᠤᠷ ᠤᠨ ᠬᠦᠪᠡᠬᠦᠨ ᠬᠤᠰᠢᠭᠤᠨ ᠤᠯᠠᠭᠠᠨ ᠳᠤ ᠵᠠᠯᠭᠠᠮᠵᠢᠯᠠᠭᠤᠯᠳᠠᠭ ᠲᠤᠤᠯᠢ ᠶᠢᠨ ᠤᠢᠯᠨ ᠶᠠᠪᠤᠳᠠᠯ ᠪᠤᠯᠵᠤ ᠲᠤᠰᠬᠠᠭᠳᠠᠭᠰᠠᠨ ᠪᠠᠢᠨᠠ ᠭᠡᠵᠤ ᠪᠢᠳ᠋ᠨ ᠦᠵᠡᠵᠦ ᠪᠠᠢᠨᠠ᠃ ᠡᠨᠡ ᠳᠤᠲᠤᠷᠠ᠂ ᠴᠠᠨ ᠢᠥᠢ ᠶᠢᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠠᠰᠠᠭᠤᠳᠠᠯ ᠳᠡᠭᠡᠷᠡᠬᠢ ᠮᠠᠷᠭᠤᠭᠠᠨ᠂ ᠪᠤᠯᠢᠶᠠᠯᠳᠤᠭᠠᠨ ᠠᠴᠠ ᠰᠢᠯᠲᠠᠭᠠᠯᠠᠭᠰᠠᠨ ᠬᠡᠳᠡᠭ ᠨᠢ ᠲᠤᠳᠤᠷᠬᠠᠢ᠃ ᠡᠬᠦᠨ ᠢ ᠦᠯᠦ ᠦᠬᠦᠯᠡᠨ ᠲᠡᠥᠬᠡᠨ ᠪᠠᠷᠢᠮᠳ᠋ᠨ ᠠᠴᠠ ᠡᠰᠢᠯᠡᠪᠠᠰᠤ᠂ 乌珠留单于 ᠬᠡᠳᠡᠭ ᠡᠨᠡ ᠴᠠᠨ ᠢᠥᠢ᠂ ᠬᠤᠷᠢᠨ ᠨᠢᠬᠡᠨ ᠨᠠᠰᠦᠨ ᠳᠠᠭᠠᠨ ᠴᠠᠨ ᠢᠥᠢ ᠶᠢᠨ ᠤᠷᠤ ᠶᠢ ᠵᠠᠯᠭᠠᠮᠵᠢᠯᠠᠵᠠᠢ᠂ ᠠᠷᠪᠠᠨ ᠭᠤᠷᠪᠠᠨ ᠵᠢᠯ᠂ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠪᠠᠢᠵᠤ᠂ ᠲᠦᠷᠦ ᠭᠦᠷᠦᠨ ᠢ ᠪᠡᠨ ᠤᠳᠤᠷᠢᠳᠤᠨ ᠪᠠᠢᠵᠠᠢ᠂ ᠡᠨᠡ ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠲᠦᠷᠦ ᠳᠦ ᠲᠤᠯᠭᠠᠷᠠᠭᠰᠠᠨ ᠲᠤᠮᠤ ᠶᠠᠪᠤᠳᠠᠯ ᠢ ᠲᠤᠯᠤᠭᠠᠢ ᠪᠠᠷ ᠢᠶᠠᠨ ᠦᠩᠬᠡᠷᠡᠬᠦᠯᠵᠤ᠂ ᠤᠬᠠᠭᠠ ᠪᠠᠷ ᠢᠶᠠᠨ ᠵᠠᠯᠠᠵᠤ ᠪᠠᠢᠪᠠ᠃ ᠡᠬᠦᠨ ᠳᠦ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠬᠠᠨ ᠤᠯᠤᠰ ᠤᠨ ᠬᠤᠸᠠᠩᠳᠢ ᠶᠢᠨ ᠨᠠᠭᠠᠴᠤ ᠪᠠᠢᠭᠰᠠᠨ ᠸᠠᠩ ᠮᠠᠩ ᠬᠡᠮᠡᠭᠴᠢ᠂ ᠬᠠᠨ ᠤᠯᠤᠰ ᠤᠨ ᠲᠦᠷᠦ ᠶᠢ ᠮᠡᠳᠡᠵᠤ ᠪᠠᠢᠪᠠ᠂ ᠡᠨᠡ ᠨᠦᠬᠦᠷ᠂ ᠡᠯᠳᠡᠪ ᠠᠷᠭᠠ ᠵᠠᠯᠢ ᠭᠠᠷᠭᠠᠨ᠂ ᠡᠮᠦᠨᠠᠳᠦ ᠾᠦᠩᠨᠦ ᠶᠢ ᠰᠦᠬᠦᠷᠡᠬᠦᠯᠡᠬᠦ ᠬᠡᠮᠡᠨ ᠵᠢᠳᠬᠦᠨᠡ᠂ ᠬᠠᠨ ᠤᠯᠤᠰ ᠠᠴᠠ ᠤᠯᠠᠮᠵᠢᠯᠠᠯ ᠤᠨ ᠳᠠᠭᠠᠤ ᠡᠮᠦᠨᠠᠳᠤ ᠾᠦᠩᠨᠦ ᠳᠦ ᠤᠯᠭᠤᠵᠤ ᠪᠠᠢᠭᠰᠠᠨ ᠾᠦᠩᠨᠦ ᠶᠢᠨ ᠲᠦᠷᠦ ᠶᠢᠨ ᠲᠠᠮᠠᠭᠠ 匈奴单于玺 ᠬᠡᠳᠡᠭ ᠢ新匈奴单于章 ᠪᠤᠯᠭᠠᠵᠤ ᠰᠤᠯᠢᠨᠠ᠂匈奴 ᠭᠡᠰᠡᠨ ᠨᠡᠷᠠ ᠶᠢ降奴᠂恭奴 ᠪᠤᠯᠭᠠᠨ ᠠᠯᠪᠠᠳᠠᠨ ᠰᠤᠯᠢᠭᠤᠯᠬᠤ ᠬᠡᠨᠡ᠂ 单于 ᠭᠡᠳᠡᠭ ᠢ 善于᠂ 降奴服于ᠬᠡᠮᠡᠨ ᠬᠠᠯᠠᠬᠤ ᠭᠡᠪᠡ᠂ 乌珠留单于 ᠤᠪᠤᠭ ᠨᠢ 挛鞮 ᠂ ᠨᠡᠷᠠ ᠨᠢ 囊知牙斯 ᠭᠡᠳᠡᠭ ᠪᠠᠢᠪᠠ᠂ ᠤᠯᠠᠨ ᠦᠰᠦᠭᠲᠡᠢ᠂ ᠲᠡᠮᠳᠡᠭᠯᠡᠬᠦ ᠳᠦ ᠬᠡᠴᠡᠬᠦᠦ ᠬᠡᠮᠡᠨ ᠰᠢᠯᠲᠠᠭᠠᠢᠯᠠᠨ᠂ ᠬᠢᠲᠠᠳ ᠤᠨ ᠵᠠᠩᠰᠢᠯ ᠢ ᠳᠠᠭᠠᠵᠤ᠂ ᠭᠠᠭᠴᠨ ᠦᠰᠦᠭᠲᠡᠢ ᠪᠤᠯᠭᠠ ᠭᠡᠵᠤ ᠰᠢᠬᠠᠨᠠ᠂ ᠮᠦᠨ ᠾᠦᠩᠨᠦ ᠶᠢᠨ ᠨᠢᠬᠡᠨ ᠢᠵᠠᠭᠤᠷᠲᠠᠨ ᠣ ᠬᠤᠶᠠᠷ ᠬᠦᠪᠡᠬᠦᠨ ᠢ ᠬᠠᠭᠤᠷᠠᠨ ᠮᠡᠬᠡᠯᠡᠵᠤ᠂ ᠬᠠᠨ ᠤᠯᠤᠰ ᠲᠤ ᠠᠪᠠᠴᠢᠭᠠᠳ᠂ ᠠᠯᠪᠠ ᠪᠠᠷ ᠴᠠᠨ ᠢᠥᠢ ᠬᠡᠮᠡᠨ ᠴᠤᠯᠯᠠᠵᠤ᠂ ᠡᠮᠦᠨᠠᠳᠦ ᠾᠦᠩᠨᠦ ᠶᠢ ᠬᠠᠭᠠᠷᠤᠯᠳᠤᠭᠤᠯᠬᠤ ᠬᠡᠪᠡ᠃ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠡᠮᠦᠨᠠᠳᠦ ᠾᠦᠩᠨᠦ ᠨᠢ ᠡᠨᠡ ᠦᠶᠡ ᠳᠦ᠂ ᠬᠠᠨ ᠤᠯᠤᠰ ᠤᠨ ᠰᠢᠬᠠᠮᠳ᠋ᠨ ᠳᠠᠷᠤᠯᠳ᠋ᠨ ᠳᠤ ᠤᠷᠤᠪᠠ᠂ ᠡᠮᠦᠨᠠᠳᠦ ᠾᠦᠩᠨᠦ ᠪᠠᠶᠠ ᠪᠠᠨ ᠳᠠᠭᠠᠭᠠᠭᠰᠠᠨ ᠲᠤᠰᠠᠭᠠᠷ ᠤᠯᠤᠰ ᠪᠠᠢᠨᠠ ᠦᠦ ᠦᠬᠡᠢ ᠦᠦ ᠬᠡᠳᠡᠭ ᠰᠢᠯᠭᠠᠯᠳ᠋ᠨ ᠢ ᠦᠩᠬᠡᠷᠡᠬᠦᠯᠵᠤ ᠪᠠᠢᠪᠠ᠃
ᠡᠨᠳ᠋ᠨ ᠠᠬᠢᠭᠠᠳ ᠪᠠᠰᠨ ᠡᠢᠮᠦ ᠨᠢᠬᠡᠨ ᠲᠡᠥᠬᠡᠨ ᠤᠢᠯᠨ ᠪᠤᠢ᠂ ᠡᠮᠦᠨᠠᠳᠦ ᠾᠦᠩᠨᠦ ᠪᠤᠯᠤᠨ ᠬᠠᠨ ᠤᠯᠤᠰ ᠤᠨ ᠬᠢᠯᠢ ᠵᠠᠯᠭᠠᠭᠠ ᠭᠠᠵᠠᠷ ᠢᠶᠠᠷ᠂ ᠬᠠᠨ ᠤᠯᠤᠰ ᠤᠷᠤᠭᠤ ᠰᠤᠨᠠᠨ ᠤᠷᠤᠭᠰᠠᠨ ᠡᠮᠦᠨᠠᠳᠤ ᠾᠦᠩᠨᠦ ᠶᠢᠨ ᠭᠠᠵᠠᠷ ᠨᠤᠲᠤᠭ ᠪᠤᠢ ᠪᠠᠢᠵᠠᠢ᠂ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠭᠠᠵᠠᠷ ᠨᠤᠲᠤᠭ ᠪᠦᠭᠡᠳ ᠤᠷᠤᠭᠰᠢ ᠪᠠᠨ ᠰᠤᠨᠠᠭᠰᠠᠨ ᠬᠡᠯᠪᠡᠷᠢ ᠲᠠᠢ ᠤᠷᠤᠰᠢᠳᠠᠭ᠂ ᠡᠨᠡ ᠨᠢ ᠬᠠᠨ ᠤᠯᠤᠰ ᠤᠨ ᠬᠤᠪᠢ ᠳᠦ ᠠᠰᠢᠭ ᠦᠬᠡᠢ ᠪᠠᠢᠭᠰᠠᠨ ᠬᠡᠳᠡᠭ ᠨᠢ ᠲᠤᠳᠤᠷᠬᠠᠢ᠃ ᠡᠨᠡ ᠲᠤᠬᠠᠢ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠠᠴᠠ ᠦᠵᠡᠪᠠᠯ᠄
︽ᠦᠵᠤᠯᠦ ᠴᠠᠨ ᠢᠥᠢ ᠤᠷᠤ ᠵᠠᠯᠭᠠᠮᠵᠢᠯᠠᠪᠠ᠂ ᠬᠤᠶᠠᠳᠠᠬᠢ ᠶᠠᠨ ᠽᠢ ᠬᠠᠲᠤᠨ ᠬᠦᠪᠡᠬᠦᠨ ᠯᠸᠢ ᠪᠡᠷ ᠵᠡᠬᠦᠨ ᠮᠡᠷᠭᠡᠨ ᠲᠠᠯᠪᠢᠪᠠ᠂ ᠲᠠᠪᠤᠳᠠᠬᠢ ᠶᠠᠨ ᠽᠢ ᠬᠠᠲᠤᠨ ᠬᠦᠪᠡᠬᠦᠨ ᠬᠡᠦ ᠢᠥᠢ ᠪᠡᠷ ᠪᠠᠷᠠᠭᠤᠨ ᠮᠡᠷᠭᠡᠨ ᠲᠠᠯᠪᠢᠪᠠ᠂ ᠪᠠᠰᠨ ᠨᠢᠬᠡᠨ ᠬᠦᠪᠡᠬᠦᠨ ᠪᠤᠶᠤ ᠪᠠᠷᠠᠭᠤᠨ ᠭᠦ᠋ ᠨᠦ ᠸᠠᠩ ᠵᠢᠵᠢᠭ ᠸᠠᠩ ᠪᠤᠯᠬᠤ ᠦ ᠲᠢ ᠶᠠ ᠰᠢ ᠶᠢ ᠲᠦᠷᠦ ᠳᠦ ᠤᠢᠯᠡᠴᠢᠯᠡᠬᠦᠯᠪᠠ ᠡᠮᠦᠨᠠᠳᠦ ᠾᠦᠩᠨᠦ ᠪᠤᠯᠤᠨ ᠬᠠᠨ ᠤᠯᠤᠰ ᠤᠨ ᠤᠷᠢᠳᠤ ᠲᠤᠬᠢᠷᠠᠯᠴᠠᠭᠰᠠᠨ ᠣ ᠳᠠᠭᠠᠤ᠂ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠶᠢᠨ ᠨᠢᠭᠡᠨ ᠬᠦᠪᠡᠬᠦᠨ᠂ ᠬᠠᠨ ᠤᠯᠤᠰ ᠲᠤ ᠬᠦᠷᠴᠦ ᠪᠠᠷᠢᠴᠠᠭᠠᠨ ᠳᠤ ᠰᠠᠭᠤᠳᠠᠭ᠃ ᠬᠠᠨ ᠤᠯᠤᠰ ᠠᠴᠠ ᠵᠦᠩ ᠯᠠᠩ ᠵᠢᠶᠠᠩ ᠲᠦᠰᠢᠮᠡᠯ ᠪᠤᠯᠬᠤ ᠰᠢᠶ᠋ᠨ ᠾᠸᠤ ᠹᠠᠨ᠂ ᠲᠤᠰᠠᠯᠠᠭᠴᠢ ᠰᠢᠶᠤᠤ ᠸᠸᠢ ᠲᠦᠰᠢᠮᠡᠯ ᠬᠠᠨ ᠿᠦᠩ ᠢ ᠾᠦᠩᠨᠦ ᠳᠦ ᠡᠯᠴᠢᠯᠡᠬᠦᠯᠡᠪᠡ᠂ ᠲᠤᠬᠠᠢ ᠶᠢᠨ ᠦᠶᠡ᠂ ᠬᠠᠨ ᠤᠯᠤᠰ ᠤᠨ ᠬᠤᠸᠠᠩᠳᠢ ᠶᠢᠨ ᠨᠠᠭᠠᠴᠤ ᠪᠦᠭᠡᠳ ᠶᠡᠬᠡ ᠰᠸ᠋ ᠮᠨ ᠫᠢᠶᠤᠤ ᠴᠢ ᠵᠠᠩᠵᠦᠨ ᠸᠠᠩ ᠭᠧᠩ ᠡᠴᠡ ᠱᠠᠩ ᠱᠦ ᠤᠨ ᠠᠵᠢᠯ ᠲᠦᠷᠦ ᠡᠷᠬᠢᠯᠡᠬᠦ ᠪᠠᠢᠭᠤᠯᠤᠯᠭᠠ ᠤᠳᠤᠷᠢᠳᠴᠤ ᠪᠠᠢᠪᠠ᠂ ᠦᠬᠡᠷᠠ ᠬᠦᠮᠦᠨ ᠸᠠᠩ ᠭᠧᠩ ᠳᠦ ᠡᠢᠨᠬᠦ ᠦᠬᠦᠯᠡᠭᠰᠡᠨ ᠨᠢ᠄︽ᠾᠦᠩᠨᠦ ᠡᠴᠡ ᠬᠠᠨ ᠤᠯᠤᠰ ᠤᠨ ᠭᠠᠵᠠᠷ ᠨᠤᠲᠤᠭ ᠤᠷᠤᠭᠤ ᠰᠤᠨᠠᠨ ᠤᠷᠤᠭᠰᠠᠨ ᠭᠠᠵᠠᠷ ᠪᠤᠢ᠂ ᠲᠡᠨᠳ᠋ᠨ ᠰᠠᠢᠨ ᠴᠢᠨᠠᠷ ᠤᠨ ᠮᠤᠳᠤ ᠤᠷᠭᠤᠨᠠ᠂ ᠰᠤᠮᠤᠨ ᠣ ᠡᠰᠢ ᠶᠢ ᠲᠡᠬᠦᠪᠡᠷ ᠬᠢᠳᠡᠭ᠂ ᠬᠠᠨ ᠤᠯᠤᠰ ᠤᠨ ᠬᠢᠯᠢ ᠳᠦ ᠤᠢᠷᠬᠠᠨ ᠪᠦᠭᠡᠳ ᠪᠠᠢᠩᠭᠤ ᠤᠢᠮᠡᠯᠡᠨᠡ᠂ ᠤᠯᠤᠰ ᠭᠦᠷᠦᠨ ᠦᠷᠬᠡᠨ ᠠᠭᠤᠳᠠᠮ ᠭᠠᠵᠠᠷ ᠨᠤᠲᠤᠭ ᠲᠠᠢ ᠪᠤᠯᠵᠤ ᠲᠡᠯᠢᠪᠠᠰᠤ᠂ ᠵᠠᠩᠵᠦᠨ ᠭᠠᠪᠢᠶᠠ ᠲᠠᠢ ᠪᠤᠯᠤᠨᠠ᠃ ᠲᠡᠬᠦᠨ ᠢ ᠤᠯᠪᠠᠰᠤ᠂ ᠠᠴᠢ ᠲᠤᠰᠨ ᠨᠢ ᠠᠰᠢᠳ᠋ᠨ ᠪᠠᠷᠠᠭᠳᠠᠰᠢ ᠦᠬᠡᠢ ᠪᠤᠯᠠᠢ᠂︾ᠬᠡᠪᠡ᠃ ᠸᠠᠩ ᠭᠧᠩ ᠡᠴᠡ ᠳᠡᠭᠡᠳᠦᠰ ᠬᠠᠨ ᠤᠯᠤᠰ ᠤᠨ ᠬᠤᠸᠠᠩᠳᠢ ᠲᠤ ᠠᠰᠢᠭ ᠢ ᠦᠬᠦᠯᠡᠪᠡ᠂ ᠳᠡᠭᠡᠳᠦᠰ ᠡᠴᠡ ᠾᠦᠩᠨᠦ ᠳᠦ ᠰᠢᠭᠤᠳ ᠬᠡᠯᠡᠵᠤ ᠠᠪᠤᠶᠠ ᠬᠡᠪᠠᠰᠤ᠂ ᠦᠭᠬᠦ ᠦᠬᠡᠢ ᠪᠠᠢᠵᠤ ᠮᠠᠭᠠᠳ᠂ ᠲᠡᠭᠡᠭᠡᠳ ᠲᠦᠷᠦ ᠤᠯᠤᠰ ᠤᠨ ᠰᠦᠷ ᠤᠨᠠᠭᠤᠵᠠᠢ ᠬᠡᠪᠡ᠂ ᠸᠠᠩ ᠭᠧᠩ ᠡᠴᠡ ᠲᠡᠷᠨ ᠳᠠᠷᠦᠢ ᠳᠡᠭᠡᠳᠦᠰ ᠦᠨ ᠰᠠᠨᠠᠭᠠ ᠬᠡᠮᠡᠨ ᠹᠠᠨ ᠳᠤ ᠬᠡᠯᠡᠵᠤ᠂ ᠠᠪᠤᠶᠠ ᠬᠡᠮᠡᠨ ᠬᠡᠯᠨ ᠬᠡᠮᠡᠨ ᠵᠠᠷᠯᠢᠭᠳᠠᠪᠠ᠂ ᠹᠠᠨ ᠨᠢ ᠾᠦᠩᠨᠦ ᠬᠦᠷᠦᠭᠡᠳ ᠬᠡᠯᠡᠯᠴᠡᠵᠤ ᠰᠠᠭᠤᠬᠤ ᠶᠢᠨ ᠬᠤᠭᠤᠷᠤᠨᠳᠤ᠂ ᠴᠠᠨ ᠢᠥᠢ ᠳᠦ ᠡᠢᠨ ᠦᠬᠦᠯᠡᠵᠡᠢ᠄︽ᠾᠦᠩᠨᠦ ᠡᠴᠡ ᠬᠠᠨ ᠤᠯᠤᠰ ᠤᠷᠤᠭᠤ ᠰᠤᠨᠠᠵᠤ ᠤᠷᠤᠭᠰᠠᠨ ᠭᠠᠵᠠᠷ ᠪᠤᠢ ᠶᠢ ᠬᠡᠨᠡᠳᠳ᠋ᠨ ᠬᠠᠷᠠᠪᠠ᠂ ᠵᠠᠩ ᠶᠧ ᠬᠦᠷᠳᠡᠭ ᠠᠵᠠᠢ᠃ ᠬᠠᠨ ᠤᠯᠤᠰ ᠤᠨ ᠭᠤᠷᠪᠠᠨ ᠳ᠋ᠦ᠋ ᠸᠸᠢ ᠲᠦᠰᠢᠮᠡᠯ ᠬᠠᠷᠠᠭᠤᠯ ᠳᠤ ᠰᠠᠭᠤᠨᠠ᠂ ᠬᠡᠳᠦᠨ ᠵᠠᠭᠤᠨ ᠬᠠᠷᠠᠭᠤᠯ ᠤᠨ ᠴᠡᠷᠢᠭ᠂ ᠬᠠᠯᠠᠭᠤᠨ ᠬᠦᠢᠲᠠᠨ ᠭᠡᠳ ᠵᠤᠪᠠᠨ ᠦᠬᠦᠵᠦ ᠪᠠᠢᠨᠠ᠂ ᠴᠠᠨ ᠢᠥᠢ ᠬᠡᠷᠪᠡ ᠪᠢᠴᠢᠭ ᠡᠷᠬᠦᠨ ᠡᠨᠡ ᠭᠠᠵᠠᠷ ᠢ ᠪᠠᠷᠢᠵᠤ᠂ ᠵᠤᠪᠠᠯᠠᠩ ᠤᠨ ᠦᠨᠳᠦᠰᠦ ᠶᠢ ᠲᠠᠰᠤᠯᠠᠨ᠂ ᠭᠤᠷᠪᠠᠨ ᠳ᠋ᠦ᠋ ᠸᠸᠢ ᠲᠦᠰᠢᠮᠡᠯ᠂ ᠮᠦᠨ ᠴᠡᠷᠢᠭ ᠳᠠᠢᠴᠢᠳ ᠤᠨ ᠬᠡᠳᠦᠨ ᠵᠠᠭᠤᠨ ᠬᠦᠮᠦᠨ ᠣ ᠵᠤᠪᠠᠯᠠᠩ ᠢ ᠨᠢᠮᠬᠡᠯᠡᠵᠤ᠂ ᠡᠵᠡᠨ ᠣ ᠬᠠᠢᠷᠠ ᠶᠢᠨ ᠬᠠᠷᠢᠭᠤ ᠪᠤᠯᠭᠠᠵᠤ ᠪᠠᠷᠢᠪᠠᠰᠤ᠂ ᠪᠤᠴᠠᠭᠠᠭᠠᠳ ᠶᠡᠬᠡ ᠱᠠᠩᠨᠠᠭᠳᠠᠬᠤ ᠪᠤᠯᠤᠨᠠ᠃ ︾ᠬᠡᠪᠡ᠂ ᠴᠠᠨ ᠢᠥᠢ ᠡᠴᠡ ᠄︽ᠡᠨᠡ ᠨᠢ ᠲᠩᠷᠢ ᠶᠢᠨ ᠬᠦᠪᠡᠬᠦᠨ ᠣ ᠵᠠᠷᠯᠢᠭ ᠦᠦ᠂ ᠵᠠ ᠡᠰᠡᠬᠦᠯᠠ ᠡᠯᠴᠢ ᠲᠠᠨ ᠣ ᠰᠠᠨᠠᠭᠠ ᠦᠦ ︾ᠭᠡᠪᠡ᠂ ᠹᠠᠨ ᠠᠴᠠ᠄︽ᠵᠠᠷᠯᠢᠭ ᠲᠤ ᠲᠡᠭᠡᠵᠤ ᠦᠬᠦᠯᠡᠭᠰᠡᠨ᠂ ᠴᠠᠨ ᠢᠥᠢ ᠲᠠᠨ ᠳᠤ ᠰᠠᠢᠨ ᠢ ᠰᠠᠨᠠᠯ ᠪᠤᠯᠭᠠᠵᠤ ᠪᠠᠢᠭᠠ ᠰᠢᠤ︕︾ᠬᠡᠪᠡ᠃ ᠴᠠᠨ ᠢᠥᠢ ᠨᠢ ᠵᠠᠩ ᠠᠴᠠ ᠄︽ᠰᠢᠶᠤᠤ ᠰᠢᠥᠸᠠᠨ᠂ ᠰᠢᠶᠤᠤ ᠶᠤᠸᠠᠨ ᠬᠤᠸᠠᠩᠳᠢ ᠠᠴᠠ ᠬᠡᠦ ᠬᠠᠨ ᠶᠧ ᠴᠠᠨ ᠢᠥᠢ ᠶᠢ ᠦᠷᠦ ᠡᠪᠡᠳᠴᠤ᠂ ᠴᠠᠭᠠᠨ ᠬᠡᠷᠡᠮ ᠡᠴᠡ ᠬᠤᠢᠰᠢ ᠪᠠᠨ ᠾᠦᠩᠨᠦ ᠶᠢᠨ ᠭᠠᠵᠠᠷ ᠨᠤᠲᠤᠭ ᠬᠡᠮᠡᠭᠰᠡᠨ ᠪᠢᠯᠨ᠂ ᠡᠨᠡ ᠭᠠᠵᠠᠷ ᠪᠤᠯᠪᠠᠰᠤ ᠤᠦ ᠶᠠᠩ ᠸᠠᠩ ᠤᠨ ᠬᠠᠷᠢᠶᠠᠨ ᠳᠤ ᠪᠤᠢ᠂ ᠶᠠᠨ ᠸᠠᠩ ᠤᠨ ᠬᠠᠷᠢᠶᠠᠨ ᠣ ᠭᠠᠵᠠᠷ ᠪᠤᠯᠤᠨᠠ᠂ ᠲᠡᠷᠨ ᠭᠠᠵᠠᠷ ᠤᠨ ᠪᠠᠢᠳᠠᠯ ᠢ ᠮᠡᠳᠡᠭᠰᠡᠨ ᠦᠬᠡᠢ᠂ ᠡᠯᠴᠢ ᠶᠠᠪᠤᠭᠤᠯᠤᠨ ᠮᠡᠳᠡᠶᠡ︾ ᠭᠡᠵᠤ ᠬᠡᠯᠡᠪᠡ᠃ ᠲᠡᠭᠡᠭᠡᠳ ᠹᠠᠨ᠂ ᠬᠠᠨ ᠤᠯᠤᠰ ᠤᠷᠤᠭᠤ ᠪᠤᠴᠠᠪᠠ᠂ ᠬᠤᠢᠨᠠ ᠡᠯᠴᠢ ᠶᠠᠪᠤᠭᠤᠯᠤᠨ ᠡᠨᠡ ᠭᠠᠵᠠᠷ ᠢ ᠠᠰᠠᠭᠤᠪᠠ᠂ ᠴᠠᠨ ᠢᠥᠢ ᠡᠴᠡ᠄︽ᠡᠴᠢᠬᠡ ᠠᠬᠠ ᠭᠡᠳ ᠲᠠᠪᠤᠨ ᠦᠶᠡ ᠶᠢ ᠦᠩᠬᠡᠷᠡᠬᠦᠯᠡᠭᠰᠡᠨ ᠪᠤᠯᠤᠨᠠ᠂ ᠬᠠᠨ ᠤᠯᠤᠰ ᠠᠴᠠ ᠡᠨᠡ ᠭᠠᠵᠠᠷ ᠢ ᠠᠰᠠᠭᠤᠭᠠᠳ ᠦᠬᠡᠢ ᠪᠢᠯᠨ᠂ ᠡᠳᠦᠬᠡ ᠶᠠᠭᠤ ᠪᠤᠯᠤᠭᠠᠳ ᠡᠨᠡ ᠭᠠᠵᠠᠷ ᠢ ᠬᠦᠰᠡᠭᠡᠳ ᠪᠠᠢᠨᠠ ᠪᠤᠢ ᠶᠠᠨ ᠸᠠᠩ ᠡᠴᠡ ᠨᠢᠭᠲᠠᠯᠠᠭᠰᠠᠨ ᠪᠤᠯᠤᠨᠠ᠂ ᠾᠦᠩᠨᠦ ᠶᠢᠨ ᠪᠠᠷᠠᠭᠤᠨ ᠬᠢᠯᠢ ᠶᠢᠨ ᠤᠯᠠᠨ ᠨᠤᠶᠠᠳ᠂ ᠵᠤᠯᠤᠮ ᠭᠡᠷ ᠪᠤᠯᠤᠨ ᠲᠡᠷᠭᠡ ᠬᠢᠬᠦ ᠳᠡᠬᠡᠨ ᠮᠤᠳᠤ ᠰᠤᠳᠤ ᠶᠢ ᠨᠢ ᠠᠰᠢᠭᠯᠠᠳᠠᠭ᠂ ᠪᠠᠰᠨ ᠳᠡᠭᠡᠳᠦᠰ ᠦᠨ ᠭᠠᠵᠠᠷ ᠪᠦᠭᠡᠳ ᠠᠯᠳᠠᠬᠤ ᠠᠴᠠ ᠪᠡᠨ ᠪᠤᠯᠭᠤᠮᠵᠢᠯᠠᠳᠠᠭ ᠬᠡᠪᠡ᠂ ᠹᠠᠨ ᠪᠤᠴᠠᠪᠠ᠂ ᠲᠤᠰᠢᠶᠠᠯ ᠳᠡᠪᠰᠢᠵᠦ ᠠᠵᠢᠯ ᠰᠢᠯᠵᠢᠪᠠ᠂ ᠴᠠᠨ ᠢᠥᠢ ᠡᠴᠡ ᠪᠢᠴᠢᠭ ᠡᠷᠬᠦᠵᠤ᠂ ᠹᠠᠨ ᠣ ᠭᠠᠵᠠᠷ ᠬᠦᠰᠡᠭᠰᠡᠨ ᠤᠴᠢᠷ ᠢ ᠠᠰᠠᠭᠤᠪᠠ᠂ ᠵᠠᠷᠯᠢᠭ ᠭᠠᠷᠭᠠᠨ ᠴᠠᠨ ᠢᠥᠢ ᠳᠦ ᠬᠠᠷᠢᠭᠤ ᠪᠤᠯᠭᠠᠭᠰᠠᠨ ᠨᠢ᠄ ᠹᠠᠨ᠂ ᠳᠤᠷᠠ ᠪᠠᠷ ᠢᠶᠠᠨ ᠵᠠᠷᠯᠢᠭ ᠬᠡᠮᠡᠨ ᠴᠠᠨ ᠢᠥᠢ ᠡᠴᠡ ᠭᠠᠵᠠᠷ ᠬᠦᠰᠡᠵᠠᠢ᠂ ᠬᠠᠤᠯᠢ ᠶᠤᠰᠤᠭᠠᠷ ᠪᠤᠯ ᠴᠠᠭᠠᠵᠢᠯᠠᠬᠤ ᠶᠤᠰᠤᠲᠠᠢ᠂ ᠲᠡᠭᠡᠭᠰᠡᠨ ᠴᠤ ᠶᠡᠬᠡ ᠦᠷᠦᠰᠢᠶᠡᠯ ᠳᠦ ᠪᠠᠭᠲᠠᠭᠠᠪᠠ᠂ ᠦᠨᠦ ᠹᠠᠨ ᠢ ᠵᠢᠨᠠᠨ ᠣ ᠲᠠᠢᠱᠸᠤ ᠲᠦᠰᠢᠮᠡᠯ ᠪᠤᠯᠭᠠᠭᠰᠠᠨ ᠤᠴᠢᠷ᠂ ᠾᠦᠩᠨᠦ ᠶᠢᠨ ᠬᠡᠷᠡᠭ ᠤᠴᠢᠷ ᠢ ᠨᠡᠭᠡᠬᠦ ᠦᠬᠡᠢ᠃︾ᠭᠡᠪᠡ᠃
ᠡᠨᠡ ᠦᠶᠡ ᠨᠢ ᠬᠠᠨ ᠤᠯᠤᠰ ᠤᠨ ᠬᠠᠨ ᠰᠢᠥᠸᠠᠨ ᠳ᠋ᠢ ᠪᠠᠢᠭᠰᠠᠨ ᠪᠦᠭᠡᠳ ᠲᠡᠬᠦᠨ ᠣ ᠡᠵᠢ ᠪᠤᠯᠬᠤ ᠸᠠᠩ ᠤᠪᠤᠭᠲᠤ ᠬᠠᠲᠤᠨ ᠣ ᠲᠡᠬᠦᠨᠡᠷ᠂ ᠬᠠᠨ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠡᠷᠭᠡ ᠮᠡᠳᠡᠯ ᠢ ᠭᠠᠷ ᠲᠠᠭᠠᠨ ᠠᠤᠬᠤᠭᠰᠠᠨ ᠴᠠᠭ ᠪᠠᠢᠯᠠ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠾᠦᠩᠨᠦ ᠴᠤ ᠭᠡᠰᠡᠨ ᠶᠡᠬᠡᠯᠠ ᠬᠦᠴᠦᠲᠠᠢ ᠪᠠᠢᠭᠰᠠᠨ ᠪᠤᠯᠤᠯᠲᠠᠢ᠂ ᠦᠵᠤᠯᠤ ᠴᠠᠨ ᠢᠥᠢ ᠨᠢ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠪᠤᠯᠤᠨ ᠸᠠᠩ ᠮᠠᠩ ᠠᠴᠠ ᠶᠡᠬᠡᠬᠡᠨ ᠪᠡᠯᠡᠭ ᠠᠪᠴᠤ ᠪᠠᠢᠭᠰᠠᠨ ᠪᠦᠬᠡᠳ ᠮᠦᠨ ᠡᠨᠡ ᠴᠠᠨ ᠢᠥᠢ ᠶᠢᠨ ᠦᠶᠡ ᠳᠦ᠂ ᠡᠮᠦᠨᠠᠳᠤ ᠾᠦᠩᠨᠦ ᠭᠦᠷᠦᠨ ᠢ︽ᠬᠦᠮᠦᠨ ᠠᠷᠠᠳ ᠨᠢ ᠠᠰᠤᠷᠤ ᠬᠦᠴᠦᠲᠠᠢ︾ᠭᠡᠵᠤ᠂ ᠬᠢᠲᠠᠳ ᠤᠨ ᠡᠷᠲᠡᠨ ᠣ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠳᠤ ᠲᠡᠮᠳᠡᠭᠯᠡᠵᠡᠢ᠂ ᠲᠡᠢᠮᠦ ᠡᠴᠡ ᠲᠡᠳᠡᠨ ᠳᠦ ᠬᠠᠨ ᠤᠯᠤᠰ ᠠᠷᠠᠢ ᠪᠠᠰᠨ ᠳᠡᠭᠡᠷᠡᠯᠬᠡᠵᠤ ᠶᠡᠬᠡ ᠵᠠᠩ ᠭᠠᠷᠭᠠᠵᠤ ᠴᠢᠳᠠᠬᠤ ᠦᠬᠡᠢ ᠪᠠᠢᠪᠠ᠂ ᠬᠠᠷᠢᠨ ᠬᠠᠨ ᠤᠯᠤᠰ ᠤᠨ ᠬᠤᠸᠠᠩᠳᠢ᠂ ᠬᠤᠸᠠᠩᠳᠢ ᠶᠢᠨ ᠨᠠᠭᠠᠴᠤ᠂ ᠮᠦᠨ ᠡᠯᠴᠢ ᠭᠡᠳ᠂ ᠬᠡᠥᠬᠡᠳ ᠮᠡᠬᠡᠯᠡᠬᠦ ᠰᠢᠭ ᠠᠷᠭᠠ ᠭᠠᠷᠳᠠᠭᠰᠠᠨ ᠨᠢ ᠰᠤᠨᠢᠨ ᠰᠠᠨᠠᠭᠳᠠᠨᠠ᠂ ᠡᠨᠡ ᠲᠡᠥᠬᠡᠨ ᠤᠢᠯᠨ ᠶᠠᠪᠤᠳᠠᠯ ᠶᠢ ᠲᠤᠤᠯᠢ ᠵᠠᠩᠭᠠᠷ ᠤᠨ ᠦᠨᠴᠦᠭ ᠡᠴᠡ ᠬᠠᠷᠠᠪᠠᠯ᠂ ᠭᠠᠵᠠᠷ ᠨᠤᠲᠤᠭ ᠪᠤᠯᠢᠶᠠᠯᠳᠤᠭᠰᠠᠨ ᠬᠡᠳᠡᠭ ᠢᠶᠡᠷ ᠢᠶᠡᠨ︽ᠤᠷᠴᠢᠯᠠᠩ ᠤᠨ ᠰᠠᠢᠬᠠᠨ ᠮᠢᠩᠶᠠᠨ᠂ ᠰᠢᠷᠠᠭᠤᠤᠯ ᠤᠨ ᠭᠤᠷᠪᠠᠨ ᠬᠠᠭᠠᠨ ᠲᠠᠢ ᠵᠠᠷᠭᠤᠴᠠᠭᠰᠠᠨ ᠪᠦᠯᠦᠭ︾ ᠰᠠᠨᠠᠭᠳᠠᠭᠤᠯᠤᠨᠠ᠃
ᠬᠠᠷᠢᠨ ᠳᠠᠷᠠᠭᠠ ᠶᠢᠨ ᠤᠢᠯᠨ ᠶᠠᠪᠤᠳᠠᠯ᠂ ᠪᠠᠢᠳᠠᠯ ᠦᠬᠡᠷᠴᠢᠯᠡᠭᠳᠡᠭᠰᠡᠨ ᠬᠡᠳᠡᠭ ᠢ ᠬᠡᠷᠡᠴᠢᠯᠡᠨᠡ᠂ ᠡᠨᠡ ᠨᠢ ᠾᠦᠩᠨᠦ ᠡᠴᠡ ᠪᠢᠰᠢ᠂ ᠬᠠᠷᠢᠨ ᠬᠠᠨ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠡᠷᠭᠡ ᠶᠢ ᠪᠤᠯᠢᠶᠠᠵᠤ ᠠᠪᠤᠭᠰᠠᠨ ᠸᠠᠩ ᠮᠠᠩ ᠭᠡᠳᠡᠭ ᠨᠦᠬᠦᠷ ᠡᠴᠡ ᠰᠢᠯᠲᠠᠭᠠᠯᠠᠵᠠᠢ᠂ ᠳᠤᠤᠷᠠ ᠦᠵᠡᠪᠠᠯ᠄
ᠸᠠᠩ ᠮᠠᠩ ᠠᠴᠠ ᠤᠷᠤ ᠪᠤᠯᠢᠶᠠᠪᠠ᠂ ᠤᠯᠤᠰ ᠪᠠᠢᠭᠤᠯᠤᠭᠰᠠᠨ ᠣ ᠠᠩᠬᠠᠨ ᠣ ᠤᠨ᠂ ᠦ᠋ ᠸᠸᠢ ᠵᠠᠩᠵᠦᠨ ᠸᠠᠩ ᠵᠢᠶᠦᠢ᠌ᠨ ᠪᠡᠷ ᠤᠳᠤᠷᠢᠳᠤᠭᠤᠯᠤᠨ᠂ ᠵᠧᠨ ᠴᠢᠥᠢ᠂ ᠸᠠᠩ ᠹᠧᠩ ᠂ ᠴᠧᠨ ᠶᠤᠤ᠂ ᠵᠢᠩ ᠴᠠᠩ᠂ ᠳ᠋ᠢᠩ ᠶᠧ ᠭᠡᠬᠦ ᠵᠢᠷᠭᠤᠭᠠᠨ ᠬᠦᠮᠦᠨ ᠢ ᠶᠠᠪᠤᠭᠤᠯᠪᠠ᠂ ᠶᠡᠬᠡ ᠬᠡᠮᠵᠢᠶᠠᠨ ᠣ ᠬᠡᠮᠡᠷᠯᠢᠭ ᠲᠠᠢ ᠪᠡᠷ ᠴᠠᠨ ᠢᠥᠢ ᠳᠦ ᠲᠤᠮᠢᠯᠠᠪᠠ᠂ ᠵᠠᠷᠯᠢᠭ ᠢ ᠬᠦᠯᠢᠶᠠᠨ ᠬᠠᠨ ᠤᠯᠤᠰ ᠤᠨ ᠪᠠᠢᠳᠠᠯ ᠤᠨ ᠲᠤᠬᠠᠢ ᠮᠡᠳᠡᠬᠦᠯᠵᠤ᠂ ᠲᠡᠷᠨ ᠤᠴᠢᠷ ᠴᠠᠨ ᠢᠥᠢ ᠶᠢᠨ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠰᠤᠯᠢᠨᠠ ᠬᠡᠮᠡᠪᠡ᠃ ᠬᠠᠭᠤᠴᠢᠨ ᠲᠠᠮᠠᠭᠠᠨ ᠳᠦ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠶᠢᠨ ᠬᠠᠰ ᠲᠠᠮᠠᠭᠠ ᠭᠡᠰᠡᠨ ᠪᠢᠴᠢᠭᠡᠰᠦ ᠲᠠᠢ᠂ ᠸᠠᠩ ᠮᠠᠩ ᠠᠴᠠ ᠰᠢᠨᠠ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠶᠢᠨ ᠲᠠᠮᠠᠭᠠ ᠭᠡᠵᠤ ᠰᠤᠯᠢᠵᠠᠢ᠂ ᠵᠠᠩᠵᠦᠨ ᠦᠳ ᠬᠦᠷᠦᠭᠡᠳ᠂ ᠴᠠᠨ ᠢᠥᠢ ᠳᠦ ᠲᠠᠮᠠᠭᠠ ᠲᠡᠮᠳᠡᠭ ᠤᠯᠭᠤᠪᠠ᠂ ᠵᠠᠷᠯᠢᠭ ᠤᠨ ᠳᠠᠭᠠᠤ᠂ ᠬᠠᠭᠤᠴᠢᠨ ᠲᠠᠮᠠᠭᠠ ᠲᠡᠮᠳᠡᠭ ᠢ ᠲᠤᠰᠢᠶᠠᠨᠠ ᠦᠦ ᠬᠡᠪᠡ᠂ ᠴᠠᠨ ᠢᠥᠢ ᠡᠴᠡ ᠠᠬᠢᠵᠤ ᠶᠤᠰᠤᠯᠠᠭᠠᠳ ᠵᠠᠷᠯᠢᠭ ᠢ ᠬᠦᠯᠢᠶᠠᠪᠠ᠂ ᠤᠷᠴᠢᠭᠤᠯᠬᠤ ᠠᠴᠠ ᠡᠮᠦᠨᠠ᠂ ᠬᠠᠭᠤᠴᠢᠨ ᠲᠠᠮᠠᠭᠠ ᠲᠡᠮᠳᠡᠭ ᠢ ᠲᠡᠢᠯᠦᠨ ᠠᠪᠤᠶᠠ ᠬᠡᠪᠡ᠂ ᠴᠠᠨ ᠢᠥᠢ ᠮᠡᠬᠦᠢᠨ ᠶᠤᠰᠤᠯᠠᠵᠤ ᠬᠦᠯᠢᠶᠠᠨ ᠠᠪᠬᠤ ᠬᠡᠲᠡᠯᠠ᠂ ᠵᠡᠬᠦᠨ ᠣ ᠭᠦ᠋ ᠱᠢ ᠾᠸᠤ ᠬᠡᠷᠬᠡᠮᠲᠠᠨ ᠲᠦ᠋ ᠨᠢ ᠬᠠᠵᠠᠭᠤ ᠠᠴᠠ ᠴᠠᠨ ᠢᠥᠢ ᠳᠦ ᠦᠬᠦᠯᠡᠷᠦᠨ᠄ ᠰᠢᠨᠠ ᠲᠠᠮᠠᠭᠠ ᠶᠢ ᠦᠵᠡᠭᠡᠳ ᠦᠬᠡᠢ ᠪᠠᠢᠵᠤ ᠰᠤᠯᠢᠵᠤ ᠪᠤᠯᠬᠤ ᠦᠬᠡᠢ᠃ ᠬᠡᠮᠡᠪᠡ᠂ ᠴᠠᠨ ᠢᠥᠢ ᠪᠠᠢᠭᠠᠳ᠂ ᠦᠭᠬᠦ ᠦᠬᠡᠢ ᠪᠠᠢᠪᠠ᠂ ᠡᠯᠴᠢ ᠨᠠᠷ ᠢ ᠵᠤᠯᠤᠮ ᠭᠡᠷ ᠲᠦ ᠤᠷᠢᠵᠤ᠂ ᠴᠠᠨ ᠢᠥᠢ ᠤᠳᠠᠯ ᠦᠬᠡᠢ ᠤᠴᠢᠵᠦ ᠪᠡᠯᠡᠭᠯᠡᠶᠡ ᠬᠡᠮᠡᠪᠡ᠂ ᠦ᠋ ᠸᠸᠢ ᠵᠠᠩᠵᠦᠨ ᠸᠠᠩ ᠡᠴᠡ᠄ ᠬᠠᠭᠤᠴᠢᠨ ᠲᠠᠮᠠᠭᠠ ᠲᠡᠮᠳᠡᠭ ᠲᠤᠰᠢᠶᠠᠬᠤ ᠴᠠᠭ ᠪᠤᠯᠤᠭᠰᠠᠨ ᠬᠡᠪᠡ᠂ ᠴᠠᠨ ᠢᠥᠢ ᠪᠤᠯᠤᠨᠠ ᠬᠡᠮᠡᠪᠡ᠂ ᠠᠬᠢᠭᠠᠳ ᠮᠡᠬᠦᠢᠨ ᠶᠤᠰᠤᠯᠠᠵᠤ ᠬᠦᠯᠢᠶᠠᠨ ᠠᠪᠤᠪᠠ᠂ ᠡᠴᠡ ᠠᠬᠢᠭᠠᠳ᠄ ᠲᠠᠮᠠᠭᠠᠨ ᠣ ᠪᠢᠴᠢᠭᠡᠰᠦ ᠶᠢ ᠬᠠᠷᠠᠭᠠᠳ ᠦᠬᠡᠢ ᠪᠠᠢᠵᠤ ᠰᠤᠯᠢᠵᠤ ᠪᠤᠯᠬᠤ ᠦᠬᠡᠢ ᠬᠡᠪᠡ᠂ ᠴᠠᠨ ᠢᠥᠢ ᠡᠴᠡ᠄ ᠲᠠᠮᠠᠭᠠᠨ ᠣ ᠪᠢᠴᠢᠭᠡᠰᠦ ᠶᠢ ᠶᠠᠭᠠᠬᠢᠭᠠᠳ ᠰᠤᠯᠢᠬᠤ ᠪᠤᠢ ᠬᠡᠮᠡᠭᠡᠳ᠂ ᠬᠠᠭᠤᠴᠢᠨ ᠲᠠᠮᠠᠭᠠ ᠲᠡᠮᠳᠡᠭ ᠢ ᠲᠠᠢᠯᠦᠨ ᠡᠷᠬᠦᠵᠤ ᠪᠠᠷᠢᠪᠠ᠂ ᠵᠠᠩᠵᠦᠨ ᠬᠦᠯᠢᠶᠠᠨ ᠠᠪᠤᠪᠠ᠂ ᠰᠢᠨᠠ ᠲᠠᠮᠠᠭᠠᠨ ᠣ ᠤᠭᠤᠳ᠋ᠨ ᠢ ᠲᠠᠢᠯᠤᠭᠠᠳ᠂ ᠰᠢᠢᠯᠡᠭᠰᠡᠨ ᠦᠰᠦᠭ ᠢ ᠡᠰᠨ ᠮᠡᠳᠡᠪᠡ᠂ ᠤᠷᠤᠢ ᠶᠢᠨ ᠬᠤᠭᠤᠯᠨ ᠣ ᠳᠠᠷᠠᠭᠠ ᠮᠡᠳᠡᠶᠡ ᠬᠡᠮᠡᠪᠡ᠂ ᠪᠠᠷᠠᠭᠤᠨ ᠣ ᠠᠬᠠᠯᠠᠭᠴᠢ ᠴᠧᠨ ᠶᠤᠤ ᠡᠴᠡ ᠤᠯᠠᠨ ᠵᠠᠩᠵᠦᠨ ᠳᠤ ᠦᠬᠦᠯᠡᠭᠰᠡᠨ ᠨᠢ᠄ ᠬᠠᠵᠠᠭᠤ ᠶᠢᠨ ᠬᠦᠮᠦᠰ ᠨᠢ ᠲᠠᠮᠠᠭᠠᠨ ᠣ ᠪᠢᠴᠢᠭᠡᠰᠦ ᠶᠢ ᠰᠡᠵᠢᠭᠯᠡᠵᠦ ᠪᠠᠢᠨᠠ᠂ ᠠᠬᠢᠨ ᠳᠠᠬᠢᠨ ᠴᠠᠨ ᠢᠥᠢ ᠶᠢ ᠪᠢᠲᠦᠬᠡᠢ ᠦᠭᠬᠦᠭᠡᠷᠡᠢ ᠬᠡᠮᠡᠭᠰᠡᠨ᠂ ᠡᠳᠦᠬᠡ ᠲᠠᠮᠠᠭᠠᠨ ᠣ ᠪᠢᠴᠢᠭᠡᠰᠦ ᠶᠢ ᠦᠵᠡᠭᠡᠳ᠂ ᠰᠤᠯᠢᠭᠳᠠᠭᠰᠠᠨ ᠢ ᠮᠡᠳᠡᠮᠡᠭᠴᠨ᠂ ᠵᠠᠪᠠᠯ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠪᠡᠨ ᠠᠪᠤᠶᠠ ᠭᠡᠪᠠᠰᠤ ᠦᠬᠦᠯᠡᠵᠤ ᠬᠡᠯᠡᠭᠡᠳ ᠤᠴᠢᠷ ᠢ ᠨᠢ ᠭᠠᠷᠭᠠᠵᠤ ᠦᠯᠦ ᠪᠤᠯᠬᠤ ᠠᠵᠠᠢ᠂ ᠠᠪᠤᠭᠰᠠᠨ ᠢ ᠪᠡᠨ ᠠᠬᠢᠭᠠᠳ ᠠᠯᠳᠠᠪᠠᠰᠤ᠂ ᠠᠮᠢᠳᠤ ᠶᠠᠪᠤᠭᠠᠳ ᠬᠡᠷᠡᠭ ᠠᠯᠠᠭᠠ᠂ ᠲᠡᠭᠡᠭᠰᠡᠨ ᠣ ᠤᠷᠤᠨ ᠳᠤ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠡᠪᠳᠡᠶᠡ᠂ ᠠᠶᠤᠯ ᠵᠤᠪᠠᠯᠠᠩ ᠢ ᠠᠷᠢᠯᠭᠠᠶᠠ ᠬᠡᠮᠡᠪᠡ᠂ ᠵᠠᠩᠵᠦᠨ᠂ ᠤᠯᠠᠨ ᠠᠴᠠ ᠠᠰᠠᠭᠤᠪᠠ᠂ ᠪᠦᠬᠦᠳᠡᠭᠡᠷ ᠵᠦᠪᠰᠢᠶᠡᠷᠡᠪᠡ᠂ ᠶᠤᠤ ᠪᠤᠯᠪᠠᠰᠤ ᠶᠠᠨ ᠭᠠᠵᠠᠷ ᠤᠨ ᠪᠠᠭᠠᠲᠤᠷ᠂ ᠰᠢᠳᠮᠡᠬᠡᠢ᠃ ᠰᠦᠬᠡ ᠠᠪᠤᠨ ᠡᠪᠳᠡᠪᠡ᠂ ᠳᠠᠷᠠᠭᠠ ᠡᠳᠦᠷ ᠨᠢ ᠴᠠᠨ ᠢᠥᠢ ᠦᠨᠡᠬᠡᠷ ᠪᠠᠷᠠᠭᠤᠨ ᠭᠦ᠋ ᠳ᠋ᠸᠤ ᠾᠸᠤ ᠲᠦᠰᠢᠮᠠᠯ ᠳ᠋ᠠᠩ ᠪᠠᠢ ᠶᠠᠪᠤᠭᠤᠯᠤᠨ ᠵᠠᠩᠵᠦᠨ ᠳᠤ ᠬᠡᠯᠡᠬᠦᠯᠡᠭᠰᠡᠨ ᠨᠢ᠄ ᠬᠠᠨ ᠤᠯᠤᠰ ᠠᠴᠠ ᠴᠠᠨ ᠢᠥᠢ ᠳᠦ ᠰᠤᠶᠤᠷᠬᠠᠭᠰᠠᠨ ᠲᠠᠮᠠᠭᠠ ᠶᠢ ᠬᠠᠰ ᠲᠠᠮᠠᠭᠠ ᠬᠡᠳᠡᠭ᠂ ᠲᠡᠮᠳᠡᠭ ᠭᠡᠳᠡᠭ ᠦᠬᠡᠢ ᠪᠠᠢᠭᠰᠠᠨ᠂ ᠲᠡᠭᠡᠭᠡᠳ ᠪᠠᠰᠨ ᠬᠠᠨ ᠤᠯᠤᠰ ᠬᠡᠮᠡᠬᠦ ᠦᠰᠦᠭ ᠪᠠᠢᠬᠤ ᠦᠬᠡᠢ᠂ ᠤᠯᠠᠨ ᠸᠠᠩ ᠤᠨ ᠵᠡᠷᠭᠡᠯᠡᠯ ᠲᠠᠢ ᠨᠢ ᠬᠠᠨ ᠤᠯᠤᠰ ᠬᠡᠮᠡᠭᠰᠡᠨ ᠪᠦᠭᠡᠳ ᠲᠠᠮᠠᠭᠠ ᠬᠡᠳᠡᠭ᠂ ᠡᠳᠦᠬᠡ ᠬᠠᠰ ᠲᠠᠮᠠᠭᠠ ᠭᠡᠰᠡᠨ ᠢ ᠦᠬᠡᠢ ᠪᠤᠯᠭᠠᠵᠤ᠂ ᠰᠢᠨᠠ ᠬᠡᠮᠡᠭᠰᠡᠨ ᠦᠰᠦᠭ ᠨᠡᠮᠡᠭᠳᠡᠵᠡᠢ᠂ ᠰᠠᠢᠳ ᠲᠠᠢ ᠶᠠᠮᠠᠷ ᠢᠯᠭᠠᠭᠠ ᠪᠠᠢᠨᠠ ᠪᠤᠢ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠪᠡᠨ ᠠᠪᠤᠶᠠ ᠬᠡᠮᠡᠪᠡ᠂ ᠵᠠᠩᠵᠦᠨ ᠨᠤᠭᠤᠳ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠬᠠᠷᠠᠭᠤᠯᠠᠭᠠᠳ ᠬᠡᠯᠡᠭᠰᠡᠨ ᠨᠢ᠄ ᠰᠢᠨᠠ ᠡᠵᠡᠨ ᠲᠩᠷᠢ ᠶᠢᠨ ᠰᠠᠨᠠᠭᠠ ᠶᠢ ᠡᠶᠡᠯᠳᠦᠨ ᠳᠠᠭᠠᠵᠤ ᠬᠢᠭᠰᠡᠨ ᠪᠤᠯᠤᠨᠠ᠂ ᠡᠢᠮᠦ ᠤᠴᠢᠷ᠂ ᠬᠠᠭᠤᠴᠢᠨ ᠲᠠᠮᠠᠭᠠ ᠶᠢ ᠵᠠᠩᠵᠦᠨ ᠨᠤᠭᠤᠳ ᠠᠴᠠ ᠡᠵᠡᠨ ᠮᠡᠳᠡᠭᠡᠳ ᠡᠪᠳᠡᠪᠡ᠂ ᠴᠠᠨ ᠢᠥᠢ ᠲᠠ᠂ ᠲᠩᠷᠢ ᠶᠢᠨ ᠰᠠᠨᠠᠭᠠ ᠶᠢ ᠳᠡᠭᠡᠳᠦᠯᠡᠨ᠂ ᠰᠢᠨᠠ ᠡᠵᠡᠨ ᠣ ᠶᠤᠰᠤ ᠶᠢ ᠡᠷᠬᠢᠮᠨᠠᠪᠠᠰᠤ ᠵᠤᠬᠢᠨᠠ ᠬᠡᠪᠡ᠂ ᠳ᠋ᠠᠩ ᠪᠤᠴᠠᠭᠠᠳ ᠮᠡᠳᠡᠬᠦᠯᠪᠡ᠂ ᠴᠠᠨ ᠢᠥᠢ ᠶᠠᠭᠠᠬᠢᠵᠤ ᠴᠤ ᠴᠢᠳᠠᠬᠤ ᠦᠬᠡᠢ ᠪᠡᠨ ᠮᠡᠳᠡᠪᠡ᠃
ᠳᠡᠭᠡᠷᠡᠬᠢ ᠲᠡᠮᠳᠡᠭᠯᠡᠯ ᠡᠴᠡ ᠦᠵᠡᠬᠦ ᠳᠦ᠂ ᠮᠠᠰᠢ ᠬᠦᠨᠳᠦ ᠬᠡᠴᠡᠬᠦᠦ ᠦᠶᠡ ᠪᠠᠢᠵᠠᠢ᠂ ᠸᠠᠩ ᠮᠠᠩ ᠤᠨ ᠬᠢᠭᠰᠡᠨ ᠪᠦᠬᠦᠨ ᠨᠢ ᠡᠮᠦᠨᠠᠳᠤ ᠾᠦᠩᠨᠦ ᠶᠢᠨ ᠲᠤᠰᠠᠭᠠᠷ ᠲᠦᠷᠦ ᠶᠢᠨ ᠪᠠᠢᠳᠠᠯ ᠢ ᠠᠯᠳᠠᠭᠤᠯᠬᠤ ᠭᠡᠰᠡᠨ ᠤᠢᠯᠨ ᠶᠠᠪᠤᠳᠠᠯ ᠪᠤᠯᠤᠨᠠ᠂ ᠲᠡᠭᠡᠬᠦ ᠳᠡᠬᠡᠨ ᠡᠮᠦᠨᠠᠳᠦ ᠾᠦᠩᠨᠦ ᠶᠢᠨ ᠬᠢᠨ᠂ ᠸᠠᠩ ᠮᠠᠩ ᠤᠨ ᠰᠠᠨᠠᠭᠰᠠᠨ ᠪᠦᠬᠦᠨ ᠢ ᠡᠶᠡᠯᠳᠦᠨ ᠳᠠᠭᠠᠳᠠᠭ ᠵᠦᠬᠡᠯᠡᠨ ᠴᠢᠬᠢ ᠲᠠᠢ ᠬᠦᠮᠦᠰ ᠪᠢᠰᠢ ᠪᠠᠢᠯᠠ᠂ ᠡᠬᠦᠨ ᠣ ᠳᠠᠷᠠᠭᠠ ᠲᠡᠥᠬᠡᠨ ᠪᠤᠯᠤᠭᠰᠠᠨ ᠪᠠᠢᠳᠠᠯ ᠢ ᠲᠡᠥᠬᠡ ᠰᠤᠨᠢᠷᠬᠠᠭᠴᠢᠳ ᠮᠡᠳᠡᠳᠡᠭ ᠯᠠ ᠪᠠᠢᠬᠤ᠂ ᠦᠵᠤᠯᠤ ᠴᠠᠨ ᠢᠥᠢ᠂ ᠴᠡᠷᠢᠭ ᠳᠠᠢᠴᠢᠯᠠᠨ ᠪᠠᠢᠯᠳᠤᠨᠠ᠂ ᠬᠠᠨ ᠤᠯᠤᠰ ᠤᠨ ᠲᠦᠷᠦ ᠤᠢᠮᠡᠵᠦ᠂ ᠪᠤᠵᠢᠬᠢᠨᠠᠨᠠ᠃ ᠸᠠᠩ ᠮᠠᠩ ᠰᠡᠬᠦᠯᠡᠷ ᠨᠢ ᠤᠷᠳᠤᠨ ᠳᠤᠲᠤᠷᠠ ᠦᠬᠦᠵᠤ ᠲᠠᠭᠤᠰᠠᠨᠠ᠃ ᠡᠨᠡ ᠶᠠᠪᠤᠳᠠᠯ ᠡᠬᠦᠪᠡᠷ ᠲᠠᠭᠤᠰᠠᠳᠠᠭ ᠦᠬᠡᠢ᠂ ᠡᠮᠦᠨᠠᠳᠤ ᠾᠦᠩᠨᠦ᠂ ᠬᠠᠨ ᠤᠯᠤᠰ ᠭᠡᠳ᠂ ᠨᠢᠭᠡ ᠨᠢᠭᠡᠨ ᠡᠴᠡ ᠳᠠᠯᠳᠠᠯᠠᠵᠤ ᠪᠠᠢᠭᠰᠠᠨ ᠰᠠᠨᠠᠭᠠᠨ ᠣ ᠪᠠᠨ ᠢᠯᠨ ᠪᠤᠯᠤᠭᠰᠠᠨ ᠳᠤ ᠬᠡᠨ ᠬᠡᠨ ᠨᠢ ᠭᠠᠢᠬᠠᠬᠰᠠᠨ ᠵᠦᠢᠯ ᠴᠤ ᠠᠯᠠᠭᠠ᠃ ᠮᠦᠨ ᠡᠢᠮᠦ ᠬᠦᠨᠳᠦ ᠬᠡᠴᠡᠬᠦᠦ ᠴᠠᠭ ᠦᠶᠡ ᠶᠢ ᠲᠤᠭᠤᠯᠤᠭᠰᠠᠨ ᠦᠵᠤᠯᠤ ᠴᠠᠨ ᠢᠥᠢ ᠶᠢᠨ ᠦᠶᠡ ᠶᠢᠨ ᠬᠢᠨ᠂ ᠬᠦᠴᠦᠲᠠᠢ᠂ ᠤᠮᠤᠭᠤᠯᠠᠩ ᠪᠠᠢᠭᠰᠠᠨ ᠠᠭᠤᠤ ᠶᠡᠬᠡ ᠡᠪᠦᠭᠡ ᠳᠡᠭᠡᠳᠦᠰ ᠪᠤᠯᠬᠤ ᠮᠤᠳᠤᠭᠤ ᠴᠠᠨ ᠢᠥᠢ ᠶᠢ ᠰᠠᠨᠠᠭᠠᠯᠵᠠᠭᠰᠠᠨ ᠯᠠ ᠪᠠᠢᠬᠤ᠂ ᠬᠢᠲᠠᠳ ᠤᠨ ᠬᠤᠤᠷᠤᠨ ᠰᠠᠨᠠᠭᠠ ᠶᠢ ᠨᠢᠴᠠ ᠬᠢᠰᠬᠢᠵᠤ᠂ ᠲᠦᠷᠦ ᠤᠯᠤᠰ ᠤᠨ ᠲᠤᠰᠠᠭᠠᠷ ᠪᠠᠢᠳᠠᠯ ᠢ ᠬᠠᠮᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠡᠨᠡ ᠦᠶᠡ ᠶᠢᠨ ᠬᠢᠨ᠂ ᠡᠪᠦᠭᠡ ᠳᠡᠭᠡᠳᠦᠰ ᠪᠤᠯᠤᠨ ᠦᠪᠡᠷᠡᠰᠡᠳ ᠢ ᠪᠡᠨ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠬᠡᠢ ᠪᠠᠬᠠᠷᠬᠠᠭᠰᠠᠨ ᠯᠠ ᠪᠠᠢᠬᠤ᠃
ᠲᠤᠤᠯᠢ ᠭᠡᠵᠤ᠂ ᠨᠢᠬᠡᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠣ ᠬᠠᠮᠤᠭ ᠤᠨ ᠬᠠᠲᠠᠭᠤ ᠴᠠᠭ ᠦᠶᠡ ᠳᠦ ᠪᠦᠲᠦᠭᠡᠭᠳᠡᠳᠡᠭ ᠭᠡᠵᠤ ᠰᠤᠳᠤᠯᠠᠭᠠᠴᠢᠳ ᠦᠵᠡᠳᠡᠭ᠂ ᠬᠦᠨᠳᠦ ᠬᠡᠴᠡᠬᠦᠦ ᠠᠶᠤᠯ ᠨᠢᠭᠤᠷᠯᠠᠭᠰᠠᠨ ᠴᠠᠭ ᠦᠶᠡ᠂ ᠲᠡᠥᠬᠡ᠂ ᠲᠦᠷᠦ ᠤᠯᠤᠰ ᠢ ᠨᠢ ᠦᠨᠳᠡᠯᠭᠡᠵᠤ ᠦᠭᠬᠦᠭᠰᠡᠨ᠂ ᠦᠨᠳᠦᠰᠦᠲᠡᠨ ᠣ ᠬᠤᠪᠢ ᠵᠠᠶᠠᠭᠠᠨ ᠣ ᠵᠢᠯᠤᠭᠤ ᠶᠢ ᠢᠯᠠᠯᠳ᠋ᠨ ᠠᠮᠵᠢᠯᠳ᠋ᠨ ᠤᠷᠤᠭᠤ ᠵᠠᠯᠠᠭᠰᠠᠨ ᠲᠡᠥᠬᠡᠲᠤ ᠠᠭᠤᠤ ᠬᠦᠮᠦᠰ ᠢ ᠪᠡᠨ ᠳᠤᠷᠠᠰᠤᠭᠰᠠᠨ ᠲᠠᠭᠤᠯᠠᠯ ᠨᠢ ᠬᠦᠮᠦᠨ ᠠᠷᠠᠳ ᠤᠨ ᠬᠢ ᠪᠡᠨ ᠰᠡᠳᠬᠢᠯ ᠵᠢᠷᠦᠬᠡ ᠶᠢ ᠬᠦᠭᠯᠡᠳᠡᠭ᠂ ᠲᠡᠷᠨ ᠨᠢ ᠲᠤᠤᠯᠢ ᠪᠤᠯᠵᠤ ᠠᠮᠢᠯᠠᠵᠤ᠂ ᠲᠡᠥᠬᠡᠨ ᠦᠨᠡᠨ ᠢᠶᠡᠷ ᠠᠮᠢᠰᠬᠤᠯᠠᠳᠠᠭ᠃ ᠲᠤᠤᠯᠢ ᠵᠠᠩᠭᠠᠷ ᠭᠡᠵᠤ ᠡᠢᠮᠦ ᠴᠠᠭ ᠦᠶᠡ ᠳᠤ ᠲᠡᠥᠬᠡᠨ ᠵᠠᠬᠢᠶᠠᠯᠠᠭᠠ ᠪᠠᠷ ᠪᠦᠲᠦᠭᠡᠭᠳᠦᠭᠰᠡᠨ ᠠᠭᠤᠤ ᠲᠤᠤᠯᠢ ᠭᠡᠵᠤ ᠪᠢ ᠢᠲᠡᠭᠡᠨᠡ᠃
ᠨᠦᠬᠦᠪᠤᠷᠢ ᠲᠠᠢᠯᠪᠤᠷᠢ᠄
ᠢᠷᠬᠢ ᠳᠠᠷᠤᠨ ᠠᠮᠢᠳᠤᠷᠠᠭᠰᠠᠨ- ᠬᠠᠶᠠᠭᠠ ᠳᠡᠷᠯᠡᠨ ᠠᠮᠢᠳᠤᠷᠠᠭᠰᠠᠨ
ᠵᠤᠯᠤᠮ ᠭᠡᠷ- ᠬᠠᠨᠠ ᠦᠬᠡᠢ ᠢᠰᠡᠭᠡᠢ ᠭᠡᠷ᠃