-
159759
穹庐 ᠪᠤᠯᠤᠨ ᠵᠤᠯᠤᠮ
2018-12-19 15:58
176
0
穹庐 ᠪᠤᠯᠤᠨ ᠵᠤᠯᠤᠮ
ᠡᠷᠲᠡᠨ ᠣ ᠬᠢᠲᠠᠳ ᠲᠡᠥᠬᠡᠨ ᠰᠤᠷᠪᠤᠯᠵᠢ ᠳᠤ ᠾᠦᠩᠨᠦ ᠶᠢᠨ ᠤᠷᠤᠨ ᠰᠠᠭᠤᠴᠨ ᠢ穹庐ᠭᠡᠵᠤ ᠲᠡᠮᠳᠡᠭᠯᠡᠵᠡᠢ᠂︽ᠬᠠᠨ ᠤᠯᠤᠰ ᠤᠨ ᠪᠢᠴᠢᠭ᠂ ᠾᠦᠩᠨᠦ ᠶᠢᠨ ᠱᠠᠰᠲᠢᠷ︾ᠲᠤ᠄︽ᠾᠦᠩᠨᠦ ᠨᠠᠷ᠂ ᠡᠴᠢᠬᠡ ᠬᠦᠪᠡᠬᠦᠨ ᠬᠠᠮᠲᠤ ᠪᠠᠷ ᠨᠢᠬᠡᠨ 穹庐ᠳᠤ ᠤᠮᠲᠠᠨᠠ︾ᠭᠡᠵᠡᠢ᠂︽ᠬᠤᠵᠢᠭᠤ ᠬᠠᠨ ᠤᠯᠤᠰ ᠤᠨ ᠪᠢᠴᠢᠭ︾ᠲᠤ᠄︽ᠡᠪᠠᠰᠤ ᠤᠰᠤ ᠶᠢ ᠳᠠᠭᠠᠨ ᠨᠡᠬᠦᠵᠤ᠂ ᠪᠠᠢᠩᠭᠤ ᠨᠢᠭᠡᠨ ᠭᠠᠵᠠᠷ ᠰᠠᠭᠤᠬᠤ ᠦᠬᠡᠢ᠂穹ᠢᠶᠠᠷ ᠰᠠᠭᠤᠴᠨ ᠪᠤᠯᠭᠠᠵᠤ᠂︵ᠬᠠᠭᠠᠯᠭᠠ ᠶᠢ ᠨᠢ︶ᠵᠡᠬᠦᠨᠰᠢ ᠨᠠᠷᠨ ᠬᠠᠨᠳᠤᠭᠤᠯᠤᠨ ᠭᠠᠷᠭᠠᠨᠠ︾ᠭᠡᠪᠠ᠂︽ᠵᠸᠤ ᠤᠯᠤᠰ ᠤᠨ ᠪᠢᠴᠢᠭ᠂ ᠬᠠᠷᠢ ᠤᠷᠤᠨ ᠣ ᠱᠠᠰᠲᠢᠷ᠂ ᠲᠦ᠋ ᠢᠥᠢ ᠾᠦᠨ ᠣ ᠱᠠᠰᠲᠢᠷ︾ᠲᠤ᠂︽ ᠬᠤᠳ᠋ᠨ ᠰᠠᠭᠤᠷᠢᠨ ᠪᠠᠢᠪᠠᠴᠤ ᠰᠠᠭᠤᠬᠤ ᠦᠬᠡᠢ᠂ ᠪᠠᠢᠩᠭᠤ穹庐ᠳᠤ ᠰᠠᠭᠤᠨᠠ᠂ ᠡᠪᠠᠰᠤ ᠤᠰᠤ ᠶᠢ ᠳᠠᠭᠠᠵᠤ ᠮᠠᠯᠵᠢᠨᠠ︾ᠭᠡᠵᠡᠢ᠃
ᠮᠡᠳᠡᠭᠡᠵᠢ ᠪᠡᠷ᠂ ᠾᠦᠩᠨᠦ ᠶᠢᠨ ᠤᠷᠤᠨ ᠰᠠᠭᠤᠴᠨ ᠨᠢ ᠨᠢᠬᠡᠬᠡᠨ ᠲᠦᠷᠦᠯ ᠦᠨ ᠪᠢᠰᠢ ᠪᠠᠢᠭᠰᠠᠨ᠂ ᠲᠡᠭᠡᠬᠦ ᠳᠡᠬᠡᠨ ᠬᠢᠲᠠᠳ ᠦᠰᠦᠭ ᠢᠶᠡᠷ ᠳᠠᠮᠵᠢᠨ ᠪᠢᠳᠡᠨ ᠳᠦ ᠢᠷᠡᠵᠤ ᠪᠠᠢᠭᠠ ᠮᠡᠳᠡᠭᠡᠯᠡᠯ ᠨᠢ ᠶᠠᠭᠤ ᠶᠢ ᠦᠬᠦᠯᠡᠵᠤ ᠪᠠᠢᠨᠠ ᠪᠤᠢ ᠬᠡᠬᠦᠯᠡᠷ᠂ ᠬᠢᠲᠠᠳ ᠬᠦᠮᠦᠰ ᠦᠨ ᠬᠤᠪᠢ ᠳᠤ᠂ ᠰᠠᠭᠤᠷᠢᠰᠢᠮᠠᠯ ᠠᠮᠢᠳᠤᠷᠠᠯ ᠡᠴᠡ ᠲᠠᠭ ᠦᠭᠡᠷᠠ ᠨᠡᠬᠦᠳᠡᠯᠴᠢᠳ ᠦᠨ ᠶᠠᠭᠤ ᠪᠦᠬᠦᠨ ᠤᠢᠯᠠᠭᠠᠮᠵᠢᠲᠠᠢ ᠪᠠᠢᠵᠤ ᠴᠢᠳᠠᠬᠤ ᠦᠬᠡᠢ᠂ ᠬᠢᠲᠠᠳ ᠲᠡᠥᠬᠡᠴᠢᠳ ᠦᠨ ᠪᠢᠴᠢᠭᠰᠡᠨ ᠵᠦᠢᠯ ᠨᠢ ᠾᠦᠩᠨᠦ ᠭᠠᠵᠠᠷ ᠤᠴᠢᠭᠰᠠᠨ ᠬᠠᠨ ᠤᠯᠤᠰ ᠤᠨ ᠡᠯᠴᠢ ᠶᠢᠨ ᠠᠮᠠᠨ ᠭᠡᠬᠦ ᠮᠡᠲᠤ ᠳᠠᠮ ᠮᠡᠳᠡᠭᠡᠨ ᠳᠦ ᠲᠤᠯᠭᠤᠷᠢᠯᠠᠭᠰᠠᠨ ᠤᠴᠢᠷ᠂ ᠦᠰᠦᠬᠡᠨ ᠶᠠᠷᠢᠭᠰᠠᠨ᠂ ᠲᠤᠲᠠᠭᠤ ᠬᠡᠯᠡᠭᠰᠡᠨ ᠭᠡᠬᠦ ᠮᠡᠲᠤ ᠶᠠᠭᠤᠮᠠ ᠪᠠᠢᠬᠤ ᠯᠠ ᠪᠤᠶᠠᠨ᠂ ᠡᠬᠦᠨ ᠳᠦ᠂ ᠾᠦᠩᠨᠦ ᠨᠠᠷ ᠤᠨ ᠤᠷᠤᠨ ᠰᠠᠭᠤᠴᠨ ᠢ ᠪᠠᠭᠴᠠᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠢᠬᠤ ᠨᠢ ᠲᠤᠳᠤᠷᠬᠠᠢ᠃
ᠳᠤᠤᠷᠠ᠂ ᠬᠤᠢᠴᠢ ᠦᠶᠡ ᠶᠢᠨ ᠬᠦᠮᠦᠰ ᠡᠴᠡ ᠡᠨᠡ ᠭᠡᠷ ᠦᠨ ᠲᠤᠬᠠᠢ ᠲᠠᠢᠯᠪᠤᠷᠢ ᠬᠢᠭᠰᠡᠨ ᠢ ᠦᠵᠡᠪᠡᠯ᠂ ᠶᠠᠨ ᠰᠧ ᠭᠦ᠋ ᠡᠴᠡ᠄穹庐᠂ ᠲᠤᠭᠤᠷᠭᠠ ᠲᠠᠢ ᠢᠰᠡᠬᠡᠢ ᠭᠡᠷ ᠪᠤᠯᠠᠢ᠂ ᠪᠦᠮᠪᠦᠭᠡᠷ ᠪᠦᠬᠡᠳ ᠤᠪᠤᠭᠤᠷ ᠬᠡᠯᠪᠡᠷᠢ ᠲᠠᠢ ᠤᠴᠢᠷ᠂穹庐 ᠬᠡᠵᠤ ᠨᠡᠷᠡᠯᠡᠪᠠ︾ᠭᠡᠵᠡᠢ᠂ ᠦᠬᠡᠷᠠ ᠪᠠᠷ ᠬᠡᠯᠡᠪᠡᠯ᠂ ᠡᠨᠡ ᠦᠬᠡᠨ ᠣ ᠰᠠᠨᠠᠭᠠ ᠨᠢ ᠾᠦᠩᠨᠦ ᠨᠠᠷ ᠤᠨ ᠤᠷᠤᠨ ᠰᠠᠭᠤᠴᠨ ᠣ ᠤᠨᠴᠠᠯᠢᠭ ᠡᠴᠡ ᠡᠭᠦᠳᠦᠵᠤ᠂ ᠲᠡᠬᠦᠨ ᠣ ᠤᠨᠴᠠᠯᠢᠭ ᠢ ᠬᠠᠷᠠᠭᠤᠯᠵᠤ ᠴᠢᠳᠠᠬᠤᠴᠨ ᠳᠦᠷᠰᠦ ᠪᠦᠬᠦᠢ ᠬᠢᠲᠠᠳ ᠦᠰᠦᠭ ᠢ ᠰᠤᠩᠭᠤᠵᠤ ᠨᠡᠷᠡᠯᠡᠭᠰᠡᠨ ᠪᠤᠯᠤᠨᠠ ᠭᠡᠰᠡᠨ ᠦᠬᠡ᠂ ᠪᠢᠳᠡᠨ ᠣ ᠪᠤᠳᠤᠬᠠᠷ᠂ ᠡᠨᠡᠬᠦ ᠰᠤᠩᠭᠤᠭᠰᠠᠨ ᠡᠷᠲᠡᠨ ᠣ ᠬᠢᠲᠠᠳ ᠦᠰᠦᠭ ᠨᠢ ᠾᠦᠩᠨᠦ ᠨᠠᠷ ᠤᠨ ᠦᠪᠡᠷᠡᠰᠡᠳ ᠦᠨ ᠤᠷᠤᠨ ᠰᠠᠭᠤᠴᠨ ᠢ ᠪᠡᠨ ᠨᠡᠷᠡᠯᠡᠭᠰᠡᠨ ᠦᠬᠡᠨ ᠣ ᠲᠠᠭᠤᠳᠠᠯᠭᠠ ᠶᠢ ᠬᠠᠷᠭᠠᠯᠵᠠᠭᠰᠠᠨ ᠲᠠᠯᠠ ᠪᠤᠢ᠂ ᠪᠠᠰᠨ ᠾᠦᠩᠨᠦ ᠶᠢᠨ ᠤᠷᠤᠨ ᠰᠠᠭᠤᠴᠨ ᠢ ᠲᠡᠮᠳᠡᠭᠯᠡᠬᠦ ᠳᠦ穹庐ᠭᠡᠳᠡᠭ ᠬᠢᠲᠠᠳ ᠦᠰᠦᠭ ᠢ ᠰᠤᠩᠭᠤᠭᠰᠠᠨ ᠠᠴᠠ ᠦᠵᠡᠪᠡᠯ᠂ ᠪᠠᠰᠨ ᠤᠴᠢᠷ ᠪᠤᠢ ᠠᠵᠠᠢ᠃
ᠬᠢᠲᠠᠳ ᠦᠰᠦᠭ ᠨᠢ ᠠᠩᠬᠠ ᠳᠦᠷᠰᠦᠲᠤ ᠦᠰᠦᠭ ᠪᠠᠢᠭᠰᠠᠨ ᠪᠦᠬᠡᠳ ᠳᠦᠷᠰᠦ ᠲᠡᠮᠳᠡᠭ ᠦᠨ ᠬᠤᠪᠢ ᠳᠤ᠂ ᠬᠦᠮᠦᠨ᠂ ᠠᠮᠢᠲᠠᠨ᠂ ᠤᠷᠭᠤᠮᠠᠯ ᠤᠨ ᠶᠠᠮᠠᠷ ᠨᠢᠬᠡᠨ ᠲᠤᠳᠤᠷᠬᠠᠢ ᠤᠨᠴᠠᠯᠢᠭ ᠰᠢᠨᠵᠢ ᠶᠢ ᠬᠠᠷᠠᠭᠤᠯᠬᠤ ᠶᠢ ᠵᠤᠷᠢᠭᠰᠠᠨ᠂ ᠡᠨᠡ ᠨᠢ ᠶᠠᠪᠤᠭᠠᠨ ᠳᠠᠭᠠᠨ ᠬᠢᠲᠠᠳ ᠦᠰᠦᠭ ᠦᠨ ᠵᠢᠷᠦᠯᠭᠠ ᠪᠢᠴᠢᠯᠭᠡ ᠪᠤᠯᠤᠭᠰᠠᠨ ᠪᠠᠢᠳᠠᠭ᠂ ᠵᠢᠱᠢᠶᠡᠯᠡᠪᠡᠯ᠄穹穴ᠨᠢ ᠴᠢᠯᠠᠭᠤᠨ ᠠᠭᠤᠢ᠂ ᠨᠦᠬᠡᠨ ᠰᠠᠭᠤᠴᠨ ᠢ᠂ 弓ᠨᠢ ᠮᠠᠬᠢᠯᠭᠠᠭᠰᠠᠨ ᠨᠤᠮᠤᠨ ᠳᠦᠷᠰᠦ ᠶᠢ᠂ ᠡᠨᠡ ᠬᠤᠶᠠᠷ ᠨᠡᠢᠯᠡᠭᠡᠳ᠂ ᠨᠤᠮᠤᠨ ᠬᠡᠯᠪᠡᠷᠢ ᠲᠠᠢ ᠱᠤᠪᠤᠭᠤᠷ ᠤᠷᠤᠢ ᠲᠠᠢ ᠰᠠᠭᠤᠴᠨ ᠢ ᠵᠢᠭᠠᠨᠠ᠂庐ᠬᠡᠳᠡᠭ ᠨᠢ ᠲᠤᠭᠤᠭᠠ ᠲᠤᠯᠭᠠ ᠲᠠᠢ ᠳᠦᠬᠦᠮ ᠰᠠᠭᠤᠴᠨ ᠢ ᠵᠢᠭᠠᠨᠠ᠂ 穹庐ᠡᠨᠡ ᠬᠤᠶᠠᠷ ᠦᠰᠦᠭ ᠨᠡᠢᠯᠡᠭᠡᠳ ᠾᠦᠩᠨᠤᠴᠤᠳ ᠤᠨ ᠰᠠᠭᠤᠴᠨ ᠨᠢ ᠳᠤᠲᠤᠷᠠ ᠪᠠᠨ ᠲᠤᠭᠤᠭᠠ ᠲᠤᠯᠭᠠ ᠲᠠᠢ᠂ ᠱᠤᠪᠤᠭᠤᠷ ᠤᠷᠤᠢ ᠲᠠᠢ ᠳᠦᠬᠦᠮ ᠰᠠᠭᠤᠴᠨ ᠭᠡᠰᠡᠨ ᠰᠠᠨᠠᠭᠠ ᠶᠢ ᠦᠬᠦᠯᠡᠬᠦ ᠭᠡᠳ ᠪᠠᠢᠭᠠ ᠶᠤᠮ᠃
ᠲᠠᠭᠤᠳᠠᠯᠭᠠ ᠶᠢᠨ ᠬᠤᠪᠢ ᠳᠤ᠂ 穹 ᠭᠡᠰᠡᠨ ᠦᠰᠦᠭ ᠢ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ︽ ᠬᠢᠲᠠᠳ ᠦᠰᠦᠭ᠂ ᠤᠳᠬᠠ ᠶᠢᠨ ᠲᠠᠢᠯᠪᠤᠷᠢ︾︵说文解字︶ᠳᠤ qióng᠂ ᠭᠤᠸᠠᠩᠵᠸᠤ ᠠᠶᠠᠯᠭᠤᠨ ᠳᠤ kiong᠂ ᠮᠢᠩ ᠨᠠᠨ ᠠᠶᠠᠯᠭᠤᠨ ᠳᠤ hung(kung)᠂ ᠺᠧ ᠵᠢᠶ᠋ᠨ ᠠᠶᠠᠯᠭᠤᠨ ᠳᠤ ︖ ᠭᠡᠵᠤ ᠤᠩᠰᠢᠳᠠᠭ ᠪᠠᠢᠨᠠ᠃ ᠬᠢᠲᠠᠳ ᠬᠡᠯᠡᠨ ᠣ ᠳᠡᠭᠡᠳᠦ ᠡᠷᠲᠡᠨ ᠣ ᠠᠶᠠᠯᠭᠤᠨ ᠣ ᠳᠠᠭᠤᠳᠠᠯᠭᠠ ᠶᠢᠨ ᠰᠡᠷᠬᠦᠭᠡᠯᠳ᠋ᠨ ᠢᠶᠡᠷ ᠪᠤᠯ kʰʷɯŋ ︵https://www.zdic.net/zd/yy/sgy/%E7%A9%B9︶ᠪᠤᠯᠬᠤ ᠶᠤᠮ ᠪᠠᠢᠨᠠ᠂
庐ᠦᠰᠦᠭ ᠶᠢ ᠵᠡᠬᠦᠨ ᠬᠠᠨ ᠤᠯᠤᠰ ᠤᠨ ᠦᠶᠡ ᠪᠢᠴᠢᠭᠳᠡᠭᠰᠡᠨ︽ ᠬᠢᠲᠠᠳ ᠦᠰᠦᠭ᠂ ᠤᠳᠬᠠ ᠶᠢᠨ ᠲᠠᠢᠯᠪᠤᠷᠢ︾(说文解字︶ᠳᠦ lu᠂ ᠮᠢᠩ ᠨᠠᠨ ᠠᠶᠠᠯᠭᠤᠨ ᠳᠤlou᠂ ᠭᠤᠸᠠᠩᠵᠸᠤ ᠠᠶᠠᠯᠭᠤᠨ ᠳᠤ lo(ly)᠂ ᠺᠧ ᠵᠢᠶ᠋ᠨ ᠠᠶᠠᠯᠭᠤᠨ ᠳᠤlu ᠬᠡᠵᠤ ᠤᠩᠰᠢᠭᠳᠠᠳᠠᠭ ᠪᠠᠢᠨᠠ᠃ ᠬᠢᠲᠠᠳ ᠬᠡᠯᠡᠨ ᠣ ᠳᠡᠭᠡᠳᠦ ᠡᠷᠲᠡᠨ ᠣ ᠠᠶᠠᠯᠭᠤᠨ ᠣ ᠳᠠᠭᠤᠳᠠᠯᠭᠠ ᠶᠢᠨ ᠰᠡᠷᠬᠦᠬᠡᠯᠳ᠋ᠨ ᠢᠶᠡᠷ ᠪᠤᠯ ︵https://www.zdic.net/zd/yy/sgy/%E5%BA%90︶ᠪᠤᠯᠬᠤ ᠶᠤᠮ ᠪᠠᠢᠨᠠ᠃
ᠤᠳᠤ ᠶᠢᠨ ᠮᠤᠩᠭᠤᠯ᠂ ᠬᠢᠷᠬᠢᠰ᠂ ᠬᠠᠰᠠᠭ ᠵᠡᠷᠭᠡ ᠨᠡᠬᠦᠳᠡᠯᠴᠢᠳ ᠠᠬᠤᠢ ᠪᠠᠨ ᠬᠠᠳᠠᠭᠠᠯᠠᠭᠰᠠᠨ ᠠᠷᠠᠳ ᠲᠦᠮᠡᠨ ᠣ ᠤᠯᠠᠮᠵᠢᠯᠠᠯᠲᠤ ᠤᠷᠤᠨ ᠰᠠᠭᠤᠴᠨ ᠪᠤᠯᠬᠤ-ᠢᠰᠡᠭᠡᠢ ᠭᠡᠷ ᠨᠢ ᠪᠦᠬᠦᠳᠡᠭᠡᠷ ᠢᠶᠡᠨ ᠤᠪᠤᠭᠤᠷ᠂ ᠪᠦᠮᠪᠦᠭᠡᠷ ᠬᠡᠯᠪᠡᠷᠢ ᠲᠠᠢ᠂ ᠡᠷᠲᠡᠨ ᠣ ᠬᠢᠲᠠᠳ ᠰᠤᠷᠪᠤᠯᠵᠢ ᠶᠢᠨ ᠲᠡᠮᠳᠡᠭᠯᠡᠯ ᠪᠤᠯᠤᠨ ᠲᠡᠬᠦᠨ ᠳᠦ ᠬᠢᠭᠰᠡᠨ ᠲᠠᠢᠯᠪᠤᠷᠢ ᠨᠢ ᠳᠡᠭᠡᠷᠡᠬᠢ ᠨᠡᠬᠦᠳᠡᠯᠴᠢᠳ ᠦᠨ ᠤᠯᠠᠮᠵᠢᠯᠠᠯᠲᠤ ᠤᠷᠤᠨ ᠰᠠᠭᠤᠴᠨ ᠤ ᠤᠨᠴᠠᠯᠢᠭ ᠲᠠᠢ ᠨᠡᠢᠴᠡᠳᠡᠭ ᠪᠦᠬᠡᠳ ᠡᠳᠡᠭᠡᠷ ᠨᠡᠬᠦᠳᠡᠯᠴᠢᠳ ᠦᠨ ᠤᠷᠤᠨ ᠰᠠᠭᠤᠴᠨ ᠢ ᠪᠡᠨ ᠨᠡᠷᠡᠯᠡᠬᠦ ᠪᠠᠢᠳᠠᠯ ᠢ ᠵᠢᠱᠢᠶᠡᠯᠡᠨ ᠦᠵᠡᠬᠦᠯᠡᠪᠡᠯ᠂ ᠮᠤᠩᠭᠤᠯᠴᠤᠳger᠂ ᠬᠢᠷᠬᠢᠰ᠂ ᠬᠠᠰᠠᠭ ᠦᠳ uy ᠭᠡᠳᠡᠭ᠃ ᠢᠰᠡᠬᠡᠢ ᠭᠡᠷ ᠦᠨ ᠬᠠᠭᠠᠯᠭᠠ ᠶᠢ ᠮᠤᠩᠭᠤᠯᠴᠤᠳ ᠨᠠᠷᠨ ᠤᠷᠭᠤᠬᠤ ᠵᠡᠬᠦᠨ ᠵᠦᠭ ᠪᠤᠶᠤ ᠵᠡᠬᠦᠨ ᠤᠷᠤᠭᠰᠢ ᠪᠠᠨ ᠬᠠᠷᠠᠭᠤᠯᠳᠠᠭ᠂ ᠬᠠᠷᠢᠨ ᠬᠢᠷᠬᠢᠰ ᠪᠤᠯᠤᠨ ᠬᠠᠰᠠᠭ ᠨᠠᠷ ᠤᠨ ᠢᠰᠡᠬᠡᠢ ᠭᠡᠷ ᠤᠨ ᠬᠠᠭᠠᠯᠭᠠ ᠨᠢ ᠶᠠᠭ ᠤᠷᠤᠭᠰᠢ ᠪᠠᠨ ᠭᠠᠷᠭᠠᠨᠠ᠃
ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠤᠷᠤᠨ ᠰᠠᠭᠤᠴᠨ ᠦᠨ ᠲᠦᠷᠦᠯ ᠵᠦᠢᠯ ᠤᠯᠠᠨ᠂ ᠤᠷᠤᠨ ᠰᠠᠭᠤᠴᠨ ᠤ ᠬᠢ ᠪᠡᠨ ᠵᠢᠵᠢᠭ ᠲᠤᠮᠤ᠂ ᠬᠡᠯᠪᠡᠷᠢ ᠪᠠᠢᠳᠠᠯ᠂ ᠬᠡᠷᠡᠭᠯᠡᠬᠦ ᠵᠤᠷᠢᠭᠤᠯᠤᠯᠳ᠋ᠨ ᠪᠠᠷ ᠨᠢ ᠤᠪᠤᠬᠠᠢ᠂ ᠤᠷᠤᠴᠨ᠂ ᠵᠤᠮᠤᠭᠤᠷ᠂ ᠮᠠᠢᠬᠠᠨ᠂ ᠵᠤᠯᠤᠮ᠂ ᠭᠡᠷ ᠬᠡᠮᠡᠨ ᠢᠯᠭᠠᠵᠤ ᠨᠡᠷᠡᠯᠡᠨᠡ᠃ ᠡᠳᠡᠭᠡᠷ ᠨᠡᠷᠡ ᠡᠴᠡ ᠡᠬᠦᠳᠦᠨ᠂ ᠡᠷᠲᠡᠨ ᠣ ᠾᠦᠩᠨᠦ ᠨᠠᠷ ᠤᠨ ᠤᠷᠤᠨ ᠰᠠᠭᠤᠴᠨ᠂ ᠲᠡᠬᠦᠨ ᠢ ᠲᠡᠮᠳᠡᠭᠯᠡᠭᠰᠡᠨ ᠬᠢᠲᠠᠳ ᠦᠰᠦᠭ穹庐ᠭᠡᠬᠦ ᠬᠢᠲᠠᠳ ᠦᠰᠦᠭ ᠦᠨ ᠲᠠᠭᠤᠳᠠᠯᠭᠠ᠂ ᠤᠨᠴᠠᠯᠢᠭ ᠬᠡᠯᠪᠡᠷᠢ ᠡᠴᠡ ᠵᠤᠯᠤᠮ djolum︵jolum︶ᠭᠡᠰᠡᠨ ᠮᠤᠩᠭᠤᠯ ᠦᠬᠡ ᠮᠦᠨ ᠭᠡᠵᠤ ᠪᠢᠳ᠋ᠨ ᠦᠵᠡᠵᠤ ᠪᠠᠢᠨᠠ᠃
ᠬᠤᠢᠨᠠᠨᠬᠢ ᠲᠠᠢᠯᠪᠤᠷᠢ᠄ ᠵᠤᠯᠤᠮ ᠢ ᠬᠠᠰᠠᠭ ᠬᠡᠯᠡᠨ ᠳᠦ ᠬᠤᠱ hosh᠂ ᠬᠢᠷᠬᠢᠰ ᠬᠡᠯᠡᠨ ᠳᠦ alachi ᠬᠡᠳᠡᠭ᠃
ᠵᠤᠯᠤᠮ ᠭᠡᠵᠤ ᠬᠠᠨᠠ ᠦᠬᠡᠢ ᠢᠰᠡᠭᠡᠢ ᠭᠡᠷ᠃