- ᠪᠤᠷᠵᠢᠬᠢᠨ ᠪᠣᠦ ᠵᠦ
ᠨᠠᠢ᠌ᠮᠠᠨ ᠬᠣᠰᠢᠭᠤ
966
︽ ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠠᠴᠠ ᠲᠡᠭᠦᠭᠰᠡᠨ ᠴᠥᠪᠦᠳᠡᠯ︵ ᠬᠤᠶᠠᠷ︶
2022-08-18 13:23
67
0
ᠥᠭᠡᠳᠡᠢ ᠬᠠᠭᠠᠨ ᠤ ᠨᠡᠢᠰᠯᠠᠯ ᠪᠠᠢᠭᠰᠠᠨ ᠭᠠᠵᠠᠷ ᠢ ᠭᠡᠷᠥᠯᠦᠨ ᠤ ᠬᠥᠳᠡᠭᠡ ᠠᠷᠠᠯ ᠭᠡᠳᠡᠭ᠂ ᠤᠯᠠᠭᠠᠨᠪᠠᠭᠠᠲᠤᠷ ᠠᠴᠠ ᠵᠠᠭᠦᠨ ᠡᠮᠦᠨᠠ ᠪᠤᠢ ᠪᠠᠶᠠᠬᠤᠯᠠᠭᠠᠨ ᠭᠡᠳᠡᠭ ᠠᠭᠤᠯᠠ ᠮᠦᠨ ᠪᠣᠯᠤᠯᠲᠠᠢ᠃ ᠡᠨᠡ ᠠᠭᠤᠯᠠ᠂ ᠮᠣᠩᠭᠤᠯ ᠤᠨ ᠳᠤᠮᠳᠠ ᠬᠡᠭᠡᠷᠡ ᠲᠠᠯᠠ ᠶᠢᠨ ᠪᠦᠰᠡᠯᠡᠭᠦᠷ ᠲᠤ ᠤᠷᠤᠭᠰᠢ ᠰᠢᠷᠭᠤᠵᠦ ᠣᠷᠤᠭᠰᠠᠨ ᠥᠨᠳᠦᠷᠯᠢᠭ ᠶᠡᠬᠡ ᠠᠭᠤᠯᠠ ᠪᠥᠭᠡᠳ ᠡᠪᠡᠰᠦ ᠤᠰᠤ ᠪᠠᠷ ᠮᠠᠰᠢ ᠡᠯᠪᠡᠭ᠃ ᠭᠡᠷᠥᠯᠦᠨ ᠭᠣᠣᠯ ᠬᠡᠨᠳᠡᠢ ᠠᠴᠠ ᠭᠠᠷᠴᠤ ᠪᠠᠷᠠᠭᠤᠨ ᠤᠷᠤᠭᠰᠢ ᠤᠷᠤᠰᠤᠭᠠᠳ ᠵᠡᠭᠦᠨ ᠲᠡᠢᠰᠢ ᠡᠷᠭᠢᠭᠰᠡᠨ ᠤ ᠳᠣᠲᠤᠷᠠᠬᠢ ᠨᠢᠭᠡᠨ ᠶᠡᠬᠡ ᠲᠣᠬᠤᠢ ᠳᠤ ᠤᠷᠥᠰᠢᠬᠤ ᠪᠥᠭᠡᠳ ᠳᠣᠲᠤᠷᠠ ᠪᠠᠨ ᠬᠡᠳᠦ ᠬᠡᠳᠦᠨ ᠪᠤᠯᠠᠭ ᠤᠰᠤ ᠪᠤᠢ᠃ ᠭᠡᠷᠥᠯᠦᠨ ᠤ ᠲᠣᠬᠤᠢ ᠳᠤ ᠪᠤᠢ ᠡᠨᠡ ᠠᠭᠤᠯᠠ ᠶᠢᠨ ᠵᠠᠭᠦᠨ ᠰᠤᠭᠤ ᠪᠠᠷ ᠴᠡᠩᠬᠡᠷ ᠤᠨ ᠭᠣᠣᠯ ᠤᠷᠤᠰᠴᠤ ᠤᠷᠤᠭᠰᠢ ᠶᠠᠪᠤᠭᠰᠠᠭᠠᠷ ᠭᠡᠷᠥᠯᠦᠨ ᠳᠤ ᠨᠡᠢᠯᠡᠬᠦ ᠲᠤᠯᠠ ᠡᠨᠡ ᠠᠭᠤᠯᠠ ᠶᠢ ᠨᠢᠭᠡ ᠶᠡᠬᠡ ᠠᠷᠠᠯ ᠤᠨ ᠬᠡᠯᠪᠡᠷᠢ ᠲᠠᠢ ᠪᠣᠯᠭᠠᠮᠤᠢ᠃ ᠲᠡᠭᠦᠨ ᠠᠴᠠ ᠭᠠᠳᠠᠨᠠ ᠤᠢ ᠮᠣᠳᠤ ᠲᠠᠢ ᠬᠠᠩᠭᠠᠢ ᠭᠠᠵᠠᠷ ᠠᠴᠠ ᠢᠯᠭᠠᠪᠤᠷᠢᠯᠠᠵᠦ᠂ ᠲᠠᠯᠠ ᠬᠡᠭᠡᠷᠡ ᠭᠠᠵᠠᠷ ᠢ ᠮᠣᠩᠭᠤᠯᠴᠤᠳ ᠬᠥᠳᠡᠭᠡ ᠭᠠᠵᠠᠷ ᠭᠡᠵᠦ ᠨᠡᠷᠡᠯᠡᠳᠡᠭ ᠤᠳᠠᠭᠠ ᠪᠠᠢᠨᠠ᠃ ᠡᠢᠮᠦ ᠤᠴᠢᠷ ᠠᠴᠠ ᠬᠥᠳᠡᠭᠡ ᠠᠷᠠᠯ ᠭᠡᠳᠡᠭ ᠢ ᠬᠡᠭᠡᠷᠡ ᠶᠢᠨ ᠠᠷᠠᠯ᠂ ᠲᠠᠯᠠ ᠶᠢᠨ ᠠᠷᠠᠯ ᠭᠡᠵᠦ ᠤᠬᠠᠵᠦ ᠪᠣᠯᠤᠮᠤᠢ᠃ ᠬᠥᠳᠡᠭᠡ ᠠᠷᠠᠯ ᠭᠡᠳᠡᠭ ᠪᠠᠶᠠᠬᠤᠯᠠᠭᠠᠨ ᠠᠭᠤᠯᠠ ᠮᠦᠨ ᠪᠣᠯᠬᠤ ᠶᠢᠨ ᠲᠤᠬᠠᠢ ᠥᠭᠡᠷᠡ ᠨᠢᠭᠡᠨ ᠲᠠᠰᠢᠷᠠᠮ ᠤᠨ ᠪᠠᠷᠢᠮᠲᠠ ᠶᠢ ᠬᠡᠯᠡᠪᠡᠰᠦ᠂ ᠨᠢᠭᠡᠨ ᠮᠢᠩᠭᠠᠨ ᠶᠢᠰᠦᠨ ᠵᠠᠭᠤᠨ ᠬᠣᠷᠢᠨ ᠭᠡᠳᠦᠨ ᠣᠨ ᠤ ᠦᠶᠡ ᠳᠤ ᠲᠠᠩᠵᠠᠨ ᠬᠡᠮᠡᠭᠴᠢ ᠶᠢᠨ ᠵᠣᠬᠢᠶᠠᠭᠰᠠᠨ︽ ᠡᠷᠳᠡᠨᠢ ᠴᠢᠨᠳᠠᠮᠤᠨᠢ ᠶᠢᠨ ᠬᠦᠦ ᠰᠠᠩ︾ ᠬᠡᠮᠡᠬᠦ ᠪᠢᠴᠢᠮᠡᠯ ᠴᠠᠭᠠᠨ ᠲᠣᠯᠤᠭᠠᠢ ᠶᠢᠨ ᠳᠣᠲᠤᠷᠠ ᠬᠡᠯᠡᠭᠰᠡᠨ ᠢᠨᠦ᠄︽ ᠲᠡᠮᠦᠵᠢᠨ ᠬᠣᠷᠢᠨ ᠨᠠᠢ᠍ᠮᠠᠨ ᠨᠠᠰᠤᠨ ᠳᠤ ᠪᠠᠨ ᠭᠡᠷᠥᠯᠦᠨ ᠤ ᠬᠥᠳᠡᠭᠡ ᠠᠷᠠᠯ ᠳᠡᠯᠭᠡᠷ ᠬᠠᠨ ᠬᠡᠮᠡᠬᠦ ᠭᠠᠵᠠᠷᠠ ᠨᠠᠢᠰᠯᠡᠯ ᠣᠷᠳᠤᠨ ᠪᠠᠢᠭᠤᠯᠵᠦ᠂ ᠪᠦᠬᠦ ᠮᠣᠩᠭᠤᠯ ᠤᠨ ᠬᠠᠭᠠᠨ ᠰᠢᠷᠡᠭᠡᠨᠡ ᠰᠠᠭᠤᠪᠠ᠃︾ ᠬᠡᠮᠡᠵᠦᠬᠦᠢ᠃ ᠦᠨᠡᠬᠡᠷ ᠪᠠᠶᠠᠬᠤᠯᠠᠭᠠᠨ ᠠᠭᠤᠯᠠ ᠶᠢᠨ ᠬᠤᠶᠠᠷ ᠣᠷᠭᠢᠯ ᠤᠨ ᠨᠢᠭᠡ ᠶᠢ ᠪᠠᠶᠠᠨ ᠬᠠᠨ᠂ ᠨᠥᠭᠥᠭᠡ ᠶᠢ ᠳᠡᠯᠭᠡᠷ ᠬᠠᠨ ᠭᠡᠳᠡᠭ ᠪᠠᠢᠨᠠ᠃
ᠡᠨᠡ ᠬᠡᠰᠡᠭ ᠢ ᠤᠩᠰᠢᠬᠤ ᠲᠠᠢ ᠵᠡᠷᠭᠡ ᠲᠡᠷᠡ ᠭᠠᠵᠠᠷ ᠨᠢ ᠴᠣᠬᠤᠮ ᠬᠠᠮᠢᠭᠠᠰᠢ ᠪᠠᠢᠳᠠᠭ ᠢ᠂ ᠬᠠᠮᠢᠭᠠ ᠪᠠᠢᠳᠠᠭ ᠢ᠂ ᠬᠡᠳᠦᠢ ᠬᠤᠯᠠ ᠪᠠᠢᠳᠠᠭ ᠢ ᠲᠡᠷᠡ ᠳᠠᠷᠤᠢ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠭᠡᠷᠡ ᠠᠴᠠ ᠡᠷᠢᠵᠦ ᠦᠵᠡᠯᠡ︙ ᠬᠡᠷᠪᠠ ᠬᠡᠵᠢᠶᠡ ᠨᠢᠭᠡ ᠡᠳᠦᠷ ᠬᠦᠷᠴᠦ ᠣᠴᠢᠪᠠᠯ ᠶᠠᠭᠠᠬᠢᠭᠰᠠᠨ ᠭᠣᠶᠤ᠂ ᠶᠠᠭᠠᠬᠢᠯᠲᠠᠢ ᠰᠠᠢᠬᠠᠨ ᠠᠵᠠ ᠲᠣᠬᠢᠶᠠᠯ᠂ ᠶᠠᠮᠠᠷ ᠶᠡᠬᠡ ᠵᠣᠯ ᠵᠢᠷᠭᠠᠯ ᠪᠢᠯᠡ︕ ᠳᠡᠯᠢᠭᠦᠨ ᠪᠣᠯᠳᠤᠭ᠂ ᠪᠤᠷᠬᠠᠨ ᠬᠠᠯᠳᠤᠨ ᠂ ᠬᠡᠨᠳᠡᠢ ᠬᠠᠩᠭᠠᠢ ᠂ ᠠᠯᠳᠠᠢ ᠬᠠᠨ᠂ ᠲᠦᠩᠭᠡᠯᠢᠭ ᠭᠣᠷᠤᠬᠠᠨ᠂ ᠭᠡᠷᠥᠯᠦᠨ ᠭᠣᠣᠯ᠂ ᠤᠨᠤᠨ ᠮᠥᠷᠡᠨ᠂ ᠡᠷᠭᠦᠨᠡ ᠮᠥᠷᠡᠨ᠂ ᠰᠡᠯᠡᠩᠭᠡ ᠮᠥᠷᠡᠨ᠂ ᠲᠠᠮᠢᠷ ᠤᠨ ᠭᠣᠣᠯ᠂ ᠪᠣᠭᠳᠠ ᠬᠠᠨ ᠠᠭᠤᠯᠠ᠂ ᠪᠠᠶᠠᠬᠤᠯᠠᠭᠠᠨ᠂ ᠮᠤᠨᠢ ᠠᠭᠤᠯᠠ᠂ ᠷᠠᠰᠢᠶᠠᠨ ᠠᠭᠤᠯᠠ᠂ ᠱᠣᠩᠬᠤᠷ ᠤᠨ ᠠᠭᠤᠯᠠ︙ ᠮᠣᠩᠭᠤᠯ ᠤᠨ ᠰᠠᠢᠬᠠᠨ ᠲᠠᠯᠠ ᠨᠤᠲᠤᠭ᠂ ᠠᠭᠤᠯᠠ ᠤᠰᠤ ᠮᠢᠨᠢ ᠡ︕
2022 ᠣᠨ ᠤ 8 ᠰᠠᠷᠠ ᠶᠢᠨ 18 ᠤ ᠡᠳᠦᠷ
