ᠨᠠᠭᠠᠳᠤᠮ ᠤᠨ ᠭᠦᠷᠢᠶᠡᠨ ᠳᠦ ᠬᠥᠯ ᠭᠢᠰᠭᠢᠭᠡ ᠦᠭᠡᠢ   
ᠨᠠᠢᠷ ᠤᠨ ᠲᠤᠭᠤᠰᠤᠨ ᠳᠤ ᠠᠮᠢᠰᠭᠤᠭ᠎ᠠ ᠲᠠᠲᠠᠭ᠎ᠠ ᠦᠭᠡᠢ   
         
ᠨᠠᠷᠠ ᠰᠠᠯᠬᠢᠨ ᠳᠤ ᠭᠠᠵᠠᠷᠯᠠᠵᠤ ᠶᠠᠪᠤᠭ᠎ᠠ ᠦᠭᠡᠢ   
   
   
   
ᠬᠤᠷᠢᠮ ᠬᠦᠷ ᠲᠦ ᠣᠨᠣᠬᠣ ᠬᠦᠮᠦᠨ ᠦᠭᠡᠢ   
ᠬᠤᠨᠢᠭ  ᠳᠤ ᠭᠡᠪᠡᠯ ᠤᠨᠤᠬᠤ ᠦᠭᠡᠢ ᠬᠦᠮᠦᠨ ᠦᠭᠡᠢ   
ᠬᠤᠲᠠ ᠪᠡᠯᠴᠢᠭᠡᠷ ᠲᠦ ᠪᠡᠨ ᠬᠤᠷᠭᠤᠳᠠᠵᠤ ᠰᠤᠷᠤᠭᠰᠠᠨ   
ᠬᠤᠨᠢᠨ ᠤ ᠪᠤᠷᠤᠯᠠᠭ ᠲᠤ ᠪᠠᠨ ᠪᠢ ᠬᠠᠢᠷᠠᠲᠠᠢ   
   
   
ᠨᠢᠭᠡ ᠨᠠᠰᠣ᠋ ᠪᠠᠷ ᠢᠶᠠᠨ ᠶᠠᠪᠠᠭᠠᠨ ᠭᠦᠶᠦᠯ᠎ᠡ ᠭᠡᠵᠤ   
ᠨᠢᠭᠡᠳᠦᠯ ᠠᠴᠠ ᠵᠦᠪᠰᠢᠶᠡᠷᠡᠯ ᠲᠠᠢ ᠠᠪᠤ ᠶᠢᠨ ᠤᠨᠤᠭᠠᠷᠢ   
ᠨᠢᠮᠭᠡᠨ ᠲᠠᠷᠭᠤ ᠲᠠᠢ ᠪᠤᠷᠤᠯᠠᠭ ᠰᠢᠳᠤᠯᠠᠩ ᠢ   
ᠨᠡᠢᠳᠡ  ᠶᠢᠨ ᠪᠤᠶᠠᠨ ᠢᠶᠠᠷ ᠮᠠᠨ ᠤ ᠬᠢ ᠡᠳ᠋ᠯᠡᠭᠰᠡᠨ ᠶᠥᠮ   
   
ᠡᠮᠡᠭᠡᠯ ᠲᠠᠭᠠᠯᠭᠠᠮᠠᠷ ᠦᠭᠡᠢ ᠬᠦᠭᠡᠷᠦᠭᠦᠢ ᠶᠥᠮ ᠳ᠋ᠠ ᠭᠡᠵᠤ   
ᠡᠴᠢᠭᠡ ᠮᠢᠨᠢ ᠲᠡᠭᠦᠨ ᠢ ᠤᠨᠤᠯ ᠦᠭᠡᠢ ᠦᠯᠡᠳᠡᠭᠡᠵᠦ   
ᠡᠷᠬᠢᠬᠦ ᠶᠢᠨ ᠬᠠᠪᠤᠷ ᠲᠤ ᠨᠢ ᠰᠣᠶᠤᠭᠠᠯᠠᠩ ᠪᠤᠯᠠᠬᠤ ᠪᠠᠷ   
ᠡᠷ᠎ᠡ ᠶᠢ ᠨᠢ ᠬᠠᠭᠰᠠᠭᠠᠵᠤ ᠰᠣᠷᠭᠠᠭᠰᠠᠨ ᠯᠠ ᠶᠤᠮᠰᠠᠨ   
   
ᠠᠷᠪᠢᠨ ᠬᠡᠤᠭᠡᠳ ᠲᠠᠢ ᠮᠠᠨ ᠤ ᠬᠢᠨ ᠳᠦ ᠬᠡᠯᠡᠪᠡᠯ   
ᠠᠯᠢ ᠨᠢ ᠴᠦ ᠭᠡᠰᠡᠨ ᠤᠨᠤᠬᠤ ᠶᠢ ᠳᠤᠷᠠᠯᠠᠨ᠎ᠠ   
ᠠᠪᠤ ᠠᠴᠠ ᠳᠠᠯᠳᠠᠭᠤᠷ ᠬᠤᠨᠢᠨ ᠤ ᠪᠤᠷᠤᠯᠠᠭ ᠢ   
ᠠᠬ᠎ᠠ ᠡᠴᠠ ᠲᠦᠷᠦᠭᠦᠳᠡᠢ ᠲᠦᠷᠦᠭᠡᠯᠡᠵᠦ ᠭᠤᠷᠢᠯᠠᠨ᠎ᠠ   
  
ᠬᠤᠨᠢᠨ ᠤ ᠲᠦᠷᠦᠭᠦᠴᠢ ᠨᠢ ᠦᠵᠡᠭᠳᠡᠬᠦ ᠪᠡᠨ ᠪᠠᠢᠯ᠎ᠠ   
ᠬᠤᠢᠨ᠎ᠠ ᠠᠴᠠ ᠨᠢ ᠮᠤᠷᠳᠠᠬᠤ ᠤᠤ ᠠᠪᠤ ᠡ ᠭᠡᠵᠦ 
ᠬᠤᠷᠤᠬᠠᠢᠳᠠᠢ ᠨᠢ ᠠᠷᠭ᠎ᠠ ᠦᠭᠡᠢ ᠠᠬ᠎ᠠ ᠳᠡᠭᠦᠦ ᠬᠡᠳᠦ 
ᠬᠤᠷᠢᠶᠠᠨ ᠰᠢᠪᠡᠭᠡ ᠵᠦᠭ ᠨᠢᠳᠦ ᠭᠦᠶᠦᠯᠭᠡᠨ᠎ᠡ 
 
ᠠᠯᠬᠤᠵᠤ ᠬᠦᠯ ᠨᠢ ᠲᠠᠮᠪᠠᠷᠠᠭᠰᠠᠨ ᠲᠠᠮᠰᠢᠭ 
ᠠᠮᠢᠲᠠᠨ ᠤ ᠦᠢᠯᠡ ᠶᠢ ᠪᠠᠷᠠᠬᠤ ᠨᠢ ᠭᠡᠵᠦ 
ᠠᠪᠤ ᠵᠦᠩᠳᠡᠭᠡᠨ ᠠᠭᠤᠷᠯᠠᠳᠠᠭ ᠪᠠᠢᠯ᠎ᠠ ᠴᠦ 
ᠠᠯᠢ    
 
      
 ᠮᠣᠷᠢ ᠪᠢᠳᠡᠨ  ᠳ᠋ᠦ ᠭᠤᠮᠤᠳᠠᠭ᠎ᠠ ᠦᠭᠡᠢ
ᠪᠤᠯᠠᠵᠠᠢ ᠳ᠋ᠠ ᠬᠦᠭᠡᠷᠦᠬᠦᠢ ᠬᠡᠥᠬᠡᠳ ᠶᠤᠮ ᠴᠢᠨᠢ ᠳ᠋ᠠ ᠭᠡᠬᠦ ᠰᠢᠭ
ᠪᠤᠱᠤᠭ᠎ᠠ ᠲᠠᠪᠠᠮᠠᠭᠴᠠᠨ ᠭᠦᠭᠦᠳᠦᠨᠡᠨ ᠲᠠᠭᠤᠭᠳᠠᠳᠠᠭ ᠰᠠᠨ

ᠠᠯᠤᠰ ᠲᠦ ᠶᠠᠪᠤᠭ᠎ᠠ ᠦᠭᠡᠢ᠂ ᠠᠳᠣᠭᠤᠨ ᠳ᠋ᠦ ᠨᠡᠢᠯᠡᠭᠡ ᠦᠭᠡᠢ
ᠠᠪᠤ ᠶᠢᠨ ᠪᠤᠷᠤᠯᠠᠭ ᠲᠦ ᠪᠡᠨ ᠪᠢ ᠬᠠᠢᠷᠠᠲᠠᠢ
ᠠᠷᠠᠳ ᠤᠨ ᠬᠤᠨᠢᠴᠢᠨ  ᠦ ᠬᠦᠯ ᠢ ᠠᠮᠠᠷᠠᠭᠠᠭᠰᠠᠨ
ᠠᠩᠬᠠᠨ ᠤ ᠬᠢᠨᠢ ᠤᠨᠤᠭᠠᠷᠢ ᠲᠡᠷᠡ ᠯᠡ ᠪᠠᠢᠭᠰᠠᠨ ᠶᠤᠮ᠃