-
16999
ᠡᠬᠡ ᠪᠠᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠶᠠ
2021-08-26 15:48
160
0
ᠡᠬᠡ ᠪᠠᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠶᠠ
6.5 ᠳᠡᠯᠡᠬᠡᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠡᠳᠦᠷ ᠲᠦ ᠵᠤᠷᠢᠭᠤᠯᠪᠠ᠃
ᠳ᠋ᠸᠴᠢᠨ
ᠲᠦᠷᠦᠯᠬᠢ ᠰᠠᠢᠬᠠᠨ ᠨᠤᠲᠤᠭ ᠢᠶᠠᠨ
ᠲᠤᠭᠲᠠᠭᠤᠨ ᠰᠠᠢᠬᠠᠨ ᠬᠠᠮᠠᠭᠠᠯᠠᠶᠠ
ᠲᠤᠷᠮᠤᠭᠤᠷ ᠨᠢᠳᠦ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠰᠢᠭ
ᠲᠤᠭᠤᠰᠤ ᠬᠦᠷᠭᠡᠯ ᠦᠭᠡᠢ ᠬᠠᠢᠷᠠᠯᠠᠶᠠ᠃
ᠠᠭᠤᠳᠠᠮ ᠰᠠᠢᠬᠠᠨ ᠨᠤᠲᠤᠭ ᠢᠶᠠᠨ
ᠤᠩᠭᠤᠨ ᠳᠦᠷᠦᠬᠦ ᠪᠡᠷ ᠨᠢ ᠪᠠᠢᠯᠭᠠᠶᠠ
ᠤᠰᠤ ᠠᠭᠠᠷ ᠬᠦᠷᠦᠰᠦ ᠪᠡᠨ
ᠦᠪᠡᠷ ᠦᠨ ᠪᠡᠶᠡ ᠰᠢᠭ ᠢᠶᠡᠨ ᠨᠠᠨᠳᠢᠩᠨᠠᠶᠠ᠃
ᠨᠤᠮᠢᠨ ᠴᠡᠩᠬᠡᠷ ᠨᠤᠲᠤᠭ ᠢᠶᠠᠨ
ᠨᠤᠭᠤᠭᠠᠨ ᠦᠩᠬᠡ ᠪᠡᠷ ᠨᠢ ᠬᠠᠮᠠᠭᠠᠯᠠᠶᠠ
ᠨᠠᠰᠤᠨ ᠳᠤᠷᠰᠢᠲᠠ ᠳᠠᠭᠠᠨ ᠡᠳ᠋ᠯᠡᠬᠦ
ᠨᠠᠷᠠᠲᠦ ᠶᠢᠨ ᠬᠤᠷᠸᠠ ᠡᠨᠡ ᠰᠢᠦ᠃
ᠪᠦᠮᠪᠦᠷᠴᠢᠭ ᠳᠡᠯᠡᠬᠡᠢ ᠨᠢᠭᠡ ᠯᠡ ᠰᠢᠦ
ᠪᠤᠬᠢᠷᠳᠤᠯ ᠦᠬᠡᠢ ᠬᠠᠮᠠᠭᠠᠯᠠᠶᠠ
ᠪᠦᠭᠦᠳᠡ ᠤᠯᠠᠨ ᠢᠶᠠᠷ ᠢᠶᠠᠨ ᠬᠦᠳᠡᠯᠦᠯᠴᠡᠵᠦ
ᠪᠦᠲᠦᠨ ᠰᠠᠢᠬᠠᠨ ᠪᠠᠢᠯᠭᠠᠶᠠ᠃
ᠪᠠᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠵᠢᠮᠡ ᠶᠢ
ᠪᠠᠷᠢᠮᠲᠠᠯᠠᠵᠦ ᠬᠦᠨᠳᠦᠳᠭᠡᠵᠦ ᠶᠠᠪᠤᠶᠠ
ᠪᠤᠯᠠᠭᠳᠠᠴᠠ ᠠᠭᠤᠷᠬᠠᠢ ᠶᠢ ᠨᠢ ᠬᠠᠮᠠᠭᠠᠯᠠᠵᠦ
ᠪᠢᠯᠢᠭ ᠤᠬᠠᠭᠠᠨ ᠳᠠᠭᠠᠨ ᠳᠡᠭᠡᠳᠦᠯᠡᠶᠡ᠃
ᠬᠦᠮᠦᠨ ᠪᠠᠢᠭᠠᠯᠢ ᠵᠤᠬᠢᠴᠠᠯ ᠲᠠᠢ
ᠬᠦᠮᠦᠯᠢᠭ ᠦᠵᠡᠯ ᠶᠢ ᠡᠷᠬᠢᠮᠯᠡᠶᠡ
ᠬᠦᠵᠢ ᠳᠡᠯᠡᠬᠡᠢ ᠪᠡᠨ ᠨᠠᠨᠳᠢᠩᠨᠡᠬᠦ ᠨᠢ
ᠬᠦᠮᠦᠨ ᠪᠦᠬᠦᠨ ᠦ ᠬᠠᠷᠢᠭᠤᠴᠠᠯᠭᠠ ᠰᠢᠦ᠃
