- ᠰᠠᠶᠢᠵᠢᠷᠠ
30413
ᠨᠤᠲᠤᠭ ᠪᠤᠴᠠᠭᠰᠠᠨ ᠮᠤᠩᠭᠤᠯ ᠮᠤᠷᠢ
2023-05-01 17:04
4
0
ᠨᠤᠲᠤᠭ ᠪᠤᠴᠠᠭᠰᠠᠨ ᠮᠤᠩᠭᠤᠯ ᠮᠤᠷᠢ
ᠡᠷᠡᠭᠡᠨ᠂ ᠰᠠᠢᠵᠢᠷᠠ
ᠮᠤᠩᠭᠤᠯ ᠤᠯᠤᠰ ᠤᠨ ᠬᠢᠨ ᠦ
ᠮᠤᠷᠢ ᠠᠳᠤᠭᠤ ᠰᠤᠳᠤᠯᠤᠳᠠᠭ ᠬᠦᠮᠥᠰ᠂
ᠮᠤᠩᠭᠤᠯ ᠮᠤᠷᠢ ᠬᠡᠷᠬᠢᠨ ᠨᠤᠲᠤᠭ ᠪᠤᠴᠠᠳᠠᠭ ᠢ
ᠮᠦᠷᠳᠡᠨ ᠳᠦᠷᠢ ᠰᠢᠩᠭᠡᠭᠡᠯᠲᠡ ᠬᠢᠵᠦ ᠦᠵᠡᠭᠦᠯᠦᠯᠡ᠃
ᠴᠤᠢᠪᠠᠯᠰᠠᠩ᠂ ᠰᠦᠬᠡᠪᠠᠭᠠᠲᠤᠷ ᠬᠤᠶᠠᠷ ᠠᠢᠮᠠᠭ ᠠᠴᠠ ᠠᠪᠤᠭᠰᠠᠨ
ᠴᠤᠬᠤ ᠴᠠᠭᠠᠨ ᠬᠦᠷᠡᠩ᠂ ᠬᠡᠭᠡᠷ ᠬᠤᠶᠠᠷ ᠮᠤᠷᠢ ᠶᠢ
ᠴᠤᠬᠤᠯᠠᠨ ᠰᠤᠩᠭᠤᠨ ᠠᠪᠴᠥ ᠲᠠᠯᠪᠢᠭᠠᠳ
ᠴᠤᠬᠤᠮᠬᠥ ᠠᠳᠤᠭᠤ ᠡᠷᠳᠡᠨᠢ ᠶᠢᠨ ᠴᠡᠴᠡᠨ ᠢ ᠭᠠᠢᠬᠠᠭᠤᠯᠤᠨᠠᠮ᠃
ᠠᠪᠤᠭᠰᠠᠨ ᠡᠵᠡᠨ ᠡᠴᠡ ᠪᠡᠨ ᠠᠩᠭᠢᠵᠢᠷᠠᠨ
ᠠᠯᠳᠠᠢ ᠶᠢᠨ ᠵᠡᠭᠦᠨ ᠬᠢᠵᠢᠭᠠᠷ ᠠᠴᠠ ᠭᠠᠷᠴᠥ᠂
ᠠᠩᠬᠠᠨ ᠤ ᠡᠵᠡᠨ ᠳᠡᠭᠡᠨ ᠤᠴᠢᠬᠤ ᠪᠠᠷ
ᠠᠮᠢ ᠴᠥᠯᠡᠨ ᠲᠡᠮᠡᠤᠯᠡᠨ ᠭᠦᠶᠥᠨᠡᠮ᠃
ᠬᠦᠮᠥᠨ ᠦ ᠭᠠᠵᠠᠷ ᠢ ᠤᠷᠬᠢᠨ
ᠬᠦᠳᠡᠭᠡ ᠪᠤᠯᠤᠩ ᠠᠴᠠ ᠬᠦᠳᠡᠯᠡᠵᠥ᠂
ᠬᠦᠷᠡᠩ᠂ ᠬᠡᠭᠡᠷᠬᠤᠶᠠᠷ ᠬᠦᠯᠥᠭ
ᠬᠦᠯᠥᠨ ᠪᠤᠢᠷ᠂ ᠰᠦᠬᠡᠪᠠᠭᠠᠲᠤᠷ ᠨᠤᠲᠤᠭ ᠢᠶᠠᠨ ᠵᠤᠷᠢᠯᠠ᠃
ᠡᠴᠢᠭᠡ ᠡᠬᠡ ᠪᠡᠨ ᠰᠠᠨᠠᠨ ᠠᠯᠬᠤᠯᠠᠨᠠ
ᠡᠭᠡᠴᠢᠨ ᠳᠡᠭᠥᠨᠠᠷ ᠢᠶᠠᠨ ᠰᠠᠨᠠᠨ ᠱᠤᠭᠰᠢᠨᠠ᠂
ᠡᠯᠢᠭᠡᠨ ᠢᠵᠢᠯᠢ ᠰᠦᠷᠥᠭ ᠢᠶᠡᠨ ᠰᠠᠨᠠᠨ ᠬᠠᠲᠠᠷᠢᠨᠠ
ᠡᠬᠡ ᠨᠤᠲᠤᠭ ᠢᠶᠠᠨ ᠰᠠᠨᠠᠨ ᠭᠦᠶᠥᠨᠡᠮ᠃
ᠤᠨᠠᠭᠰᠠᠨ ᠭᠠᠵᠠᠷ ᠢᠶᠠᠨ ᠦᠭᠡᠢᠯᠡᠨ ᠶᠦᠷᠭᠡᠭᠡᠨᠡ
ᠤᠤᠭᠤᠭᠰᠠᠨ ᠤᠰᠤ ᠪᠠᠨ ᠦᠭᠡᠢᠯᠡᠨ ᠳᠠᠪᠬᠢᠨᠠ᠂
ᠤᠷᠭᠤᠮᠠᠯ ᠪᠡᠯᠴᠢᠭᠡᠷ ᠢᠶᠡᠨ ᠦᠭᠡᠢᠯᠡᠨ ᠳᠤᠪᠲᠤᠯᠠᠨᠠ
ᠠᠭᠤᠷ ᠠᠮᠢᠰᠬᠤᠯ ᠢᠶᠠᠨ ᠦᠭᠡᠢᠯᠡᠨ ᠭᠦᠶᠥᠨᠡᠮ ᠡ᠃
ᠠᠭᠠᠷ ᠦᠨᠥᠷᠯᠡᠨ ᠳᠡᠭᠦᠯᠢᠨ ᠴᠤᠭᠭᠢᠭᠠᠳ
ᠠᠩᠭᠠᠮᠠᠯ ᠬᠡᠭᠡᠷᠡ ᠶᠢᠨ ᠠᠭᠤᠳᠠᠮ ᠢ ᠲᠤᠭᠤᠯᠵᠥ᠂
ᠭᠠᠵᠠᠷ ᠤᠨ ᠪᠠᠢᠳᠠᠯ ᠢᠶᠠᠷ ᠲᠠᠷ ᠢᠶᠠᠨ ᠬᠡᠮᠨᠡᠨ
ᠭᠠᠩᠲᠠᠢ ᠨᠤᠲᠤᠭ ᠢᠶᠠᠷ ᠭᠠᠯᠭᠢᠭᠤᠯᠤᠨ ᠭᠠᠲᠤᠯᠤᠨᠠᠮ᠃
ᠬᠦᠷᠪᠡᠭᠡᠨ ᠬᠦᠷᠪᠡᠭᠡᠨ ᠰᠢᠯᠭᠡᠭᠡᠭᠡᠳ
ᠬᠥᠯᠦᠰᠥ ᠴᠢᠯᠡᠭᠡ ᠪᠡᠨ ᠠᠷᠢᠯᠭᠠᠨ᠂
ᠠᠮᠤᠷᠠᠨ ᠥᠨᠵᠢᠨ ᠠᠯᠭᠤᠷᠯᠠᠵᠥ
ᠠᠯᠵᠢᠶᠠᠯ ᠵᠦᠳᠡᠷᠡᠭᠡ ᠪᠡᠨ ᠲᠠᠢᠯᠤᠨᠠᠮ᠃
ᠡᠪᠡᠰᠥ ᠨᠤᠭᠤᠭᠠ ᠳᠠᠭᠠᠨ ᠢᠳᠡᠰᠢᠯᠡᠩᠬᠡᠨ
ᠡᠷᠴᠢ ᠬᠦᠴᠥᠨ ᠢᠶᠡᠨ ᠨᠦᠬᠥᠵᠥ᠂
ᠤᠰᠤ ᠭᠤᠤᠯ ᠠᠴᠠ ᠤᠮᠳᠠᠯᠠᠩᠬᠠᠨ
ᠤᠯᠠᠮ ᠲᠠᠮᠢᠷ ᠢᠶᠠᠨ ᠨᠡᠮᠡᠨᠡᠮ᠃
ᠰᠤᠷ ᠬᠠᠶᠠᠯᠠᠭᠰᠠᠨ ᠪᠡᠯᠴᠢᠭᠡᠷ ᠦᠨ
ᠰᠤᠷᠢᠮᠤᠰᠤᠨ ᠡᠪᠡᠰᠥ ᠪᠡᠷ ᠨᠢ ᠬᠤᠭᠤᠯᠯᠠᠵᠥ᠂
ᠰᠦᠨᠢ ᠶᠢᠨ ᠬᠠᠷᠠᠩᠭᠤᠢ ᠶᠢ ᠦᠩᠭᠡᠷᠡᠭᠥᠯᠬᠦ ᠳᠡᠭᠡᠨ
ᠰᠦᠷᠥᠭ ᠠᠳᠤᠭᠤᠳ ᠢ ᠪᠠᠷᠠᠭᠠᠳᠤᠨ ᠬᠤᠨᠤᠭᠯᠠᠨᠠᠮ᠃
ᠥᠪᠡᠷ ᠦᠨ ᠨᠤᠲᠤᠭ ᠢᠶᠠᠨ ᠵᠤᠷᠢᠭᠰᠠᠨ ᠮᠤᠷᠢ ᠶᠢ
ᠥᠷᠥᠪᠳᠦᠭᠡᠳ ᠤᠰᠤᠯᠠᠬᠤ ᠬᠥᠮᠦᠰ ᠪᠠᠢᠬᠤ ᠳᠤ᠂
ᠥᠪᠡᠷ ᠦᠨ ᠠᠳᠤᠭᠤ ᠲᠠᠢ ᠪᠠᠨ ᠨᠡᠢᠯᠡᠭᠦᠯᠥᠨ ᠲᠤᠭᠤᠬᠤ
ᠤᠷᠠᠬᠠ ᠪᠤᠭᠤᠢᠯᠢ ᠵᠡᠭᠦᠯᠭᠡᠭᠰᠡᠨ ᠬᠦᠮᠥᠨ ᠴᠤ ᠪᠣᠢ ᠠᠵᠢ᠃
ᠰᠠᠯᠬᠢ ᠰᠢᠷᠤᠢ᠂ ᠪᠤᠷᠤᠭᠠᠨ ᠳᠤ ᠴᠢᠪᠬᠠᠳᠠᠭᠤᠯᠤᠨ
ᠰᠠᠢᠬᠠᠨ ᠮᠠᠭᠤᠬᠠᠢ ᠠᠭᠤᠷ ᠠᠮᠢᠰᠬᠤᠯ ᠳᠤ ᠳᠠᠭᠠᠷᠢᠭᠳᠤᠨ
ᠰᠠᠨᠠᠭᠰᠠᠨ ᠨᠤᠲᠤᠭ ᠳᠠᠭᠠᠨ ᠬᠥᠷᠬᠥ ᠪᠡᠷ
ᠰᠠᠭᠠᠳ ᠬᠠᠷᠰᠢ ᠶᠢ ᠳᠠᠪᠠᠨ ᠵᠢᠳᠬᠥᠭᠰᠡᠭᠡᠷ ᠶᠠᠪᠤᠨᠠᠮ᠃
ᠠᠶᠠᠨ ᠵᠠᠮ ᠤᠨ ᠬᠢᠨᠢ ᠳᠤᠮᠳᠠ
ᠠᠨᠳᠠ ᠪᠤᠯᠤᠯᠴᠠᠨ ᠵᠠᠮ ᠳᠠᠭᠠᠭᠤᠯᠵᠤ᠂
ᠠᠶᠤᠯᠲᠥ ᠵᠠᠮ ᠤᠨ ᠨᠦᠬᠡᠨ ᠭᠠᠷᠴᠠ ᠪᠠᠷ ᠭᠠᠷᠭᠠᠭᠠᠳ
ᠠᠯᠳᠠᠭᠤᠷ ᠪᠤᠷᠤᠭᠤ ᠮᠤᠷᠢ ᠪᠤᠴᠠᠭᠰᠠᠨ ᠨᠢ ᠭᠠᠢᠬᠠᠯᠲᠠᠢ᠃
ᠦᠷᠭᠥᠯᠵᠢᠯᠡᠭᠰᠡᠨ ᠠᠶᠠᠨ ᠳᠤ ᠭᠤᠨᠳᠠᠭᠠ ᠦᠭᠡᠢ
ᠦᠯᠥᠭᠡᠢ ᠨᠤᠲᠤᠭ ᠢᠶᠠᠨ ᠵᠦᠭᠯᠡᠨ ᠲᠡᠭᠦᠯᠡᠵᠥ᠂
ᠦᠵᠡᠭᠰᠡᠨ ᠦᠭᠡᠢ ᠭᠠᠵᠠᠷ᠂ ᠶᠠᠪᠤᠭᠰᠠᠨ ᠦᠭᠡᠢ ᠵᠠᠮ ᠳᠤ
ᠦᠴᠥᠬᠡᠨ ᠴᠤ ᠡᠭᠡᠭᠡᠨᠡᠯ ᠦᠭᠡᠢ ᠵᠠᠮᠨᠠᠨᠠᠮ ᠠ᠃
ᠭᠠᠢᠬᠠᠨ ᠪᠢᠰᠢᠷᠡᠭᠰᠡᠨ ᠮᠤᠩᠭᠤᠯ ᠬᠥᠮᠦᠰ
ᠭᠠᠯ ᠬᠦᠷᠡᠩ᠂ ᠭᠤᠯᠤᠮᠲᠠ ᠬᠡᠭᠡᠷ ᠬᠡᠮᠡᠨ ᠴᠤᠯᠠᠯᠵᠤ᠂
ᠭᠠᠳᠠᠭᠠᠳᠥ ᠳᠤᠲᠤᠭᠠᠳᠥ ᠶᠢᠨ ᠬᠦᠮᠥᠨ ᠤᠯᠠᠨ ᠳᠤ
ᠭᠠᠢᠬᠠᠮᠰᠢᠭ᠍ᠲᠥ ᠮᠤᠩᠭᠤᠯ ᠮᠤᠷᠢᠨ ᠤ ᠠᠯᠳᠠᠷ ᠢ ᠳᠠᠭᠤᠷᠢᠰᠠᠭᠤᠯᠤᠨᠠᠮ᠃
ᠨᠤᠲᠤᠭ ᠢᠶᠠᠨ ᠪᠤᠴᠠᠵᠤ ᠪᠠᠢᠭᠠ ᠬᠤᠶᠠᠷ ᠮᠤᠷᠢ
ᠨᠤᠲᠤᠭ ᠭᠠᠵᠠᠷ ᠢᠶᠠᠷ ᠨᠢ ᠦᠩᠭᠡᠷᠡᠨ ᠭᠠᠷᠬᠤ ᠳᠤ᠂
ᠨᠤᠲᠤᠭ ᠨᠤᠲᠤᠭ ᠤᠨ ᠮᠠᠯᠴᠢᠳ ᠪᠡᠯᠭᠡᠰᠢᠶᠡᠨ
ᠢᠷᠦᠭᠡᠯ ᠮᠠᠭᠲᠠᠭᠠᠯ ᠳᠠᠭᠤᠤ ᠬᠥᠭᠵᠢᠮ ᠢᠶᠡᠨ ᠡᠷᠭᠦᠨᠡᠮ᠃
ᠠᠭᠤᠯᠠᠰ ᠬᠥᠨᠳᠡᠯᠢᠰᠦᠭᠰᠡᠨ ᠴᠤ ᠳᠠᠪᠠᠨ
ᠤᠰᠤ ᠲᠠᠭᠠᠷᠠᠭᠰᠠᠨ ᠴᠤ ᠭᠠᠲᠤᠯᠤᠭᠰᠠᠭᠠᠷ ᠂
ᠵᠢᠷᠭᠤᠭᠠᠨ ᠠᠢᠮᠠᠭ ᠤᠨ ᠨᠤᠲᠤᠭ ᠢ ᠲᠤᠭᠤᠯᠵᠥ
ᠵᠠᠶᠠᠭᠠᠨ ᠤ ᠨᠤᠲᠤᠭ ᠢᠶᠠᠨ ᠲᠥᠬᠥᠨ ᠤᠢᠷᠠᠲᠤᠨᠠ ᠃
ᠠᠭᠰᠠᠭᠠ ᠶᠠᠳᠠᠷᠠᠯ ᠢ ᠦᠯᠥ ᠬᠠᠢᠬᠤᠷᠤᠨ
ᠠᠷᠪᠠᠨ ᠲᠠᠪᠤᠨ ᠬᠤᠨᠤᠭ ᠠᠶᠠᠯᠠᠭᠰᠠᠭᠠᠷ᠂
ᠠᠵᠠᠨᠠᠢ ᠬᠡᠭᠡᠷ ᠦᠨ ᠠᠩᠬᠠᠨ ᠤ ᠨᠤᠲᠤᠭ
ᠠᠯᠳᠠᠷᠲᠥ ᠰᠦᠬᠡᠪᠠᠭᠠᠲᠤᠷ ᠠᠢᠮᠠᠭ ᠤᠨ ᠬᠢᠵᠢᠭᠠᠷ ᠬᠦᠷᠥᠯᠡ᠃
ᠭᠤᠯᠤᠮᠲᠠ ᠬᠡᠭᠡᠷ ᠨᠤᠲᠤᠭ ᠤᠨ ᠵᠠᠬᠠ ᠪᠠᠨ ᠤᠷᠤᠭᠰᠠᠨ ᠠᠴᠠ
ᠭᠤᠤᠯ ᠵᠢᠷᠥᠬᠡᠨ ᠡᠴᠡ ᠪᠡᠨ ᠪᠠᠶᠠᠰᠤᠨ ᠲᠠᠷᠯᠠᠵᠥ ᠲᠤᠭᠯᠠᠨ ᠢᠷᠡᠬᠥᠶᠡ᠂
ᠭᠤᠤᠯ ᠤᠰᠤᠨ ᠤ ᠤᠯᠠᠨ ᠨᠢ ᠪᠠᠬᠠᠷᠬᠠᠨ ᠤᠭᠲᠤᠨ
ᠭᠤᠯᠤᠮᠲᠠ ᠶᠢᠨ ᠡᠵᠡᠨ ᠨᠢ ᠪᠢᠰᠢᠷᠡᠨ ᠰᠡᠲᠡᠷᠯᠡᠯᠡ᠃
ᠤᠨᠠᠭᠰᠠᠨ ᠭᠠᠵᠠᠷ ᠳᠠᠭᠠᠨ ᠢᠷᠡᠯᠡ
ᠤᠤᠭᠤᠭᠰᠠᠨ ᠤᠰᠤᠨ ᠳᠠᠭᠠᠨ ᠢᠷᠡᠯᠡ᠂
ᠤᠭ ᠤᠨ ᠰᠥᠷᠦᠭ ᠳᠡᠭᠡᠨ ᠨᠡᠢᠯᠡᠯᠡ
ᠤᠤᠯ ᠨᠤᠲᠤᠭ ᠲᠠᠭᠠᠨ ᠲᠤᠭᠲᠤᠨᠠᠮᠶᠠ᠃
ᠴᠤᠬᠤ ᠴᠠᠭᠠᠨ ᠬᠦᠷᠡᠩ﹇ ᠭᠠᠯ ᠬᠦᠷᠡᠩ﹈ ᠮᠤᠷᠢ
ᠴᠣᠭ ᠶᠠᠪᠤᠭᠰᠠᠨ ᠭᠤᠯᠤᠮᠲᠠ ᠬᠡᠭᠡᠷ ᠡᠴᠡ ᠪᠡᠨ ᠰᠠᠯᠤᠭᠠᠳ
ᠴᠤᠬᠤᠮ ᠥᠪᠡᠷ ᠦᠨ ᠤᠴᠢᠬᠤ ᠨᠤᠲᠤᠭ ᠦᠨ ᠢᠶᠡᠨ ᠵᠦᠭ
ᠴᠤᠴᠠᠯᠲᠠ ᠦᠭᠡᠢ ᠴᠢᠮᠳᠠᠨ ᠭᠦᠶᠥᠨᠡᠮ᠃
ᠬᠤᠶᠠᠷ ᠡᠳᠦᠷ ᠰᠥᠨᠢ
ᠬᠤᠷᠭᠤᠳᠠᠯ ᠦᠭᠡᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠢ
ᠬᠤᠯᠠ ᠶᠢᠨ ᠠᠶᠠᠨ ᠳᠥᠨᠢ ᠪᠠᠷᠠᠭᠠ ᠪᠤᠯᠠᠬᠤ ᠪᠠᠷ
ᠬᠤᠩᠭᠤᠷ ᠬᠤᠸᠠ ᠮᠤᠷᠢ ᠬᠠᠨᠢᠰᠤᠨ ᠳᠠᠪᠬᠢᠯᠳᠤᠨᠠᠮ᠃
ᠰᠦᠬᠡᠪᠠᠭᠠᠲᠤᠷ ᠠᠢᠮᠠᠭ ᠤᠨ ᠨᠤᠲᠤᠭ ᠠᠴᠠ
ᠰᠦᠨᠢ ᠡᠳᠥᠷ ᠦᠭᠡᠢ ᠳᠤᠪᠲᠤᠯᠠᠭᠰᠠᠭᠠᠷ᠂
ᠳᠤᠷᠤᠨᠠᠲᠥ ᠠᠢᠮᠠᠭ ᠤᠨ ᠬᠢᠵᠢᠭᠠᠷ ᠤᠷᠤᠰᠬᠤᠶᠠ
ᠳᠤᠭᠳᠠᠯᠤᠨ ᠲᠤᠭᠯᠠᠭᠰᠠᠭᠠᠷ ᠨᠤᠲᠤᠭ ᠳᠠᠭᠠᠨ ᠢᠷᠡᠯᠡ᠃
ᠬᠥᠯᠦᠨ ᠪᠤᠢᠷ ᠰᠤᠮᠤ ᠶᠢᠨ ᠨᠤᠲᠤᠭ
ᠬᠦᠬᠡ ᠨᠤᠭᠤᠭᠠᠨ ᠡᠪᠡᠰᠥ ᠬᠠᠯᠢᠭᠤᠷᠠᠨ᠂
ᠬᠡᠷᠯᠥᠨ ᠭᠤᠤᠯ ᠲᠤᠩᠭᠠᠯᠠᠭ ᠤᠷᠤᠰᠬᠠᠯ
ᠬᠡᠮ ᠲᠦᠭᠥᠷᠡᠩ ᠮᠡᠯᠮᠡᠯᠵᠡᠩᠬᠡᠨ ᠤᠭᠲᠤᠨᠠ᠃
ᠡᠰᠡᠷᠡᠩ ᠬᠤᠷᠮᠤᠰᠲᠠ ᠲᠡᠭᠷᠢ ᠨᠢ ᠢᠪᠡᠭᠡᠨ
ᠡᠭᠦᠯᠡᠡ ᠪᠤᠷᠤᠭᠠᠨ ᠢᠶᠠᠷ ᠢᠶᠠᠨ ᠠᠷᠰᠢᠶᠠᠯᠠᠨ᠂
ᠡᠨᠡᠷᠢᠭᠥᠨ ᠠᠷᠢᠭᠤᠨ ᠠᠭᠠᠷ ᠨᠢ ᠡᠨᠡᠭᠰᠢᠨ
ᠡᠶᠡᠷᠡᠭᠦᠨ ᠰᠠᠯᠬᠢ ᠪᠠᠷ ᠢᠶᠠᠨ ᠦᠨᠡᠰᠥᠨᠡᠮ᠃
ᠭᠠᠯ ᠬᠦᠷᠡᠩ ᠮᠤᠷᠢ ᠨᠢ ᠭᠦᠶᠥᠭᠰᠡᠭᠡᠷ
ᠭᠠᠳᠠᠨᠠ ᠪᠠᠨ ᠢᠷᠡᠭᠡᠳ ᠦᠥᠷᠰᠡᠨ ᠰᠢᠯᠭᠡᠬᠥᠶᠡ᠂
ᠭᠠᠵᠠᠷ ᠨᠤᠲᠤᠭ ᠤᠨ ᠬᠦᠮᠥᠰ ᠨᠢ ᠪᠢᠰᠢᠷᠡᠨ ᠤᠭᠲᠤᠵᠤ
ᠭᠠᠯ ᠭᠤᠯᠤᠨᠲᠤᠭ ᠤᠨ ᠡᠵᠡᠨ ᠨᠢ ᠪᠠᠬᠠᠷᠬᠠᠨ ᠰᠡᠲᠡᠷᠯᠡᠪᠡᠢ᠃
ᠡᠬᠡ ᠦᠯᠥᠭᠡᠢ ᠭᠠᠵᠠᠷ ᠲᠠᠭᠠᠨ
ᠡᠷᠭᠢᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠬᠦᠯᠥᠭ᠂
ᠢᠷᠠᠭᠤ ᠲᠤᠤᠯᠢ ᠶᠢᠨ ᠭᠠᠯ ᠬᠦᠷᠡᠩ
ᠢᠵᠢᠯ ᠰᠦᠷᠥᠭ ᠳᠡᠭᠡᠨ ᠨᠡᠢᠯᠡᠨ ᠵᠢᠷᠭᠠᠨᠠᠮ᠃
ᠠᠯᠤᠰ ᠬᠤᠯᠠ ᠬᠤᠶᠠᠷ ᠮᠢᠩᠭᠠ ᠳᠦᠷᠪᠡᠨ ᠵᠠᠭᠤᠨ ᠭᠠᠵᠠᠷ ᠢ
ᠠᠷᠪᠠ ᠶᠢᠰᠥᠨ ᠡᠳᠦᠷ ᠰᠥᠨᠢ ᠲᠤᠭᠤᠯᠵᠤ ᠢᠷᠡᠭᠰᠡᠨ
ᠠᠯᠳᠠᠷ ᠴᠤᠤᠲᠥ ᠮᠤᠩᠭᠤᠯ ᠮᠤᠷᠢ
ᠠᠳᠤᠭᠤᠨ ᠤ ᠲᠡᠤᠬᠡᠨ ᠳᠤ ᠮᠦᠩᠬᠡᠵᠢᠬᠥ ᠠᠯᠲᠠᠨ ᠬᠦᠰᠢᠶᠡ᠃
2023ᠤᠨ ᠤ3 ᠰᠠᠷᠠᠢᠨ10 ᠤ ᠡᠳᠦᠷ ᠪᠢᠴᠢᠪᠡᠢ