-
379920
ᠨᠤᠮ ᠤᠩᠰᠢᠬᠤ ᠲᠤᠬᠠᠢ
2017-06-28 09:20
345
0
ᠨᠤᠮ ᠤᠩᠰᠢᠬᠤ ᠲᠤᠬᠠᠢ
ᠨᠤᠮ ᠭᠡᠵᠦ ᠤᠯᠠᠨ ᠬᠦᠮᠦᠨ ᠲᠡᠪᠵᠢᠶ᠋ᠷᠡᠬᠦ ᠪᠤᠯᠵᠠᠭᠠᠯᠠ᠃ ᠵᠠᠷᠢᠮᠠᠳ ᠨᠢ ᠪᠢᠴᠢᠨᠡ᠂ ᠵᠠᠷᠢᠮᠠᠳ ᠨᠢ ᠤᠩᠰᠢᠨᠠ᠃ ᠵᠠᠷᠢᠮ ᠨᠢ ᠤᠩᠰᠢᠬᠤ ᠮᠦᠷᠳᠡᠬᠡᠨ ᠪᠢᠴᠢᠨᠡ᠃ ᠶᠠᠭᠠᠬᠢᠵᠤ ᠨᠤᠮ ᠤᠩᠰᠢᠬᠤ ᠲᠤᠬᠠᠢ᠂ ᠶᠠᠮᠠᠷ ᠨᠤᠮ ᠤᠩᠰᠢᠬᠤ ᠲᠤᠬᠠᠢ ᠬᠦᠮᠦᠰ ᠤᠯᠠᠨ ᠤᠨᠢ ᠬᠠᠷᠠᠭᠠᠰᠤ ᠪᠤᠶᠤ ᠵᠤᠭᠰᠤᠴᠠ ᠠᠴᠠ ᠶᠠᠷᠢᠬᠤ ᠪᠢᠴᠢᠬᠦ ᠨᠢ ᠵᠦᠩᠳᠡᠬᠡᠨ᠃ ᠪᠠᠰᠠ ᠨᠤᠮ ᠤᠩᠰᠢᠬᠤ ᠤᠯᠤᠰ ᠤᠷᠤᠨ ᠣ ᠲᠤᠭᠠ ᠴᠢᠨᠠᠷ ᠤᠨ ᠲᠤᠬᠠᠢ ᠪᠦᠷᠢᠳᠭᠡᠯ ᠭᠡᠳᠡᠭ ᠨᠢ ᠦᠪᠡᠷ ᠦᠨ ᠡᠷᠬᠡ ᠦᠭᠡᠢ ᠬᠦᠮᠦᠨ ᠣ ᠬᠠᠷᠢᠴᠠᠭᠤᠯᠬᠤ ᠰᠡᠳᠭᠢᠯ ᠢ ᠡᠭᠦᠰᠭᠡᠮᠡᠷ ᠪᠢᠯᠡ᠃ ᠭᠡᠬᠦ ᠳ᠋ᠥ ᠪᠡᠨ ᠪᠠᠰᠠ ᠶᠠᠮᠠᠷ ᠬᠦᠮᠦᠨ ᠶᠠᠭᠠᠬᠢᠵᠤ ᠤᠶᠢᠯᠠᠭᠠᠬᠤ ᠪᠤᠶᠤ ᠨᠢᠭᠡ ᠨᠤᠮ ᠠᠴᠠ ᠶᠠᠮᠠᠷ ᠬᠦᠮᠦᠨ ᠶᠠᠭᠤ ᠵᠢ ᠰᠤᠷᠴᠤ ᠪᠤᠯᠬᠤ ᠲᠤᠬᠠᠢ ᠰᠤᠳᠤᠯᠵᠠᠭᠠᠬᠤ ᠪᠢᠯᠡ᠃
ᠡᠭᠦᠨ ᠳᠦ ᠬᠠᠶᠠ ᠨᠢᠭᠡ ᠨᠢ ᠠᠵᠢᠯ ᠤᠨ ᠱᠠᠭᠠᠷᠳᠠᠯᠭᠠ ᠭᠡᠬᠦ ᠳ᠋ᠥ ᠪᠠᠰᠠ ᠵᠠᠷᠢᠮ ᠨᠡᠷᠡ ᠨᠢ ᠤᠶᠤᠨ ᠣ ᠬᠦᠨᠡᠰᠦ᠂ ᠵᠤᠭᠠ ᠴᠡᠩᠭᠡᠯ ᠪᠤᠯᠭᠠᠳᠠᠭ ᠪᠢᠵᠠ᠃
ᠨᠡᠷᠡᠳᠦ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠪᠦᠷ ᠨᠤᠮ ᠤᠩᠰᠢᠭᠰᠠᠨ ᠮᠦᠷᠳᠡᠬᠡᠨ ᠨᠤᠮ ᠤᠩᠰᠢᠬᠤ ᠲᠤᠬᠠᠢ ᠲᠠᠯᠠᠢ ᠪᠠᠶᠠᠨ ᠮᠡᠷᠭᠡᠨ ᠦᠭᠡ ᠬᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠮᠠᠤ ᠽᠸ ᠳ᠋ᠦᠩ ᠤᠯᠠᠨ ᠨᠤᠮ ᠤᠩᠰᠢᠯᠠ ᠭᠡᠳᠡᠭ᠂ ᠪᠠᠰᠠ ᠬᠤᠷᠳᠤᠨ ᠤᠩᠰᠢᠨᠠ ᠭᠡᠳᠡᠭ᠃ ︽ ᠪᠠᠷᠠᠭᠤᠨᠰᠢ ᠵᠤᠷᠴᠢᠭᠰᠠᠨ ᠲᠡᠮᠳᠡᠭᠯᠡᠯ︾ ᠂︽ ᠱᠦᠢ ᠬᠤ᠋ ᠵᠢᠨ ᠦᠯᠢᠭᠡᠷ︾᠁ ᠤᠯᠠᠨ ᠲᠦᠮᠡᠨᠴᠢ ᠴᠢᠨᠠᠷ ᠲᠠᠢ ᠨᠤᠮ ᠤᠯᠠᠨ ᠤᠩᠰᠢᠯᠠ᠃ ᠵᠢᠶᠠᠩ ᠵᠢᠶᠧ ᠱᠢ ᠴᠦ ᠨᠤᠮ ᠤᠩᠰᠢᠨᠠ᠃ ︽ ᠺᠦᠩᠽᠢ︾ ᠂︽ ᠬᠤᠸᠠᠢ ᠨᠠᠨ ᠽᠢ ᠪᠢᠴᠢᠭ︾ ᠁ ᠤᠩᠰᠢᠯᠠ ᠭᠡᠳᠡᠭ᠃ ᠤᠷᠳᠤᠨ ᠣ ᠨᠤᠮ︽ ᠤᠯᠠᠭᠠᠨ ᠠᠰᠠᠷ ᠤᠨ ᠵᠡᠭᠦᠳᠦ︾ ᠪᠤᠯ ᠨᠡᠶᠢᠭᠡᠮ᠂ ᠠᠵᠤ ᠠᠬᠤᠢ᠂ ᠤᠯᠤᠰ ᠲᠦᠷᠦ᠂ ᠤᠳᠬᠠ ᠵᠤᠬᠢᠶᠠᠯ᠂ ᠰᠡᠳᠭᠢᠴᠡ ᠵᠦᠢ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠭᠡᠬᠦ ᠮᠡᠳᠦ ᠤᠯᠠᠨ ᠲᠠᠯᠠ ᠵᠢᠨ ᠦᠨᠡ ᠦᠷᠳᠡᠭ ᠲᠠᠢ ᠨᠤᠮ ᠭᠡᠯᠴᠡᠳᠡᠭ ᠪᠢᠯᠡ᠃ ︽ ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠢ ᠤᠩᠰᠢᠭᠰᠠᠨ ᠬᠦᠮᠦᠨ ᠤᠯᠠᠨ ᠪᠠᠶᠢᠵᠤ ᠮᠡᠳᠡᠨᠡ᠃ ᠭᠡᠬᠦ ᠳᠦ ᠤᠯᠤᠭᠰᠠᠨ ᠵᠦᠢᠯ ᠨᠢ ᠬᠦᠮᠦᠨ ᠪᠤᠯᠭᠠᠨ ᠠᠳᠠᠯᠢ ᠪᠢᠰᠢ ᠪᠠᠶᠢᠵᠤ ᠮᠡᠳᠡᠨᠡ᠃ ᠪᠢ ᠲᠠᠭᠠᠮᠠᠭᠯᠠᠬᠤ ᠪᠠᠷ ᠲᠡᠷᠡ ᠪᠤᠯ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ᠂ ᠲᠡᠤᠬᠡ᠂ ᠵᠠᠩ ᠵᠠᠩᠰᠢᠯ᠂ ᠤᠭᠰᠠᠭᠠ ᠰᠤᠳᠤᠯᠤᠯ᠂ ᠨᠡᠶᠢᠭᠡᠮ ᠠᠵᠤ ᠠᠬᠤᠢ᠂ ᠤᠯᠤᠰ ᠲᠦᠷᠦ᠂ ᠭᠡᠷ ᠦᠨ ᠴᠠᠳᠢᠭ᠂ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠭᠡᠬᠦ ᠮᠡᠳᠦ ᠵᠢᠨ ᠤᠯᠠᠨ ᠰᠤᠳᠤᠯᠤᠯ ᠰᠢᠨᠵᠢᠯᠡᠯ ᠦᠨ ᠡᠬᠡ ᠲᠡᠪᠳᠡᠷ ᠪᠠᠶᠢᠵᠤ ᠪᠤᠯᠤᠨᠠ᠃ ᠡᠭᠦᠨ ᠡᠴᠡ ᠦᠵᠡᠬᠦ ᠳᠦ ᠨᠤᠮ ᠤᠩᠰᠢᠬᠤ ᠳᠤ ᠨᠢᠭᠡ ᠬᠠᠷᠠᠯᠳᠠ ᠪᠠᠷ ᠭᠤᠤᠯᠳᠠᠵᠤ ᠨᠢᠭᠡ ᠲᠡᠭᠡᠷᠡ ᠤᠯᠠᠨ ᠢ ᠬᠦᠷᠳᠡᠬᠦ ᠨᠢ ᠲᠡᠭᠡᠳᠦ ᠠᠷᠭᠠ ᠪᠤᠯᠤᠨᠠ᠃
ᠨᠤᠮ ᠤᠩᠰᠢᠬᠤ ᠳᠤ ᠤᠯᠠᠩᠬᠢ ᠡᠷᠳᠡᠮᠳᠡᠨ ᠨᠢᠭᠡ ᠨᠤᠮ ᠵᠢ ᠤᠯᠠᠨ ᠤᠩᠰᠢᠬᠤ᠂ ᠠᠳᠠᠯᠢ ᠪᠤᠰᠤ ᠨᠠᠰᠤᠨ ᠣ ᠦᠶᠡ ᠳᠦ ᠪᠡᠨ ᠠᠳᠠᠯᠢ ᠪᠤᠰᠤ ᠨᠤᠮ ᠢ ᠤᠩᠰᠢᠬᠤ ᠪᠤᠶᠤ ᠠᠳᠠᠯᠢ ᠨᠢᠭᠡ ᠨᠤᠮ ᠢ ᠲᠠᠬᠢᠨ ᠲᠠᠪᠳᠠᠨ ᠤᠩᠰᠢᠬᠤ ᠳᠤ ᠢᠯᠡᠷᠡᠷᠭᠦᠯᠦᠯ ᠪᠠ ᠦᠷᠡ ᠠᠰᠢᠭ ᠨᠢ ᠴᠦ ᠠᠳᠠᠯᠢ ᠪᠤᠰᠤ ᠪᠤᠯᠬᠤ ᠨᠢ ᠲᠠᠮᠵᠢᠭ ᠦᠭᠡᠢ᠂ ᠡᠨᠡ ᠨᠢ ᠨᠤᠮ ᠤᠩᠰᠢᠬᠤ ᠵᠢᠨ ᠦᠶᠡᠯᠡᠯᠳᠦ ᠴᠢᠨᠠᠷ ᠤᠨ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃
ᠪᠠᠰᠠ ᠬᠡᠷᠡᠭᠴᠡᠭᠡ ᠳᠦ ᠪᠡᠨ ᠲᠤᠬᠢᠷᠠᠭᠤᠯᠤᠨ ᠴᠦᠯᠪᠡᠨ ᠤᠩᠰᠢᠬᠤ᠃ ᠶᠠᠮᠠᠷ ᠨᠢᠭᠡ ᠬᠡᠷᠡᠭᠴᠡᠭᠡ ᠳᠦ ᠪᠤᠯᠬᠤ ᠲᠤᠬᠢᠶᠠᠯᠳᠤᠯ ᠳᠤ ᠢᠶᠠᠨ ᠨᠤᠮ ᠲᠡᠪᠳᠡᠷ ᠢ ᠲᠦᠷᠦᠯᠵᠢᠬᠦᠯᠦᠨ ᠤᠩᠰᠢᠬᠤ ᠪᠤᠶᠤ ᠬᠠᠷᠢᠴᠠᠭᠤᠯᠤᠨ ᠤᠩᠰᠢᠬᠤ ᠨᠢ ᠡᠷᠳᠡᠨ ᠡᠳᠦᠭᠡ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠵᠢᠨ ᠨᠤᠮ ᠠᠴᠠ ᠬᠦᠷᠳᠡᠬᠦ ᠬᠤᠷᠠᠮᠳᠤᠭᠤᠯᠤᠯ ᠬᠤᠷᠢᠶᠠᠩᠭᠤᠶᠢᠯᠠᠯ ᠨᠢ ᠭᠦᠨᠵᠡᠭᠡᠢ ᠲᠡᠯᠭᠡᠷ ᠪᠠᠶᠢᠵᠤ ᠮᠡᠳᠡᠨᠡ᠃
ᠨᠤᠮ ᠤᠩᠰᠢᠬᠤ ᠳᠤ ᠪᠠᠰᠠ ᠦᠢᠯᠡᠳᠦᠯᠭᠡ᠂ ᠪᠤᠳᠠᠳᠠᠢ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠨᠤᠮ ᠤᠩᠰᠢᠬᠤ ᠨᠢ ᠨᠤᠮ ᠢ ᠯᠠ ᠢᠳᠡᠭᠡᠬᠦ᠂ ᠨᠤᠮ ᠢ ᠪᠦᠷᠢᠮᠦᠰᠦᠨ ᠢᠳᠡᠭᠡᠬᠦ᠂ ᠪᠤᠶᠤ ︽ ᠬᠦᠯ ᠦᠨ ᠬᠡᠮᠵᠢᠭᠦᠷ ᠢ ᠢᠳᠡᠭᠡᠨ᠂ ᠬᠦᠯ ᠵᠢᠡᠨ ᠦᠯᠦ ᠢᠳᠡᠭᠡᠬᠦ︾ ᠡᠴᠡ ᠵᠠᠶᠢᠳᠠᠵᠤ ᠨᠤᠮ ᠤᠩᠰᠢᠬᠤ ᠵᠢᠨ ᠦᠨᠡᠨ ᠮᠠᠭᠠᠳ ᠦᠷᠳᠡᠭ ᠢ ᠨᠢ ᠨᠡᠮᠡᠭᠳᠡᠭᠦᠯᠵᠦ ᠪᠤᠯᠤᠨᠠ᠃
ᠨᠤᠮ ᠤᠩᠰᠢᠬᠤ ᠳᠤ ᠪᠠᠰᠠ ᠤᠩᠰᠢᠬᠤ ᠲᠡᠰ ᠲᠠᠷᠠᠭᠠ ᠵᠢ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠠᠷᠭᠠ ᠪᠤᠶᠤ ᠲᠡᠰ ᠲᠠᠷᠠᠭᠠ ᠪᠤᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠣ ᠮᠦᠷᠳᠡᠬᠡᠨ ᠪᠠᠰᠠ ᠤᠷᠠᠯᠢᠭ ᠤᠨ ᠵᠠᠶᠢᠯᠠᠰᠢ ᠦᠭᠡᠢ ᠪᠤᠳᠤᠯᠬᠢᠯᠠᠬᠤ ᠤᠴᠢᠷ ᠮᠦᠨ᠂ ᠲᠡᠷᠡ ᠨᠢ ᠦᠷᠡ ᠠᠰᠢᠭ ᠢ ᠨᠦᠯᠦᠭᠡᠯᠡᠬᠦ ᠤᠩᠰᠢᠬᠤ ᠱᠠᠳᠤᠴᠢ ᠴᠢᠨᠠᠷ ᠤᠨ ᠠᠰᠠᠭᠤᠳᠠᠯ ᠮᠦᠨ᠃
ᠨᠤᠮ ᠤᠩᠰᠢᠬᠤ ᠳᠤ ᠰᠢᠭᠦᠮᠵᠢᠯᠡᠯᠳᠦ ᠤᠪᠤᠷ ᠵᠢᠡᠷ ᠬᠠᠨᠳᠤᠬᠤ ᠬᠡᠷᠡᠭᠳᠡᠢ᠃ ︽ ᠨᠤᠮ ᠪᠤᠯ ᠪᠤᠷᠬᠠᠨ ᠣ ᠪᠢᠴᠢᠭ᠂ ᠪᠤᠭᠳᠠ ᠵᠢᠨ ᠰᠤᠷᠭᠠᠯ ᠪᠢᠰᠢ ᠭᠡᠵᠦ︾ ᠶᠧ ᠱᠧᠩ ᠲᠤᠤ ᠬᠡᠯᠡᠵᠦ ᠦᠩᠭᠡᠷᠪᠡ᠃ ᠡᠭᠦᠨ ᠳᠤ ᠨᠤᠮ ᠤᠩᠰᠢᠬᠤ ᠳᠤ ᠦᠩᠭᠡᠳᠦ ᠰᠢᠯ ᠵᠡᠭᠦᠨ ᠤᠩᠰᠢᠬᠤ ᠤᠤ︖ ᠦᠪᠡᠷ ᠦᠨ ᠦᠵᠡᠯ ᠵᠢᠡᠷ ᠨᠤᠮ ᠤᠩᠰᠢᠬᠤ ᠤᠤ︖ ᠦᠨᠳᠦᠰᠦᠳᠡᠨ ᠣ ᠦᠵᠡᠯ ᠵᠢᠡᠷ ᠨᠤᠮ ᠤᠩᠰᠢᠬᠤ ᠤᠤ︖ ᠮᠠᠷᠺᠰ ᠤᠨ ᠦᠵᠡᠯ ᠵᠢᠡᠷ ᠨᠤᠮ ᠤᠩᠰᠢᠬᠤ ᠭᠡᠳᠡᠭ ᠨᠢ ᠮᠠᠰᠢ ᠴᠢᠬᠤᠯᠠ ᠤᠴᠢᠷ᠃ ᠡᠨᠡ ᠨᠢ ᠤᠩᠰᠢᠬᠤ ᠵᠢᠨ ᠠᠬᠢᠯᠳᠠ ᠬᠦᠭᠵᠢᠯ ᠦᠨ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃
ᠨᠦᠬᠦᠪᠦᠷᠢᠯᠡᠨ ᠤᠩᠰᠢᠬᠤ᠃ ᠡᠨᠡ ᠨᠢ ᠴᠠᠭ ᠲᠤ ᠪᠠᠨ ᠠᠷᠪᠢᠳᠡᠢ᠃ ᠨᠤᠮ ᠵᠤᠬᠢᠶᠠᠯ ᠰᠤᠩᠭᠤᠬᠤ ᠮᠦᠷᠳᠡᠬᠡᠨ ᠨᠢᠭᠡ ᠨᠤᠮ ᠵᠤᠬᠢᠶᠠᠯ ᠠᠴᠠ ᠰᠤᠩᠭᠤᠨ ᠤᠩᠰᠢᠬᠤ᠃ ᠮᠡᠳᠡᠭᠰᠡᠨ ᠪᠤᠶᠤ ᠡᠰᠡᠭᠦᠯᠡ ᠬᠡᠷᠡᠭᠯᠡᠭᠡᠨ ᠣ ᠡᠭᠦᠳᠡᠨ ᠡᠴᠡ ᠤᠩᠰᠢᠨᠠ᠃
ᠨᠤᠮ ᠤᠩᠰᠢᠬᠤ ᠳᠤ ᠪᠠᠰᠠ ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠵᠤᠬᠢᠶᠠᠭᠰᠠᠨ ᠴᠠᠭ ᠤᠷᠤᠨ ᠢ ᠨᠢ ᠮᠡᠳᠡᠵᠦ ᠤᠩᠰᠢᠪᠠᠯ ᠤᠶᠢᠯᠠᠭᠠᠨ ᠰᠤᠳᠤᠯᠵᠤ ᠰᠦᠪᠡᠭᠴᠢᠯᠡᠬᠦ ᠳᠦ ᠰᠠᠶᠢᠨ᠃ ᠡᠭᠦᠨ ᠳᠦ ᠤᠨᠴᠠᠶᠢᠭᠠᠶᠢᠯᠠᠨ ᠴᠠᠭ ᠤᠷᠤᠨ ᠢ ᠨᠢ ᠮᠡᠳᠡᠭᠦ ᠨᠢ ᠮᠠᠰᠢ ᠴᠢᠬᠤᠯᠠ᠃
ᠤᠷᠮᠠ ᠳᠤ ᠪᠠᠨ ᠲᠤᠬᠢᠷᠠᠭᠤᠯᠤᠨ ᠨᠤᠮ ᠤᠩᠰᠢᠬᠤ᠃ ᠡᠨᠡ ᠪᠤᠯ ᠨᠤᠮ ᠤᠩᠰᠢᠬᠤ ᠵᠢᠨ ᠪᠡᠶᠡᠴᠢ ᠴᠤᠭᠴᠠ ᠵᠢᠨ ᠲᠦᠷ ᠴᠠᠭ ᠤᠨ ᠦᠪᠡᠷ ᠦᠨ ᠤᠷᠮᠠ ᠰᠡᠳᠭᠢᠯ ᠳᠦ ᠲᠤᠬᠢᠷᠠᠭᠤᠯᠤᠨ ᠨᠤᠮ ᠤᠩᠰᠢᠬᠤ ᠵᠢ ᠬᠡᠯᠡᠨᠡ᠃ ᠲᠤᠬᠠᠶᠢᠯᠠᠪᠠᠯ ᠨᠡᠶᠢᠭᠡᠮ ᠦᠨ ᠲᠡᠭᠰᠢ ᠪᠤᠰᠤ ᠤᠴᠠᠷᠠᠯ ᠶᠢᠨ ᠦᠶᠡ ᠳᠦ ᠶᠠᠮᠠᠷ ᠨᠤᠮ ᠤᠩᠰᠢᠬᠤ᠂ ᠬᠤᠪᠢ ᠵᠢᠨ ᠰᠡᠳᠭᠢᠯ ᠦᠨ ᠭᠤᠨᠢᠭ ᠤᠨ ᠦᠶᠡ ᠳᠦ ᠶᠠᠠᠮᠷ ᠨᠤᠮ ᠤᠩᠰᠢᠬᠤ ᠭᠡᠬᠦ ᠮᠡᠳᠦ ᠣ ᠤᠨᠴᠠ ᠪᠠᠶᠠᠷᠳᠠᠢ ᠦᠶᠡ ᠶᠠᠮᠠᠷ ᠨᠤᠮ ᠤᠩᠰᠢᠬᠤ ᠭᠡᠬᠦ ᠮᠡᠳᠦ ᠪᠤᠯᠤᠨᠠ᠃
ᠨᠠᠰᠤᠨ ᠣ ᠤᠨᠴᠠᠯᠢᠭ ᠲᠤ ᠪᠠᠨ ᠵᠤᠬᠢᠴᠠᠭᠤᠯᠤᠨ ᠨᠤᠮ ᠤᠩᠰᠢᠬᠤ᠂ ᠲᠤᠬᠠᠶᠢᠯᠠᠪᠠᠯ ᠬᠡᠤᠬᠡᠳ ᠨᠠᠰᠤᠨ ᠣ ᠦᠶᠡ ᠳᠦ᠂ ᠦᠳᠡᠯᠦᠭᠡ ᠨᠠᠰᠤᠨ ᠣ ᠦᠶᠡ ᠶᠠᠮᠠᠷ ᠨᠤᠮ ᠤᠩᠰᠢᠬᠤ ᠭᠡᠬᠦ ᠪᠤᠯᠤᠨᠠ᠃
ᠨᠤᠮ ᠲᠡᠪᠳᠡᠷ ᠦᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠬᠡᠪ ᠨᠠᠮᠪᠠ ᠵᠢ ᠨᠢ ᠠᠳᠬᠤᠵᠤ ᠨᠤᠮ ᠤᠩᠰᠢᠬᠤ᠃ ᠭᠡᠬᠦ ᠳᠦ ᠪᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠬᠡᠪ ᠨᠠᠮᠪᠠ ᠵᠢ ᠨᠢ ᠵᠠᠳᠠᠯᠤᠨ ᠰᠢᠨᠵᠢᠯᠡᠵᠦ᠂ ᠲᠡᠮᠳᠡᠭᠯᠡᠨ ᠪᠢᠴᠢᠬᠦ ᠳᠤ ᠪᠠᠨ ᠨᠤᠮ ᠤᠨ ᠪᠦᠳᠦᠴᠡ᠂ ᠤᠷᠤᠰᠢᠯ ᠂ᠬᠤᠶᠢᠨᠠᠬᠢ ᠦᠭᠡ ᠂ ᠯᠠᠪᠯᠠᠯᠳᠠ ᠰᠠᠯᠳᠠ ᠪᠤᠯᠭᠠᠭᠰᠠᠨ ᠨᠤᠮ ᠵᠢ ᠨᠢ ᠤᠷᠭᠢᠭᠳᠠᠭᠤᠯ ᠦᠭᠡᠢ ᠤᠩᠰᠢᠨᠠ᠃
ᠲᠡᠮᠳᠡᠭᠯᠡᠬᠦ᠂ ᠰᠤᠨᠢᠷᠬᠠᠬᠤ᠂ ᠰᠢᠭᠦᠮᠵᠢᠯᠡᠬᠦ ᠪᠤᠯ ᠨᠤᠮ ᠤᠩᠰᠢᠵᠤ ᠴᠠᠭᠠᠷᠠᠬᠤ ᠠᠷᠭᠠ ᠵᠦᠢ ᠵᠢᠨ ᠮᠦᠷᠳᠡᠬᠡᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠣ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃ ᠡᠭᠦᠨ ᠳᠦ ᠨᠤᠮ ᠲᠡᠭᠡᠷᠡ ᠪᠡᠨ ᠵᠢᠷᠤᠵᠤ ᠲᠡᠮᠳᠡᠭᠯᠡᠬᠦ᠂ ᠲᠤᠰᠬᠠᠢᠲᠤᠪᠴᠢ ᠲᠡᠯᠭᠡᠷᠡᠩᠬᠦᠢ ᠲᠡᠮᠳᠡᠭᠯᠡᠯ ᠬᠢᠬᠦ᠂
ᠤᠯᠤᠯᠳᠠ ᠲᠦᠷᠦᠭᠳᠡᠯ ᠪᠢᠴᠢᠬᠦ᠂ ᠰᠤᠨᠢᠷᠬᠠᠯ ᠪᠠᠬᠠᠷᠬᠠᠯ ᠵᠢᠡᠨ ᠪᠢᠴᠢᠬᠦ᠂ ᠪᠦᠬᠦ ᠲᠠᠯᠠ ᠪᠠᠷ ᠰᠢᠬᠦᠮᠵᠢᠯᠡᠨ ᠦᠨᠡᠯᠡᠬᠦ ᠪᠤᠯ ᠨᠤᠮ ᠤᠩᠰᠢᠭᠴᠢ ᠵᠢᠨ ᠰᠤᠶᠤᠯ ᠤᠨ ᠬᠢᠷᠢ ᠬᠡᠮ ᠦᠨ ᠠᠰᠠᠭᠤᠳᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠤᠴᠢᠷ ᠮᠦᠨ᠃
ᠡᠭᠦᠨ ᠡᠴᠡ ᠬᠠᠷᠠᠬᠤ ᠳᠤ ᠨᠤᠮ ᠤᠩᠰᠢᠬᠤ ᠨᠢ ᠰᠤᠷᠴᠤ ᠰᠤᠳᠤᠯᠬᠤ ᠭᠦᠨ ᠨᠠᠷᠢᠨ ᠤᠴᠢᠷ ᠪᠤᠯᠤᠨᠠ᠃ ᠮᠦᠨ ᠴᠦ ᠬᠡᠷᠬᠢᠨ ᠬᠦᠮᠦᠨ ᠪᠤᠯᠬᠤ ᠬᠦᠮᠦᠨ ᠰᠤᠶᠤᠯ ᠤᠨ ᠠᠰᠠᠭᠤᠳᠠᠯ᠂ ᠤᠯᠠᠮᠵᠢᠯᠠᠬᠤ ᠪᠠ ᠲᠡᠯᠭᠡᠷᠡᠭᠦᠯᠬᠦ᠂ ᠰᠢᠩᠭᠡᠬᠦ ᠪᠠ ᠬᠠᠶᠠᠬᠤ᠂ ᠬᠠᠶᠢᠷᠠᠯᠠᠬᠤ ᠪᠠ ᠬᠠᠮᠠᠭᠠᠯᠠᠬᠤ ᠂ ᠬᠡᠷᠡᠭᠯᠡᠬᠦ ᠪᠠ ᠪᠦᠳᠦᠭᠡᠬᠦ᠂ ᠪᠦᠯᠬᠦᠮᠳᠡᠬᠦ ᠪᠠ ᠬᠦᠭᠵᠢᠬᠦ᠂ ᠵᠤᠬᠢᠴᠠᠩᠭᠤᠢ ᠪᠠ ᠬᠤᠷᠰᠢᠬᠤ ᠡᠯᠪᠡᠭ ᠪᠠᠶᠠᠯᠢᠭ ᠰᠤᠶᠤᠯ ᠰᠡᠳᠭᠢᠴᠡ ᠵᠢᠨ ᠬᠦᠮᠦᠨ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠵᠢᠨ ᠠᠰᠠᠭᠤᠳᠠᠯ ᠪᠤᠯᠤᠨᠠ᠃