-
379959
ᠴᠡᠴᠡᠭ ᠲᠡᠭᠦᠶᠡ︵ ᠬᠡᠤᠬᠡᠳ ᠤᠨ ᠲᠠᠭᠤᠨ ᠣ ᠦᠭᠡ︶
2017-03-05 11:57
525
0
ᠴᠡᠴᠡᠭ ᠲᠡᠭᠦᠶᠡ
ᠠᠭᠤᠳᠠᠮ ᠲᠠᠯᠠ ᠵᠢᠨ ᠡᠩᠭᠡᠷ ᠲᠡᠭᠡᠷᠡ
ᠠᠯᠠᠭ ᠴᠡᠴᠡᠭ ᠮᠢᠷᠠᠯᠵᠠᠨ ᠲᠡᠯᠭᠡᠷᠡᠵᠡᠢ
ᠠᠨᠳᠠ ᠨᠠᠷ ᠴᠤᠭ ᠲᠤ ᠪᠠᠨ ᠨᠠᠭᠠᠳᠤᠨ
ᠠᠩᠬᠢᠯᠤᠮᠠ ᠴᠡᠴᠡᠭ ᠲᠡᠭᠦᠬᠦ ᠪᠡᠷ ᠤᠴᠢᠵᠠᠭᠠᠶᠠ
ᠠᠯᠢ ᠰᠠᠶᠢᠬᠠᠨ ᠢ ᠨᠢ ᠲᠡᠭᠦᠭᠡᠳ
ᠠᠪᠤ ᠡᠵᠢ ᠳᠦ ᠪᠡᠨ ᠵᠡᠭᠦᠯᠭᠡᠶᠡ
ᠠᠶᠠᠯᠭᠤ ᠲᠠᠭᠤᠨ ᠵᠢᠡᠨ ᠪᠠᠷᠢᠭᠠᠳ
ᠠᠷᠪᠢᠨ ᠪᠠᠶᠠᠰᠤᠯ ᠬᠦᠷᠳᠡᠶᠡ
ᠬᠦᠳᠡᠭᠡ ᠬᠡᠬᠡᠷᠡ ᠵᠢᠨ ᠪᠡᠯᠴᠢᠭᠡᠷ ᠲᠡᠭᠡᠷᠡ
ᠬᠦᠬᠡ ᠴᠡᠴᠡᠭ ᠨᠠᠶᠢᠭᠤᠨ ᠮᠦᠰᠢᠶᠡᠵᠡᠢ
ᠬᠦᠷ ᠪᠠᠶᠠᠷ ᠲᠠᠢ ᠪᠡᠷ ᠲᠤᠭᠯᠠᠨ
ᠬᠠᠩᠬᠤᠯᠤᠮᠠ ᠬᠤᠸᠠᠷ ᠤᠯᠬᠤ ᠪᠡᠷ ᠬᠦᠷᠵᠡᠭᠡᠶᠡ
ᠬᠠᠮᠤᠭ ᠰᠠᠶᠢᠬᠠᠨ ᠢ ᠨᠢ ᠠᠪᠴᠢᠷᠠᠭᠠᠳ
ᠬᠠᠶᠢᠷᠠᠳᠤ ᠪᠠᠭᠰᠢ ᠳᠤ ᠪᠠᠨ ᠪᠡᠯᠭᠡᠯᠡᠶᠡ
ᠬᠠᠯᠭᠤᠨ ᠮᠡᠨᠳᠦᠴᠢᠯᠡᠯ ᠬᠦᠷᠭᠡᠭᠡᠳ
ᠬᠦᠰᠡᠯᠳᠡᠢ ᠰᠠᠶᠢᠰᠢᠶᠠᠯ ᠤᠯᠤᠶᠠ
ᠡᠮᠤᠨᠠ ᠤᠢ ᠵᠢᠨ ᠬᠤᠷᠮᠤᠢ ᠲᠡᠭᠡᠷᠡ
ᠦᠩᠭᠡ ᠵᠢᠨ ᠴᠡᠴᠡᠭ ᠭᠠᠩᠬᠤᠵᠠᠢ
ᠦᠷᠯᠦᠭᠡ ᠵᠢᠨ ᠰᠠᠶᠢᠬᠠᠨ ᠠᠮᠢᠰᠬᠤᠯ ᠳᠤ
ᠤᠷᠤᠯᠳᠤᠨ ᠪᠤᠰᠤᠨ ᠲᠡᠭᠦᠶᠡ
ᠬᠤᠨᠳᠠᠨ ᠴᠡᠴᠡᠭ ᠢ ᠨᠢ ᠤᠯᠤᠭᠠᠳ
ᠬᠢᠴᠢᠶᠡᠯ ᠦᠨ ᠭᠡᠷ ᠵᠢᠡᠨ ᠴᠢᠮᠡᠭᠯᠡᠶᠡ
ᠨᠤᠭᠤᠭᠠᠨ ᠨᠠᠪᠴᠢ ᠵᠢ ᠨᠢ ᠦᠯᠡᠳᠡᠭᠡᠳ
ᠬᠡᠬᠡᠷᠡ ᠵᠢᠨ ᠰᠠᠯᠬᠢᠨ ᠵᠢᠡᠷ ᠦᠨᠦᠰᠦᠭᠦᠯᠦᠶᠡ
ᠬᠤᠶᠢᠳᠦ ᠵᠦ᠋ ᠵᠢᠨ ᠮᠠᠩᠨᠠᠢ ᠲᠡᠭᠡᠷᠡ
ᠬᠠᠶᠢᠷᠬᠠᠨ ᠴᠡᠴᠡᠭ ᠰᠠᠵᠢᠯᠠᠵᠠᠢ
ᠡᠷᠪᠡᠬᠡᠢ ᠵᠢᠨ ᠵᠢᠭᠦᠷ ᠲᠠᠢ ᠮᠦᠷᠦᠶᠢᠴᠡᠨ
ᠡᠪᠤᠷ ᠲᠡᠭᠡᠷᠡ ᠪᠡᠨ ᠨᠠᠭᠠᠯᠳᠤᠭᠤᠯᠤᠨ ᠠᠪᠴᠢᠷᠠᠶᠠ
ᠪᠠᠬᠠᠳᠠᠢ ᠲᠠᠭᠤᠷᠢᠶᠠᠵᠤ ᠴᠡᠴᠡᠭ ᠵᠢᠷᠤᠭᠠᠳ
ᠪᠠᠭᠰᠢ ᠠᠬᠠᠮᠠᠳ ᠲᠤ ᠪᠠᠨ ᠡᠷᠭᠦᠶᠡ
ᠪᠠᠯ ᠪᠤᠷᠠᠮ ᠰᠢᠭ᠋ ᠮᠡᠳᠡᠯᠭᠡ ᠰᠤᠷᠤᠭᠠᠳ
ᠴᠡᠴᠡᠭ ᠵᠢᠡᠷ ᠱᠠᠩᠨᠠᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠶᠠ᠃
