-
10862
ᠰᠢᠨᠡ ᠣᠨ ᠤ ᠪᠣᠱᠣᠭᠠᠨ ᠳᠡᠭᠡᠷᠡ
2016-12-31 21:52
216
0
ᠪᠦᠲᠦᠨ ᠵᠢᠯ ᠦᠨ ᠡᠮᠦᠨᠡ ᠡᠨᠡ ᠮᠡᠲᠦ ᠪᠡᠷ ᠥᠩᠭᠡᠷᠡᠨ ᠣᠳᠬᠤ ᠵᠢᠯ ᠪᠠᠶᠠᠷ ᠲᠠᠢ ᠪᠤᠶᠤ ᠭᠤᠨᠢᠭᠲᠠᠢ ᠪᠠᠶᠢᠬᠤ ᠨᠢ ᠢᠯᠭᠠᠭᠠ ᠦᠭᠡᠢ ᠦᠳᠡᠨ ᠰᠢᠨᠡ ᠣᠨ ᠳᠤ ᠪᠠᠨ ᠢᠨᠢᠶᠡᠮᠰᠦᠭᠯᠡᠨ ᠣᠷᠣᠬᠤ ᠭᠡᠵᠦ ᠪᠢᠰᠢᠭᠦᠢ ᠣᠯᠠᠨ ᠢ ᠡᠷᠭᠢᠴᠡᠭᠦᠯᠦᠨ᠂ ᠮᠥᠨᠴᠦ ᠣᠯᠠᠨ ᠶᠠᠭᠤᠮᠠ ᠲᠥᠰᠥᠭᠡᠯᠡᠨ ᠪᠣᠳᠣᠵᠤ ᠪᠠᠶᠢᠭᠰᠠᠨ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠥᠨᠥᠳᠥᠷ ᠴᠤ ᠬᠠᠭᠤᠴᠢᠨ ᠣᠨ ᠤ ᠦᠳᠡᠯᠲᠡ᠂ ᠰᠢᠨᠡ ᠣᠨ ᠤ ᠤᠭᠲᠤᠯᠲᠠ ᠶᠢᠨ ᠰᠡᠳᠬᠢᠯᠭᠡ ᠶᠣᠰᠣ ᠪᠠᠷ ᠢᠶᠠᠨ ᠣᠷᠭᠢᠯᠵᠤ ᠪᠠᠶᠢᠨᠠᠮ᠃
ᠬᠥᠮᠥᠨ ᠪᠦᠷᠢ ᠣᠨ ᠤ ᠪᠣᠰᠣᠭᠠᠨ ᠳᠡᠭᠡᠷᠡ ᠪᠣᠯᠬᠤ ᠪᠠᠷ ᠨᠢ ᠡᠷᠬᠡ ᠦᠭᠡᠢ ᠰᠡᠳᠬᠢᠯ ᠬᠥᠪᠬᠢᠵᠦ᠂ ᠰᠢᠨᠡ ᠳᠦ ᠣᠷᠣᠬᠤ ᠶᠢᠨ ᠳᠣᠭᠳᠣᠯᠤᠯ ᠳᠤ ᠠᠪᠲᠠᠳᠠᠭ ᠨᠢ ᠪᠢᠯᠡ᠃ ᠭᠡᠲᠡᠯᠡ ᠡᠨᠡ ᠨᠢ ᠦᠨᠡᠨᠲᠡᠭᠡᠨ ᠰᠢᠨᠡ ᠨᠢᠭᠡ ᠲᠣᠭᠠᠨ ᠤ ᠦᠶᠡᠯᠡᠯ ᠡᠬᠢᠯᠡᠵᠦ ᠪᠠᠶᠢᠭᠠ ᠯᠡ ᠲᠡᠳᠦᠢ᠂ ᠬᠠᠷᠢᠨ ᠪᠢᠳᠡ ᠴᠢᠨᠢ ᠡᠳᠦᠷ ᠪᠦᠷᠢ ᠰᠢᠨᠡ ᠡᠳᠦᠷ ᠢ ᠤᠭᠲᠤᠵᠤ᠂ ᠥᠩᠭᠡᠷᠡᠨ ᠣᠳᠣᠭᠴᠢ ᠴᠠᠭ ᠮᠥᠴᠡ ᠪᠤᠴᠠᠯ ᠦᠭᠡᠢ ᠨᠢ ᠳᠠᠮᠵᠢᠭ ᠦᠭᠡᠢ ᠲᠤᠯᠠ ᠦᠳᠡᠰᠢ ᠪᠣᠯᠭᠠᠨ ᠤᠨᠲᠠᠬᠤ ᠠᠴᠠ ᠡᠮᠦᠨᠡ ᠶᠠᠭ ᠣᠳᠣ ᠶᠢᠨ ᠬᠢ ᠰᠢᠭ᠋ ᠤᠳᠠᠯ ᠦᠭᠡᠢ ᠰᠢᠨᠡ ᠡᠬᠢᠯᠡᠯ ᠪᠣᠯᠬᠤ ᠨᠢ ᠭᠡᠬᠦ ᠰᠠᠶᠢᠬᠠᠨ ᠪᠣᠳᠣᠯ ᠲᠠᠢ ᠪᠠᠷ ᠨᠣᠶᠢᠷ ᠲᠤ ᠪᠠᠨ ᠣᠷᠣᠵᠤ᠂ ᠥᠷᠯᠥᠭᠡ ᠨᠣᠶᠢᠷ ᠠᠴᠠ ᠪᠠᠨ ᠰᠡᠷᠢᠮᠡᠭᠴᠡ ᠯᠡ ᠶᠠᠭ ᠮᠠᠷᠭᠠᠰᠢ ᠡᠷᠲᠡ ᠰᠡᠷᠢᠭᠡᠳ᠂ ᠪᠢᠳᠡ ᠴᠢᠨᠢ ᠰᠢᠨᠡ ᠨᠢᠭᠡᠨ ᠣᠨ ᠳᠤ ᠣᠷᠣᠭᠰᠠᠨ ᠭᠡᠵᠦ ᠳᠣᠭᠳᠣᠯᠬᠤ ᠲᠠᠢ ᠪᠠᠨ ᠠᠳᠠᠯᠢ ᠪᠠᠷ ᠥᠭᠡᠳᠡᠷᠬᠡᠭ ᠪᠠᠶᠢᠶᠠ︕
ᠪᠢᠳᠡ ᠡᠶᠢᠨ ᠬᠦ ᠰᠡᠳᠬᠢᠯ ᠦᠨ ᠬᠦᠴᠦᠨ ᠳᠦ ᠪᠡᠨ ᠬᠦᠷᠬᠦ ᠢᠷᠡᠭᠡᠳᠦᠢ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠤᠭᠲᠤᠵᠤ᠂ ᠬᠢᠬᠦ ᠠᠤᠭᠠ ᠦᠢᠯᠡᠰ ᠢᠶᠡᠨ ᠪᠦᠲᠦᠭᠡᠵᠦ ᠶᠠᠪᠤᠬᠤ ᠶᠣᠰᠣᠲᠠᠢ︕
