-
11886
ᠬᠡᠤᠭᠡᠳ ᠤᠨ ᠵᠤᠬᠢᠶᠠᠯ
2017-10-14 22:49
222
0
ᠪᠠᠭᠰᠢ ᠶᠢᠨ ᠭᠡᠷ ᠢ ᠨᠡᠭᠦᠯᠭᠡᠭᠰᠡᠨ ᠨᠢ
ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ
ᠦᠨᠳᠦᠰᠦᠲᠡᠨ ᠦ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ
ᠳᠤᠷᠠᠰᠣᠯ
ᠭᠠᠷᠠᠭ ᠤᠨ ᠲᠠᠪᠤᠨ ᠤ ᠭᠤᠷᠪᠠᠳᠤᠭᠠᠷ ᠬᠢᠴᠢᠶᠡᠯ ᠪᠠᠭᠤᠭᠰᠠᠨ ᠤ ᠳᠠᠷᠠᠭᠠ ᠪᠠᠭᠰᠢ ᠨᠠᠳᠠ ᠶᠢ ᠳᠠᠭᠣᠳᠠᠪᠠ᠃ ᠪᠢ ᠪᠠᠭᠰᠢ ᠶᠢᠨ ᠵᠦᠭ ᠤᠴᠢᠬᠤ ᠵᠠᠭᠤᠷᠠ ᠳᠤᠳᠤᠷᠠ ᠪᠠᠨ ᠪᠢ ᠶᠠᠮᠠᠷ ᠠᠯᠳᠠᠭᠠ ᠲᠠᠢ ᠪᠤᠯ ᠳ᠋ᠠ ᠭᠡᠵᠦ ᠰᠠᠨᠠᠭᠠ ᠠᠴᠠ ᠭᠠᠳᠠᠨᠠ ᠶᠠᠭᠤᠮᠠ ᠪᠤᠳᠤᠵᠤ ᠠᠮᠵᠢᠪᠠ᠃
ᠪᠠᠭᠰᠢ ᠰᠢᠭᠦᠮᠵᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠨᠠᠳᠠ ᠶᠢ ᠳᠠᠭᠤᠳᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠨᠠᠳᠠ ᠠᠴᠠ︽ ᠭᠠᠷᠠᠭ ᠤᠨ ᠡᠳᠦᠷ ᠤᠨᠴᠠᠭᠠᠢ ᠤᠴᠢᠷ ᠲᠠᠢ ᠤᠤ︖︾ ᠭᠡᠵᠦ ᠠᠰᠠᠭᠤᠬᠤ ᠳᠤ ᠪᠢ᠄︽ ᠪᠠᠶᠢᠬᠤ ᠦᠭᠡᠢ᠃︾ ᠭᠡᠵᠦ ᠬᠡᠯᠡᠪᠡ᠃ ᠪᠠᠭᠰᠢ᠄︽ ᠲᠡᠭᠡᠪᠡᠯ ᠨᠠᠳᠠ ᠶᠢ ᠬᠠᠪᠰᠤᠷᠴᠤ ᠭᠡᠷ ᠨᠡᠭᠦᠯᠭᠡᠵᠦ ᠳᠡᠶᠢᠯᠦᠨᠡ ᠤᠤ︖︾ ᠬᠡᠭᠦ ᠳᠦ ᠪᠢ᠄︽ ᠪᠤᠯᠤᠨᠠ᠃︾ ᠭᠡᠵᠦ ᠪᠠᠶᠠᠷᠲᠠᠢ ᠬᠠᠷᠢᠭᠤᠯᠪᠠ᠃
ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠪᠢ ᠨᠠᠢᠮᠠᠨ ᠴᠠᠭ ᠦᠩᠭᠡᠷᠡᠵᠦ ᠪᠠᠭᠰᠢ ᠶᠢᠨ ᠭᠡᠷ ᠲᠦ ᠭᠦᠷᠬᠦ ᠳᠦ ᠪᠠᠭᠰᠢ ᠮᠢᠨᠢ ᠨᠢᠭᠡᠨᠳᠡ ᠭᠡᠷ ᠦᠨ ᠬᠡᠷᠡᠭᠰᠡᠯ ᠢᠶᠡᠨ ᠡᠬᠢᠯᠡᠵᠦ ᠲᠡᠭᠡᠭᠡᠵᠦ ᠪᠠᠶᠢᠪᠠ᠃ ᠮᠢᠨᠦ ᠬᠡᠳᠦᠨ ᠰᠠᠶᠢᠨ ᠨᠠᠶᠢᠵᠠ ᠪᠠᠰᠠ ᠦᠪᠡᠷ ᠦᠨ ᠢᠶᠡᠨ ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠭᠰᠢ ᠶᠢ ᠬᠠᠪᠰᠤᠷᠬᠤ ᠪᠠᠷ ᠢᠷᠡᠭᠰᠡᠨ ᠪᠠᠶᠢᠯᠠ᠃ ᠭᠡᠷ ᠦᠨ ᠭᠡᠷᠡᠭᠰᠡᠯ ᠢ ᠨᠢ ᠪᠢᠳᠡ ᠪᠦᠳᠦᠭᠦᠨ ᠲᠡᠷᠭᠡ ᠪᠡᠷ ᠭᠤᠷᠪᠠ ᠤᠳᠠᠭᠠ ᠵᠦᠭᠡᠭᠡᠵᠦ᠂ ᠨᠠᠭᠠᠰᠢ ᠴᠠᠭᠠᠰᠢ ᠵᠡᠭᠡᠯᠢ ᠪᠡᠷ ᠶᠠᠪᠤᠪᠠ᠃ ᠪᠠᠭᠰᠢ ᠶᠢᠨ ᠭᠡᠷ ᠦᠨ ᠭᠡᠷᠡᠭᠰᠡᠯ ᠢ ᠵᠦᠭᠡᠭᠡᠭᠦ ᠳᠤᠮᠳᠠ ᠪᠠᠭᠰᠢ ᠶᠢᠨ ᠨᠤᠮ ᠨᠢ ᠶᠠᠭᠤᠨ ᠠᠴᠠ ᠴᠤ ᠬᠤᠯᠠ ᠢᠯᠡᠭᠦᠦ ᠪᠠᠶᠢᠭᠰᠠᠨ ᠰᠢᠭ᠋᠃ ᠪᠢ ᠳᠤᠳᠤᠷᠠ ᠪᠠᠨ ᠪᠠᠭᠰᠢ ᠭᠦᠮᠦᠨ ᠬᠢᠴᠢᠶᠡᠯ ᠦᠨ ᠵᠢᠭᠠᠬᠤ ᠪᠢᠴᠢᠭ ᠡᠴᠡ ᠦᠭᠡᠷᠡ ᠪᠠᠰᠠ ᠡᠶᠢᠮᠦ ᠠᠷᠪᠢᠨ ᠨᠤᠮ ᠤᠩᠰᠢᠳᠠᠭ ᠪᠠᠶᠢᠨᠠ ᠭᠡᠵᠦ ᠪᠤᠳᠤᠯᠠ᠃ ᠨᠢᠭᠡ ᠬᠠᠶᠢᠷᠴᠠᠭ ᠨᠤᠮ ᠢ ᠡᠬᠢᠯᠡᠵᠦ ᠡᠷᠭᠦᠭᠦ ᠳᠦ ᠨᠡᠯᠢᠶᠡᠳ ᠭᠦᠩᠭᠡᠨ ᠰᠢᠭ᠂ ᠭᠡᠲᠡᠯᠡᠬᠡᠳᠦᠨ ᠬᠠᠶᠢᠷᠴᠠᠭ ᠨᠤᠮ ᠢ ᠵᠦᠭᠡᠭᠡᠳ ᠭᠠᠷ ᠰᠤᠯᠠᠷᠠᠵᠤ ᠪᠠᠶᠢᠯᠠ᠃ ᠤᠴᠢᠷ ᠨᠢ ᠪᠠᠭᠰᠢ ᠶᠢᠨ ᠭᠡᠷ ᠲᠦᠷᠪᠡᠳᠦᠭᠡᠷ ᠲᠠᠪᠬᠤᠷᠭᠠ ᠳᠡᠭᠡᠷᠡ ᠰᠠᠭᠤᠳᠠᠭ᠃ ᠳᠡᠭᠡᠭᠰᠢ ᠲᠤᠭᠤᠭᠰᠢ ᠭᠡᠳᠦ ᠭᠦᠶᠦᠵᠦ᠂ ᠶᠠᠭᠤᠮᠠᠨ ᠤ ᠭᠦᠨᠳᠦ ᠳᠦ ᠶᠠᠳᠠᠷᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠱᠠᠲᠤ ᠶᠢ ᠲᠡᠪᠡᠵᠦ᠂ ᠬᠠᠭᠠᠰ ᠴᠢᠳᠠᠯ ᠢᠶᠠᠨ ᠪᠠᠷᠠᠵᠤ᠂ ᠭᠦᠯᠦᠰᠦ ᠴᠢᠬᠠᠷᠠᠭᠰᠠᠨ ᠪᠤᠯᠪᠠᠴᠤ ᠪᠢᠳᠡ ᠭᠡᠳᠦᠭᠦᠯᠡ ᠲᠤᠩ ᠪᠠᠶᠠᠷᠲᠠᠢ ᠵᠦᠭᠡᠭᠡᠵᠦ ᠯᠡ ᠪᠠᠶᠢᠯᠠ᠃ ᠡᠬᠢᠨ ᠳᠦ ᠨᠢ ᠨᠢᠭᠡ ᠬᠠᠶᠢᠷᠴᠠᠭ ᠢ ᠬᠤᠶᠠᠷ ᠭᠦᠮᠦᠨ ᠰᠢᠭᠤᠳ ᠡᠷᠭᠦᠭᠡᠳ ᠪᠠᠭᠤᠴᠢᠬᠠᠨᠠ᠃ ᠳᠠᠷᠠᠭᠠ ᠤᠳᠠᠭᠠ ᠨᠢ ᠬᠠᠷᠢᠨ ᠭᠤᠷᠪᠠᠭᠤᠯᠠ ᠨᠢᠭᠡ ᠬᠠᠶᠢᠷᠴᠠᠭ ᠨᠤᠮ ᠢ ᠬᠤᠪᠢᠶᠠᠵᠤ ᠠᠪᠤᠨᠠ᠃ ᠪᠠᠭᠰᠢ ᠳᠤ ᠡᠶᠢᠮᠦ ᠠᠷᠪᠢᠨ ᠨᠤᠮ ᠲᠠᠢ᠂ ᠪᠠᠭᠰᠢ ᠶᠢᠨ ᠲᠠᠷᠢᠬᠢᠨ ᠳᠤ ᠡᠭᠦᠨ ᠡᠴᠡ ᠬᠤᠯᠠ ᠢᠯᠡᠭᠦᠦ ᠮᠡᠳᠡᠯᠭᠡ ᠲᠠᠢ ᠪᠠᠶᠢᠬᠠ ᠭᠡᠵᠦ ᠪᠠᠭᠰᠢ ᠪᠠᠨ ᠨᠠᠩ ᠪᠢᠰᠢᠷᠡᠯᠡ᠃ ᠰᠡᠭᠦᠯ ᠦᠨ ᠲᠡᠷᠭᠡᠨ ᠦ ᠶᠠᠭᠤᠮᠠ ᠪᠠᠨ ᠲᠡᠭᠡᠭᠡᠬᠦ ᠳᠦ ᠪᠠᠭᠰᠢ᠄︽ ᠤᠳᠤ ᠤᠳᠠᠬᠤ ᠦᠭᠡᠢ ᠪᠠᠷᠠᠯᠠ᠂ ᠪᠠᠭᠰᠢ ᠨᠢ ᠬᠤᠭᠤᠯᠠ ᠢᠳᠡᠭᠦᠯᠵᠦ ᠵᠠᠪᠳᠤᠬᠤ ᠦᠭᠡᠢ ᠶᠤᠮ ᠪᠠᠶᠢᠨᠠ᠂ ᠲᠠᠨ ᠤ ᠭᠡᠳᠦ ᠳᠦ ᠳᠡᠯᠭᠡᠭᠦᠷ ᠡᠴᠡ ᠢᠳᠡᠭᠦ ᠶᠠᠭᠤᠮᠠ ᠠᠪᠴᠤ ᠦᠭᠭᠦᠶᠡ᠃︾ ᠭᠡᠭᠦ ᠳᠦ ᠪᠢᠳᠠ᠄︽ ᠬᠡᠷᠡᠭ ᠦᠭᠡᠢ᠂ ᠦᠯᠦᠰᠴᠦ ᠪᠠᠶᠢᠬᠤ ᠦᠭᠡᠢ᠃ ᠪᠠᠭᠰᠢ ᠲᠠ ᠶᠠᠭᠠᠷᠠᠬᠤ ᠪᠠᠷ ᠢᠶᠠᠨ ᠶᠠᠭᠠᠷᠠ᠂ ᠮᠠᠨ ᠤ ᠭᠡᠳᠦ ᠶᠠᠪᠤᠯᠠ︾ ᠭᠡᠭᠦ ᠳᠦ ᠪᠠᠭᠰᠢ᠄︽ ᠬᠡᠤᠭᠡᠳ ᠤᠳ ᠮᠢᠨᠢ᠂ ᠪᠠᠶᠠᠷᠯᠠᠯᠠ᠂ ᠲᠠᠨ ᠤ ᠭᠡᠳᠦ ᠶᠤᠰᠤᠲᠠᠢ ᠰᠢᠷᠭᠤᠯᠵᠢ ᠰᠢᠭ᠋ ᠮᠤᠨᠳᠠᠭ ᠪᠠᠶᠢᠨᠠ ᠰᠢᠤ︕︾ ᠭᠡᠵᠦ ᠮᠠᠭᠳᠠᠯᠠ᠃ ᠪᠢᠳᠡ ᠬᠡᠳᠦᠭᠦᠯᠡ ᠪᠠᠭᠰᠢ ᠶᠢᠨ ᠡᠴᠡ ᠶᠠᠪᠤᠯᠠ᠃ ᠪᠢ ᠳᠤᠳᠤᠷᠠ ᠪᠠᠨ︽ ᠪᠠᠭᠰᠢ ᠪᠢᠳᠡᠨ ᠳᠦ ᠵᠢᠷᠭᠤᠭᠠᠨ ᠵᠢᠯ ᠨᠤᠮ ᠪᠢᠴᠢᠭ ᠵᠢᠭᠠᠵᠦ᠂ ᠭᠦᠮᠦᠨ ᠪᠤᠯᠬᠤ ᠶᠢᠨ ᠰᠠᠭᠤᠷᠢ ᠲᠠᠯᠪᠢᠵᠦ ᠦᠭᠭᠦᠭᠰᠡᠨ ᠪᠠᠶᠢᠳᠠᠯᠠ ᠪᠢᠳᠡ ᠬᠤᠶᠠᠷ ᠭᠤᠷᠪᠠᠬᠠᠨ ᠴᠠᠭ ᠠᠵᠢᠯ ᠬᠢᠭᠡᠳ ᠶᠠᠭᠤᠨ ᠳᠤ ᠪᠠᠭᠰᠢ ᠠᠴᠠ ᠶᠠᠭᠤᠮᠠ ᠠᠪᠬᠤ ᠪᠤᠢ︖︾ ᠭᠡᠵᠦ ᠪᠤᠳᠤᠪᠠ᠃ ᠦᠭᠡᠷᠡ ᠨᠠᠶᠢᠵᠠ ᠨᠠᠷ ᠮᠢᠨᠢ ᠶᠠᠭᠠᠬᠢᠵᠦ ᠪᠤᠳᠤᠭᠰᠠᠨ ᠪᠤᠯ ᠳ᠋ᠠ᠂ ᠪᠠᠭᠰᠢ ᠴᠤ ᠶᠠᠭᠤ ᠪᠤᠳᠤᠭᠰᠠᠨ ᠪᠤᠯ ᠳ᠋ᠠ᠃ ᠭᠠᠷᠠᠭ ᠤᠨ ᠨᠢᠭᠡᠨ ᠳᠦ ᠪᠠᠭᠰᠢ ᠮᠢᠨᠢ ᠪᠢᠳᠡ ᠬᠡᠲᠦ ᠶᠢ ᠠᠩᠭᠢ ᠳᠤ ᠮᠠᠭᠲᠠᠵᠤ ᠪᠢᠯᠡ᠃
ᠪᠢᠳᠡ ᠪᠠᠭᠰᠢ ᠶᠢᠨ ᠭᠡᠷ ᠢ ᠨᠡᠭᠦᠯᠭᠡᠵᠦ ᠦᠭᠭᠦᠭᠡᠳ ᠲᠤᠩ ᠪᠠᠶᠠᠷᠲᠠᠢ᠂ ᠪᠠᠭᠰᠢ ᠶᠢ ᠬᠠᠪᠰᠤᠷᠴᠤ ᠠᠵᠢᠯ ᠬᠢᠭᠦ ᠲᠤᠩ ᠭᠤᠶᠤ ᠰᠢᠤ᠃ ᠪᠤᠰᠤᠳ ᠢ ᠬᠠᠪᠰᠤᠷᠴᠤ ᠶᠠᠪᠤᠬᠤ ᠨᠢ ᠵᠢᠷᠭᠠᠯ ᠶᠤᠮ︕
ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠮᠦᠩᠭᠦᠨᠴᠡᠴᠡᠭ
