-
61581
2015-04-06 21:37
564
0
ᠡᠨᠡᠬᠦ ᠪᠣᠭᠤᠨᠢᠬᠠᠨ ᠬᠡᠯᠡᠯᠭᠡ ᠬᠥᠮᠦᠰ ᠦᠨ ᠲᠣᠭᠠᠯᠠᠵᠤ ᠪᠠᠷᠠᠰᠢ ᠦᠭᠡᠢ ᠲᠤᠷᠰᠢᠯᠭᠠ ᠠᠴᠠ ᠤᠯᠪᠠᠭᠠᠯᠠᠭᠳᠠᠨ ᠭᠠᠷᠤᠭᠰᠠᠨ ᠨᠢᠭᠡᠨ ᠦᠨᠡᠨ ᠢ ᠢᠯᠡᠷᠬᠡᠢᠯᠡᠵᠦ ᠪᠤᠢ ᠶᠤᠮ᠃ ᠥᠪᠡᠷᠲᠡᠭᠡᠨ ᠲᠤᠰᠠᠯᠠᠬᠤ ᠣᠶᠤᠨ ᠤᠬᠠᠭᠠᠨ ᠪᠣᠯ ᠬᠥᠮᠦᠰ ᠥᠰᠦᠯᠲᠡ ᠬᠥᠭᠵᠢᠯᠲᠡ ᠪᠡᠨ ᠰᠢᠯᠤᠭᠤᠳᠭᠠᠬᠤ ᠶᠢᠨ ᠲᠤᠯᠭᠠ ᠶᠢᠨ ᠴᠢᠯᠠᠭᠤ ᠮᠥᠨ᠃ ᠥᠪᠡᠷ ᠢᠶᠡᠨ ᠥᠪᠡᠷᠲᠡᠭᠡᠨ ᠲᠤᠰᠠᠯᠠᠬᠤ ᠤᠬᠠᠭᠠᠨ ᠣᠯᠠᠨ ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠤᠨ ᠬᠥᠷᠦᠰᠦ ᠰᠠᠭᠤᠷᠢ ᠪᠣᠯᠵᠤ᠂ ᠲᠡᠭᠡᠭᠰᠡᠨ ᠢᠶᠡᠷ ᠢᠶᠡᠨ ᠠᠮᠢᠳᠤᠷᠠᠯ ᠤᠨ ᠡᠷᠴᠢᠮ ᠪᠤᠴᠠᠯᠤᠭᠰᠠᠨ ᠬᠦᠴᠦᠲᠡᠢ ᠲᠥᠷᠦ ᠤᠯᠤᠰ ᠢ ᠪᠠᠢᠢᠭᠤᠯᠬᠤ ᠳᠤ ᠴᠠᠭᠠᠳᠤ ᠬᠥᠳᠡᠯᠭᠡᠬᠦ ᠬᠦᠴᠦ ᠨᠢ ᠪᠣᠯᠵᠤ ᠥᠭᠳᠡᠭ ᠪᠢᠵᠡ᠃
ᠭᠠᠳᠠᠭᠠᠳᠤ ᠲᠠᠯᠠ ᠶᠢᠨ ᠲᠤᠰᠠᠯᠠᠮᠵᠢ ᠬᠥᠮᠦᠨ ᠢ ᠦᠯᠪᠡᠭᠡᠷ ᠰᠤᠯᠠ ᠪᠣᠯᠭᠠᠳᠠᠭ᠃ ᠥᠪᠡᠷ ᠢᠶᠡᠨ ᠥᠪᠡᠷᠲᠡᠭᠡᠨ ᠲᠤᠰᠠᠯᠠᠵᠤ᠂ ᠥᠪᠡᠷ ᠢ ᠪᠡᠨ ᠠᠪᠤᠷᠠᠶᠠ ᠬᠡᠮᠡᠬᠦ ᠣᠶᠤᠨ ᠰᠠᠨᠠᠭᠠ ᠯᠠ ᠬᠥᠮᠦᠰ ᠢ ᠬᠡᠵᠢᠶᠡᠳᠡ ᠵᠣᠷᠢᠭᠵᠢᠭᠤᠯᠵᠤ ᠦᠭᠡᠳᠡᠷᠬᠡᠭ ᠪᠣᠯᠭᠠᠵᠤ ᠪᠠᠢᠢᠳᠠᠭ᠃ ᠬᠦᠮᠦᠨ ᠳᠤ ᠰᠠᠢᠢᠨ ᠲᠤᠰᠠ ᠬᠦᠷᠭᠡᠶᠡ ᠭᠡᠳ ᠭᠠᠷ ᠢᠶᠠᠨ ᠰᠤᠩᠭᠠᠭᠠᠳ ᠪᠠᠢᠢᠪᠠᠯ ᠨᠥᠭᠦᠭᠡ ᠲᠠᠯᠠ ᠪᠡᠷ ᠥᠪᠡᠷ ᠢᠶᠡᠨ ᠬᠥᠯ ᠳᠡᠭᠡᠷᠡ ᠪᠡᠨ ᠪᠣᠰᠬᠤ ᠰᠡᠳᠬᠢᠯ ᠶᠢᠡᠨ ᠠᠯᠳᠠᠵᠤ᠂ ᠥᠪᠡᠷᠲᠡᠭᠡᠨ ᠲᠤᠰᠠᠯᠠᠬᠤ ᠶᠢᠨ ᠴᠢᠬᠤᠯᠠ ᠶᠢ ᠮᠠᠷᠲᠠᠳᠠᠭ᠃ ᠬᠠᠯᠠᠮᠵᠢ ᠪᠥᠭᠡᠴᠡᠢᠢᠯᠠᠯ ᠬᠢᠭᠡᠳ ᠬᠠᠲᠠᠭᠤᠷᠬᠠᠵᠤ ᠪᠠᠷᠢᠬᠤ ᠠᠯᠢ ᠠᠯᠢ ᠨᠢ ᠬᠢᠷᠢ ᠡᠴᠡ ᠪᠡᠨ ᠬᠡᠲᠦᠷᠡᠬᠦ ᠪᠡᠷ ᠲᠤᠰᠠ ᠪᠢᠰᠢ ᠤᠰᠤ ᠪᠣᠯᠵᠤ ᠬᠦᠴᠦ ᠴᠢᠳᠠᠯ ᠦᠭᠡᠢ ᠬᠥᠮᠦᠨ ᠢ ᠪᠤᠢ ᠪᠣᠯᠭᠠᠳᠠᠭ ᠨᠢ ᠦᠨᠡᠨ ᠶᠤᠮ᠃ ᠶᠠᠭᠠᠬᠢᠵᠤ ᠡᠢᠢᠭᠡᠳ ᠭᠠᠢᠢᠬᠠᠯᠲᠠᠢ ᠰᠢᠰᠲ᠋ᠧᠮ ᠲᠣᠬᠢᠷᠠᠭᠤᠯᠤᠯᠠ ᠴᠤ ᠲᠡᠭᠦᠪᠡᠷ ᠬᠥᠮᠦᠰ ᠢ ᠠᠪᠤᠷᠠᠬᠤ ᠤᠴᠢᠷ ᠦᠭᠡᠢ᠃ ᠬᠠᠮᠤᠭ ᠤᠨ
ᠰᠠᠢᠢᠨ ᠨᠢ ᠶᠠᠭᠤ ᠴᠤ ᠬᠢᠯ ᠦᠭᠡᠢ ᠵᠦᠩ ᠢᠶᠡᠷ ᠨᠢ ᠣᠷᠬᠢᠬᠤ ᠶᠠᠪᠤᠳᠠᠯ ᠴᠤ ᠪᠠᠢᠢᠵᠤ ᠮᠠᠭᠠᠳ ᠦᠭᠡᠢ᠃ ᠲᠡᠭᠡᠪᠡᠯ ᠬᠥᠮᠦᠨ ᠥᠪᠡᠷ ᠦᠨ ᠢᠶᠡᠨ ᠴᠢᠳᠠᠯ ᠢᠶᠠᠷ ᠥᠪᠡᠷ ᠢ ᠪᠡᠨ ᠬᠥᠭᠵᠢᠭᠦᠯᠵᠦ᠂ ᠥᠪᠡᠷᠲᠡᠭᠡᠨ ᠪᠠᠢᠢᠭᠠ ᠨᠥᠬᠦᠴᠡᠯ ᠪᠠᠢᠢᠳᠠᠯ ᠢ ᠵᠠᠰᠠᠨ ᠰᠠᠢᠢᠵᠠᠷᠠᠭᠤᠯᠵᠤ ᠶᠠᠪᠤᠬᠤ ᠪᠢᠵᠡ᠃
