-
2105029
ᠴᠠᠢ ᠳᠤ ᠶᠠᠮᠠᠷ ᠰᠢᠮᠠ ᠳᠡᠵᠢᠭᠡᠯᠳᠤ ᠪᠤᠳᠠᠰ ᠪᠤᠯᠤᠨ ᠡᠮᠴᠢᠯᠡᠭᠡᠨ ᠤ ᠤᠢᠢᠯᠡᠳᠤᠯ ᠪᠠᠶᠢᠬᠤ ᠪᠤᠢ
2019-06-06 09:32
169
0
ᠴᠠᠢ ᠳᠤ ᠤᠭᠤᠷᠠᠬ᠂ ᠦᠭᠡᠬᠦ᠂ ᠰᠢᠬᠢᠷ ᠤᠨ ᠵᠦᠢᠯ᠂ ᠪᠦᠳᠤᠭᠦᠨ ᠰᠢᠷᠭᠡᠭᠯᠢᠭ᠂ ᠺᠠᠯᠼ᠂ ᠹᠤᠰᠹᠤᠷ᠂ ᠳᠠᠮᠤᠷ᠂
ᠬᠤᠯᠤᠤᠪᠠᠩ ᠤᠨ ᠡᠳ᠋᠂ ᠸᠢᠲ᠋ᠠᠮᠢᠨ B1᠂ ᠸᠢᠲ᠋ᠠᠮᠢᠨ B2᠂ ᠸᠢᠲ᠋ᠠᠮᠢᠨ C ᠵᠡᠷᠭᠡ ᠰᠢᠮᠠ ᠳᠡᠵᠢᠭᠡᠯᠳᠤ ᠪᠤᠳᠠᠰ ᠠᠭᠤᠯᠤᠬᠳᠠᠬᠤ ᠠᠴᠠ ᠭᠠᠳᠠᠨᠠ ᠪᠠᠰᠠ ᠴᠠᠢ ᠶᠢᠨ ᠹᠧᠨᠤᠯᠳᠤ ᠶᠢᠨ ᠳᠦᠷᠤᠯ᠂ ᠠᠮᠢᠳᠤ ᠪᠤᠳᠠᠰ ᠤᠨ ᠱᠦᠯᠳᠤ ᠶᠢᠨ ᠳᠦᠷᠤᠯ᠂ ᠹᠠᠯᠸᠤᠨ ᠤ ᠳᠦᠷᠤᠯ᠂ ᠴᠠᠢ ᠶᠢᠨ ᠵᠦᠭᠡᠯᠡᠷᠡᠭᠦᠯᠬᠦ ᠡᠳ᠋᠂ ᠦᠨᠤᠷᠳᠤ ᠳᠤᠰᠤ ᠶᠢᠨ ᠨᠢᠭᠡᠳᠤᠯ ᠬᠢᠭᠡᠳ ᠪᠢᠴᠢᠯ ᠡᠯᠧᠮᠧᠨ᠋ᠲ ᠪᠤᠯᠬᠤ ᠹᠯᠤᠷ᠂ ᠮᠠᠩᠭᠠᠨ᠂ ᠮᠤᠯᠢᠪᠳᠧᠨ ᠵᠡᠷᠭᠡ ᠠᠭᠤᠯᠤᠬᠳᠠᠵᠤ ᠪᠤᠢ᠃ ᠴᠠᠢ ᠳᠤᠳᠤᠷᠠ ᠪᠠᠰᠠ ᠡᠯᠪᠡᠭ ᠳᠡᠯᠪᠡᠭ ᠨᠠᠪᠴᠢᠨ ᠬᠦᠴᠢᠯ ᠠᠭᠤᠯᠵᠤ ᠪᠠᠶᠢᠳᠠᠬ᠃
ᠡᠮᠴᠢᠯᠡᠭᠡᠨ ᠤ ᠤᠢᠢᠯᠡᠳᠤᠯ ᠤᠨ ᠳᠠᠯᠠ ᠪᠠᠷ ᠴᠠᠢ ᠪᠤᠯ ᠭᠠᠰᠢᠭᠤᠨ ᠠᠮᠳᠠᠳᠠᠢ᠂ ᠰᠡᠷᠢᠭᠦᠨ ᠴᠢᠨᠠᠷᠳᠠᠢ᠂ ᠭᠤᠤᠯᠳᠠᠭᠤ ᠴᠢᠴᠠᠭᠠ
ᠠᠯᠳᠠᠬᠤ ᠶᠢ ᠵᠠᠰᠠᠬᠤ᠂ ᠬᠤᠤᠷᠠ ᠶᠢ ᠳᠠᠶᠢᠯᠬᠤ᠂ ᠬᠠᠯᠠᠭᠤᠨ ᠢ ᠳᠠᠷᠤᠬᠤ᠂ ᠨᠠᠷᠠᠰᠢᠬᠰᠠᠨ ᠢ ᠳᠠᠷᠤᠬᠤ᠂ ᠢᠳᠡᠭᠡᠨ ᠢ ᠰᠢᠩᠭᠡᠭᠡᠬᠦ᠂ ᠰᠢᠭᠡᠯᠭᠡᠬᠦ᠂ ᠵᠢᠷᠤᠬᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠵᠡᠷᠭᠡ ᠤᠢᠢᠯᠡᠳᠤᠯ ᠲᠠᠢ ᠶᠤᠮ᠃
ᠤᠳᠤ ᠦᠶᠠ ᠶᠢᠨ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠤ ᠰᠤᠳᠤᠯᠤᠯᠳᠠ ᠳᠤ ᠨᠤᠳᠠᠯᠠᠬᠰᠠᠨ ᠢᠶᠠᠷ᠂ ᠴᠠᠢ ᠶᠢᠨ ᠳᠤᠳᠤᠷᠠᠬᠢ ᠭᠠᠮᠪᠠᠷ
ᠴᠠᠢ ᠶᠢᠨ ᠬᠦᠴᠢᠯ ᠪᠤᠯᠤᠨ ᠸᠢᠲ᠋ᠠᠮᠢᠨ C ᠬᠢᠭᠡᠳ ᠸᠢᠲ᠋ᠠᠮᠢᠨ P ᠨᠢ ᠴᠢᠰᠤᠨ ᠰᠤᠳᠠᠯ ᠤᠨ ᠵᠦᠭᠡᠯᠡᠨ ᠬᠠᠷᠢᠮᠠᠬᠠᠢ ᠴᠢᠨᠠᠷ᠂ ᠤᠶᠠᠨ ᠬᠠᠳᠠᠨ ᠴᠢᠨᠠᠷ ᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠴᠢᠰᠤᠨ ᠳᠠᠬᠢ ᠺᠤᠯᠧᠰᠲ᠋ᠧᠷᠤᠯ ᠢ ᠪᠠᠭᠤᠷᠠᠭᠤᠯᠤᠨ᠂ ᠡᠯᠢᠭᠡᠨ ᠳᠤᠳᠤᠷᠠ ᠦᠭᠡᠬᠦ ᠬᠤᠷᠠᠮᠳᠤᠬᠤ ᠶᠢ ᠰᠡᠷᠭᠡᠶᠢᠯᠡᠵᠤ᠂ ᠴᠠᠢ ᠶᠢᠨ ᠳᠤᠳᠤᠷᠠᠬᠢ ᠳᠠᠨᠢᠨ ᠬᠦᠴᠢᠯ ᠨᠢ ᠳᠠᠮᠦᠷᠯᠢᠭ ᠪᠤᠯᠤᠨ ᠱᠦᠯᠳᠤ ᠶᠢᠨ ᠳᠦᠷᠤᠯ ᠤᠨ ᠪᠤᠳᠠᠰ ᠲᠠᠢ ᠤᠶᠠᠯᠳᠤᠵᠤ᠂ ᠳᠡᠭᠦᠨ ᠢ ᠳᠤᠩᠭᠠᠨ᠂ ᠬᠦᠮᠤᠨ ᠤ ᠪᠡᠶᠠ ᠬᠤᠤᠷᠳᠤ ᠪᠤᠳᠠᠰ ᠢ ᠰᠢᠩᠭᠡᠭᠡᠨ ᠠᠪᠬᠤ ᠶᠢ ᠤᠳᠠᠭᠠᠰᠢᠷᠠᠭᠤᠯᠬᠤ ᠤᠢᠢᠯᠡᠳᠤᠯ ᠲᠠᠢ ᠪᠦᠭᠡᠳ ᠬᠤᠤᠷᠳᠠᠯᠭᠠ ᠶᠢ ᠰᠡᠷᠭᠡᠶᠢᠯᠡᠨ ᠵᠠᠰᠠᠳᠠᠬ ᠪᠠᠶᠢᠨᠠ᠃ ᠴᠠᠢ ᠳᠤ ᠪᠠᠰᠠ ᠠᠷᠢᠭᠤᠳᠬᠠᠨ ᠪᠠᠺᠲ᠋ᠧᠷᠢ ᠶᠢ ᠤᠰᠠᠳᠬᠠᠬᠤ ᠪᠠ ᠰᠢᠷᠬᠠ ᠶᠢᠨ ᠳᠦᠷᠭᠡᠨ ᠡᠳᠡᠭᠡᠷᠡᠬᠦ ᠶᠢ ᠠᠬᠢᠭᠤᠯᠬᠤ ᠤᠢᠢᠯᠡᠳᠤᠯ ᠲᠠᠢ ᠪᠦᠭᠡᠳ ᠦᠮᠡᠨ ᠢ ᠰᠡᠷᠭᠡᠶᠢᠯᠡᠬᠦ ᠤᠢᠢᠯᠡᠳᠤᠯ ᠲᠠᠢ ᠶᠤᠮ᠃ ᠴᠠᠢ ᠪᠠᠷ ᠡᠪᠡᠳᠴᠢᠨ ᠵᠠᠰᠠᠬᠤ ᠠᠷᠭᠠ᠄
● ᠬᠠᠷᠠ ᠴᠠᠢ 15 ᠭᠷᠡᠮ᠂ ᠰᠤᠩᠬᠢᠨᠠ ᠶᠢᠨ ᠴᠠᠭᠠᠨ᠂ ᠨᠦᠢᠳᠠᠨ ᠭᠠ ᠶᠢᠨ ᠬᠡᠷᠴᠢᠮᠡᠯ ᠳᠤᠰᠪᠤᠷᠢ 25 ᠭᠷᠡᠮ ᠢ
ᠤᠰᠤᠨ ᠳᠤ ᠴᠢᠨᠠᠵᠤ ᠤᠤᠭᠤᠪᠠᠯ ᠰᠠᠯᠬᠢ ᠬᠦᠢᠳᠡᠨ ᠠᠴᠠ ᠪᠤᠯᠵᠤ ᠬᠢᠮᠤᠷᠠᠬᠰᠠᠨ ᠳᠠᠬᠰᠢᠭᠤᠷ ᠢ ᠵᠠᠰᠠᠨᠠ᠃
● ᠴᠠᠢ᠂ ᠨᠦᠢᠳᠠᠨ ᠭᠠ ᠳᠤᠰᠪᠤᠷᠢ 25 ᠭᠷᠡᠮ᠂ ᠡᠳᠡᠭᠡᠷ ᠠᠴᠠ ᠤᠳᠠᠭᠠ ᠪᠦᠷᠢ 6 ᠭᠷᠡᠮ ᠢ ᠪᠦᠷᠢᠵᠤ ᠤᠤᠭᠤᠪᠠᠯ ᠰᠠᠯᠬᠢ
ᠬᠦᠢᠳᠡᠨ ᠠᠴᠠ ᠪᠤᠯᠤᠬᠰᠠᠨ ᠳᠠᠬᠰᠢᠭᠤᠷ᠂ ᠳᠠᠭᠠᠷᠠᠳᠠᠰᠤ ᠬᠦᠷᠴᠤ ᠬᠠᠯᠠᠭᠤᠷᠠᠬᠤ ᠶᠢ ᠵᠠᠰᠠᠬᠤ ᠤᠢᠢᠯᠡᠳᠤᠯ ᠲᠠᠢ᠃
● ᠴᠠᠢ 9 ᠭᠷᠡᠮ᠂ ᠨᠦᠢᠳᠠᠨ ᠭᠠ 5 ᠬᠡᠷᠴᠢᠮᠡᠯ᠂ ᠳᠤᠯᠤᠨᠤ 20 ᠭᠷᠡᠮ ᠢ ᠤᠰᠤᠨ ᠳᠤ ᠴᠢᠨᠠᠵᠤ᠂ ᠳᠡᠭᠡᠷᠠ ᠨᠢ ᠵᠤᠬᠢᠬᠤ
ᠬᠡᠮᠵᠢᠶᠡᠨ ᠤ ᠴᠠᠭᠠᠨ ᠰᠢᠬᠢᠷ ᠨᠠᠮᠠᠵᠤ ᠤᠤᠭᠤᠪᠠᠯ ᠡᠰᠡ ᠰᠢᠩᠭᠡᠭᠰᠡᠨ ᠠᠴᠠ ᠪᠤᠯᠵᠤ ᠰᠠᠭᠤᠯᠭᠠᠬᠤ ᠶᠢ ᠵᠤᠬᠰᠤᠭᠠᠨᠠ᠃
● ᠴᠠᠢ 6 ᠭᠷᠡᠮ᠂ ᠪᠤᠷᠤ ᠮᠠᠭᠠᠵᠢ ᠶᠢᠨ ᠨᠠᠪᠴᠢ᠂ ᠬᠠᠷᠠ ᠵᠢᠷᠦ᠋ᠭᠪᠡ᠂ ᠨᠦᠢᠳᠠᠨ ᠭᠠ ᠳᠤᠰᠪᠤᠷᠢ 10 ᠭᠷᠡᠮ᠂ ᠪᠤᠷᠠᠮ 30
ᠭᠷᠡᠮ ᠢ ᠤᠰᠤᠨ ᠳᠤ ᠴᠢᠨᠠᠵᠤ ᠤᠤᠭᠤᠪᠠᠯ ᠰᠠᠯᠬᠢ ᠬᠦᠢᠳᠡᠨ ᠠᠴᠠ ᠬᠢᠮᠤᠷᠠᠬᠰᠠᠨ ᠳᠠᠬᠰᠢᠭᠤᠷ᠂ ᠳᠠᠭᠠᠷᠠᠳᠠᠰᠤ ᠬᠦᠷᠬᠦ᠂ ᠪᠦᠬᠦ ᠪᠡᠶᠠ ᠡᠪᠡᠳᠬᠦ᠂ ᠳᠤᠯᠤᠭᠠᠢ ᠡᠪᠡᠳᠬᠦ ᠵᠡᠷᠭᠡ ᠶᠢ ᠵᠠᠰᠠᠨᠠ᠃
● ᠡᠬᠡᠬᠦᠨ ᠴᠠᠢ ᠪᠠᠷ ᠠᠮᠠ ᠪᠠᠨ ᠵᠠᠶᠢᠯᠠᠪᠠᠯ ᠠᠮᠠᠨ ᠬᠦᠡᠳᠡᠢ ᠶᠢᠨ ᠦᠷᠪᠢᠰᠤᠯ᠂ ᠰᠢᠩᠭᠡᠭᠡᠯᠳᠡ ᠮᠠᠭᠤᠳᠠᠬᠰᠠᠨ ᠪᠤᠶᠤ ᠰᠤᠩᠬᠢᠨᠠ ᠰᠠᠷᠢᠮᠰᠠᠬ ᠢᠳᠡᠭᠰᠡᠨ ᠠᠴᠠ ᠡᠭᠦᠰᠦᠭᠰᠡᠨ ᠦᠮᠡᠭᠡᠢ ᠦᠨᠤᠷ ᠢ ᠳᠠᠷᠤᠨᠠ᠃
● ᠴᠠᠢ᠂ ᠤᠪᠤᠭᠠ ᠨᠤᠭᠤᠭᠠ ᠶᠢᠨ ᠴᠡᠴᠡᠭ ᠳᠤᠰᠪᠤᠷᠢ 25 ᠭᠷᠡᠮ ᠢ ᠬᠠᠮᠳᠤ ᠳᠤᠨᠢ ᠡᠬᠡᠬᠦᠨ ᠰᠢᠭ ᠴᠢᠨᠠᠵᠤ᠂ ᠡᠳᠤᠷ ᠲᠤ
3 ᠬᠤᠪᠢᠶᠠᠵᠤ ᠬᠤᠭᠤᠯᠠ ᠠᠴᠠ ᠪᠠᠨ ᠡᠮᠤᠨᠠ ᠤᠤᠭᠤᠪᠠᠯ ᠰᠢᠭᠡᠯᠭᠡᠬᠦ ᠤᠢᠢᠯᠡᠳᠤᠯ ᠲᠠᠢ ᠪᠦᠭᠡᠳ ᠳᠠᠪᠤᠰᠠᠩ ᠤᠨ ᠦᠷᠪᠢᠰᠤᠯ ᠪᠤᠯᠤᠨ ᠰᠢᠭᠡᠰᠤᠨ ᠵᠠᠮ ᠤᠨ ᠬᠠᠯᠳᠠᠪᠤᠷᠢᠯᠠᠯ ᠡᠪᠡᠳᠴᠢᠨ ᠢ ᠵᠠᠰᠠᠨᠠ᠃
● ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠨᠤᠭᠤᠭᠠᠨ ᠴᠠᠢ᠂ ᠪᠠᠶᠢᠪᠠᠩ᠂ ᠢᠳᠡᠭᠡᠨ ᠤ ᠼᠤᠤ ᠵᠡᠷᠭᠡ ᠶᠢ ᠬᠠᠮᠳᠤ ᠳᠤᠨᠢ ᠬᠤᠯᠢᠵᠤ
ᠨᠠᠶᠢᠯᠡᠭᠦᠯᠤᠭᠡᠳ ᠬᠦᠯ ᠤᠨ ᠪᠠᠯᠴᠢᠷ ᠳᠡᠭᠡᠷᠠ ᠨᠠᠭᠠᠪᠠᠯ ᠠᠮᠠ ᠬᠡᠯᠡ ᠳᠡᠭᠡᠷᠠ ᠭᠠᠷᠤᠬᠰᠠᠨ ᠶᠠᠷᠠ ᠶᠢ ᠡᠮᠨᠡᠨ ᠵᠠᠰᠠᠬᠤ ᠤᠢᠢᠯᠡᠳᠤᠯ ᠨᠢ ᠨᠡᠯᠢᠶᠡᠳ ᠰᠠᠶᠢᠨ ᠪᠠᠶᠢᠳᠠᠬ᠃
● ᠨᠤᠭᠤᠭᠠᠨ ᠴᠠᠢ 10 ᠭᠷᠡᠮ᠂ ᠪᠤᠳᠠᠭᠠᠨ ᠼᠤᠤ 100 ᠮᠢᠯᠢᠯᠢᠲᠷ᠂ ᠭᠠ᠂ ᠰᠢᠬᠢᠷ ᠡᠪᠡᠰᠤ ᠳᠤᠰᠪᠤᠷᠢ ᠵᠤᠬᠢᠬᠤ
ᠬᠡᠮᠵᠢᠶᠠ ᠲᠠᠢ ᠬᠢᠵᠤ᠂ ᠬᠠᠮᠳᠤ ᠳᠤᠨᠢ ᠤᠰᠤᠨ ᠳᠤ ᠴᠢᠨᠠᠵᠤ ᠤᠤᠭᠤᠪᠠᠯ ᠳᠤᠭᠤᠯᠠᠭᠤᠯᠬᠤ ᠶᠢ ᠵᠠᠰᠠᠨᠠ᠃
● ᠴᠠᠢ 5 ᠭᠷᠡᠮ᠂ ᠴᠤᠭᠤᠷ ᠨᠤᠭᠤᠭᠠ 300 ᠭᠷᠡᠮ ︵ᠵᠢᠵᠢᠭ ᠭᠡᠰᠡᠭ ᠪᠤᠯᠭᠠᠨ ᠬᠡᠷᠴᠢᠨᠠ︶ ᠢ ᠪᠦᠷᠢᠵᠤ᠂ ᠳᠡᠭᠡᠷᠠ ᠨᠢ
ᠵᠦᠭᠡᠢ ᠶᠢᠨ ᠪᠠᠯ ᠬᠤᠯᠢᠵᠤ ᠤᠤᠭᠤᠪᠠᠯ᠂ ᠯᠤᠬᠰᠢᠭᠤᠨ ᠰᠤᠳᠠᠯ ᠤᠨ ᠬᠠᠳᠠᠭᠤᠷᠠᠯ᠂ ᠡᠷᠳᠡ ᠶᠢᠨ ᠬᠤᠭᠤᠴᠠᠭᠠᠨ ᠤ ᠴᠢᠰᠤᠨ ᠳᠠᠷᠤᠯᠳᠠ ᠦᠡᠳᠤᠷ
ᠡᠪᠡᠳᠴᠢᠨ᠂ ᠮᠡᠳᠡᠷᠡᠯ ᠤᠨ ᠳᠤᠷᠦ᠋ᠢᠳᠠᠯ ᠢ ᠵᠠᠰᠠᠵᠤ᠂ ᠬᠠᠯᠠᠭᠤᠨ ᠢ ᠳᠠᠷᠤᠨ᠂ ᠰᠡᠳᠬᠢᠯ ᠢ ᠳᠠᠶᠢᠪᠤᠰᠢᠷᠠᠭᠤᠯᠵᠤ᠂ ᠴᠢᠰᠤᠨ ᠦᠭᠡᠬᠦ ᠶᠢ
ᠪᠠᠭᠤᠷᠠᠭᠤᠯᠬᠤ ᠤᠢᠢᠯᠠᠳᠤᠯ ᠲᠠᠢ᠃
● ᠴᠠᠢ 5 ᠭᠷᠡᠮ᠂ ᠴᠠᠭᠠᠨ ᠯᠤᠤᠪᠠᠩ 100 ᠭᠷᠡᠮ᠂ ᠴᠠᠭᠠᠨ ᠯᠤᠤᠪᠠᠩ ᠢᠶᠠᠨ ᠰᠢᠯᠵᠡᠷᠡᠳᠡᠯᠠ ᠴᠢᠨᠠᠵᠤ᠂ ᠤᠳᠠᠭᠠ ᠪᠦᠷᠢ
50 ᠭᠷᠡᠮ ᠴᠠᠭᠠᠨ ᠯᠤᠤᠪᠠᠩ ᠢ 2.5 ᠭᠷᠡᠮ ᠴᠠᠢ ᠲᠠᠢ ᠬᠠᠮᠳᠤ ᠪᠦᠷᠢᠵᠤ᠂ ᠳᠡᠭᠡᠷᠠ ᠨᠢ ᠪᠠᠭᠠ ᠵᠦᠭᠡᠢ ᠶᠢᠨ ᠪᠡᠯ ᠬᠢᠵᠤ ᠤᠤᠭᠤᠪᠠᠯ
ᠬᠠᠨᠢᠶᠠᠯᠭᠠᠵᠤ ᠴᠡᠷ ᠠᠷᠪᠢᠨ ᠭᠠᠷᠬᠤ᠂ ᠤᠳᠠᠭᠠᠨ ᠴᠢᠨᠠᠷᠳᠠᠢ ᠰᠠᠯᠪᠤᠷᠢ ᠮᠦᠭᠡᠷᠰᠤᠨ ᠬᠤᠭᠤᠯᠠᠢ ᠶᠢᠨ ᠦᠷᠪᠢᠰᠤᠯ᠂ ᠰᠢᠩᠭᠡᠭᠡᠯᠳᠡ ᠮᠠᠭᠤᠳᠠᠬᠰᠠᠨ ᠡᠪᠡᠳᠴᠢᠨ ᠪᠤᠯᠤᠨ ᠡᠯᠠ ᠵᠦᠢᠯ ᠤᠨ ᠦᠮᠡᠨ ᠢ ᠵᠠᠰᠠᠬᠤ ᠳᠤ ᠳᠤᠰᠠᠳᠠᠢ᠃
● ᠨᠤᠭᠤᠭᠠᠨ ᠴᠠᠢ 5 ᠭᠷᠡᠮ᠂ ᠭᠠᠰᠢᠭᠤᠨ ᠬᠡᠮᠬᠡ ᠶᠢᠨ ᠡᠰᠢ 10 ᠭᠷᠡᠮ᠂ ᠡᠳᠡᠭᠡᠷ ᠢ ᠪᠤᠴᠠᠯᠤᠬᠰᠠᠨ ᠤᠰᠤ ᠪᠠᠷ ᠪᠦᠷᠢᠵᠤ
ᠤᠤᠭᠤᠪᠠᠯ ᠵᠠᠯᠬᠢᠭᠤᠷ ᠳᠦᠪᠤᠩᠭᠡᠢ ᠶᠢᠨ ᠦᠷᠪᠢᠰᠤᠯ᠂ ᠬᠦᠢᠯᠡᠰᠦᠯᠢᠭ ᠴᠤᠬᠴᠠ ᠶᠢᠨ ᠦᠷᠪᠢᠰᠤᠯ ᠢ ᠳᠠᠷᠤᠵᠤ᠂ ᠤᠮᠳᠠᠭᠠᠰᠴᠤ ᠳᠤᠳᠤᠷ ᠪᠠᠴᠢᠮᠳᠠᠬᠤ ᠂ ᠰᠢᠭᠡᠰᠤ ᠴᠢᠪᠳᠠᠬᠰᠢᠬᠤ ᠶᠢ ᠵᠠᠰᠠᠬᠤ ᠳᠤ ᠳᠤᠰᠠᠳᠠᠢ᠃
● ᠴᠠᠢ 10 ᠭᠷᠡᠮ᠂ ᠪᠠᠨᠠᠨᠠ 50 ᠭᠷᠡᠮ ︵ᠬᠡᠷᠴᠢᠨᠠ︶᠂ ᠵᠦᠭᠡᠢ ᠶᠢᠨ ᠪᠠᠯ ᠵᠤᠬᠢᠬᠤ ᠬᠡᠮᠵᠢᠶᠠ᠂ ᠡᠳᠡᠭᠡᠷ ᠢ
ᠬᠠᠮᠳᠤ ᠳᠤᠨᠢ ᠪᠤᠴᠠᠯᠤᠬᠰᠠᠨ ᠤᠰᠤ ᠪᠠᠷ ᠪᠦᠷᠢᠵᠤ ᠤᠤᠭᠤᠪᠠᠯ ᠴᠢᠰᠤᠨ ᠳᠠᠷᠤᠯᠳᠠ ᠦᠡᠳᠤᠷᠵᠢᠭᠰᠡᠨ᠂ ᠲᠢᠳᠢᠮ ᠯᠤᠬᠰᠢᠭᠤᠨ ᠰᠤᠳᠠᠯ ᠤᠨ ᠴᠢᠨᠠᠷᠳᠠᠢ ᠵᠢᠷᠤᠬᠡᠨ ᠡᠪᠡᠳᠴᠢᠨ᠂ ᠯᠤᠬᠰᠢᠭᠤᠨ ᠰᠤᠳᠠᠯ ᠤᠨ ᠬᠠᠳᠠᠭᠤᠷᠠᠯ ᠵᠡᠷᠭᠡ ᠶᠢ ᠵᠠᠰᠠᠬᠤ ᠳᠤ ᠳᠤᠰᠠᠳᠠᠢ᠃
● ᠬᠠᠷᠠ ᠴᠠᠢ 3 ᠭᠷᠡᠮ᠂ ᠳᠤᠰᠢᠯᠤᠬ 100 ᠭᠷᠡᠮ ︵ᠬᠡᠷᠴᠢᠨᠠ︶᠂ ᠤᠯᠠᠭᠠᠨ ᠴᠢᠪᠠᠭᠠ 10 ᠭᠷᠡᠮ ᠢ ᠪᠤᠴᠠᠯᠤᠬᠰᠠᠨ
ᠤᠰᠤ ᠪᠠᠷ ᠪᠦᠷᠢᠵᠤ ᠤᠤᠭᠤᠪᠠᠯ ᠳᠡᠯᠢᠭᠦᠤ ᠶᠢ ᠴᠢᠬᠢᠷᠠᠬᠵᠢᠭᠤᠯᠤᠨ᠂ ᠬᠤᠳᠤᠭᠤᠳᠤ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠬᠤᠤᠷᠠ ᠶᠢ ᠳᠠᠶᠢᠯᠤᠨ᠂ ᠦᠮᠠᠨ ᠢ ᠡᠰᠡᠷᠭᠦᠴᠡᠬᠦ ᠤᠢᠢᠯᠠᠳᠤᠯ ᠲᠠᠢ ᠳᠤᠯᠠ ᠦᠮᠠᠨ ᠤᠯᠤᠬᠰᠠᠨ ᠡᠪᠡᠳᠴᠢᠳᠡᠨ ᠦᠷᠭᠦᠯᠵᠢ ᠤᠤᠭᠤᠪᠠᠯ ᠰᠠᠶᠢᠨ ᠶᠤᠮ᠃
● ᠨᠤᠭᠤᠭᠠᠨ ᠴᠠᠢ 2 ᠭᠷᠡᠮ᠂ ᠠᠯᠳᠠ ᠮᠦᠩᠭᠦᠨ ᠴᠡᠴᠡᠭ 20 ᠭᠷᠡᠮ᠂ ᠰᠢᠬᠢᠷ ᠡᠪᠡᠰᠤ 5 ᠭᠷᠡᠮ ᠢ ᠪᠤᠴᠠᠯᠤᠬᠰᠠᠨ
ᠤᠰᠤ ᠪᠠᠷ ᠪᠦᠷᠢᠵᠤ ᠤᠤᠭᠤᠪᠠᠯ ᠬᠠᠯᠠᠭᠤᠨ ᠢ ᠠᠷᠢᠯᠭᠠᠵᠤ᠂ ᠬᠤᠤᠷᠠ ᠶᠢ ᠳᠠᠶᠢᠯᠤᠨ᠂ ᠦᠮᠡᠨ ᠬᠠᠪᠤᠳᠡᠷ ᠢ ᠰᠡᠷᠭᠡᠶᠢᠯᠡᠨ ᠳᠠᠷᠤᠬᠤ
ᠤᠢᠢᠯᠡᠳᠤᠯ ᠲᠠᠢ ᠳᠤᠯᠠ ᠶᠡᠷᠤ ᠳᠡᠭᠡᠨ ᠠᠭᠤᠰᠬᠢᠨ ᠦᠮᠡᠨ᠂ ᠬᠤᠳᠤᠭᠤᠳᠤᠨ ᠦᠮᠡᠨ ᠢ ᠵᠠᠰᠠᠬᠤ ᠳᠤ ᠦᠷᠭᠦᠯᠵᠢ ᠤᠤᠭᠤᠪᠠᠯ ᠰᠠᠶᠢᠨ ᠶᠤᠮ᠃
● ᠨᠤᠭᠤᠭᠠᠨ ᠴᠠᠢ 6 ᠭᠷᠡᠮ᠂ ᠬᠢᠰᠢᠬᠦᠨᠠ 3 ᠭᠷᠡᠮ ᠢ ᠬᠠᠮᠳᠤ ᠳᠤᠨᠢ ᠪᠤᠴᠠᠯᠤᠬᠰᠠᠨ ᠤᠰᠤ ᠪᠠᠷ ᠪᠦᠷᠢᠵᠤ ᠤᠤᠭᠤᠪᠠᠯ
ᠴᠢᠰᠤᠨ ᠦᠭᠡᠬᠦ ᠶᠡᠭᠡᠳᠦᠭᠰᠡᠨ ᠭᠡᠮ ᠢ ᠵᠠᠰᠠᠨ᠂ ᠮᠠᠷᠢᠶᠠ ᠶᠢ ᠰᠢᠭᠤᠷᠠᠭᠤᠯᠬᠤ ᠳᠤ ᠳᠤᠰᠠᠳᠠᠢ᠃
● ᠴᠠᠢ 3 ᠭᠷᠡᠮ᠂ ᠤᠷᠬᠤᠳᠠᠢ 9 ᠭᠷᠡᠮ ︵ᠨᠢᠮᠬᠡᠨ ᠬᠡᠷᠴᠢᠨᠠ︶᠂ ᠡᠳᠡᠭᠡᠷ ᠢ ᠬᠠᠮᠳᠤ ᠳᠤᠨᠢ ᠳᠤᠭᠤᠭᠠᠨ ᠳᠤ ᠬᠢᠵᠤ
ᠳᠡᠭᠡᠷᠠ ᠨᠢ ᠬᠤᠶᠠᠷ ᠠᠶᠠᠭᠠ ᠤᠰᠤ ᠨᠡᠮᠡᠵᠤ ᠪᠤᠴᠠᠯᠭᠠᠭᠠᠳ ᠬᠠᠭᠠᠰ ᠬᠢᠷᠢᠳᠠᠢ ᠰᠢᠷᠬᠢᠭᠰᠡᠨ ᠤ ᠳᠠᠷᠠᠭᠠ ᠳᠤᠩᠭᠠᠵᠤ ᠤᠤᠭᠤᠨᠠ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠳᠠᠮᠢᠷ ᠢ ᠨᠦᠬᠦᠵᠤ᠂ ᠠᠷᠭᠠ ᠶᠢ ᠴᠢᠬᠢᠷᠠᠬᠵᠢᠭᠤᠯᠤᠨ᠂ ᠡᠷᠠ ᠪᠡᠯᠭᠡ ᠶᠢ ᠴᠢᠩᠭᠠᠷᠠᠭᠤᠯᠬᠤ ᠤᠢᠢᠯᠡᠳᠤᠯ ᠲᠠᠢ᠃ ᠡᠭᠦᠨ ᠢ ᠶᠡᠷᠤ ᠳᠡᠭᠡᠨ
ᠡᠷᠠ ᠪᠡᠯᠭᠡ ᠰᠤᠯᠠᠷᠠᠬᠰᠠᠨ ᠪᠠ ᠡᠷᠠ ᠪᠡᠯᠭᠡ ᠶᠢᠨ ᠴᠢᠳᠠᠯ ᠪᠠᠭᠤᠷᠠᠬᠰᠠᠨ᠂ ᠬᠤᠷᠢᠴᠡᠯ ᠤᠨ ᠠᠵᠢᠯᠯᠠᠭᠠ ᠳᠤᠷᠦ᠋ᠢᠳᠠᠬᠰᠠᠨ ᠬᠦᠮᠤᠰ ᠦᠷᠭᠦᠯᠵᠢ ᠤᠤᠭᠤᠪᠠᠯ ᠮᠠᠰᠢ ᠰᠠᠶᠢᠨ ᠪᠠᠶᠢᠵᠤ᠂ ᠡᠷᠠ ᠪᠡᠯᠭᠡ ᠶᠢᠨ ᠴᠢᠳᠠᠪᠤᠷᠢ ᠶᠢ ᠨᠢ ᠰᠠᠶᠢᠵᠢᠷᠠᠭᠤᠯᠬᠤ ᠳᠤ ᠳᠤᠰᠠᠳᠠᠢ ᠶᠤᠮ᠃