结骨和曷刺᠂ ᠲᠤᠤᠯᠢ ᠶᠢᠨ ᠰᠡᠳᠤᠪ
2018-09-04 12:05
226
0
结骨和曷刺᠂ ᠲᠤᠤᠯᠢ ᠶᠢᠨ ᠰᠡᠳᠤᠪ
ᠲᠤᠪᠴᠢ ᠠᠭᠤᠯᠭᠠ ᠄ ᠲᠤᠤᠯᠢ︽ᠮᠠᠨᠠᠰ︾ᠲᠤ ᠳᠦᠷᠰᠦᠯᠡᠭᠳᠡᠭᠰᠡᠨ ᠬᠢᠷᠬᠢᠰ ᠦᠳ ᠦᠨ ᠭᠤᠤᠯ ᠳᠠᠢᠰᠦᠨ ᠪᠤᠯ ᠺᠠᠯᠮᠦᠺ[1]᠂ ᠬᠢᠷᠬᠢᠰ ᠪᠤᠯᠤᠨ ᠺᠠᠯᠮᠦᠺ ᠤᠨ ᠠᠩᠬᠠ ᠬᠠᠷᠢᠯᠴᠠᠭᠠ ᠨᠢ ᠲᠤᠤᠯᠢ ᠮᠠᠨᠠᠰ ᠤᠨ ᠵᠤᠬᠢᠶᠠᠭᠳᠠᠭᠰᠠᠨ ᠴᠠᠭ ᠦᠶᠡ ᠶᠢ ᠲᠤᠳᠤᠷᠠᠭᠤᠯᠬᠤ ᠳᠤ ᠵᠤᠬᠢᠬᠤ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ᠃
ᠲᠦᠯᠬᠢᠬᠦᠷ ᠦᠬᠡ᠄ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠳᠠᠬᠢ驳马者᠂弊剌᠂遏罗支᠂结骨᠂数相侵伐᠂言语不相通᠃
ᠬᠢᠷᠬᠢᠰ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ︽ᠮᠠᠨᠠᠰ︾ᠲᠤ᠂ ᠲᠡᠳᠡᠨ ᠤ ᠬᠠᠮᠤᠭ ᠤᠨ ᠭᠤᠤᠯ ᠳᠠᠢᠰᠦᠨ ᠨᠢ ᠺᠠᠯᠮᠦᠺ ᠬᠡᠮᠡᠨ ᠭᠠᠷᠳᠠᠭ᠂ ᠲᠤᠤᠯᠢ ᠶᠢᠨ ᠭᠤᠤᠯ ᠰᠡᠳᠤᠪ ᠨᠢ ᠬᠢᠷᠬᠢᠰ ᠪᠤᠯᠤᠨ ᠺᠠᠯᠮᠦᠺ ᠤᠨ ᠬᠤᠭᠤᠷᠤᠨᠳᠤᠬᠢ ᠳᠠᠢᠨ ᠪᠠᠢᠯᠳᠤᠭᠠᠨ ᠢᠶᠠᠷ ᠲᠤᠳᠤᠷᠠᠭᠰᠠᠨ ᠬᠠᠷᠢᠯᠴᠠᠭᠠ ᠪᠦᠬᠡᠳ ᠲᠤᠤᠯᠢ ᠶᠢᠨ ᠰᠢᠯᠦᠭ ᠦᠨ ᠮᠦᠷ ᠪᠦᠷᠢ ᠶᠢᠨ ᠬᠦᠩ ᠠᠶᠠᠰ ᠲᠤ ᠨᠢ ᠰᠢᠩᠭᠡᠭᠡᠵᠡᠢ᠃ ᠲᠤᠤᠯᠢ ᠳᠤ ᠳᠦᠷᠰᠦᠯᠡᠭᠳᠡᠭᠰᠡᠨ ᠬᠢᠷᠬᠢᠰ ᠦᠨ ᠮᠠᠨᠠᠰ ᠪᠠᠭᠠᠲᠤᠷ᠂ ᠬᠦᠮᠦᠨ ᠠᠷᠠᠳ ᠢ ᠪᠡᠨ ᠤᠳᠤᠷᠢᠳᠦᠨ᠂ ᠺᠠᠯᠮᠦᠺ ᠲᠠᠢ ᠪᠠᠢᠯᠳᠤᠵᠤ ᠪᠠᠢᠭᠠ ᠤᠢᠯᠨ ᠨᠢ ᠬᠢᠷᠬᠢᠰ ᠪᠤᠯᠤᠨ ᠺᠠᠯᠮᠦᠺ ᠬᠦᠮᠦᠰ ᠦᠨ ᠲᠡᠥᠬᠡᠨ ᠬᠠᠷᠢᠯᠴᠠᠭᠠ ᠬᠡᠵᠢᠶᠡ᠂ ᠬᠠᠮᠢᠭᠠ ᠡᠬᠦᠰᠦᠭᠰᠡᠨ᠂ ᠲᠡᠳᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠮᠦᠷᠬᠦᠯᠳᠦᠬᠡᠨ ᠨᠢ ᠶᠠᠮᠠᠷ ᠴᠠᠭ ᠦᠶᠡ ᠳᠦ ᠪᠠᠢᠭᠰᠠᠨ ᠬᠡᠳᠡᠭ ᠢ ᠲᠤᠳᠤᠷᠠᠭᠤᠯᠬᠤ ᠳᠦ ᠰᠢᠭᠤᠳ ᠬᠠᠷᠢᠴᠠᠭᠠ ᠲᠠᠢ᠃ ᠲᠡᠢᠮᠦ ᠡᠴᠡ ᠬᠢᠷᠬᠢᠰ ᠪᠤᠯᠤᠨ ᠺᠠᠯᠮᠦᠺ ᠤᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠲᠡᠦᠬᠡᠨ ᠬᠠᠷᠢᠯᠴᠠᠭᠠ ᠶᠢ ᠡᠷᠲᠡᠨ ᠤ ᠬᠢᠲᠠᠳ ᠰᠤᠷᠪᠤᠯᠵᠢ ᠠᠴᠠ ᠬᠠᠷᠠᠬᠤ ᠱᠠᠭᠠᠷᠳᠠᠯᠭᠠ ᠭᠠᠷᠤᠨᠠ᠃
ᠬᠢᠷᠬᠢᠰ ᠤᠳ ᠤᠨ ᠲᠡᠥᠬᠡ ᠶᠢ ᠬᠤᠶᠠᠷ ᠮᠢᠩᠭᠠᠨ ᠵᠢᠯ ᠦᠨ ᠲᠡᠷᠲᠡᠭᠡ ᠬᠦᠷᠲᠡᠯᠠ ᠮᠦᠷᠳᠡᠵᠦ ᠪᠤᠯᠬᠤ ᠪᠦᠬᠡᠳ ᠰᠧ ᠮᠠ ᠴᠢᠶᠠᠨ ᠤ︽ᠲᠡᠥᠬᠡᠨ ᠲᠡᠮᠳᠡᠭᠯᠡᠯ᠂ ᠾᠦᠩᠨᠦ ᠶᠢᠨ ᠱᠠᠰᠲᠢᠷ︾ᠳᠦ ᠬᠢᠷᠬᠢᠰ ᠦᠨ ᠲᠤᠬᠠᠢ ᠠᠩᠬᠠ ᠲᠡᠮᠳᠡᠭᠯᠡᠵᠡᠢ᠂ ᠲᠤᠬᠠᠢᠯᠠᠪᠠᠯ᠂ ᠨᠡᠢᠳ᠋ᠨ ᠶᠢᠨ ᠲᠤᠭᠠᠯᠠᠯ ᠤᠨ ᠡᠮᠦᠨᠠᠬᠢ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠪᠡᠷ᠂ ᠾᠦᠩᠨᠦ ᠶᠢᠨ ᠡᠷᠬᠡᠰᠢᠶᠠᠭᠰᠠᠨ ᠬᠤᠢᠳᠦ ᠭᠠᠵᠠᠷ ᠤᠨ ᠲᠠᠪᠤᠨ ᠠᠢᠮᠠᠭ ᠤᠨ ᠳᠤᠲᠤᠷᠠ鬲昆ᠭᠡᠬᠦ ᠨᠡᠷᠠ ᠬᠠᠷᠠᠭᠳᠠᠨᠠ᠂ ᠪᠠᠨ ᠭᠦ᠋ ᠶᠢᠨ︽ᠬᠠᠨ ᠤᠯᠤᠰ ᠤᠨ ᠪᠢᠴᠢᠭ︾ᠳᠦ 隔昆 ᠭᠡᠵᠤ ᠪᠤᠢ᠂ ᠸᠸᠢ ᠵᠢᠨ ᠲᠦᠷᠦ ᠶᠢᠨ ᠦᠶᠡ结骨᠂ ᠲᠠᠩ ᠤᠨ ᠦᠶᠡ黠戛斯 ᠬᠡᠮᠡᠨ ᠨᠡᠷᠡᠯᠡᠵᠤ ᠪᠠᠢᠪᠠ᠂︽ᠲᠡᠥᠬᠡᠨ ᠲᠡᠮᠳᠡᠭᠯᠡᠯ︾ᠡᠴᠡ ᠦᠵᠡᠪᠡᠯ᠂ ᠬᠢᠷᠬᠢᠰ ᠦᠨ ᠡᠪᠦᠬᠡ ᠳᠡᠭᠡᠳᠦᠰ ᠪᠤᠯᠬᠤ鬲昆ᠨᠠᠷ ᠤᠨ ᠨᠤᠲᠤᠭᠯᠠᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠨᠢ ᠾᠦᠩᠨᠦ ᠶᠢᠨ ᠬᠤᠢᠭᠤᠷ ᠪᠤᠶᠤ ᠭᠤᠤᠯ ᠤᠨ ᠡᠬᠢ ᠤᠷᠴᠢᠮ ᠪᠠᠢᠪᠠ᠃
ᠲᠤᠤᠯᠢ︽ᠮᠠᠨᠠᠰ︾ᠲᠦ ᠭᠠᠷᠴᠤ ᠪᠠᠢᠭᠠ ᠺᠠᠯᠮᠦᠺ ᠨᠢ ᠦᠨᠦᠳᠦᠷ ᠦᠨ ᠮᠤᠩᠭᠤᠯᠴᠤᠳ ᠤᠨ ᠨᠢᠬᠡᠨ ᠪᠦᠷᠢᠯᠳᠡᠬᠦᠨ ᠪᠤᠯᠬᠤ ᠤᠢᠷᠠᠳ[2] ᠨᠠᠷ ᠢ ᠬᠡᠯᠡᠵᠤ ᠪᠠᠢᠨᠠ᠂ ᠤᠢᠷᠠᠳ ᠨᠢ ᠠᠩᠬᠠ ᠮᠦᠷᠡᠨ ᠤ ᠳᠡᠭᠡᠳᠦ ᠤᠷᠤᠰᠬᠠᠯ᠂ ᠪᠠᠢᠭᠠᠯ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠠ ᠬᠡᠰᠡᠭ ᠢᠶᠡᠷ ᠨᠤᠲᠤᠭᠯᠠᠵᠤ ᠪᠠᠢᠪᠠ᠂ ᠤᠢᠷᠠᠳ ᠬᠡᠬᠦ ᠨᠡᠷᠡᠰᠢᠯ ᠨᠢ ᠠᠩᠬᠠ ᠮᠤᠩᠭᠤᠯ ᠤᠨ ᠡᠵᠡᠨᠳᠤ ᠭᠦᠷᠦᠨ ᠤ ᠦᠶᠡ ᠦᠰᠦᠭ ᠪᠢᠴᠢᠭ ᠲᠦ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠭᠡᠵᠤ ᠰᠤᠳᠤᠯᠭᠠᠴᠢᠳ ᠦᠵᠡᠳᠡᠭ᠃ ᠲᠡᠭᠡᠬᠦ ᠳᠡᠬᠡᠨ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠶᠢ ᠦᠵᠡᠪᠡᠯ ᠠᠷᠠᠢ ᠦᠬᠡᠷᠠ ᠪᠤᠯᠵᠤ ᠪᠠᠢᠨᠠ᠂ ᠳᠤᠤᠷᠠ ᠦᠵᠡᠪᠡᠯ᠌᠄
《通典·边防十六 》载:“驳马,其地近北海,去京万四千里,经突厥大部落五所乃至焉。有兵三万人,马三十万匹。其国以俟斤统领,与突厥不殊。......与结骨数相侵伐,貌类结 骨而言语不相通。唐永徽中遣使朝贺(突厥谓驳马为曷刺,亦名曷刺国)。[3]
《唐会要·卷一百》:“驳马国。其地近北海。在突厥北。去京师一万四千里。经突厥大部落五所乃至。胜兵三万。马万匹。地寒。至冬积雪。树木不没者一二尺。至雪消 。逐阳坡。以马耕种五谷。马色并驳。故以驳马国为国号。’’[4]
《新唐书·回鹘下》载:“又有驳马者,或曰弊剌,曰遏罗支,直突厥之北,距京师(长安)万四千里。随水草,然喜居山,胜兵三万。地常积雪,木不雕。以马耕田,马 色皆驳,因以名国云。北极于海,虽畜马而不乘,资湩酪以食。好与结骨战,人貌多似结骨,而语不相通。’’[5]
ᠳᠡᠭᠡᠷᠡᠬᠢ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠶᠢᠨ ᠲᠡᠮᠳᠡᠭᠯᠡᠯ ᠢ ᠡᠩ ᠦᠨ ᠤᠳᠬᠠ ᠪᠠᠷ ᠨᠢ ᠤᠢᠯᠠᠭᠠᠪᠠᠯ᠂ ᠪᠦᠧᠧ ᠮᠠ ᠬᠡᠮᠡᠭᠴᠢᠳ ᠦᠨ ᠪᠦᠷᠢᠯᠳᠡᠬᠦᠨ ᠳᠦ ᠬᠤᠶᠠᠷ ᠠᠢᠮᠠᠭ ᠪᠤᠢ᠂ ᠨᠢᠬᠡᠨ ᠢ ᠨᠢ弊剌bi laᠬᠡᠳᠡᠭ᠂ ᠪᠠᠰᠨ弊(利)剌 ᠭᠡᠵᠤ ᠪᠤᠢ᠂ ᠡᠨᠡ ᠠᠢᠮᠠᠭ ᠤᠨ ᠨᠡᠷᠠ ᠶᠢ ᠪᠢᠳ᠋ᠨ ᠪᠤᠷᠢᠶᠠᠳ[6] ᠬᠡᠮᠡᠨ ᠰᠡᠷᠬᠦᠬᠡᠨ ᠤᠩᠰᠢᠵᠤ ᠪᠠᠢᠨᠠ᠂ ᠦᠬᠡᠷᠠ ᠨᠢᠬᠡᠨ ᠠᠢᠮᠠᠭ ᠤᠨ ᠨᠡᠷᠠ ᠶᠢ遏罗支e luo zhi ᠭᠡᠵᠡᠢ᠂ ᠪᠢᠳᠠᠨ ᠡᠬᠦᠨ ᠢ ᠦᠬᠡᠯᠡᠳ[7](额鲁特、厄鲁特e lu te)ᠬᠡᠮᠡᠨ ᠰᠡᠷᠬᠦᠭᠡᠨ ᠤᠩᠰᠢᠵᠤ ᠪᠠᠢᠨᠠ᠂ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠳᠤ ᠲᠦᠷᠦᠭ ᠡᠴᠡ ᠪᠦᠧᠧ ᠮᠠ ᠶᠢ ᠪᠠᠰᠨ ᠾᠧ ᠯᠠ曷刺 ᠭᠡᠵᠤ ᠲᠠᠭᠤᠳᠠᠨᠠ᠂ ᠡᠨᠡ ᠪᠦᠧᠧ ᠮᠠ ᠤᠯᠤᠰ ᠤᠨ ᠦᠬᠡᠷᠠ ᠨᠢᠬᠡᠨ ᠨᠡᠷᠡᠢᠳᠦᠯ ᠨᠢ 曷刺国 ᠭᠡᠵᠡᠢ᠂ 曷刺he laᠭᠡᠳᠡᠭ ᠦᠬᠡ ᠶᠢ ᠪᠢᠳᠡᠨ ᠤᠢᠷᠠᠳ ᠬᠡᠮᠡᠨ ᠰᠡᠷᠬᠦᠭᠡᠨ ᠤᠩᠰᠢᠵᠤ ᠪᠠᠢᠨᠠ᠂ ᠵᠢᠱᠢᠶᠠ ᠨᠢ ᠮᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠬᠢᠲᠠᠳ ᠰᠤᠷᠪᠤᠯᠵᠢ ᠳᠤ ᠤᠢᠷᠠᠳ ᠬᠡᠳᠡᠭ ᠢ瓦剌wa laᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠢᠪᠠ᠂ ᠲᠡᠢᠮᠦ ᠡᠴᠡ ᠡᠨᠡᠬᠦ曷刺国ᠬᠡᠳᠡᠭ ᠨᠢ ᠰᠦᠢ ᠲᠠᠩ ᠤᠯᠤᠰ ᠤᠨ ᠦᠶᠡ᠂ ᠤᠢᠷᠠᠳ ᠬᠡᠮᠡᠬᠦ ᠨᠡᠷᠠ ᠶᠢᠨ ᠬᠢᠲᠠᠳ ᠦᠰᠦᠭ ᠳᠡᠭᠡᠷᠡᠬᠢ ᠲᠡᠮᠳᠡᠭᠯᠡᠯ ᠪᠤᠯᠤᠨᠠ᠃
结骨 ᠬᠡᠳᠡᠭ ᠨᠢ ᠬᠢᠷᠬᠢᠰ ᠦᠳ ᠦᠨ ᠡᠷᠲᠡᠨ ᠤ ᠨᠡᠷᠡᠢᠳᠦᠯᠬᠡ ᠪᠠᠢᠭᠰᠠᠨ ᠪᠦᠬᠡᠳ ᠬᠢᠷᠬᠢᠰ ᠦᠳ ᠡᠷᠲᠡᠨ ᠡᠴᠡ ᠲᠷᠦᠺ ᠬᠡᠯᠡᠲᠠᠢ ᠠᠷᠠᠳ ᠲᠦᠮᠡᠨ᠂ 曷刺者 ᠬᠡᠮᠡᠭᠴᠢᠳ ᠢ与结骨数相侵伐᠂好与结骨战᠂ ᠲᠡᠳᠡᠨ ᠨᠢ与突厥不殊᠂貌类结骨而言语不相通 ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠨᠢ 曷刺者 ᠨᠢ 结骨ᠲᠠᠢ ᠪᠠᠢᠯᠳᠤᠳᠠᠭ᠂ ᠲᠡᠭᠡᠭᠡᠳ ᠪᠠᠰᠨ数次ᠭᠡᠵᠡᠢ᠂ ᠲᠡᠳᠡᠨ ᠤ ᠵᠠᠩ ᠵᠠᠩᠰᠢᠯ ᠢ ᠲᠷᠦᠺ ᠲᠠᠢ ᠠᠳᠠᠯᠢ ᠪᠤᠯᠪᠠᠴᠤ而言语不相通ᠬᠡᠮᠡᠭᠰᠡᠨ ᠨᠢ ᠮᠠᠰᠢ ᠰᠤᠨᠢᠷᠬᠠᠯᠲᠠᠢ ᠪᠠᠢᠪᠠ᠂ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠲᠡᠳᠡᠨ ᠤ ᠬᠡᠯᠨ ᠨᠢ ᠲᠷᠦᠺ ᠬᠡᠯᠨ ᠪᠢᠰᠢ ᠪᠠᠢᠭᠰᠠᠨ ᠬᠡᠳᠡᠭ ᠢ ᠲᠤᠳᠤᠷᠬᠠᠢᠯᠠᠵᠤ ᠪᠠᠢᠨᠠ᠃
驳马bo maᠬᠡᠳᠡᠭ ᠢ ᠪᠢᠳ᠋ᠨ ᠭᠠᠯᠢᠭᠴᠢᠯᠠᠨ ᠪᠠᠭᠤᠯᠭᠠᠭᠰᠠᠨ ᠦᠬᠡ ᠭᠡᠵᠤ ᠤᠢᠯᠠᠭᠠᠵᠤ ᠪᠠᠢᠨᠠ᠂ ᠡᠨᠡ ᠨᠢ ᠤᠢᠷᠠᠳ ᠳᠤ ᠡᠬᠦᠰᠴᠤ ᠤᠯᠠᠮᠵᠢᠯᠠᠭᠳᠠᠭᠰᠠᠨ [8] ᠭᠡᠬᠦ ᠲᠤᠤᠯᠢ︽ᠵᠠᠩᠭᠠᠷ ︾ᠲᠤ ᠭᠠᠷᠬᠤ ᠪᠤᠮᠪᠠ ᠶᠢᠨ ᠤᠷᠤᠨ ᠤ ᠪᠤᠮᠪᠠ ᠭᠡᠰᠡᠨ ᠦᠬᠡ ᠪᠤᠯᠪᠠ ᠦᠦ ᠬᠡᠮᠡᠨ ᠪᠢᠳᠡᠨ ᠲᠠᠭᠠᠮᠠᠭᠯᠠᠵᠤ ᠪᠠᠢᠨᠠ᠂ ᠴᠠᠭᠠᠰᠢᠳ᠋ᠨ ᠤᠳᠬᠠ ᠶᠢ ᠨᠢ ᠨᠡᠩ ᠨᠠᠷᠢᠪᠴᠢᠯᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ᠃
ᠬᠢᠷᠬᠢᠰ ᠲᠤᠤᠯᠢ︽ᠮᠠᠨᠠᠰ︾ᠳᠤᠲᠤᠷᠠ ᠭᠠᠷᠬᠤ ᠺᠠᠯᠮᠦᠺ ᠤᠨ ᠪᠠᠭᠠᠲᠤᠷ ᠺᠦᠩᠭᠤᠷᠪᠠᠶ᠋ᠢ︵Kongurbay︶ᠪᠤᠯᠤᠨ ᠲᠤᠤᠯᠢ︽ᠵᠠᠩᠭᠠᠷ ︾ᠲᠤ ᠭᠠᠷᠬᠤ ᠪᠠᠭᠠᠲᠤᠷ ᠬᠤᠩᠭᠤᠷhongor ᠤᠨ ᠨᠡᠷᠠ ᠶᠡᠬᠡ ᠤᠢᠷᠠᠯᠴᠠᠭᠠ ᠪᠦᠬᠡᠳ ᠡᠬᠦᠨ ᠢ ᠪᠢᠳᠠᠨ ᠨᠢᠬᠡᠨ ᠨᠡᠷᠠ ᠭᠡᠵᠤ ᠤᠢᠯᠠᠭᠠᠵᠤ ᠪᠠᠢᠨᠠ᠂ ᠳᠡᠭᠡᠷᠡᠬᠢ ᠮᠡᠲᠤ ᠠᠳᠠᠯᠢᠬᠠᠨ ᠵᠦᠢᠯ᠂ ᠵᠠᠬᠠ ᠠᠴᠠ ᠪᠠᠨ ᠲᠤᠬᠢᠶᠠᠯᠳᠤᠬᠤ ᠨᠢ ᠵᠦᠩᠳᠡᠭᠡᠨ᠂ ᠴᠠᠭᠠᠰᠢᠳ᠋ᠨ ᠰᠤᠳᠤᠯᠭᠠᠴᠢᠳ ᠠᠰᠠᠭᠤᠳᠠᠯ ᠢ ᠰᠢᠢᠳᠦᠨᠠ ᠪᠢᠵᠡ ᠬᠡᠮᠡᠨ ᠨᠡᠢᠳᠡᠵᠤ ᠪᠠᠢᠨᠠ᠃
ᠬᠢᠷᠬᠢᠰ ᠲᠤᠤᠯᠢ︽ᠮᠠᠨᠠᠰ︾ ᠳᠤᠲᠤᠷᠠ ᠬᠢᠳᠠᠨ ᠲᠠᠢ ᠪᠠᠢᠯᠳᠤᠬᠤ ᠤᠢᠯᠨ ᠭᠠᠷᠤᠨᠠ᠂ ᠬᠢᠳᠠᠨᠴᠤᠳ᠂ ᠬᠢᠩᠭᠠᠨ ᠳᠠᠪᠠᠭᠠᠨ ᠠᠴᠠ ᠪᠠᠷᠠᠭᠤᠨᠰᠢᠯᠠᠵᠤ᠂ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠦ ᠲᠦᠷᠦ ᠤᠯᠤᠰ ᠪᠠᠢᠭᠤᠯᠤᠭᠰᠠᠨ ᠴᠠᠭ ᠦᠶᠡ ᠨᠢ ᠰᠠᠶ᠋ᠢ ᠪᠢᠳᠡᠨ ᠤ ᠳᠤᠷᠠᠳᠤᠭᠰᠠᠨ ᠬᠢᠷᠬᠢᠰ ᠪᠤᠯᠤᠨ ᠤᠢᠷᠠᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠳᠠᠢᠨ ᠪᠠᠢᠯᠳᠤᠭᠠᠨ ᠠᠴᠠ ᠠᠷᠠᠢ ᠬᠤᠢᠰᠢ ᠴᠠᠭ ᠦᠶᠡ ᠳᠦ ᠲᠤᠬᠢᠶᠠᠯᠳᠤᠨᠠ᠂ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠬᠢᠷᠬᠢᠰ ᠪᠤᠯᠤᠨ ᠤᠢᠷᠠᠳ ᠤᠨ ᠬᠠᠷᠢᠯᠴᠠᠭᠠ᠂ ᠲᠡᠳᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠳᠠᠢᠨ ᠪᠠᠢᠯᠳᠤᠭᠠᠨ ᠨᠢ ᠴᠠᠭ ᠬᠤᠭᠤᠴᠠᠭᠠᠨ ᠤ ᠬᠤᠪᠢ ᠳᠤ ᠡᠷᠲᠡ ᠪᠠᠢᠨᠠ᠂ ᠬᠢᠷᠬᠢᠰ ᠦᠳ ᠦᠨ ᠬᠢᠲᠠᠨᠴᠤᠳ ᠲᠠᠢ ᠪᠤᠯᠤᠭᠰᠠᠨ ᠲᠡᠥᠬᠡᠨ ᠬᠠᠷᠢᠯᠴᠠᠭᠠ ᠶᠢ ᠪᠤᠳᠤᠬᠤ ᠳᠤ ᠪᠠᠰᠨ ᠲᠤᠳᠤᠷᠬᠠᠢ ᠢᠯᠭᠠᠭᠠ ᠲᠠᠢ ᠪᠠᠢᠨᠠ᠃
ᠬᠤᠷᠢᠶᠠᠩᠭᠤᠢᠯᠠᠨ ᠦᠵᠡᠪᠡᠯ᠂ ᠬᠢᠲᠠᠳ ᠤᠨ ᠲᠡᠥᠬᠡᠨ ᠳᠡᠬᠢ ᠰᠦᠢ ᠲᠠᠩ ᠤᠯᠤᠰ ᠂ ᠢᠯᠠᠩᠭᠤᠶᠠ ᠲᠠᠩ ᠤᠯᠤᠰ ᠤᠨ ᠦᠶᠡ᠂ ᠮᠤᠩᠭᠤᠯ ᠦᠨ ᠦᠨᠳᠦᠷᠯᠢᠭ ᠢᠶᠡᠷ ᠤᠷᠤᠰᠢᠭᠴᠢ ᠨᠡᠬᠦᠳᠡᠯᠴᠢᠳ ᠦᠨ ᠲᠤᠬᠠᠢ ᠲᠤᠳᠤᠷᠬᠠᠢ ᠤᠢᠯᠭᠠᠯᠳ᠋ᠨ ᠲᠠᠢ ᠪᠤᠯᠵᠤ ᠡᠬᠢᠯᠡᠭᠰᠡᠨ ᠪᠦᠬᠡᠳ ᠨᠠᠷᠢᠨ ᠲᠡᠮᠳᠡᠭᠯᠡᠯ ᠦᠯᠡᠳᠡᠭᠡᠭᠰᠡᠨ ᠪᠠᠢᠨᠠ᠂ ᠡᠬᠦᠨ ᠡᠴᠡ 结骨︵ᠡᠷᠲᠡᠨ ᠤ ᠬᠢᠷᠬᠢᠰ︶ᠪᠤᠯᠤᠨ曷刺︵ᠡᠷᠲᠡᠨ ᠤ ᠤᠢᠷᠠᠳ︶ ᠬᠠᠮᠲᠤ ᠬᠦᠷᠰᠢᠯᠳᠦᠨ ᠨᠤᠲᠤᠭᠯᠠᠵᠤ ᠪᠠᠢᠭᠰᠠᠨ ᠪᠠ ᠪᠠᠢᠯᠳᠤᠵᠤ ᠪᠠᠢᠭᠰᠠᠨ ᠪᠠᠢᠳᠠᠯ ᠢ ᠤᠢᠯᠠᠭᠠᠵᠤ ᠪᠤᠯᠤᠨᠠ᠂ ᠲᠤᠤᠯᠢ ︽ᠮᠠᠨᠠᠰ︾ ᠳᠤᠲᠤᠷᠠ᠂ ᠪᠠᠭᠠᠲᠤᠷ ᠮᠠᠨᠠᠰ ᠬᠦᠮᠦᠨ ᠠᠷᠠᠳ ᠢ ᠪᠡᠨ ᠤᠳᠤᠷᠢᠳᠦᠨ ᠬᠠᠯᠢᠮᠠᠭ ᠲᠠᠢ ᠪᠠᠢᠯᠳᠤᠵᠤ ᠪᠠᠢᠭᠰᠠᠨ ᠤᠢᠯᠨ ᠨᠢ ᠬᠢᠲᠠᠳ ᠤᠨ ᠲᠡᠥᠬᠡᠨ ᠳᠡᠬᠢ ᠰᠦᠢ ᠲᠠᠩ ᠤᠯᠤᠰ ᠤᠨ ᠦᠶᠡ︵ᠮᠠᠨ ᠤ ᠡᠷᠢᠨ ᠤ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ︶᠂ ᠮᠦᠷᠡᠨ ᠤ ᠡᠬᠢᠨ ᠳᠤ ᠬᠦᠷᠰᠢ ᠪᠠᠢᠭᠰᠠᠨ ᠴᠠᠭ ᠦᠶᠡ ᠡᠴᠡ ᠤᠯᠪᠠᠭᠠ ᠲᠠᠢ ᠪᠠᠢᠵᠤ ᠮᠠᠭᠠᠳ ᠦᠬᠡᠢ᠂ ᠲᠡᠢᠮᠦ ᠡᠴᠡ ᠲᠤᠤᠯᠢ︽ᠮᠠᠨᠠᠰ ︾ ᠵᠤᠬᠢᠶᠠᠭᠳᠠᠭᠰᠠᠨ ᠴᠠᠭ ᠦᠶᠡ ᠶᠢ ᠰᠦᠢ ᠲᠠᠩ ᠤᠯᠤᠰ ᠤᠨ ᠦᠶᠡ ᠪᠤᠶᠤ ᠤᠳᠤ ᠠᠴᠠ1400 ᠵᠢᠯ ᠲᠡᠷᠲᠡᠭᠡ ᠪᠠᠢᠭᠰᠠᠨ ᠪᠤᠯᠪᠠ ᠦᠦ ᠬᠡᠰᠡᠨ ᠰᠠᠨᠠᠯ ᠢ ᠳᠡᠪᠰᠢᠬᠦᠯᠵᠤ ᠪᠠᠢᠨᠠ᠃
ᠡᠰᠢᠯᠡᠯ
[1] kalmuk᠂ᠬᠢᠲᠠᠳ ᠬᠡᠯᠡᠨᠡ卡尔梅克᠂ ᠤᠷᠤᠰ ᠬᠡᠯᠡᠨᠡКалмык ᠬᠡᠳᠡᠭ᠂ ᠡᠨᠡ ᠦᠬᠡ ᠨᠢ ᠠᠩᠬᠠ ᠲᠦᠷᠦᠭ ᠬᠡᠯᠡᠨᠡkalmak ᠭᠡᠰᠡᠨ ᠦᠬᠡᠨ ᠡᠴᠡ ᠢᠷᠡᠯᠲᠠᠢ ᠂ ᠤᠢᠷᠠᠳ ᠢ ᠲᠦᠷᠦᠭ ᠦᠳ ᠡᠢᠩᠬᠦ ᠨᠡᠷᠡᠯᠡᠵᠤ ᠪᠠᠢᠪᠠ᠃
[2] ᠤᠢᠷᠠᠳ᠂ ᠬᠢᠲᠠᠳ ᠬᠡᠯᠡᠨᠡ卫拉特 ᠭᠡᠳᠡᠭ᠂ ᠮᠢᠩ ᠤᠯᠤᠰ ᠤᠨ ᠦᠶᠡ瓦剌 ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠢᠪᠠ᠂
[3] [唐]杜佑 撰《通典 》王文锦、王永兴、刘俊文、徐庭云、谢方 点校,中华书局,一九八二年(P.1709)
[4] [宋 ]王溥《唐会要·卷100》,上海古籍出版社,1991年版,(P.768)
[5] 新唐書.卷二百一十七下.回鶻下(P.6146)..[底本:北宋嘉祐十四行本]
[6] ᠪᠤᠷᠢᠶᠠᠳ᠂ ᠬᠢᠲᠠᠳ ᠬᠡᠯᠡᠨᠡ布里亚特᠂ ᠤᠷᠤᠰ ᠬᠡᠯᠡᠨᠡБуряты ᠬᠡᠳᠡᠭ᠂ ᠤᠢᠷᠠᠳ ᠤᠨ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠪᠦᠷᠢᠯᠳᠦᠬᠦᠨ ᠳᠦ ᠪᠠᠭᠲᠠᠬᠤ ᠠᠢᠮᠠᠭ᠂ ᠪᠤᠷᠢᠶᠠᠳ ᠨᠢ ᠤᠳᠤ ᠬᠦᠷᠲᠡᠯᠠ ᠤᠨᠠᠭᠠᠨ ᠨᠤᠲᠤᠭ ᠪᠠᠢᠭᠠᠯ ᠨᠠᠭᠤᠷ ᠢ ᠲᠤᠭᠤᠷᠢᠨ ᠰᠠᠭᠤᠵᠤ ᠠᠮᠢᠳᠤᠷᠴᠤ ᠪᠠᠢᠨᠠ᠃
[7] ᠦᠬᠡᠯᠡᠳ᠂ ᠬᠢᠲᠠᠳ ᠬᠡᠯᠡᠨᠡ额鲁特 ᠪᠤᠶᠤ厄鲁特ᠭᠡᠵᠤ ᠲᠡᠮᠳᠡᠭᠯᠡᠵᠦ ᠪᠤᠢ᠂ ᠤᠢᠷᠠᠳ ᠤᠨ ᠬᠠᠮᠤᠭ ᠤᠨ ᠠᠩᠬᠠᠨ ᠤ ᠪᠦᠷᠢᠯᠳᠦᠬᠦᠨ ᠳᠦ ᠪᠠᠭᠲᠠᠬᠤ ᠠᠢᠮᠠᠭ᠂ ᠲᠡᠥᠬᠡᠨ ᠳᠡᠭᠡᠷᠠ ᠵᠡᠬᠦᠨᠨᠭᠠᠷ ᠤᠯᠤᠰ ᠢ ᠪᠠᠢᠭᠤᠯᠵᠤ ᠦᠩᠬᠡᠷᠤᠪᠡ᠃
[8] ᠲᠤᠤᠯᠢ︽ᠵᠠᠩᠭᠠᠷ︾ᠨᠢ ᠭᠤᠤᠯᠳᠠᠭᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠲᠤᠷᠠᠬᠢ ᠤᠢᠷᠠᠳ ᠳᠤᠲᠤᠷᠠ ᠤᠯᠠᠮᠵᠢᠯᠠᠭᠳᠠᠵᠠᠢ᠂ ᠤᠯᠠᠮᠵᠢᠯᠠᠯᠲᠤ ᠤᠢᠯᠠᠭᠠᠯᠳ᠋ᠨ ᠶᠢᠨ ᠡᠬᠦᠳᠡᠨ ᠡᠴᠡ ᠤᠢᠷᠠᠳ ᠭᠡᠵᠤ ᠲᠤᠮᠳᠠᠳᠤ ᠤᠯᠤᠰ ᠤᠨ ᠰᠢᠨᠵᠢᠶᠠᠩ᠂ ᠤᠷᠤᠰ ᠤᠨ ᠬᠤᠯᠪᠤᠭᠠᠨ ᠤ ᠬᠠᠯᠢᠮᠠᠭ᠂ ᠪᠤᠷᠢᠶᠠᠳ᠂ ᠲᠤᠸ᠋ᠨ᠂ ᠠᠯᠲᠠᠢᠴᠤᠳ ᠪᠤᠯᠤᠨ ᠮᠤᠩᠭᠤᠯ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠦᠨ ᠤᠢᠷᠠᠳ ᠢ ᠬᠡᠯᠡᠨᠡ᠃
参考文献
1. [唐]杜佑 撰《通典 》王文锦、王永兴、刘俊文、徐庭云、谢方 点校,中华书局,一九八二年。
2.[宋 ]王溥《唐会要》,上海古籍出版社,1991年版。
电子书籍
1.[北宋] 欧阳修、宋祁、范镇、吕夏卿《新唐书》..[底本:北宋嘉祐十四行本]
http://hanchi.ihp.sinica.edu.tw/ihpc/hanjiquery?@34^700262456^802^^^6020201 7000401450001@@2030534988
︵ᠵᠤᠬᠢᠶᠠᠭᠴᠢ ᠶᠢᠨ ᠵᠦᠪᠰᠢᠶᠡᠷᠡᠯ ᠦᠬᠡᠢ ᠬᠡᠷᠡᠭᠯᠡᠬᠦ ᠶᠢ ᠬᠤᠷᠢᠭᠯᠠᠨᠠ︶