- ᠳᠠᠯᠠᠳ
55866
ᠭᠡᠷ ᠪᠦᠯᠢ ᠵᠢᠷᠭᠠᠯᠲᠠᠢ ᠪᠣᠯᠬᠣ ᠶᠢᠨ ᠤᠴᠢᠷ
2017-01-20 10:20
1015
0
ᠭᠡᠷ ᠪᠦᠯᠢ ᠵᠢᠷᠭᠠᠯᠲᠠᠢ ᠪᠣᠯᠬᠣ ᠶᠢᠨ ᠤᠴᠢᠷ
ᠭᠦᠮᠦᠨ ᠲᠦᠷᠦᠯᠬᠢᠲᠡᠨ ᠭᠡᠷ ᠪᠦᠯᠢ ᠭᠡᠳᠡᠭ ᠢᠶᠡᠷ ᠨᠡᠶᠢᠭᠡᠮ ᠤᠨ ᠢᠶᠠᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠨᠢᠭᠡᠴᠡ ᠪᠡᠨ ᠪᠤᠯᠭᠠᠭᠰᠠᠨ ᠠᠴᠠ ᠨᠠᠭᠠᠰᠢ ᠭᠡᠷ ᠪᠦᠯᠢ ᠭᠡᠳᠡᠭ ᠶᠠᠭᠤᠮᠠ ᠨᠢ ᠨᠢᠭᠡ ᠦᠨᠳᠦᠰᠦᠲᠡᠨ ᠨᠢᠭᠡ ᠤᠯᠤᠰ ᠴᠢᠨᠠᠬᠰᠢᠯᠠᠪᠠᠯ ᠪᠦᠭᠦᠶᠢᠯᠡ ᠭᠦᠮᠦᠨ ᠲᠦᠷᠦᠯᠬᠢᠲᠡᠨ ᠦ ᠠᠮᠤᠷ ᠲᠤᠭᠲᠠᠨᠢᠭᠤᠨ ᠤᠷᠤᠰᠢᠨ ᠭᠦᠭᠵᠢᠬᠦ ᠶᠢᠨ ᠬᠢᠨᠢ ᠦᠨᠳᠦᠰᠦᠨ ᠵᠦᠢᠯ ᠪᠤᠯᠵᠢ ᠃ ᠲᠤᠬᠠᠶᠢᠯᠠᠪᠠᠯ ᠮᠠᠨ ᠤ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠨᠢᠭᠡᠴᠡ ᠪᠤᠯᠤᠭᠰᠠᠨ ᠭᠡᠷ ᠪᠦᠯᠢ ᠨᠢ ᠡᠶᠡ ᠡᠪ ᠲᠠᠢ ᠪᠤᠯᠤᠭᠰᠠᠨ ᠲᠡᠷᠡ ᠴᠠᠭ ᠲᠦ ᠨᠢᠭᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠢ ᠰᠠᠶ᠋ᠢ ᠦᠪᠡᠷ ᠦᠨ ᠠᠮᠤᠷ ᠲᠤᠭᠲᠠᠭᠤᠨ ᠭᠦᠭᠵᠢᠯ ᠢᠶᠡᠨ ᠤᠯᠵᠦ ᠴᠢᠳᠠᠨᠠ ᠃ ᠲᠡᠭᠡᠭᠦ ᠳᠡᠬᠡᠨ ᠯᠡ ᠤᠯᠤᠰ ᠭᠡᠷ ᠬᠡᠮᠡᠨ ᠨᠡᠷᠡᠯᠡᠳᠡᠭ ᠪᠠᠶᠢᠬᠤ ᠳ᠋ᠠ ︕
ᠶᠡᠷᠦᠳᠡ ᠶᠢᠨ ᠠᠮᠢᠳᠤᠷᠠᠯ ᠳ᠋ᠦ ᠭᠦᠮᠦᠰ ᠢᠨᠠᠭ ᠬᠠᠶᠢᠷᠠ ᠭᠡᠳᠡᠭ ᠢ ᠶᠡᠭᠡ ᠶᠠᠷᠢᠳᠠᠭ᠂ ᠤᠨᠴᠠᠭᠠᠶᠢᠯᠠᠨ ᠮᠠᠨ ᠤ ᠵᠠᠯᠠᠭᠤᠴᠤᠳ᠂ ᠲᠡᠭᠡᠭᠡᠳ ᠯᠡ ᠺᠢᠨᠣ᠋ ᠲᠧᠯᠸᠢᠰ ᠰᠤᠨᠢᠨ ᠰᠡᠳᠭᠦᠯ ᠦᠳ ᠢᠶᠡᠷ ᠢᠨᠠᠭ ᠬᠠᠶᠢᠷᠠ ᠶᠢ ᠮᠠᠭᠲᠠᠨ ᠲᠠᠭᠤᠯᠠᠭᠰᠠᠨ ᠵᠢᠷᠤᠭᠯᠠᠭᠰᠠᠨ ᠵᠦᠢᠯ ᠦᠳ ᠮᠤᠩ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ ᠳ᠋ᠠ᠃ ᠮᠦᠨ ᠢᠨᠠᠭ ᠬᠠᠶᠢᠷᠠ ᠲᠤᠷᠠᠯᠠᠯ ᠤᠨ ᠲᠤᠬᠠᠢ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠲᠤᠮᠤᠭ ᠴᠦ ᠪᠢᠰᠢᠭᠦᠢ ᠤᠯᠠᠨ ᠪᠠᠶᠢᠳᠠᠭ᠃ ᠭᠡᠬᠦ ᠳᠡᠬᠡᠨ ᠭᠦᠮᠦᠨ ᠦ ᠪᠤᠳᠠᠲᠠᠢ ᠠᠮᠢᠳᠤᠷᠠᠯ ᠳᠠᠬᠢ ᠲᠡᠳᠡᠭᠡᠷ ᠲᠣᠭᠠ ᠲᠤᠮᠤᠰᠢ ᠦᠭᠡᠢ ᠤᠯᠠᠨ ᠬᠤᠣᠰ ᠨᠤᠭᠤᠳ ᠨᠢ ᠪᠦᠷ ᠯᠠ ᠲᠡᠳᠡᠭᠡᠷ ᠤᠷᠠᠨ ᠵᠤᠭᠢᠶᠠᠯᠴᠢᠳ ᠤᠨ ᠪᠢᠷ ᠦᠨ ᠲᠣᠣᠷᠠᠬᠢ ᠭᠦᠮᠦᠨ ᠦ ᠠᠮᠢᠳᠤᠷᠠᠯ ᠢ ᠭᠠᠩᠭᠠᠩᠴᠢᠯᠠᠵᠦ ᠪᠢᠴᠢᠭᠰᠡᠨ ᠲᠡᠷᠡ ᠭᠠᠯ ᠬᠠᠯᠠᠭᠤᠨ ᠢᠨᠠᠭ ᠲᠤᠷᠠᠯᠠᠯ ᠭᠡᠳᠡᠭ ᠡᠴᠡ ᠨᠢ ᠬᠣᠣᠰ ᠬᠣᠣᠰ ᠭᠡᠷ ᠪᠦᠯᠢ ᠪᠤᠯᠤᠯᠴᠠᠭᠰᠠᠨ ᠪᠢᠰᠢ ᠪᠠᠶᠢᠵᠦ ᠮᠡᠳᠡᠨᠡ᠃
ᠡᠨᠡ ᠲᠤᠬᠠᠢ ᠪᠢ ᠨᠢᠭᠡ ᠡᠷᠡ ᠡᠮᠡ ᠬᠤᠶᠠᠷ ᠤᠨ ᠬᠠᠮᠳᠦ ᠨᠢᠭᠡ ᠭᠡᠷ ᠪᠦᠯᠢ ᠪᠤᠯᠤᠯᠴᠠᠵᠦ ᠰᠠᠭᠤᠬᠤ ᠨᠢ ᠨᠡᠩ ᠢᠯᠡᠭᠦᠦ ᠳᠡᠬᠡᠨ ᠲᠡᠷᠡ ᠬᠤᠶᠠᠷ ᠤᠨ ᠬᠤᠪᠢ ᠵᠠᠶᠠᠭᠠᠨ ᠠᠴᠠ ᠨᠢ ᠪᠤᠯᠤᠭᠰᠠᠨ ᠭᠡᠵᠦ ᠪᠤᠳᠤᠳᠠᠭ ᠲᠠᠷᠤᠢ ᠲᠡᠭᠷᠢ ᠶᠢᠨ ᠵᠠᠶᠠᠭᠠ ᠪᠤᠯᠠᠢ ᠂ ᠲᠡᠶᠢᠮᠤ ᠠᠴᠠ ᠢᠨᠠᠭ ᠬᠣᠣᠰ ᠭᠡᠬᠦ ᠡᠴᠡ ᠵᠠᠶᠠᠭᠠᠳᠦ ᠬᠣᠣᠰ ᠭᠡᠪᠡᠯ ᠢᠯᠡᠭᠦᠦ ᠤᠨᠤᠪᠴᠢᠲᠠᠢ ᠴᠦ ᠶᠤᠮ ᠦᠦ ᠳ᠋ᠡ᠃ ᠶᠡᠷᠦᠳᠡ ᠶᠢᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠭᠡᠷ ᠪᠦᠯᠢ ᠪᠣᠯᠤᠯᠴᠠᠭᠰᠠᠨ ᠲᠡᠷᠡ ᠮᠦᠷᠲᠡᠭᠡᠨ ᠵᠢᠭᠠᠬᠠᠨ ᠠᠬᠢᠮᠠᠭ ᠨᠠᠰᠤᠨ ᠤᠯᠤᠰ ᠤᠳ ᠪᠣᠯ ᠬᠤᠭᠤᠷᠤᠨᠳᠤ ᠪᠠᠨ ᠨᠠᠭᠠᠳᠤᠮ ᠪᠤᠯᠭᠠᠵᠦ︽ ᠪᠢ ᠴᠢᠨᠢ ᠡᠨᠡ ᠲᠠᠢ︵ ᠬᠦᠭᠰᠢᠨ ᠪᠤᠶᠤ ᠡᠪᠤᠭᠡᠨ ᠪᠡᠨ ᠵᠢᠭᠠᠵᠦ ᠪᠤᠢ︶ ᠶᠠᠭᠠᠬᠢᠭᠠᠳ ᠰᠠᠭᠤᠭᠰᠠᠨ ᠪᠠᠨ ᠣᠳᠣ ᠴᠦ ᠮᠡᠳᠡᠬᠦ ᠦᠭᠡᠢ ᠶᠤᠮ︾ ᠭᠡᠵᠦ ᠶᠠᠷᠢᠴᠠᠭᠠᠵᠦ ᠪᠠᠶᠢᠳᠠᠭ ᠂ ᠪᠢᠳᠡ ᠮᠦᠨ ᠺᠢᠨᠣ᠋ ᠲᠧᠯᠸᠢᠰ ᠵᠤᠬᠢᠶᠠᠯ ᠲᠡᠭᠡᠷᠡ ᠡᠴᠡ ᠡᠶᠢᠮᠦ ᠨᠢᠭᠡ ᠦᠵᠡᠭᠳᠡᠯ ᠢ ᠲᠤᠩ ᠤᠯᠠᠨ ᠬᠠᠷᠠᠳᠠᠭ᠂ ᠶᠠᠭᠤ ᠭᠡᠪᠡᠯ ᠭᠦᠤ ᠬᠡᠤᠭᠡᠨ ᠬᠤᠶᠠᠷ ᠵᠠᠯᠠᠭᠤ ᠨᠢ ᠵᠠᠪᠠᠯ ᠬᠤᠶᠠᠭᠤᠯᠠ ᠠᠮᠢᠳᠤᠷᠠᠨᠠ ᠰᠠᠭᠤᠨᠠ ᠭᠡᠳ ᠯᠡ ᠲᠡᠭᠡᠲᠡᠯᠡ ᠡᠴᠢᠭᠡ ᠡᠬᠡ ᠨᠢ ᠭᠠᠷᠴᠦ ᠢᠷᠡᠭᠡᠳ︽ᠲᠡᠷᠡ ᠴᠢᠨᠢ ᠺᠢᠨᠣ᠋ ᠰᠢᠤ ᠪᠤᠳᠠᠲᠠᠢ ᠠᠮᠢᠳᠤᠷᠠᠯ ᠪᠢᠰᠢ ᠰᠢᠤ︾ᠬᠡᠮᠡᠨ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠬᠤᠶᠠᠷ ᠭᠡᠤᠭᠡᠳ ᠤᠨ ᠬᠠᠮᠲᠦ ᠠᠮᠢᠳᠤᠷᠠᠬᠤ ᠶᠢ ᠬᠤᠷᠢᠭᠯᠠᠳᠠᠭ ᠬᠠᠰᠢᠳᠠᠭ ᠪᠠᠶᠢᠯᠠ᠃ ᠶᠡᠷᠦᠨᠢ ᠮᠠᠨ ᠤ ᠮᠤᠩᠭᠤᠯᠴᠤᠳ ᠡᠷᠲᠡᠨ ᠲᠡᠭᠡᠳᠦᠰ ᠡᠴᠡ ᠪᠡᠨ ᠭᠡᠤᠭᠡᠳ ᠤᠨ ᠤᠷᠤᠭ ᠤᠨ ᠤᠴᠢᠷ ᠢ ᠪᠦᠷ ᠯᠡ ᠡᠴᠢᠭᠡ ᠡᠬᠡ ᠨᠢ ᠡᠵᠡᠨ ᠮᠡᠳᠡᠳᠡᠭ ᠪᠠᠶᠢᠯᠠ᠂ ᠮᠠᠨ ᠤ ᠪᠣᠭᠳᠠ ᠡᠵᠡᠨ ᠴᠢᠩᠭᠢᠰ ᠮᠠᠨᠢ ᠴᠦ ᠡᠭᠦᠨ ᠡᠴᠡ ᠭᠠᠳᠠᠭᠤᠷ ᠦᠭᠡᠢ ᠳ᠋ᠡ᠂ ᠲᠡᠭᠡᠭᠦ ᠳᠡᠬᠡᠨ ᠡᠴᠢᠭᠡ ᠡᠬᠡ ᠪᠤᠯᠤᠭᠰᠠᠳ ᠨᠢ ᠭᠤᠤᠯᠳᠠᠭᠤ ᠨᠦᠭᠦᠭᠡ ᠡᠲᠡᠭᠡᠳ ᠦᠨ ᠢᠶᠡᠨ ᠤᠳᠤᠮ ᠤᠭᠰᠠᠭᠠ ᠶᠢ ᠨᠢ ᠦᠵᠡᠨᠡ᠂ ᠡᠨᠡ ᠨᠢ ᠭᠣᠣᠯ ᠨᠢ ᠲᠡᠷᠡ ᠠᠶᠢᠯ ᠤᠨ ᠭᠡᠷ ᠤᠨ ᠰᠤᠷᠭᠠᠯ ᠰᠤᠷᠲᠠᠯ᠂ ᠠᠵᠢᠯᠰᠠᠭ ᠤᠨ ᠪᠠᠶᠢᠳᠠᠯ᠂ ᠡᠳ᠋ ᠭᠦᠷᠦᠩᠭᠡ ᠵᠡᠷᠭᠡ ᠶᠢ ᠦᠵᠡᠳᠡᠭ᠃ ᠬᠠᠷᠢᠨ ᠦᠩᠬᠡ ᠵᠢᠰᠦ ᠮᠡᠲᠦ ᠶᠢᠨ ᠦᠩᠬᠡᠨ ᠲᠠᠯᠠ ᠠᠴᠠ ᠪᠢᠰᠢ ᠪᠦᠷ ᠴᠠᠭᠠᠨᠠ ᠮᠦᠨ ᠴᠢᠨᠠᠷ ᠤᠨ ᠵᠦᠢᠯ ᠢᠶᠡᠷ ᠯᠠ ᠪᠠᠷᠢᠮᠲᠠ ᠪᠠᠨ ᠪᠤᠯᠭᠠᠳᠠᠭ᠂ ᠢᠰᠡᠭᠡᠢ ᠪᠠᠭᠠᠳᠤᠷ ᠲᠡᠮᠦᠵᠢᠨ ᠭᠦᠤ ᠳᠡᠬᠡᠨ ᠪᠡᠷᠢ ᠲᠤᠭᠲᠠᠬᠤ ᠳᠠᠭᠠᠨ ᠴᠦ ᠵᠦᠪᠬᠡᠨ ᠬᠡᠤᠬᠡᠨ ᠲᠠᠯᠠ ᠶᠢᠨ ᠦᠩᠬᠡ ᠵᠢᠰᠦᠨ ᠳ᠋ᠦ ᠭᠣᠣᠯ ᠬᠠᠨᠳᠤᠭᠰᠠᠨ ᠪᠢᠰᠢ ᠬᠠᠷᠢᠨ ᠪᠦᠷᠳᠡ ᠶᠢᠨ ᠲᠡᠷᠡᠭᠦ ᠰᠡᠴᠡᠨ ᠰᠡᠷᠭᠦᠯᠡᠩ ᠤᠶᠤᠨ ᠤᠬᠠᠭᠠᠨ ᠭᠡᠷ ᠦᠨ ᠴᠢᠨᠠᠷᠯᠢᠭ ᠤᠳᠤᠮ ᠤᠭᠰᠠᠭᠠ ᠳ᠋ᠤᠨᠢ ᠪᠤᠯᠤᠭᠰᠠᠨ ᠭᠡᠳᠡᠭ᠃ ᠶᠡᠷᠦᠨᠢ ᠮᠠᠨ ᠤᠨ ᠵᠢᠷᠠᠭᠠᠳ ᠣᠨ ᠤ ᠭᠦᠮᠦᠰ ᠦᠨ ᠡᠴᠢᠭᠡ ᠡᠬᠡ ᠤᠳ ᠪᠣᠯ ᠪᠠᠷᠤᠭ ᠪᠦᠷ ᠳᠡᠭᠡᠷᠡ ᠶᠠᠷᠢᠭᠰᠠᠨ ᠮᠡᠲᠦ ᠡᠴᠢᠭᠡ ᠡᠬᠡ ᠶᠢᠨ ᠪᠠᠨ ᠮᠡᠳᠡᠯ ᠢᠶᠡᠷ ᠰᠠᠭᠤᠯᠴᠠᠭᠰᠠᠨ ᠤᠯᠤᠰ ᠤᠳ ᠶᠤᠮ᠂ ᠲᠡᠭᠡᠭᠦ ᠳ᠋ᠦ ᠲᠡᠳᠡᠨ ᠦ ᠰᠠᠯᠤᠵᠦ ᠪᠤᠲᠠᠷᠠᠬᠤ ᠬᠡᠮᠵᠢᠶᠡ ᠪᠤᠶᠤ ᠭᠡᠷᠡᠯᠳᠦᠵᠦ ᠮᠠᠭᠤᠳᠠᠯᠴᠠᠬᠤ ᠨᠣᠷᠮᠠ ᠨᠢ ᠣᠳᠣ ᠶᠢᠨ ᠵᠠᠯᠠᠭᠤ ᠨᠢᠭᠡᠨ ᠦᠶᠡ ᠶᠢᠨ ᠡᠴᠡ ᠬᠤᠯᠠ ᠲᠤᠤᠷᠠ ᠪᠠᠶᠢᠳᠠᠭ᠃ ᠮᠢᠨᠤ ᠨᠢᠭᠡ ᠪᠠᠭᠠ ᠶᠢᠨ ᠨᠠᠶᠢᠵᠠ︵1962 ᠣᠨ ᠤ ᠭᠦᠮᠦᠨ︶ ᠲᠡᠷᠡ ᠮᠠᠨᠢ ᠭᠡᠷᠭᠡᠢ ᠪᠡᠨ ᠪᠣᠬᠳᠠᠯᠠᠵᠦ ᠠᠪᠬᠤ ᠠᠴᠠ ᠪᠠᠨ ᠡᠮᠦᠨᠡ ᠭᠤᠷᠪᠠ ᠯᠠ ᠤᠳᠠᠭᠠ ᠨᠢᠭᠤᠷ ᠤᠴᠠᠷᠠᠭᠰᠠᠨ ᠭᠡᠳᠡᠭ᠂ ᠲᠡᠶᠢᠮᠤ ᠠᠴᠠ ᠲᠡᠷᠡ ᠮᠢᠨᠢ ᠬᠤᠷᠢᠮᠯᠠᠭᠰᠠᠨ ᠲᠠᠷᠠᠭᠠ ᠡᠬᠢᠨ ᠦ ᠦᠶᠡ ᠶᠡᠭᠡ ᠡᠪ ᠲᠡᠪ ᠢᠶᠡᠨ ᠣᠯᠬᠣ ᠦᠭᠡᠢ ᠪᠠᠶᠢᠯᠠ ᠰᠢᠤ ᠭᠡᠵᠦ ᠨᠠᠳᠠᠳᠤ ᠨᠠᠭᠠᠳᠤᠮ ᠪᠤᠯᠠᠭᠠᠨ ᠶᠠᠷᠢᠵᠦ ᠪᠠᠶᠢᠯᠠ ᠃ ᠲᠡᠭᠡᠬᠦ ᠳ᠋ᠦ ᠲᠡᠷᠡ ᠬᠤᠶᠠᠷ ᠡᠨᠡ ᠭᠤᠴᠢᠨ ᠵᠢᠯ ᠳ᠋ᠦ ᠶᠡᠷᠦᠳᠡᠭᠡᠨ ᠲᠡᠭᠡᠵᠦ ᠨᠢᠭᠡ ᠶᠡᠭᠡ ᠲᠡᠪᠵᠢᠶᠡᠷᠡᠭᠰᠡᠨ ᠴᠦ ᠦᠭᠡᠢ ᠡᠶᠡ ᠲᠠᠢ ᠨᠠᠶᠢᠷ ᠲᠠᠢ ᠰᠠᠶᠢᠬᠠᠨ ᠯᠠ ᠠᠮᠢᠳᠤᠷᠠᠭᠠᠳ ᠢᠷᠡᠴᠢᠬᠡᠵᠡᠢ᠃
ᠮᠢᠨᠤ ᠢᠩᠭᠢᠵᠦ ᠶᠠᠷᠢᠵᠦ ᠪᠠᠶᠢᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ ᠭᠦᠮᠦᠨ ᠦ ᠠᠮᠢᠳᠤᠷᠠᠯ ᠳ᠋ᠦ ᠢᠨᠠᠭ ᠲᠤᠷᠠᠯᠠᠯ ᠦᠭᠡᠢ ᠭᠡᠰᠡᠨ ᠦᠭᠡ ᠪᠢᠰᠢ ᠪᠦᠭᠡᠳ ᠮᠦᠨ ᠢᠨᠠᠭ ᠲᠤᠷᠠᠯᠠᠯ ᠨᠢ ᠭᠡᠷ ᠪᠦᠯᠢ ᠶᠢᠨ ᠠᠮᠢᠳᠤᠷᠠᠯ ᠳ᠋ᠦ ᠶᠠᠮᠠᠷᠴᠦ ᠦᠢᠯᠡᠳᠦᠯ ᠦᠭᠡᠢ ᠭᠡᠰᠡᠨ ᠦᠭᠡ ᠤᠭᠲᠣ ᠪᠢᠰᠢ ᠂ᠡᠷᠡ ᠡᠮᠡ ᠶᠢᠨ ᠠᠮᠢᠳᠤᠷᠠᠯ ᠳ᠋ᠦ ᠮᠠᠨ ᠤ ᠵᠤᠬᠢᠶᠠᠯᠴᠢᠳ ᠤᠨ ᠪᠢᠴᠢᠳᠡᠭ ᠢᠨᠠᠭ ᠲᠤᠷᠠᠯᠠᠯ ᠦᠨᠡᠨ ᠤᠷᠤᠰᠢᠵᠦ ᠴᠢᠳᠠᠪᠠᠯ ᠭᠡᠷ ᠪᠦᠯᠢ ᠶᠢᠨ ᠠᠮᠢᠳᠤᠷᠠᠯ ᠨᠡᠩ ᠵᠣᠯ ᠵᠢᠷᠭᠠᠯ ᠲᠠᠢ ᠪᠤᠯᠵᠦ ᠲᠡᠶᠢᠯᠭᠦ ᠨᠢ ᠳᠠᠮᠵᠢᠭ ᠦᠭᠡᠢ᠃
ᠮᠢᠨᠤ ᠦᠵᠡᠬᠦ ᠪᠡᠷ ᠭᠡᠷ ᠪᠦᠯᠢ ᠶᠢᠨ ᠵᠢᠷᠭᠠᠯᠲᠠᠢ ᠪᠣᠯᠬᠣ ᠶᠢᠨ ᠤᠴᠢᠷ ᠨᠢ ᠨᠢᠭᠡᠨᠲᠡ ᠴᠣᠭᠴᠠᠯᠠᠭᠳᠠᠭᠰᠠᠨ ᠭᠡᠷ ᠪᠦᠯᠢ ᠨᠢ ᠢᠨᠠᠭ ᠲᠤᠷᠠᠯᠠᠯ ᠢᠶᠠᠷ ᠰᠠᠭᠤᠷᠢᠯᠠᠭᠳᠠᠭᠰᠠᠨ ᠴᠦ ᠪᠣᠯᠪᠠ ᠠᠯᠢ ᠡᠰᠡᠬᠦᠯᠡ ᠬᠤᠪᠢ ᠵᠠᠶᠠᠭᠠᠨ ᠲᠡᠭᠡᠷᠡ ᠰᠠᠭᠤᠷᠢᠯᠠᠭᠳᠠᠭᠰᠠᠨ ᠴᠦ ᠪᠣᠯᠪᠠ ᠲᠡᠭᠦᠨ ᠦ ᠤᠴᠢᠷ ᠶᠤᠰᠤ ᠶᠢ ᠵᠦᠪ ᠤᠶᠢᠯᠠᠭᠠᠬᠤ ᠨᠢ ᠶᠠᠭᠤᠨ ᠠᠴᠠ ᠴᠢᠬᠤᠯᠠ᠃ ᠲᠡᠭᠡᠭᠡᠳ ᠯᠡ ᠠᠯᠢᠪᠠ ᠭᠡᠷ ᠪᠦᠯᠢ ᠪᠣᠯᠤᠭᠰᠠᠳ ᠨᠢ ︽ᠡᠨᠡ ᠬᠤᠷᠸᠠ ᠳ᠋ᠦ ᠴᠢ ᠪᠢᠳᠡ ᠬᠤᠶᠠᠷ ᠯᠠ ᠬᠠᠮᠲᠦ ᠰᠠᠭᠤᠵᠦ ᠨᠠᠰᠤ ᠶᠢ ᠪᠠᠷᠠᠬᠤ ᠭᠡᠰᠡᠨ ᠶᠤᠮ ᠪᠠᠶᠢᠨᠠ ︾ᠭᠡᠳᠡᠭ ᠳᠡᠬᠡᠨ ᠪᠠᠲᠦ ᠢᠲᠡᠭᠡᠵᠦ᠂ ᠬᠠᠷᠢᠯᠴᠠᠨ ᠨᠢᠭᠡ ᠨᠢᠭᠡ ᠪᠡᠨ ᠬᠠᠶᠢᠷᠠᠯᠠᠨ ᠬᠠᠯᠠᠮᠵᠢᠯᠠᠵᠦ᠂ ᠬᠠᠷᠢᠯᠴᠠᠨ ᠨᠢᠭᠡ ᠨᠢᠭᠡ ᠪᠡᠨ ᠭᠦᠨᠳᠦᠳᠭᠡᠨ ᠶᠠᠪᠤᠬᠤ ᠪᠣᠯ ᠮᠠᠰᠢ ᠴᠢᠬᠤᠯᠠ ᠪᠢᠯᠡ᠂ ᠡᠭᠦᠨ ᠳᠡᠬᠡᠨ ᠪᠠᠰᠠ ᠡᠷᠡ ᠡᠮᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠬᠠᠮᠤᠭ ᠠᠴᠠ ᠴᠢᠬᠤᠯᠠ ᠨᠢ ᠬᠠᠷᠢᠯᠴᠠᠨ︽ ᠠᠭᠤᠴᠢᠯᠠᠯᠴᠠᠬᠤ︾ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠡᠷᠡ ᠡᠮᠡ ᠶᠢᠨ ᠠᠮᠢᠳᠤᠷᠠᠯ ᠳ᠋ᠦ ᠬᠠᠤᠯᠢᠴᠢ ᠴᠠᠭᠳᠠᠭᠠ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ ᠪᠦᠭᠡᠳ ᠴᠢᠨᠤ ᠪᠤᠷᠤᠭᠤ ᠮᠢᠨᠤ ᠵᠦᠪ ᠭᠡᠰᠡᠨ ᠤᠴᠢᠷ ᠴᠦ ᠡᠴᠦᠰ ᠳᠡᠬᠡᠨ ᠪᠠᠶᠢᠬᠤ ᠦᠭᠡᠢ ᠶᠤᠮ᠃ ᠲᠡᠶᠢᠮᠤ ᠠᠴᠠ ᠨᠦᠭᠦᠭᠡᠳᠡᠬᠢ ᠴᠢᠨᠢ ᠶᠠᠭᠠᠬᠢᠭᠠᠳ ᠴᠦ ᠶᠤᠮ ᠳ᠋ᠡ ᠴᠢᠮᠠᠶᠢ ᠪᠤᠷᠤᠭᠤᠲᠠᠭᠠᠭᠰᠠᠨ ᠦᠶᠡ ᠴᠢ ᠵᠦᠪᠬᠡᠨ ᠲᠡᠭᠦᠨ ᠢ ᠠᠭᠤᠴᠢᠯᠠᠵᠦ ᠯᠠ ᠴᠢᠳᠠᠪᠠᠯ ᠲᠡᠷᠡ ᠬᠦ ᠭᠡᠷ ᠪᠦᠯᠢ ᠶᠢᠨ ᠬᠡᠷᠡᠭᠦᠯ ᠭᠡᠳᠡᠭ ᠡᠴᠡ ᠵᠠᠶᠢᠯᠠᠵᠦ ᠴᠢᠳᠠᠨᠠ᠃ ᠵᠢᠵᠢᠭ ᠰᠠᠵᠢᠭ︽ ᠭᠡᠷ ᠦᠨ ᠬᠡᠷᠡᠭᠦᠯ︾ᠪᠣᠯ ᠭᠡᠷ ᠪᠦᠯᠢ ᠶᠢᠨ ᠨᠠᠶᠢᠷ ᠬᠠᠶᠢᠷᠠ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠢ ᠡᠪᠳᠡᠳᠡᠭ ᠲᠡᠭᠦᠨ ᠡᠴᠡ ᠦᠭᠰᠦᠭᠡᠳ ᠠᠶᠢᠯ ᠭᠡᠷ ᠢ ᠪᠤᠰᠨᠢᠭᠤᠯᠬᠤ ᠬᠤᠤᠷ ᠤᠨ ᠦᠨᠳᠦᠰᠦ ᠮᠦᠨ︕
ᠵᠠ ᠲᠡᠭᠡᠭᠡᠳ ᠭᠡᠤᠭᠡᠳ ᠵᠠᠯᠠᠭᠤᠴᠤᠳ ᠲᠠᠭᠠᠨ ᠭᠦᠰᠡᠭᠦ ᠨᠢ ᠭᠠᠯ ᠬᠠᠯᠠᠭᠤᠨ ᠢᠨᠠᠭ ᠲᠤᠷᠠᠯᠠᠯ ᠢᠶᠠᠷ ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠯᠪᠤᠯᠴᠠᠵᠦ ᠬᠠᠷᠢᠯᠴᠠᠨ ᠠᠭᠤᠴᠢᠯᠠᠯᠴᠠᠬᠰᠠᠨ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠨᠢᠭᠡᠨ ᠰᠠᠶᠢᠬᠠᠨ ᠭᠡᠷ ᠪᠦᠯᠢ ᠶᠢ ᠪᠠᠶᠢᠭᠤᠯᠬᠤ ᠪᠤᠯᠲᠤᠭᠠᠢ︕