- ᠰᠠᠶᠢᠵᠢᠷᠠ
30400
ᠬᠠᠷᠠ ᠪᠠᠷ ᠬᠠᠭᠨᠠᠭᠰᠠᠨ ᠡᠪᠦᠯ
2019-01-01 16:01
97
0
ᠡᠷᠡᠭᠡᠨ ᠂ ᠰᠠᠶᠢᠵᠢᠷᠠ
ᠬᠠᠮᠤᠭ ᠠᠮᠢᠲᠠᠳ ᠤᠨ ᠰᠠᠷᠬᠢᠨᠠᠭ ᠢ ᠬᠠᠲᠠᠭᠠᠮᠠᠷ
ᠬᠠᠷᠠ ᠪᠠᠷ ᠬᠠᠭᠨᠠᠭᠰᠠᠨ ᠡᠪᠥᠯ ᠪᠤᠯᠵᠠᠢ ᠂
ᠬᠠᠷᠠ ᠲᠤᠭᠤᠰᠤ ᠬᠡᠶᠢᠰᠦᠮᠡᠷ ᠰᠠᠯᠬᠢᠨ ᠲᠠᠢ
ᠬᠠᠷᠠ ᠤᠯᠠᠷᠢᠯ ᠪᠠᠶᠢᠯᠠ ᠂ ᠡᠨᠡ ᠵᠢᠯ ᠦᠨ ᠰᠡᠭᠦᠯ ᠃
ᠬᠦᠮᠥᠨ ᠮᠠᠯ ᠤᠨ ᠢᠳᠡᠬᠥ ᠤᠮᠳᠠᠯᠠᠬᠤ
ᠬᠥᠷ ᠴᠠᠰᠤ ᠠᠯᠠᠭᠠ ᠂ ᠬᠠᠷᠠ ᠂
ᠬᠦᠳᠡᠭᠡᠰᠢ ᠪᠡᠨ ᠤᠲᠤᠷᠯᠠᠬᠤ ᠠᠷᠭᠠ ᠦᠭᠡᠢ
ᠬᠦᠬᠡᠭᠡ ᠡᠪᠦᠯ ᠢᠶᠡᠷ ᠬᠤᠳᠳᠤᠭ ᠲᠣ ᠠᠷᠭᠠᠮᠵᠢᠭᠳᠠᠨᠠ ᠃
ᠮᠠᠰᠢᠨ ᠬᠤᠳᠳᠤᠭ ᠤᠨ ᠬᠦᠴᠥ ᠪᠠᠷ
ᠮᠠᠯ ᠢᠶᠠᠨ ᠰᠢᠭᠡᠷᠡᠩᠨᠡᠲᠡᠯᠡ ᠤᠰᠤᠯᠠᠵᠤ ᠂
ᠬᠠᠳᠤᠵᠤ ᠬᠤᠷᠢᠶᠠᠭᠰᠠᠨ ᠡᠪᠡᠰᠥ ᠪᠠᠷ
ᠬᠠᠭᠠᠰ ᠲᠡᠵᠢᠭᠡᠵᠥ ᠬᠠᠭᠠᠰ ᠪᠡᠯᠴᠢᠶᠡᠷᠯᠡᠭᠦᠯᠥᠨᠡ ᠃
ᠬᠠᠰᠢᠶᠠ ᠲᠤᠤᠷ ᠤᠨ ᠳᠤᠲᠤᠷᠠ ᠪᠠᠨ ᠯᠠ
ᠬᠠᠮᠤᠭ ᠮᠠᠯ ᠢᠶᠠᠨ ᠮᠠᠯᠵᠢᠬᠤ ᠶᠤᠮ ᠴᠢᠨᠢ ᠂
ᠬᠠᠷᠠ ᠴᠠᠭᠠᠨ ᠵᠤᠳ ᠪᠤᠯᠤᠭᠰᠠᠨ ᠴᠦ
ᠬᠠᠮᠢᠶᠠᠭᠠ ᠦᠭᠡᠢ ᠶᠤᠮ ᠰᠢᠭ ᠤᠨᠳᠤᠷᠤᠯᠴᠠᠨᠠ ᠃
ᠬᠠᠷᠠ ᠪᠠᠷ ᠬᠠᠭᠨᠠᠭᠰᠠᠨ ᠤᠯᠠᠷᠢᠯ
ᠬᠠᠷᠠ ᠵᠤᠳ ᠬᠠᠮᠢᠶᠠᠭᠠ ᠠᠴᠠ ᠢᠷᠡᠪᠡ ᠂
ᠬᠠᠶᠠ ᠵᠠᠷᠢᠮ ᠨᠤᠭᠤᠳ ᠤᠨ ᠡᠪᠳᠡᠯᠭᠡ ᠪᠠᠷ
ᠬᠠᠷᠠᠯᠠᠭᠤᠯᠤᠨ ᠬᠠᠲᠠᠭᠠᠵᠤ ᠪᠠᠶᠢᠨᠠᠤ?
ᠰᠠᠷᠠ ᠲᠠᠢ ᠨᠠᠷᠠ ᠲᠠᠢ ᠬᠤᠷᠸᠠ ᠶᠢᠨ
ᠰᠠᠶᠢᠬᠠᠨ ᠂ ᠰᠠᠭᠠᠷ ᠨᠢ ᠵᠡᠷᠭᠡᠴᠡᠭᠡ ᠶᠤᠮ ᠤᠤ ︖
ᠬᠠᠲᠠᠭᠤ ᠬᠦᠯᠳᠡᠭᠥᠥ ᠤᠯᠠᠷᠢᠯ ᠳ᠋ᠥ
ᠬᠠᠷᠠ ᠴᠠᠭᠠᠨ ᠡᠭᠡᠯᠵᠢᠯᠡᠭᠡ ᠴᠦ ᠶᠤᠮ ᠤᠤ ᠳ᠋ᠠ ᠃
ᠬᠦᠬᠡ ᠲᠡᠭᠷᠢ ᠶᠢᠨ ᠭᠠᠩ ᠶᠢᠥ
ᠬᠦᠮᠥᠨ ᠡᠷᠬᠢᠮᠲᠡᠳ ᠦᠨ ᠭᠠᠪᠢᠶᠠ ᠶᠤᠮ ᠤᠤ ︖
ᠬᠦᠷᠥᠰᠥᠲᠥ ᠳᠡᠯᠡᠬᠡᠢ ᠶᠢᠨ ᠭᠠᠮᠰᠢᠭ ᠶᠢᠥ
ᠬᠦᠯᠥᠨ ᠪᠤᠶᠢᠷ ᠤᠷᠤᠨ ᠬᠤᠪᠢᠷᠠᠪᠡᠤ ᠳ᠋ᠠ ︖ ᠃
ᠴᠠᠰᠤ ᠦᠭᠡᠢ ᠪᠤᠯᠬᠤᠷ ᠵᠠᠷᠢᠮ ᠨᠢ
ᠴᠠᠭᠠᠨ ᠵᠤᠳ ᠠᠴᠠ ᠳᠡᠭᠡᠷᠡ ᠭᠡᠮᠡᠨ ᠪᠠᠶᠠᠰᠤᠨᠠ ᠂
ᠴᠠᠰᠢ ᠨᠠᠰᠢ ᠬᠠᠮᠢᠶᠠᠭᠠᠰᠢ ᠶᠠᠪᠤᠭᠰᠠᠨ ᠴᠦ
ᠴᠠᠰᠤᠨ ᠣ ᠰᠠᠭᠠᠲᠠ ᠦᠭᠡᠢ ᠭᠡᠵᠥ ᠬᠥᠭᠡᠷᠡᠯᠳᠦᠨᠡ ᠃
ᠦᠨᠢ ᠶᠢᠨ ᠲᠡᠤᠬᠡᠨ ᠳ᠋ᠥ ᠴᠦ ᠬᠤᠪᠤᠷᠬᠠᠨ
ᠡᠪᠦᠭᠡᠳ ᠦᠨ ᠶᠠᠷᠢᠶᠠᠨ ᠴᠦ ᠦᠭᠡᠶᠢᠬᠡᠨ ᠂
ᠦᠩ ᠲᠠᠢ ᠥᠯ ᠲᠠᠢ ᠠᠲᠠᠯᠠ ᠪᠠᠨ
ᠡᠪᠦᠯᠵᠢᠨ ᠬᠠᠭᠤᠷᠠᠢ ᠰᠢᠬᠠᠮ ᠦᠩᠭᠡᠷᠡᠯᠡ ᠃
ᠬᠤᠶᠠᠷ ᠠᠷᠪᠠᠨ ᠨᠠᠢᠮᠠᠨ ᠤᠨ
ᠬᠠᠪᠤᠷ ᠨᠢ ᠬᠠᠪᠰᠤᠷᠤᠭᠠ ᠲᠠᠢ ᠴᠦ ᠲᠦᠯ ᠮᠡᠨᠳᠦ ᠂
ᠬᠠᠯᠠᠭᠤᠨ ᠵᠤᠨ ᠨᠢ ᠬᠤᠷᠠ ᠲᠠᠢ ᠤᠷᠭᠤᠴᠠ ᠲᠠᠢ
ᠬᠤᠩᠭᠤᠷᠬᠠᠨ ᠨᠠᠮᠤᠷ ᠲᠠᠢ ᠴᠦ ᠡᠪᠦᠯ ᠨᠢ ᠬᠠᠷᠠ ᠪᠠᠶᠢᠯᠠ ᠃
ᠡᠷᠡᠭᠡᠨ ᠂ ᠪᠢᠯᠢᠭ᠍ᠪᠠᠰᠠᠩ ᠵᠤᠬᠢᠶᠠᠪᠠ ᠂
2018ᠤᠨ12 ᠰᠠᠷᠠᠶᠢᠨ31 ᠣ ᠡᠳᠦᠷ
ᠬᠠᠶᠢᠯᠠᠷ ᠬᠤᠲᠠᠨᠠ ᠪᠢᠴᠢᠪᠡᠢ ᠃