- ᠰᠠᠯᠵᠢᠭᠣᠳ ᠪᠠᠢᠭᠠᠯᠢ
ᠵᠠᠷᠣᠳ ᠬᠤᠰᠢᠭᠤ ᠳᠣᠯᠣᠳᠣ
2651
ᠳᠠᠢᠴᠢᠩ ᠭᠡᠭᠡᠨ ᠣ ᠨᠠᠮᠲᠠᠷ
2019-03-27 00:33
403
1
ᠳᠠᠢᠴᠢᠩ ᠭᠡᠭᠡᠨ ᠣ ᠨᠠᠮᠲᠠᠷ
ᠲᠣᠰ ᠭᠡᠭᠡᠨ ᠣ ᠪᠦᠬᠦᠯᠢ ᠠᠯᠳᠠᠷ᠄ ᠳᠠᠢᠴᠢᠩ ᠳᠠᠷᠬᠠᠨ ᠡᠷᠳᠡᠨᠢ ᠪᠠᠨᠳᠢᠳᠠ ᠨᠤᠮ ᠤᠨ ᠬᠠᠭᠠᠨ ᠬᠤᠲᠤᠭᠲᠤ
ᠲᠤᠰ ᠭᠡᠭᠡᠨ ᠣ ᠡᠭᠦᠰᠦᠯ ᠨᠢ ᠭᠠᠳᠠᠮᠪᠠ ᠶᠢᠨ ᠷᠡᠪᠴᠡᠨ ᠬᠡᠢᠳ ᠦᠨ ᠨᠢᠭᠤᠴᠠ ᠲᠠᠷᠨᠢ ᠶᠢᠨ ᠯᠠᠮᠠ ᠨᠠᠮᠬᠠᠢᠵᠠᠮᠰᠣ ᠪᠤᠯᠤᠨᠠ᠃ ᠬᠤᠢᠨᠠ ᠨᠢ ᠲᠣᠰ ᠯᠠᠮᠠ ᠲᠣᠰ ᠬᠡᠢᠳ ᠦᠨ ᠯᠠᠮᠠᠬᠠᠢ ᠪᠠᠨᠳᠢᠳᠠ ᠬᠡᠮᠡᠨ ᠠᠯᠳᠠᠷᠰᠢᠵᠣ ᠲᠣᠰ ᠬᠡᠢ ᠳ᠋ᠥ ᠨᠡᠢᠲᠡ ᠲᠠᠪᠤᠨ ᠳᠦᠷᠢ ᠲᠤᠳᠤᠷᠠᠭᠰᠠᠨ ᠪᠠᠢᠨᠠ᠃ ᠵᠢᠷᠭᠤᠭᠠᠳᠤᠭᠠᠷ ᠳᠦᠷᠢ ᠶᠢᠨ ᠯᠠᠮᠠ ᠣᠯᠠᠭᠠᠨ ᠣ ᠨᠤᠮ ᠢ ᠰᠣᠷᠣᠭᠰᠠᠨ ᠠᠴᠠ ᠣᠯᠠᠭᠠᠨ ᠣᠲᠠᠰᠣᠲᠣ ᠯᠠᠮᠠ︽ ᠮᠢᠩ ᠦᠨ ᠦᠶᠡᠰ ︾ ᠬᠡᠮᠡᠨ ᠠᠯᠳᠠᠷᠰᠢᠵᠣ ᠮᠤᠩᠭᠤᠯ ᠤᠷᠤᠨ ᠳ᠋ᠥ ᠢᠷᠠᠵᠦ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠵᠦ ᠪᠠᠢᠪᠠ᠃ ᠲᠤᠰ ᠯᠠᠮᠠ ᠶᠢᠨ ᠳᠠᠷᠠᠭᠠ ᠳᠦᠷᠢ ᠨᠢ ᠬᠤᠷᠴᠢᠨ ᠣ ᠬᠤᠢᠮᠠᠭᠲᠣ ᠬᠠᠷᠠ ᠬᠠᠨ︽ᠬᠤᠢᠮᠠᠩᠲᠤ ᠲᠠᠰ ᠬᠠᠷᠠ ᠬᠠᠨ ︾ ᠣ ᠦᠶᠡ ᠳ᠋ᠥ ᠬᠤᠵᠢᠮ ᠤᠨ ᠳᠠᠢᠴᠢᠩ ᠭᠡᠭᠡᠨ ᠬᠡᠢᠳ︽ ᠮᠣᠳᠣᠲᠣᠭᠣᠭᠠᠨ ᠬᠡᠢᠳ ︾ ᠢ ᠪᠠᠷᠢᠵᠣ᠂1593 ᠣᠨ ᠣ ᠦᠶᠡ ᠶᠢᠨ ᠮᠠᠩᠭᠤᠰ ᠬᠠᠨ ᠣ ᠰᠢᠲᠦᠭᠡᠨᠲᠦ ᠰᠦᠮᠡ ᠪᠤᠯᠵᠤ᠂ ᠬᠤᠵᠢᠮ ᠨᠢ ᠵᠠᠢᠰᠠᠩ ᠪᠦᠬᠡ ᠪᠠᠢᠯᠡ ᠶᠢᠨ ᠰᠢᠲᠦᠭᠡᠨᠲᠦ ᠬᠡᠢᠳ ᠪᠤᠯᠤᠨ ᠬᠤᠪᠢᠷᠠᠵᠣ᠂ ᠬᠦᠪᠡᠭᠦᠨ ᠮᠠᠨᠵᠤᠰᠢᠷᠢ ᠶᠢᠨ ᠨᠡᠷᠡ ᠶᠢ ᠨᠢ ᠦᠭᠴᠦ ᠬᠤᠵᠢᠮ ᠤᠨ ᠳᠠᠷᠬᠠᠨ ᠬᠤᠰᠢᠭᠤᠨ ᠣ ᠪᠦᠷᠢᠯᠳᠦᠬᠦ ᠶᠢ ᠳᠠᠭᠠᠯᠳᠣᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠢᠨ ᠳᠣᠮᠳᠠᠳᠣ ᠬᠣᠰᠢᠭᠣᠨ ᠣ ᠠᠷᠣ ᠮᠠᠩᠬᠠᠨ ᠣ ᠵᠠᠰᠠᠭᠲᠣ ᠯᠠᠮᠠ ᠶᠢᠨ ᠬᠡᠢᠳ ᠪᠤᠯᠤᠨ ᠬᠤᠪᠢᠷᠠᠵᠤ ᠳᠣᠯᠣᠳᠣᠭᠠᠷ ᠳᠦᠷᠢ ᠶᠢᠨ ᠯᠠᠮᠠ ᠳᠠᠷᠬᠠᠨ ᠪᠠᠨᠳᠢᠳᠠ ᠬᠡᠮᠡᠨ ᠴᠤᠯᠯᠠᠵᠤ ᠲᠦᠷᠦᠭᠦᠦ ᠳᠦᠷᠢ ᠭᠡᠭᠡᠨ ᠢᠶᠡᠷ ᠡᠷᠭᠦᠮᠵᠢᠯᠡᠭᠳᠡᠵᠦ ᠡᠮᠦᠨᠡ ᠵᠢᠷᠭᠤᠭᠠᠨ ᠳᠦᠷᠢ ᠨᠢ ᠨᠡᠬᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠭᠳᠡᠵᠦ ᠮᠠᠨᠵᠣᠰᠢᠷᠢ ᠸᠠᠩ ᠤᠨ ᠰᠢᠲᠦᠭᠡᠨᠲᠦ ᠯᠠᠮᠠ ᠪᠤᠯᠵᠤ ᠪᠠᠰᠠ︽ᠳᠣᠭᠰᠢᠨ ᠬᠠᠷᠠ ᠯᠠᠮᠠ ︾ ᠬᠡᠮᠡᠨ ᠳᠠᠭᠤᠳᠠᠵᠤ ᠪᠠᠢᠪᠠ᠃ ᠳᠠᠷᠬᠠᠨ ᠸᠠᠩ ᠤᠨ ᠠᠬᠠ ᠨᠢ ᠶᠠᠭ ᠲᠡᠷᠡ ᠦᠶᠡ ᠳ᠋ᠥ ᠭᠡᠷ ᠦᠨ ᠰᠦᠮᠡ ᠳ᠋ᠥ ᠪᠠᠨ ᠡᠷᠳᠡᠮᠲᠦ ᠯᠠᠮᠠ ᠡᠷᠢᠵᠦ ᠨᠣᠮ ᠠᠢᠯᠠᠳᠠᠭᠤᠯᠬᠤ ᠭᠡᠵᠦ ᠪᠠᠢᠭᠰᠠᠨ ᠲᠤᠯᠠ ᠳᠠᠷᠬᠠᠨ ᠪᠠᠨᠳᠢᠳᠠ ᠭᠡᠭᠡᠨ ᠢ ᠵᠠᠯᠠᠵᠤ ᠨᠤᠮ ᠠᠢᠯᠠᠳᠠᠭᠣᠯᠣᠭᠰᠠᠨ ᠣ ᠣᠴᠢᠷ ᠠᠴᠠ ᠵᠣᠷᠢᠭᠲᠤ ᠴᠢᠨ ᠸᠠᠩ ᠦᠭ᠌ᠱᠠᠨ ᠦᠨᠡᠬᠡᠷ ᠡᠷᠳᠡᠨᠢ ᠪᠠᠢᠨᠠ ᠬᠡᠮᠡᠨ ᠮᠠᠭᠲᠠᠵᠤ ᠳᠠᠷᠬᠠᠨ ᠡᠷᠳᠡᠨᠢ ᠪᠠᠨᠳᠢᠳᠠ ᠬᠡᠮᠡᠨ ᠴᠤᠯᠯᠠᠭᠰᠠᠨ ᠪᠠᠢᠨᠠ᠃ ᠲᠣᠰ ᠯᠠᠮᠠ ᠶᠢᠨ ᠬᠤᠶᠠᠳᠣᠭᠠᠷ ᠳᠦᠷᠢ ᠨᠢ ᠦᠨᠳᠦᠷ ᠸᠠᠩ ᠤᠨ ᠬᠤᠷᠤᠭᠠ ᠤᠷᠴᠢᠨ ᠲᠦᠷᠦᠯ ᠠᠷᠠᠯᠵᠢᠵᠣ ᠪᠠᠷᠠᠭᠤᠨ ᠣᠷᠣᠨ ᠳ᠋ᠥ ᠨᠤᠮ ᠰᠣᠷᠣᠵᠣ ᠢᠷᠡᠭᠡᠳ ᠭᠡᠷ ᠲᠦ ᠪᠠᠨ ᠲᠦᠷᠬᠦᠮᠴᠢᠯᠡᠬᠦ ᠪᠡᠷ ᠣᠴᠢᠬᠤ ᠳ᠋ᠥ ᠦᠨᠳᠦᠷ ᠸᠠᠩ ᠲᠠᠢ ᠬᠠᠷᠭᠤᠵᠤ ᠸᠠᠩ ᠱᠣᠭᠯᠠᠭᠰᠠᠨ ᠣ ᠣᠴᠢᠷ ᠠᠴᠠ ᠭᠡᠭᠡᠨ ᠷᠢᠳᠢ ᠰᠢᠳᠢ ᠦᠵᠡᠭᠦᠯᠦᠨ ᠸᠠᠩ ᠪᠢᠰᠢᠷᠡᠵᠦ ᠸᠠᠩ ᠤᠨ ᠬᠤᠷᠤᠭᠠᠨ ᠳ᠋ᠥ ᠪᠠᠨ ᠵᠠᠯᠠᠨ ᠬᠤᠷᠣᠭᠠᠨ ᠰᠦᠮᠡ ᠬᠡᠮᠡᠨ ᠰᠦᠮᠡ ᠪᠠᠷᠢᠵᠣ ᠦᠭᠴᠡᠢ᠃ ᠬᠤᠵᠢᠮ ᠨᠢᠡ ᠭᠡᠭᠡᠨ ᠣ ᠬᠠᠪᠤᠷᠵᠢᠶᠠ ᠪᠤᠯᠤᠨ ᠬᠤᠪᠢᠷᠠᠵᠤ ᠪᠠᠢᠪᠠ᠃ ᠭᠡᠭᠡᠨ ᠣ ᠭᠤᠷᠪᠠᠳᠣᠭᠠᠷ ᠳᠦᠷᠢ ᠨᠢ ᠳᠠᠷᠬᠠᠨ ᠸᠠᠩ ᠤᠨ ᠭᠡᠷ ᠪᠦᠯᠢ ᠳ᠋ᠥ ᠲᠦᠷᠦᠯ ᠠᠷᠠᠯᠵᠢᠵᠤ᠂ ᠵᠡᠭᠦᠨ ᠭᠡᠭᠡᠨ᠂ ᠮᠤᠷᠢᠨ ᠭᠡᠭᠡᠨ ᠠᠬᠠ ᠳᠡᠭᠦᠦ ᠭᠤᠷᠪᠠᠭᠤᠯᠠ ᠪᠠᠢᠪᠠ᠃ ᠭᠤᠷᠪᠠᠳᠣᠭᠠᠷ ᠭᠡᠭᠡᠨ ᠸᠠᠩ ᠤᠨ ᠭᠡᠷ ᠪᠦᠯᠢ ᠳ᠋ᠥ ᠲᠦᠷᠦᠭᠰᠡᠨ ᠣ ᠣᠴᠢᠷ ᠠᠴᠠ ᠲᠣᠭᠰᠢᠨ ᠪᠠᠢᠵᠣ ᠭᠣᠷᠪᠠᠳᠣᠭᠠᠷ ᠸᠠᠩ ᠪᠠᠨᠳᠢ ᠶᠢ ᠴᠦ ᠴᠣᠬᠢᠳᠠᠭ ᠪᠠᠢᠯᠠ᠃ ᠬᠤᠵᠢᠮ ᠨᠢ ᠡᠩᠬᠡ ᠠᠮᠣᠭᠣᠯᠠᠩ ᠬᠠᠭᠠᠨ ᠬᠣᠷᠴᠢᠨ ᠳ᠋ᠥ ᠰᠠᠭᠠᠲᠠᠭᠠᠳ ᠠᠩ ᠳ᠋ᠥ ᠶᠠᠪᠤᠵᠤ ᠡᠵᠡᠨ ᠬᠡᠢᠳ ᠦᠨ ᠣᠷᠴᠢᠮ ᠪᠤᠭᠤ ᠠᠪᠠᠯᠠᠵᠤ ᠪᠠᠢᠭᠠᠳ ᠭᠡᠭᠡᠨ ᠲᠠᠢ ᠬᠠᠷᠭᠤᠵᠤ ᠭᠡᠭᠡᠨ ᠬᠠᠭᠠᠨ ᠢ ᠦᠵᠡᠨ ᠵᠤᠯᠭᠤᠭᠰᠠᠨ ᠦᠭᠡᠢ ᠡᠴᠡ ᠬᠠᠭᠠᠨ ᠦᠵᠡᠵᠦ ᠶᠡᠬᠡᠲᠡ ᠬᠢᠯᠢᠩᠯᠡᠵᠦ ᠠᠯᠠᠬᠤ ᠭᠡᠰᠡᠨ ᠳ᠋ᠥ ᠭᠡᠭᠡᠨ ᠡᠷᠳᠡᠮ ᠦᠵᠡᠭᠦᠯᠵᠦ ᠦᠭᠡᠢ ᠪᠤᠯᠤᠭᠰᠠᠨ ᠠᠴᠠ ᠬᠠᠭᠠᠨ ᠠᠷᠭᠠ ᠮᠤᠬᠤᠷᠳᠠᠨ ᠡᠷᠢᠵᠦ ᠶᠠᠪᠤᠵᠤ ᠪᠠᠢᠭᠰᠠᠭᠠᠷ ᠪᠤᠭᠤ ᠤᠯᠠᠨ ᠭᠠᠵᠠᠷ ᠣᠴᠢᠵᠤ ᠵᠠᠮ ᠨᠢ ᠮᠣᠬᠣᠷᠳᠠᠭᠠᠳ ᠭᠠᠷᠬᠤ ᠵᠠᠮ ᠦᠭᠡᠢ ᠪᠤᠯᠤᠭᠰᠠᠨ ᠠᠴᠠ ᠭᠡᠭᠡᠨ ᠬᠠᠭᠠᠨ ᠡᠵᠡᠨ ᠢ ᠰᠦᠮᠡ ᠤᠷᠤᠭᠤ ᠪᠠᠨ ᠠᠪᠤᠭᠠᠳ ᠣᠷᠣᠭᠰᠠᠨ ᠠᠴᠠ ᠡᠵᠡᠨ ᠬᠠᠭᠠᠨ ᠶᠡᠬᠡᠳᠡ ᠰᠡᠳᠭᠢᠯ ᠳᠤᠭᠳᠤᠯᠵᠤ ᠳᠠᠷᠬᠠᠨ ᠳᠠᠢᠴᠢᠩ ᠪᠠᠨᠳᠢᠳᠠ ᠬᠤᠳᠤᠭᠲᠤ︽ ᠳᠠᠢᠴᠢᠩ ᠴᠣᠯᠠ ᠬᠠᠢᠷᠠᠯᠠᠭᠰᠠᠨ︾ ᠬᠡᠮᠡᠨ ᠴᠤᠯᠠ ᠬᠠᠢᠷᠠᠯᠠᠭᠰᠠᠨ ᠪᠠᠢᠨᠠ
