- ᠰᠠᠶᠢᠵᠢᠷᠠ
30375
ᠮᠠᠯᠴᠢᠳ ᠤᠨ ᠬᠠᠳᠤᠯᠠᠩ ᠤᠨ ᠲᠤᠬᠠᠢ
2018-10-28 15:17
106
0
ᠡᠷᠡᠭᠡᠨ ᠂ ᠰᠠᠶᠢᠵᠢᠷᠠ
ᠬᠦᠯᠥᠨ ᠪᠤᠶᠢᠷ ᠨᠤᠲᠤᠭ ᠢᠶᠠᠷ
ᠬᠦᠷᠥᠰᠥ ᠭᠠᠵᠠᠷ ᠨᠢ ᠰᠢᠮᠡᠵᠢᠨ ᠂
ᠬᠦᠬᠡ ᠨᠤᠭᠤᠭᠠ ᠰᠠᠬᠤᠯᠠᠭᠵᠢᠨ
ᠬᠥᠮᠥᠨ ᠂ ᠮᠠᠯ ᠪᠠᠶᠠᠰᠤᠯᠠ ᠃
ᠰᠢᠯᠢ ᠲᠠᠯᠠ ᠬᠦᠨᠳᠡᠢ ᠢᠶᠡᠷ
ᠰᠢᠮᠡ ᠲᠠᠢ ᠪᠡᠯᠴᠢᠭᠡᠷ ᠬᠠᠯᠢᠭᠤᠷᠠᠨ ᠂
ᠬᠤᠷᠠ ᠲᠠᠢ ᠵᠤᠨ ᠣ ᠤᠷᠭᠤᠴᠠ ᠪᠠᠷ
ᠬᠤᠷᠢᠶᠠᠯᠲᠠ ᠬᠠᠳᠤᠯᠠᠩ ᠢᠶᠠᠷ ᠡᠯᠪᠡᠭᠬᠡᠨ ᠃
ᠬᠦᠳᠡᠭᠡ ᠨᠤᠲᠤᠭ ᠤᠨ ᠮᠠᠯᠴᠢᠳ
ᠬᠦᠴᠥᠲᠥ ᠲᠠᠷᠺᠠᠲᠤᠷ ᠬᠦᠯᠥᠭᠯᠡᠨ ᠂
ᠬᠦᠬᠡ ᠨᠤᠭᠤᠭᠠᠨ ᠡᠪᠡᠰᠥ ᠶᠢ
ᠬᠦᠪᠥᠷᠡᠭᠥᠯᠥᠨ ᠬᠢᠶᠠᠷ ᠤᠨᠠᠭᠠᠭᠠᠨᠠ ᠃
ᠬᠠᠳᠤᠵᠥ ᠬᠠᠮᠤᠬᠤ ᠪᠤᠭᠤᠲᠠᠯᠯᠠᠬᠤ
ᠬᠠᠳᠬᠤᠨ ᠲᠡᠭᠡᠭᠡᠬᠥ ᠪᠠᠭᠤᠯᠭᠠᠬᠤ ᠂
ᠬᠠᠰᠢᠶᠠᠯᠠᠨ ᠵᠥᠭᠡᠭᠡᠵᠦ ᠨᠥᠭᠡᠴᠡᠯᠡᠬᠥ
ᠬᠠᠮᠤᠭ ᠠᠵᠢᠯ ᠨᠢ ᠮᠠᠰᠢᠨᠠᠴᠢᠯᠠᠨᠨᠠ ᠃
ᠬᠦᠳᠡᠯᠮᠥᠷᠢ ᠂ ᠴᠠᠭ ᠪᠡᠨ ᠭᠠᠮᠨᠠᠨ
ᠬᠥᠯᠥᠰᠥᠨ ᠵᠠᠷᠤᠳᠠᠯ ᠢ ᠴᠦ ᠠᠷᠪᠢᠯᠠᠨᠠ ᠃
ᠬᠦᠬᠡ ᠨᠤᠭᠤᠭᠠᠨ ᠢᠶᠠᠷ ᠨᠢ ᠬᠠᠳᠠᠭᠠᠯᠠᠨ
ᠬᠥᠷᠥᠯᠴᠡᠭᠡᠨ ᠡᠴᠡ ᠢᠯᠡᠭᠦᠴᠡ ᠶᠢ ᠨᠢ ᠬᠤᠳᠠᠯᠳᠤᠨᠠ ᠃
ᠮᠠᠰᠢᠨᠠᠴᠢᠯᠠᠯᠲᠠ ᠤᠯᠠᠮ ᠲᠦᠬᠥᠭᠡᠷᠵᠢᠵᠥ
ᠮᠠᠯᠵᠢᠬᠤ ᠤᠷᠤᠨ ᠬᠦᠭᠵᠢᠨᠡ ᠂
ᠮᠠᠯᠴᠢᠳ ᠤᠨ ᠬᠤᠶᠢᠴᠢᠰ ᠰᠤᠶᠤᠯᠵᠢᠨ
ᠮᠠᠯᠴᠢᠨ ᠣ ᠢᠷᠥᠭᠡᠳᠥᠢ ᠥᠭᠡᠳᠡᠯᠡᠨᠡ ᠃
ᠡᠪᠳᠡᠭᠳᠡᠯ ᠪᠤᠬᠢᠷᠳᠠᠭᠤᠯᠤᠯ ᠦᠭᠡᠢ ᠪᠤᠯ
ᠡᠷᠭᠢᠵᠥ ᠠᠮᠢᠯᠠᠳᠠᠭ ᠪᠠᠶᠢᠭᠠᠯᠢ ᠂
ᠡᠷᠳᠡᠨᠢ ᠶᠢᠨ ᠦᠯᠥᠭᠡᠢ ᠨᠢ ᠲᠤᠩᠬᠠ ᠪᠤᠯ
ᠡᠵᠡᠨ ᠮᠠᠯᠴᠢᠳ ᠨᠢ ᠵᠢᠷᠭᠠᠯ ᠲᠠᠢ ᠪᠢᠯᠨ ᠃
ᠡᠷᠡᠭᠡᠨ ᠂ ᠪᠢᠯᠢᠭ᠍ᠪᠠᠰᠠᠩ ᠂
2018.9.20 ᠳ᠋ᠥ
ᠬᠠᠶᠢᠯᠠᠷ ᠬᠤᠲᠠᠨᠠ ᠪᠢᠴᠢᠪᠡ ᠃
