-
6493031
ᠭᠠᠳᠠᠭᠠᠳᠤ ᠶᠢᠨ ᠡᠮᠴᠢ ᠨᠠᠷ ᠤᠨ ᠰᠤᠨᠢᠷᠬᠠᠯᠲᠠᠢ ᠰᠠᠨᠠᠭᠤᠯᠭᠠ
2018-01-16 11:15
286
0
ᠡᠮᠴᠢ ᠨᠠᠷ ᠡᠷᠡᠭᠦᠯ ᠡᠩᠬᠡ ᠪᠠᠶᠢᠬᠤ ᠶᠢᠨ ᠳᠦᠯᠦᠭᠡ ᠪᠡᠶᠡ ᠪᠠᠨ ᠶᠠᠭᠠᠬᠢᠵᠤ ᠠᠪᠴᠤ ᠶᠠᠪᠤᠳᠠᠭ ᠪᠤᠯ ᠭᠡᠵᠦ ᠬᠦᠮᠦᠰ ᠰᠤᠨᠢᠭᠤᠴᠢᠯᠠᠳᠠᠭ ᠪᠠᠶᠢᠬᠠ ᠡ᠃ ᠠᠩᠭ᠍ᠯᠢ ᠶᠢᠨ ︽ᠡᠳᠦᠷ ᠪᠤᠯᠭᠠᠨ ᠤ ᠰᠢᠦᠳᠠᠨ ᠰᠤᠨᠢᠨ︾ ᠤᠯᠠᠨ ᠰᠠᠯᠠᠭᠠᠨ ᠤ ᠡᠮᠴᠢ ᠨᠠᠷ ᠤᠨ ᠡᠨᠡᠬᠦ ᠰᠤᠨᠢᠭᠤᠴᠢᠯᠠᠯ ᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠰᠠᠨᠠᠭᠤᠯᠭᠠ ᠶᠢ ᠨᠡᠶᠢᠳᠡᠯᠡᠭᠰᠡᠨ ᠪᠠᠶᠢᠨᠠ᠃ ᠮᠠᠷᠢᠶᠡ ᠰᠢᠭᠤᠷᠠᠭᠤᠯᠳᠠᠭ ᠡᠮᠴᠢ᠄ ᠬᠤᠭᠤᠯᠠ ᠪᠠᠨ ᠬᠠᠰᠤᠵᠤ ᠮᠠᠷᠢᠶᠠ ᠪᠠᠨ ᠬᠤᠷᠳᠤᠨ ᠰᠢᠭᠤᠷᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠮᠠᠷᠢᠶᠡ ᠰᠢᠭᠤᠷᠠᠭᠤᠯᠬᠤ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠯᠠᠨ · ᠺᠠᠮᠫᠧᠷ ᠳ᠋ᠤᠺᠲ᠋ᠤᠷ ᠰᠠᠨᠠᠭᠤᠯᠭᠠ᠄ ᠬᠤᠭᠤᠯᠠ ᠪᠠᠨ ᠬᠠᠰᠤᠵᠤ ᠮᠠᠷᠢᠶᠠ ᠪᠠᠨ ᠰᠢᠭᠤᠷᠠᠭᠤᠯᠬᠤ ᠨᠢ ᠳᠠᠭᠠᠭᠠᠮᠠᠭᠠᠢ ᠠᠮᠵᠢᠯᠳᠠ ᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ ᠭᠡᠳᠡᠭ ᠢ ᠠᠯᠢ ᠤᠯᠠᠨ ᠳᠤᠭᠠ ᠪᠠᠷᠢᠮᠳᠠ ᠭᠡᠷᠡᠴᠢᠯᠡᠭᠰᠡᠭᠡᠷ ᠪᠠᠶᠢᠨᠠ᠃ ᠬᠦᠮᠦᠰ ᠢ ᠬᠠᠪᠰᠤᠷᠤᠨ ᠮᠠᠷᠢᠶᠡ ᠶᠢ ᠨᠢ ᠰᠢᠭᠤᠷᠠᠭᠤᠯᠬᠤ ᠠᠵᠢᠯ ᠢ ᠪᠢ ᠠᠷᠪᠠᠭᠠᠳ ᠵᠢᠯ ᠬᠢᠵᠦ ᠪᠠᠶᠢᠨᠠ᠂ ᠮᠢᠨᠦ ᠤᠯᠤᠭᠰᠠᠨ ᠳᠤᠷᠰᠢᠯᠭᠠ ᠭᠡᠪᠡᠯ᠂ ᠮᠠᠷᠢᠶᠡ ᠪᠠᠨ ᠠᠮᠵᠢᠯᠳᠠ ᠲᠠᠢ ᠰᠢᠭᠤᠷᠠᠭᠤᠯᠤᠭᠠᠳ ᠳᠠᠭᠢᠵᠤ ᠮᠠᠷᠢᠶᠠᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠶᠠ ᠭᠡᠪᠡᠯ᠂ ᠶᠠᠭᠠᠬᠢᠭᠠᠳ ᠰᠢᠬᠢᠷᠯᠢᠭ ᠢᠳᠡᠭᠡᠨ ᠳᠤ ᠳᠤᠷᠠᠯᠠᠳᠠᠭ ᠪᠤᠢ ᠶᠠᠭᠠᠬᠢᠭᠠᠳ ᠦᠭᠡᠬᠦ ᠳᠤᠰᠤ ᠲᠠᠢ ᠢᠳᠡᠭᠡᠨ ᠳᠤ ᠳᠤᠷᠠᠯᠠᠳᠠᠭ ᠪᠤᠢ ᠶᠠᠭᠠᠬᠢᠭᠠᠳ ᠠᠷᠢᠬᠢ ᠶᠡᠭᠡ ᠤᠤᠭᠤᠳᠠᠭ ᠪᠤᠢ ᠶᠠᠭᠠᠬᠢᠭᠠᠳ ᠳᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠤ ᠰᠤᠨᠢᠷᠬᠠᠯ ᠳᠦᠷᠦᠬᠦ ᠦᠭᠡᠢ ᠪᠤᠢ ᠭᠡᠳᠡᠭ ᠠᠰᠠᠭᠤᠯᠳᠠ ᠶᠢᠨ ᠵᠦᠪ ᠬᠠᠷᠢᠭᠤᠯᠳᠠ ᠶᠢ ᠤᠯᠵᠤ᠂ ᠬᠠᠷᠠᠯᠳᠠ ᠲᠠᠢ ᠠᠷᠭᠠ ᠬᠡᠮᠵᠢᠶᠠ ᠠᠪᠬᠤ ᠬᠡᠷᠡᠭᠳᠡᠢ᠃ ᠪᠦᠲᠦᠮᠵᠢᠳᠠᠢ ᠮᠠᠷᠢᠶᠡ ᠰᠢᠭᠤᠷᠠᠭᠤᠯᠬᠤ ᠠᠷᠭᠠ ᠭᠡᠪᠡᠯ᠂ ᠳᠠᠳᠬᠠᠯ ᠢᠶᠠᠨ ᠬᠤᠪᠢᠷᠠᠭᠤᠯᠬᠤ ᠢᠳᠡᠭᠡᠨ ᠤᠮᠳᠠᠭᠠᠨ ᠳᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠤ ᠡᠳᠦᠷ ᠤᠨ ᠳᠡᠮᠳᠡᠭᠯᠡᠯ ᠬᠢᠵᠦ᠂ ᠳᠡᠭᠦᠨ ᠲᠠᠢ ᠪᠠᠨ ᠬᠠᠷᠠᠭᠠᠯᠵᠠᠭᠤᠯᠤᠨ ᠭᠡᠷᠡᠭᠵᠢᠭᠦᠯᠵᠦ ᠪᠤᠯᠬᠤᠢᠢᠴᠠ ᠮᠠᠷᠢᠶᠡ ᠰᠢᠭᠤᠷᠠᠭᠤᠯᠬᠤ ᠬᠠᠷᠠᠯᠳᠠ ᠳᠤᠭᠳᠠᠭᠠᠬᠤ ᠵᠡᠷᠭᠡ ᠪᠤᠯᠤᠨᠠ᠃ ᠳᠤᠤᠷᠠ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠢᠭᠡᠳᠪᠦᠷᠢ ᠶᠢᠨ ᠠᠷᠭᠠ ᠪᠠ ︽5᠄ 2 ᠳᠦᠷᠭᠡᠨ ᠮᠠᠴᠠᠭ ᠪᠠᠷᠢᠬᠤ ᠠᠷᠭᠠ︾ ︵ᠨᠢᠭᠡ ᠭᠠᠷᠠᠭ ᠤᠨ 5 ᠡᠳᠦᠷ ᠲᠤ ᠶᠠᠭᠤᠨ ᠳᠤ ᠳᠤᠷᠠᠯᠠᠪᠠᠯ ᠳᠡᠭᠦᠨ ᠢ ᠪᠠᠨ ᠢᠳᠡᠨᠠ᠂ ᠦᠯᠡᠳᠡᠭᠰᠡᠨ 2 ᠡᠳᠦᠷ ᠮᠠᠴᠠᠭ ᠪᠠᠷᠢᠨᠠ︶ ᠵᠡᠷᠭᠡ ᠵᠦᠪᠬᠡᠨ ᠬᠤᠭᠤᠯᠠ ᠪᠠᠨ ᠬᠠᠰᠤᠵᠤ ᠮᠠᠷᠢᠶᠠ ᠰᠢᠭᠤᠷᠠᠭᠤᠯᠬᠤ ᠨᠢ ᠤᠬᠤᠷ ᠬᠤᠭᠤᠴᠠᠭᠠᠨ ᠤ ᠠᠷᠭᠠ ᠬᠡᠮᠵᠢᠶᠠ ᠪᠤᠯᠤᠨᠠ᠂ ᠵᠢᠭᠠᠬᠠᠨ ᠬᠢᠴᠢᠶᠡᠬᠦ ᠦᠭᠡᠢ ᠪᠤᠯ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠡᠷᠭᠢᠭᠡᠳ ᠨᠡᠮᠡᠭᠳᠡᠴᠢᠬᠡᠨᠠ᠃
ᠳᠤᠳᠤᠷ ᠰᠠᠯᠠᠭᠠᠨ ᠤ ᠡᠮᠴᠢ᠄ ᠸᠢᠲ᠋ᠠᠮᠢᠨ C ᠶᠢ ᠵᠤᠷᠢᠭᠤᠳᠠ ᠨᠦᠬᠦᠬᠦ ᠬᠡᠷᠡᠭ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠤᠷᠢᠳᠤ ᠠᠮᠫᠲ᠋ᠦᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠡᠭᠦᠯ ᠡᠩᠬᠡ ᠶᠢᠨ ᠰᠤᠳᠤᠯᠭᠠᠨ ᠤ ᠫᠷᠦᠹᠧᠰᠰᠤᠷ᠂ ᠳᠤᠳᠤᠷ ᠰᠠᠯᠠᠭᠠᠨ ᠤ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠵᠤᠷᠵ · ᠷᠠᠶᠢᠸᠢᠰ ᠰᠠᠨᠠᠭᠤᠯᠭᠠ᠄ ᠸᠢᠲ᠋ᠠᠮᠢᠨ C ᠳᠠᠬᠰᠢᠭᠤᠷ ᠤᠨ ᠡᠳᠡᠭᠡᠷᠡᠬᠦ ᠴᠠᠭ ᠢ ᠲᠦᠷᠭᠡᠳᠭᠡᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠳᠠᠭᠰᠢᠭᠤᠷ ᠢ ᠰᠡᠷᠭᠡᠶᠢᠯᠡᠬᠦ ᠦᠢᠯᠡᠳᠦᠯ ᠲᠠᠢ ᠭᠡᠰᠡᠨ ᠪᠠᠷᠢᠮᠳᠠ ᠴᠤ ᠦᠭᠡᠢ ᠪᠠᠶᠢᠬᠰᠠᠭᠠᠷ᠃ ᠲᠠ ᠦᠪᠡᠷ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠳᠡᠭᠡᠨ ᠤᠮᠳᠠᠭᠠᠨ ᠤ ᠳᠠᠳᠬᠠᠯ ᠲᠠᠢ ᠶᠤᠮ ᠪᠤᠯ ᠤᠯᠠᠨ ᠵᠦᠢᠯ ᠤᠨ ᠵᠢᠮᠢᠰ ᠢᠳᠡᠰᠢᠨ ᠨᠤᠭᠤᠭᠠ ᠳᠤᠳᠤᠷᠠ ᠠᠴᠠ ᠬᠦᠷᠦᠯᠴᠡᠭᠦ᠋ᠢᠴᠡ ᠸᠢᠲ᠋ᠠᠮᠢᠨ C ᠤᠯᠵᠤ ᠪᠤᠯᠤᠨᠠ᠂ ᠳᠡᠭᠡᠪᠡᠯ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢ ᠴᠢᠨᠢ ᠠᠶᠠᠨᠳᠠᠭᠠᠨ ᠰᠠᠶᠢᠨ ᠪᠠᠶᠢᠬᠤ ᠪᠤᠯᠤᠨᠠ᠃ ᠳᠡᠳᠡᠭᠡᠷ ᠸᠢᠲ᠋ᠠᠮᠢᠨ C ᠶᠢᠨ ᠠᠭᠤᠯᠤᠭᠳᠠᠴᠠ ᠪᠠᠷ ᠳᠤᠩ ᠦᠨᠳᠦᠷ᠂ ᠡᠳᠦᠷ ᠪᠤᠯᠭᠠᠨ 500% ᠢᠶᠠᠷ ᠨᠦᠬᠦᠨᠠ ᠭᠡᠳᠡᠭ ᠰᠢᠮᠡ ᠳᠡᠵᠢᠭᠡᠯ ᠤᠨ ᠡᠮ ᠪᠤᠯ ᠱᠠᠯ ᠳᠡᠮᠡᠢ ᠪᠦᠷᠢᠯᠭᠡᠯ ᠳᠡᠳᠦᠢ᠃ ᠡᠪᠡᠳᠴᠢᠨ ᠵᠦᠢ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠰᠠᠪ ᠯᠡ ᠭᠡᠪᠡᠯ PSA ᠪᠠᠶᠢᠴᠠᠭᠠᠯᠳᠠ ᠬᠢᠬᠦ ᠴᠢᠬᠤᠯᠠ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠮᠧᠷᠢᠺᠠ ᠶᠢᠨ ᠠᠷᠢᠽᠤᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠡᠪᠡᠳᠴᠢᠨ ᠵᠦᠢ ᠶᠢᠨ ᠫᠷᠤᠹᠧᠰᠰᠤᠷ ᠷᠢᠴᠠᠳ᠋ · ᠠᠪᠦ᠋ᠷᠢᠨ ᠰᠠᠨᠠᠭᠤᠯᠭᠠ᠄ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠠᠨᠲ᠋ᠢᠪᠤᠳᠢ ︵PSA︶ ᠪᠤᠯ ᠤᠷᠤᠬ ᠤᠨ ᠪᠤᠯᠴᠢᠷᠬᠠᠢ ᠳᠤ ᠯᠠ ᠪᠠᠶᠢᠳᠠᠭ ᠠᠨᠲ᠋ᠢᠪᠤᠳᠢ ᠪᠤᠯᠤᠨᠠ᠂ ᠪᠤᠰᠤᠳ ᠡᠷᠭᠡᠳᠡᠨ ᠳᠤ ᠦᠵᠡᠭᠳᠡᠭᠡ ᠦᠭᠡᠢ᠃ PSA ᠶᠢ ᠪᠠᠶᠢᠴᠠᠭᠠᠪᠠᠯ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢ ᠤᠭᠳᠤᠯᠵᠤ ᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠬᠦᠮᠦᠨ ᠤ ᠪᠡᠶᠡ ᠳᠤ ᠪᠠᠰᠠ ᠦᠮᠡᠨ ᠤ ᠡᠰ ᠦᠯᠡᠳᠡᠵᠦ ᠪᠠᠶᠢᠬᠤ ᠡᠰᠡᠬᠦ ᠶᠢ ᠳᠤᠳᠤᠯᠠᠵᠤ ᠳᠡᠶᠢᠯᠦᠨᠠ᠃ ᠡᠶᠢᠮᠦ ᠠᠴᠠ PSA ᠶᠢ ᠪᠠᠶᠢᠴᠠᠭᠠᠬᠤ ᠪᠠᠷ ᠳᠠᠮᠵᠢᠭᠤᠯᠤᠨ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠢ ᠳᠤᠳᠤᠯᠠᠬᠤ ᠪᠤᠯ ᠪᠤᠷᠤᠭᠤ᠃ PSA ᠨᠢ ᠦᠨᠳᠦᠷ ᠪᠠᠶᠢᠪᠠᠯ ᠡᠷᠡᠭᠳᠡᠢ ᠡᠪᠡᠳᠴᠢᠳᠠᠨ ᠤ ᠤᠷᠤᠬ ᠤᠨ ᠪᠤᠯᠴᠢᠷᠬᠠᠢ ᠨᠢ ᠦᠷᠪᠢᠰᠦᠭᠰᠡᠨ ᠪᠤᠶᠤ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠨᠢ ᠳᠤᠮᠤᠷᠠᠭᠰᠠᠨ ︵ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠬᠤᠤᠷᠠᠳᠤ ᠬᠠᠪᠤᠳᠠᠷ ᠪᠢᠰᠢ ᠪᠠᠶᠢᠳᠠᠭ︶ ᠢ ᠬᠠᠷᠠᠭᠤᠯᠳᠠᠭ᠃ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠤ ᠵᠠᠰᠠᠯ ᠬᠢᠯᠭᠡᠵᠦ ᠪᠠᠶᠢᠭᠠ ᠡᠪᠡᠳᠴᠢᠳᠠᠨ᠂ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠤ ᠭᠡᠷ ᠪᠦᠯᠢ ᠶᠢᠨ ᠳᠡᠦᠬᠡ ᠲᠠᠢ ᠡᠪᠡᠳᠴᠢᠳᠠᠨ ᠵᠢᠴᠢ ᠰᠢᠯᠦᠭᠤᠨ ᠭᠡᠳᠡᠰᠦ ᠪᠠᠷ ᠳᠠᠮᠵᠢᠭᠤᠯᠵᠤ ᠤᠷᠤᠭ ᠤᠨ ᠪᠤᠯᠴᠢᠷᠬᠠᠢ ᠶᠢᠨ ᠦᠮᠡᠨ ᠤ ᠪᠠᠶᠢᠴᠠᠭᠠᠯᠳᠠ ᠬᠢᠬᠦ ᠴᠢᠬᠤᠯᠠ ᠲᠠᠢ ᠡᠪᠡᠳᠴᠢᠳᠠᠨ PSA ᠪᠠᠨ ᠪᠠᠶᠢᠴᠠᠭᠠᠯᠭᠠᠪᠠᠯ ᠵᠤᠬᠢᠨᠠ᠃ ᠲᠡᠶᠢᠮᠦ ᠪᠢᠰᠢ ᠪᠤᠯ ᠢᠯᠡᠭᠦᠴᠡ ᠵᠠᠰᠠᠯᠭᠠ ᠬᠢᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ᠂ ᠡᠪᠡᠳᠴᠢᠳᠠᠨ ᠳᠤ ᠭᠡᠷᠡᠭᠴᠡᠭᠡ ᠦᠭᠡᠢ ᠰᠢᠷᠬᠠ ᠰᠤᠷᠪᠢ ᠤᠷᠤᠭᠤᠯᠤᠨ ᠪᠠᠶᠢᠴᠠᠭᠠᠯᠳᠠ ᠬᠢᠭᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠶᠠᠰᠤᠨ ᠤ ᠰᠠᠯᠠᠭᠠᠨ ᠤ ᠡᠮᠴᠢ᠄ ᠢᠳᠡᠷ ᠨᠠᠰᠤᠨ ᠳᠠᠭᠠᠨ ᠮᠠᠷᠠᠰᠤᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠬᠤ ᠬᠡᠷᠡᠭ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠤᠷᠢᠳᠤ ᠠᠮᠫᠲ᠋ᠦᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠰᠡᠭᠦᠵᠢᠨ ᠦᠶᠡ ᠶᠢ ᠳᠡᠭᠰᠢᠯᠡᠬᠦ ᠭᠠᠳᠠᠷ ᠰᠠᠯᠠᠭᠠᠨ ᠤ ᠡᠮᠴᠢ ᠵᠧᠷᠧᠮᠢ · ᠯᠠᠼᠠᠮ ᠰᠠᠨᠠᠭᠤᠯᠭᠠ᠄ ᠡᠩ ᠤᠨ ᠦᠶᠠ ᠳᠡᠭᠡᠨ ᠳᠡᠮᠡᠢ ᠬᠦᠳᠡᠯᠭᠡᠭᠡᠨ ᠬᠢᠳᠡᠭ ᠦᠭᠡᠢ ᠢᠳᠡᠷ ᠨᠠᠰᠤᠨ ᠤ ᠬᠦᠮᠦᠰ ᠬᠡᠨᠡᠳᠳᠡ ᠪᠠᠷ ᠮᠠᠷᠠᠰᠤᠨ ᠮᠡᠳᠦ ᠶᠢᠨ ᠰᠢᠷᠦᠭᠦᠨ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠪᠠᠯ ᠡᠪᠦᠳᠦᠭ ᠤᠨ ᠦᠶᠠ᠂ ᠱᠠᠭᠠ ᠶᠢᠨ ᠦᠶᠠ ᠪᠠ ᠰᠡᠭᠦᠵᠢᠨ ᠦᠶᠠ ᠨᠢ ᠠᠮᠠᠷᠬᠠᠨ ᠬᠡᠮᠳᠦᠳᠡᠭ᠃ ᠢᠳᠡᠷ ᠨᠠᠰᠤᠨ ᠳᠤ ᠬᠦᠷᠦᠭᠡᠳ ᠮᠠᠷᠢᠶᠠ ᠪᠠᠨ ᠰᠢᠭᠤᠷᠠᠭᠤᠯᠤᠶᠠ᠂ ᠪᠠᠶᠠ ᠪᠠᠨ ᠴᠢᠬᠢᠷᠠᠬᠵᠢᠭᠤᠯᠤᠶᠠ ᠭᠡᠵᠦ ᠪᠤᠳᠤᠪᠠᠯ ᠬᠠᠮᠤᠭ ᠤᠨ ᠰᠠᠶᠢᠨ ᠨᠢ ᠬᠤᠷᠳᠤᠨ ᠠᠯᠬᠤᠬᠤ᠂ ᠤᠰᠤᠨ ᠳᠤ ᠤᠮᠪᠠᠭ᠋ᠤ ᠪᠤᠶᠤ ᠳᠤᠭᠤᠢ ᠤᠨᠤᠵᠤ ᠪᠤᠯᠤᠨᠠ᠂ ᠡᠳᠡᠭᠡᠷ ᠭᠦᠳᠡᠯᠭᠡᠭᠡᠨ ᠨᠢ ᠦᠶᠡ ᠬᠡᠰᠢᠭᠦᠦ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠳᠤᠰᠠᠳᠠᠢ ᠪᠠᠶᠢᠳᠠᠭ᠃ ᠪᠢ ᠦᠪᠡᠷ ᠢᠶᠠᠨ ᠭᠠᠷᠠᠭ ᠲᠤ 2 — 3 ᠤᠳᠠᠭᠠ ᠬᠠᠭᠤᠷᠠᠢ ᠳᠤ ᠤᠩᠭᠤᠴᠠ ᠰᠡᠯᠢᠬᠦ ᠬᠦᠳᠡᠯᠭᠡᠭᠡᠨ ᠬᠢᠳᠡᠭ᠂ ᠡᠨᠡᠬᠦ ᠬᠦᠳᠡᠯᠭᠡᠭᠡᠨ ᠨᠢ ᠵᠢᠷᠦᠭᠡ ᠪᠠ ᠪᠦᠬᠦ ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠳᠤᠰᠠᠳᠠᠢ᠂ ᠨᠡᠩ ᠴᠤ ᠬᠦᠳᠡᠯᠭᠡᠭᠡᠨ ᠭᠡᠳᠦᠷᠡᠭᠡᠳ ᠦᠶᠠ ᠬᠡᠰᠢᠭᠦᠦ ᠶᠢ ᠬᠡᠮᠳᠦᠭᠦᠯᠬᠦ ᠠᠴᠠ ᠵᠤᠪᠠᠭ᠋ᠤ ᠶᠠᠪᠤᠳᠠᠯ ᠦᠭᠡᠢ᠃ ᠰᠢᠮᠡ ᠳᠡᠵᠢᠭᠡᠯ ᠤᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠦᠭᠡᠬᠦ ᠶᠢ ᠨᠢ ᠪᠠᠭᠤᠷᠠᠭᠤᠯᠤᠭᠰᠠᠨ ᠢᠳᠡᠭᠡᠨ ᠢᠳᠡᠬᠦ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠰᠢᠮᠠ ᠳᠡᠵᠢᠭᠡᠯ ᠤᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠬᠠᠶᠢᠯᠤᠨ · ᠪᠠᠩᠳ᠋ ᠰᠠᠨᠠᠭᠤᠯᠭᠠ᠄ ᠪᠢ ᠦᠪᠡᠷ ᠢᠶᠠᠨ ︽ᠦᠭᠡᠬᠦ ᠶᠢ ᠨᠢ ᠪᠠᠭᠤᠷᠠᠭᠤᠯᠤᠭᠰᠠᠨ︾ ᠭᠡᠵᠦ ᠳᠤᠳᠤᠷᠬᠠᠢᠢᠯᠠᠬᠰᠠᠨ ᠢᠳᠡᠭᠡᠨ ᠢ ᠢᠳᠡᠳᠡᠭ ᠦᠭᠡᠢ᠂ ᠬᠡᠦᠬᠡᠳ ᠤᠳ ᠲᠡᠭᠡᠨ ᠴᠤ ᠢᠳᠡᠭᠦᠯᠳᠡᠭ ᠦᠭᠡᠢ᠃ ᠦᠭᠡᠬᠦ ᠶᠢ ᠪᠠᠭᠤᠷᠠᠭᠤᠯᠤᠭᠰᠠᠨ ᠦᠨᠳᠡᠭᠡᠨ ᠰᠢᠷᠠ ᠶᠢᠨ ᠵᠢᠶᠠᠩ ᠪᠤᠶᠤ ᠦᠭᠡᠬᠦ ᠶᠢ ᠪᠠᠭᠤᠷᠠᠭᠤᠯᠤᠭᠰᠠᠨ ᠬᠠᠭᠤᠷᠠᠢ ᠬᠤᠷᠤᠳ ᠵᠡᠷᠭᠡ ᠶᠢᠨ ︽ᠦᠭᠡᠬᠦ ᠶᠢ ᠪᠠᠭᠤᠷᠠᠭᠤᠯᠤᠭᠰᠠᠨ ᠢᠳᠡᠭᠡᠨ︾ ᠭᠡᠳᠡᠭ ᠵᠦᠢᠯᠡᠰ ᠤᠨ ᠦᠭᠡᠭᠦ ᠶᠢᠨ ᠠᠭᠤᠯᠤᠭᠳᠠᠴᠠ ᠮᠦᠨ ᠯᠡ ᠳᠤᠩ ᠦᠨᠳᠦᠷ ᠪᠠᠶᠢᠳᠠᠭ᠃ ᠪᠢ ᠠᠶᠢᠷᠠᠭ ᠮᠡᠳᠦ ᠶᠢᠨ ᠦᠭᠡᠬᠦ ᠶᠢᠨ ᠠᠭᠤᠯᠤᠭᠳᠠᠴᠠ ᠪᠠᠷ ᠳᠤᠤᠷᠠ ᠪᠤᠶᠤ ᠦᠭᠡᠬᠦ ᠦᠭᠡᠶᠢᠳᠡᠭᠦᠯᠦᠭᠰᠡᠨ ᠢᠳᠡᠭᠡᠨ ᠢ ᠰᠤᠩᠭᠤᠳᠠᠭ᠃ ᠦᠭᠡᠬᠦ ᠶᠢᠨ ᠠᠭᠤᠯᠤᠭᠳᠠᠴᠠ ᠳᠤᠤᠷᠠ ᠢᠳᠡᠭᠡᠨ ᠢ ᠰᠤᠩᠭᠤᠬᠤ ᠳᠠᠭᠠᠨ ᠦᠭᠡᠬᠦ ᠶᠢ ᠨᠢ ᠰᠢᠬᠢᠷ ᠢᠶᠠᠷ ᠤᠷᠤᠯᠠᠭᠤᠯᠤᠭᠰᠠᠨ ᠪᠠᠶᠢᠵᠤ ᠮᠡᠳᠡᠬᠦ ᠶᠢ ᠠᠩᠬᠠᠷᠬᠤ ᠭᠡᠷᠡᠭᠳᠡᠢ᠂ ᠰᠢᠬᠢᠷ ᠶᠡᠭᠡ ᠢᠳᠡᠪᠡᠯ ᠡᠷᠡᠭᠦᠯ ᠮᠡᠨᠳᠦ ᠳᠤ ᠮᠦᠨ ᠠᠰᠢᠬ ᠦᠭᠡᠢ᠃
ᠬᠢᠷᠬᠢᠷᠡ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠨᠠᠮᠳᠠᠭᠤᠯᠬᠤ ᠳᠦᠷᠦᠯ ᠤᠨ ᠡᠮ ᠢ ᠪᠠᠭᠠ ᠬᠡᠷᠡᠭᠯᠡ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠤᠷᠢᠳᠤ ᠠᠮᠫᠲ᠋ᠦᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠠᠮᠢᠰᠬᠤᠯ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠪᠠ ᠬᠢᠷᠬᠢᠷᠡ ᠶᠢᠨ ᠰᠤᠪᠢᠯᠠᠭᠠ ᠶᠢᠨ ᠫᠷᠦᠹᠧᠰᠰᠤᠷ ᠮᠠᠶᠢᠺᠧ · ᠳᠤᠮᠰ ᠰᠠᠨᠠᠭᠤᠯᠭᠠ᠄ ᠶᠡᠭᠡ ᠤᠯᠠᠨ ᠡᠪᠡᠳᠴᠢᠳᠡᠨ ᠨᠠᠮᠳᠠᠭᠤᠯᠬᠤ ᠴᠢᠨᠠᠷᠳᠠᠢ ᠡᠮ ᠢᠯᠡᠭᠦᠦ ᠭᠡᠷᠡᠭᠯᠡᠵᠦ᠂ ᠡᠮ ᠠᠴᠠ ᠪᠠᠨ ᠰᠠᠯᠪᠠᠯ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠪᠠᠨ ᠪᠤᠯᠳᠠᠭ᠃ ᠳᠡᠭᠡᠬᠦ ᠳᠤ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢ ᠨᠠᠮᠳᠠᠭᠤᠯᠬᠤ ᠡᠮ ᠢ ᠡᠪᠡᠳᠴᠢᠨ ᠤ ᠳᠦᠷᠭᠡᠨ ᠴᠢᠨᠠᠷᠳᠠᠢ ᠢᠯᠡᠷᠡᠯ ᠢ ᠨᠠᠮᠳᠠᠭᠤᠯᠬᠤ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠪᠠᠶᠢᠳᠠᠭ ᠪᠦᠭᠡᠳ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠬᠡᠷᠡᠭᠯᠡᠬᠦ ᠶᠢ ᠵᠦᠪᠰᠢᠶᠡᠷᠡᠳᠡᠭ ᠦᠭᠡᠢ᠃ ᠪᠠᠰᠠ ᠵᠠᠷᠢᠮ ᠡᠪᠡᠳᠴᠢᠳᠠᠨ ᠰᠲ᠋ᠧᠷᠦᠯᠴᠢᠷ ᠢ ᠶᠡᠭᠡ ᠬᠡᠮᠵᠢᠶᠠ ᠪᠠᠷ ᠢᠳᠡᠵᠦ ᠬᠢᠷᠬᠢᠷᠡ ᠶᠢ ᠳᠠᠷᠤᠵᠤ ᠪᠠᠶᠢᠨᠠ᠂ ᠡᠨᠡ ᠨᠢ ᠶᠠᠰᠤᠨ ᠤ ᠨᠢᠬᠳᠠᠴᠠ ᠶᠢ ᠪᠠᠭᠤᠷᠠᠭᠤᠯᠵᠤ᠂ ᠰᠢᠬᠢᠷ ᠰᠢᠵᠢᠩ ᠡᠪᠡᠳᠴᠢᠨ ᠪᠠ ᠴᠢᠰᠤᠨ ᠳᠠᠷᠤᠯᠳᠠ ᠦᠨᠳᠦᠷ ᠡᠪᠡᠳᠴᠢᠨ ᠤ ᠠᠶᠤᠯ ᠢ ᠨᠡᠮᠡᠭᠳᠡᠭᠦᠯᠳᠡᠭ᠃ ᠮᠢᠨᠦ ᠰᠠᠨᠠᠭᠤᠯᠭᠠ ᠪᠤᠯ ᠡᠪᠡᠳᠴᠢᠳᠠᠳ ᠡᠮᠴᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢ ᠳᠤᠭᠳᠠᠪᠤᠷᠢᠵᠢᠭᠤᠯᠬᠤ ᠳᠦᠷᠦᠯ ᠤᠨ ᠡᠮ ᠤᠤᠭᠤᠵᠤ᠂ ᠳᠦᠭᠦᠮ ᠠᠮᠢᠰᠬᠤᠯ ᠤᠨ ᠪᠤᠯᠪᠠᠰᠤᠷᠠᠯ ᠪᠠ ᠵᠤᠪᠠᠨᠢᠬᠤ ᠶᠢ ᠬᠤᠷᠢᠬᠯᠠᠬᠤ ᠠᠷᠭᠠ ᠬᠡᠮᠵᠢᠶᠠ ᠠᠪᠴᠤ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠢᠶᠠᠨ ᠨᠠᠮᠳᠠᠭᠤᠯᠪᠠᠯ ᠵᠤᠬᠢᠨᠠ᠃ ᠢᠢᠮᠦᠷᠬᠦ ᠪᠡᠶᠡ ᠪᠠᠨ ᠪᠠᠷᠢᠬᠤ ᠠᠷᠭᠠ ᠨᠢ ᠬᠢᠷᠬᠢᠷᠡ ᠡᠪᠡᠳᠴᠢᠳᠠᠨ ᠤ ᠡᠮ ᠤᠤᠭᠤᠬᠤ ᠬᠡᠮᠵᠢᠶᠠ ᠶᠢ ᠪᠠᠭᠠᠰᠬᠠᠵᠤ᠂ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠤᠨᠠ᠃ ᠬᠦᠩᠭᠡᠵᠢᠭᠦᠯᠬᠦ ᠰᠠᠯᠠᠭᠠᠨ ᠤ ᠡᠮᠴᠢ᠄ ᠭᠡᠷ ᠲᠡᠭᠡᠨ ᠬᠦᠩᠭᠡᠵᠢᠵᠤ ᠪᠤᠯᠬᠤ ᠦᠭᠡᠢ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠪᠠᠷᠨᠧᠲ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠡᠮᠴᠢ ᠮᠤᠨᠧᠯᠢ · ᠺᠤᠯᠠᠷᠠ ᠰᠠᠨᠠᠭᠤᠯᠭᠠ᠄ ᠵᠢᠷᠮᠦᠰᠦᠨ ᠬᠤᠭᠤᠴᠠᠭᠠᠨ ᠤ ᠬᠦᠨᠳᠦ ᠴᠢᠰᠦᠨ ᠳᠠᠷᠤᠯᠳᠠ ᠦᠨᠳᠦᠷ ᠡᠪᠡᠳᠴᠢᠨ ᠵᠡᠷᠭᠡ ᠪᠠᠶᠢᠳᠠᠯ ᠨᠢ ᠭᠤᠤᠯᠳᠠᠭᠤ ᠤᠤᠭᠠᠨ ᠬᠡᠦᠬᠡᠳ ᠢᠶᠠᠨ ᠵᠢᠷᠮᠦᠰᠦᠯᠡᠬᠦ ᠦᠶᠡ ᠳᠤ ᠢᠯᠡᠷᠡᠳᠡᠭ᠂ ᠵᠠᠷᠢᠮ ᠠᠶᠤᠯ ᠲᠠᠢ ᠪᠠᠶᠢᠳᠠᠯ ᠴᠤ ᠬᠦᠩᠭᠡᠵᠢᠭᠦ ᠶᠠᠪᠤᠴᠠ ᠳᠤ ᠭᠠᠷᠳᠠᠭ᠃ ᠡᠳᠡᠭᠡᠷ ᠠᠶᠤᠯ ᠨᠢ ᠶᠡᠷᠦᠳᠡᠭᠡᠨ ᠴᠦᠭᠡᠨ ᠢᠯᠡᠷᠡᠳᠡᠭ ᠪᠤᠯᠪᠠᠴᠤ ᠪᠢ ᠯᠠᠪ ᠭᠡᠷ ᠲᠡᠭᠡᠨ ᠬᠦᠩᠭᠡᠵᠢᠬᠦ ᠦᠭᠡᠢ᠃ ᠪᠢ ᠯᠠᠪᠳᠠᠢ ᠡᠮᠴᠢᠯᠡᠭᠡᠨ ᠤ ᠳᠤᠨᠤᠭ ᠳᠦᠬᠦᠭᠡᠷᠦᠮᠵᠢ᠂ ᠨᠦᠬᠦᠴᠡᠯ ᠪᠦᠷᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠡ ᠶᠢ ᠰᠤᠩᠭᠤᠵᠤ ᠬᠦᠩᠭᠡᠵᠢᠨᠠ᠂ ᠳᠡᠭᠡᠪᠡᠯ ᠠᠶᠤᠯ ᠲᠠᠢ ᠪᠠᠶᠢᠳᠠᠯ ᠭᠠᠷᠬᠤ ᠪᠠᠷ ᠪᠤᠳᠤᠬᠤ ᠳᠤ ᠴᠠᠭ ᠳᠠᠷᠤᠢ ᠳᠤᠨᠢ ᠰᠢᠢᠳᠪᠦᠷᠢᠯᠡᠵᠦ ᠳᠡᠶᠢᠯᠦᠨᠠ᠃
ᠤᠨᠳᠠᠯᠭᠠ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠤᠨᠳᠠᠭᠤᠯᠬᠤ ᠡᠮ ᠪᠠᠭᠠ ᠤᠤᠭᠤ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ᠄ ᠠᠩᠭ᠍ᠯᠢ ᠶᠢᠨ ᠤᠨᠳᠠᠯᠭᠠ ᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠭᠦᠶ᠋ᠢ · ᠮᠠᠶᠢᠳᠤᠧᠰ ᠰᠠᠨᠠᠭᠤᠯᠭᠠ᠄ ᠤᠨᠳᠠᠭᠤᠯᠬᠤ ᠡᠮ ᠨᠢ ᠬᠦᠮᠦᠰ ᠤᠨ ᠦᠪᠡᠷ ᠢᠶᠠᠨ ᠠᠶᠠᠨᠳᠠᠭᠠᠨ ᠤᠨᠳᠠᠵᠤ ᠳᠡᠶᠢᠯᠦᠨᠠ ᠭᠡᠳᠡᠭ ᠢᠳᠡᠭᠡᠯ ᠢ ᠠᠯᠳᠠᠭᠤᠯᠤᠨᠠ᠂ ᠳᠡᠭᠡᠭᠡᠳ ︽ᠤᠨᠳᠠᠭᠤᠯᠬᠤ ᠡᠮ ᠤᠤᠭᠤᠬᠤ ᠦᠭᠡᠢ ᠪᠤᠯ ᠤᠨᠳᠠᠵᠤ ᠳᠡᠶᠢᠯᠬᠦ ᠦᠭᠡᠢ︾ ᠪᠡᠶᠡ ᠰᠡᠳᠭᠢᠯ ᠢᠶᠠᠷ ᠢᠶᠠᠨ ᠲᠡᠭᠦᠨ ᠳᠤ ᠨᠠᠶᠢᠳᠠᠭᠰᠠᠨ ᠪᠠᠶᠢᠳᠠᠯ ᠳᠤ ᠤᠷᠤᠨᠠ᠃ ᠤᠨᠳᠠᠭᠤᠯᠬᠤ ᠡᠮ ᠳᠤᠯᠤᠭᠠᠢ ᠡᠷᠭᠢᠬᠦ᠂ ᠳᠤᠯᠤᠭᠠᠢ ᠡᠪᠡᠳᠬᠦ᠂ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢ ᠳᠤᠷᠦ᠋ᠢᠳᠠᠬᠤ ᠪᠠ ᠮᠡᠩᠳᠡᠭᠦᠷᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ ᠪᠤᠯᠭᠠᠬᠤ ᠵᠡᠷᠭᠡ ᠰᠦᠷᠭᠡᠦ ᠦᠢᠯᠡᠳᠦᠯ ᠲᠠᠢ᠃ ᠤᠨᠳᠠᠭᠤᠯᠬᠤ ᠡᠮ ᠨᠢ ᠦᠭᠦᠯ ᠤᠨ ᠠᠶᠤᠯ ᠢ 4 ᠳᠠᠭᠢᠨ ᠢᠶᠠᠷ ᠨᠡᠮᠡᠭᠳᠡᠭᠦᠯᠳᠡᠭ ᠭᠡᠳᠡᠭ ᠢ ᠤᠢᠢᠷᠠ ᠳᠤ ᠰᠤᠳᠤᠯᠭᠠᠨ ᠢᠶᠠᠷ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠳᠡᠭᠡᠭᠡᠳ ᠶᠡᠷᠦᠨᠢ ᠤᠨᠳᠠᠭᠤᠯᠬᠤ ᠡᠮ ᠤᠤᠭᠤᠬᠤ ᠨᠢ ᠤᠨᠳᠠᠯᠭᠠ ᠶᠢ 20 — 30 ᠮᠢᠨᠦ᠋ᠲ ᠯᠡ ᠤᠷᠳᠤᠳᠬᠠᠳᠠᠭ᠃ ᠠᠰᠢᠬ ᠬᠤᠤᠷ ᠨᠢ ᠢᠯᠡᠷᠭᠡᠢ ᠪᠠᠶᠢᠭᠠ ᠪᠢᠵᠡ ᠵᠠᠷᠢᠮ ᠬᠦᠨᠳᠦ ᠰᠦᠷᠡᠭᠡᠢ ᠤᠨᠳᠠᠯᠭᠠ ᠶᠢᠨ ᠬᠠᠷᠰᠢᠯᠠᠯ ᠳᠤ ᠤᠴᠠᠷᠠᠭᠰᠠᠨ ᠦᠶᠡ ᠳᠤ ᠤᠨᠳᠠᠭᠤᠯᠬᠤ ᠡᠮ ᠨᠢ ᠵᠤᠬᠢᠬᠤ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ᠂ ᠭᠡᠪᠡᠴᠦ ᠤᠯᠠᠩᠭᠢ ᠬᠦᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠤᠨᠳᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠠᠶᠢᠬᠤ ᠨᠢ ᠪᠦᠷ ᠡᠷᠭᠡᠪᠰᠢ ᠤᠨᠳᠠᠭᠤᠯᠬᠤ ᠡᠮ ᠤᠤᠭᠤᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠡᠳᠦᠢ ᠪᠠᠶᠢᠵᠤ᠂ ᠤᠨᠳᠠᠭᠤᠯᠬᠤ ᠡᠮ ᠨᠢ ᠶᠠᠮᠠᠷ ᠴᠤ ᠦᠢᠯᠡᠳᠦᠯ ᠭᠠᠷᠭᠠᠳᠠᠭ ᠦᠭᠡᠢ᠃