ᠬᠡᠦᠬᠡᠳ ᠦᠨ ᠰᠢᠯᠦᠭ
                  ᠤᠳᠤᠩᠭᠡᠷᠡᠯ
ᠪᠢᠳᠡ ᠡᠬᠡ ᠤᠷᠤᠨ ᠤ ᠪᠠᠨ
ᠡᠯᠢᠭᠡᠨ ᠲᠡᠭᠡᠷ᠎ᠡ ᠲᠡᠯᠭᠡᠷᠡᠭᠰᠡᠨ ᠴᠡᠴᠡᠭ

ᠪᠢ︱
ᠤᠷᠢᠬᠠᠨ ᠬᠠᠪᠤᠷ ᠤᠨ ᠴᠠᠭ ᠲᠤ
ᠤᠰᠤᠨ ᠤ ᠰᠢᠪᠠᠭᠤᠬᠠᠢ ᠲᠠᠢ ᠡᠷᠬᠡᠯᠡᠵᠦ
ᠤᠷᠭᠤᠬᠤ ᠨᠠᠷᠠᠨ ᠵᠦᠭ ᠮᠦᠰᠢᠶᠡᠭᠰᠡᠨ
ᠤᠷᠳᠤ ᠰᠢᠯᠢ ᠶᠢᠨ ᠢᠷᠭᠤᠢ
ᠪᠢ︱
ᠠᠭᠠᠭᠢᠮ᠎ᠠ ᠵᠤᠨ ᠤ ᠡᠳᠦᠷ
ᠠᠯᠠᠭ ᠡᠷᠪᠡᠬᠡᠢ ᠲᠠᠢ ᠨᠠᠭᠠᠳᠴᠤ
ᠰᠤᠯᠤᠩᠭ᠎ᠠ ᠪᠠᠷᠢᠬᠤ ᠶᠢ ᠰᠠᠨᠠᠭᠰᠠᠨ
ᠰᠢᠷ᠎ᠠ ᠲᠠᠯ᠎ᠠ ᠶᠢᠨ  ᠠᠯᠳᠠᠩᠬᠤ
ᠪᠢ︱
ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠰᠠᠷ᠎ᠠ ᠳᠤ
ᠭᠤᠯᠢᠶᠠᠨ ᠲᠠᠭᠤ ᠴᠢᠩᠨᠠᠵᠤ
ᠤᠳᠤ ᠲᠤᠭᠠᠯᠠᠵᠤ ᠬᠤᠨᠤᠭᠰᠠᠨ
ᠤᠨᠢᠶᠠᠷ ᠲᠠᠢ ᠬᠦᠨᠳᠡᠢ ᠶᠢᠨ ᠬᠤᠩᠭᠤᠷᠵᠤᠯᠠ
ᠪᠢ︱
ᠴᠠᠭᠠᠨ ᠪᠤᠭᠤᠷᠤᠯ ᠡᠪᠦᠯ ᠦᠨ ᠤᠯᠠᠷᠢᠯ ᠳᠤ
ᠴᠠᠰᠤᠨ ᠬᠦᠮᠦᠨ ᠲᠠᠢ ᠦᠶᠡᠷᠬᠡᠵᠦ
ᠰᠠᠷᠠᠨ ᠤ ᠲᠠᠤᠯᠠᠢ ᠮᠦᠷᠦᠭᠡᠳᠦᠭᠰᠡᠨ
ᠰᠠᠭᠰᠤᠷᠭ᠎ᠠ ᠶᠢᠨ ᠮᠦᠩᠭᠦᠨ ᠴᠡᠴᠡᠭ
ᠪᠢ︱
ᠡᠬᠡ ᠤᠷᠤᠨ ᠤ ᠪᠠᠨ ᠡᠯᠢᠭᠡᠨ ᠳᠦ
ᠡᠩᠬᠡ ᠶᠢᠨ ᠴᠠᠭᠠᠨ ᠲᠠᠭᠳᠠᠭ᠎ᠠ ᠲᠠᠢ ᠬᠠᠨᠢᠰᠴᠤ
ᠡᠷᠳᠡᠮ ᠦᠨ ᠤᠷᠭᠢᠯ ᠳᠤ ᠭᠠᠷᠬᠤ ᠶᠢ ᠬᠦᠰᠡᠭᠰᠡᠨ
ᠡᠩᠬᠦᠷᠡᠢ ᠬᠦᠭᠡᠷᠦᠬᠦᠨ ᠴᠡᠴᠡᠭ᠃
 
ᠪᠤᠰᠤᠳ ᠤᠨ ᠬᠢ ᠶᠢ ᠰᠡᠶᠢᠷᠡᠭᠦᠯᠪᠡ