ᠨᠣᠮ ᠤᠨ ᠨᠡᠷᠡ ᠶᠢ ᠠᠪᠤᠨ ᠦᠵᠡᠬᠦ ᠳ᠋ᠦ ᠲᠠᠭᠠᠯᠠᠮᠵᠢ ᠪᠠᠷ ᠠᠨᠠᠢ ᠰᠠᠨᠠᠭᠳᠠᠳᠠᠭ ᠴᠦ᠂ ᠡᠬᠢᠯᠡᠵᠦ ᠤᠩᠰᠢᠪᠠᠯ ᠦᠵᠡᠯᠲᠡ ᠶᠢ ᠬᠤᠪᠢᠷᠠᠭᠠᠳᠠᠭ ᠁
ᠵᠣᠬᠢᠶᠠᠭᠴᠢ ᠰᠲ᠋ᠤᠤ ᠲᠤᠮᠢᠤᠤ 1932 ᠣᠨ ᠳ᠋ᠤ᠌ ᠬᠤᠺᠺᠠᠢᠳᠤᠤ᠋ ᠶᠢᠨ ᠨᠢᠭᠡᠨ ᠲᠠᠷᠢᠶᠠᠯᠠᠩ ᠤᠨ ᠲᠠᠯᠠᠪᠠᠢ ᠳᠤ ᠲᠥᠷᠥᠵᠡᠢ ᠃ ᠲᠡᠷᠡ ᠥᠨᠳᠥᠷ ᠳᠤᠮᠳᠠᠳᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠨᠠᠢᠵᠠ ᠳ᠋ᠤ᠌ ᠪᠠᠨ ᠄ ︽ ᠡᠳᠦᠷᠵᠢᠨ ᠠᠵᠢᠯᠯᠠᠬᠤ ᠨᠢ ᠨᠠᠳᠠ ᠳ᠋ᠤ᠌ ᠠᠪᠴᠤ ᠬᠡᠯᠡᠪᠡᠯ ᠳᠤᠩ ᠠᠪᠤᠰᠢ ᠦᠭᠡᠢ ᠃ ᠬᠣᠵᠢᠮ ᠪᠢ ᠵᠠᠪᠠᠯ ᠠᠵᠤ ᠠᠬᠤᠢᠯᠠᠯᠲᠠᠳ ᠯᠠ ᠣᠯᠳᠠᠭ ᠥᠨᠳᠥᠷ ᠴᠠᠯᠢᠩ ᠠᠪᠴᠦ ᠂ ᠡᠷᠬᠢᠮ ᠢᠵᠠᠭᠤᠷᠲᠠᠨ ᠳᠤ ᠯᠠ ᠰᠠᠶᠢ ᠪᠠᠢᠳᠠᠭ ᠵᠦᠢᠯᠡᠰ ᠢ ᠬᠢᠵᠦ ᠡᠳ᠋ᠯᠡᠬᠦ ᠶᠤᠮ︾ ᠭᠡᠵᠦ ᠣᠩᠭᠢᠷᠠᠳᠠᠭ ᠪᠠᠢᠵᠠᠢ᠃ ᠲᠤᠬᠠᠢ ᠶ᠋ᠢᠨ ᠦᠶᠡ ᠶ᠋ᠢᠨ ᠬᠥᠮᠦᠰ ᠤᠨ ᠦᠵᠡᠬᠦ ᠪᠡᠷ ᠂ ᠡᠨᠡ ᠨᠢ ᠨᠢᠭᠡᠨ ᠲᠠᠷᠢᠶᠠᠴᠢᠨ ᠤ ᠬᠡᠦᠬᠡᠳ ᠤᠨ ᠬᠤᠳᠠᠯ ᠦᠭᠡ ᠣᠩᠭᠢᠷᠠᠭᠠ ᠵᠣᠭᠤᠭ ᠲᠡᠳᠦᠢ ᠶᠤᠮ ᠃ ᠬᠣᠵᠢᠮ ᠨᠢ ᠲᠡᠷᠡ ᠸᠠᠰᠠᠢᠳᠠ︵わせだ ︶ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠢᠯᠭᠠᠨ ᠣᠷᠣᠵᠤ ᠂ ᠡᠵᠡᠩᠨᠡᠯᠲᠡ ᠶ᠋ᠢᠨ ᠤᠬᠠᠭᠠᠨ ᠂ ᠹᠢᠽᠢᠺ ᠂ ᠠᠨᠠᠭᠠᠬᠤ ᠤᠬᠠᠭᠠᠨ ᠂ ᠲᠠᠷᠢᠶᠠᠯᠠᠩ ᠤᠨ ᠤᠬᠠᠭᠠᠨ ᠤ ᠳ᠋ᠣᠺᠲ᠋ᠣᠷ ᠪᠣᠯᠵᠤ ᠂ ᠭᠠᠳᠠᠭᠠᠳᠤ ᠠᠵᠤ ᠠᠬᠤᠢᠯᠠᠯ ᠤᠨ ᠭᠣᠣᠯ ᠬᠠᠮᠢᠶᠠᠷᠤᠭᠴᠢ ᠂ ᠠᠮᠧᠷᠢᠺᠠ ᠶ᠋ᠢᠨ ᠶᠢ᠍ᠤᠨᠢᠶᠤᠨ Union ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠ ᠤ ᠰᠤᠳᠤᠯᠭᠠᠨ ᠤ ᠭᠠᠵᠠᠷ ᠤᠨ ᠳᠠᠷᠤᠭᠠ ᠂ ᠠᠮᠧᠷᠢᠺᠠ ᠶ᠋ᠢᠨ ᠺᠠᠯᠢᠹᠦᠷᠨᠢᠶᠠ ᠵᠧᠦ ᠶ᠋ᠢᠨ ᠫᠠᠲ᠋ᠧᠡᠨᠲ Patent ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᠬᠢᠷᠤᠯ ᠂ ᠷᠤᠮᠠᠨᠢᠶᠠ ᠶ᠋ᠢᠨ ᠰᠪᠦᠯᠦ᠋ ᠬᠠᠯᠸᠢ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠫᠷᠣᠹᠧᠰᠰᠣᠷ ᠪᠣᠯᠵᠤ ᠂ ᠵᠠᠭᠤ ᠭᠠᠷᠤᠢ ᠨᠣᠮ ᠵᠣᠬᠢᠶᠠᠯ ᠪᠢᠴᠢᠵᠦ ᠂ ᠣᠷᠣᠯᠭᠠ ᠨᠢ ᠡᠩ ᠤᠨ ᠠᠵᠤ ᠠᠬᠤᠢᠯᠠᠯᠲᠠᠳ ᠡᠴᠡ ᠮᠠᠰᠢ ᠣᠯᠠᠨ ᠳᠠᠬᠢᠨ ᠥᠨᠳᠥᠷ ᠮᠥᠷᠲᠡᠭᠡᠨ ᠢᠵᠠᠭᠤᠷᠲᠠᠨ ᠤ ᠠᠮᠢᠳᠤᠷᠠᠯ ᠡᠳ᠋ᠯᠡᠨ ᠰᠤᠮᠤᠨ ᠣᠩᠭᠣᠴᠠᠨ ᠳ᠋ᠤ᠌ ᠰᠠᠭᠤᠵᠤ ᠵᠤᠭᠠᠴᠠᠬᠤ ᠂ ᠠᠩ ᠠᠩᠨᠠᠬᠤ ᠂ ᠴᠠᠰᠤ ᠭᠤᠯᠭᠤᠬᠤ᠂ ᠵᠢᠷᠠᠨ ᠬᠡᠳᠤᠨ ᠨᠠᠰᠤᠳᠠᠢ︵ ᠥᠪᠡᠷ ᠢ ᠪᠠᠨ ᠬᠡᠵᠢᠶᠡᠳᠡ 20 ᠨᠠᠰᠤ ᠵᠠᠯᠠᠭᠤ ᠪᠡᠷ ᠪᠤᠳᠤᠵᠦ ᠶᠠᠷᠢᠵᠦ ᠶᠠᠪᠤᠳᠠᠭ︶ᠳᠤ ᠪᠠᠨ ᠤᠮᠠᠷᠠᠳᠤ ᠳᠤᠢᠯ ᠳᠤ ᠬᠦᠷᠴᠦ ᠡᠰᠺᠢᠮᠣᠰ ᠬᠥᠮᠦᠨ ᠲᠠᠢ ᠬᠠᠮᠳᠤ ᠠᠮᠢᠳᠤᠷᠠᠨ ᠨᠣᠬᠠᠢ ᠬᠥᠯᠯᠡᠳᠡᠭ ᠴᠢᠷᠭᠠ ᠳᠤ ᠰᠠᠭᠤᠬᠤ ᠁ ᠵᠡᠷᠭᠡ ᠠᠮᠢᠳᠤᠷᠠᠯ ᠬᠢᠬᠦ ᠪᠣᠯᠵᠠᠢ᠃
ᠡᠩ ᠤᠨ ᠶᠠᠷᠢᠶᠠᠨ ᠳᠤ︽ᠬᠤᠳᠠᠯ ᠦᠭᠡ ᠵᠢ ᠮᠢᠩᠭ᠋ᠠᠨᠳᠠ ᠳᠠᠪᠳᠠᠪᠠᠯ ᠳᠠᠷᠤᠢ ᠦᠨᠡᠨ ᠶᠣᠰᠤ ᠪᠣᠯᠳᠠᠭ︾ ᠭᠡᠰᠡᠨ ᠦᠭᠡ ᠪᠠᠢᠳᠠᠭ᠃ ᠲᠡᠷᠡ ᠥᠪᠡᠷ ᠤᠨ ᠠᠮᠵᠢᠯᠲᠠ ᠣᠯᠤᠭᠰᠠᠨ ᠥᠩᠭᠡᠷᠡᠯᠲᠡ ᠡᠴᠡ ᠬᠤᠳᠠᠯ ᠦᠭᠡ ᠶ᠋ᠢᠨ ᠠᠤᠭᠠ ᠶᠡᠬᠡ ᠰᠦᠷ ᠬᠦᠴᠦᠨ ᠢ ᠤᠯᠵᠦ ᠮᠡᠳᠡᠭᠰᠡᠨ ᠪᠥᠭᠡᠳ ᠬᠡᠴᠢᠨᠡᠭᠡᠨ ᠪᠦᠳᠦᠭᠡᠯᠴᠢ ᠬᠥᠮᠦᠨ ᠪᠣᠯ ᠳᠡᠳᠤᠢ ᠴᠢᠨᠡᠭᠡᠨ ᠬᠤᠳᠠᠯ ᠬᠡᠯᠡᠳᠡᠭ ᠠᠪᠢᠶᠠᠰᠲᠠᠨ ᠭᠡᠳᠡᠭ ᠢ ᠮᠡᠳᠡᠵᠡᠢ ᠃ ᠰᠣᠨᠢ︵Sony︶ᠵᠢ ᠡᠭᠦᠰᠭᠡᠨ ᠪᠠᠢᠭᠤᠯᠤᠭᠴᠢ ᠢᠹᠦᠺᠠ ᠳ᠋ᠠᠢ︵Ibuka dai︶ ᠪᠣᠯᠤᠨ ᠮᠤᠷᠢᠲ᠋ᠠ ᠠᠺᠢᠣ᠋ ︵Morita akio︶ᠠᠪᠤᠭᠠᠢ ᠬᠣᠶᠠᠳᠤᠭᠠᠷ ᠲᠡᠢᠨ ᠣ ᠳᠠᠷᠠᠭᠠᠬᠢ ᠦᠨᠡᠰᠦᠨ ᠲᠣᠪᠷᠠᠭ ᠳᠡᠭᠡᠷᠡ ᠡᠠᠵᠢᠯ ᠤᠨ ᠦᠷᠤᠭᠡ ᠪᠠᠢᠭᠤᠯᠵᠤ ᠂ ︽ ᠦᠢᠯᠡᠳᠪᠤᠷᠢ ᠪᠠᠨ ᠵᠠᠪᠠᠯ ᠪᠦᠬᠦ ᠪᠥᠮᠪᠦᠷᠴᠡᠭ ᠤᠨ ᠬᠡᠪᠴᠢᠶᠡᠨ ᠤ ᠳᠣᠮᠤ ᠠᠵᠦ ᠠᠬᠤᠢᠯᠠᠯ ᠪᠣᠯᠭᠠᠨᠠ︾᠂︽ ᠪᠢᠳᠡᠨ ᠤ ᠮᠡᠷᠭᠡᠵᠢᠯ ᠯᠠᠪᠳᠠᠢ ᠳᠡᠯᠡᠬᠡᠢ ᠳᠤ ᠲᠡᠷᠢᠭᠦᠯᠡᠨᠡ︾ᠭᠡᠵᠦ ᠳᠠᠬᠢᠨ ᠳᠠᠪᠲᠠᠨ ᠶᠠᠷᠢᠳᠠᠭ ᠪᠠᠢᠪᠠ᠃ ᠳᠠᠢᠨ ᠤ ᠳᠠᠷᠠᠭᠠ ᠡᠯᠡ ᠲᠠᠯᠠ ᠪᠡᠷ ᠶᠡᠬᠡᠪᠡᠷ ᠬᠣᠬᠢᠷᠠᠯ ᠤᠴᠠᠷᠠᠨ᠂ ᠬᠠᠮᠤᠭ ᠦᠨᠳᠦᠰᠦᠨ ᠠᠮᠢᠳᠤᠷᠠᠯ ᠤᠨ ᠪᠣᠳᠠᠰ ᠢᠶᠡᠨ ᠴᠦ ᠬᠠᠩᠭ᠋ᠠᠵᠦ ᠳᠡᠢᠯᠬᠦ ᠦᠭᠡᠢ ᠪᠠᠢᠭᠰᠠᠨ ᠪᠠᠢᠳᠠᠯ ᠳᠣᠣᠷᠠ ᠲᠡᠳᠡ᠄︽ᠧᠦ᠋ᠷᠣᠫᠠ ᠠᠮᠧᠷᠢᠺᠠ ᠶ᠋ᠢᠨ ᠠᠵᠤ ᠠᠬᠤᠢᠯᠠᠯ ᠲᠠᠢ ᠥᠷᠢᠰᠦᠯᠳᠦᠵᠦ ᠂ ᠳᠡᠯᠡᠬᠡᠢ ᠶ᠋ᠢᠨ ᠲᠡᠷᠢᠭᠦᠨ ᠪᠣᠯᠤᠨᠠ︾ᠭᠡᠵᠦ ᠶᠡᠬᠡ ᠦᠭᠡ ᠬᠡᠯᠡᠳᠡᠭ ᠨᠢ ᠡᠩ ᠤᠨ ᠬᠥᠮᠦᠰ ᠤᠨ ᠦᠵᠡᠬᠦ ᠪᠡᠷ ᠬᠤᠳᠠᠯ ᠦᠭᠡ᠂ ᠬᠥᠮᠦᠨ ᠢ ᠮᠡᠬᠡᠯᠡᠵᠦ ᠪᠠᠢᠭᠠ ᠪᠣᠯ ᠤᠤ ᠭᠡᠵᠦ ᠦᠵᠡᠬᠦ ᠳᠠᠮᠵᠢᠭ ᠦᠭᠡᠢ ᠂ ᠭᠡᠪᠡᠴᠦ ᠰᠤᠨᠢᠴᠤᠳ ᠳᠠᠷᠤᠢ ᠡᠢᠮᠦ ᠬᠤᠳᠠᠯ ᠦᠭᠡ ᠶ᠋ᠢᠨ ᠵᠣᠷᠢᠭᠵᠢᠭᠤᠯᠤᠯ ᠳᠣᠣᠷᠠ ᠂ ᠳᠡᠯᠡᠬᠡᠢ ᠶᠢᠨ ᠲᠡᠷᠢᠭᠦᠨ ᠳᠡᠳ᠋ ᠲᠤ ᠵᠢᠭᠰᠠᠭᠠᠭᠳᠠᠬᠤ ᠮᠡᠷᠭᠡᠵᠢᠯᠲᠡᠨ ᠤ ᠪᠦᠯᠬᠦᠮ ᠲᠠᠢ ᠲᠣᠮᠣ ᠺᠣᠮᠫᠠᠨᠢ ᠪᠣᠯᠤᠭᠰᠠᠨ ᠪᠠᠢᠨᠠ ᠁
ᠬᠡᠨ ᠴᠦ᠍ ᠪᠣᠯᠤᠭ ᠂ ᠥᠪᠡᠷ ᠤᠨ ᠠᠮᠢᠳᠤᠷᠠᠯ ᠨᠢ ᠥᠪᠡᠷ ᠤᠨ ᠬᠡᠯᠡᠭᠰᠡᠨ ᠬᠤᠳᠠᠯ ᠦᠭᠡ ᠪᠡᠷ ᠢᠶᠡᠨ ᠲᠣᠭᠲᠠᠭᠠᠭᠳᠠᠨᠠ ᠃ ᠴᠢᠨᠦ ᠡᠳᠦᠷ ᠪᠦᠷᠢ ᠶ᠋ᠢᠨ ᠬᠡᠯᠡᠭᠰᠡᠨ ᠦᠭᠡ ᠴᠢᠨᠢ ᠪᠦᠷ ᠴᠢᠨᠦ ᠡᠳᠦᠷ ᠪᠦᠷᠢ ᠶ᠋ᠢᠨ ᠠᠮᠢᠳᠤᠷᠠᠯ ᠤᠨ ᠴᠢᠭᠯᠡᠯ ᠢ ᠲᠣᠳᠣᠷᠬᠠᠢ ᠵᠢᠭᠠᠵᠤ ᠥᠭᠳᠡᠭ᠃ ᠭᠡᠪᠡᠴᠦ ᠂ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠬᠥᠮᠦᠨ ᠢ ᠵᠣᠯ ᠵᠢᠷᠭᠠᠯ ᠲᠠᠢ ᠪᠣᠯᠭᠠᠬᠤ ᠬᠤᠳᠠᠯ ᠦᠭᠡ ᠪᠠᠢᠨᠠ ᠂ ᠪᠠᠰᠠ ᠵᠣᠪᠠᠯᠠᠩ ᠳᠤ ᠤᠨᠠᠭᠠᠬᠤ ᠬᠤᠳᠠᠯ ᠦᠭᠡ ᠪᠠᠢᠨᠠ ᠭᠡᠳᠡᠭ ᠢ︽ ᠮᠢᠩᠭᠤᠳᠵᠢᠨ ᠳᠤ ᠲᠠᠭᠠᠷᠠᠯᠳᠤᠭᠰᠠᠨ ᠤᠴᠠᠷᠠᠯ︾ ᠪᠠ︽ ᠴᠢᠨᠤᠠ ᠢᠷᠡᠯᠡ︾ ᠭᠡᠬᠦ ᠦᠯᠢᠭᠡᠷ ᠢᠶᠡᠷ ᠡᠰᠢᠯᠡᠨ ᠳᠤᠳᠤᠷᠬᠠᠢ ᠶᠠᠷᠢᠵᠠᠢ ᠃
ᠲᠤᠰ ᠨᠣᠮ ᠳᠤ᠂ ᠵᠣᠬᠢᠶᠠᠭᠴᠢ ᠡᠴᠡ ᠥᠪᠡᠷ ᠤᠨ ᠥᠩᠭᠡᠷᠡᠭᠡᠯᠲᠡ ᠪᠠ ᠡᠳᠤᠢ ᠲᠡᠳᠦᠢ ᠪᠤᠳᠠᠳᠤ ᠵᠢᠱᠢᠶᠡ᠂ ᠳᠡᠯᠡᠬᠡᠢ ᠳᠤ ᠨᠡᠷᠡ ᠨᠥᠯᠦᠭᠡ ᠲᠠᠢ ᠲᠤᠷᠰᠢᠯᠲᠠ ᠶᠢᠨ ᠦᠷᠡ ᠳ᠋ᠦᠩ ᠵᠢᠴᠢ ᠨᠥᠯᠦᠭᠡ ᠶᠡᠬᠡ ᠲᠠᠢ ᠦᠯᠢᠭᠡᠷ ᠺᠢᠨᠣ᠋ ᠵᠡᠷᠭᠡ ᠪᠡᠷ ᠵᠢᠱᠢᠶᠡᠯᠡᠨ ᠡᠳ᠋ ᠬᠥᠷᠦᠩᠭᠡ᠂ ᠠᠵᠢᠯ ᠦᠢᠯᠡᠰ᠂ ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯ᠂ ᠢᠨᠠᠭ ᠳᠤᠷᠠᠯᠠᠯ᠂ ᠡᠷᠡᠭᠦᠯ ᠮᠡᠨᠳᠤ ᠵᠢᠴᠢ ᠬᠥᠮᠦᠰ ᠤᠨ ᠬᠣᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠵᠡᠷᠭᠡ ᠲᠠᠯᠠ ᠳᠤ ᠯᠤᠳᠤ ᠶᠡᠬᠡ ᠨᠥᠯᠦᠭᠡ ᠦᠵᠡᠭᠦᠯᠵᠦ ᠪᠣᠯᠬᠤ 10 ᠵᠦᠢᠯ ᠤᠨ︽ᠬᠤᠳᠠᠯ ᠬᠡᠯᠡᠬᠦ ᠵᠢᠮᠡ ᠬᠠᠤᠯᠢ ︾ ᠵᠢᠴᠢ ᠲᠡᠭᠦᠨ ᠢ ᠪᠣᠳᠠᠲᠠᠢᠵᠢᠭᠤᠯᠬᠤ ᠠᠷᠭᠠ ᠵᠢ ᠲᠠᠨᠢᠯᠴᠠᠭᠤᠯᠵᠠᠢ ᠃ ᠦᠭᠡ ᠳᠤ ᠡᠨᠧᠷᠭᠢ ᠲᠠᠢ ᠬᠦᠴᠦ ᠲᠠᠢ ᠪᠠᠢᠳᠠᠭ᠃ ᠬᠤᠳᠠᠯ ᠦᠭᠡ ᠶᠢᠨ ᠨᠢᠭᠤᠴᠠ ᠨᠢ ᠬᠥᠮᠦᠨ ᠲᠥᠷᠦᠯᠭᠢᠲᠡᠨ ᠤ ᠶᠡᠬᠡ ᠲᠠᠷᠢᠬᠢ ᠪᠣᠯᠤᠨ ᠪᠡᠶᠡ ᠴᠣᠭᠴᠠᠰ ᠲᠤ ᠳᠠᠯᠳᠠᠯᠠᠭᠳᠠᠨ ᠤᠷᠤᠰᠢᠵᠦ ᠪᠠᠢᠳᠠᠭ᠃ ᠬᠡᠷᠪᠡ ᠲᠠ ᠢᠳᠡᠪᠬᠢᠲᠡᠢ ᠦᠭᠡ ᠬᠡᠯᠡ ᠪᠡᠨ ᠦᠷᠭᠦᠯᠵᠢᠯᠡᠨ ᠬᠡᠷᠡᠭᠯᠡᠪᠡᠯ ᠂ ᠶᠡᠬᠡ ᠲᠠᠷᠢᠬᠢ ᠳᠠᠷᠤᠢ ᠠᠶᠠᠨᠳᠠᠭᠠᠨ ᠬᠠᠮᠢᠶᠠ ᠪᠦᠬᠦᠢ ᠮᠡᠳᠡᠭᠡ ᠵᠠᠩᠭᠢ ᠶ᠋ᠢ ᠡᠷᠢᠨ ᠣᠯᠳᠠᠭ᠃ ᠡᠨᠡ ᠨᠢᠭᠤᠴᠠ ᠶ᠋ᠢ ᠣᠢᠯᠠᠭᠠᠪᠠᠯ ᠬᠤᠪᠢ ᠵᠠᠶᠠᠭᠠ ᠴᠢᠨᠢ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠬᠤᠪᠢᠷᠠᠵᠤ ᠪᠣᠯᠤᠨᠠ᠃ ᠬᠤᠳᠠᠯ ᠦᠭᠡ ᠶᠢᠨ ᠰᠦᠷ ᠬᠦᠴᠦᠨ ᠬᠥᠮᠦᠰ ᠤᠨ ᠪᠡᠶᠡ ᠮᠠᠬᠠᠪᠤᠳ ᠲᠦ ᠴᠦ ᠬᠤᠪᠢᠷᠠᠯᠲᠠ ᠭᠠᠷᠭᠠᠵᠦ ᠴᠢᠳᠠᠨᠠ ᠭᠡᠵᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠳ ᠬᠡᠷᠡᠴᠢᠯᠡᠭᠰᠡᠨ ᠪᠠᠢᠳᠠᠭ ᠢ ᠡᠰᠢᠯᠡᠨ ᠳᠠᠢᠯᠪᠤᠷᠢᠯᠠᠵᠠᠢ᠃
ᠣᠳᠣᠬᠢ ᠪᠠᠢᠳᠠᠯ ᠳ᠋ᠠᠭᠠᠨ ᠪᠤᠰᠤᠳᠴᠢ ᠲᠠᠯᠠ ᠪᠡᠷ ᠬᠠᠨᠳᠤᠬᠤ ᠶᠢᠨ ᠬᠠᠮᠲᠦ ᠥᠪᠡᠷ ᠤᠨ ᠰᠠᠢᠨ ᠰᠠᠢᠬᠠᠨ ᠢᠷᠡᠭᠡᠳᠦᠢ ᠪᠠᠨ ᠳᠦᠷᠰᠦᠯᠡᠨ ᠵᠢᠷᠤᠭᠯᠠᠵᠦ ᠴᠢᠳᠠᠳᠠᠭ ᠪᠣᠯ ᠴᠢᠨᠤ ᠨᠢᠭᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠴᠢᠨᠢ ᠨᠡᠩ ᠬᠠᠪᠤᠳᠠᠢ ᠰᠠᠢᠬᠠᠨ ᠪᠤᠯᠵᠦ ᠬᠤᠪᠢᠷᠠᠬᠤ ᠶᠤᠮ ᠭᠡᠵᠦ ᠵᠣᠬᠢᠶᠠᠭᠴᠢ ᠡᠴᠡ ᠤᠩᠰᠢᠭᠴᠢᠳ ᠲᠤ ᠪᠠᠨ ᠬᠦᠰᠡᠨ ᠨᠠᠢᠳᠠᠵᠦ ᠳᠤᠰ ᠨᠣᠮ ᠢᠶᠡᠨ ᠪᠢᠴᠢᠭᠰᠡᠨ ᠪᠠᠢᠭᠠ᠃