-
12590
ᠭᠠᠵᠠᠷ ᠵᠦᠢ ᠪᠡᠨ ᠪᠠᠭᠳᠤᠵᠤ᠂ ᠭᠠᠵᠠᠷ ᠵᠦᠢ ᠪᠡᠷ ᠢᠶᠡᠨ ᠠᠮᠢᠯᠠᠵᠤ ᠶᠠᠪᠤᠨᠠ
2018-10-30 20:42
185
0
ᠳᠡᠭᠡᠭᠰᠢ ᠤᠷᠴᠢᠯᠠᠩ ᠤᠨ ᠤᠭᠳᠠᠷᠭᠤᠢ ᠠᠴᠠ ᠳᠤᠷᠤᠭᠰᠢ ᠳᠡᠯᠡᠬᠡᠢ ᠶᠢᠨ ᠴᠦᠮᠡ ᠬᠦᠷᠳᠡᠯᠡ᠂ ᠵᠡᠭᠦᠨ ᠳᠠᠯᠠᠢ ᠶᠢᠨ ᠢᠷᠮᠡᠭ ᠡᠴᠡ ᠪᠠᠷᠠᠭᠤᠨ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠬᠦᠷᠳᠡᠯᠡ᠂ ᠤᠮᠠᠷᠠ ᠠᠯᠳᠠᠨ ᠭᠠᠳᠠᠰᠤ ᠠᠴᠠ ᠡᠮᠤᠨᠡ ᠦᠷ ᠦᠨ ᠴᠤᠯᠮᠤᠨ ᠬᠦᠷᠳᠡᠯᠡ᠂ ᠲᠡᠭᠷᠢ ᠭᠠᠵᠠᠷ ᠤᠨ ᠲᠦᠮᠡᠨ ᠪᠤᠳᠠᠰ ᠮᠢᠩᠭᠠᠨ ᠵᠦᠢ ᠶᠢ ᠪᠠᠭᠳᠠᠭᠠᠭᠰᠠᠨ ᠠᠭᠤᠯᠭᠠ ᠪᠠᠷ ᠦᠷᠭᠡᠨ᠂ ᠮᠡᠳᠡᠯᠭᠡ ᠪᠡᠷ ᠭᠦᠨ᠂ ᠰᠤᠳᠤᠯᠬᠤ ᠳᠤ ᠰᠢᠨᠤᠯ ᠲᠠᠢ᠂ ᠰᠤᠷᠤᠯᠴᠠᠬᠤ ᠳᠤ ᠪᠠᠬᠠ ᠲᠠᠢ᠂ ᠦᠪᠡᠷ ᠢ ᠪᠡᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ᠂ ᠳᠤᠰᠭᠠᠷ ᠰᠢᠨᠵᠢᠯᠡᠭᠡ ᠪᠣᠯ ᠳᠠᠷᠣᠢ ᠭᠠᠵᠠᠷ ᠵᠦᠢ ᠶᠢᠨ ᠰᠢᠨᠵᠢᠯᠡᠭᠡ᠂ ᠬᠤᠪᠢ ᠵᠠᠶᠠᠭᠠᠨ ᠤ ᠨᠠᠨᠳᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠭᠠᠵᠠᠷ ᠵᠦᠢ ᠶᠢᠨ ᠬᠢᠴᠢᠶᠡᠯ ᠲᠦᠷᠦᠯ᠃ ᠡᠨᠡ ᠪᠣᠯ ᠮᠢᠨᠤ ᠡᠨᠡ ᠨᠠᠰᠤᠨ ᠤ ᠤᠯᠳᠠᠰᠢ ᠦᠭᠡᠢ ᠨᠠᠨᠳᠢᠨ ᠦᠪ᠂ ᠡᠨᠡ ᠪᠡᠶᠡ ᠶᠢᠨ ᠤᠯᠵᠠᠷᠬᠠᠭ ᠬᠦᠷᠦᠩᠭᠡ᠂ ᠤᠶᠤᠨ ᠤᠬᠠᠭᠠᠨ ᠤ ᠰᠦᠭ ᠰᠦᠨᠡᠰᠤ᠂ ᠤᠢ ᠪᠢᠯᠢᠭ ᠦᠨ ᠠᠮᠤ ᠬᠦᠨᠡᠰᠤ᠃
ᠭᠠᠵᠠᠷ ᠵᠦᠢ ᠭᠡᠵᠦ ᠪᠣᠯ ᠤᠳᠤᠳᠤ ᠤᠷᠴᠢᠯᠠᠩ ᠤᠨ ᠣᠷᠣᠰᠢᠨ ᠵᠤᠷᠴᠢᠬᠤ ᠵᠢᠮᠡ᠂ ᠦᠨᠳᠤᠷ ᠰᠦᠷᠯᠢᠭ ᠠᠭᠤᠯᠠ ᠨᠢᠷᠤᠭᠤ᠂ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠳᠤᠭ᠂ ᠤᠷᠤᠰᠬᠠᠯ ᠳᠤᠩᠭᠠᠯᠠᠭ ᠭᠣᠣᠯ ᠮᠦᠷᠡᠨ᠂ ᠨᠡᠯᠤᠭᠡᠷ ᠶᠡᠭᠡ ᠳᠠᠯᠠᠢ ᠲᠠᠩᠬᠢᠰ᠂ ᠠᠮᠢᠯᠠᠯ ᠲᠡᠭᠦᠯᠳᠡᠷ ᠤᠷᠭᠤᠮᠡᠯ ᠬᠤᠴᠢᠯᠭᠠ᠂ ᠦᠯᠡᠶᠡᠬᠦ ᠰᠠᠯᠬᠢ᠂ ᠱᠠᠭᠢᠬᠤ ᠪᠤᠷᠤᠭᠠᠨ᠂ ᠦᠩ ᠰᠢᠮᠡᠳᠤ ᠬᠦᠷᠤᠰᠤ ᠭᠡᠬᠦ ᠮᠡᠳᠤ ᠶᠢᠨ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠦᠷᠭᠡᠨ ᠲᠡᠯᠭᠡᠷ ᠬᠡᠷᠡᠭ ᠪᠤᠳᠠᠰ ᠦᠵᠡᠭᠳᠡᠯ ᠦᠨ ᠡᠴᠢᠨᠡ ᠭᠦᠨ ᠵᠢᠮᠡ ᠶᠤᠰᠤ ᠶᠢ ᠰᠤᠳᠤᠯᠳᠠᠭ ᠪᠠᠶᠢᠭᠠᠯᠢ ᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠶᠢᠭᠠᠯᠢ ᠠᠬᠤᠢ ᠶᠢᠨ ᠤᠷᠴᠢᠨ ᠳᠤᠮᠳᠠ ᠠᠵᠦ ᠲᠦᠷᠦᠵᠤ ᠠᠮᠢᠳᠤᠷᠡᠨ ᠤᠷᠤᠰᠢᠵᠤ ᠪᠠᠶᠢᠭᠠ ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠵᠢᠴᠢ ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠦ ᠡᠭᠦᠳᠤᠨ ᠪᠦᠳᠦᠭᠡᠭᠰᠡᠨ ᠡᠯᠪᠡᠭ ᠪᠠᠶᠠᠯᠢᠭ ᠰᠤᠶᠤᠯ᠂ ᠤᠷᠤᠰᠢᠨ ᠰᠠᠭᠤᠬᠣ ᠤᠷᠤᠨ ᠰᠠᠭᠤᠴᠠ᠂ ᠦᠢᠯᠡᠳᠤᠨ ᠪᠤᠰᠬᠠᠭᠰᠠᠨ ᠠᠵᠤ ᠦᠢᠯᠡᠰ᠂ ᠴᠡᠴᠡᠭᠯᠡᠨ ᠬᠦᠭᠵᠢᠭᠰᠡᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ᠂ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠠᠪᠳᠠᠭ ᠵᠠᠮ ᠬᠠᠷᠢᠯᠴᠠᠭᠠ ᠭᠡᠬᠦ ᠮᠡᠳᠤ ᠡᠯᠪᠡᠭ ᠤᠶᠤᠨ ᠪᠠᠶᠠᠯᠢᠭ ᠤᠬᠠᠭᠠᠨ ᠢ ᠠᠭᠤᠯᠤᠭᠰᠠᠨ ᠨᠡᠶᠢᠭᠡᠮ ᠦᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠶᠢᠭᠠᠯᠢ ᠨᠡᠶᠢᠭᠡᠮ ᠡᠴᠡ ᠡᠭᠦᠰᠦᠭᠡᠳ ᠠᠮᠢᠳᠤᠷᠡᠯ ᠦᠢᠯᠡᠳᠪᠦᠷᠢᠯᠡᠯ ᠳᠦ ᠦᠢᠯᠡᠴᠢᠯᠡᠳᠡᠭ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ᠂ ᠬᠡᠷᠡᠭᠴᠡᠭᠡᠳᠦ ᠴᠢᠨᠠᠷ ᠢᠶᠠᠷ ᠶᠡᠭᠡ᠂ ᠪᠠᠶᠢᠭᠠᠯᠢ ᠨᠡᠶᠢᠭᠡᠮ ᠬᠤᠤᠰᠯᠠᠭᠰᠠᠨ᠂ ᠠᠷᠭᠠ ᠪᠢᠯᠢᠭ ᠠᠭᠤᠰᠤᠯᠴᠠᠭᠰᠠᠨ ᠦᠪᠡᠷᠮᠢᠴᠡ ᠰᠢᠨᠵᠢᠯᠡᠭᠡ ᠪᠤᠯᠤᠨᠠ᠃
ᠡᠷᠭᠢᠴᠡᠭᠦᠯᠵᠦ ᠪᠤᠳᠤᠬᠤ ᠶᠢᠨ ᠦᠴᠦᠭᠡᠳᠤᠷ᠂ ᠡᠷᠳᠡᠨᠢ ᠶᠢᠨ ᠰᠤᠶᠤᠯ ᠰᠢᠳᠢᠳᠦ ᠮᠡᠷᠭᠡᠵᠢᠯ ᠢ ᠰᠤᠷᠤᠭᠰᠠᠨ ᠳᠠᠭᠠᠨ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠠᠶᠠᠷᠯᠠᠵᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠤᠯᠵᠠᠷᠬᠠᠵᠦ ᠶᠠᠪᠤᠨᠠ᠃ ᠭᠠᠵᠠᠷ ᠵᠦᠢ— ᠭᠠᠵᠠᠷ ᠤᠨ ᠤᠬᠠᠭᠠᠨ ᠲᠡᠭᠷᠢ ᠶᠢᠨ ᠵᠦᠢ᠂ ᠦᠭᠡᠳᠡᠯᠡᠨ ᠲᠠᠪᠰᠢᠬᠤ ᠵᠠᠯᠠᠭᠤ ᠨᠠᠰᠤᠨ ᠳᠤ ᠤᠶᠤᠨ ᠢ ᠮᠢᠨᠢ ᠳᠡᠵᠢᠭᠡᠵᠦ᠂ ᠤᠬᠠᠭᠠᠨ ᠢ ᠮᠢᠨᠢ ᠰᠠᠷᠠᠭᠤᠯᠵᠢᠭᠤᠯᠤᠨ᠂ ᠠᠵᠠ ᠬᠡᠶᠢᠮᠤᠷᠢ ᠶᠢ ᠦᠭᠡᠳᠡ ᠲᠠᠲᠠᠵᠤ᠂ ᠠᠶᠠᠨ ᠤ ᠵᠢᠯᠤᠭᠤ ᠶᠢ ᠤᠷᠤᠭᠰᠢ ᠬᠦᠳᠦᠯᠦᠨ᠂ ᠠᠵᠢᠯ ᠦᠢᠯᠡᠰ ᠲᠦ ᠮᠢᠨᠢ ᠳᠤᠯᠭᠠᠭᠤᠷᠢ ᠪᠤᠯᠵᠦ ᠰᠦᠨᠳᠡᠷᠯᠡᠮᠤᠢ︕
