-
44442
2020-02-21 18:50
166
0
᠊᠊᠊᠊᠊ ᠡᠪᠡᠳᠴᠢᠨ ᠡᠮᠭᠡᠭ ᠲᠠᠢ ᠲᠡᠮᠡᠴᠡᠵᠦ ᠪᠠᠶᠢᠭᠠ ᠡᠮᠴᠢ ᠨᠠᠷ ᠲᠤ ᠪᠠᠨ
ᠠᠶᠤᠮᠰᠢᠭᠲᠤ ᠵᠤᠳ ᠲᠠᠢ ᠲᠡᠭᠷᠢ ᠶᠢᠨ ᠳᠦᠷᠢᠯᠡᠭᠡᠳ
ᠠᠭᠰᠤᠮ ᠲᠠᠯᠪᠢᠭᠰᠠᠭᠠᠷ ᠦᠬᠠᠨ ᠭᠠᠵᠠᠷ ᠢ ᠳᠠᠭᠠᠷᠢᠪᠠ
ᠠᠶᠤᠯᠲᠤ ᠬᠣᠣᠷ ᠢᠶᠠᠨ ᠡᠮᠬᠦᠨ ᠡᠮᠬᠦᠨ ᠦᠯᠢᠶᠡᠭᠡᠳ
ᠠᠮᠢᠲᠠᠨ ᠭᠣᠣᠯᠲᠠᠨ ᠳᠤ ᠬᠦᠨᠦᠭᠡᠯ ᠦᠨ ᠦᠨᠳᠦᠰᠦ ᠶᠢ ᠲᠠᠷᠢᠪᠠ
ᠲᠡᠨᠦᠭᠦᠯ ᠬᠤᠤᠷ ᠳᠦᠷᠪᠡᠨ ᠵᠦᠭ ᠪᠤᠲᠠᠷᠠᠭᠠᠳ
ᠲᠡᠭᠷᠢ ᠶᠢᠨ ᠳᠣᠣᠷᠠᠬᠢ ᠬᠦᠮᠦᠰ ᠳ᠋ᠤᠷ ᠵᠤᠪᠠᠯᠠᠩ ᠪᠣᠯᠪᠠ
ᠲᠦᠪᠰᠢᠨ ᠠᠮᠤᠭᠤᠯᠠᠩ ᠲᠦᠮᠡᠨ ᠠᠷᠠᠳ
ᠲᠦᠢᠳᠭᠡᠷ ᠦᠵᠡᠭᠰᠡᠨ ᠮᠡᠲᠦ
ᠲᠡᠭᠷᠢ ᠭᠠᠵᠠᠷ ᠢ ᠪᠠᠷᠠᠭᠠᠨ ᠡᠭᠦᠯᠡᠰ ᠪᠦᠷᠬᠦᠵᠦ
ᠲᠦᠭᠰᠢᠭᠦᠷᠢ ᠡᠮᠢᠶᠡᠯ ᠡᠨᠳᠡ ᠲᠡᠨᠳᠡ ᠡᠴᠡ ᠰᠤᠨᠤᠷᠲᠠᠪᠠ
ᠲᠣᠭᠲᠠᠪᠤᠷᠢ ᠠᠯᠳᠠᠨ ᠦᠷᠦᠭᠡ ᠭᠡᠷ ᠲᠦ ᠪᠡᠨ ᠬᠣᠷᠢᠭᠳᠠᠭᠠᠳ
ᠲᠦᠮᠡᠨ ᠦ ᠪᠣᠳᠣᠯ ᠮᠦᠰᠦᠨ ᠮᠡᠲᠦ ᠴᠠᠷᠴᠠᠪᠠ
ᠨᠢᠭᠦᠯᠲᠦ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠪᠠᠯᠪᠠᠭᠠᠳ
ᠨᠠᠷᠠᠲᠤ ᠶᠢᠨ ᠵᠠᠢ ᠳᠠᠶᠢᠨ ᠤ ᠬᠦᠯ ᠳᠦ ᠳᠦᠷᠪᠡᠪᠡ
ᠨᠣᠶᠢᠲᠠᠨ ᠴᠢᠮᠡᠭᠡ ᠬᠠᠶᠠ ᠬᠠᠶᠠ ᠲᠤᠭᠤᠯᠳᠠᠭᠠᠳ
ᠨᠤᠶᠢᠷ ᠠᠯᠳᠠᠵᠤ ᠤᠨᠤᠭᠠ ᠬᠦᠷᠬᠦ ᠦᠭᠡᠢ ᠵᠣᠪᠠᠭᠤᠷᠢᠯᠠᠪᠠ
ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠨᠠᠷᠠᠨ ᠮᠡᠲᠦ ᠲᠤᠶᠠᠭᠠᠷᠠᠭᠠᠳ
ᠲᠦᠮᠡᠨ ᠦ ᠰᠡᠳᠭᠢᠯ ᠭᠡᠷᠡᠯ ᠢᠯᠴᠢ ᠪᠡᠷ ᠪᠢᠯᠬᠠᠪᠠ
ᠲᠦᠭᠰᠢᠭᠦᠷᠢ ᠶᠢᠨ ᠡᠮᠦᠨᠡ ᠣᠮᠣᠭ ᠪᠣᠴᠠᠯᠤᠭᠠᠳ
ᠳᠣᠮᠣᠭ ᠤᠨ ᠪᠠᠭᠠᠲᠤᠷᠴᠤᠳ ᠠᠮᠢᠯᠠᠨ ᠠᠮᠢᠯᠠᠨ ᠳᠦᠷᠡᠯᠵᠡᠪᠡ
ᠠᠮᠢᠵᠢᠷᠠᠯ ᠤᠨ ᠦᠩᠭᠡ ᠲᠠᠢ ᠬᠠᠪᠤᠷ ᠤᠨ ᠵᠦᠭᠡᠯᠡᠨ ᠠᠮᠢᠰᠬᠤᠭᠠ
ᠡᠬᠡ ᠳᠡᠯᠡᠬᠡᠢ ᠶᠢᠨ ᠦᠨᠴᠦᠭ ᠪᠣᠯᠤᠩ ᠦᠭᠡᠢ ᠦᠷᠨᠢᠪᠡ
ᠬᠠᠶᠢᠷᠠ ᠶᠢᠨ ᠢᠯᠴᠢ ᠲᠠᠢ ᠤᠬᠠᠭᠠᠨ ᠤ ᠰᠠᠯᠬᠢ
ᠬᠠᠮᠤᠭ ᠠᠷᠠᠳ ᠤᠨ ᠰᠡᠳᠭᠢᠯ ᠢ ᠢᠯᠪᠢᠵᠦ ᠲᠣᠶᠢᠳᠬᠤᠷᠠᠪᠠ
ᠤᠲᠤᠭᠠ ᠦᠭᠡᠢ ᠳᠠᠶᠢᠨ ᠤ ᠡᠮᠦᠨᠡ ᠹᠷᠤᠨᠲ ᠳᠤ
ᠣᠲᠠᠴᠢ ᠬᠤᠪᠢᠯᠭᠠᠳ ᠨᠤᠶᠢᠷ ᠬᠣᠭᠣᠯᠠ ᠦᠭᠡᠢ ᠭᠠᠪᠰᠢᠭᠠᠶᠢᠯᠠᠪᠠ
ᠤᠭ ᠢᠶᠠᠨ ᠮᠠᠷᠲᠠᠭᠠᠳ ᠪᠡᠶᠡ ᠪᠡᠨ ᠪᠣᠳᠣᠭᠰᠠᠨ ᠨᠢᠭᠡ ᠨᠢ
ᠤᠷᠭᠤᠨ ᠪᠣᠰᠣᠭᠠᠳ ᠬᠥᠨᠥᠭᠡᠯ ᠢ ᠪᠣᠰᠤᠳ ᠳᠦᠷ ᠲᠦᠭᠡᠭᠡᠪᠡ
ᠣᠶᠢᠷᠠᠲᠤᠨ ᠬᠣᠯᠠᠳᠠᠵᠤ ᠶᠠᠭᠠᠷᠠᠨ ᠠᠵᠢᠯᠯᠠᠬᠤ ᠪᠠᠷᠠ ᠨᠢ
ᠠᠮᠢᠨᠴᠢᠷ ᠰᠠᠨᠠᠭᠠ ᠶᠢ ᠪᠣᠳᠣᠯ ᠠᠴᠠ ᠬᠥᠭᠡᠭᠡᠵᠦ ᠤᠷᠬᠢᠮᠠᠷ
ᠠᠮᠢ ᠪᠠᠨ ᠴᠦᠯᠡᠵᠦ ᠪᠣᠰᠤᠳ ᠢ ᠠᠪᠤᠷᠠᠬᠤ ᠦᠵᠡᠯ ᠨᠢ
ᠤᠬᠠᠭᠠᠨ ᠤ ᠮᠢᠨᠢ ᠡᠴᠢᠨᠡ ᠦᠨᠳᠦᠰᠦᠯᠡᠭᠡᠳ ᠤᠷᠭᠤᠴᠢᠬᠠᠮᠠᠷ
ᠠᠵᠢᠯ ᠤᠨ ᠴᠠᠭᠠᠨ ᠬᠤᠪᠴᠠᠰᠤᠨ ᠠᠴᠠ ᠴᠢᠨᠢ ᠠᠷᠢᠭᠤᠰᠬᠠᠯ ᠨᠢᠭᠡ ᠶᠢ ᠭᠤᠶᠤᠶᠠ
ᠠᠮᠢ ᠪᠠᠨ ᠯᠠ ᠪᠣᠳᠣᠳᠠᠭ ᠬᠦᠮᠦᠰ ᠦᠨ ᠰᠡᠳᠭᠢᠯ ᠳᠦ ᠨᠢ ᠨᠢᠭᠡ ᠳᠤᠰᠤᠭᠠᠶᠠ
ᠦᠢᠯᠡᠰᠴᠢ ᠰᠡᠳᠭᠢᠯ ᠦᠨ ᠴᠢᠨᠢ ᠭᠡᠭᠡ ᠡᠴᠡ ᠨᠢᠭᠡ ᠶᠢ ᠭᠤᠶᠤᠶᠠ
ᠦᠮᠡᠬᠡᠢ ᠬᠣᠷᠣᠨ ᠰᠠᠨᠠᠭᠠᠲᠤ ᠶᠢᠨ ᠵᠢᠷᠦᠬᠡᠨ ᠳᠦ ᠨᠢᠭᠡ ᠶᠢ ᠤᠷᠭᠤᠭᠤᠯᠤᠶᠠ
ᠬᠣᠪᠳᠣᠭ ᠰᠢᠨᠤᠬᠠᠢ ᠬᠠᠨᠤᠯ ᠬᠦᠰᠡᠯ ᠦᠨ ᠵᠠᠢ ᠶᠢ
ᠬᠣᠷᠣᠨ ᠰᠠᠨᠠᠭᠠᠲᠤ ᠡᠵᠡᠨ ᠵᠠᠪᠰᠢᠪᠠ
ᠬᠣᠯᠠᠳᠠᠵᠤ ᠶᠠᠪᠤᠭᠰᠠᠨ ᠪᠤᠷᠬᠠᠨ ᠰᠠᠨᠠᠭᠠᠲᠤ ᠡᠮᠴᠢ ᠨᠠᠷ ᠢᠶᠠᠨ ᠪᠤᠳᠤᠭᠰᠠᠨ ᠴᠦ
ᠬᠣᠶᠢᠰᠢᠲᠠ ᠶᠢᠨ ᠬᠦᠮᠦᠰ ᠰᠡᠷᠡᠮᠵᠢ ᠪᠣᠯᠭᠠᠪᠠᠰᠤ ᠵᠣᠬᠢᠬᠤ ᠪᠤᠢ ᠁
2020.2.20
ᠬᠢᠴᠢᠶᠡᠩᠭᠦᠶᠢᠯᠡᠪᠡᠢ
