-
25566
ᠬᠡᠢᠷᠬᠡᠯ
2022-11-14 10:10
57
0
ᠬᠡᠢᠷᠬᠡᠯ
ᠪᠣ ᠴᠡᠭ
︵ᠤᠶᠠᠬᠠᠨ ᠳᠤᠩᠭ᠋ᠠᠯᠠᠭ ᠲᠠᠨᠢᠯ ᠪᠦᠰᠡᠭᠦᠢ ᠳᠤ ᠪᠢᠴᠢᠭᠰᠡᠨ ᠲᠠᠳᠠᠯᠭᠠ︶
ᠬᠠᠷᠠ ᠬᠠᠷᠠᠬᠠᠨ ᠨᠢᠳᠦ ᠨᠢ
ᠬᠠᠢᠷᠠ ᠶᠢᠨ ᠭᠡᠭᠡ ᠲᠠᠢ ᠳᠤᠭᠳᠤᠯᠤᠮᠠ
ᠬᠠᠪᠢᠷᠭᠠᠨ ᠰᠠᠷᠠᠨ ᠬᠦᠮᠤᠰᠬᠡ ᠨᠢ
ᠬᠠᠨᠢ ᠶᠢᠨ ᠵᠢᠷᠭᠠᠯ ᠲᠠᠢ ᠤᠶᠠᠰᠤᠮᠠ
ᠤᠶᠠᠬᠠᠨ ᠲᠤᠩᠭᠠᠯᠠᠭ ᠮᠡᠯᠮᠡᠢ ᠳ᠋ᠤᠨᠢ
ᠤᠬᠠᠭᠠᠨ ᠠᠯᠳᠠᠨ ᠳᠡᠷᠪᠡᠮᠡ
ᠤᠷᠤᠭᠤᠯ ᠤᠨ ᠬᠤᠨᠳᠤᠨ ᠡᠩᠰᠡᠭᠡ ᠳ᠋ᠤᠨᠢ
ᠤᠴᠠᠷᠠᠯ ᠢᠶᠡᠨ ᠵᠦᠩᠨᠡᠨ ᠵᠢᠷᠭᠠᠮᠠ
ᠨᠢᠯᠪᠤᠰᠤ ᠢᠪᠡᠯᠡᠭᠦᠯᠦᠭ᠍ᠰᠡᠨ ᠬᠠᠷᠠᠴᠠᠨ ᠳ᠋ᠤᠨᠢ
ᠨᠢᠭᠤᠴᠠᠬᠠᠨ ᠬᠠᠢᠷᠠ ᠶᠢᠨ ᠪᠣᠯᠠᠭ ᠲᠠᠢ
ᠨᠢᠭᠤᠵᠤ ᠪᠣᠯᠳᠠᠭ ᠦᠭᠡᠢ ᠳᠤᠷᠠᠯᠠᠯ
ᠨᠢᠭᠡᠨ ᠯᠠ ᠤᠬᠠᠭᠠᠨ ᠤ ᠲᠡᠮᠤᠯᠡᠯ ᠲᠠᠢ
ᠴᠢᠷᠠᠢᠯᠢᠭ ᠪᠦᠰᠡᠭᠦᠢ ᠶᠢᠨ ᠵᠢᠰᠦᠨ ᠳ᠋ᠤᠨᠢ
ᠴᠡᠪᠡᠷᠬᠡᠨ ᠢᠨᠠᠭ ᠤᠨ ᠲᠤᠶᠠᠭᠠ ᠲᠠᠢ
ᠴᠢᠨᠳᠠᠭᠠᠨ ᠴᠠᠭᠠᠨ ᠡᠪᠠᠢ᠌ ᠰᠡᠳᠭᠢᠯ ᠮᠢᠨᠦ
ᠴᠢᠮᠠ ᠳ᠋ᠤ ᠯᠠ ᠬᠦᠷᠬᠦ ᠪᠣᠯᠭᠢᠭᠠ ᠲᠠᠢ
ᠬᠤᠭᠤᠰᠤᠨ ᠣᠷᠤ ᠳ᠋ᠤ ᠨᠢ ᠰᠠᠭᠠᠲᠠᠵᠦ
ᠬᠠᠵᠠᠭᠤ ᠳᠤ ᠨᠢ ᠬᠣᠷᠭᠤᠳᠠᠮᠠᠷ ᠰᠠᠨᠠᠭᠳᠠᠬᠤ ᠶᠤᠮ
ᠬᠤᠶᠠᠷ ᠰᠢᠯ ᠠᠷᠢᠬᠢ ᠵᠢ ᠨᠢ ᠠᠮᠰᠠᠵᠦ
ᠬᠠᠨᠢᠰᠴᠤ ᠰᠠᠭᠤᠮᠠᠷ ᠪᠣᠳᠤᠭᠳᠠᠬᠤ ᠶᠤᠮ
ᠡᠷᠭᠥᠭ᠍ᠰᠡᠨ ᠴᠣᠮᠤ ᠲᠠᠢ ᠫᠢᠶᠤᠪ ᠤᠨ
ᠥᠩᠭᠡ ᠲᠠᠢ ᠨᠢ ᠬᠣᠣᠰᠯᠠᠵᠦ ᠵᠢᠷᠭᠠᠬᠤ ᠶᠤᠮᠰᠠᠨ
ᠦᠩᠭᠡᠷᠡᠭ᠍ᠴᠢ ᠰᠦᠨᠢ ᠶᠢᠨ ᠵᠣᠭᠤᠭ ᠢᠶᠡᠨ
ᠦᠭᠦᠯᠡᠨ ᠳᠤᠷᠠᠰᠴᠤ ᠤᠶᠠᠰᠬᠤ ᠶᠤᠮᠰᠠᠨ
ᠱᠠᠭᠠᠵᠠᠩ ᠯᠤᠩᠲᠠᠢ᠌ ᠠᠷᠢᠬᠢ ᠵᠢ ᠨᠢ
ᠱᠠᠯᠠᠭᠠ ᠴᠦ ᠦᠭᠡᠢ ᠤᠤᠭᠤᠬᠤ ᠶᠤᠮᠰᠠᠨ
ᠱᠠᠩᠨᠠᠯ ᠦᠭ᠍ᠭᠦᠮᠡᠷ ᠲᠣᠨᠢᠷᠬᠠᠯ ᠢ ᠨᠢ
ᠱᠠᠩᠳᠠᠭᠤᠷᠬᠠᠨ ᠰᠠᠨᠠᠵᠦ ᠬᠦᠯᠢᠶᠡᠬᠦ ᠶᠤᠮᠰᠠᠨ
ᠬᠠᠷᠠᠬᠤ ᠨᠢᠳᠤᠨ ᠤ ᠰᠤᠷᠮᠤᠰᠤ ᠵᠢ ᠨᠢ
ᠬᠠᠴᠠᠷ ᠲᠡᠭᠡᠷᠠ ᠪᠠᠨ ᠨᠠᠭᠠᠯᠭᠠᠬᠤ ᠶᠤᠮᠰᠠᠨ
ᠬᠠᠩᠭᠢᠰ ᠴᠢᠩᠭᠢᠰ ᠢᠨᠢᠶᠳᠤ ᠵᠢ ᠨᠢ
ᠬᠠᠷᠠᠮᠨᠠᠵᠦ ᠦᠪᠡᠷ ᠲᠤ ᠪᠠᠨ ᠨᠢᠭᠤᠬᠤ ᠶᠤᠮᠰᠠᠨ᠃
2020.11.14
