ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠬᠡᠵᠦ ᠵᠢᠪᠠᠷ ᠡ

             ᠶᠤᠨᠳᠤᠨ ᠤ ᠪᠢᠯᠢᠭ᠍ᠪᠠᠭᠠᠲᠤᠷ


   ᠨᠠᠮᠤᠷ ᠤᠨ ᠠᠳᠤᠭᠤᠳ ᠨᠠᠶᠢᠭᠤᠨ᠎ᠠ
   ᠨᠠᠪᠴᠢᠰ ᠡᠪᠡᠰᠦ ᠰᠢᠷᠭᠠᠯᠲᠠᠨ᠎ᠠ
   ᠨᠠᠷᠠᠨ ᠠᠯᠤᠰᠷᠠᠨ ᠡᠭᠦᠯᠡᠰ ᠡᠪᠬᠡᠷᠡᠨ᠎ᠠ
   ᠨᠠᠮ᠎ᠠ ᠶᠢ ᠮᠡᠳᠡᠬᠦ ᠬᠦᠮᠦᠰ ᠴᠦᠬᠡᠷᠡᠨ᠎ᠡ ᠡ
    ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠭᠡᠵᠦ
    ᠳᠡᠡᠭᠳᠡᠭᠦᠦ ᠬᠤᠯᠠᠬᠠᠨ ᠮᠦᠷᠦᠭᠡᠳᠦᠯ ᠰᠢᠭ
    ᠠᠢ ᠲᠦᠮᠡᠨ᠂ ᠨᠠᠮᠤᠷ ᠡ ᠭᠡᠵᠦ
    ᠳᠡᠯᠡᠬᠡᠢ ᠤᠶᠢᠷᠠᠬᠠᠨ ᠤᠬᠠᠭᠠᠷᠠᠯ ᠰᠢᠭ᠋

   ᠪᠤᠷᠤᠬᠠᠨ ᠮᠠᠩᠬ᠎ᠠ ᠪᠦᠯᠢᠶᠡᠰᠤᠨ᠎ᠠ
   ᠪᠤᠷᠭᠠᠰᠤᠨ ᠦᠨᠦᠷ ᠬᠠᠩᠬᠤᠯᠠᠨ᠎ᠠ
   ᠪᠤᠳᠤᠯ ᠪᠤᠳᠤᠭᠰᠢᠨ ᠵᠢᠮᠢᠰ ᠤᠯᠠᠭᠠᠷᠠᠨ᠎ᠠ
   ᠪᠤᠲᠤᠭᠤ ᠪᠤᠶᠢᠯᠠᠨ ᠭᠤᠪᠢ ᠤᠨᠢᠶᠠᠷᠲᠠᠨ᠎ᠠ
    ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠭᠡᠵᠦ
    ᠡᠪᠦᠷ ᠲᠤ ᠪᠠᠭᠲᠠᠬᠤ ᠰᠠᠯᠬᠢ ᠪᠢᠯᠢᠦ
    ᠵᠠᠢ ᠮᠢᠩᠭᠠᠨ᠂ ᠨᠠᠮᠤᠷ ᠡ ᠭᠡᠵᠦ
    ᠡᠪᠦᠬᠡᠨ ᠬᠦᠮᠦᠨ ᠦ ᠶᠠᠷᠢᠶ᠎ᠠ ᠪᠠᠶᠢᠪᠠᠤ


   ᠲᠡᠭᠷᠢ ᠶᠢᠨ ᠬᠠᠶᠠᠭ᠎ᠠ ᠨᠠᠮᠢᠷᠠᠨ᠎ᠠ
   ᠲᠡᠮᠡᠬᠡᠳ ᠠᠭᠤᠯᠠᠰ ᠦᠨᠳᠡᠯᠵᠡᠨ᠎ᠡ
   ᠬᠤᠯᠠᠬᠢ ᠬᠢᠵᠠᠭᠠᠷ ᠠᠴᠠ ᠰᠤᠷᠠᠭ ᠢᠷᠡᠨ᠎ᠡ
   ᠬᠤᠶᠢᠳᠤᠨ ᠵᠢᠯ ᠦᠨ ᠤᠷᠤᠭ ᠶᠠᠭᠠᠬᠢᠨ᠎ᠠ
    ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠬᠡᠵᠦ
    ᠤᠶᠤᠲᠠᠨ ᠤ ᠤᠯᠠᠷᠢᠯ ᠲᠡᠷᠪᠡᠬᠦ ᠨᠢ᠌᠌ ᠁
    ᠦᠢ ᠲᠦᠮᠡᠨ᠂ ᠨᠠᠮᠤᠷ ᠡ ᠬᠡᠵᠦ
    ᠦᠢᠯᠡ ᠶᠢᠨ ᠦᠷ᠎ᠡ ᠪᠤᠯᠪᠠᠰᠤᠷᠠᠬᠤ ᠨᠢ ᠁

    ᠦᠯᠢᠭᠡᠷ ᠦᠨ ᠪᠠᠭᠠᠳᠤᠳ ᠦᠭᠡᠶᠢᠯᠡᠭᠳᠡᠨ᠎ᠡ
    ᠠᠯᠢᠮᠠᠨ ᠴᠢᠷᠠᠶᠢᠳᠠᠳ ᠮᠢᠰᠢᠶᠡᠨ᠎ᠡ
    ᠵᠢᠡᠭ ᠦᠨ ᠳᠠᠭᠤᠨ ᠡᠯᠢᠭᠡ ᠲᠡᠪᠲᠡᠬᠡᠨ᠎ᠡ
    ᠵᠡᠷᠬᠡᠯᠬᠡᠨ ᠦ ᠲᠡᠯᠡᠮᠡᠨ ᠬᠠᠳᠠᠷᠢᠭ᠎ᠠ ᠮᠢᠷᠡᠯᠵᠠᠨ᠎ᠠ
     ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠬᠡᠵᠦ
     ᠠᠶᠢᠰᠤᠢ ᠴᠠᠭ ᠤᠨ ᠠᠮᠢᠰᠬᠤᠭ᠎ᠠ ᠵᠦᠬᠡᠯᠡᠨ
     ᠵᠦᠢ ᠲᠦᠮᠡᠨ᠂ ᠨᠠᠮᠤᠷ ᠡ ᠬᠡᠵᠦ
     ᠵᠦᠪᠬᠡᠨ ᠵᠦᠪ ᠯᠠ ᠠᠮᠢᠳᠤᠷᠠᠬᠤ ᠠᠴᠠ᠁

    ᠰᠢᠷ᠎ᠠ ᠰᠦᠮ᠎ᠡ ᠬᠠᠭᠤᠴᠢᠷᠠᠨ᠎ᠠ
    ᠬᠦᠬᠡ ᠲᠠᠭᠲᠠᠭ᠎ᠠ ᠬᠦᠳᠬᠦᠨᠡᠨ᠎ᠡ
    ᠬᠦᠭᠰᠢᠳ ᠡᠪᠦᠬᠡᠳ ᠡᠬᠡᠪᠦᠷ ᠲᠦ ᠨᠠᠷᠠᠯᠠᠨ᠎ᠠ
    ᠬᠡᠤᠬᠡᠳ ᠬᠦᠯᠦᠬᠡ ᠦᠶᠡᠷᠡᠬᠡᠨ ᠨᠠᠭᠠᠳᠤᠨ᠎ᠠ
     ᠠᠢ ᠬᠦᠭᠡᠷᠦᠬᠦᠢ᠂ ᠨᠠᠮᠤᠷ ᠡ ᠬᠡᠵᠦ
     ᠨᠠᠶᠠᠨ ᠨᠢᠬᠡᠨ ᠤᠨᠢᠰᠤᠭ᠎ᠠ ᠶᠤᠮ ᠡ
     ᠰᠠᠶ᠎ᠠ ᠲᠦᠮᠡᠨ᠂ ᠨᠠᠮᠤᠷ ᠡ ᠬᠡᠵᠦ
     ᠰᠠᠨᠰᠠᠷ ᠬᠤᠷᠸ᠎ᠠ ᠶᠢᠨ ᠵᠢᠪᠠᠷ ᠡ

    ᠨᠤᠭᠤᠭᠠᠨ ᠭᠤᠯᠢᠶᠠᠳ ᠡᠮᠡᠬᠡᠷᠡᠨ᠎ᠡ
    ᠨᠠᠭᠦᠭᠦ ᠭᠠᠯᠠᠭᠤᠳ ᠨᠢᠯᠪᠤᠰᠤᠷᠠᠨ᠎ᠠ
    ᠨᠤᠲᠤᠭ ᠤᠨ ᠪᠠᠷ᠎ᠠ ᠯᠠ ᠨᠢᠳᠦᠨ ᠳᠦ ᠲᠤᠨᠤᠯᠵᠠᠨ᠎ᠠ
    ᠨᠤᠮᠤᠬᠠᠨ ᠡᠮᠸ ᠮᠢᠨᠢ ᠯᠠ ᠵᠢᠵᠢᠭᠷᠡᠨ᠎ᠡ ᠡ
     ᠠᠢ ᠬᠦᠬᠡᠷᠦᠬᠦᠢ᠂ ᠨᠠᠮᠤᠷ ᠡ ᠬᠡᠵᠦ
     ᠵᠠᠮ ᠤᠨ ᠦᠵᠦᠬᠦᠷ ᠬᠠᠳᠠᠭ ᠰᠢᠭ᠋ ᠰᠡᠮᠡᠷᠡᠨᠬᠦ ᠨᠢ ᠁
     ᠵᠠᠭᠤᠨ ᠲᠦᠮᠡᠨ᠂ ᠨᠠᠮᠤᠷ ᠡ ᠬᠡᠵᠦ
     ᠵᠠᠶᠠᠭᠠᠨ ᠤ ᠬᠢᠵᠠᠭᠠᠷ ᠵᠢᠩᠬᠡᠷᠡᠳᠡᠬᠦ ᠨᠢ ᠁


       2020,10,21-10,24 ᠦᠦᠷ᠃

      ᠰᠢᠯᠤᠭᠤᠨ ᠬᠦᠬᠡ ᠶᠢᠨ ᠱᠠᠡᠭᠳᠦ ᠬᠤᠳᠠᠬᠠᠨ ᠡᠴᠡ
      ᠰᠢᠯᠢ ᠶᠢᠨ ᠬᠤᠲᠠ ᠬᠦᠷᠬᠦ ᠵᠠᠮ ᠵᠠᠭᠤᠷ᠎ᠠ ᠪᠤᠶᠤ
      ᠨᠤᠮ ᠤᠨ ᠥᠷᠦᠬᠡᠨ ᠳᠡᠬᠡᠨ ᠵᠤᠬᠢᠶᠠᠪᠠᠢ᠃
         ᠮᠠᠰᠢᠳᠠ ᠪᠠᠶᠠᠰᠬᠤᠢ ᠮᠦᠴᠡ᠁